წარმოდგენილი მისი დირექტორის ---------------------------- სახით, შემდგომში - მიმწოდებელი, მეორეს მხრივ, „სახელმწიფო შესყიდვების შესახებ“ საქართველოს კანონის, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს...
პროექტი
ხელშეკრულება მომსახურების შესყიდვის შესახებ
N
ქ. თბილისი ---. --.2019 წ.
შპს „საქართველოს მყარი ნარჩენების მართვის კომპანია“, წარმოდგენილი მისი დირექტორის xxxxxx xxxxxxxxxx სახით, შემდგომში - შემსყიდველი, ერთის მხრივ და ---------------------------
წარმოდგენილი მისი დირექტორის ---------------------------- სახით, შემდგომში - მიმწოდებელი, მეორეს მხრივ, „სახელმწიფო შესყიდვების შესახებ“ საქართველოს კანონის, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებისა და წინამდებარე ხელშეკრულებაზე თანდართული ტექნიკური დავალების საფუძველზე, ვდებთ წინამდებარე ხელშეკრულებას შემდეგზე,
მუხლი 1. ხელშეკრულების საგანი
1.1. ამ ხელშეკრულების საგანს წარმოადგენს მიმწოდებლის მიერ, შემსყიდველის კუთვნილებაში არსებული -------------არასახიფათო ნარჩენების ნაგავსაყრელი პოლიგონის სარეაბილიტაციო და კეთილმოწყობის სამუშაოების ტექნიკური ზედამხედველობის მომსახურების გაწევის შესყიდვა - შემდგომში მომსახურება.
მუხლი 2. ღირებულება და ანგარიშსწორების წესი
2.1. ხელშეკრულების საორიოენტაციო ჯამური ღირებულება საქართველოს კანონმდებლობით გათვალისწინებული დამატებული ღირებულების გადასახადის გათვალისწინებით შეადგენს -------------
ლარს.
2.2 მხარეები ანგარიშსწორებას ახორციელებენ ლარებში ამ ხელშეკრულებით გათვალისწინებულ რეკვიზიტებზე, უნაღდო ანგარიშსწორების ფორმით.
2.3 მიმწოდებელი ანგარიშსწორებისას ვალდებულია ყოველთვიურად წარმოადგინოს, ფაქტიურად გაწეული მომსახურების მთლიანი და ჯამური (დამატებული ღირებულების გათვალისწინებით) ღირებულება საანგარიშო პერიოდისა და ნაზარდი ჯამის ჩვენებით.
2.4 გაწეული მომსახურების ღირებულება განისაზღვრება საანგარიშო პერიოდში პროპორციულად ან (სამუშაობის დაწყებიდან 30 კალენდარულ დღეში) ფაქტიურად შესრულებული სამშენებლო-სამონტაჟო სამუშაოების ღირებულების --------------------- პროცენტის ოდენობით, რისი გადახდაც შემსყიდველის მიერ განხორციელდება შესაბამისი შუალედური და საბოლოო მიღება-ჩაბარების აქტებისა და დადასტურებული ანგარიშ-ფაქტურის საფუძველზე, 10 კალენდარული დღის განმავლობაში.
2.5 მხარეებს შორის ანგარიშსწორება მოხდება ფაქტიურად გაწეული მომსახურების შესაბამისად.
მუხლი 3. მომსახურების შესაბამისობა
3.1. ხელშეკრულების პირველი მუხლით გათვალისწინებული მომსახურება უნდა შეესაბამებოდეს ქვეყანაში მოქმედ სამშენებლო ნორმებსა და წესებს, მსგავსი მომსახურებისათვის უკვე დადგენილ სტანდარტებს, წინამდებარე ხელშეკრულებაზე თანდართულ ტექნიკურ დავალებას, რომელიც ამ ნაწილში წინამდებარე ხელშეკრულების მიზნებიდან გამომდინარე მისი განუყოფელი ნაწილი ხდება.
3.2. 3.1. პუნქტში აღნიშნული წესებიდან და ნორმებიდან ნებისმიერი გადახვევის შემთხვევაში შემსყიდველი უფლებამოსილია არ მიიღოს გაწეული მომსახურება ან/და მიმწოდებლის მიმართ გამოიყენოს ამ ხელშეკრულებითა და საქართველოს კანონმდებლობით გათვალისწინებული პასუხისმგებლობის ზომები.
მუხლი 4. მომსახურების მიღება-ჩაბარების წესი
4.1. შესყიდვის ობიექტი მიღებულად ჩაითვლება, მხოლოდ მიღება-ჩაბარების აქტის გაფორმების შემდგომ გაწეულ მომსახურებას მიმწოდებელი აბარებს შემსყიდველს, შემსყიდველის მიერ განსაზღვრული წესით (იხ.დანართი N1).
4.2. გაწეული მომსახურების მიღების და საბოლოო შემოწმების ადგილია შემსყიდველის ადგილსამყოფელი და/ან, საჭირო შემთხვევებში, საზედამხედველო ობიექტი. შემსყიდველი ამოწმებს მიმწოდებლის მიერ გაწეული მომსახურების მოცულობას და ხარისხს.
4.3 მიმწოდებლის მიერ შემსყიდველისთვის გაწეული მომსახურების ეტაპის მიღება-ჩაბარება (და ინსპექტირების აქტის შედგენა) მოხდება საანგარიშო თვის მომდევნო თვის 10 რიცხვამდე, როდესაც მიმწოდებელი წარუდგენს შემსყიდველს ტექნიკურ ანგარიშს - განვლილ პერიოდში მის მიერ განხორციელებული ტექნიკური ზედამხედველობის შედეგების შესახებ, აგრეთვე, მის მიერ დამოწმებული შესრულებული სამუშაოს აქტებსა და სხვა ტექნიკურ დოკუმენტაციას. ტექნიკურ ანგარიში ასახული უნდა იყოს სამუშაოთა შესაბამისობა ან/და გადახრა გრაფიკთან, ფოტოფიქსაციის მასალები და სხვა დოკუმენტაცია. სამშენებლო პროეცისის ყველა ხარვეზი არსებობის შემთხვევაში ფოტოფიქსაციის მასალებთან ერთად, რეკომენდაციები მათ გამოსასწორებლად და მათი გამოსწორების შედეგები, ასევე ყველა სხვა საჭირო ინფორმაცია მშენებლობის პროცესის მიმდინარეობის თაობაზე;
4.4 გაწეული მომსახურების მიღება-ჩაბარების აქტს შემსყიდველის ორგანიზაციის მხრიდან ხელს აწერს შემსყიდველი ორგანიზაციის ტექნიკურ დეპარტამენტის უფროსი - მამუკა ტვილდიანი.
მუხლი 5. მხარეთა უფლება-მოვალეობანი
5.1. მიმწოდებელი ვალდებულია:
ა) მომსახურების შესრულების პროცესში იხელმძღვანელოს ამ ხელშეკრულების 3.1. პუნქტში გათვალისწინებული წესებითა და პირობებით;
ბ) მომსახურების გაწევა უზრუნველყოს -------------------. პერიოდის განმავლობაში, წინამდებარე ხელშეკრულების 1.1 პუნქტში მითითებულ ობიექტზე სამუშაოების შესყიდვაზე გაფორმებული ხელშეკრულების ვადების გათვალისწინებით;
გ) კომპეტენციის ფარგლებში აწარმოოს ინსპექტირება და მონიტორინგი ხელშეკრულების 1.1 პუნქტში მითითებულ ობიექტზე სამუშაოების შესაბამისი ხელშეკრულებით დათქმულ ვადებში მიმდინარეობის თაობაზე და საზედამხედველო ობიექტზე სამუშაოების განმახორციელებელი პირის მიერ კალენდარულ ვადებთან არსებულ ჩამორჩენებთან დაკავშირებით შესაბამისი წერილობითი შეტყობინებით წარსდეგს შემსყიდველის წინაშე;
დ) მომსახურების გაწევა უზრუნველყოს წინამდებარე ხელშეკრულებაზე თანდართული დანართის
- ტექნიკური დავალების პირობების შესაბამისად;
ე) შემსყიდველის მოთხოვნის შესაბამისად, წარუდგინოს მას ინფორმაცია გასაწევი ან/და გაწეული მომსახურების შესახებ;
ვ) საკუთარი ხარჯებით უზრუნველყოს ამ ხელშეკრულებით გათვალისწინებული ინსპექტირების შედეგად გამოვლენილი ყველა დეფექტის ან ნაკლის აღმოფხვრა;
ზ) ანგარიშსწორებისას ყოველთვიურად მიუთითოს ფაქტიურად გაწეული მომსახურების მთლიანი და ჯამური ღირებულება;
თ) შემსყიდველს უმოკლეს ვადაში აცნობოს მისი ორგანიზაციის მოსალოდნელი რეორგანიზაციის ან ლიკვიდაციის შესახებ.
5.2. შემსყიდველი ვალდებულია:
ა) აწარმოოს ინსპექტირება საამისოდ შერჩეულ პირთან ერთად მომსახურების გაწევის მიმდინარეობაზე, თანახმად ხელშეკრულების პირობების, დავალების, მომსახურების ტექნიკური სპეციფიკაციების, რომელთა დარღვევის შემთხვევაში იგი უფლებამოსილია შეაჩეროს სამუშაოები;
ბ) შეუფერხებლად აუნაზღაუროს მიმწოდებელს გაწეული მომსახურების ღირებულება ამ ხელშეკრულებით გათვალისწინებული ვადების შესაბამისად.
5.3 წინამდებარე ხელშეკრულებით განსაზღვრული ვალდებულებების შესრულების დროს მიმწოდებელმა უნდა გაითვალისწინოს შემსყიდველსა და სამშენებლო კომპანიას შორის ხელშეკრულების პირველი მუხლის 1.1 პუნქტში მითითებული ობიექტის სამუშაოებზე გაფორმებული ხელშეკრულების და წინამდებარე ხელშეკრულებაზე თანდართული ტექნიკური დავალების მოთხოვნები.
5.4 ხელშეკრულებით განსაზღვრულ მომსახურების გაწევის ვადებში ცვლილებების შეტანა დასაშვებია მხოლოდ შემსყიდველის და მიმწოდებლის ურთიერთშეთანხმების საფუძველზე.
5.5 შემსყიდველი და მიმწოდებელი ერთობლივად იღებენ გადაწყვეტილებას მომსახურების გაწევის მიმდინარეობის საკითხებზე და საჭიროების შემთხვევაში შეაქვთ მასში სათანადო ცვლილებები.
5.6 ხელშეკრულების დამდებ არც ერთ მხარეს არა აქვს უფლება შეიტანოს ამ ხელშეკრულებით გათვალისწინებული მომსახურების გაწევის ვადებში ცვლილებები მეორე მხარესთან შეთანხმების გარეშე.
მუხლი 6. ფორს-მაჟორი
6.1. მხარეები თავისუფლდებიან ხელშეკრულებით გათვალისწინებული ვალდებულებების შეუსრულებლობით გამოწვეული პასუხისმგებლობისაგან, თუ ვალდებულებების შეუსრულებლობა გამოწვეულია დაუძლეველი ძალის (სტიქიური უბედურება, ეპიდემია, ომი, კარანტინი, საქონლის მიწოდებაზე ემბარგოს დაწესებით, საბიუჯეტო ასიგნებების მკვეთრი შემცირება, საზოგადოებრივი არეულობა, ცვლილებები კანონმდებლობაში და ა.შ.) ზეგავლენით, რომლის წინასწარ განსაზღვრა ან თავიდან აცილება მხარეების შესაძლებლობას აღემატებოდა. დაუძლეველი ძალით გამოწვეული მოვლენები ეწოდება მოვლენებს, რომლის წარმოშობასა და განვითარებაზე მხარეებს ზეგავლენის მოხდენა არ შეუძლიათ (ფორს-მაჟორი).
6.2. მხარე, რომელსაც მიზეზად დაუძლეველი ძალის მოვლენები მოჰყავს, ვალდებულია დაუყოვნებლივ აცნობოს მეორე მხარეს წერილობით ასეთი მოვლენების დადგომის თაობაზე. ამასთან, მეორე მხარის მოთხოვნის შემთხვევაში, უნდა წარმოადგინოს დაუძლეველი ძალის მოვლენების არსებობის დამადასტურებელი დოკუმენტი, რომ ამ მოვლენამ არსებითად ხელი შეუშალა მხარეს ხელშეკრულებით გათვალისწინებული ვალდებულების შესრულებაში.
მუხლი 7. პასუხისმგებლობა
7.1. ხელშეკრულების პირობების შეუსრულებლობის ან არაჯეროვნად შესრულებისათვის დამრღვევი მხარე ვალდებულია მეორე მხარის მოთხოვნისთანავე გადაუხადოს მას პირგასამტეხლოს სახით საზედამხედველო ობიექტის მომსახურების სახელშეკრულებო ღირებულების 5 % არაუგვიანეს 10 საბანკო დღეში და უზრუნველყოს დარღვევის დაუყოვნებლივ გამოსწორება.
7.2 წინამდებარე ხელშეკრულებით ნაკისრი ვალდებულების შესრულების ვადების დარღვევის შემთხვევაში, დამრღვევ მხარეს დაეკისრება პირგასამტეხლო სახელშეკრულებო თანხის 0.3% პროცენტის ოდენობით, ყოველ ვადაგადაცილებულ დღეზე, რომლის დაქვითვაც მოხდება შემსყიდველის მიერ მიმწოდებლისთვის გადასარიცხი თანხიდან.
7.3 იმ შემთხვევაში, თუ მიმწოდებელზე ხელშეკრულების პირობების დაღვევის გამო დაკისრებული პირგასამტეხლოს ჯამური თანხა გადააჭარბებს ხელშეკრულების საერთო ღირებულების 5% პროცენტს, მეორე მხარეს უფლება აქვს ცალმხრივად შეწყვიტოს ხელშეკრულება.
მუხლი 8. ხელშეკრულების შეწყვეტა
8.1 ხელშეკრულების დამდები ერთ-ერთი მხარის მიერ ხელშეკრულების პირობების შეუსრულებლობის შემთხვევაში, მეორე მხარეს შეუძლია მიიღოს გადაწყვეტილება ხელშეკრულების
სრული ან მისი ცალკეული პირობის მოქმედების შეწყვეტის შესახებ, რაზედაც აცნობებს მეორე მხარეს წერილობითი ფორმით.
8.2 ხელშეკრულების ცალკეული პირობების მოქმედების შეწყვეტა არ ათავისუფლებს მეორე მხარეს დანარჩენი ვალდებულებების შესრულებისაგან.
8.3 ხელშეკრულების შეწყვეტის გაფორმება ხდება დანართი შეთანხმების გზით, მაგრამ შეუთანხმებლობის შემთხვევაში მხარეებს უფლება აქვთ გამოიყენონ ხელშეკრულების ცალმხრივად (წერილობითი ფორმით) შეწყვეტის შესაძლებლობა.
8.4 შემსყიდველი უფლებამოსილია ვადამდე ცალმხრივად შეწყვიტოს ამ ხელშეკრულების მოქმედება,თუ:
ა) მიმწოდებელი არღვევს ამ ხელშეკრულების პირობებს (არ ასრულებს ან არაჯეროვნად ასრულებს); ბ) მიმწოდებლის მიმართ მიმდინარეობს გაკოტრების საქმე. (მიუხედავად მისი დაწყების დროისა); გ) მიმწოდებლის ქონებას დაედო ყადაღა;
დ) მიმდინარეობს მიმწოდებლის რეორგანიზაცია, თუ ეს გარემოება ზეგავლენას ახდენს ან შესაძლებელია მოახდინოს ხელშეკრულების ჯეროვან შესრულებაზე.
მუხლი 9. უფლებების გადაცემა
9.1 წინამდებარე ხელშეკრულების არც ერთ მხარეს არა აქვს უფლება გადასცეს მესამე პირს თავისი უფლებები და მოვალეობები, მეორე მხარის წერილობითი თანხმობის გარეშე.
9.2 მესამე პირებთან ურთიერთობაში მხარეები მოქმედებენ თავიანთი სახელით, ხარჯებითა და რისკით.
მუხლი 10. ქვე-კონტრაქტორები
10.1 მიმწოდებელმა წერილობით უნდა აცნობოს შემსყიდველს წინამდებარე ხელშეკრულების ფარგლებში დადებული უველა სუბკონტრაქტის შესახებ, თუ ეს უკვე არ არის მითითებული მის წინადადებაში.
10.2 ამ ხელშეკრულების ფარგლებში დადებული ყველა სუბკონტრაქტის ასლი უნდა წარედგინოს შემსყიდველს.
10.3 ქვე-კონტრაქტორის მიერ შესასრულებელი სამუშაოების ჯამური მოცულობა არ უნდა აღემატებოდეს გასაწევი მომსახურების მთლიანი მოცულობის 40%.
შემსყიდველი –––––––––––––––– მიმწოდებელი ––––––––––––––––
10.4 მომსახურების გაწევის პროცესში ქვეკონტრაქტორის შეცვლა, ან დამატებითი ქვეკონტრაქტორის აყვანა ასევე უნდა შეთანხმდეს შემსყიდველთან. მიმწოდებელი ვალდებულია აცნობოს შემსყიდველს მოცულობის რა ნაწილი გადაეცემა ქვეკონტრაქტორს.
10.5 გასაწევი მომსახურების ნაწილის ქვეკონტრაქტორზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებებიდან.
10.6 მიმწოდებელი ვალდებულია ამ ხელშეკრულებით გათვალისწინებულ საზედამხედველო ობიექტზე შეარჩიონ და დანიშნონ ის წამყვანი ინჟინერ-ტექნიკური სპეციალისტები, რომლებსაც გააჩნიათ სათანადო ცოდნა და გამოცდილება და მოწონებულია შემსყიდველის მიერ.
10.7 მიმწოდებელი იღებს ვალდებულებას მის მიერ წარმოდგენილი ხელშეკრულებით გათვალისწინებული მომსახურების გასაწევად საჭირო ინჟინერ-ტექნიკური პერსონალის ნებისმიერი ცვლილების შემთხვევაში დაუყოვნებლივ აცნობოს შემსყიდველს წერილობითი სახით და აღნიშნული ცვლილებების საკითხი შეათანხმოს შემსყიდველ ორგანიზაციასთან.
მუხლი 11. შეტყობინება
11.1 ნებისმიერი შეტყობინება, რომელსაც ერთი მხარე, ხელშეკრულების შესაბამისად, უგზავნის მეორე მხარეს, გაიგზავნება წერილის, დეპეშის, ტელექსის ან ფაქსის სახით, ორიგინალის შემდგომი წარმოდგენით, წინამდებარე ხელშეკრულებაში მითითებული მეორე მხარის მისამართზე.
11.2 შეტყობინება შედის ძალაში ადრესატის მიერ მისი მიღების დღეს ან შეტყობინების ძალაში შესვლის დადგენილ დღეს, იმის მიხედვით, თუ ამ თარიღებიდან რომელი უფრო გვიან დგება.
მუხლი 12. ინსპექტირება
12.1 წინამდებარე ხელშეკრულებით გათვალისწინებული პირობების შესრულების ინსპექტირებას, მათ შორის ხელშეკრულებით ნაკისრი ვალდებულებების ვადებში მიმდინარეობას, ახორციელებს შემსყიდველი ორგანიზაციის ტექნიკური დეპარტამენტის უფროსი და მის დაქვემდებარებაში არსებული ტექნიკური უზრუნველყოფის განყოფილების თანამშრომლები.
12.2. შემსყიდველს ან მის წარმომადგენელს უფლება აქვთ განახორციელონ ტექნიკური კონტროლი, რათა დარწმუნდნენ მათ შესაბამისობაში ხელშეკრულებით გათვალისწინებულ ტექნიკურ პირობებთან.
12.3. მიმწოდებელი ვალდებულია დაემორჩილოს ინსპექტირების ჯგუფის ყველა კანონიერ მოთხოვნას, ხელი შეუწყოს თავისი საქმიანობის განხორციელებისას და შეუქმნას ჯგუფს ყველა პირობა ნორმალური მუშაობისათვის.
12.4. შემსყიდველი ვალდებულია ოპერატიულად, წერილობითი სახით, აცნობოს მიმწოდებელს გაწეული მომსახურების, ასევე სამშენებლო კომპანიის მიერ შესრულებული სამუშაოების საბოლოო შემოწმების შედეგები, დაწუნებული შესყიდვის ობიექტის წუნდების მიზეზების მითითებით.
შემსყიდველი –––––––––––––––– მიმწოდებელი ––––––––––––––––
12.5. მიმწოდებელი ვალდებულია საკუთარი ხარჯებით, შემსყიდველის მიერ (ან მხარეთა შეთანხმების აქტით) დადგენილ გონივრულ ვადაში უზრუნველყოს კონტროლის (ინსპექტირების) შედეგად გამოვლენილი ყველა დეფექტის ან ნაკლის აღმოფხვრა.
12.6 მიმწოდებელი ვალდებულია საკუთარი ხარჯებით უზრუნველყოს კონტროლის
(ინსპექტირების) შედეგად გამოვლენილი ყველა დეფექტის ან ნაკლის აღმოფხვრა.
მუხლი 13. სხვა პირობები
13.1 ნებისმიერი გადახრა ან ცვლილება ამ ხელშეკრულების პირობებში დაიშვება მხოლოდ ორივე მხარის მიერ ხელმოწერილი წერილობითი შესწორებების საფუძველზე.
13.2 იმ შემთხვევაში, თუ მომსახურების გაწევის დროს ამ ხელშეკრულების ღირებულებისა და ანგარიშსწორებიდან გამომდინარე, ან რაიმე წინასწარ გაუთვალისწინებელი მიზეზის გამო წარმოიშვა ხელშეკრულების პირობების შეცვლის აუცილებლობა, მათ შორის ფასების გადასინჯვის შესაძლებლობა, ასეთი ცვლილებები დასაშვებია წინამდებარე ხელშეკრულების საერთო შინაარსის ფარგლებში და ცვლილებების შეტანის ინიციატორი მხარე ვალდებულია წერილობით შეატყობინოს მეორე მხარეს შესაბამისი დასაბუთებული ინფორმაცია.
13.3 მიმწოდებლის წინადადებაში დაფიქსირებული და შემსყიდველთან შეთანხმებული გასაწევი მომსახურების ფასი წარმოადგენს ხელშეკრულების ძირითად პარამეტრს მისი მოქმედების მთელი პერიოდის განმავლობაში.
13.4 წინამდებარე ხელშეკრულების პირობების ნებისმიერი ცვლილება უნდა გაფორმდეს ხელშეკრულების დანართის სახით, რომელიც ჩაითვლება ხელშეკრულების განუყოფელ ნაწილად.
13.5 მხარეთა შორის წარმოშობილი სადავო საკითხები წყდება ურთიერთშეთანხმებითა და მოლაპარაკებების გზით; იმ შემთხვევაში, თუ შეთანხმება არ იქნება მიღწეული უთანხმოების წარმოშობიდან 30 დღის განმავლობაში, დავა გადაწყდება სასამართლოს მეშვეობით საქართველოს კანონმდებლობის შესაბამისად.
13.6 ხელშეკრულება შედგენილია ქართულ ენაზე ორ ეგზემპლარად, რომელთაგან თითოეულს აქვს თანაბარი იურიდიული ძალა და ინახება ხელმომწერ მხარეებთან (ერთი პირი შემსყიდველთან და ერთი პირი მიმწოდებელთან). ხელშეკრულებასთან დაკავშირებული ნებისმიერი მიმოწერა შესრულებული უნდა იყოს ქართულ ენაზე.
13.7 მიმწოდებლის წინადადება (ტექნიკური დავალება, ხარჯთაღრიცხვა (ფასების ცხრილი), სპეციფიკაციები და სხვა დოკუმენტაცია) თან ერთვის და წარმოადგენს წინამდებარე ხელშეკრულების განუყოფელ ნაწილს.
შემსყიდველი –––––––––––––––– მიმწოდებელი ––––––––––––––––
მუხლი 14. ხელშეკრულების მოქმედების ვადა
14.1 ხელშეკრულების მოქმედების ვადა განისაზღვრება ხელშეკრულების ხელის მოწერის დღიდან მხარეთა მიერ ნაკისრი ვალდებულებების სრულ და ჯეროვან შესრულებამდე --------------------------------
ჩათვლით.
მუხლი15. მხარეთა რეკვიზიტები და ხელმოწერები
შემსყიდველი:
შპს „საქართველოს მყარი ნარჩენების მართვის კომპანია“, იურიდიული მის. საქართველო, თბილისი, ანა პოლიტოვსკაიას ქ. N14, საბანკო რეკვიზიტები: საიდენტიფიკაციო კოდი 404942470, სს „თიბისი ბანკი“, ბანკის კოდი XXXXXX00 ანგარიშის ნომერი: XX00XX0000000000000000.