XİDMƏT MÜQAVİLƏSİ №_______ (sürücü xidməti göstərilməsinə dair)
5
XİDMƏT MÜQAVİLƏSİ №_______
(sürücü xidməti göstərilməsinə dair)
Bakı şəhəri «___» ________ 2017-ci il.
Hazırkı müqavilə bir tərəfdən direktor XXX XXX XXX oğlu şəxsində təmsil edilən “XXX” MMC (VÖEN: 00000000000) ilə (bundan sonra “Sifarişçi” adlandırılacaq) digər tərəfdən ZZZ ZZZ ZZZ oğlu/qızı (VÖEN: 000000000000) (bundan sonra “İcraçı” adlandırılacaq) arasında aşağıdakılar haqqında bağlanmışdır.
1. Müqavilənin predmeti.
1.1. İcraçı, Xxxxxxxxxxxx uzunmüddətli tapşırığı əsasında, ona (yaxud Sifarişçinin təyin etdiyi üçüncü şəxsə) mütəmadi sürücü (avtonəqliyyat vasitəsinin idarə edilməsi ilə əşyaların və ya sərnişinlərin daşınması və çatdırılması və s.) xidməti göstərir, Sifarişçi isə Xxxxxxxxx göstərdiyi mütəmadi xidmətin əvəzində ona (İcaçıya) aylıq xidmət haqqı ödəyir.
2. Sifarişçinin hüquq və vəzifələri.
2.1. Sifarişçinin hüquqları:
2.1.1. bu müqavilə ilə İcraçının üzərinə düşən funksiya və səlahiyyətlərə nəzarət etmək;
2.1.2. bu Müqavilə üzrə xidmətləri göstərməsi üçün İcraçının istifadəsinə avtonəqliyyat vasitəsini vermək;
2.1.3. Xxxxxxxxx vəzifələrinin yerinə yetirilməsində ona məlumat dəstəyi və lazımi göstərişlər vermək;
2.1.4. İcraçının xidmətlərinin nəticələrinə görə Xxxxxxxxxxx dəymiş zərərin, habelə iddiaların əvəzinin, habelə xidmətdəki pozuntulara görə İcarçıya hesablanmış cərimələrin əvvəlcədən məlumat verməklə, Xxxxxxxxx aylıq xidmət haqqından tutmaq (ən xxx aylıq xidmət haqqının __%-i həcmində);
2.1.5. İcraçı tərəfindən həyata keçirilən, Sifarişçinin müəssisədaxili davranış qaydalarına, maraqlarına uyğun gəlmədiyini hesab etdiyi, Sifarişçinin işgüzar nüfuzuna xələl gətirə bilən hərəkətlər olduğu halda, İcraçını 10 gün əvvəlcədən xəbərdar etməklə birtərəfli qaydada bu müqaviləni ləğv etmək. Bu halda İcraçıya onun Müqavilənin ləğv edildiyi anadək göstərdiyi və haqqı ödənilməmiş xidmətlərə görə xidmət haqqı hesablanır və ödənilir;
2.1.6. İcraçıya bu Müqavilənin müddəaları çərçivəsində digər tapşırıqlar vermək.
2.2. Sifarişçinin vəzifələri:
2.2.1. İcraçının göstərdiyi xidmətlər ilə əlaqədar bu Müqavilənin qüvvəyə minmə tarixindən etibarən İcraçıya müraciət etmək və məlumatlar təqdim etmək;
2.2.2. Təqdim etdiyi avtonəqliyyat vasitəsinin sazlığına nəzarət etmək, yanacaq və digər ləvazimatları, zəruri texniki baxışını, təmirini, saxlanılması üçün müvafiq yeri (qaraj), avtonəqliyyat vasitəsinin istifadəsinə görə yaranan borcların ödənilməsini (İcraçının təqsiri ilə dəymiş zərər və yaranmış borclar 100 % həcmdə İcraçının hesabına ödənilir) təmin etmək;
2.2.3. Avtonəqliyyat vasitəsinin İcraçıya təhkim olunması və İcraçıdan xxxx təhvil alınması zamanı müvafiq sənədləşmənin aparılmasını təmin etmək;
2.2.4. İcraçıya Müqavilə ilə müəyyən edilmiş qaydada xidmət haqqını ödəmək və xidmət haqqından tutulan vergi və digər ödənişləri İcraçının əvəzinə aidiyyatı üzrə ödəmək.
2.2.5. Hər hansı üçüncü tərəf yanında İcraçının işgüzar nüfuzuna xələl gətirən, onu nüfuzdan salmağa yönəlmiş istənilən hərəkətləri etməmək.
3. İcraçının hüquq və vəzifələri.
3.1. İcraçının hüquqları:
3.1.1. Sifarişçiyə (onun təyin etdiyi şəxsə) sürücü xidməti göstərmək, Sifarişçinin müraciəti üzrə xidmətin göstərilməsi ilə əlaqədar digər hərəkətləri etmək;
3.1.2. bu müqavilə çərçivəsində göstərdiyi xidmətə görə Sifarişçidən xidmət haqqı almaq;
3.1.3. Avtonəqliyyat vasitəsinin İcraçıya təhkim olunması və İcraçıdan xxxx təhvil alınması zamanı müvafiq sənədləşmənin aparılmasını, avtonəqliyyat vasitəsindən maneəsiz istifadə olunması məqsədi ilə onun sənədlərinin hüquqi tamlığının, saz vəziyyətdə saxlanılmasının, yanacaq və digər zəruri ləvazimatlar ilə təmin olunmasının, borclarının vaxtında ödənilməsinin, qaraj yeri ilə təmin olunmasının təmin edilməsini Sifarişçidən tələb etmək;
3.1.4. Müqavilə üzrə hüquq münasibətlərinə xitam verildikdə, müqavilənin ləğv edilməsi anınadək icra edilmiş və dəyəri ödənilməmiş xidmətlərə görə xidmət haqqının ödənilməsini Sifarişçidan tələb etmək;
3.1.5. qanunla və bu Müqavilə ilə nəzərdə tutulmuş digər hüquqlardan istifadə etmək.
3.2. İcraçının vəzifələri:
3.2.1. öz fəaliyyətini bu Müqavilə əsasında, Sifarişçinin öz işçiləri üçün nəzərdə tutulan müəssisədaxili (nizam-intizam) davranış qaydalarına və qanunvericiliyin tələblərinə uyğun təşkil etmək;
3.2.2. Avtonəqliyyat vasitəsinin idarə edilməsi üçün tələb olunan peşə vərdişlərini icra etmək və sağlamlıq vəziyyətini təmin etmək, sürücülük vəsiqəsini və digər zəruri sənədləri daim yanında gəzdirmək, təhlükəsizlik qaydalarına riayət etmək;
3.2.3. Sifarişçinin üçüncü şəxslər qarşısında öhdəliklərinin yaranmasına səbəb ola biləcək hər hansı bir fəaliyyət göstərməmək;
3.2.4. bu Müqavilə üzrə fəaliyyətini Sifarişçinin maraqları çərçivəsində qurmaq və bu Müqavilə ilə onun üzərinə düşən öhdəliklərdən kənara çıxmamaq;
3.2.5. Sifarişçi tərəfindən bu Müqavilənin müddəaları çərçivəsində verilən digər tapşırıqları yerinə yetirmək, göstərişlərə riayət etmək;
3.2.6. Sifarişçinin təqdim etdiyi avtonəqliyyat vasitəsinin, avtonəqliyyat vasitəsinə dair sənədlərin, ləvazimatların, digər maddi dəyərlilərin sağlam (saz) vəziyyətdə saxlanmasını, yanacağın və digər tükənən vasitələrin yalnız xidmətin göstərilməsi məqsədləri üçün istifadə edilməsini (tükədilməsini) təmin etmək;
3.2.7. Baş vermiş hər hansı qəza və ya xoşagəlməz hadisə, yaranmış mübahisə, çatışmazlıq və ya qüsur halında Sifarişçiyə dərhal məlumat vermək;
3.2.8. Xidmətin göstərilməsi xxxxxx xxxxx olunan qüsurları Sifarişçinin müvafiq müraciətini aldıqdan sonra 3 iş günü ərzində aradan qaldırılmasını təmin etmək;
3.2.9. İcraçının hərəkətləri və yaxud göstərdiyi xidmətlər nəticəsində Sifarişçiyə dəymiş zərərin, yönəlmiş iddiaların əvəzinin, habelə habelə xidmətdəki pozuntulara görə İcraçıya hesablanmış cərimələrin Sifarişçiyə ödənilməsini təmin etmək;
3.2.10. Hər hansı üçüncü tərəf yanında Sifarişçinin işgüzar nüfuzuna xələl gətirən, onu nüfuzdan salmağa yönəlmiş istənilən hərəkətləri etməmək.
4. Xidmət haqqı və Hesablaşma qaydaları.
4.1. Sifarişçi bu Müqavilə üzrə İcraçının göstərdiyi xidmətlərin müqabilində ona (İcraçıya) bu Müqavilənin qüvvədə olduğu hər ay üçün 000 (xxx xxx xxx) manat məbləğində aylıq xidmət haqqı ödəyir.
4.2. İcraçının aylıq xidmət haqqı, Sifarişçi tərəfindən hər növbəti ayın ___ iş gününədək İcraçının bank hesabına köçürülür və ya nağd qaydada İcraçının özünə və ya səlahiyyətli nümayəndəsinə ödənilir.
4.3. Xidmət haqqının məbləği tərəflərin qarşılıqlı razılaşması ilə dəyişdirilə bilər.
4.4. Xidmət haqqı İcraçının bank hesabına köçürüldükdən və ya nağd qaydada İcraçının səlahiyyətli nümayəndəsinə təhvil verildikdən etibarən beş iş günü ərzində İcraçı yazılı surətdə hər hansı bir etiraz bildirməzsə xidmət haqqı ödənilmiş hesab edilir və sonradan İcraçı tərəfindən edilən etirazlar qəbul edilmir.
4.5. Müəyyən olunmuş müddət daxilində xidmət haqqının ödənişi həyata keçirilmədiyi təqdirdə İcraçı, müqavilə üzrə göstərdiyi xidməti dayandıra və ona çatacaq xidmət haqqının ödənilməmiş hissəsini tələb etməklə müqaviləni birtərəfli qaydada ləğv edə bilər bilər.
4.6. İcraçı bu Müqavilənin 3.2.9-cu bəndi ilə müəyyən edilmiş maddi məsuliyyətini Sifarişçinin belə məsuliyyəti icra etmək barədə müraciəti aldıqdan sonra müraciətdə göstərilən müddət ərzində tam yerinə yetirir, yaxud belə maddi məsuliyyət 2.1.4-cü bəndə uyğun olaraq xidmət haqqından tutma şəklində ödənilir.
5. Müqavilənin qüvvədə olma müddəti və Xitamı
5.1. Bu Müqavilə imzalandığı tarixdən qüvvəyə minir və 1 (bir) il müddətində qüvvədə qalır.
5.2. Müqavilənin müddətinin bitməsinə ən azı bir ay qalmış tərəflərdən birinin Müqavilənin ləğv edilməsi, yaxud şərtlərinin dəyişdirilməsi barədə müraciəti olmadıqda, Müqavilə eyni şərtlərlə və eyni müddətə uzadılmış hesab olunur.
5.3. Tərəflərin qarşılıqlı razılığı ilə, habelə aşağıdakı hallarda birtərəfli qaydada bu Müqaviləyə xitam verilə bilər:
5.3.1. hər hansı tərəfin 10 (on) təqvim günü əvvəlcədən etdiyi rəsmi müraciət əsasında;
5.3.2. hər hansı tərəfin üzrsüz səbəblərdən öz öhdəliklərini davamlı olaraq icra etməməsi və ya lazımınca icra etməməsi;
5.3.3. İcraçının xidmət göstərdiyi Sifarişçinin təyin etdiyi üçüncü şəxsin öz işəgötürəni ilə bağladığı əmək və ya xidməti müqaviləsi ləğv olunduğu andan etibarən Sifarişçi tərəfindən bu Müqaviləyə dərhal xitam verilməklə;
5.3.4. Müqavilənin ləğvi barədə məhkəmənin qüvvəyə minmiş qərarı əsasında;
5.3.5. qanunvericilikdə nəzərdə tutulmuş digər hallarda.
5.4. Bu Müqavilə onu imzalayan Tərəflərin maddi öhdəliklərinin tam ödənilməsi anınadək qüvvədə qalacaqdır.
6. Fors major halları
6.1. Tərəflər fövqəladə və həmin şəraitdə qarşısı alına bilməyən hal (qarşısıalınmaz qüvvə - təbii fəlakət, müharibə, dövlət çevrilişi, vətəndaş iğtişaşları, blokada, embarqo, yanğın, epidemiyalar, moratorium, tətillər, istehsal sahəsində boşdayanma və ya işçilərin tətili, istehsal sahəsində bədbəxt hadisənin və ya qəzanın baş verməsi, istehsalçının müflisləşməsi, qanunvericilikdə dəyişiklik), yaxud İcraçıya münasibətdə sağlamlığın məhdudlaşması və ya pozulması ilə nəticələnən bədbəxt hadisə, xəstəlik mane olduqda öz öhdəliklərini yerinə yetirə bilmədiyi və ya gecikdirdiyi hallara görə digər tərəf qarşısında məsuliyyət daşımır.
6.2. Öz öhdəliklərini 6.1 bəndində göstərilən səbəbdən yerinə yetirə bilməyən tərəf hadisə baş verdiyindən etibarən ən gec 1 (bir) iş günü ərzində fors major halı barədə digər tərəfə məlumat verməlidir.
6.3. Əgər fövqəladə hal fasiləsiz olaraq 2 ay davam edərsə və aradan qalxma ehtimalı az hesab edilərsə bu halda tərəflərdən hər xxxxx xxxx 5 iş günü ərzində digər tərəfə bildiriş göndərməklə poza bilər.
6.4. İcraçının sağlamlığının məhdudlaşması və ya pozulması ilə nəticələnən bədbəxt hadisə, xəstəlik mane olduqda Xxxxxxxxx öz öhdəliklərini yerinə yetirə bilmədiyi müddət 3 xxxxx xxx davam etdikdə, Xxxxxxxxx İcraçı qarşısında yerinə yetirilməmiş öhdəlikləri qalmamışsa, bu Müqaviləni 5.4.1-ci bəndə uyğun olaraq ləğv etmək hüququna malik olur.
7. Konfidensiallıq
7.1. Tərəflər müqavilənin qüvvədə olma müddəti ərzində və onun başa çatmasından sonra digər tərəf barəsində əldə etdiyi konfidensial məlumatı, qarşı tərəfin buna razılığı və ya Azərbaycan Respublikasının qanunvericiliyi ilə nəzərdə tutulan hallar istisna olmaqla, üçüncü tərəfə təqdim etməməli və ya onu yaymamalıdır, həmçinin digər üsulla bu məlumatdan istifadə etməməlidir.
7.2. Mövcud müqavilənin məqsədlərinə görə konfidensial məlumat, bir tərəfin digər tərəfə müqavilənin yerinə yetirilməsi çərçivəsində vermiş olduğu, kommersiya sirri və ya məxfi məlumat hesab olunan, yazılı və ya elektron daşıyıcıda əks olunan məlumatdır (hamıya bəlli xxxx məlumatlar və təqdim edilməsi qanunla nəzərdə tutulmuş məlumatlar istisna olunur).
8. Mübahisələrin tənzimlənməsi
8.1. Bu Müqavilədən irəli gələn və ya onunla əlaqədar xxxx bütün mübahisələr Tərəflərin qaşılıqlı razılığı ilə həll edilir.
8.2. Qarşılıqlı razılıq yolu ilə nizamlana bilməyən mübahisə Azərbaycan Respublikasının qanunvericiliyi və yurisdiksiyası çərçivəsində həll edilməlidir.
8.3. Tərəflər arasında bu Müqavilə ilə tənzimlənməyən münasibətlər Azərbaycan Respublikasının qüvvədə xxxx müvafiq qanunvericiliyinə əsasən həll olunur.
9. Əlavə şərtlər və yekun müddəalar
9.1. Bu Müqavilə Tərəflər arasında eyni münasibətlər üzrə razılaşdırılan yekun şərtləri özündə ehtiva edir və Müqavilənin qüvvəyə minməsinədək əldə olunan hər hansı şifahi və ya yazılı razılaşma, yazışma qüvvədən düşmüş hesab edilir.
9.2. Tərəflərin qarşılıqlı razılığı əsasında bu muqaviləyə müqavilənin qüvvədə olması müddəti ərzində dəyişiklik və ya əlavələr edilə bilər.
9.3. Müqaviləyə edilən hər hansı dəyişiklik və ya əlavə yazılı formada tərtib edildikdən və tərəflərin imzalandığı andan hüquqi qüvvəyə malikdir.
9.4. Bu Müqaviləyə əsasən Tərəflər, üzərlərinə götürdükləri öhdəliklərin icrasının üçüncü şəxslər tərəfindən təmin olunmasına yalnız qarşı Tərəfin yazılı razılığı əsasında yol verə bilərlər.
9.5. Müqavilənin hər hansı bəndinin etibarsızlığı Müqavilənin bütövlükdə etibarsızlığı hesab edilmir. Tərəflər ixtilaf və ya mübahisə yaradan, yaxud etibarsız xxxx hissənin dəyişdirilməsi, yeni mətndə verilməsi, yaxud çıxarılması ilə əlaqədar qarşılıqlı müzakirə aparmağı öhdələrinə götürürlər.
9.6. Bu müqavilə üzrə Tərəflər arasında məlumat mübadiləsi yazılı formada (kağız üzərində), yaxud elektron poçt, faksimil vasitəsi ilə aparılır və belə məlumat Müqavilənin 10-cu bəndində qeyd olunan ünvanlar üzrə müvafiq tərəfə çatdırıldığı halda, lazımi qaydada göndərilmiş və ya verilmiş hesab olunur. Rekvizitlərində dəyişiklik edilən Tərəf bu haqda digər Tərəfi 5 (beş) iş günü ərzində xəbərdar etməlidir.
9.7. Bu müqavilə üzrə bir Tərəfin digər Tərəfə göndərdiyi məlumat, tələb və digər maddi və qeyri-maddi nemətlər fors-major halı, habelə belə göndərişin yanlış formada və ya səhv ünvana göndərilməsi nəticəsində göndərilən Tərəfdən alınmaması halları istisna olmaqla, göndərildiyi gündən ən geci 5 (beş) iş günü ərzində göndərilən Tərəfdən alınmış hesab olunacaqdır.
9.8. Müqavilə Azərbaycan dilində, bərabər hüquqi qüvvəyə malik iki nüsxədə tərtib edilir və tərəflərin hər birində bir nüsxə saxlanır.
10. Tərəflərin rekvizitləri və imzaları:
10.1. Sifarişçi:
“XXX” Məhdud Məsuliyyətli Cəmiyyəti
Direktor: XXX XXX XXX oğlu
VÖEN:
Ünvan:
Bank rekvizitləri:
KOD:
M/hesab:
S.W.I.F.T.:
VÖEN:
H/h:
10.2. İcraçı:
XXX ZZZ ZZZ oğlu
Ünvan: ____________________________________________________________________
Ş/V: AZE ________________, ____________________ tərəfindən ________________ tarixdə verilib, ______________ tarixədək etibarlıdır
“Sifarişçi” tərəfdən
XXX XXX XXX oğlu
İmza : ______________________
MY: |
“İcraçı” tərəfdən
ZZZ ZZZ ZZZ oğlu
Xxxx : ______________________ |