სსიპ - აღსრულების ეროვნული ბიურო ს/კ: 205263873 მის: ქ. თბილისი, დავით აღმაშენებლის ხეივანი მე-10კმ ბანკის კოდი TRESGE22 სახელმწიფო ხაზინა, სახაზინო კოდი: 707457019

საიჯარო ხელშეკრულება

ქ. თბილისი 2019 წელი

საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირი - აღსრულების ეროვნული ბიურო (შემდგომში „მეიჯარე“), წარმოდგენილი -------------------------------- სახით, ერთის მხრივ და -------------------------------- (შემდგომში „მოიჯარე“), წარმოდგენილი -------------------------------- სახით, მეორეს მხრივ, 2019 წლის ------------- №----- საჯარო აუქციონის შედეგების გათვალისწინებით და მოქმედი კანონმდებლობის საფუძველზე ვდებთ წინამდებარე ხელშეკრულებას შემდეგზე:

ხელშეკრულების საგანი.

მეიჯარე გადასცემს, ხოლო მოიჯარე, ყავის, გამაგრილებელი სასმელების (უალკოჰოლო), თვითმომსახურების სავაჭრო (სწრაფი კვების) აპარატების და სწრაფი გადახდის აპარატების განთავსების მიზნით, დროებით სარგებლობაში, მიღება-ჩაბარების აქტის გაფორმებიდან ორი წლის ვადით იჯარით იღებს, მეიჯარის მფლობელობაში არსებულ ქ. თბილისში, xxxxx xxxxxxxxxxxx ხეივანი მე-10 კმ.-ზე მდებარე №1 შენობა-ნაგებობაში პირველ სართულზე არსებული 10.42 კვ.მ. არასაცხოვრებელ ფართს, მიწის (უძრავი ქონების) საკადასტრო კოდი №01.13.01.010.085 (შემდგომში „იჯარის საგანი“).
იჯარის საგნის გადაცემა განხორციელდება მიღება-ჩაბარების აქტის საფუძველზე, რომელიც წარმოადგენს ამ ხელშეკრულების განუყოფელ ნაწილს. მიღება-ჩაბარების აქტი შედგენილი იქნება დანართი№1-ის შესაბამისად.

ანგარიშსწორების წესი
1. ყოველთვიური საიჯარო ქირა შეადგენს 400 (ოთხას) ლარს.
2. საიჯარო ქირა მოიცავს საქართველოს კანონმდებლობით გათვალისწინებულ გადასახადებსა და ელექტროენერგიის, დასუფთავების და სხვა კომუნალურ გადასახდელებს.
3. საიჯარო ქირის გადახდა მოიჯარის მიერ მოხდება ყოველთვიურად, ყოველი საანგარიშო თვის დაწყებიდან არაუგვიანეს 25 (ოცდახუთი) კალენდარული დღის ვადაში.
მხარეთა უფლება-მოვალეობანი
1. xxxxxxx xxxxxxxxxx:
  1. ხელშეკრულების დადებიდან 5 (ხუთი) კალენდარული დღის ვადაში მიღება-ჩაბარების აქტით გადასცეს მოიჯარეს იჯარის საგანი სარგებლობისათვის ვარგის მდგომარეობაში;
  2. დაიცვას წინამდებარე ხელშეკრულების პირობები;
2. მეიჯარე უფლებამოსილია:
  1. ვადაზე ადრე, ცალმხრივად შეწყვიტოს ხელშეკრულება, წინამდებარე ხელშეკრულებით გათვალისწინებულ შემთხვევებში და წესით;
  2. მოითხოვოს მოიჯარის ბრალით მიყენებული ზიანის ანაზღაურება;
  3. გამოიყენოს წინამდებარე ხელშეკრულებითა და კანონმდებლობით მასზე მინიჭებული უფლებები.
3. მოიჯარე ვალდებულია:
  1. იჯარის საგანი განოიყენოს მხოლოდ დანიშნულებით. xxxxxxx მას და მკაცრად დაიცვას ტექნიკური უსაფრთხოების და ექსპლუატაციის წესები;
  2. ხელშეკრულების შეწყვეტისას დაუბრუნოს მეიჯარეს იჯარის საგანი იმ მდგომარეობაში, რომელშიც მისგან მიიღო ნორმალური ცვეთისა და ამორტიზაციის გათვალისწინებით;
  3. მეიჯარის თანხმობის გარეშე არ განახორციელოს სხვა საქმიანობა, გარდა ხელშეკრულებით გათვალისწინებული პირობებისა;
  4. აპარატზე დააწესოს ისეთი მომსახურების საკომისიო, რომელიც არ უნდა აღემატებოდეს მის სხვა ტერიტორიაზე განთავსებულ აპარატებზე არსებულ სტანდარტულ საკომისიოს.
  5. ხელშეკრულების გაფორმებიდან ერთი თვის ვადაში იჯარით მიღებული იჯარის საგნის სარგებლობის უფლება დაარეგისტრიროს საჯარო რეესტრში, ხოლო იჯარის საგანზე ხელშეკრულების შეწყვეტის შემთხვევაში ერთი თვის ვადაში განახორციელოს აღნიშნული რეგისტრირებული უფლების გაუქმება საჯარო რეესტრში.
  6. დაიცვას წინამდებარე ხელშეკრულების პირობები და მეიჯარეს მოთხოვნისთანავე წარუდგინოს ინფორმაცია ხელშეკრულების მოთხოვნების შესრულების თაობაზე.
4. მოიჯარე უფლებამოსილია:
  1. დაუბრკოლებლად ისარგებლოს იჯარის საგნით;
  2. იჯარის საგანი გამოიყენოს წინამდებარე ხელშეკრულებით განსაზღვრული მიზნებისთვის.
  3. ვადაზე ადრე, ცალმხრივად შეწყვიტოს ხელშეკრულება, წინამდებარე ხელშეკრულებით გათვალისწინებულ შემთხვევებში და წესით;
  4. გამოიყენოს წინამდებარე ხელშეკრულებითა და კანონმდებლობით მასზე მინიჭებული უფლებები.
ხელშეკრულების შეწყვეტა
1. წინამდებარე ხელშეკრულება შეიძლება შეწყდეს:
  1. ვადის გასვლის გამო;
  2. მხარეთა წერილობითი თანხმობის შემთხვევაში;
  3. მეიჯარის ინიციატივით, ცალმხრივად, 50 (ორმოცდაათი) კალენდარული დღით ადრე მოიჯარისთვის გაგზავნილი წერილობითი შეტყობინების საფუძველზე;
  4. მოიჯარის ინიციატივით, ცალმხრივად, 50 (ორმოცდაათი) კალენდარული დღით ადრე მეიჯარისთვის გაგზავნილი წერილობითი შეტყობინების საფუძველზე;
  5. მეიჯარის ინიციატივით, მოიჯარის მიერ ზედიზედ ორი თვის განმავლობაში საიჯარო ქირის გადაუხდელობის შემთხვევაში;
  6. საქართველოს ეკონომიკისა და მდგრადი განვითარების სამინისტროს წერილობითი მოთხოვნიდან არაუმეტეს 2 კვირის ვადაში;
  7. კანონმდებლობით გათვალისწინებულ სხვა შემთხვევებში.
მხარეთა პასუხისმგებლობა
1. ამ ხელშეკრულებით გათვალისწინებული ვალდებულებების შეუსრულებლობისათვის ან არასათანადოდ შესრულების შემთხვევაში მხარეები პასუხს აგებენ წინამდებარე ხელშეკრულებით და საქართველოს კანონმდებლობით გათვალისწინებული წესით;
2. რომელიმე მხარის მიერ ნაკისრი ვალდებულებების შეუსრულებლობის ან არაჯეროვნად შესრულების შემთხვევაში დამრღვევ მხარეს წერილობითი გაფრთხილებით განესაზღვრება დარღვევის გამოსწორების ვადა და ეკისრება პირგასამტეხლო;
3. საიჯარო ქირის გადახდის ვადის გადაცილების შემთხვევაში, მოიჯარეს ეკისრება პირგასამტეხლო ყოველ ვადაგადაცილებულ დღეზე გადასახდელი თანხის 0.1%-ის ოდენობით. ხოლო სხვა ნაკისრი ვალდებულებების შეუსრულებლობის ან არაჯეროვნად შესრულების შემთხვევაში შესაბამის მხარეს ეკისრება პირგასამტეხლო ყოველ ვადაგადაცილებულ დღეზე ყოველწლიური საიჯარო ქირის 0.1%-ის ოდენობით;
4. ფორს-მაჟორის მოქმედების განმავლობაში არც ერთი მხარე არ აგებს პასუხს ხელშეკრულებით ნაკისრი ვალდებულებების სრულად ან ნაწილობრივ შეუსრულებლობისათვის ან არაჯეროვნად შესრულებისათვის.
5. მხარე, რომელსაც დაუდგა ფორს-მაჟორი, ვალდებულია გონივრულ ვადაში, მაგრამ არა უგვიანეს 5 (ხუთი) სამუშაო დღისა, აცნობოს მეორე მხარეს შესაბამისი ფორს-მაჟორული გარემოებ(ებ)ის და მისი/მათი სავარაუდო ხანგრძლივობის შესახებ, წინააღმდეგ შემთხვევაში, იგი კარგავს უფლებას დაეყრდნოს ფორს-მაჟორის არსებობას, როგორც პასუხისმგებლობისგან გათავისუფლების საფუძველს.
6. თუ ფორს-მაჟორის მოქმედება, შესაბამისი მხარის მიერ ფორს-მაჟორული გარემოებ(ებ)ის დადგომის თაობაზე მეორე მხარისათვის ცნობის გაგზავნის თარიღიდან 30 (ოცდაათი) კალენდარულ დღეზე მეტ ხანს გრძელდება, აღნიშნული 30 (ოცდაათი) კალენდარულ დღიანი ვადის გასვლიდან 15 (თხუთმეტი) კალენდარულ დღის ვადაში მხარეებმა უნდა გადაწყვიტონ ხელშეკრულების ბედი, წინააღმდეგ შემთხვევაში ხელშეკრულება ძალადაკარგულად ჩაითვლება.
7. ფორს-მაჟორული გარემოებების არსებობის თაობაზე დავას მხარეები განიხილავენ სასამართლო წესით.
ხელშეკრულების მოქმედების ვადა
1. ხელშეკრულება ძალაშია 2019 წლის ................ და მოქმედებს 2020 წლის ............. ჩათვლით.
კომუნიკაცია მხარეებს შორის
1. მხარეებს შორის ნებისმიერი ოფიციალური ურთიერთობა უნდა ატარებდეს წერილობით ფორმას. მხარისათვის გათვალისწინებული წერილობითი შეტყობინება მას შეიძლება მიეწოდოს პირადად ან გაეგზავნოს კურიერის (მათ შორის საერთაშორისო კურიერის) ან საფოსტო გზავნილის (მათ შორის დაზღვეული წერილის) საშუალებით. ოპერატიულობის მიზნით, დასაშვებია მეორე მხარისათვის შეტყობინების მიწოდება ფაქსის ან ელექტრონული ფოსტის გაგზავნის გზით, იმ პირობით, რომ მეორე მხარეს გონივრულ ვადაში დამატებით წარედგინება შეტყობინება წერილობითი ფორმით.
2. მხარეები ურთიერთობას განახორციელებენ ხელშეკრულებით განსაზღვრულ მისამართებზე (ან სხვა ნებისმიერ მისამართზე, რომელსაც ერთი მხარე აცნობებს მეორეს წერილობით). მხარე ვალდებულია აღნიშნული მისამართ(ებ)ის ან მათი რომელიმე მონაცემის ცვლილების შესახებ დროულად აცნობოს მეორე მხარეს, წინააღმდეგ შემთხვევაში, მხარის მიერ აღნიშნულ მისამართზე განხორციელებული ურთიერთობა (შეტყობინების გაგზავნა და სხვა) ჩაითვლება ჯეროვნად შესრულებულად.
სხვა პირობები
1. მხარეთა შორის ხელშეკრულების გარშემო წამოჭრილი დავა გადაწყდება ურთიერთმოლაპარაკებით, შეთანხმების მიუღწევლობის შემთხვევაში დავას განიხილავს სასამართლო.
2. ხელშეკრულება შედგენილია სამ ეგზემპლარად, რომელთაც თანაბარი იურიდიული ძალა აქვთ და თითო ეგზემპლარი ინახება მხარეებთან.

xxxxxxx

სსიპ - აღსრულების ეროვნული ბიურო

ს/კ: 205263873

მის: ქ. თბილისი, xxxxx xxxxxxxxxxxx ხეივანი მე-10კმ

ბანკის კოდი TRESGE22

სახელმწიფო ხაზინა, სახაზინო კოდი: 707457019

--------------------------------

დანართი №1

მიღება-ჩაბარების აქტი

ქ. თბილისი 2019 წელი

საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირი - აღსრულების ეროვნული ბიურო (შემდგომში „მეიჯარე“), წარმოდგენილი -------------------------------- სახით, ერთის მხრივ და ------------------------------(შემდგომში „მოიჯარე“), წარმოდგენილი -------------------------------- სახით, მეორეს მხრივ, 2019 წლის ...... ხელშეკრულების შესაბამისად ვაფორმებთ წინამდებარე მიღება-ჩაბარების აქტს, შემდეგზე:

1. მეიჯარემ გადასცა ხოლო მოიჯარემ მიიღო მეიჯარის მფლობელობაში არსებულ ქ. თბილისში, xxxxx xxxxxxxxxxxx ხეივანი მე-10 კმ.-ზე მდებარე №1 შენობა-ნაგებობაში პირველ სართულზე არსებული ფართი 10.42 კვ. მ. არასაცხოვრებელ ფართი, მიწის (უძრავი ქონების) საკადასტრო კოდი №01.13.01.010.085;

2. წინამდებარე აქტი შედგენილია ოთხ თანაბარი იურიდიული ძალის მქონე ეგზემპლარად.