I.მხარეები
ხელშეკრულების პროექტი მომსახურების შესყიდვის შესახებ #
ქ. თბილისი 2019 წ. ---------------
I.მხარეები
1.1 წინამდებარე ხელშეკრულება დადებულია 2019 წლის ------------------, ერთის მხრივ სს
„საქართველოს სახელმწიფო ელექტროსისტემას” (შემდგომში „შემსყიდველი“), წარმოდგენილი –––––– სახით და მეორეს მხრივ –––––––– (შემდგომში „მიმწოდებელი“), წარმოდგენილი –––––––––– სახით, შორის, რომლებიც მოქმედებენ საზოგადოების წესდებისა და მოქმედი კანონმდებლობის საფუძველზე.
II. ხელშეკრულების საგანი
2.1. “მიმწოდებელი” იღებს ვალდებულებას (CPV კოდი: 77200000, 77211400, 77211500) გაუწიოს “შემსყიდველს” მომსახურება დანართი #1-ის (ფასების ცხრილი), დანართი #2–ის (ტექნიკური პირობა) და დანართი #3-ის (მომსახურების უსაფრთხოდ გაწევის წესი და პირობები) შესაბამისად.
2.2. დანართი #1, დანართი #2 და დანართი #3 წარმოადგენს წინამდებარე ხელშეკრულების განუყოფელ ნაწილს.
III. მომსახურების ღირებულება და ანგარიშსწორების პირობები
3.1. ხელშეკრულების საერთო ღირებულება შეადგენს – (–) ლარს დ.ღ.გ.-ს ------------- (შემდგომში –
,,ხელშეკრულების ღირებულება“).
3.2. ანგარიშსწორება განხორციელდება 1 (ერთ) ეტაპად, სრული მოცულობით შესრულების შემდგომ ფაქტიურად გაწეულ მომსახურებაზე მიღება–ჩაბარების აქტის გაფორმებიდან და „მიმწოდებლის“ მიერ სათანადო დოკუმენტაციის (თუ ,,მიმწოდებელი“ არის დღგ–ს გადამხდელი სათანადო ანფარიშფაქტურის) წარმოდგენიდან 8 (რვა) სამუშაო დღის განმავლობაში.
3.3 ანგარიშსწორება განხორციელდება უნაღდო ანგარიშსწორების ფორმით.
3.4 სახელმწიფო ტყის ფონდში არშემავალ ფართობებზე მოჭრილი მერქნული რესურსის ჭრის, ტრანსპორტირებისა და დასაწყობებისთვის სსე-ს მიერ კონტრაქტორისთვის გადასახდელი თანხა საბოლოოდ დაკორექტდება წალკის მუნიციპალიტეტის მერიისთვის ჩაბარებული მოცულობის შესაბამისად.
3.5 სახელმწიფო ტყის ფონდის ტერიტორიაზე იმ ადგილებში შესრულებულ მომსახურებაში, საიდანაც რელიეფი არ იძლევა მოჭრილი მერქნული რესურსის გამოზიდვის საშუალებას, კონტრაქტორს აუნაზღაურდება მხოლოდ ხე-მცენარეების ჭრის ღირებულება. იმ მოჭრილი მერქნული რესურსის რაოდენობა, რომლის გამოტანა და შესაბამისი უწყებისთვის ჩაბარება ვერ ხერხდება რელიეფის გამო, დადგინდება ადგილზე.
3.6 თუ კონტრაქტორი არ მოახდენს სახელმწიფო ტყის ფონდის ტერიტორიებზე იმ ადგილებში მოჭრილი მერქნული რესურსის ტრანსპორტირებას და სატყეო სააგენტოს მიერ მითითებულ ადგილზე დასაწყობებას, სადაც რელიეფი იძლევა მოჭრილი ხე-ტყის გამოზიდვის საშუალებას (სადაც სატრანსპორტო საშუალებით შესაძლებელია 30 მეტრამდე მანძილზე უსაფრთხოდ მიახლოება), მას აუნაზღაურდება მხოლოდ ხე-მცენარეების ჭრის ღირებულება, თუმცა მოჭრილ და ჩაუბარებელ მერქნულ რესურსზე მას დაეკისრება საქართველოს კანონმდებლობით, კერძოდ საქართველოს მთავრობის 2010 წლის 20 აგვისტოს N242 დადგენილებით გათვალისწინებული საკომპენსაციო თანხის გადახდის ვალდებულება და აღნიშნული საკომპენსაციო თანხები გამოაკლდება ხელშეკრულების საერთო თანხიდან.
IV. მხარეთა უფლება-მოვალეობები
4.1. ,,შემსყიდველი“ იღებს ვალდებულებას აუნაზღაუროს “მიმწოდებელს” ფაქტიურად გაწეული მომსახურების ღირებულება ხელშეკრულების პირობებში ასახულ ვადებში და ფორმით.
4.2. ,,შემსყიდველი“ უფლებამოსილია ,,მიმწოდებლისგან“ მოითხოვოს სრული ინფორმაცია შესასრულებელი მომსახურების მიმდინარეობის შესახებ.
4.3. “მიმწოდებელი” მომსახურებას ასრულებს “შემსყიდველის” მოთხოვნის შესაბამისად.
4.4 ,,მიმწოდებელი” ვალდებულია ხელშეკრულებით გათვალისწინებული მომსახურება განახორციელოს ხარისხიანად და არსებული სტანდარტების შესაბამისად. იგი პასუხს აგებს გაწეული მომსახურების სისწორეზე.
4.5 “მიმწოდებელი” ვალდებულია წინამდებარე ხელშეკრულებით დადგენილ ვადაში გაუწიოს
„შემსყიდველს“ ხელშეკრულებით გათვალისწინებული მომსახურება.
4.6. “მიმწოდებელი” მომსახურებას ასრულებს წინამდებარე ხელშეკრულების დანართის #1 (ფასების ცხრილი), დანართი #2-ის (ტექნიკური პირობის) და დანართი #3 -ის (მომსახურების უსაფრთხოდ გაწევის წესი და პირობები) შესაბამისად.
4.7ობიექტზე დაშვების უფლების მისაღებად და შემდგომ მომსახურების შესრულების დროს
„მიმწოდებელი“ ვალდებულია დაიცვას: საქართველოს მთავრობის 24.12.2013 წლის N366 დადგენილებით დამტკიცებული „ელექტრული ქსელების ხაზობრივი ნაგებობების დაცვის წესი და მათი დაცვის ზონები“-ს მოთხოვნები, 2) საქართველოს მთავრობის 31.12.2013 წლის N434 დადგენილებით დამტკიცებული ტექნიკური რეგლამენტი – „ელექტროსადგურებისა და ქსელების ტექნიკური ექსპლუატაციის წესები“, 3) საქართველოს მთავრობის 17.12.2013 წლის N340 დადგენილებით დამტკიცებული „უსაფრთხოების ტექნიკის წესები ელექტროდანადგარების ექსპლუატაციისას“, 4) საქართველოს მთავრობის 2015 წლის 23 ივლისის N370 დადგენილებით დამტკიცებული ტექნიკური რეგლამენტი – „სახანძრო უსაფრთხოების წესების და პირობების შესახებ“ მოთხოვნები, მათ შორის (და არა მხოლოდ):
ა) ობიექტზე დაშვების უფლების მისაღებად, „მიმწოდებელი“ ვალდებულია დაშვების თარიღამდე არანაკლებ 10 (ათი) სამუშაო დღით ადრე, წერილობით მიმართოს „შემსყიდველს“ და მიაწოდოს ინფორმაცია შესასრულებელი სამუშაოს შინაარსის, მოცულობის, შესრულების ვადების შესახებ (სამუშაოთა დაწყების და დასრულების თარიღის მითითებით), სამუშაოებში გამოსაყენებელი მანქანა– მექანიზმების/ტექნიკის და მათი მძღოლების, აგრეთვე, სამუშაოს უსაფრთხოდ ჩატარებაზე პასუხისმგებელ მივლინებულ პირთა სია: გვარების, ინიციალების, პირადობის მოწმობის პირადი ნომრების, თანამდებობების, მათთვის მინიჭებული უფლებების (სამუშაოთა ხელმძღვანელი, სამუშაოთა მწარმოებელი, მეთვალყურე, ბრიგადის წევრი) და მათი ელექტროუსაფრთხოების ჯგუფების მითითებით. (საქართველოს მთავრობის 17.12.2013 წლის N340 დადგენილებით დამტკიცებული წესების 79–ე და 80–ე მუხლები და საქართველოს მთავრობის 24.12.2013 წლის N366 დადგენილებით დამტკიცებული წესების მე–4 მუხლის მე–5 პუნქტის მოთხოვნა);
ბ) მაღლივ/სიმაღლეზე სამუშაოებზე, საცეცხლე, სამშენებლო, სადემონტაჟო, ელექტრულ, ეგხ–ების დაცვის ზონაში სამუშაოებზე, მანქანა–მექანიზმებზე მომუშავე, ყველა სხვა სახის სამუშაოებში მონაწილე პირები და მთლიანობაში, ობიექტზე დაშვებული მივლინებული სამშენებლო–სამონტაჟო საწარმოს ყველა მუშაკი ფიზიკური/ფსიქიკური მონაცემებით უნდა შეესაბამებოდეს მათ მიერ შესასრულებელ სამუშაოს, უნდა იყოს ჯანმრთელი და გავლილი უნდა ჰქონდეთ ჯანმრთელობის სამედიცინო შემოწმება;
გ) „მიმწოდებელი“ პასუხისმგებელია მის მიერ მივლინებული პერსონალისათვის მინიჭებული ელექტროუსაფრთხოების ჯგუფების და უფლებების შესაბამისობაზე კვალიფიკაციასთან, აგრეთვე პერსონალის მიერ მოქმედი წესებისა და ნორმების მოთხოვნათა დაცვაზე.
დ) „მიმწოდებლის“ მიერ მივლინებულ იმ პირებს, რომლებსაც შეიძლება მუშაობა მოუწიოთ მაღლივ/სიმაღლეზე, საცეცხლე, ელექტრულ/ელექტროდანადგარებთან, ეგხ–ების დაცვის ზონაში, მანქანა– მექანიზმებზე და ყველა სპეციალური სახის სამუშაოებში, თან უნდა ჰქონდეთ ზემოაღნიშნული წესების მიხედვით გათვალისწინებული, დადგენილი ფორმის მოქმედი საკვალიფიკაციო მოწმობები, რომელშიც იქნება ჩანაწერი ელექტროდანადგარებში, მაღლივ/სიმაღლეზე, საცეცხლე, სპეციალურ სამუშაოზე მუშაობის წესების და ნორმების ცოდნის შემოწმების გავლის, მათთვის მინიჭებული შესაბამისი უფლების და ელექტროუსაფრთხოების ჯგუფის შესახებ. არასათანადოდ გაფორმებული საკვალიფიკაციო მოწმობების, ცოდნის შემოწმების ვადაგადაცილების ან/და საკვალიფიკაციო მოწმობების არარსებობის შემთხვევაში „მიმწოდებლის“ მივლინებული შესაბამისი პერსონალი ობიექტზე არ დაიშვება, ხოლო ამ მიზეზით სამუშაოების დაგვიანებით შესრულების ან საერთოდ შეუსრულებლობისათვის, „მიმწოდებელს“ დაეკისრება ხელშეკრულების 10.1 პუნქტით გათვალისწინებული პირგასამტეხლო.
ე) ობიექტზე დაშვებისას „მიმწოდებლის“ მივლინებულმა პერსონალმა ვალდებულია თან იქონიოს აუცილებელი დამცავი საშუალებები (მათ შორის, დამცავი ჩაჩქანები, დამცავი ქამარი და დამზღვევი ბაგირი), რომელთა გარეშეც აღნიშნული პერსონალი არ დაიშვება ობიექტზე.
ვ) ,,მიმწოდებლის“ მივლინებულმა პერსონალმა სამუშაოები უნდა შეასრულოს განწესით ან/და განკარგულებით, წინამდებარე ხელშეკრულების დანართი # 3–ში განსაზღვრული სამუშაოთა უსაფრთხოდ წარმოების წესის და პირობების მკაცრი დაცვით.
V. გასაწევი მომსახურების ვადა და ადგილი
5.1 წინამდებარე ხელშეკრულებით განსაზღვრული გასაწევი მომსახურების ვადაა ხელშეკრულების გაფორმებიდან, ხე-ტყის ჭრის სანებართვო დოკუმენტაციის გადაცემიდან და ობიექტზე დაშვებიდან – (–) კალენდარული დღე.
VI. მხარეთა პასუხისმგებლობა
6.1 ,,მიმწოდებლის“ მიზეზით მომსახურების დაგვიანებით, არასრულად, ხარვეზით ან საერთოდ არ გაწევის შემთხვევაში, ,,მიმწოდებელი“ მოვალეა გადაიხადოს პირგასამტეხლო შეუსრულებელი მომსახურების ღირებულების 0,1%-ის ოდენობით, ყოველ ვადა გადაცილებულ დღეზე, მომსახურების ჯეროვნად და სრულად გაწევამდე ან ხელშეკრულების შეწყვეტის დღემდე, რომელი ვადაც უფრო ადრე დადგება.
6.2 „შემსყიდველის“ მიერ ხელშეკრულებით გათვალისწინებული ფაქტიურად გაწეული მომსახურების ღირებულების ვადაგადაცილებით (არადროულად) გადახდის შემთხვევაში, ,,მიმწოდებლი“ უფლებამოსილია მოსთხოვოს ,,შემსყიდველს“ პირგასამტეხლოს გადახდა გადაუხდელი თანხის 0.1% ოდენობით ყოველ ვადა გადაცილებულ დღეზე წინამდებარე ხელშეკრულების შეწყვეტამდე, ან თანხის სრულად გადახდამდე, რომელი ვადაც უფრო ადრე დადგება.
6.3 ხელშეკრულებით გათვალისწინებული ვალდებულებების ცალმხრივად შეუსრულებლობისათვის მხარეებს ეკისრებათ ვალდებულება აანაზღაურონ მიყენებული ზარალი სრული მოცულობით საქართველოს კანონმდებლობით დადგენილი წესით. ზარალის ანაზღაურება ან მისი მოთხოვნა არ აჩერებს ამ მუხლით გათვალისწინებულ პირგასამტეხლოს დარიცხვას.
6.4 ,,შემსყიდველი“ უფლებამოსილია ფაქტიურად გაწეული მომსახურების ღირებულების ანაზღაურებისას გამოქვითოს (შეამციროს ანაზღაურება) ამ მუხლით გათვალისწინებული და “მიმწოდებელზე” დარიცხული პირგასამტეხლოს თანხა ,,მიმწოდებლისათვის“ გადასახდელი თანხის ოდენობიდან. აღნიშნული გამოქვითვა არ შეიძლება გახდეს ,,მიმწოდებლის“ მხრიდან
,,შემსყიდველისათვის“ 6.2 პუნქტით გათვალიწინებული პირგასამტეხლოს დარიცხვის საფუძველი.
VII. ხელშეკრულების შესრულების კონტროლი
7.1 “მიმწოდებელი” ვალდებულია საკუთარი რესურსებით უზრუნველყოს “შემსყიდველი” კონტროლის ჩატარებისათვის აუცილებელი პერსონალით, ტექნიკური საშუალებებით და სხვა სამუშაო პირობებით. იმ შემთხვევაში, თუ “შემსყიდველი” კონტროლის მიზნით გამოიყენებს საკუთარ ან მოწვეულ პერსონალს, მისი შრომის ანაზღაურებას უზრუნველყოფს თვით “შემსყიდველი”.
7.2 “მიმწოდებელი” ვალდებულია საკუთარი ხარჯებით უზრუნველყოს კონტროლის შედეგად გამოვლენილი ყველა დეფექტის ან ნაკლის აღმოფხვრა.
7.3 ამ მუხლის არც ერთი პუნქტი არ ათავისუფლებს “მიმწოდებელს” მოცემული ხელშეკრულების ვალდებულებებისაგან.
7.4 ხელშეკრულების შესრულების კონტროლს “შემსყიდველის” მხრიდან უზრუნველყოფს სს “საქართველოს სახელმწიფო ელექტროსისტემის“ --.
7.5 კონტროლი განხორციელდება გაწეული მომსახურების ხარისხისა და მომსახურების გაწევის ვადის შესაბამისობით ხელშეკრულების პირობებთან.
VIII. ფორს-მაჟორი
8.1 ხელშეკრულების პირობების ან რომელიმე მათგანის მოქმედების შეჩერება ფორს-მაჟორული გარემოებების დადგომის გამო არ იქნება განხილული როგორც ხელშეკრულების პირობების შეუსრულებლობა ან დარღვევა და არ გამოიწვევს საჯარიმო სანქციების გამოყენებას.
8.2 ამ მუხლის მიზნებისათვის ,,ფორს-მაჟორი” ნიშნავს მხარეებისათვის გადაულახავ და მათი კონტროლისაგან დამოუკიდებელ გარემოებებს, რომლებიც არ არიან დაკავშირებული მათ შეცდომებსა და დაუდევრობასთან და რომლებსაც გააჩნია წინასწარ გაუთვალისწინებელი ხასიათი. ასეთი გარემოება
შეიძლება გამოწვეული იქნას ომით ან სტიქიური მოვლენებით, ეპიდემიით, კარანტინით და ემბარგოს დაწესებით და სხვა. ფორს – მაჟორის არსებობის საკმარის დამადასტურებელ საბუთად მხარეები განიხილავენ შესაბამისის ქვეყნის სავაჭრო-სამრეწველო პალატის მიერ გაცემულად სათანადო ცნობას.
8.3 ფორს-მაჟორული გარემოებების დადგომის შემთხვევაში ხელშეკრულების დამდებმა მხარემ, რომლისთვისაც შეუძლებელი ხდება ნაკისრი ვალდებულებების შესრულება, დაუყოვნებლივ უნდა გაუგზავნოს მეორე მხარეს წერილობითი შეტყობინება ასეთი გარემოებების და მათი გამომწვევი მიზეზების შესახებ. თუ შეტყობინების გამგზავნი მხარე არ მიიღებს მეორე მხარისაგან წერილობით პასუხს, იგი თავისი შეხედულებისამებრ, მიზანშეწონილობისა და შესაძლებლობის და მიხედვით აგრძელებს ხელშეკრულებით ნაკისრი ვალდებულებების შესრულებას და ცდილობს გამონახოს ვალდებულებების შესრულების ისეთი ალტერნატიული ხერხები, რომლებიც დამოუკიდებელნი იქნებიან ფორს-მაჟორული გარემოებების ზეგავლენისაგან.
IX. ურთიერთობა მხარეებს შორის
9.1 ნებისმიერი ოფიციალური ურთიერთობა ხელშეკრულების დამდებ მხარეებს შორის უნდა ატარებდეს წერილობით ფორმას. წერილობითი შეტყობინება, რომელსაც ერთი მხარე ხელშეკრულების შესაბამისად უგზავნის მეორე მხარეს, იგზავნება საფოსტო გზავნილის სახით, რომელიც ხელმოწერილი უნდა იყოს ხელმძღვანელობაზე ან/და წარმომადგენლობაზე უფლებამოსილი პირის მიერ. ოპერატილი კავშირის დამყარების მიზნით დასაშვებია შეტყობინების მეორე მხარისათვის მიწოდება ელ. ფოსტით (წერილის სკანირებილი ვარიანტი) ან ფაქსის გაგზავნის გზით, შემდგომში ორიგინალის მიწოდების პირობით.
9.2 შეტყობინება შედის ძალაში ადრესატის მიერ მისი მიღების დღეს ან შეტყობინების ძალაში შესვლის დადგენილ დღეს, იმის მიხედვით, თუ ამ თარიღებიდან რომელი უფრო გვიან დგება.
X.ხელშეკრულების პირობების შეცვლა და/ან ვადამდე მოშლა
10.1 ამ ხელშეკრულებაში ნებისმიერი ცვლილება და/ან დამატება შეიძლება შეტანილი იქნეს მხარეთა შეთანხმების საფუძველზე.
10.2. ხელშეკრულება შეიძლება ვადამდე მოიშალოს:
10.2.1. მხარეთა შეთანხმებით;
10.2.2. ერთ-ერთი მხარის განცხადებით მეორე მხარის მიერ ხელშეკრულებით გათვალისწინებული პირობების არსებითად დარღვევის შემთხვევაში;
10.3 “შემსყიდველს” შეუძლია ხელშეკრულება ვადამდე შეწყვიტოს:
10.3.1. თუ “შემსყიდველისათვის” ცნობილი გახდა, რომ მისგან დამოუკიდებელი მიზეზების გამო იგი ვერ უზრუნველყოფს ხელშეკრულებით ნაკისრი ვალდებულებების შესრულებას;
10.3.2. “შემსყიდველის” გადახდის უუნარობის დადგენის შემთხვევაში;
10.3.3. თუ მისთვის ცნობილი გახდება, რომ “მიმწოდებლის” მიერ მოწოდებული ინფორმაცია ხელშეკრულების საგნის შესახებ ყალბი აღმოჩნდება, რაც წარმოადგენს, ,,შემსყიდველის“ მხრიდან ნდობის დაკარგვის საფუძველს.
10.3.4. საქართველოს კანონმდებლობით გათვალისწინებულ სხვა შემთხვევებში.
10.4 ამ ხელშეკრულების 10.3 პუნქტში მითითებულ შემთხვევებში “შემსყიდველი” ვალდებულია აუნაზღაუროს “მიმწოდებელს” ფაქტიურად მიღებული მომსახურების ღირებულება.
10.5 სახელმწიფო შესყიდვის შესახებ ხელშეკრულების პირობების შეცვლა დაუშვებელია, თუ ამ ცვლილების შედეგად იზრდება ხელშეკრულების საერთო ღირებულება ან უარესდება ხელშეკრულების პირობები შემსყიდველი ორგანიზაციისათვის, გარდა საქართველოს სამოქალაქო კოდექსის 398-ე მუხლით გათვალისწინებული შემთხვევისა. ასეთ შემთხვევაშიც დაუშვებელია ხელშეკრულების ჯამური ღირებულების 10%–ზე მეტი ოდენობით გაზრდა.
XI. ხელშეკრულების შესრულების შეფერხება
11.1 თუ ხელშეკრულების შესრულების პროცესში მხარეები წააწყდებიან რაიმე ხელშემშლელ გარემოებებს, რომელთა გამო ფერხდება ხელშეკრულების პირობების შესრულება, ამ მხარემ დაუყოვნებლივ უნდა გაუგზავნოს მეორე მხარეს წერილობითი შეტყობინება შეფერხების ფაქტის, მისი შესაძლო ხანგრძლივობის და გამომწვევი მიზეზების შესახებ. შეტყობინების მიმღებმა მხარემ რაც
შეიძლება მოკლე დროში უნდა აცნობოს მეორე მხარეს თავისი გადაწყვეტილება, მიღებული აღნიშნულ გარემოებებთან დაკავშირებით.
11.2 იმ შემთხვევაში, თუ ხელშეკრულების პირობების შესრულების შეფერხების გამო მხარეები შეთანხმდებიან ხელშეკრულების პირობების შესრულების ვადის გაგრძელების თაობაზე, ეს გადაწყვეტილება უნდა გაფორმდეს ხელშეკრულებაში ცვლილების შეტანის გზით.
XII. დავათა განხილვა
12.1 ხელშეკრულების დამდები მხარეები თანხმდებიან მასზედ, რომ ყველა ღონეს იხმარენ, რათა მოლაპარაკებების მეშვეობით, შეთანხმებით მოაგვარონ ნებისმიერი უთანხმოება და დავა, წარმოქმნილი მათ შორის ხელშეკრულების ან მასთან დაკავშირებული საკითხების ირგვლივ.
12.2 თუ ასეთი მოლაპარაკების დაწყებიდან 30 (ოცდაათი) კალენდარული დღის განმავლობაში მხარეები ვერ შესძლებენ სადაო საკითხების შეთანხმებას, ნებისმიერ მხარეს დავის გადაწყვეტის მიზნით შეუძლია დადგენილი წესით მიმართოს სასამართლოს.
XIII. შესყიდვის ობიექტის მიღება-ჩაბარების წესი
13.1 მომსახურების მიღება სსე-ს მიერ განხორციელდება ერთ ეტაპად, კონტრაქტორის მიერ გასაწევი მომსახურების სრული მოცულობით შესრულების შემდეგ.
13.2 მომსახურების გაწევისას “შემსყიდველის” მიერ წინამდებარე ხელშეკრულების 7.2 ქვეპუნქტით განსაზღვრული პირი ამოწმებს გაწეული მომსახურების შესაბამისობას წინამდებარე ხელშეკრულების პირობებთან, ხარვეზების (წუნდების) არ არსებობის შემთხვევაში ფორმდება მიღება-ჩაბარების აქტი ფაქტიურად მიღებული მომსახურების მიხედვით ,,შემსყიდველსა“ და ,,მიმწოდებელს“ შორის.
13.3 მომსახურების დასრულების შესახებ სსე-ს მიერ კონტრაქტორისგან წერილობითი შეტყობინების მიღების შემდეგ, 15 დღის ვადაში, სსე უფლებამოსილია ჩაატაროს კონტრაქტორის მიერ გაწეული მომსახურების ინსპექტირება.
13.4 ინსპექტირების შედეგად, გაწეული მომსახურების ხელშეკრულების პირობებთან შესაბამისობის დადასტურების შემთხვევაში, ინსპექტირებიდან 5 სამუშაო დღის ვადაში მხარეებს შორის გაფორმდება მომსახურების მიღება-ჩაბარების აქტი.
13.5 ინსპექტირების შედეგად, გაწეული მომსახურების ხელშეკრულების პირობებთან შეუსაბამობის გამოვლენის შემთხვევაში, კონტრაქტორს, ინსპექტირებიდან 5 სამუშაო დღის ვადაში, წერილობით ეცნობება აღნიშნულის შესახებ, ხოლო სსე უფლებამოსილი იქნება კონტრაქტორთან არ გააფორმოს მომსახურების მიღება-ჩაბარების აქტი კონტრაქტორის მიერ აღნიშნული შეუსაბამობის (ხარვეზ(ებ)ის) გამოსწორებამდე.
13.6 ხარვეზის გამოსწორების შესახებ კონტრაქტორმა სსე-ს უნდა მიაწოდოს წერილობითი შეტყობინება, ხოლო გაწეული მომსახურების სსე-ს მიერ ინსპექტირება და მიღება-ჩაბარების აქტის გაფორმება ამ შემთხვევაშიც იწარმოებს ამ თავის 13.1-13.5 პუნქტების შესაბამისად.
13.7 მიღება-ჩაბარების აქტზე ზელმომწერ პირად განისაზღვროს მმართველთა საბჭოს წევრი xxxxxxx xxxxxxxx.
13.8 მომსახურება მიღებულად ჩაითვლება მხარეთა შორის მიღება-ჩაბარების აქტის გაფორმებისთანავე. მიღება-ჩაბარების გაფორმების შემდგომ პასუხისგებლობა გაწეულ მომსახურებაზე გადადის შემსყიდველზე.
XIV. ხელშეკრულების მოქმედების ვადა.
14.1. ხელშეკრულება ძალაში შედის მხარეთა მიერ ხელმოწერისთანავე.
14.2. ხელშეკრულება მოქმედებს მხარეთა მიერ ნაკისრი ვალდებულებების სრულად შესრულებამდე, მაგრამ არაუგვიანეს 2019 წლის ჩათვლით.
XV. ხელშეკრულების სხვა პირობები
15.1. ხელშეკრულება შედგენილია ქართულ ენაზე .
15.2. ისეთ შემთხვევებში, რომლებიც არაა გათვალისწინებული ამ ხელშეკრულებით, მხარეები ხელმძღვანელობენ საქართველოში მოქმედი კანონმდებლობით.
15.3 წინამდებარე ხელშეკრულებით გათვალისწინებული პირობები შესასრულებლად სავალდებულოა მხარეთათვის და მათი შესაბამისი სამართალმემკვდრეებისა და უფლებამონაცვლეთათვის. დაუშვებელია წინამდებარე ხელშეკრულებით გათვალისწინებული ვალდებულებების გადაცემა სხვა მხარისათვის მეორე მხარის წინასწარი წერილობითი თანხმობის გარეშე.
15.4 წინამდებარე ხელშეკრულება დაიდო სახელმწიფო შესყიდვების შესახებ საქართველოს კანონის მე- 3 მუხლის პირველი პუნქტის ჟ) ქვეპუნქტის შესაბამისად.
XVI. მხარეთა რეკვიზიტები
“შემსყიდველი”: “მიმწოდებელი”:
ხელშეკრულების დანართი #1, გასაწევი მომსახურების ფასების ცხრილი
––––––––––––––––––––––––––––––
ხელშეკრულების დანართი #2, ტექნიკური პირობა
––––––––––––––––––––––––––––––
ხელშეკრულების დანართი #3, მომსახურების უსაფრთხოდ გაწევის წესი და პირობები
––––––––––––––––––––––––––––––
ს.ს. „საქართველოს სახელმწიფო ელექტროსისტემის“ 110 კილოვოლტი ძაბვის საჰაერო ელექტროგადამცემი ხაზის „თრიალეთის“ №1÷4, №11÷13 და №16÷19 მალების დაცვის ზონაში ხე–მცენარეების გაჩეხვითი მომსახურების წარმოებისას
1. მომსახურების შემსრულებელმა საწარმომ მომსახურება უნდა ჩაატაროს საქართველოს მოქმედი კანონმდებლობის და ასევე, შემდეგი ნორმატიული აქტების მოთხოვნების განუხრელი დაცვით: 1) საქართველოს მთავრობის 24.12.2013 წლის N366 დადგენილებით დამტკიცებული „ელექტრული ქსელების ხაზობრივი ნაგებობების დაცვის წესი და მათი დაცვის ზონები“; 2) საქართველოს მთავრობის 31.12.2013 წლის N434 დადგენილებით დამტკიცებული ტექნიკური რეგლამენტი – „ელექტროსადგურებისა და ქსელების ტექნიკური ექსპლუატაციის წესები“; 3) საქართველოს მთავრობის 17.12.2013 წლის N340 დადგენილებით დამტკიცებული „უსაფრთხოების ტექნიკის წესები ელექტროდანადგარების ექსპლუატაციისას“; 4) საქართველოს მთავრობის 2015 წლის 23 ივლისის N370 დადგენილებით დამტკიცებული ტექნიკური რეგლამენტი – „სახანძრო უსაფრთხოების წესების და პირობების შესახებ“;
2. სეგხ–ების დაცვის ზონაში ხე–მცენარეების გაჩეხვითი სამუშაოების ჩატარების მიზნით, მომსახურების შემსრულებელი (მიმავლინებელი) საწარმო ვალდებულია, მომსახურების დაწყებამდე არანაკლებ 10 (ათი) სამუშაო დღით ადრე სსე–ს მიაწოდოს წერილობითი მონაცემები სამუშაოს დაწყების და დასრულების ვადების, მომსახურებისას გამოსაყენებელი მანქანა–მექანიზმების/ტექნიკის და მათი მძღოლების, აგრეთვე, მომსახურების უსაფრთხოდ ჩატარებაზე პასუხისმგებელ მივლინებულ პირთა სია: გვარების, ინიციალების, პირადობის მოწმობის პირადი ნომრების, თანამდებობების, მათთვის მინიჭებული უფლებების (სამუშაოთა ხელმძღვანელი, სამუშაოთა მწარმოებელი, მეთვალყურე, ბრიგადის წევრი) მითითებით;
3. მივლინებულ პირებს მკაცრად ეკრძალებათ ნებისმიერი ზომისა და სახეობის ცივი, ცეცხლსასროლი, გაზის, პნევმატური და სხვა სახის იარაღის, საბრძოლო მასალების ნებისმიერი სახეობისა და რაოდენობის ასაფეთქებელი, მომწამლავი ან/და ადამიანებისა და გარემოსათვის საშიში სხვა ნივთიერებების, აგრეთვე, ნარკოტიკული/ფსიქოტროპული საშუალებების და ალკოჰოლური სასმელების შეტანა. აკრძალულია ობიექტზე გამოცხადება ნასვამ (ალკოჰოლური ზემოქმედების) მდგომარეობაში, ფსიქოტროპული ან/და ნარკოტიკული ნივთიერებების ზემოქმედების ქვეშ. ნებისმიერი ზემოთ აღნიშნული მოთხოვნიდან ერთ–ერთის დარღვევის გამოვლენის შემთხვევაშიც კი შესაბამისი მივლინებული მუშაკი არ დაიშვება ობიექტზე, ხოლო პასუხისმგებელ პირებს დაეკისრებათ შესაბამისი ფინანსური, დისციპლინური, ადმინისტრაციული ან/და სისხლის სამართლებრივი პასუხისმგებლობა.
4. მივლინებული საწარმოს მუშაკი ობიექტზე არ დაიშვება იმ შემთხვევაშიც, თუკი მისი პიროვნება (სახელი, გვარი და პირადი ნომერი) არ აღმოჩნდება ობიექტზე გადაცემულ სიაში;
5. პირი, რომელმაც მიიღო დადგენილი წესით დაშვება ობიექტზე/ელექტრული ქსელის ხაზობრივი ნაგებობის დაცვის ზონაში მომსახურების შესრულებაზე, ვალდებულია მომსახურება შეასრულოს ელექტრული ქსელის მფლობელთან შეთანხმებული ტექნიკური პირობების და წესების დაცვით, უზრუნველყოს ელექტრული ქსელის უსაფრთხოება. თუ სამუშაოები ხორციელდება სხვა ელექტროგადამცემი ხაზის დაცვის ზონაში, უსაფრთხოების მიზნით მომსახურების წარმოებისას სავალდებულოა ელექტრული ქსელის მფლობელი პირის წარმომადგენლის დასწრება.
6. ობიექტზე დაშვებული ყველა მივლინებული პირი ფიზიკური/ფსიქიკური მონაცემებით უნდა შეესაბამებოდეს მათ მიერ შესასრულებელ სამუშაოს, უნდა იყოს ჯანმრთელი და გავლილი უნდა ჰქონდეთ ჯანმრთელობის სამედიცინო შემოწმება;
7. მაღლივ/სიმაღლეზე, ელექტრული ქსელის, საჰაერო ელექტროგადამცემი ხაზების (სეგხ–ების) დაცვის ზონაში, მანქანა–მექანიზმებზე მომუშავე და ყველა სპეციალური სახის სამუშაოებში მონაწილე პირებს გავლილი უნდა ჰქონდეთ ცოდნის საკვალიფიკაციო შემოწმება, მინიჭებული უნდა ჰქონდეთ არანაკლებ უსაფრთხოების II (მეორე) საკვალიფიკაციო ჯგუფი (ბრიგადის წევრებს), არანაკლებ უსაფრთხოების III (მესამე) ჯგუფი მეთვალყურეს. განკარგულებით ჩასატარებელი სამუშაოების შემთხვევაში სამუშაოთა მწარმოებელს უნდა ჰქონდეს არანაკლებ III (მესამე) ჯგუფი, ხოლო განწესის შემთხვევაში – არანაკლებ IV (მეოთხე) ჯგუფი. სამუშაოთა ხელმძღვანელის დანიშვნის შემთხვევაში, მას უნდა ჰქონდეს უსაფრთხოების V (მეხუთე) ჯგუფი;
8. მაღლივი სამუშაოები უნდა ჩაატარონ მოსიმაღლეებმა (მემაღლივე, ზემცოცი). აღნიშნულ სამუშაოებში მონაწილე პირებს (ბრიგადის წევრებს) გავლილი უნდა ჰქონდეთ ცოდნის საკვალიფიკაციო
შემოწმება, უნდა ფლობდნენ მაღლივი სამუშაოების წარმოების თეორიულ და პრაქტიკულ უნარ-ჩვევებს. ამასთან, ვინაიდან, მაღლივი მომსახურება წარმოადგენს სპეციალურ მომსახურებას, სპეციალური მომსახურების ჩატარების უფლების მქონე მომუშავეებს მოწმობაში უნდა ჰქონდეთ გაკეთებული შესაბამისი ჩანაწერი (საქართველოს მთავრობის 17.12.2013 წლის N340 დადგენილებით დამტკიცებული წესების მე-4 მუხლის მე-5 პუნქტის მოთხოვნა);
9. იმ მომსახურებაში მონაწილე ბრიგადის წევრებს, რომლებიც არ არიან დაკავშირებული მაღლივ/სიმაღლეზე, ელექტრული სეგხ–ების დაცვის ზონაში, მანქანა–მექანიზმებზე მუშაობასთან და ყველა სახის სპეციალურ სამუშაოებთან, დასაშვებია ჰქონდეთ უსაფრთხოების I (პირველი) ჯგუფი. ამ შემთხვევაში, ბრიგადას სავალდებულოდ უნდა დაენიშნოს სამუშაოთა მწარმოებელი (მეთვალყურე) – უსაფრთხოების III (მესამე) ჯგუფით;
10. მე–7 და მე-8 პუნქტებით განსაზღვრულ შემთხვევებში, მომუშავეებს უნდა გააჩნდეთ საქართველოს მთავრობის 17.12.2013 წლის N340 დადგენილებით დამტკიცებული მოქმედი საკვალიფიკაციო მოწმობები. მომუშავეები ვალდებულნი არიან აღნიშნული მოწმობები სამუშაოზე ყოფნის დროს მუდმივად იქონიონ სამუშაო ადგილზე;
11. მომსახურებაზე დაშვებამდე მივლინებულმა პირებმა უნდა გაიარონ შესავალი ინსტრუქტაჟი სსე–ს შესაბამის რეგიონალურ ქსელში ტექნიკური უსაფრთხოების და ინსპექციის სამსახურის უსაფრთხოების რეგიონალურ ინჟინერთან, ხოლო პირველადი ინსტრუქტაჟი შრომის დაცვაში – სსე–ს ექსპლუატაციის დეპარტამენტის, აღმოსავლეთის ქსელის, ქვემო ქართლის ზონის ელექტროგადამცემი ხაზების საექსპლუატაციო ბრიგადის უფროსთან - xxxxx xxx xxxxxxxxxx, ინსტრუქტაჟის ჟურნალში შეტანით. პირველადი ინსტრუქტაჟი უნდა ჩატარდეს ადგილობრივ თავისებურებათა და გამოყოფილ უბანზე საშიში გარემოებების/ფაქტორების გათვალისწინებით;
12. სეგხ–ების დაცვის ზონაში ხე–მცენარეების გაჩეხვითი მომსახურების უშუალოდ დაწყებამდე, სამუშაოთა შემსრულებელი საწარმოს პასუხისმგებელმა პირმა სავალდებულოდ სატელეფონო შეტყობინებით უნდა აცნობოს სსე–ს ექსპლუატაციის დეპარტამენტის, აღმოსავლეთის ქსელის, ქვემო ქართლის ზონის საჰაერო ელექტროგადამცემი ხაზების საექსპლუატაციო ბრიგადის უფროსს, xxxxx xxx xxxxxxx, ნომერზე: 577 102 188, რომელიც საკუთარი წარმომადგენლის მეშვეობით ან/და პირადად ადგილზე მისვლის შემდგომ, შეამოწმებს სამუშაო ადგილს და სათანადო პირობების დაკმაყოფილების შემთხვევაში განახორციელებს მივლინებული მუშაკების დაშვებას სამუშაო ადგილზე;
13. სეგხ–ების დაცვის ზონაში ხე–მცენარეების გაჩეხვითი მომსახურების უსაფრთხოდ ჩატარებაზე და სეგხ–ების შეუფერხებელ მუშაობაზე სრული პასუხისმგებლობა ეკისრება სამუშაოთა შემსრულებელ საწარმოს (მივლინებულ პირებს). აღნიშნული მომსახურების მიზეზით გამოწვეული ხაზის ავარიული გამორთვის, დაზიანების ან/და სხვა სახის ზარალის ღირებულებას სრულად, დაუყოვნებლივ და უპირობოდ აანაზღაურებს მომსახურების შემსრულებელი საწარმო;
14. სეგხ–ების დაცვის ზონაში, მაღლივი/სიმაღლეზე, მანქანა–მექანიზმების გამოყენებით სამუშაოები სავალდებულოდ უნდა შესრულდეს განწესი–დაშვებით განსაზღვრული, უსაფრთხოების ყველა საჭირო ორგანიზაციულ–ტექნიკური ღონისძიების წინასწარი გატარებით. სავალდებულო წესით უნდა დაინიშნოს მომსახურების მწარმოებელი და მეთვალყურე. დაუშვებელია განწესით დადგენილი ღონისძიებების თვითნებური შეცვლა, აგრეთვე განწესით განსაზღვრული მომსახურების ადგილის და დავალების მოცულობის გაფართოება. აუცილებლობის შემთხვევაში, მოქმედი წესების დაცვით, წინასწარ თავიდან უნდა განხორციელდეს უსაფრთხოების ყველა ორგანიზაციულ-ტექნიკური ღონისძიება.
15. მომსახურების პირველად ან ახალ მომსახურების ადგილზე გადასვლისას დაშვებას ასრულებს ენერგოობიექტის წარმომადგენელი (დამშვები). მომდევნო დღეებში მომზადებულ სამუშაო ადგილზე განმეორებით დაშვებას დამშვების ნებართვით ახორციელებს მივლინებული პირების მხრიდან გამოყოფილი სამუშაოს ხელმძღვანელი. მივლინებული პირების სამუშაოს მწარმოებელს (მეთვალყურეს) მომსახურებისთვის მომზადებულ ადგილზე შეუძლია დაუშვას ბრიგადა დამშვების ნებართვით თუ მას ეს ევალება განწესის “ცალკეული მითითებების" სტრიქონში ჩანაწერით.
16. ყოველდღიურად ბრიგადის მომსახურებაზე დაშვება უნდა განხორციელდეს მიმდინარე (მიზნობრივი) ინსტრუქტაჟის ჩატარების შემდგომ, რომელიც ბრიგადის წევრებს უნდა ჩაუტარონ მივლინებული პირების მხრიდან გამოყოფილმა მომსახურების ხელმძღვანელმა, მომსახურების მწარმოებელმა და მეთვალყურემ, რომლებიც პასუხისმგებელნი არიან ბრიგადის წევრებთან ინსტრუქტაჟის მკაფიოდ და სრულად ჩატარებაზე, აგრეთვე, მომზადებული მომსახურების ადგილის შესაბამისობაზე
განწესით/განკარგულებით განსაზღვრულთან და მომსახურების შესრულების პირობებიდან გამომდინარე მათ მიერ განხორციელებულ უსაფრთხოების დამატებით ღონისძიებებზე; ასევე, აუცილებელი დამცავი საშუალებების (მათ შორის, სიმაღლიდან ვარდნის დამცავი საშუალებების), ინვენტარის, ინსტრუმენტების და სამარჯვების არსებობაზე, გამართულობაზე და სწორად გამოყენებაზე; სამუშაო ადგილზე შემოღობვების, უსაფრთხოების პლაკატებისა და ნიშნების, ჩამკეტი მოწყობილობების დაცულობაზე; მომსახურების ადგილზე ხანძარსაწინააღმდეგო და ფეთქებადსაწინააღმდეგო წინასწარი ღონისძიებების გატარებაზე და მკაცრად დაცვაზე, მომსახურების უსაფრთხოდ ჩატარებაზე და ბრიგადის წევრებისა და მათ მიერ მოქმედი წესების დაცვაზე; ბრიგადის წევრებზე მუდმივი კონტროლის განხორციელებაზე;
17. მომსახურების ადგილზე/გამოყოფილ უბანზე უსაფრთხოების ტექნიკის და სახანძრო უსაფრთხოების წესების დაცვაზე, მივლინებული მუშაკების უსაფრთხოდ მუშაობაზე და მათი კვალიფიკაციის შესაბამისობაზე ჩასატარებელი მომსახურების სპეციფიკასთან, სრული პასუხისმგებლობა ეკისრება მიმავლინებელ საწარმოს. ამასთან, მივლინებული პირები ვალდებულნი არიან მკაცრად დაიცვან მომსახურების ადგილზე არსებული მანქანა-მექანიზმების, მოწყობილობა–დანადგარების მუშაობის დადგენილი რეჟიმები და თავიანთი ქმედებებით არ გამოიწვიონ რაიმე შეფერხებები ან სეგხ-ების დაზიანებები. მივლინებული პირებისათვის გამოყოფილი უბანი/სამუშაო ადგილი უნდა იყოს სავალდებულოდ შემოღობილი უსაფრთხოების ლენტით;
18. მაღლივი/სიმაღლეზე, სეგხ–ების დაცვის ზონაში, ელექტრული, მანქანა–მექანიზმების გამოყენებით და სხვა მომსახურება მივლინებულმა პირებმა უნდა ჩაატარონ გამოყენებისათვის ვარგისი დამცავი საშუალებების (სპეცტანსაცმლის, სათვალის, დამცავი ჩაფხუტის, დამცავი ქამრის, დამზღვევი ბაგირის, დამცავი ხელთათმანების, შემოღობვის ლენტის და სხვა) სავალდებულო გამოყენებით. აღნიშნული საშუალებები ობიექტზე დაშვებისას თან უნდა იქონიონ, სამუშაო ადგილზე მიიტანონ მივლინებული საწარმოს მუშაკებმა. საჭიროების შემთხვევაში სამუშაო ადგილზე დამატებით უნდა დაყენდეს დამცავი მოწყობილობები (ბადეები, ფარები, ფენილები და ა.შ.);
19. მივლინებულმა პირებმა მომსახურება ადგილზე უნდა უზრუნველყონ საქართველოში მოქმედი სახანძრო უსაფრთხოების წესების მოთხოვნათა განუხრელი დაცვა. მომსახურების წარმოების დროს აკრძალულია ფეთქებადი და ადვილადაალებადი ნივთიერებების გამოყენება. სამუშაოების მიმდინარეობისას მიღებული და დაცული უნდა იყოს აფეთქებისა და სახანძრო უსაფრთხოების ზომები. მივლინებულ პირებს ობიექტის ტერიტორიაზე ეკრძალებათ თამბაქოს მოწევა, გარდა სპეციალურად საამისოდ გამოყოფილი ადგილებისა;
20. მანქანა–მექანიზმების გამოყენებით მუშაობის შემთხვევაში, აუცილებლად უნდა გაიცეს განწესი, დაინიშნოს უსაფრთხოების V (მეხუთე) ჯგუფის მქონე სამუშაოთა ხელმძღვანელი (რომელსაც ინსტრუქტაჟს უტარებს განწესის გამცემი და დამშვები), განისაზღვროს უსაფრთხოების ორგანიზაციულ– ტექნიკური ღონისძიებები და სათანადოდ მომზადდეს მომსახურების ადგილი. მომსახურებაში მონაწილე ყველა ამწე–სატრანსპორტო საშუალება, სპეცმანქანა–მექანიზმი, ტვირთამწე მანქანები, ბაგირები, ჯალამბარები უნდა იყოს მუშაობისათვის ვარგისი, გამართული და შემოწმებაგავლილი/გამოცდილი.
21. ელექტროსადენების ქვეშ გავლის შემთხვევაში ტვირთამწე მანქანებისა და მექანიზმების ამწევი და გამოსაწევი ნაწილები უნდა იმყოფებოდეს სატრანსპორტო მდგომარეობაში. აკრძალულია ტვირთამწეების და მანქანა–მექანიზმების დაყენება და მუშაობა 0,4 კვ–დან 35 კვ ჩათვლით ძაბვის ქვეშ მყოფი სეგხ-ის სადენების ქვეშ.
22. სეგხ-ის დაცვის ზონაში ძაბვის მოუხსნელად ნებისმიერი მომსახურების შესრულებისას ავტომობილები, ტვირთამწე მანქანები და მექანიზმები უნდა დამიწდეს. დამიწების დაყენებამდე აკრძალულია ავტომობილების (ტვირთამწე მანქანების, მექანიზმების) კორპუსზე შეხება და მათი სამუშაო ორგანოს, ტვირთსაჭერი სამარჯვების და საყრდენი დეტალების გადაადგილება. აკრძალულია ტვირთამწე მანქანებისა და მექანიზმების მომსახურებისას ასაწევი ტვირთის, ტელესკოპური კალათის ქვეშ, აგრეთვე დასაჭიმი სადენების (გვარლების), საბრჯენების, სამაგრების და მომუშავე მექანიზმების უშუალო სიახლოვეს (5 მ-ზე ახლოს) ადამიანების ყოფნა.
23. მივლინებული პირების მიერ სამუშაოების წარმოება სხვადასხვა სახის ამწე მანქანებით და გამოსაწევ ნაწილებიანი მექანიზმებით დასაშვებია იმ პირობით, რომ მანქანის ან მისი გამოსაწევი ან ამწევი ნაწილიდან, ასევე მისი მუშა ორგანოდან ან ნებისმიერ მდგომარეობაში მყოფი ასაწევი ტვირთიდან (მათ შორის, მაქსიმალურად აწეული ტვირთით ან ისრით) ძაბვის ქვეშ მყოფ უახლოეს სადენამდე, არ იქნება ცხრილი №1-ში მითითებულ მანძილებზე ნაკლები.
24. სამუშაოებზე განწესის გამცემმა უნდა განსაზღვროს ელექტროდანადგარების/ეგხ–ების გამორთვის და დამიწების საჭიროება.
ცხრილი1. დასაშვები მანძილები ძაბვის ქვეშ მყოფი ელექტროგადამცემი ხაზის/ ელექტროდანადგარის დენგამტარ ნაწილებამდე მანქანა–მექანიზმების შემთხვევაში:
მაღალი ძაბვის ეგხ-ს ძაბვა, კვ | მანძილი, მ | |
ნომინალური | მინიმალური, ტექნიკური საშუალებებით გაზომვადი | |
1-მდე | 1,5 | 1,5 |
1-დან 20-მდე | 2,0 | 2,0 |
20-დან 35-მდე | 2,0 | 2,0 |
35-დან 110-მდე | 3,0 | 4,0 |
110-დან 220-მდე | 4,0 | 5,0 |
220-დან – 400-მდე | 5,0 | 7,0 |
400-დან – 750-მდე | 9,0 | 10,0 |
25. მომსახურების წარმოებისას აკრძალულია ადამიანების მიახლოება ძაბვის ქვეშ მყოფი ელექტროდანადგარების/ელექტროგადაცემის ხაზების შემოუღობავ დენგამტარ ნაწილებთან ცხრილი №2- ში მითითებულ მანძილზე ახლოს:
26. ცხრილი 2. დენგამტარ ნაწილებამდე მიახლოების დასაშვები მანძილები ადამიანების შემთხვევაში
ძაბვა, კვ | მანძილი ადამიანებიდან და მათ მიერ გამოყენებული იარაღებიდან, სამარჯვებიდან, დროებითი შემოღობვებიდან (მ) | |
1- მდე | სეგხ-ზე | 0,6 |
დანარჩენ ელექტრო დანადგარებში | არ ნორმირდება (შეხების გარეშე) | |
1-35 | 0,6 | |
110 | 1,0 | |
150 | 1,5 | |
220 | 2,0 | |
27. სეგხ–ებზე ნებისმიერი (მათ შორის, სადენის მიწასთან მოკლე შერთვისას/ ბიჯური ძაბვის წარმოშობისას) დაზიანების შემჩნევის შემთხვევაში, მომუშავე დაზიანების ადგილს არ უნდა მიუახლოვდეს 8-10 მეტრის მანძილზე. ბიჯური ძაბვის ზონაში მოხვედრის შემთხვევაში (დაზიანების წერტილიდან 8–10 მეტრის რადიუსში) მომუშავემ ბიჯური ძაბვის ზონიდან გამოსვლა უნდა განახორციელოს მოკლე ნაბიჯებით „ბატიფეხურით,“ ფეხის ტერფების ერთმანეთისგან მოუცილებლად, არანაკლებ 8-10 მეტრის მანძილზე. ამასთან, დაზიანების ადგილზე მიმდინარე სამუშაოები სავალდებულოდ უნდა შეწყდეს. დაზიანების წარმოშობის ან/და წინამდებარე „სამუშაოთა უსაფრთხოდ წარმოების წესის და პირობების“ ნებისმიერი მოთხოვნის დარღვევის შემთხვევაში, სამუშაოთა შემსრულებელმა პირებმა დაუყოვნებლივ უნდა აცნობონ სსე–ს მხრიდან გამოყოფილ უფლებამოსილ პირს. დაზიანების ადგილზე სამუშაოების განახლება დასაშვებია მხოლოდ სს „საქართველოს სახელმწიფო ელექტროსისტემის“ (სსე–ს) წარმომადგენლების მიერ დაზიანების აღმოფხვრის და სსე–ს მხრიდან შესაბამისი უფლებამოსილი პირის მიერ ნებართვის გაცემის შემთხვევაში;
28. მომსახურების წარმოებისას მომუშავეებმა უნდა დაიცვან სახიფათო ზონების საზღვრები, რომელთა ფარგლებში შესაძლებელია საფრთხის წარმოქმნა საგნების ჩამოვარდნასთან დაკავშირებით, ცხრილი №3-ის შესაბამისად:
29. ცხრილი 3. სახიფათო ზონების საზღვრები
საგნის შესაძლო | ტვირთის გადაზიდვის ადგილებთან ახლოს მანქანებით | მოქმედი/ მშენებარე | დასანგრევი |
ჩამოვარდნის სიმაღლე, მეტრი | გადაადგილებული ტვირთის მაქსიმალური გაბარიტის ტრაექტორიის ჰორიზონტალური პროექციიდან), მეტრი | შენობა- ნაგებო–ბების ახლოს (მისი გარე პერიმეტრიდა ნ), მეტრი | (სადემონტაჟო) შენობა–ნაგებობის ახლოს (მისი გარე პერიმეტრიდან), მეტრი |
10 მ-მდე | 4 | 3,5 | 7 |
20 მ-მდე | 7 | 5 | 10 |
20-დან 70 მ– მდე | 10 | 7 | 14 |
30. მომსახურების შემსრულებელი (მიმავლინებელი) საწარმოს მომსახურების მწარმოებელმა მომსახურების დაწყების წინ უნდა გააფრთხილოს ბრიგადის ყველა წევრი იმ საფრთხის შესახებ, რომელიც შეიძლება გამოიწვიოს წასაქცევი ხეების, ბაგირების და ა.შ. მიახლოებამ სეგხ-ის სადენებთან. ჭრის დაწყებამდე ხეებს უნდა გამოებას საჭიმარები, რათა თავიდან იქნას აცილებული მათი სადენებზე დაცემა;
31. ხეების ჭრის დაწყებამდე მომსახურების ადგილი უნდა გაიწმინდოს. იმ შემთხვევაში, თუ ტერიტორია დათოვლილია, დათოვლილ ტერიტორიაზე ხის მოჭრისას (დათოვლილი ადგილებიდან სწრაფად გამოსვლის მიზნით) ხის დაცემის საწინააღმდეგო მხარეს უნდა გაკეთდეს 5-6 მეტრი სიგრძის ორი ბილიკი;
32. გაჩეხვითი მომსახურების წარმოებაში მონაწილე პირებს ეკრძალებათ გამოგულულ ან ნაწილობრივ გადახერხილ ხეზე ასვლა; აკრძალულია ხის წაქცევა გამოგულვის გარეშე, აგრეთვე ხეების გამჭოლად გახერხვა. დახრილი ხეების წაქცევა უნდა მოხდეს მისი დახრის მხარეს, მაგრამ თუ არსებობს სადენზე ხეების დაცემის საშიშროება დაუშვებელია მისი მოჭრა სეგხ-ის გამორთვამდე. სეგხ–ების გამორთვები და დამიწებები უნდა განხორციელდეს უსაფრთხოების ტექნიკის წესების უპირობო დაცვით. მოსაჭრელი ხის მოსალოდნელი წაქცევის შესახებ მხერხავებმა უნდა გააფრთხილონ სხვა მუშები. აკრძალულია დგომა ხის ვარდნისა და მისი დაცემის საპირისპირო მხარეს. სადენებზე ხის დაცემის შემთხვევაში დაუშვებელია სეგხ-იდან ძაბვის მოხსნამდე მასთან 8 მეტრზე ნაკლებ მანძილზე მიახლოება.
33. აკრძალულია შესვენებაზე ან სხვა ხეების ჭრაზე გადასვლისას გამოგულული და ნაწილობრივ გადახერხილი ხეების წაუქცევლად დატოვება. დამპალი და გამხმარი ხეების ჭრის დაწყებამდე აუცილებელია გაისინჯოს მათი სიმტკიცე, ხოლო შემდეგ მოიხერხოს. აკრძალულია ასეთი ხეების გამოგულვა. ასევე აკრძალულია ხეების ჯგუფურად წაქცევა წინასწარი მოხერხვით ან წაქცევა ერთი ხის მეორეზე დაცემით. პირველ რიგში უნდა მოიჭრას ძირმომპალი და მომწვარი ხეები;
34. სეგხ–ების დაცვის ზონაში ხე–მცენარეების გაჩეხვითი მომსახურების დასრულების შემდგომ, ტერიტორია უნდა გაიწმინდოს მოჭრილი ხე–მცენარეებისაგან. აღნიშნული სამუშაოების დროს მანქანა– მექანიზმების გამოყენების შემთხვევაში, მეთვალყურეობა უნდა განახორციელოს სსე–ს მხრიდან გამოყოფილმა მეთვალყურემ. ამასთან, სამუშაოთა შემსრულებელმა საწარმომ უპირობოდ უნდა უზრუნველყოს სეგხ–ის ანძებთან, სადენებთან და ხაზის ნებისმიერ მონაკვეთთან მისასვლელი გზების არსებობა, მანქანა–მექანიზმების თავმოყრისა და ხაზის სარეაბილიტაციო–პროფილაქტიკური, კაპიტალური და ავარიულ–აღდგენითი სამუშაოების შეუზღუდავად ჩატარების შესაძლებლობით;
35. სეგხ–ების დაცვის ზონაში აკრძალულია ცეცხლის დანთება ნებისმიერი მიზნით ან/და საცეცხლე სამუშაოების წარმოება. სეგხ–ის დაცვის ზონაში სამუშაოების დაწყებამდე სამუშაო ადგილებზე თავმოყრილი და გამართული უნდა იყოს ხანძარქრობის აუცილებელი პირველადი საშუალებები. დამატებით, მომსახურების უნდა შესრულდეს საქართველოში მოქმედი სახანძრო უსაფრთხოების წესების მოთხოვნების განუხრელი დაცვით;
36. სამუშაო დღის განმავლობაში შესვენების დროს ბრიგადა გამოყვანილი უნდა იქნას მომსახურების ადგილიდან. ბრიგადის წევრებს შესვენების შემდეგ უფლება არა აქვთ მომსახურების მწარმოებლის (მეთვალყურის) გარეშე დაბრუნდნენ მომსახურების ადგილზე. შესვენების შემდეგ დაშვებას ახორციელებს სამუშაოს მწარმოებელი (მეთვალყურე) განწესში გაუფორმებლად.
37. მომსახურების დაწყებამდე, სამუშაოების მიმდინარეობისას, შესვენებისას და დამთავრებისას ბრიგადის წევრებს, მომსახურების ხელმძღვანელს, მომსახურების მწარმოებელს (მეთვალყურეს) ეკრძალებათ არსებული ელექტროგადამცემი ხაზების საყრდენებზე და სხვა კონსტრუქციებზე ასვლა;
38. სამუშაო დღის დამთავრებით გამოწვეული მომსახურების შეწყვეტის დროს მომსახურების მწარმოებელმა ბრიგადა უნდა გაიყვანოს მომსახურების ადგილიდან. უსაფრთხოების პლაკატები, დროებითი შემოღობვები, ალმები რჩება ადგილზე. სამუშაოს დროებით შეწყვეტას სამუშაოს მწარმოებელი (მეთვალყურე) აფორმებს განწესის თავის ეგზემპლარში ხელის მოწერით. მომდევნო დღეებში მომსახურების მწარმოებელს (მეთვალყურეს) სამუშაოდ მომზადებულ ადგილზე შეუძლია დაუშვას ბრიგადა დამშვების ნებართვით თუ მას ეს ევალება განწესის “ცალკეული მითითებების" სტრიქონში ჩანაწერით.
39. მომსახურების სრულად დამთავრების შემდეგ მომსახურების მწარმოებელმა (მეთვალყურემ) უნდა გაიყვანოს ბრიგადა მომსახურების ადგილიდან, მოხსნას მხოლოდ ბრიგადის მიერ დაყენებული დროებითი შემოღობვები, უსაფრთხოების გადასატანი პლაკატები, ალმები და განწესში გააფორმოს სამუშაოს დამთავრება ხელის მოწერით. სამუშაოს ხელმძღვანელმა მომსახურების ადგილის შემოწმების შემდეგ განწესში უნდა გააფორმოს მომსახურების დამთავრება. მომსახურების მწარმოებელი (მეთვალყურე) გაფორმებულ განწესს აბარებს დამშვებს, მისი არ ყოფნის შემთხვევაში კი განწესის გამცემს.
40. მომსახურების შემსრულებელი საწარმო ვალდებულია, სეგხ–ების დაცვის ზონაში ხე– მცენარეების გაჩეხვითი სამუშაოების საბოლოო დასრულების თაობაზე წერილობით აცნობოს სს
„საქართველოს სახელმწიფო ელექტროსისტემას“;
41. სს „საქართველოს სახელმწიფო ელექტროსისტემა“ (სსე) უფლებამოსილია დღე–ღამის ნებისმიერ დროს განახორციელოს წინამდებარე „სამუშაოთა უსაფრთხოდ წარმოების წესის და პირობების“ მოთხოვნების შესრულების შემოწმება, ხოლო დარღვევების გამოვლენის შემთხვევაში აუკრძალოს მწარმოებელ პირებს სეგხ–ის დაცვის ზონაში სამუშაოების ჩატარება;
წინამდებარე „მომსახურების უსაფრთხოდ წარმოების წესი და პირობები“ ძალაშია სსე–ს და სამუშაოთა შემსრულებელ საწარმოს შორის დადებული შესაბამისი ხელშეკრულების მოქმედების ვადით.