Utviklingsavtale HSF – VF – SFFK

Utviklingsavtale HSF – VF – SFFK

Avtalepartar

Høgskulen i Sogn og Fjordane (HSF) Vestlandsforsking (VF)

Sogn og Fjordane fylkeskommune (SFFK)

Forankring og mål

Kunnskapsutvikling er eit viktig verkemiddel for regional utvikling. Visjonen er samhandling av høg kvalitet mellom kunnskapsmiljø, offentleg forvaltning og brukargrupper.

Utviklingsavtalen bygger på ei slik felles forståing av kunnskapsutvikling og skal medverke til langsiktig kunnskapsbygging og –formidling på område som er sentrale for Sogn og Fjordane.

Samarbeidsavtalen er forankra i arbeidet med regional utvikling i Sogn og Fjordane slik dette er prioritert i gjeldande fylkesplan (oppdatert i fylkesplanmeldinga i 2010) og i strategiske utviklingsplanar ved HSF og VF. Føremålet er i tråd med dette også å medverke til institusjonsutvikling ved HSF og VF. Utviklingsavtalen er forankra politisk i FT-sak 34/10.

Arbeidet som vert gjennomført som del av avtalen skal vere vurdert som viktig i høve fylkeskommunen sitt regionale utviklingsarbeid og i institusjonsutvikling ved HSF / VF.

Innhald og gjennomføring.

INNHALD

Med utgangspunkt i fylkestingsak 34/10 og eit drøftingsmøte 28/6 2010 har Høgskulen i Sogn og Fjordane, Vestlandsforsking og Sogn og Fjordane fylkeskommune komme fram til at midlane i ein utviklingsavtale skal brukast innan desse aktivitetane:

1 Innovasjon

Midlane i utviklingsavtala vert brukte til å utvikle ny kunnskap om innovasjon i eit utkantsamfunn som Sogn og Fjordane.

2 Samhandling

Vestlandsforsking og Høgskulen i Sogn og Fjordane har skissert eit forskingsarbeid knytt til spørsmålet ”Kva skal kommunane gjere med samhandlingsreforma?” Det er føresett at representantar for kommunane og Helse Førde skal delta i utvikling av eit konkret prosjekt.

3 Omstilling

Midlane skal brukast til omstilling i reiselivsnæringa. Dei to forskingsinstitusjonane kan t.d. bruke utviklingsavtala til å delfinansiere eit 4-årig PhD-stipend (doktorgradsstipend) i Forskingssenter for berekraftig reiseliv knytt opp mot temaet ”andregenerasjons reiseliv i distrikts-norge”.

4 Formidling

Høgskulen og Vestlandsforsking skal formidle forsking som er viktig for samfunnsutvikling i Sogn og Fjordane. Partane er samde om å forsøke å kople aktiviteten til det fylkeskommunale initiativet ”Samfunnspegel for Sogn og Fjordane” og å inkludere nye tenester frå Fylkesarkivet.

Utgiftene opplista i budsjettet nedanfor er kalkulerte til meir enn ramma på 2 million kroner pr år. Det er ei felles forståing at fylkeskommunen sitt bidrag er avgrensa til den summen som går fram av vedtaket i fylkestinget i sak 34/10. Det er vidare ei felles forståing at dei kalkulerte summane i notatetet av 14/9 er retningsgjevande. Det krevst vidare arbeid for å planlegge konkret forskingsaktivitet og å arbeide for anna delfinansiering.

Budsjett – rammer og eksempel på innhald:
Temaområde	2011	2012	2013	2014	Sum
1.Innovasjon
	650	650	650	300	2250
2. Samhandling
* Helse - IT, fokus kommunane	500	550	600	650	2300
3. Omstilling
* Reiseliv	800	850	850	900	3400
4. Formidling	200	200	200	200	800
* Forskingsformidling jfr notat Xxxxx X.	100	100	100	100	400
5. ev nye tiltak pba planstrategi 2012		0	700	700	1400
Sum	2250	2350	3100	2850	10550
Total løyving	2000	2000	2000	2000	8000
Differanse	-250	-350	-1100	-850	-2550

GJENNOMFØRING / ARBEIDSFORM / TIDSAVGRENSING:

1 Utviklingsavtalen er forma som ei rammeavtale for 4 år (2011 – 2014).

2 Konkretisering av relevante tiltak skjer i årleg handlingsplan som blir utarbeidd av partane i fellesskap og konkludert seinast 20.februar. Partane involverer kvarandre på eit tidleg tidspunkt i utvikling av tiltak.

3 HSF og VF rapporterer skriftleg på årleg handlingsplan innan 1.februar påfølgande år.

ØKONOMI:

Fylkestinget har stilt til rådvelde kr 2.000.000 årleg for fireårsperioden.

XXXX:

Praktiseringa av denne avtalen skal ikkje komme i strid med god forvaltningsskikk når det gjeld regelverk for offentleg innkjøp / offentleg støtte.

Leikanger / Sogndal desember 2010

…………………	………………………	…………………………
Xxx Xxxxxxxx	Xxxxx Xxxxxxxx	Xxx Xxxxxxxx
Xxxx og Fjordane	Vestlandsforsking	Høgskulen i
fylkeskommune		Sogn og Fjordane