Contract
ხელშეკრულება #02/01/20-123
სახელმწიფო შესყიდვის შესახებ (გამარტივებული შესყიდვა)
ქ. თბილისი ,,8“ ,,მაისი “ 2020 წ.
სსიპ სახელმწიფო სერვისების განვითარების სააგენტო, შემდგომში წოდებული `შემსყიდველად”, წარმოდგენილი ადმინისტრაციის (დეპარტამენტის) დირექტორის მოვალეობის შესმრულებლის xxxxx xxxxxxxxx სახით და შპს „იო“, შემდგომში წოდებული `მიმწოდებლად”, წარმოდგენილი დირექტორის xxxxxx xxxxxxxxxx სახით, ორივე ერთად წოდებული როგორც ,,მხარეები“, ვმოქმედებთ რა საქართველოს კანონმდებლობის და
,,სახელმწიფო შესყიდვების შესახებ” საქართველოს კანონის შესაბამისად, ამავე კანონის მე-101 მუხლის მე-3 პუნქტის „ბ"
ქვეპუნქტის შესაბამისად, ვდებთ წინამდებარე ხელშეკრულებას:
1. გამოყენებული ტერმინების განმარტებები ხელშეკრულებაში გამოყენებულ ტერმინებს აქვს შემდეგი მნიშვნელობა:
1.1 `ხელშეკრულება სახელმწიფო შესყიდვის შესახებ~ (შემდგომში – `ხელშეკრულება~) – შემსყიდველსა და მიმწოდებელს შორის დადებული ხელშეკრულება, რომელიც ხელმოწერილია მხარეთა მიერ, მასზე თანდართული ყველა დოკუმენტით და ასევე მთელი დოკუმენტაციით, რომელზეც ხელშეკრულებაში არის მინიშნებები.
1.2 `ხელშეკრულების ღირებულება~ – საერთო თანხა, რომელიც უნდა გადაიხადოს შემსყიდველმა მიმწოდებლის მიერ ხელშეკრულებით ნაკისრი ვალდებულებების სრული და ზედმიწევნით შესრულებისათვის.
1.3 `დღე~, `კვირა~, `თვე~ – კალენდარული დღე, კვირა, თვე.
1.4 `შემსყიდველი” – პირი, რომელიც ახორციელებს შესყიდვას.
1.5 `მიმწოდებელი” – პირი, რომელიც ახორციელებს საქონლის მიწოდებას ამ ხელშეკრულების ფარგლებში.
1.6 `საქონელი” – ხელშეკრულების მე-2 მუხლით გათვალისწინებული ხელშეკრულების საგანი.
1.7 „ინსპექტირება“ – ხელშეკრულების პირობების შესრულების კონტროლი და ზედამხედველობა.
2. ხელშეკრულების საგანი
2.1 ხელშეკრულების საგანია შემსყიდველის მომსახურების საფასურიდან მიღებული შემოსავლებით ერთჯერადი ხელთათმანებისა (CPV-33140000) და ხელის სადეზინფექციო საშუალებების (CPV-33651100) სახელმწიფო შესყიდვა, წინამდებარე ხელშეკრულებით გათვალისწინებული პირობების შესაბამისად.
2.2 ქვემოთ ჩამოთვლილი დოკუმენტები ქმნიან მოცემულ ხელშეკრულებას და წარმოადგენენ მის განუყოფელ ნაწილს, კერძოდ:
ა) წინამდებარე ხელშეკრულება;
ბ) დანართი #1 – ფასების ცხრილი.
3. ხელშეკრულების ღირებულება
3.1 ხელშეკრულების ღირებულება შეადგენს 12 050.00 (თორმეტი ათას ორმოცდაათი) ლარს (იხილეთ დანართი #1), ყველა ხარჯის და საქართველოს კანონმდებლობით გათვალისწინებული ყველა გადასახადის გათვალისწინებით.
3.2 ხელშეკრულების ღირებულება მოიცავს, როგორც საქონლის ღირებულებას, ასევე წინამდებარე ხელშეკრულების შესრულებასთან დაკავშირებით მიმწოდებლის მიერ გაწეულ ყველა ხარჯს და საქართველოს კანონმდებლობით გათვალისწინებულ გადასახადებს.
4. მხარეთა ვალდებულებები
4.1. მიმწოდებელი ვალდებულია:
ა) განახორციელოს დანართი #1-ით გათვალისწინებული საქონლის მიწოდება ხელშეკრულების გაფორმებიდან არაუგვიანეს 2020 წლის 13 მაისისა , შემდეგ მისამართზე: ქ. თბილისი, ა. წერეთლის გამზირი 67ა;
ბ) განიხილოს შემსყიდველის პრეტენზიები და მიაწოდოს მოტივირებული პასუხი ყველა საკითხზე, აგრეთვე დაუყოვნებლივ უზრუნველყოს აღმოჩენილი ხარვეზების გამოსწორება;
გ) განახორციელოს ამ ხელშეკრულებით მასზე დაკისრებული სხვა ვალდებულებები.
4.2 შემსყიდველი ვალდებულია:
ა) უზრუნველყოს ინსპექტირების განხორციელება;
ბ) განახორციელოს ამ ხელშეკრულებით მასზე დაკისრებული სხვა ვალდებულებები.
5. ინსპექტირება
5.1 შემსყიდველი უფლებამოსილია ჩაატაროს ინსპექტირება, რისთვისაც გამოყოფს უფლებამოსილ პირს/პირებს, ხოლო მიმწოდებელი ვალდებულია ხელი შეუწყოს მას/მათ ინსპექტირების განხორციელების დროს.
5.2 ინსპექტირებას განახორციელებენ სსიპ სახელმწიფო სერვისების განვითარების სააგენტოს მატერიალურ ტექნიკური უზრუნველყოფის სამსახურის მთავარი სპეციალისტი xxxxxx xxxxxxxxxxx.
5.3 შემსყიდველის მიერ ინსპექტირება განხორციელდება ხელშეკრულების შესრულების ნებისმიერ ეტაპზე.
5.4 შემსყიდველის შესაბამისი წარმომადგენელი (წარმომადგენლები, მოწვეული ექსპერტი) უფლებამოსილია ჩაატაროს ხარისხის კონტროლი და თუ აღმოჩნდება წუნდებული საქონელი, მიმწოდებელი ვალდებულია დაუყოვნებლივ გამოასწოროს წუნი.
6. საქონლის მიღება-ჩაბარების წესი
საქონლის მიღება წარმოებს მიღება-ჩაბარების აქტის სახით. მიღება-ჩაბარების აქტი ფორმდება წერილობითი ფორმით, მხარეთა უფლებამოსილი წარმომადგენლების ხელმოწერით, ინსპექტირების განმახორციელებელი პირის/პირების დადებითი დასკვნის საფუძველზე.
7. ანგარიშსწორება
7.1 ანგარიშსწორება განხორციელდება შემდეგი პირობებით: ა) ანგარიშსწორების ვალუტა – ლარი;
ბ) ანგარიშსწორების ფორმა – უნაღდო, წინამდებარე ხელშეკრულებაში მითითებული მიმწოდებლის საბანკო რეკვიზიტების შესაბამისად.
გ) დაფინანსების წყარო: 2020 წლის საკუთარი შემოსავლები.
7.2 შემსყიდველი იღებს ვალდებულებას გადაუხადოს მიმწოდებელს 7350 (შვიდი ათას სამას ორმოცდაათი) ლარი მიღებული მომსახურების ღირებულება მიღება–ჩაბარების აქტის გაფორმებიდან და თუ მიმწოდებელი დღგ- ს გადამხდელია, საგადასახადო ანგარიშ-ფაქტურის წარმოდგენიდან, ხოლო თუ მიმწოდებელი არ არის დღგ-ს გადამხდელი, შემოსავლების სამსახურიდან შესაბამისი ცნობის წარმოდგენიდან 2 (ორი) სამუშაო დღის განმავლობაში, ხოლო 4700 (ოთხი ათას შვიდასი) ლარი 15 (თხუთმეტი) კალენდარული დღის განმავლობაში. თუკი ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.
7.3 შემსყიდველი უფლებამოსილია დაკისრებული პირგასამტეხლოს თანხა (ასეთის არსებობის შემთხვევაში) დააკავოს მიმწოდებლისთვის გადასარიცხი თანხიდან.
8. ხელშეკრულების შესრულების შეფერხება
8.1 თუ ხელშეკრულების შესრულების პროცესში მხარეები წააწყდებიან რაიმე ხელშემშლელ გარემოებებს, რომელთა გამო ფერხდება ხელშეკრულების პირობების შესრულება, ამ მხარემ დაუყოვნებლივ უნდა გაუგზავნოს მეორე მხარეს წერილობითი შეტყობინება შეფერხების ფაქტის, მისი შესაძლო ხანგრძლივობის და გამომწვევი მიზეზების შესახებ. შეტყობინების მიმღებმა მხარემ შესაძლო უმოკლეს ვადაში უნდა აცნობოს მეორე მხარეს მის მიერ მიღებული გადაწყვეტილება აღნიშნულ გარემოებებთან დაკავშირებით.
8.2 იმ შემთხვევაში, თუ ხელშეკრულების პირობების შესრულების შეფერხების გამო მხარეები შეთანხმდებიან ხელშეკრულების პირობების შესრულების ვადის გაგრძელების თაობაზე, ეს გადაწყვეტილება უნდა გაფორმდეს ხელშეკრულებაში ცვლილების შეტანის გზით, ხელშეკრულების მე-10 მუხლის შესაბამისად.
9. ხელშეკრულების პირობების შეუსრულებლობა
9.1 წინამდებარე ხელშეკრულების 4.1 პუნქტის `ა~ ქვეპუნქტით განსაზღვრული საქონლის მიწოდების ვადის გადაცილების შემთხვევაში, მიმწოდებელს ეკისრება პირგასამტეხლო ყოველ ვადაგადაცილებულ დღეზე, მიუწოდებელი საქონლის ღირებულების 2%-ის ოდენობით.
9.2 წინამდებარე ხელშეკრულების 5.4 პუნქტით განსაზღვრული პირობის დარღვევის შემთხვევაში, მიმწოდებელს ეკისრება პირგასამტეხლო ყოველ ვადაგადაცილებულ დღეზე, წუნდებული საქონლის ღირებულების 0.02%-ის ოდენობით.
9.3 წინამდებარე ხელშეკრულების 7.2 პუნქტით განსაზღვრული გადახდის ვადის გადაცილების შემთხვევაში, მიმწოდებელი უფლებამოსილია დააკისროს შემსყიდველს პირგასამტეხლო ყოველ ვადაგადაცილებულ დღეზე გადაუხდელი თანხის 0,02%-ის ოდენობით.
9.4 თუ ვადაგადაცილებული დღეების რაოდენობა აღემატება 5 დღეს, შემსყიდველი იტოვებს უფლებას ცალმხრივად შეწყვიტოს ხელშეკრულება და მიმწოდებელს დააკისროს პირგასამტეხლო ხელშეკრულების ღირებულების 5%-ის ოდენობით.
9.5 პირგასამტეხლოს გადახდა არ ათავისუფლებს მიმწოდებელს ძირითადი ვალდებულებების შესრულებისაგან.
10. ხელშეკრულებაში ცვლილებების შეტანა
10.1 ნებისმიერი ცვლილება წინამდებარე ხელშეკრულებაში განხორციელდება წერილობით, ორივე მხარის უფლებამოსილი წარმომადგენლების ხელმოწერით.
10.2 თუ რაიმე წინასწარ გაუთვალისწინებელი მიზეზების გამო წარმოიშობა ხელშეკრულების პირობების შეცვლის აუცილებლობა, ცვლილებების შეტანის ინიციატორი ვალდებულია წერილობით შეატყობინოს მეორე მხარეს შესაბამისი ინფორმაცია.
11. დავების გადაწყვეტა
11.1 ხელშეკრულების შესრულების პროცესში მხარეთა შორის წარმოქმნილი უთანხმოება წყდება მოლაპარაკებების გზით.
11.2 თუ ასეთი მოლაპარაკების დაწყებიდან 5 (ხუთი) დღის განმავლობაში შემსყიდველი და მიმწოდებელი ვერ შეძლებენ სადაო საკითხის შეთანხმებით მოგვარებას, ნებისმიერ მხარეს დავის გადაწყვეტის მიზნით შეუძლია მიმართოს საქართველოს სასამართლოს კანონით დადგენილი წესით.
12. ხელშეკრულების შეწყვეტა
12.1 თითოეული მხარე უფლებამოსილია შეწყვიტოს წინამდებარე ხელშეკრულების მოქმედება, თუ მეორე მხარე ვერ უზრუნველყოფს თავისი ვალდებულებების ჯეროვან შესრულებას, ან მოქმედი კანონმდებლობით დადგენილ სხვა შემთხვევებში.
12.2 ხელშეკრულების ცალკეული პირობების მოქმედების შეწყვეტა არ ათავისუფლებს მიმწოდებელს დანარჩენი ვალდებულებების შესრულებისაგან.
12.3 ხელშეკრულება აგრეთვე შეიძლება შეწყდეს მხარეთა წერილობითი შეთანხმების საფუძველზე.
13. ხელშეკრულების მოქმედების ვადა
13.1 წინამდებარე ხელშეკრულება ძალაში შედის ხელშეკრულების ხელმოწერის თარიღიდან და მოქმედებს
2020 წლის 31 დეკემბრის ჩათვლით.
14. ფორს-მაჟორი
14.1 წინამდებარე ხელშეკრულების დამდები რომელიმე მხარის მიერ ხელშეკრულების პირობების შეუსრულებლობა არ გამოიწვევს საჯარიმო სანქციების გამოყენებას, თუ ხელშეკრულების შესრულების შეფერხება ან მისი ვალდებულებების შეუსრულებლობა გამოწვეულია ფორს-მაჟორული მდგომარეობით.
14.2 ამ მუხლის მიზნებისათვის `ფორს-მაჟორი” ნიშნავს მხარეებისათვის გადაულახავ და მათი კონტროლისაგან დამოუკიდებელ გარემოებებს, რომლებიც არ არიან დაკავშირებულნი შემსყიდველის ან/და მიმწოდებლის შეცდომებსა და დაუდევრობასთან, და რომლებსაც გააჩნიათ წინასწარ გაუთვალისწინებელი ხასიათი. ასეთი გარემოება შეიძლება გამოწვეული იქნეს ომით ან სტიქიური მოვლენებით, ეპიდემიით, კარანტინით, საბიუჯეტო ასიგნებების მკვეთრი შემცირებით და სხვა.
14.3 მხარემ, რომელსაც შეექმნა ფორს-მაჟორული გარემოება, დაუყოვნებლივ წერილობით უნდა აცნობოს მეორე მხარეს შექმნილი გარემოების და მისი სავარაუდო აღმოფხვრის ვადის შესახებ, წინააღმდეგ შემთხვევაში იგი არ თავისუფლდება ხელშეკრულების პირობების სრული ან ნაწილობრივი შეუსრულებლობით გამოწვეული პასუხისმგებლობისგან.
15. სხვა პირობები
ხელშეკრულება ფაქტობრივი ხელმოწერის შემთხვევაში შედგენილია სამი თანაბარი იურიდიული ძალის მქონე ეგზემპლარად, ქართულ ენაზე, აქედან ერთი ეგზემპლარი გადაეცემა მიმწოდებელს, ხოლო ორი – შემსყიდველს.
16. მხარეთა რეკვიზიტები
შემსყიდველი მიმწოდებელი
სსიპ სახელმწიფო სერვისების განვითარების სააგნეტო, წარმოდგენილი ადმინისტრაციის (დეპარტამენტის) დირექტორის მოვალეობის შემსრულებლის
xxxxx xxxxxxxxx სახით,
მისამართი: ქ. თბილისი, აკ. წერეთლის გამზ. #67ა ტელეფონი: 577615550,
საბანკო რეკვიზიტები:
ანგ. # GE024NB0330100200165022
სახელმწიფო ხაზინა, კოდი: TRESGE22, ს/კ – 202307404
შპს „იო “,
წარმოდგენილი დირექტორის xxxxxx xxxxxxxxxx სახით, მისამართი: ქ. თბილისი, მელიქიშვილის ქ. #76
ტელეფონი: 597877866
ელ ფოსტა: xx.xxxxxxxxxxxxxxxx@xxxxx.xxx
xxxxxxx xxxxxxxxxxx: ანგ.# GE70BG0000000161356237EL,
სს ,,საქართველოს ბანკი“, კოდი: XXXXXX00
ს/კ – 445559887
xxxxx xxxxxxxx xxxxxx xxxxxxxxx
დანართი #1
ფასების ცხრილი
მიმწოდებლის დასახელება: შპს „იო“
ს/კ: 445559887
შემოთავაზებული | ||||||
შესყიდვის ობიექტის დასახელება | რაოდენობა (ცალი) | ტექნიკური მახასიათებლები | საქონლის დასახელება,წარმოშობის ქვეყანა, | ერთეულის ფასი | საერთო ფასი | მიწოდების ადგილი |
მწარმოებელი კომპანია | ||||||
სააგენტოს | ||||||
არასტერილური ერთჯერადი ხელთათმანი | 30 000 | მაღალი ხარისხის არასტერილური ხელთათმანი. 40% - S; 40% - M; 20% - L; | თურქეთი - ტაილანდი -მალაიზია. | 0.245 | 7350.00 | საწყობი (ქ.თბილისი, აკ. წერეთლის |
გამზ. #67ა.) | ||||||
სააგენტოს | ||||||
ხელის | ეთანოლის სპირტზე დამზადებული. კანის | საწყობი | ||||
სადეზინფექციო ხსნარი 1- ლიტრიანი | 200 | დამცავი მინარევებით. 84%, 1000მლ, (არომატის გარეშე და არომატებით: xxxxxx, კენკრა, და სხვ.) | თურქეთი – საქართველო. | 23.50 | 4700.00 | (ქ.თბილისი, აკ. წერეთლის |
გამზ. #67ა.) |
შემოთავაზებული პროდუქციის ფასი გამოსახულია საქართველოს ეროვნულ ვალუტაში (ლარი), ტრანსპორტირების ხარჯის, საქართველოს კანონმდებლობით გათვალისწინებული გადასახადების ჩათვლით, დღგ -ს გარეშე.
შპს „იო“ -ს დირექტორი /xxxxxx xxxxxxxxx/