ნასყიდობის ხელშეკრულება N 21-

ნასყიდობის ხელშეკრულება N 21-

წინამდებარე ნასყიდობის ხელშეკრულება (შემდგომში „ხელშეკრულება“) დადებულია ქ. თბილისში, 2021 წლის -- ივნისს შემდეგ მხარეებს შორის:

ერთი მხრივ, ----- საიდენტიფიკაციო ნომერი ----- (შემდგომში „გამყიდველი“), წარმოდგენილი მისი დირექტორის xxxxxx xxxxxxxxx მიერ, და

მეორე მხრივ, შპს „ჯორჯიან უოთერ ენდ ფაუერი“, საიდენტიფიკაციო ნომერი 203826002 (შემდგომში „მყიდველი“), წარმოდგენილი მისი გენერალური დირექტორის xxxxxx xxxxxxxxxx მიერ

(„გამყიდველი“ და „მყიდველი“ ერთობლივად მოხსენიებული როგორც „მხარეები“, ხოლო ცალ-ცალკე - როგორც „მხარე“).

მუხლი 1. „ხელშეკრულების“ საგანი

1. წინამდებარე „ხელშეკრულებით“ „გამყიდველი“ ყიდის, ხოლო „მყიდველი“ ყიდულობს წინამდებარე „ხელშეკრულების“ დანართში N1 მითითებულ საქონელს (შემდგომში „საქონელი“) და თანახმაა, მიღებული „საქონლის“ სანაცვლოდ გადაუხადოს „გამყიდველს“ ანაზღაურება ამავე „ხელშეკრულების“ პირობების შესაბამისად.

2. დანართი N1 თან ერთვის წინამდებარე „ხელშეკრულებას“ და წარმოადგენს მის განუყოფელ ნაწილს.

მუხლი 2. „საქონლის“ მიწოდება

1. „გამყიდველი“ ვალდებულია, რომ „საქონლის“ მიწოდება განახორციელოს „მყიდველის“ შეტყობინებიდან არაუგვიანეს ---- მისამართზე: თბილისი, წყალსადენის ქ. N 7 ან/და ფეიქართა ქ. 14

2. იმ შემთხვევაში, თუ წინამდებარე „ხელშეკრულების“ ხელმოწერის შემდგომ, „საქონლის“ მიწოდებამდე აღმოჩნდება, რომ „გამყიდველს“ არ შეუძლია „საქონლის“ მიწოდება „მყიდველისათვის“ შეთანხმებულ ვადაში, მაშინ „გამყიდველი“ ვალდებულია, რომ დაუყოვნებლივ აცნობოს „მყიდველს“ აღნიშნულის შესახებ და შეათანხმოს „საქონლის“ ან/და მისი ნაწილის მიწოდების ახალი ვადა, ხოლო, თუ „მხარეები“ ვერ შეთანხმდებიან ამგვარ ახალ ვადაზე, მაშინ „ხელშეკრულება“ ჩაითვლება შეწყვეტილად.

3. „საქონელი“ ჩაითვლება მიწოდებულად მხოლოდ მას შემდეგ, რაც შეთანხმებული რაოდენობის „საქონელი“მიწოდებული იქნება შეთანხმებულ მისამართზე და „მხარეთა“ შორის გაფორმდება მიღება-ჩაბარების აქტი ან/და დადასტურებული იქნება სასაქონლო ზედნადები. მხოლოდ აღნიშნული გარემოებების დადგომის შემდეგ გადადის „მყიდველზე“ „საქონლის შემთხვევითი დაზიანების ან/და დაღუპვის რისკი.

4. მიღება–ჩაბარება, ტრანსპორტირება, შენახვა–დასაწყობება უნდა განხორციელდეს ГОСТ–13015(ან ანალოგი) სტანდარტის შესაბამისად.

5. „მხარეები“ ვალდებული არიან, რომ მიღება-ჩაბარების აქტი ან/და სასაქონლო ზედნადები გააფორმონ „საქონლის“ თითოეული მიწოდებისათვის.

მუხლი 3. ნასყიდობის ფასი

1. წინამდებარე „ხელშეკრულებით“ გათვალისწინებული „საქონლის“ ნასყიდობის ფასი წარმოდგენილია დანართში N 1 (შემდგომში „ნასყიდობის ფასი“).

2. მიწოდებული „საქონლის“ „ნასყიდობის ფასი“ შეიცავს „გამყიდველის’’ ყველა ხარჯს და გადასახადს, დღგ-ს და ტრანსპორტირების, ასეთის არსებობის შემთხვევაში, ღირებულებას.

მუხლი 4. ანგარიშსწორება

1. მხარეთა შორის ანგარიშსწორება წარმოებს ეროვნულ ვალუტაში, უნაღდო ანგარიშსწორების წესით, „საქონლის“ მიწოდებიდან და შესაბამისი მიღება-ჩაბარების აქტის გაფორმებიდან ან/და სასაქონლო ზედნადების დადასტურებიდან არაუგვიანეს 30 (ოცდაათი) კალენდარული დღისა.

მუხლი 5. მხარეთა უფლება–მოვალეობანი

1. „გამყიდველი“ ვალდებულია:

   1. „გამყიდველი“ იღებს ვალდებულებას უზრუნველყოს „მყიდველისათვის“ „საქონლის“ მიწოდება წინამდებარე „ხელშეკრულებით“ დადგენილი წესით.

   2. უზრუნველყოს სასაქონლო ზედნადების გამოწერა „საქონლის“ თითოეული მიწოდებისთვის.

   3. „მყიდველს“ გადასცეს ნივთობრივად და უფლებრივად უნაკლო „საქონელი“ და ამ „საქონელთან“ დაკავშირებული ყველა საბუთი. თუ არ არსებობს „მხარეების“ წინასწარი წერილობითი შეთანხმება „საქონლის“ ხარისხთან დაკავშირებით, „გამყიდველი“ ვალდებულია „მყიდველს“ მიაწოდოს „საქონელი“ დანართში N4 მითითებული მინიმალური მოთხოვნების გათვალისწინებით..

   4. „გამყიდველი“ ვალდებულია უზრუნველყოს რკინა-ბეტონის ფილის წარმოებაში გამოყენებული ბეტონის მასალის ნიმუშის („კუბიკი“) შენახვა/კონსერვაცია „საქონლის“ „მყიდველისათვის“ მიწოდებიდან მინიმუმ 3 თვის განმავლობაში. ამასთან, „გამყიდველი“ ვალდებულია “მყიდველის“ მოთხოვნის შემთხვევაში უზრუნველყოს წარმოებაში გამოყენებული ბეტონის ნიმუშის შემოწმება აკრედიტირებული ლაბორატორიის მიერ საკუთარი ხარჯით. იმ შემთხვევაში, თუ ბეტონის ნიმუშის ხარისხი არ იქნება შესაბამისობაში „მყიდველის“მიერ განსაზღვრულ ბეტონის სპეციფიკაციებთან, „მყიდველი“ უფლებამოსილია მოითხოვოს უხარისხო ბეტონით წარმოებული საქონლის ჩანაცვლება „ხელშეკრულებით“ შეთანხმებული ხარისხის „საქონელით“ და მოსთხოვოს „გამყიდველს“ მიყენებული ზიანის ანაზღაურება, ასეთის არსებობის შემთხვევაში.

   5. იმ შემთხვევაში, თუ „საქონლის“ საგარანტიო ვადის განმავლობაში, ხოლო ასეთი ვადის არ არსებობისას, „მყიდველისათვის“ „საქონლის“ გადაცემიდან გონივრულ ვადაში აღმოაჩნდება ნივთობრივი ნაკლი, „გამყიდველი“ ვალდებულია, „მყიდველისაგან“ წერილობითი ან ზეპირი მოთხოვნის საფუძველზე, „მყიდველის“ მიერ განსაზღვრულ ვადაში საკუთარი ხარჯით უზრუნველყოს: ა) ნივთობრივი ნაკლის გამოსწორება, ხოლო თუ საქმე ეხება გვაროვნულ ნივთს, შეცვალოს ნივთი, ბ) „ნასყიდობის ფასის“ შემცირება იმ ოდენობით, რაც საჭიროა ნაკლის გამოსასწორებლად (ნაკლის გამოსასწორებლად საჭირო თანხის ოდენობა განისაზღვრება „მყიდველის“ მიერ ან/და გ) აუნაზღაუროს „მყიდველს“ გაწეული დანახარჯები და მიყენებული ზიანი (ზარალი).

2. „მყიდველი“ უფლებამოსილია:

   1. უარი განაცხადოს „საქონლის“ მიღებაზე, თუ „გამყიდველმა“ მას მიაწოდა იმაზე ნაკლები რაოდენობის „საქონელი“, ვიდრე ეს გათვალისწინებული იყო წინამდებარე „ხელშეკრულებით“ და ცალმხრივად შეწყვიტოს წინამდებარე „ხელშეკრულება“ ან მიიღოს ასეთი „საქონელი“ და პროპორციულად შეამციროს გადასახდელი „ნასყიდობის ფასი“. გადასახდელი „ნასყიდობის ფასი“ შესამცირებელ ოდენობას განსაზღვრავს „მყიდველი“, რომლის მიერ წარმოდგენილი მონაცემები, ჩაითვლება კვალიფიციურ ინფორმაციად ან/და დოკუმენტაციად და არ გახდება სადაო „გამყიდველის“ მიერ;

   2. თუ „საქონლის“ რაოდენობა აღემატება წინამდებარე „ხელშეკრულებით“ გათვალისწინებულ ოდენობას - მიიღოს ეს რაოდენობა და პროპორციულად გაზარდოს გადასახდელი „ნასყიდობის ფასი“ ან მიიღოს მხოლოდ ის რაოდენობა, რაც გათვალისწინებული იყო წინამდებარე „ხელშეკრულებით“, ხოლო ზედმეტი დააბრუნოს უკან „გამყიდველის“ ხარჯზე. გადასახდელი „ნასყიდობის ფასის“ გასაზრდელ ოდენობას განსაზღვრავს „მყიდველი“, რომლის მიერ წარმოდგენილი მონაცემები, ჩაითვლება კვალიფიციურ ინფორმაციად ან/და დოკუმენტაციად და არ გახდება სადაო „გამყიდველის“ მიერ;

   3. იმ შემთხვევაში, თუ „საქონლის“ საგარანტიო ვადის განმავლობაში, ხოლო ასეთი ვადის არ არსებობისას, „მყიდველისათვის“ „საქონლის“ გადაცემიდან გონივრულ ვადაში აღმოაჩნდება ნივთობრივი ნაკლი, „მყიდველი“ უფლებამოსილია „გამყიდველს“ ზეპირად ან წერილობით მოსთხოვოს, ხოლო „გამყიდველი“ ვალდებულია, „მყიდველის“ მიერ განსაზღვრულ ვადაში საკუთარი ხარჯით უზრუნველყოს: ა) ნივთობრივი ნაკლის გამოსწორება, ხოლო თუ საქმე ეხება გვაროვნულ ნივთს, შეცვალოს ნივთი, ბ) „ნასყიდობის ფასის“ შემცირება იმ ოდენობით, რაც საჭიროა ნაკლის გამოსასწორებლად (ნაკლის გამოსასწორებლად საჭირო თანხის ოდენობა განისაზღვრება „მყიდველის“ მიერ ან/და გ) აუნაზღაუროს „მყიდველს“ გაწეული დანახარჯები და მიყენებული ზიანი (ზარალი).

   4. „მყიდველი“ უფლებამოსილია ზედამხედველობა გაუწიოს სამუშაოს შესრულების პროცესს.

   5. „მყიდველი“ უფლებამოსილია წინამდებარე „ხელშეკრულების“ მოქმედების მთელი ვადის განმავლობაში, ნებისმიერ დროს მოითხოვს „საქონლის“ შემოწმება „ხელშეკრულებით“ გათვალისწინებულ მოთხოვნებთან შესაბამისობის დადგენის მიზნით და იმ შემთხვევაში, თუ ასეთი შემოწმების დროს მის მიერ ან ნებისმიერი მესამე მხარის მიერ დადგინდება, რომ „საქონელი“ არ შეესაბამება „ხელშეკრულებით“ დადგენილ მოთხოვნებს, მოითხოვოს მათი გამოსწორება და/ან ზიანის ანაზღაურება, ასეთის არსებობის შემთხვევაში.

3. „მყიდველი“ ვალდებულია:

   1. გადაუხადოს „გამყიდველს“ მიწოდებული „საქონლის“ „ნასყიდობის ფასი“, წინამდებარე ხელშეკრულების მე–3 და მე-4 მუხლებით დადგენილი პირობების შესაბამისად.

მუხლი 6. ხარისხი და საგარანტიო ვადა

1. კონკრეტული მიწოდებული პარტიის ხარისხის შემოწმება „მყიდველის“ მიერ მოხდება „მყიდველის“ ტერიტორიაზე „საქონლის“ ჩამოტვირთვამდე (მანქანაზე) შმიდტის ჩაქუჩით, ბეტონში ჩატანებული არმატურის შესამოწმებელი ხელსაწყოთი და ვიზუალური დათვალირებით. იმ შემთხვევაში, თუ საქონლის ხარისხი არ დააკმაყოფილებს შემსყიდველის მიერ დანართიN2-ში განსაზღვრულ მოთხოვნებს „მყიდველი“ უფლებამოსილია უარი განაცხადოს „საქონლის“ მიღებაზე და გამოიყენოს „ხელშეკრულებით“ გათვალისწინებულ საჯარიმო სანქციები;

2. წინამდებარე „ხელშეკრულებით“ შეთანხმებული ნაკისრი ვალდებულებების უზრუნველსაყოფად „გამყიდველი“ ვალდებულია, რომ „მყიდველს“ წარუდგინოს ხელშეკრულების შესრულების უზრუნველყოფის გარანტია ------ ლარის ოდენობით (შემდგომში „ხელშეკრულების შესრულების უზრუნველყოფის საბანკო გარანტია“) დანართი N5-ში განსაზღვრული ფორმით. „ხელშეკრულების შესრულების უზრუნველყოფის საბანკო გარანტია“ „გამყიდველმა“ უნდა წარმოადგინოს წინამდებარე „ხელშეკრულების“ ხელმოწერიდან 7 (შვიდი) კალენდარული დღის ვადაში და მისი მოქმედების ვადა 30 კალენდარული დღით უნდა აღემატებოდეს „ხელშეკრულების“ მოქმედების ვადას. „დამკვეთი“ უფლებამოსილია აღნიშნული „ხელშეკრულების შესრულების უზრუნველყოფის საბანკო გარანტიიდან“ დაქვითოს ნებისმიერი ხარჯი, ღირებულება, ჯარიმა, პირგასამტეხლო და ა.შ., რომელიც გათვალისწინებულია წინამდებარე „ხელშეკრულებით“ ან/და ნებისმიერი ის თანხა, რომელიც საჭიროა იმ ზიანის საკომპენსაციოდ, რომელიც მიადგება „მყიდველს“ „გამყიდველის“ მიერ ისეთი „საქონლის“ მიწოდების შემთხვევაში/შედეგად, რომელიც არ შეესაბამება წინამდებარე „ხელშეკრულებით“ შეთანხმებულ ხარისხს ან/და „საქონლის“ შეთანხმებულ ვადაში მიწოდებას.

3. მიწოდებული „საქონლის“ ხარისხი უნდა შეესაბამებოდეს „საქონლისათვის“ „ხელშეკრულებით“ დადგენილ მოთხოვნებსა და სტანდარტებს და შესაძლებელი უნდა იყოს მისი გამოყენება იმ მიზნისთვის, რისთვისაც განხორციელდა მისი შესყიდვა.

4. წინამდებარე „ხელშეკრულების“ საფუძველზე შესყიდული „საქონლის“ საგარანტიო ვადა შეადგენს ---- თვეს „საქონლის“ მიწოდებისა და შესაბამისი მიღება-ჩაბარების აქტის გაფორმების ან/და სასაქონლო ზედნადების დადასტურების მომენტიდან.

5. იმ შემთხვევაში, თუ საგარანტიო ვადის განმავლობაში „საქონელს“ აღმოაჩნდება რაიმე ხარვეზი, „გამყიდველი“ ვალდებულია „მყიდველისგან“ შესაბამისი შეტყობინების მიღებიდან გონივრულ ვადაში გამოასწოროს ყველა ასეთი ხარვეზი, ხოლო თუ ასეთი ხარვეზის გამოსწორება შეუძლებელია ან საჭიროებს არაგონივრულად დიდ დროს, მაშინ შეცვალოს „საქონელი“ ახალი, უხარვეზო „საქონელით“. „გამყიდველი“ ვალდებულია გაიღოს ასეთ შეკეთებასთან ან/და შეცვლასთან დაკავშირებული ყველა თანმდევი ხარჯი.

6. იმ შემთხვევაში, თუ „გამყიდველი“ დააყოვნებს „საქონლის“ შეკეთებას ან/და შეცვლას, „მყიდველი“ უფლებამოსილია თვითონ უზრუნველყოს ხარვეზის გამოსწორება, ხოლო აღნიშნულთან დაკავშირებული ხარჯების გადახდა, ასევე შეკეთების დაყოვნებით მიყენებული ზიანი (ზარალი), ასეთის არსებობის შემთხვევაში, მოსთხოვოს „გამყიდველს“ ან/და დაქვითოს მისთვის გადასახდელი ნებისმიერი სხვა მიმდინარე თუ მომავალში წარმოშობილი გადასახდელებიდან.

მუხლი 7. მხარეთა პასუხისმგებლობა

1. წინამდებარე „ხელშეკრულებით“ გათვალისწინებული ვალდებულებების შეუსრულებლობის ან არასათანადო შესრულების შემთხვევაში, „მხარეები“ პასუხს აგებენ წინამდებარე „ხელშეკრულებით“ და საქართველოს კანონმდებლობით დადგენილი წესით.

2. იმ შემთხვევაში, თუ „გამყიდველი“ ვერ შეძლებს „ხელშეკრულებით“ ნაკისრი ვალდებულების შესრულებას შეთანხმებულ ვადაში, „მყიდველი“ უფლებამოსილია დააკისროს ჯარიმა 500 (ხუთასი) ლარის ოდენობით დარღვევის თითოეული შემთხვევისათვის.

3. წინამდებარე „ხელშეკრულებით“ ნაკისრი ვალდებულებების დარღვევისთვის „მყიდველი“ უფლებამოსილია დააკისროს „გამყიდველს“ პირგასამტეხლო „ხელშეკრულების“ საორიენტაციო ღირებულების 0.5%-ის ოდენობით.

4. წინამდებარე „ხელშეკრულებით“ განსაზღვრული „ნასყიდობის ფასის“ გადახდის ვადის გადაცილების შემთხვევაში „გამყიდველი“ უფლებამოსილია დააკისროს „მყიდველს“ პირგასამტეხლოს გადახდა ყოველ ვადაგადაცილებულ დღეზე გადასახდელი „ნასყიდობის ფასის“ 0.5%-ის ოდენობით.

5. „მხარეთა“ მიერ „ხელშეკრულების“ პირობების დარღვევის შემთხვევაში, პირგასამტეხლოს გადახდა არ ათავისუფლებს „მხარეებს“ „ხელშეკრულებით“ გათვალისწინებული ვალდებულებების შესრულებისაგან.

6. წინამდებარე „ხელშეკრულებაზე“ ხელმოწერით „გამყიდველი“ აღიარებს და ეთანხმება, რომ იმ შემთხვევაში, თუ ამ „ხელშეკრულების“ მოქმედების ვადის განმავლობაში „გამყიდველს“ „მყიდველის“ მიმართ გადასახდელი ექნება რაიმე სახის პირგასამტეხლო ან/და ჯარიმა, „მყიდველი“ უფლებამოსილია ასეთი პირგასამტეხლოს ან/და ჯარიმა თანხა დაქვითოს ნებისმიერი მიმდინარე გადასახდელი „ნასყიდობის ფასიდან“ან/და „ხელშეკრულების შესრულების უზრუნველყოფის საბანკო გარანტიიდან“ .

მუხლი 8. „ხელშეკრულების“ მოქმედების ვადა და შეწყვეტა

1. წინამდებარე „ხელშეკრულება“ ძალაში შედის „მხარეთა“ მიერ მისი ხელმოწერის თარიღიდან და მოქმედებს 1 წლის ვადით.

2. „ხელშეკრულებაში“ დამატებების და/ან ცვლილებების შეტანა შესაძლებელია მხოლოდ წერილობითი ფორმით „მხარეთა“ უფლებამოსილი წარმომადგენლების ხელმოწერით.

3. წინამდებარე „ხელშეკრულების“ შეწყვეტა მისი მოქმედების ვადის ამოწურვამდე შესაძლებელია:

(ა) წინამდებარე „ხელშეკრულების“ 2.2 მუხლით გათვალისიწნებული გარემოების დადგომის შემთხვევაში:

(ბ) დაუყოვნებლივ, „გამყიდველის“ მიერ, თუ „მყიდველი“ არსებითად დაარღვევს წინამდებარე „ხელშეკრულებით“ გათვალისწინებულ ვალდებულებას და მიუხედავად დარღვევის გამოსწორების თაობაზე წერილობითი მოთხოვნის (შეტყობინების) მიღებისა, ამავე მოთხოვნაში (შეტყობინებაში) მითითებულ ვადაში, არ გამოასწორებს ამგვარ დარღვევას;

(გ) დაუყოვნებლივ, „მყიდველის“ მიერ, თუ „გამყიდველი“ დაარღვევს წინამდებარე „ხელშეკრულებით“ გათვალისწინებულ მის რომელიმე ვალდებულებას ან პირობას და მიუხედავად დარღვევის გამოსწორების თაობაზე წერილობითი მოთხოვნის (შეტყობინების) მიღებისა, ამავე მოთხოვნაში (შეტყობინებაში) მითითებულ ვადაში, არ გამოასწორებს ამგვარ დარღვევას;

(დ) ნებისმიერ დროს, ყოველგვარი დასაბუთების გარეშე „მყიდველის“ მიერ „გამყიდველისთვის“ სულ მცირე 7 (შვიდი) კალენდარული დღით ადრე გაგზავნილი წერილობითი შეტყობინებით; ან

(ე) „მხარეთა“ ორმხრივი წერილობითი შეთანხმებით.

4. თუ „ხელშეკრულება“ „გამყიდველმა“ მაშინ შეწყვიტა, როდესაც „მყიდველი“ მოკლებული იყო შესაძლებლობას, სხვაგვარად უზრუნველეყო თავისი ინტერესები, „გამყიდველმა“ უნდა აუნაზღაუროს „მყიდველს“ „ხელშეკრულების“ შეწყვეტით მიყენებული ზიანი, გარდა იმ შემთხვევებისა, როცა „გამყიდველს“ ამისთვის მნიშვნელოვანი საფუძველი ჰქონდა.

5. „მხარეები“ თანხმდებიან, რომ „ხელშეკრულების“ შეწყვეტის (მოშლის) შემთხვევაში, „გამყიდველს“ აუნაზღაურდება მხოლოდ შეწყვეტის თარიღამდე ფაქტობრივად მიწოდებული „საქონლის“ ნასყიდობის ფასი, რაც დადასტურებული უნდა იყოს მხარეთა მიერ ხელმოწერილი მიღება-ჩაბარების აქტით ან/და დადასტურებული სასაქონლო ზედნადებით. ამასთან „მყიდველის“ მიერ „ხელშეკრულების“ მოშლის შედეგად მიყენებული ზიანი/ზარალი (იქნება ეს პირდაპირი თუ ირიბი, მატერიალური თუ არამატერიალური, ფაქტობრივი თუ მიუღებელი შემოსავალი და/ან სხვა) არ ანაზღაურდება და „გამყიდველი“ წინასწარ, გამოუთხოვადად და უპირობოდ უარს აცხადებს „ხელშეკრულების“ მოშლის შედეგად მიყენებული ზიანის/ზარალის (იქნება ეს პირდაპირი თუ ირიბი, მატერიალური თუ არამატერიალური, ფაქტობრივი თუ მიუღებელი შემოსავალი და/ან სხვა) , ამგვარის არსებობის შემთხვევაში, ანაზღაურების მოთხოვნაზე.

მუხლი 9. ფორს-მაჟორი

1. „მხარეები“ თავისუფლდებიან პასუხისმგებლობისაგან „ხელშეკრულებით“ ნაკისრი ვალდებულებების შეუსრულებლობისათვის ან არადროული შესრულებისათვის, თუ აღნიშნული გამოწვეული იქნება ფორსმაჟორული ვითარებით (შემდგომში „ფორსმაჟორული ვითარება“).

2. წინამდებარე „ხელშეკრულების“ მიზნებისათვის „ფორსმაჟორული ვითარება“, შეზღუდვის გარეშე, მოიცავს: ომს, ამბოხებას, სამოქალაქო არეულობას, მიწისძვრას, ხანძარს, აფეთქებას, ქარიშხალს, წყალდიდობას ან სხვა სტიქიურ უბედურებებს, ასევე სახელმწიფო დაწესებულებების სხვა ქმედებასა და უმოქმედობას, რომელიც „მხარეთა“ გონივრული კონტროლის ფარგლებს სცილდება და რომლის დადგომაც წინამდებარე „ხელშეკრულებით“ გათვალისწინებული ვალდებულებების შესრულებას შეუძლებელს ხდის.

3. „მხარე“, რომელსაც „ფორსმაჟორული ვითარება“ შეეხო, უმოკლეს ვადაში, მაგრამ ამგვარი გარემოების დადგომიდან არაუგვიანეს 5 (ხუთი) კალენდარული დღისა, ვალდებულია, შეატყობინოს მეორე „მხარეს“ ამგვარი „ფორსმაჟორული ვითარების“ თაობაზე, „ფორსმაჟორული ვითარების“ ხასიათის და მისი შედეგების სათანადო აღწერით.

4. „ფორსმაჟორული ვითარების“ დადგომის შემთხვევაში, „მხარეთა“ მიერ „ხელშეკრულებით“ ნაკისრი ვალდებულებების შესრულება გადაიწევს ამგვარი „ფორსმაჟორული ვითარების“ დამთავრებამდე/აღმოფხვრამდე.

5. იმ შემთხვევაში, თუ „ფორსმაჟორული ვითარება“ გასტანს ზედიზედ 45 (ორმოცდახუთი) კალენდარულ დღეზე მეტ ხანს, თითოეულ „მხარეს“ უფლება აქვს მეორე „მხარისათვის“ გაგზავნილი წერილობითი შეტყობინების საფუძველზე, შეწყვიტოს წინამდებარე „ხელშეკრულება“ ამგვარი შეწყვეტის შედეგად პასუხისმგებლობის დაკისრების გარეშე.

მუხლი 10. მარეგულირებელი კანონმდებლობა და დავების გადაჭრა

1. წინამდებარე „ხელშეკრულება“ რეგულირდება საქართველოს კანონმდებლობით და განიმარტება მის შესაბამისად.

2. „მხარეთა“ შორის წინამდებარე „ხელშეკრულების“ ირგვლივ წამოჭრილი ნებისმიერი დავა უნდა გადაწყდეს მოლაპარაკების გზით. იმ შემთხვევაში, თუ „მხარეები“ ვერ შეძლებენ შეთანხმების მიღწევას, დავა განსახილველად გადაეცემა საქართველოს შესაბამისი განსჯადობის სასამართლოს.

მუხლი 11. დასკვნითი დებულებები

1. წინამდებარე „ხელშეკრულების“ ნებისმიერი ცვლილება/დამატება ძალაშია მხოლოდ „მხარეთა“ მიერ შესაბამისი წერილობითი შეთანხმებით გაფორმების შემდეგ.

2. წინამდებარე „ხელშეკრულების“ რომელიმე დებულების ბათილობა არ იწვევს მისი სხვა დებულებ(ებ)ის ან/და მთლიანად „ხელშეკრულების“ ბათილობას. ბათილი დებულების ნაცვლად, გამოიყენება ისეთი დებულება, რომლითაც უფრო ადვილად მიიღწევა „ხელშეკრულებით“ (მათ შორის ბათილი დებულებით) გათვალისწინებული მიზანი.

3. „მხარეები“ ადასტურებენ, რომ მათ გაცნობიერებული აქვთ წინამდებარე „ხელშეკრულების“ შინაარსი, იგი ზუსტად გამოხატავს „მხარეთა“ თავისუფალ ნებას და რომ მათ მიერ ნების გამოვლენა მოხდა „ხელშეკრულების“ შინაარსის გონივრული განსჯის შედეგად.

4. წინამდებარე „ხელშეკრულება“ გაფორმებულია თანაბარი იურიდიული ძალის მქონე ორ ეგზემპლარად, რომელთაგან ერთი ინახება „მყიდველთან“, ხოლო მეორე - „გამყიდველთან“.

12. მხარეთა ხელმოწერები:

„გამყიდველი“ საიდენტიფიკაციო ნომერი სს „თიბისი ბანკი“ ბანკის კოდი: ა/ა

__________________________________ დირექტორი „მყიდველი“ შპს ,,xxxxxxx xxxxx ენდ ფაუერი“ საიდენტიფიკაციო ნომერი 203826002 ქ. თბილისი, კოსტავას 1 შეს. 33 სს ,,თიბისი ბანკი’’ ბანკის კოდი: XXXXXX00 ა/ა XX00XX0000000000000000



__________________________________ xxxxxx xxxxxxxxx გენერალური დირექტორი

ნასყიდობის ხელშეკრულება N 21-

დანართი N1

„გამყიდველი“



__________________________________ დირექტორი „მყიდველი“ შპს ,,xxxxxxx xxxxx ენდ ფაუერი“



__________________________________ xxxxxx xxxxxxxxx გენერალური დირექტორი

ნასყიდობის ხელშეკრულება N 21-

დანართი N2

რკინაბეტონის ნაკეთობის შემოწმება და კონტროლი:

1. xxxxxxx სიმტკიცე უნდა განისაზღვროს სტანდარტის ГОСТ–10180 ბეტონის ნარევის ნიმუშების დამზადებისა და შენახვის ГОСТ–18105 პირობების შესაბამისად. ასევე შესაძლებელია გამოყენებული იქნას ГОСТ–17624, ГОСТ– 22690 სტანდარტები.

2. არმატურებისა და ჩასატანებელი დეტალების შედუღების კონტროლი ხორციელდება ГОСТ–10922 და ГОСТ–23858 სტანდარტების შესაბამისად.

3. ბეტონის წყალშეუღწევადობა ГОСТ–12730.0 და ГОСТ–12730.5 სტანდარტების შესაბამისად.

4. რკინაბეტონის კონსტრუქციაში არმატურისა და ჩასატანებელი დეტალების განთავსების, ბეტონის დამცავი ფენის გაზომვები განისაზღვრება ГОСТ–17625 და ГОСТ–22904 სტანდარტების შესაბამისად.

რკინაბეტონის ნაკეთობის მიღება–ჩაბარება, ტრანსპორტირება, შენახვა–დასაწყობება უნდა განხორციელდეს ГОСТ–13015 სტანდარტის შესაბამისად

„გამყიდველი“



__________________________________ დირექტორი „მყიდველი“ შპს ,,xxxxxxx xxxxx ენდ ფაუერი“



__________________________________ xxxxxx xxxxxxxxx გენერალური დირექტორი

ნასყიდობის ხელშეკრულება N 21-

დანართი N3

ნახაზები

„გამყიდველი“



__________________________________ დირექტორი „მყიდველი“ შპს ,,xxxxxxx xxxxx ენდ ფაუერი“



__________________________________ xxxxxx xxxxxxxxx გენერალური დირექტორი

ნასყიდობის ხელშეკრულება N

დანართი N4

1. „გამყიდველი“ ვალდებულია ჭის ძირებისა და გადახურვის ფილების ვიბრირება მოახდინოს „ვიბრო მაგიდაზე“ ან „ვიბრო შლანგით“ .

2. „გამყიდველი“ ვალდებულია მასალების წარმოებისთვის გამოიყენოს ქარხნული წესით წარმოებული ბეტონი. ამასთან, გამოყენებულ ბეტონს უნდა გააჩნდეს მწარმოებლის მიერ გაცემული ხარისხის დამადასტურებელი დოკუმენტი.

3. „გამყიდველი“ ვალდებულია წარმოებისთვის გამოიყენოს რკინის ნაკეთობები, რომელსაც გააჩნია მწარმოებლის მიერ გაცემული ხარისხის დამადასტურებელი დოკუმენტი.

4. „გამყიდველი“ ვალდებულია შესასყიდ „საქონელს“ შიდა მხარეს დაუსვას სპეციალური დამღა/ან გააკეთოს მარკირება საკუთარი სახელის და „საქონლის“ წარმოების თარიღის მითითებით.

დანართი N5

შესრულების გარანტიის ნიმუში

ხელშეკრულების შესრულების საბანკო გარანტია #

(ნიმუში)

თბილისი წელი

გარანტი: ----(შემდგომში „გარანტი“)

გარანტის საიდენტიფიკაციო კოდი:----

გარანტის მისამართი: -----

პრინციპალი: ----(შემდგომში „პრინციპალი“)

პრინციპალის საიდენტიფიკაციო კოდი: ----

პრინციპალის მისამართი: ----

ბენეფიციარი:----(შემდგომში „ბენეფიციარი“)

ბენეფიციარის საიდენტიფიკაციო კოდი: ----

ბენეფიციარის მისამართი: -----

საგარანტიო თანხა: -----

ტენდერის უნიკალური ნომერი: ----

მხედველობაში ვიღებთ რა, რომ პრინციპალმა ---- მიზნით წარდგენილი სატენდერო წინადადების შესაბამისად იკისრა ვალდებულება წარმოადგინოს საბანკო გარანტია მასზე დაკისრებული ვალდებულებების შესრულების გარანტიის სახით ხელშეკრულებაში მითითებულ თანხაზე, ჩვენ, გარანტი, თანახმა ვართ გავცეთ პრინციპალის სახელზე აღნიშნული xxxxxxx xxxxxxxx.

ამასთან დაკავშირებით, ვადასტურებთ, რომ ვართ გარანტები და პასუხისმგებლები თქვენს წინაშე პრინციპალის სახელით საერთო თანხაზე, არაუმეტეს ჯამში ----- და ვკისრულობთ უპირობო და გამოუთხოვად ვალდებულებას ზემოთ აღნიშნული თანხის გადახდაზე ბენეფიციარისთვის, პრინციპალის მიერ ხელშეკრულების პირობების დარღვევის შემთხვევაში ბენეფიციარის პირველივე წერილობითი მოთხოვნის წარმოდგენის საფუძველზე.

ბენეფიციარის წერილობითი მოთხოვნა თანხის ანაზღაურებაზე წარმოდგენილ უნდა იქნეს ბენეფიციარის მხრიდან აღნიშნულ დოკუმენტზე უფლებამოსილი პირის მიერ ხელმოწერილი ფორმით, სადაც მითითებულ იქნება მოთხოვნილი თანხა ციფრობრივად და სიტყვიერად, საბანკო რეკვიზიტები და განმარტებული უნდა იყოს პრინციპალსა და ბენეფიციარს შორის გაფორმებული ხელშეკრულების რა პირობები იქნა დარღვეული პრინციპალის მხრიდან. მოთხოვნას თან უნდა ერთვოდეს მოთხოვნაზე ხელმომწერი პირის უფლებამოსილების დამადასტურებელი დოკუმენტი (ბანკი უფლებამოსილია არ მოითხოვოს აღნიშნული საბუთი, თუ ხელმომწერი პირის უფლებამოსილების შესახებ ინფორმაცია საჯაროდ ხელმისაწვდომია) და საბანკო გარანტიის ასლი.

წინამდებარე გარანტია ძალაშია პრინციპალის მიერ ხელშეკრულების პირობების შესრულების საბოლოოდ დამთავრებამდე, მაგრამ არაუგვიანეს: ----- წელი, შესაბამისად წინამდებარე გარანტია მოქმედებს აღნიშნული თარიღის ჩათვლით.

ზემოთქმულიდან გამომდინარე, ბენეფიციარის მიერ წარმოდგენილი წერილობით მოთხოვნის ორიგინალი დოკუმენტი თანხის ანაზღაურებაზე, გარანტის მიერ მიღებულ უნდა იქნას გარანტიის მოქმედების ვადის ჩათვლით ------(ბანკის დასახელება, ფილიალი, მისამართი)

საბანკო გარანტია ავტომატურად უქმდება ქვემოაღნიშნული გარემოებებიდან ერთ-ერთის დადგომისთანავე:

• საბანკო გარანტიის ვადის გასვლით.

• xxxxxxxx მიერ ბენეფიციარისთვის იმ თანხის გადახდით, რომელზედაც გაიცა xxxxxxx xxxxxxxx.

• xxxxxxxxxxxx მიერ გარანტიიდან გამომდინარე თავის უფლებებზე წერილობით უარის თქმით.

11