Obyektlər və Girişə Nəzarət. Fiziki təhlükəsizlik Müştəri Məlumatlarının qorunmasının əsas aspektidir. IBM sistem aktivlərinə və infrastruktur komponentlərinə girişi məhdudlaşdırmaq üçün girişə nəzarət mexanizmlərindən istifadə edir. Açarlar, şifrəli kilidlər, girişə elektron nəzarət sistemləri, qorunan giriş məntəqələri və, bəzi hallarda, biometrik nəzarət mexanizmləri birlikdə IBM-in istifadə edə biləcəyi girişə fiziki nəzarət vasitələrinə nümunədir. Girişə Nəzarət (“GN”) Sahəsi IBM-ə məxsus olmayan obyektdə yerləşdiyi hallarda, təhlükəsizliyə dair tələblər ətraflı şəkildə müqavilə ilə təsbit olunur və bu cür obyektin sahibi həmin tələblərə riayət etməyə dair razılaşır. GN-lər obyektlərin, məzmunun və insanların eyniləşdirilməsi və qorunması üçün İTBD tərəfindən müəyyən edilmiş meyarlar toplusuna uyğun olaraq təsnif edilir. GN-lərə giriş qeydə alınır və qeyd jurnalları IT təhlükəsizliyi üzrə tövsiyələrə uyğun olaraq ya avtomatik texniki alətlərin köməyilə, ya da manual qaydada nəzərdən keçirilir. Sənədlər, o cümlədən təhlükəsizliyin yoxlanılmasına dair təsdiqedici sənəd IBM-in dünya üzrə sənəd idarəetmə siyasətlərinə uyğun olaraq qorunub saxlanılmalıdır. Hər bir GN-in aşağıdakı təhlükəsizlik siyasətinə cavabdeh xxxx eyniləşdirilmiş sahibi vardır. GN-lərin məğul olduqları vaxt belə kilidlənməsi tələb olunur. Müvafiq sahə üçün səciyyəvi xxxx təhlükəsizlik prosedurları sənədləşdirilməli və sınaqdan keçirilməlidir. İşçilərə yalnız biznes cəhətdən əsaslandırılmış hallarda GN-lərə fiziki giriş icazəsi verilir. Şəxsin vəzifə funksiyalarından asılı olaraq, giriş hüququ obyektin yalnız bir hissəsinə verilə bilər.
