Contract

ფასიანი ქაღალდების შენახვისა და აღრიცხვის მომსახურების ფიზიკური პირებისთვის გაწევის პირობები

1. დეფინიციები

თუ ხელშეკრულებით ან/და მასთან დაკავშირებული სხვა ხელშეკრულებით სხვა რამ არ არის განსაზღვრული, ან მისი კონტექსტიდან სხვა რამ არ გამომდინარეობს, ხელშეკრულებაში ან/და მასთან დაკავშირებულ სხვა ხელშეკრულებში ქვემოთ მოცემულ დეფინიციებს აქვთ შემდეგი მნიშვნელობა:

1.1. ანგარიში - კლიენტის მიმდინარე ანგარიში, რომელიც მხარეთა შეთანხმებით გამოიყენება ფასიან ქაღალდებთან დაკავშირებული ანგარიშსწორების განსახორციელებლად;

1.2. ბანკი - სს საქართველოს ბანკი (საიდენტიფიკაციო ნომერი: 204378869); საქართველოს ეროვნულ ბანკში რეგისტრაციის ფორმა: კომერციული ბანკი; რეგისტრაციის მისამართი: გაგარინის ქ. 29ა, ქ. თბილისი, საქართველო; რეგისტრაციის ნომერი: 06/5-07; ვებ-გვერდის მისამართი: xxx.xxxxxxxxxxxxx.xx, ელექტრონული ფოსტის მისამართი: xxxxxxxxxxxxxxx@xxx.xx, საკონტაქტო ტელეფონის ნომერი: (x000) 000 0000 000 (თუ ხელშეკრულებით ან/და მხარეთა შორის სხვა საკონტაქტო მონაცემები არ არის შეთანხმებული);

1.3. განაცხადი - კლიენტის მიმართვა (ბანკის მიერ დადგენილი ფორმით) ბანკისადმი, რომ ბანკმა განაცხადშივე განსაზღვრული პირობების შესაბამისად, განახორციელოს ან/და შეაჩეროს/შეწყვიტოს/შეცვალოს წინამდებარე ხელშეკრულებით განსაზღვრული მომსახურება;

1.4. განცხადებები და გარანტიები – ხელშეკრულების მე-4 მუხლში მოცემული კლიენტის განცხადებები და გარანტიები;

1.5. დამატებითი პირობები – ხელშეკრულების დანართით (ასეთის არსებობის შემთხვევაში) განსაზღვრული პირობები, მასში შეტანილი დამატებებისა და ცვლილებების ჩათვლით;

1.6. დანართი – თუკი ცალსახად სხვაგვარად არ იქნა გათვალისწინებული ხელშეკრულების ან/და მასთან დაკავშირებული სხვა ხელშეკრულების დანართ(ებ)ი (კონტექსტის შესაბამისად), რომელიც/რომლებიც წარმოადგენს ხელშეკრულების ან მასთან დაკავშირებული სხვა ხელშეკრულების განუყოფელ ნაწილს და მოქმედებს მასთან ერთად;

1.7. კანონმდებლობა – საქართველოს მოქმედი საკანონმდებლო და კანონქვემდებარე ნორმატიული აქტები და საქართველოს ნორმატიულ აქტთა სისტემაში მოქცეული საერთაშორისო ხელშეკრულებები და შეთანხმებები;

1.8. მასთან დაკავშირებული სხვა ხელშეკრულება (ან ხელშეკრულებასთან დაკავშირებული სხვა ხელშეკრულება) – ხელშეკრულების საფუძველზე და მის შესაბამისად ბანკსა და კლიენტს, ან ბანკს/კლიენტსა და მესამე პირს შორის დადებული ყველა ხელშეკრულება ან/და სხვა დოკუმენტი, რომელთა დადება ან/და გაცემა გათვალისწინებულია ხელშეკრულებით ან/და ხორციელდება მის საფუძველზე/შესაბამისად;

1.9. მესამე პირი – ნებისმიერი პირი გარდა ბანკის ან/და კლიენტისა;

1.10. კლიენტი – ფიზიკური პირ(ებ)ი, რომლის/რომელთა სახელი/სახელწოდება, საიდენტიფიკაციო მონაცემები და სხვა სახის ინფორმაცია მოცემულია ხელშეკრულებაში;

1.11. მხარე/მხარეები – ბანკი ან/და კლიენტი (კონტექსტის შესაბამისად);

1.12. პირი – ფიზიკური პირ(ებ)ი, იურიდიული პირ(ებ)ი ან/და საქართველოს ან სხვა ქვეყნის კანონმდებლობით გათვალისწინებული სხვა ორგანიზაციული წარმონაქმნ(ებ)ი, რომელიც/რომლებიც არ წარმოადგენს/წარმოადგენენ იურიდიულ პირ(ებ)ს;

1.13. საბანკო დღე – დღე (შაბათის, კვირის ან კანონმდებლობით განსაზღვრული ოფიციალური დასვენების დღეების გარდა), როდესაც საქართველოში მოქმედი კომერციული ბანკები ღიაა და წარმართავენ თავიანთ ჩვეულებრივ საქმიანობას;

1.14. ფასიანი ქაღალდი - კანონმდებლობით განსაზღვრული ნებისმიერი ფასიანი ქაღალდი;

1.15. ფორს-მაჟორი – სტიქიური კატასტროფა, ხანძარი, საომარი მოქმედება, ადმინისტრაციულ- სამართლებრივი აქტი ან/და მხარეთათვის გადაულახავი და მათი კონტროლისაგან დამოუკიდებელი სხვა გარემოებები, რომლებიც: ა) არ არის დაკავშირებული მხარეების შეცდომებსა და დაუდევრობასთან, ბ) დაიწყო ან განვითარდა ხელშეკრულების ხელმოწერის შემდეგ და გ) პირდაპირ და უშუალო ზეგავლენას ახდენს ხელშეკრულებით ან/და მასთან დაკავშირებული სხვა ხელშეკრულებით ნაკისრი ვალდებულებების სრულად ან/და ჯეროვნად შესრულებაზე;

1.16. ხელშეკრულება – მხარეთა შორის (ა) შეთანხმებული წინამდებარე ფასიანი ქაღალდების შენახვისა და აღრიცხვის მომსახურების გაწევის პირობები; (ბ) დადებული დამატებითი პირობები (ასეთის არსებობის შემთხვევაში) და (გ) დადებული ნებისმიერი დამატებითი დანართი (ასეთის არსებობის შემთხვევაში), რომლებიც დაიდო/დაიდება მომავალში მხარეთა მიერ წინამდებარე ხელშეკრულებასთან მიმართებაში, ამგვარ დოკუმენტებში პერიოდულად შეტანილი ცვლილებების და დამატებების ჩათვლით;

1.17. საერთაშორისო დეპოზიტარი - ფასიანი ქაღალდების საერთაშორისო ცენტრალური დეპოზიტარი, რომელთანაც ბანკს გახსნილი აქვს ნომინალური მფლობელობის ანგარიში, რომელზეც ხორციელდება ფასიან ქაღალდთან დაკავშირებული ანგარიშსწორება;

1.18. მომსახურება - წინამდებარე ხელშეკრულების პირობების შესაბამისად, ბანკის მიერ კლიენტისთვის

გასაწევი მომსახურება;

1.19. ხელშეკრულების სარეწის გარეთ დადება − (ა) მხარეთა მიერ ხელშეკრულების დადება/გაფორმება სარეწის გარეთ, რაც მოითხოვს მხარეთა ფიზიკურ თანაყოფობას; ან (ბ) ხელშეკრულების დადება/გაფორმება სარეწში ან ნებისმიერი დისტანციური კომუნიკაციის საშუალების გამოყენებით, დაუყოვნებლივ მას შემდეგ, რაც xxxxxxxx ხელშეკრულების დადების შესახებ ინდივიდუალური შეთავაზება უშუალოდ მიიღო ბანკისგან სარეწის გარეთ, მხარეთა ფიზიკური თანაყოფობისას. ამასთან, სანოტარო ბიუროში სანოტარო მოქმედებების შესრულების შედეგად დადებული ხელშეკრულება სარეწის გარეთ დადებულ ხელშეკრულებად არ მიიჩნევა;

1.20. სარეწი − ბანკის ჩვეულებრივი საქმიანობის განხორციელებისთვის განკუთვნილი ნებისმიერი უძრავი ან მოძრავი ობიექტი;

1.21. ხელშეკრულების დისტანციურად დადება - ხელშეკრულების პირობების კლიენტისთვის შეთავაზება და მისი დადება/გაფორმება სრულად ბანკის მიერ ორგანიზებული ერთი ან რამდენიმე დისტანციური საკომუნიკაციო საშუალებით;

1.22. დისტანციური საკომუნიკაციო საშუალება - ბანკის მიერ კლიენტისთვის ხელშეკრულების პირობების შეთავაზებისა/მიწოდებისათვის და მისი დადება/გაფრომებისთვის გამოყენებული ისეთი კომუნიკაციის საშუალება, რომელიც არ საჭიროებს ბანკის წარმომადგენლისა და კლიენტის ერთდროულ ფიზიკურ თანდასწრებას.

2. ხელშეკრულების საგანი

2.1. ხელშეკრულების საფუძველზე და მისი პირობების შესაბამისად ბანკი იღებს ვალდებულებას განახორციელოს კლიენტის მიერ ბანკისათვის გადაცემული ფასიანი ქაღალდის შენახვა-აღრიცხვა და აღნიშნულ ფასიან ქაღალდთან დაკავშირებული ანგარიშსწორება, კლიენტის დავალების (შემდგომში - დავალება) შესაბამისად.

2.2. ბანკისათვის შესანახად გადაცემული ფასიანი ქაღალდის მონაცემები განისაზღვრება შესაბამისი დოკუმენტით, რომელსაც კლიენტი დავალებასთან ერთად წარმოუდგენს ბანკს. კლიენტის მიერ დავალება ბანკს შეიძლება მიეწოდოს ხელშეკრულებით გათვალსიწინებული კომუნიკაციის ნებისმიერი საშუალებით.

2.3. კლიენტი ბანკს აუნაზღაურებს ხელშეკრულებით გათვალისწინებულ მომსახურების საფასურს და მომსახურებასთან დაკავშირებულ ნებისმიერ გადასახდელს (შემდგომში - საკომისიო) ბანკის მიერ დადგენილი სტანდარტების შესაბამისად. xxxxxx მიერ დადგენილი სტანდარტების ცვლილების შემთხვევაში ბანკი აღნიშნულის შესახებ გონივრულ ვადაში აცნობებს კლიენტს.

3. მომსახურების სპეციფიკური პირობები

3.1. კლიენტი ბანკს უფლებამოსილებას ანიჭებს ამ ხელშეკრულების პირობების თანახმად შექმნას შესაბამისი ანგარიში ფასიანი ქაღალდის შენახვისათვის (შემდგომში - ფასიანი ქაღალდის ანგარიში). ამასთან, ყოველ ჯერზე xxxxx თავისი შეხედულებისამებრ განსაზღვრავს, მიიღოს თუ არა ფასიანი ქაღალდის ანგარიშზე შესანახად ნებისმიერი ფასიანი ქაღალდი, ხოლო უარის შემთხვევაში დაუყოვნებლივ გაუგზავნის შეტყობინებას კლიენტს მის მიერ მიღებული გადაწყვეტილების შესახებ.

3.2. ფასიანი ქაღალდის ანგარიშის მართვის და ფასიანი ქაღალდთან დაკავშირებული ანგარიშსწორების განხორციელების პირობები განისაზღვრება ბანკის მიერ ბანკში დადგენილი რეგულაციების და ფასიან ქაღალდთან დაკავშირებული პრაქტიკის შესაბამისად.

3.3. ბანკი, გარდა კანონმდებლობით განსაზღვრული შემთხვევებისა, მხოლოდ კლიენტის დავალების შესაბამისად არის უფლებამოსილი განახორციელოს ფასიანი ქაღალდის მართვა, განკარგვა ან/და ფასიან ქაღალდთან დაკავშირებული ანგარიშსწორება.

3.4. დავალების განხორციელების მომენტისათვის და შემდგომ ბანკის მიერ დავალების სრულად და ჯეროვნად შესრულებამდე მთელი პერიოდის განმავლობაში, კლიენტი ვალდებულია უზრუნველყოს ანგარიშზე თანხის განთავსება დავალების შესაბამისად განსახორციელებელი გარიგების ღირებულების და დავალების ფარგლებში ბანკისათვის გადასახდელი მომსახურების საფასურის ოდენობით.

3.5. xxxxx, საკუთარი შეხედულებისამებრ, უფლებამოსილია:

3.5.1. მოითხოვოს კლიენტისაგან ნებისმიერი ინფორმაცია, რაც შეიძლება უკავშირდებოდეს ბანკის მიერ

ხელშეკრულებით გათვალისწინებული უფლებამოსილებების განხორციელებას;

3.5.2. კლიენტის ბანკში არსებული ანგარიშებიდან (მათ შორის ერთმნიშვნელოვნად ანგარიშიდან) კლიენტის დამატებითი თანხმობისა თუ აქცეპტის გარეშე დააკავოს/ჩამოჭრას ნებისმიერი გადასახადი ან/და გადასახდელი დავალების შესრულების უზრუნველსაყოფად, ხელშეკრულების ან/და კანონმდებლობის შესაბამისად;

3.5.3. კლიენტის შემდგომი თანხმობის ან/და აქცეპტის გარეშე გაუხსნას კლიენტს მიმდინარე ანგარიში ნებისმიერ ვალუტაში, თუ ხელშეკრულების გაფორმების მომენტისათვის კლიენტს არ გააჩნია (ან ხელშეკრულების მოქმედების ნებისმიერ ეტაპზე არ ექნება) მიმდინარე ანგარიში ბანკში. ;

3.5.4. განახორციელოს ფასიან ქაღალდთან დაკავშირებული ანაგრიშსწორების ფარგლებში კლიენტის მიერ მიღებული თანხების კონვერტირება ნებისმიერ ვალუტაში შესაბამის ანგარიშზე თანხების ჩარიცხვიდან

2 (ორი) საბანკო დღის ვადაში, კლიენტის ხარჯზე და კონვერტაციის თარიღისათვის ბანკში დაწესებული კომერციული კურსით ან კლიენტთან შეთანხმებული კურსით (ასეთის არსებობის შემთხვევაში).

3.6. გარდა კანონმდებლობით და ფასიან ქაღალდთან დაკავშირებული პრაქტიკით გათვალისწინებული შემთხვევებისა ბანკი კლიენტის ფასიან ქაღალდს შეინახავს სხვა კლიენტების ფასიან ქაღალდებისაგან განცალკევებით.

3.7. ბანკი არ განახორციელებს ფასიანი ქაღალდის ანგარიშზე ფასიანი ქაღალდის ჩარიცხვას/აღრიცხვას ვიდრე ის არ მიიღებს აღნიშნულ ფასიან ქაღალდს საბოლოო ანგარიშსწორების გზით.

3.8. ფასიანი ქაღალდის მართვასთან ან/და განკარგვასთან დაკავშირებით დავალების მიღების შემთხვევაში, როდესაც დავალებაში მითითებული ფასიანი ქაღალდის ოდენობა აღემატება ფასიანი ქაღალდის ანგარიშზე რეალურად არსებულ ოდენობას, ბანკი უფლებამოსილია არ გაითვალისწინოს ამგვარი დავალება.

3.9. კლიენტის მოთხოვნის შემთხვევაში ბანკი კლიენტს მიაწვდის ინფორმაციას ფასიანი ქაღალდის

მდგომარების და განხორციელებული ანგარიშსწორების შესახებ.

3.10. იმ შემთხვევაში, თუ კლიენტი დაარღვევს ხელშეკრულებით ნაკისრ რომელიმე ვალდებულებას, xxxxx საკუთარი მოთხოვნების უზრუნველსაყოფად წარმოეშვება გირავნობის უფლება ხელშეკრულების შესაბამის საგანზე. ამასთან, ბანკს უფლება აქვს ცალმხრივად, კლიენტის დამატებითი თანხმობისა თუ აქცეპტის გარეშე, მიმართოს საჯარო რეესტრს წინამდებარე პუნქტით განსაზღვრული გირავნობისა უფლების რეგისტრაციის მიზნით.

3.11. თუ ხელშეკრულებით ან/და მასთან დაკავშირებული სხვა ხელშეკრულებით სხვა რამ არ არის განსაზღვრული ბანკი უფლებამოსილია მომსახურების შესრულება და ხელშეკრულებით გათვალისწინებული უფლება–მოვალეობები სრულად ან ნაწილობრივ გადაანდოს/გადასცეს მესამე პირს (შემდგომში – სუბკონტრაქტორი). კლიენტი ცალსახად აცხადებს თანხმობას, რომ ბანკს ჰქონდეს უფლება, გადასცეს და გაამჟღავნოს ნებისმიერი ინფორმაცია/დოკუმენტაცია კლიენტის, მისი აქტივების, ფულადი ანაზღაურების, ანგარიშების ან/და კლიენტთან დაკავშირებული ნებისმიერი სხვა ინფორმაციის/დოკუმენტაციის შესახებ, რომელიც ეხება სუბკონტრაქტორის დაქირავებას ან/და მის მიერ შესასრულებელ საქმიანობას. იმ შემთხვევაში, თუ კლიენტი ნებისმიერ დროს უარს იტყვის აღნიშნულ თანხმობაზე, ბანკს ექნება უფლება, ნებისმიერ დროს უარი თქვას ან/და შეწყვიტოს იმ საქმიანობის შესრულება, რომელიც უნდა შეესრულებინა/შეასრულოს სუბკონტრაქტორმა, და კლიენტი აღნიშნულ ქმედებასთან დაკავშირებით ათავისუფლებს ბანკს ნებისიერი პასუხისმგებლობისგან.

3.12. სუბკონტრაქტორის მიერ მომსახურების შეუსრულებლობისათვის ან/და არაჯეროვანი შესრულებისათვის, მათ შორის ერთმნიშვნელოვნად ნებისმიერი სახის ზიანისათვის (ზარალისათვის) პასუხისმგებლობა დაეკისრება ბანკს იმ შემთხვევაში, თუ სუბკონტრაქტორის შერჩევაში კლიენტს არ მიუღია რაიმე სახის მონაწილეობა.

3.13. კლიენტი ვალდებულია შეასრულოს ბანკის მითითებები. კლიენტი უფლებამოსილია გადაუხვიოს ბანკის მითითებებს, მხოლოდ: ა) ბანკის წინასწარი თანხმობის საფუძველზე და ბ) თუ გარემოებებიდან გამომდინარე, კლიენტს შეუძლია ივარაუდოს, რომ ბანკი საქმის ვითარების ცოდნის შემთხვევაში მოიწონებდა ასეთ გადახვევას. მიუხედავად ზემოაღნიშნულისა კლიენტი ვალდებულია არ დაელოდოს ბანკის თანხმობას და გადაუხვიოს ბანკის მითითებებს, თუკი დაყოვნებით ბანკს შეექმნება ზიანის (ზარალის) მიყენების საფრთხე. კლიენტი ვალდებულია აანაზღაუროს მის მიერ ზემოხსენებული ქმედების შეუსრულებლობის ან/და არაჯეროვანი შესრულების შედეგად ბანკისათვის მიყენებული ნებისმიერი სახის ზიანი (ზარალი).

3.14. თუ კლიენტის მიერ ბანკის მითითებების შესრულებამ შეიძლება ბანკს მიაყენოს ნებისმიერი სახის ზიანი (ზარალი), კლიენტი ვალდებულია გონივრულ ვადაში შეატყობინოს ბანკს მოსალოდნელი/არსებული ზიანის (ზარალის) თაობაზე და მოითხოვოს მითითების შეცვლა. კლიენტს შეეძლება ბანკის მითითებების შესრულება მხოლოდ მაშინ, როცა აცნობებს ბანკს მოსალოდნელი/არსებული ზიანის (ზარალის) თობაზე, ხოლო ეს უკანასკნელი კი არ შეცვლის მითითებას. კლიენტი ვალდებულია აანაზღაუროს მის მიერ ზემოხსენებული ქმედების შეუსრულებლობის ან/და არაჯეროვანი შესრულების შედეგად ბანკისათვის მიყენებული ნებისმიერი სახის ზიანი (ზარალი).

3.15. ხელშეკრულების 3.11 პუნქტის შეუზღუდავად, წინამდებარე ხელშეკრულების საფუძველზე კლიენტის მოთხოვნის შესაბამისად, ბანკი უფლებამოსილია, კლიენტის დამატებითი თანხმობისა თუ დადასტურების გარეშე დაიქირავოს სს „გალტ ენდ თაგარტი“ როგორც სუბკონტრაქტორი კლიენტის მიერ მოთხოვნილი მომსახურების გასაწევად. კლიენტი ცალსახად აცხადებს თანხმობას, რომ xxxxx

xxxxxxx უფლება, გადასცეს და გაამჟღავნოს ნებისმიერი ინფორმაცია/დოკუმენტაცია კლიენტის, მისი აქტივების, ფულადი ანაზღაურების, ანგარიშების ან/და კლიენტთან დაკავშირებული ნებისმიერი სხვა ინფორმაციის/დოკუმენტაციის შესახებ, რომელიც ეხება სს „გალტ ენდ თაგარტის“ დაქირავებას სუბკონტრაქტორად ან/და მის მიერ შესასრულებელ საქმიანობას. იმ შემთხვევაში, თუ კლიენტი ნებისმიერ დროს უარს იტყვის აღნიშნულ თანხმობაზე, ბანკს ექნება უფლება, ნებისმიერ დროს უარი თქვას ან/და შეწყვიტოს იმ საქმიანობის შესრულება, რომლის შესასრულებლადაც იქნა/უნდა იქნეს დაქირავებული სუბკონტრაქტორად სს „გალტ ენდ თაგარტი“, და კლიენტი აღნიშნულ ქმედებასთან დაკავშირებით ათავისუფლებს ბანკს ნებისიერი პასუხისმგებლობისგან.

4. განცხადებები და გარანტიები

4.1. კლიენტი აცხადებს და იძლევა გარანტიას, რომ:

4.1.1. ხელშეკრულების ან/და მასთან დაკავშირებული სხვა ხელშეკრულების დადების/ხელმოწერის დროისათვის არის/იქნება ქმედუნარიანი (მათ შორის, შექმნილი კანონმდებლობით დადგენილი წესით);

4.1.2. ხელშეკრულების ან/და მასთან დაკავშირებული სხვა ხელშეკრულების დადების/ხელმოწერისა და შესრულებისათვის საჭირო უფლებამოსილების მიზნით მის მიერ მოპოვებულია ყველა აუცილებელი თანხმობა, ნებართვა თუ მინდობილობა;

4.1.3. მომავალში დანართის ან/და მასთან დაკავშირებული სხვა ხელშეკრულების დადების/ხელმოწერისა და შესრულებისათვის საჭირო უფლებამოსილების მიზნით მის მიერ მოპოვებული იქნება ყველა აუცილებელი თანხმობა, ნებართვა თუ მინდობილობა;

4.1.4. ხელშეკრულება ან/და მასთან დაკავშირებული სხვა ხელშეკრულები იდება/დაიდება მის მიერ ნებაყოფლობით, ბანკის ან მესამე პირის მხრიდან მის მიმართ ძალადობის, მუქარის, მოტყუების, შეცდომის ან/და რაიმე სხვა გარემოების გამოყენების გარეშე;

4.1.5. ხელშეკრულების ან/და მასთან დაკავშირებული სხვა ხელშეკრულების დადება და შესრულება არ იწვევს/გამოიწვევს იმ სახელშეკრულებო, სასამართლო (მათ შორის, საარბიტრაჟო სასამართლო), საკანონმდებლო ან/და სხვა ვალდებულებების დარღვევას, რომელთა დაცვაზეც ის პასუხისმგებელია;

4.1.6. ხელშეკრულების ან/და მასთან დაკავშირებული სხვა ხელშეკრულების დადების/ხელმოწერის მომენტისათვის, ის არ მონაწილეობს არც ერთ დავაში (მოსარჩელის, მოპასუხის, მესამე პირის ან სხვა სახით), რითაც საფრთხე ექმნება მის აქტივებს/ქონებას ან/და მის მიერ ხელშეკრულების ან/და მასთან დაკავშირებული სხვა ხელშეკრულების პირობების შესრულებას;

4.1.7. ხელშეკრულების ან/და მასთან დაკავშირებული სხვა ხელშეკრულების დადების/ხელმოწერისა და მოქმედების მთელი პერიოდისათვის მისი საქმიანობა ან/და ქმედება შესაბამისობაში არის/იქნება საკუთარ წესდებასთან ან/და სხვა მარეგულირებელ დოკუმენტთან და ადგილობრივ ან/და საერთაშორისო კანონმდებლობასთან;

4.1.8. ხელშეკრულების ან/და მასთან დაკავშირებული სხვა ხელშეკრულების დადების/ხელმოწერისა და მოქმედების მთელი პერიოდისათვის იგი იცავს და დაიცავს ნებისმიერი ხელშეკრულების ან/და სხვა გარიგების პირობებს, ან/და სხვა ვალდებულებებს, რომელთა შეუსრულებლობამაც შესაძლოა უარყოფითი ზეგავლენა იქონიოს კლიენტის მიერ ხელშეკრულებით ან/და მასთან დაკავშირებული სხვა ხელშეკრულებით ნაკისრი ვალდებულებების შესრულებაზე;

4.1.9. მისი ქმედება არ არის/იქნება მიმართული ბანკის მოტყუებისაკენ. აღნიშნული პრინციპის გათვალისწინებით ხელშეკრულების ან/და მასთან დაკავშირებული სხვა ხელშეკრულების დასადებად ან მის საფუძველზე და შესასრულებლად, მის მიერ ბანკისათვის წარდგენილი დოკუმენტი ან/და ინფორმაცია მისი წარმოდგენის მომენტისათვის ასევე არის/იქნება უტყუარი, ზუსტი და სრული. ამასთანავე, მისთვის ცნობილია, რომ ყალბი დოკუმენტების ან/და ინფორმაციის მიწოდება კანონმდებლობის შესაბამისად წარმოადგენს დასჯად ქმედებას;

4.1.10. მისთვის ცნობილია, რომ ბანკის პოლიტიკა მკაცრად კრძალავს დირექტორის, უფლებამოსილი პირის, წარმომადგენლის, თანამშრომლის, სხვა პერსონალის ან მასთან დაკავშირებული პირის ან/და მისი აფილირებული პირის მონაწილეობას იმგვარ ქმედებებში, რაც გულისხმობს ღირებულების მქონე რაიმე ნივთის/არამატერიალური ქონებრივი სიკეთის შეთავაზებას ან მიღებას (პირდაპირ თუ არაპირდაპირ), ამა თუ იმ პირის, ბანკის, მასთან დაკავშირებული პირის ან/და მისი აფილირებული პირის ან მისი კლიენტის მიერ სარგებლის მიღების, ბიზნესის არაკეთილსინდისიერად მოპოვების ან შენარჩუნების ან/და სხვაგვარი ბიზნეს უპირატესობის მიღების მიზნით;

4.1.11. მას (მათ შორის არც მის დირექტორს, უფლებამოსილ პირს, წარმომადგენელს, თანამშრომელს ან სხვა პერსონალს) ან მასთან დაკავშირებული პირს ან/და მის აფილირებულ პირს:

4.1.11.1. პირდაპირ ან არაპირდაპირ არ გადაუხდია ან მიუღია (ან ჩართულა რაიმე გარიგებაში, რომლის მიხედვითაც უნდა გადაიხადოს ან მიიღოს), ნებისმიერი უკანონო ან/და დაფარული საკომისიო, ქრთამი, სასყიდელი ან ანაზღაურება, რაც შეიძლება უკავშირდებოდეს ხელშეკრულებას ან/და მასთან დაკავშირებულ სხვა ხელშეკრულებას; ან/და

4.1.11.2. არ განუხორციელებია რაიმე ქმედება (ფარული შეთანხმების ჩათვლით), რასაც შესაძლოა გავლენა მოეხდინა მომსახურების შესყიდვის პროცესზე ან ხელშეკრულების დადებაზე, რომლის მიზანია ფასების ხელოვნური რეგულირება ან/და არაკონკურენტული გარემოს შექმნა; ან/და

4.1.11.3. არ შეუთავაზებია ან მიუღია ღირებულების მქონე რაიმე ნივთი/არამატერიალური ქონებრივი სიკეთე, რასაც შეიძლება გავლენა მოეხდინა ბანკის, მისი დირექტორის, უფლებამოსილი პირის, წარმომადგენლის, თანამშრომლის, სხვა პერსონალის ან მასთან დაკავშირებული პირის ან/და მისი აფილირებული პირის ქმედებებზე, ასევე რომელიმე ზემოაღნიშნული პირის მხრიდან არ ჰქონია ადგილი მუქარას მისი ქონების ან რეპუტაციის მიმართ, ბიზნეს უპირატესობის არაკეთილსინდისიერად მოპოვების, ან ბიზნესის წარმოების მიზნით; ან/და

4.1.11.4. სხვაგვარად არ ყოფილა ჩაბმული კორუფციულ საქმიანობაში.

4.1.12. ბანკის პოლიტიკის ან ნებისმიერი ზემოაღნიშნული დებულების დარღვევა გამოიწვევს მის დაუყოვნებლივ დისკვალიფიკაციას მომსახურების შესყიდვის პროცესიდან ან/და ხელშეკრულების ან/და მასთან დაკავშირებული სხვა ხელშეკრულების შეწყვეტას. ამასთან, ამგვარი დისკვალიფიკაცია ან/და ხელშეკრულების ან/და მასთან დაკავშირებული სხვა ხელშეკრულების შეწყვეტა არ გამორიცხავს კლიენტის ან/და მისი დირექტორის, უფლებამოსილი პირის, წარმომადგენლის, თანამშრომლის, სხვა პერსონალის ან მასთან დაკავშირებული პირის ან/და მისი აფილირებული პირის პასუხისმგებლობას და შესაბამის სანქციებს, რაც გათვალისწინებულია კანონმდებლობით (მათ შორის, ყოველგვარი შეზღუდვის გარეშე, სისხლის სამართლის პასუხისმგებლობასაც).

4.2. კლიენტის აღნიშნული განცხადებები და გარანტიები ძალაშია მხარეთა მიერ ხელშეკრულების ან/და მასთან დაკავშირებული სხვა ხელშეკრულების საფუძველზე ნაკისრი ვალდებულებების სრულად და ჯეროვნად შესრულებამდე, მიუხედავად ხელშეკრულების ან/და მასთან დაკავშირებული სხვა ხელშეკრულების სრულად ან ნაწილობრივ შეწყვეტისა.

4.3. კლიენტი დაუყოვნებლივ წერილობით აცნობებს xxxxx ყველა იმ გარემოებ(ებ)ის შესახებ, რომელიც შეიძლება წინააღმდეგობაში მოვიდეს მის აღნიშნულ განცხადებებთან და გარანტიებთან ან/და გამოიწვიოს მათი დარღვევა; ასევე, ნებისმიერი ისეთი გარემოების დაწყების ან დადგომის შესახებ, რითაც საფრთხე შეექმნება კლიენტის აქტივებს/ქონებას ან/და მის მიერ ხელშეკრულებით ან/და მასთან დაკავშირებული სხვა ხელშეკრულებით ნაკისრი ვალდებულებების სრულად და ჯეროვნად შესრულებას.

4.4. მხარეები აცხადებენ და აცნობიერებენ, რომ ბანკი მხოლოდ კლიენტის ზემოაღნიშნული განცხადებების და გარანტიების საფუძველზე და მათზე დაყრდნობით დებს/დადებს და შეასრულებს ხელშეკრულებას ან/და მასთან დაკავშირებულ სხვა ხელშეკრულებას.

5. მხარეთა სხვა უფლება-მოვალეობები

5.1. ხელშეკრულების ან/და მასთან დაკავშირებული სხვა ხელშეკრულების შესრულების უზრუნველყოფის მიზნით, მხარეები:

5.1.1. უფლებამოსილნი არიან სრულად და ჯეროვნად ისარგებლონ ხელშეკრულებით, მასთან დაკავშირებული სხვა ხელშეკრულებით ან/და შესაბამისი კანონმდებლობით განსაზღვრული უფლებებით;

5.1.2. მოვალენი არიან სრულად და ჯეროვნად შეასრულონ ხელშეკრულებით, მასთან დაკავშირებული სხვა ხელშეკრულებით ან/და შესაბამისი კანონმდებლობით განსაზღვრული ვალდებულებები.

6. მხარეთა პასუხისმგებლობა

6.1. თუ ხელშეკრულებით ან/და მასთან დაკავშირებული სხვა ხელშეკრულებით სხვა რამ არ არის განსაზღვრული მხარეები იღებენ ვალდებულებას აუნაზღაურონ ერთმანეთს მათ მიერ ხელშეკრულების ან/და მასთან დაკავშირებული სხვა ხელშეკრულების სრულად ან ნაწილობრივ შეუსრულებლობის ან არაჯეროვნად შესრულების შედეგად მიყენებული ზიანი (ზარალი) კანონმდებლობით ან/და ხელშეკრულებით ან/და მასთან დაკავშირებული სხვა ხელშეკრულებით დადგენილი წესით, ხოლო ზარალის ანაზღაურება მხარეებს არ ათავისუფლებს ხელშეკრულებით ან/და მასთან დაკავშირებული სხვა ხელშეკრულებით ნაკისრი ვალდებულებების შესრულებისაგან (გადახდისაგან).

6.2. ფორს-მაჟორის მოქმედების განმავლობაში არც ერთი მხარე არ აგებს პასუხს ხელშეკრულებით ან/და მასთან დაკავშირებული სხვა ხელშეკრულებით ნაკისრი ვალდებულებების სრულად ან ნაწილობრივ შეუსრულებლობისათვის ან არაჯეროვნად შესრულებისათვის.

6.3. მხარე, რომელსაც დაუდგა ფორს-მაჟორი, ვალდებულია გონივრულ ვადაში, მაგრამ არა უგვიანეს 5 (ხუთი) საბანკო დღისა, აცნობოს მეორე მხარეს შესაბამისი ფორს-მაჟორული გარემოებ(ებ)ის და მისი/მათი სავარაუდო ხანგრძლივობის შესახებ, წინააღმდეგ შემთხვევაში, იგი კარგავს უფლებას დაეყრდნოს ფორს-მაჟორის არსებობას, როგორც პასუხისმგებლობისგან გათავისუფლების საფუძველს.

6.4. შეტყობინებაში მითითებული ფორს-მაჟორული გარემოებ(ებ)ი, თუ ისინი არ წარმოადგენენ საყოველთაოდ აღიარებულ ფაქტებს (გარემოებებს) ან მეორე მხარეს ეჭვი შეაქვს მათ ნამდვილობაში,

შესაბამისი მხარის მიერ ფორს-მაჟორული გარემოებ(ებ)ის თაობაზე ცნობის მიღებიდან ან შესაბამისი მხარის მიერ ფორს-მაჟორული გარემოებ(ებ)ის არსებობაზე ეჭვის გამოთქმის თაობაზე შეტყობინების მეორე მხარისათვის გაგზავნიდან 30 (ოცდაათი) კალენდარული დღის ვადაში ფორს-მაჟორული გარემოებ(ებ)ის არსებობა უნდა დადასტურდეს კანონმდებლობით განსაზღვრული უფლებამოსილი ორგანოს მიერ.

6.5. თუ ფორს-მაჟორის მოქმედება, შესაბამისი მხარის მიერ ფორს-მაჟორული გარემოებ(ებ)ის თაობაზე ცნობის ან ფორს-მაჟორული გარემოებ(ებ)ის არსებობის დადასტურების თაობაზე სათანადო ორგანოს დასკვნის მიღების თარიღიდან 30 (ოცდაათი) კალენდარულ დღეზე მეტ ხანს გრძელდება, აღნიშნული 30 (ოცდაათი) კალენდარულ დღიანი ვადის გასვლიდან 15 (თხუთმეტი) კალენდარულ დღის ვადაში მხარეებმა უნდა გადაწყვიტონ ხელშეკრულების ბედი, წინააღმდეგ შემთხვევაში ხელშეკრულება ძალადაკარგულად ჩაითვლება.

6.6. კლიენტი ადასტურებს და ეთანხმება იმას, რომ:

6.6.1. იმ შემთხვევაში, თუ:

6.6.1.1. საერთაშორისო დეპოზიტარი დააკისრებს ბანკს ჯარიმას (პირგასამტეხლოს) ევროკავშირის 909/2014 და 2018/1229 რეგულაციების ან ნებისმიერი სხვა რეგულაციის საფუძველზე, საერთაშორისო დეპოზიტარების მიერ ფასიანი ქაღალდის ანგარიშსწორებისთვის დადგენილი საბოლოო ვადის (ე.წ.

„Cut-Off Time”) დარღვევით, გარიგების დაგვიანებული აღსრულებისთვის, რომელიც გამოწვეულია, მათ შორის, შეუზღუდავად:

6.6.1.1.1. საერთაშორისო დეპოზიტარისთვის ფასიანი ქაღალდის ანგარიშსწორების დავალების დაგვიანებით ან ხარვეზიანი ფორმით/შინაარსით გაგზავნით;

6.6.1.1.2. კლიენტის მიერ ფასიანი ქაღალდის ანგარიშსწორების დავალების შეჩერებით;

6.6.1.1.3. დავალების შესაბამისად განსახორციელებელი, ფასიანი ქაღალდის ანგარიშსწორების გარიგების აღსრულებისთვის საჭირო თანხის ან ფასიანი ქაღალდის, საერთაშორისო დეპოზიტართან გახსნილ ნომინალური მფლობელობის ანგარიშზე, არასაკმარისი ოდენობის განთავსებით; ან/და

6.6.1.1.4. ნებისმიერი სხვა მიზეზით;

6.6.1.2. და ამასთან, ზემოაღნიშნული დაგვიანებული აღსრულება არ არის გამოწვეული ბანკის ბრალეულობით;

6.6.2. საერთაშორიოს დეპოზიტარის მიერ დაკისრებული ჯარიმის ოდენობის ექვივალენტ თანხას, კლიენტის დამატებითი აქცეპტისა და თანხმობის გარეშე, xxxxx თავისი შეხედულებისამებრ ჩამოჭრის კლიენტის ნებისმიერი ანგარიშიდან, მათ შორის ნებისმიერი ტიპის დეპოზიტის ანგარიშიდან;

6.6.3. საერთაშორისო დეპოზიტართან გახსნილ ნომინალური მფლობელობის ანგარიშზე ბანკის მიერ განთავსებულ კლიენტის ნებისმიერი ოდენობის თანხას საერთაშორისო დეპოზიტარის მიერ ყოველდღიურად ერიცხება უარყოფითი საპროცენტო სარგებელი, რომლის ექვივალენტი ოდენობის თანხას, კლიენტის დამატებითი აქცეპტისა და თანხმობის გარეშე, xxxxx თავისი შეხედულებისამებრ ჩამოჭრის კლიენტის ნებისმიერი ანგარიშიდან, მათ შორის ნებისმიერი ტიპის დეპოზიტის ანგარიშიდან;

6.6.4. იმ შემთხვევაში, თუ წინამდებარე 6.6. პუნქტით გათვალისწინებული ვალდებულება/გადასახდელი და კლიენტის ანგარიშზე რიცხული, უაქცეპტოდ ჩამოსაჭრელი თანხა სხვადასხვა ვალუტაშია, ბანკმა თავად განახორციელოს კონვერტაცია გადახდის თარიღისათვის მასთან მოქმედი კომერციული კურსით, ხოლო კონვერტაციის მომსახურების ღირებულება ასევე უაქცეპტოდ ჩამოწეროს ანგარიშიდან, კონვერტირებული თანხა კი მიმართოს შესაბამისი ვალდებულების/გადასახდელის დასაფარად.

7. ანგარიშსწორება

7.1. მხარეთა შორის ანგარიშსწორება წარმოებს ნაღდი ან/და უნაღდო ანგარიშსწორების წესით.

7.2. ხელშეკრულებით განსაზღვრული ნებისმიერი სახის ფულადი ვალდებულება, გარდა მომსახურების საფასურისა, უნდა შესრულდეს (გადახდილ უნდა იქნეს) ფულადი ვალდებულების წარმოშობის თარიღიდან (ვალდებულების შესრულების ვადაგადაცილების დღიდან, პირგასამტეხლოს მოთხოვნის დღიდან და სხვა) 10 (ათი) კალენდარული დღის ვადაში. ამასთან, თუ ვალდებულების შესრულების (გადახდის) დღე დაემთხვა არასამუშაო ან გამოსასვლელ დღეს, ამ დღის ნაცვლად გამოიყენება მომდევნო საბანკო დღე.

7.3. ანგარიშსწორება განხორციელდება საქართველოს ეროვნულ ვალუტაში, გადახდის დღეს საქართველოს ეროვნული ბანკის მიერ დადგენილი ოფიციალური კურსის შესაბამისად.

7.4. უნაღდო ანგარიშსწორებისას თანხები უნდა ჩაირიცხოს შესაბამისი მხარის ხელშეკრულებით ან/და მასთან დაკავშირებული სხვა ხელშეკრულებით განსაზღვრულ საბანკო ანგარიშზე xx მხარეთა მიერ დამატებით შეთანხმებულ სხვა საბანკო ანგარიშზე.

8. კომუნიკაცია მხარეთა შორის

8.1. მხარეთა შორის ნებისმიერი ოფიციალური ურთიერთობა უნდა ატარებდეს წერილობით ფორმას. მხარისათვის გათვალისწინებული წერილობითი შეტყობინება მას შეიძლება მიეწოდოს პირადად ან გაეგზავნოს კურიერის (მათ შორის, საერთაშორისო კურიერის) ან საფოსტო გზავნილის (მათ შორის,

დაზღვეული წერილის) საშუალებით. ოპერატიულობის მიზნით და ქვემოთ მოცემული დებულებების გათვალისწინებით, დასაშვებია მეორე მხარისათვის შეტყობინების მიწოდება ფაქსის, ელექტრონული ფოსტის, SWIFT-ის ან ბანკის მიერ დადგენილი ნებისმიერი სხვა ოპერატიული საშუალებით გაგზავნის გზით, იმ პირობით, რომ მეორე მხარის მოთხოვნის შემთხვევაში, ამგვარი მოთხოვნიდან გონივრულ ვადაში მას წარედგინება შეტყობინება წერილობითი ფორმითაც.

8.2. შეტყობინება ჩაბარებულად ითვლება ადრესატის მიერ მისი მიღების დღეს თუ შეტყობინების მიღება დადასტურებულია ადრესატის მიერ (მათ შორის, ელექტრონული დოკუმენტით, ქვითრით, შეტყობინების შესაბამისი სხვა საშუალებით და ა.შ.). თუ შეტყობინების მიღება არ არის დადასტურებული ადრესატის მიერ, ნებისმიერი ასეთი შეტყობინება მიიჩნევა სათანადო წესის შესაბამისად გაგზავნილად და მიღებულად:

8.2.1. კურიერის ან დაზღვეული საფოსტო გზავნილის მეშვეობით წერილობითი შეტყობინების ან დეპეშის გაგზავნის შემთხვევაში – (ა) თუ შეტყობინება გაგზავნილია ბანკის მიერ, გაგზავნიდან 3 (სამი) კალენდარულ დღეში, ან ჩაბარების დადასტურების თარიღის დღეს (რომელსაც უფრო ადრე ექნება ადგილი); (ბ) თუ შეტყობინება გაგზავნილია კლიენტის მიერ, ბანკის კანცელარიაში შეტყობინების დარეგისტრირების მომდევნო საბანკო დღეს;

8.2.2. ფაქსის, ტელექსის, ელექტრონული ფოსტის ან/და სხვა ელექტრონული საშუალებით გაგზავნის შემთხვევაში – (ა) თუ შეტყობინება გაგზავნილია ბანკის მიერ, გაგზავნის თარიღიდან მეორე საბანკო დღეს; (ბ) თუ შეტყობინება გაგზავნილია კლიენტის მიერ, xxxxxx მიერ შესაბამისი შეტყობინების მიღების დადასტურების თარიღიდან, ან შესაბამისი ქმედების განხორციელებით შეტყობინების მიღების დადასტურების თარიღიდან.

8.3. შეტყობინება მიღებულად ითვლება იმ შემთხვევაშიც, თუ შეტყობინების გამგზავნ მხარეს შეტყობინება დაუბრუნდება გაგზავნილ მისამართზე/საკონტაქტო მონაცემებზე შეტყობინების ადრესატის ადგილსამყოფელის არარსებობის გამო, ადრესატი უარს განაცხადებს შეტყობინების მიღებაზე, ან თავს აარიდებს მის მიღებას.

8.4. მხარეები ურთიერთობას განახორციელებენ ხელშეკრულებით ან/და მასთან დაკავშირებული სხვა ხელშეკრულებით განსაზღვრულ მისამართებზე/საკონტაქტო მონაცემებზე (ან სხვა ნებისმიერ მისამართზე/საკონტაქტო მონაცემზე, რომელსაც ერთი მხარე აცნობებს მეორეს წერილობით). მხარე ვალდებულია აღნიშნული მისამართ(ებ)ის ან მათი რომელიმე მონაცემის ცვლილების შესახებ დროულად აცნობოს მეორე მხარეს, წინააღმდეგ შემთხვევაში, მხარის მიერ აღნიშნულ მისამართზე განხორციელებული ურთიერთობა (შეტყობინების გაგზავნა და სხვა) ჩაითვლება ჯეროვნად შესრულებულად.

8.5. ხელშეკრულებით შეიძლება გათვალისწინებული იყოს შეტყობინების განხორციელება ხელშეკრულების 8.1. პუნქტით გათვალისწინებული კომუნიკაციის კონკრეტულად ერთ–ერთი საშუალებით, ან განსხვავებული ფორმით.

9. კონფიდენციალურობა

9.1. მხარეები ვალდებული არიან, როგორც ხელშეკრულების მოქმედების პერიოდში, ასევე სახელშეკრულებო ურთიერთობის დამთავრების შემდეგაც დაიცვან მეორე მხარისაგან მიღებული ნებისმიერი სახის ინფორმაციის კონფიდენციალურობა.

9.2. კონფიდენციალურობის შესახებ ზემოაღნიშნული შეზღუდვა არ შეეხება ინფორმაციას ან ინფორმაციის გამჟღავნებას:

9.2.1. რომელიც კანონმდებლობის დარღვევის გარეშე იყო ცნობილი ინფორმაციის მიმღები მხარისათვის

მეორე მხარის მიერ შესაბამისი ინფორმაციის მიწოდებამდე;

9.2.2. თუ ინფორმაციის გამჟღავნება მოხდება მხარეთა მიერ კანონმდებლობის მოთხოვნათა დაცვით და შესასრულებლად (მათ შორის, რომელიმე მხარის მიერ სასამართლო (მათ შორის, საარბიტრაჟო სასამართლო) წესით მისი უფლებების განსახორციელებლად);

9.2.3. რომლის მოპოვებაც შესაძლებელია სხვა წყაროებიდან;

9.2.4. თუ ინფორმაციის მესამე პირისთვის გამჟღავნება მოხდება ა) მხარეთა წერილობითი შეთანხმებით, რა შემთხვევაშიც ინფორმაციის გამცემი მხარე სრულად აგებს პასუხს მესამე პირის მიერ მისთვის გადაცემული ინფორმაციის კონფიდენციალურობის დაცვაზე ან ბ) რომელიმე მხარისგან დამოუკიდებლად.

9.3. ბანკი უფლებამოსილია კლიენტის შესახებ ინფორმაცია მიაწოდოს მესამე პირს კლიენტის მიერ ხელშეკრულების ან/და მასთან დაკავშირებული სხვა ხელშეკრულების პირობების შეუსრულებლობით ან არაჯეროვანი შესრულების შედეგად ბანკის უფლებების განხორციელების ან/და xxxxxxxx მიერ ხელშეკრულების ან/და მასთან დაკავშირებული სხვა ხელშეკრულების პირობების შესრულებაზე მონიტორინგის მიზნით.

10. მარეგულირებელი კანონმდებლობა და დავების გადაწყვეტა

10.1. ხელშეკრულება შედგენილია, განიმარტება და რეგულირდება კანონმდებლობის შესაბამისად.

10.2. ხელშეკრულებიდან გამომდინარე ნებისმიერი დავა (მათ შორის, ხელშეკრულების არსებობასთან, ინტერპრეტაციასთან, შესრულებასთან, აღსრულებასთან ან/და ნამდვილობასთან/ბათილობასთან დაკავშირებით) წყდება მხოლოდ საქართველოს სასამართლოების მიერ და მხოლოდ კანონმდებლობის გამოყენებით.ამასთან, მხარეები თანხმდებიან, რომ დავასთან დაკავშირებით პირველი ინსტანციის სასამართლოს მიერ ბანკის სასარგებლოდ მიღებული გადაწყვეტილება მიქცეული იქნება დაუყოვნებლივ აღსასრულებლად.

11. ხელშეკრულების მოქმედება და შეწყვეტა

11.1. ხელშეკრულება ძალაში შედის კლიენტის მიერ შესაბამისი განაცხადის ხელმოწერის საფუძველზე, ბანკის მიერ წინამდებარე ხელშეკრულებით განსაზღვრული მომსახურების გაწევის თაობაზე შესაბამისი გადაწყვეტილების მიღების მომენტიდან და თუკი სხვაგვარად არ იქნა განსაზღვრული დამატებითი პირობებით (ასეთის არსებობის შემთხვევაში), მოქმედებს უვადოდ.

11.2. შესაძლებელია მომსახურების, ხელშეკრულების ან/და მასთან დაკავშირებული სხვა ხელშეკრულების

ვადამდე სრულად ან ნაწილობრივ შეწყვეტა:

11.2.1. ნებისმიერი მხარის მიერ ცალმხრივად, უმიზეზოდ, მეორე მხარისთვის 30 (ოცდაათი) დღიანი წინასწარი შეტყობინების გაგზავნის საფუძველზე, იმ დათქმით, რომ აღნიშნული შეწყვეტა არ ამოქმედდება, ხელშეკრულების ფარგლებში ბანკისთვის გადაცემული მიმდინარე ფასიანი ქაღალდის ნაწილში, კლიენტის მიერ შესაბამისი წესით ფასიანი ქაღალდის სრულად გასხვისებამდე ან ფასიანი ქაღალდის xxxxxxxx xxxxx მიერ ფასიანი ქაღალდის სრულ დაფარვამდე;

11.2.2. ნებისმიერი მხარის მიერ ცალმხრივად, მეორე მხარის მიერ ხელშეკრულებით განსაზღვრული ნებისმიერი ვალდებულების ხელშეკრულებით დადგენილ ვადებში სრულად და ჯეროვნად არ შესრულების შემთხვევაში:

11.2.2.1. შემწყვეტი მხარის მიერ დამრღვევი მხარისთვის მიცემული დამატებითი 15 (თხუთმეტი) დღიანი ვადის უშედეგოდ გასვლის შემდეგ; ან

11.2.2.2. დაუყოვნებლივ, კანონმდებლობით განსაზღვრულ შესაბამის შემთხვევებში, ან/და თუ დამრღვევი

მხარისთვის დამატებითი ვადის მიცემა უშედეგო იქნება;

11.2.3. მხარეთა წერილობითი შეთანხმებით;

11.2.4. ხელშეკრულებით, მასთან დაკავშირებული სხვა ხელშეკრულებით ან/და კანონმდებლობით

გათვალისწინებულ სხვა შემთხვევებში.

11.3. ბანკის მიერ ხელშეკრულების ვადამდე სრულად ან ნაწილობრივ შეწყვეტის შემთხვევაში კლიენტი ვალდებულია გადაუხადოს ბანკს საფასური მის მიერ ფაქტობრივად შესრულებული მომსახურების შესაბამისად. ასეთ შემთხვევაში ბანკი არ იქნება ვალდებული აუნაზღაუროს კლიენტს რაიმე სახის ზიანი (ზარალი);

11.4. ხელშეკრულების სრულად ან ნაწილობრივ შეწყვეტა არ ათავისუფლებს მხარეებს ხელშეკრულების შეწყვეტამდე წარმოშობილი ვალდებულებების სრულად და ჯეროვნად შესრულებისაგან (გადახდისაგან)

11.5. თუ ხელშეკრულების ან/და მასთან დაკავშირებული სხვა ხელშეკრულების სრულად ან ნაწილობრივ შეწყვეტის შედეგები (პასუხისმგებლობა) არ არის გათვალისწინებული ხელშეკრულებით ან/და მასთან დაკავშირებული სხვა ხელშეკრულებით, მაშინ მხარეები იხელმძღვანელებენ შესაბამისი კანონმდებლობით.

12. ცვლილებები და დამატებები

12.1. ხელშეკრულებაში ცვლილებებისა და დამატებების შეტანა დაიშვება წერილობითი ფორმით მხარეთა

შეთანხმებით.

12.2. ხელშეკრულებაში შეტანილი ცვლილებები და დამატებები წარმოადგენს ხელშეკრულების დანართს და მის განუყოფელ ნაწილს.

12.3. xxxxx უფლებამოსილია, ნებისმიერ დროს, საკუთარ ვებ-გვერდზე შესაბამისი ინფორმაციის განთავსების გზით (ან/და ბანკისათვის მისაღები სხვა ფორმით) კლიენტის დამატებითი თანხმობისა თუ აქცეპტის გარეშე, შეცვალოს საკომისიოს მოცულობა. ამგვარი ცვლილება სავალდებულოა კლიენტისთვის მისი გამოქვეყნების ან კლიენტის მიერ შესაბამისი შეტყობინების მიღების დღის მომდევნო საბანკო დღიდან, თუ კანონმდებლობით სხვა რამ არ არის განსაზღვრული. ამასთან, აღნიშნული ცვლილება შესაძელებელია შეეხოს, როგორც პირთა გარკვეულ ჯგუფს, ისე კონკრეტულ პირს.

13. მომხმარებელთა უფლებების დაცვის პირობები

13.1. ვინაიდან კლიენტი წარმოადგენს ფიზიკურ პირს და ბანკის მიერ გაწეულ მომსახურებას კლიენტი

პირადი მოხმარების მიზნით იყენებს, მხარეები დამატებით თანხმდებიან, შემდეგ პირობებზე:

13.1.1. მიუხედავად წინამდებარე ხელშეკრულების 12.3. პუნქტში განსაზღვრული ბანკის უფლებამოსილებისა, ნებისმიერ დროს, ცალმხრივად შეცვალოს საკომისიოს მოცულობა, ასეთი ცვლილება, წინამდებარე

ხელშეკრულების მიმართ, გავრცელდება, მხოლოდ იმ შემთხვევაში თუ ცვლილება განხორციელდება, საფუძვლიანი მიზეზით, მათ შორის, შეუზღუდავად: (ა) კანონმდებლობის ცვლილების შედეგად, ხელშეკრულების პირობების განახლებულ კანონმდებლობასთან მისადაგების ან/და ბანკის მიერ რეგულატორული სანქციების თავიდან არიდების მიზნით; (ბ) ბანკის მიერ მატერიალური ზიანის თავიდან არიდების მიზნით; (გ) ბანკის მიერ ხელშეკრულების საერთაშორისო ან ადგილობრივ დონეზე დამკვიდრებულ საუკეთესო პრაქტიკასთან მისადაგების მიზნით; (დ) კლიენტის უფლებრივი მდგომარეობის გაუმჯობესების მიზნით ან/და (ე) სხვა საფუძვლიანი მიზეზით.

13.1.2. ბანკი ვალდებულია კლიენტს გაუწიოს მომსახურება ხელშეკრულებით გათვალისწინებული პირობების შესაბამისად.

13.1.3. მომსახურების შესრულების ვადის გადაცილების ან ნაკლის აღმოჩენის შემთხვევაში , ბანკი გაწევს მომსახურებას/აღმოფხვრის ნაკლს დამატებით გონივრულ ვადაში,, გარდა იმ შემთხვევისა, როდესაც ეს, მომსახურების ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს. იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს კანონმდებლობით განსაზღვრული მოთხოვნები.

13.1.4. დამატებითი ვადის უშედეგოდ გასვლის შემთხვევაში კლიენტს უფლება აქვს:

13.1.4.1. ბანკის ხარჯით მომსახურების გაწევა ან ნაკლის აღმოფხვრა მესამე პირს შესთავაზოს;

13.1.4.2. მოითხოვოს მომსახურების საფასურის/საკომისიოს ადეკვატური შემცირება;

13.1.4.3. უარი თქვას ხელშეკრულებაზე და მოითხოვოს ზიანის ანაზღაურება კანონმდებლობით დადგენილი წესით.

13.1.5. დამატებითი ვადის განსაზღვრა სავალდებულო არ არის, თუ აშკარაა, რომ ამას არავითარი შედეგი არ ექნება, ან კლიენტმა ხელშეკრულების შესრულება მომსახურების დროულად მიღებას დაუკავშირა.

13.1.6. თუ ბანკმა დროულად არ დაიწყო მომსახურების გაწევა, ან მომსახურების პროცესი უსაფუძვლოდ ჭიანურდება, რაც მომსახურების დათქმულ ვადაში გაწევას შეუძლებელს ხდის, ბანკს არ აქვს უფლება, მოითხოვოს მომსახურების პროცესში გაწეული ხარჯების ანაზღაურება, აგრეთვე გაწეული მომსახურების საფასურის/საკომისიოს ანაზღაურება, თუ კლიენტი შეატყობინებს ბანკს, ხელშეკრულებით განსაზღვრული კომუნიკაციის საშუალებებით, რომ მან დაკარგა ინტერესი ხელშეკრულების ნაწილობრივი შესრულებისადმი.

13.1.7. იმ შემთხვევაში თუ ხელშეკრულება არის დისტანციურად დადებული ან სარეწის გარეთ დადებული, მიუხედავად იმისა, რომ კლიენტი წარმოადგენს ფიზიკურ პირს და ბანკის მიერ გაწეულ მომსახურებას კლიენტი პირადი მოხმარების მიზნით იყენებს, კლიენტი აცნობიერებს და ადასტურებს, რომ მიუხედავად ზემოაღნიშნულისა, კლიენტს არ აქვს უფლება „მომხმარებლის უფლებების დაცვის შესახებ“ საქართველოს კანონით გათვალისწინებული პირობების შესაბამისად, ცალმხრივად, საფუძვლის მითითების გარეშე, უარი თქვას ხელშეკრულებაზე, ხელშეკრულების დადებიდან 14 (თოთხმეტი) კალენდარული დღის ვადაში, ვინაიდან, მხარეთა შორის გაფორმებული წინამდებარე ხელშეკრულება წარმოადგენს საფინანსო სფეროში დადებულ ხელშეკრულებას აღნიშნული კანონის მიზნებისთვის.

13.1.8. „მომხმარებლის უფლებების დაცვის შესახებ“ საქართველოს კანონის მიზნებისთვის, იმისთვის, რომ ხელშეკრულება ჩაითვალოს დისტანციურად დადებულად, ხელშეკრულება დადებულ უნდა იქნეს დისტანციური ნასყიდობის ან მომსახურების მიწოდების ორგანიზებული სქემის მეშვეობით და არ მოითხოვს კლიენტისა და ბანკის წარმომადგენლის ფიზიკურ თანაყოფობას. ასევე, ზემოაღნიშნული კანონის მიზნებისთვის ხელშეკრულება დისტანციურად დადებულად არ მიიჩნევა, თუ კლიენტი და ბანკი ხელშეკრულების პირობებზე სარეწში შეთანხმდნენ და ხელშეკრულება დისტანციურად დაიდო მხოლოდ ამის შემდეგ.

13.1.9. კლიენტი უფლებამოსილია ხელშეკრულებით გათვალისწინებული პირობების შესრულებასთან დაკავშირებით პრეტენზია წარადგინოს ბანკის სერვისცენტრებში (ფილიალებში), რომელსაც ბანკი განიხილავს კლიენტთა პრეტენზიების მართვის პროცედურის შესაბამისად, (რომელიც განთავსებულია ბანკის ვებ-გვერდზე: xxxxx://xxxxxxxxxx.xxx.xx/xx/xxxxxx). პრეტენზიის წარდგენა შესაძლებელია ზეპირი, თავისუფალი წერილობითი, სტანდარტული წერილობითი ან ელექტრონული ფორმით. პრეტენზიას განიხილავს ბანკის სერვისცენტრების მხარდაჭერისა და სერვისის სამსახური. ნებისმიერი ფორმით წარდგენილ პრეტენზიაზე პასუხის მიღებისათვის მაქსიმალური ვადა შეადგენს 30 (ოცდაათი) კალენდარულ დღეს, თუ კანონმდებლობით ან/და საერთაშორისო პრაქტიკით სხვა რამ არ არის განსაზღვრული.

14. სანქციებთან დაკავშირებული პირობები

14.1. მხარეები აღიარებენ, ადასტურებენ და თანხმდებიან, რომ თუ: (i) კლიენტზე გავრცელდება გაერთიანებული სამეფოს საგარეო, თანამეგობრობისა და განვითარების ოფისის (Foreign, Commonwealth & Development Office) (რომლის მიერ დადგენილი სანქციები ადმინისტრირდება ფინანსური სანქციების იმპლემენტაციის სამსახურის მიერ (OFSI)), ამერიკის შეერთებული შტატების უცხოური აქტივების კონტროლის სამსახურის (OFAC) ან/და ევროპის კავშირის (EU) ან/და

გაერთიანებული ერების უშიშროების საბჭოს (UNSC) ან/და მათი ნებისმიერი სამართალმემკვიდრის (შემდგომში - სანქციების ორგანო) მიერ დაწესებული ნებისმიერი სანქცია ან/და ნებისმიერი სანქციით გათვალისწინებული ან/და მოთხოვნილი ნებისმიერი შეზღუდვა, მოთხოვნა ან/და აკრძალვა, ან/და (ii) კლიენტი ან/და პირი, რომელიც პირდაპირ ან არაპირდაპირ აკონტროლებს ან ფლობს კლიენტს (შემდგომში - კლიენტის მაკონტროლებელი პირი), ან/და ქვეყანა/ტერიტორია, რომლის რეზიდენტიც არის კლიენტი ან რომელშიც დაფუძნებულია/რეგისტრირებულია ან მდებარეობს ან ოპერირებს კლიენტი, მოხვდება ნებისმიერი სანქცირებული ქვეყნების/ტერიტორიების ან/და სანქცირებული პირების სიაში (მასში დროდადრო შეტანილი ცვლილებების გათვალისწინებით), რომელიც გამოცემულია/წარმოებულია სანქციების ორგანოს მიერ, ბანკისთვის ხელშეკრულებით ან/და კანონმდებლობით მინიჭებული სხვა უფლებების შეუზღუდავად, ბანკი უფლებამოსილია:

14.1.1. იმოქმედოს სანქციების ორგანოს მიერ დაწესებული შესაბამისი სანქციის მიხედვით და

განახორციელოს სანქციების ორგანოს მიერ განსაზღვრული ან/და შესაბამისი სანქციით გათვალისწინებული ან/და მოთხოვნილი ნებისმიერი და ყველა ქმედება, ან/და

14.1.2. დაუყოვნებლივ შეწყვიტოს, შეაჩეროს ან/და უარი თქვას კლიენტისთვის ნებისმიერი და ყველა მომსახურების გაწევაზე, მათ შორის, შეუზღუდავად, დახუროს კლიენტის ანგარიშები ბანკში ან/და შეაჩეროს/გააუქმოს/უარი თქვას ნებისმიერი გადარიცხვის ან/და დავალების შესრულებაზე.

14.2. კლიენტი აქვე ბანკის წინაშე და მის სასარგებლოდ აცხადებს, იძლევა გარანტიას და კისრულობს ვალდებულებას, რომ:

14.2.1. კლიენტი ან/და კლიენტის მაკონტროლებელ პირი არ არის/იქნება სანქციების ორგანოს მიერ გამოცემულ/წარმოებულ ნებისმიერ სანქცირებული პირების სიაში (მასში დროდადრო შეტანილი ცვლილებების გათვალისწინებით);

14.2.2. კლიენტი ან/და კლიენტის მაკონტროლებელ პირი არ ახორციელებს/განახორციელებს და არ აქვს განხორციელებული რაიმე ისეთი ქმედება, გარიგება ან/და ოპერაცია, რომელმაც შეიძლება პირდაპირ ან არაპირდაპირ გამოიწვიოს კლიენტის ან/და კლიენტის მაკონტროლებელ პირის მიერ სანქციების ორგანოს მიერ დაწესებული ნებისმიერი სანქციის ან/და სანქციების ორგანოს მიერ განსაზღვრული ან/და შესაბამისი სანქციით გათვალისწინებული ან/და მოთხოვნილი ნებისმიერი შეზღუდვის, მოთხოვნის ან/და აკრძალვის დარღვევა ან/და თავიდან არიდება/გვერდის ავლა.

14.3. კლიენტი ვალდებულია დაუყოვნებლივ შეატყობინოს ბანკს ნებისმიერი ისეთი გარემოების ან/და მოვლენის არსებობის/დადგომის შესახებ, რომელმაც შეიძლება პირდაპირ ან არაპირდაპირ გამოიწვიოს კლიენტის ან/და კლიენტის მაკონტროლებელი პირის მიერ სანქციების ორგანოს მიერ დაწესებული ნებისმიერი სანქციის ან/და სანქციების ორგანოს მიერ განსაზღვრული ან/და შესაბამისი სანქციით გათვალისწინებული ან/და მოთხოვნილი ნებისმიერი შეზღუდვის, მოთხოვნის ან/და აკრძალვის დარღვევა ან/და თავიდან არიდება/გვერდის ავლა ან/და რომელმაც შეიძლება პირდაპირ ან არაპირდაპირ გამოიწვიოს კლიენტის ან/და კლიენტის მაკონტროლებელი პირის სანქციების ორგანოს მიერ გამოცემულ/წარმოებული ნებისმიერი სანქცირებული პირების სიაში შეტანა/შეყვანა.

14.4. კლიენტი ვალდებულია:

14.4.1. არ შეიძინოს რუსეთის ფედერაციიდან ექსპორტირებული ან/და რუსული წარმოშობის ნავთობი ან/და ნავთობპროდუქტები იმ ზღვრულ ნასყიდობის ფასზე მაღალ ფასად, რომელიც დადგენილია სანქციების ორგანოს მიერ, ან/და

14.4.2. არ განახორციელოს ისეთი რუსეთის ფედერაციიდან ექსპორტირებული ან/და რუსული წარმოშობის ნავთობით ან/და ნავთობპროდუქტებით ვაჭრობა ან/და მათი გაყიდვა, ექსპორტი, რე-ექსპორტი, იმპორტი, მიწოდება, ტრანსპორტირება ან/და ნებისმიერი ამგვარი ქმედების/საქმიანობის რაიმე ფორმით ხელშეწყობა, რომლის შეძენაც მოხდა სანქციების ორგანოს მიერ დადგენილ ზღვრულ ნასყიდობის ფასზე მაღალ ფასად.

14.5. კლიენტი აქვე ბანკის წინაშე და მის სასარგებლოდ აცხადებს, იძლევა გარანტიას და კისრულობს ვალდებულებას, რომ:

14.5.1. კლიენტი არ ახორციელებს/განახორციელებს რუსეთის ფედერაციიდან ექსპორტირებული ან/და რუსული წარმოშობის ნავთობის ან/და ნავთობპროდუქტების შეძენას იმ ზღვრულ ნასყიდობის ფასზე მაღალ ფასად, რომელიც დადგენილია სანქციების ორგანოს მიერ;

14.5.2. კლიენტი არ ახორციელებს/განახორციელებს ისეთი რუსეთის ფედერაციიდან ექსპორტირებული ან/და რუსული წარმოშობის ნავთობით ან/და ნავთობპროდუქტებით ვაჭრობას ან/და მათ გაყიდვას, ექსპორტს, რეექსპორტს, იმპორტს, მიწოდებას, ტრანსპორტირებას ან/და ნებისმიერი ამგვარი ქმედების/საქმიანობის რაიმე ფორმით ხელშეწყობას, რომლის შეძენაც მოხდა სანქციების ორგანოს მიერ დადგენილ ზღვრულ ნასყიდობის ფასზე მაღალ ფასად.

14.6. კლიენტი ვალდებულია, ბანკის მოთხოვნისთანავე, დაუყოვნებლივ, ბანკისთვის მისაღები ფორმით, ბანკს მიაწოდოს ნებისმიერი და ყველა ინფორმაცია ან/და დოკუმენტი, რომელიც დაკავშირებულია კლიენტის მიერ:

14.6.1. რუსეთის ფედერაციიდან ექსპორტირებული ან/და რუსული წარმოშობის ნავთობით ან/და ნავთობპროდუქტებით ვაჭრობასთან, ან/და

14.6.2. რუსეთის ფედერაციიდან ექსპორტირებული ან/და რუსული წარმოშობის ნავთობის ან/და ნავთობპროდუქტების შეძენასთან, გაყიდვასთან, ექსპორტთან, რე-ექსპორტთან, იმპორტთან, მიწოდებასთან ან/და ტრანსპორტირებასთან, ან/და ნებისმიერი ამგვარი ქმედების/საქმიანობის რაიმე ფორმით ხელშეწყობასთან.

14.7. კლიენტის მიერ ზემოთ მოცემული ნებისმიერი განცხადების, გარანტიის ან/და ვალდებულების დარღვევის შემთხვევაში, ბანკისთვის ხელშეკრულებით ან/და კანონმდებლობით მინიჭებული სხვა უფლებების შეუზღუდავად, ბანკი უფლებამოსილია:

14.7.1. იმოქმედოს სანქციების ორგანოს მიერ დაწესებული შესაბამისი სანქციის მიხედვით და განახორციელოს სანქციების ორგანოს მიერ განსაზღვრული ან/და შესაბამისი სანქციით გათვალისწინებული ან/და მოთხოვნილი ნებისმიერი და ყველა ქმედება, ან/და

14.7.2. დაუყოვნებლივ შეწყვიტოს, შეაჩეროს ან/და უარი თქვას კლიენტისთვის ნებისმიერი და ყველა მომსახურების გაწევაზე, მათ შორის, შეუზღუდავად, დახუროს კლიენტის ანგარიშები ბანკში ან/და შეაჩეროს/გააუქმოს/უარი თქვას ნებისმიერი გადარიცხვის ან/და დავალების შესრულებაზე.

14.8. ბანკის მოქმედება სანქციების ორგანოს მიერ დაწესებული შესაბამისი სანქციის მიხედვით ან/და სანქციების ორგანოს მიერ განსაზღვრული ან/და შესაბამისი სანქციით გათვალისწინებული ან/და მოთხოვნილი ნებისმიერი ქმედების განხორციელება ან/და კლიენტისთვის მომსახურების შეწყვეტა, შეჩერება ან/და მომსახურების გაწევაზე უარის თქმა, არ ჩაითვლება ბანკის მიერ კლიენტის წინაშე არსებული/ნაკისრი რაიმე ვალდებულების რაიმე ფორმით დარღვევად და ბანკს არ დაეკისრება რაიმე სახის პასუხისმგებლობა სანქციების ორგანოს მიერ დაწესებული შესაბამისი სანქციის მიხედვით მოქმედებისთვის ან/და სანქციების ორგანოს მიერ განსაზღვრული ან/და შესაბამისი სანქციით გათვალისწინებული ან/და მოთხოვნილი ნებისმიერი ქმედების განხორციელებისთვის ან/და კლიენტისთვის მომსახურების შეწყვეტისთვის, შეჩერებისთვის ან/და მომსახურების გაწევაზე უარის თქმისთვის.

14.9. კლიენტი ვალდებულია ბანკს აუნაზღაუროს ნებისმიერი და ყველა სახის ზიანი (ზარალი), რომელიც ბანკს წარმოეშობა კლიენტის მიერ ზემოთ მოცემული ნებისმიერი განცხადების, გარანტიის ან/და ვალდებულების დარღვევის შედეგად

15. სხვა პირობები

15.1. მხარეები ადასტურებენ, რომ ხელშეკრულების ყველა პირობა მათთვის მკაფიო და გასაგებია და ხელშეკრულება შედგენილია მათთვის გასაგებ ენაზე, ამასთან, ხელშეკრულების შინაარსი ზუსტად გამოხატავს მხარეთა ნებას და რომ მათ მიერ ნების გამოვლენა მოხდა ხელშეკრულების შინაარსის გონივრული განსჯის შედეგად და არა მარტოოდენ სიტყვა-სიტყვითი მნიშვნელობიდან.

15.2. ნებისმიერი და ყოველი უფლება, რომელიც მიენიჭება მხარეს მეორე მხარის მიერ ხელშეკრულების, მასთან დაკავშირებული სხვა ხელშეკრულების ან/და კანონმდებლობის სრულად ან ნაწილობრივ დარღვევის შედეგად, კრებითია და დაემატება ხელშეკრულებით, მასთან დაკავშირებული სხვა ხელშეკრულებით ან/და კანონმდებლობით მინიჭებულ ყველა სხვა უფლებას.

15.3. ერთ-ერთი მხარის მხრიდან ხელშეკრულების, მასთან დაკავშირებული სხვა ხელშეკრულების ან/და კანონმდებლობის სრულად ან ნაწილობრივ დარღვევასთან დაკავშირებით მეორე მხარის მიერ მისთვის მინიჭებული უფლებების გამოუყენებლობა არ გავრცელდება ხელშეკრულების, მასთან დაკავშირებული სხვა ხელშეკრულების ან/და კანონმდებლობის ნებისმიერ შემდგომ დარღვევაზე.

15.4. ხელშეკრულების ან/და მასთან დაკავშირებული სხვა ხელშეკრულების რომელიმე მუხლ(ებ)ის, პუნქტ(ებ)ის ან/და ქვეპუნქტ(ებ)ის ბათილობა არ გამოიწვევს მთლიანად ხელშეკრულების ან/და მასთან დაკავშირებული სხვა ხელშეკრულების ან/და მათი სხვა მუხლ(ებ)ის, პუნქტ(ებ)ის ან/და ქვეპუნქტ(ებ)ის ბათილობას. ბათილი დებულების ნაცვლად, გამოიყენება იმგვარი დებულება, რომლითაც უფრო ადვილად მიიღწევა ხელშეკრულებით ან/და მასთან დაკავშირებული სხვა ხელშეკრულებით (მათ შორის ბათილი დებულებით) გათვალისწინებული მიზანი.

15.5. ხელშეკრულებაში ან/და მასთან დაკავშირებული სხვა ხელშეკრულებაში მხოლობით რიცხვში გამოყენებული სიტყვები გულისხმობს მრავლობითს და პირიქით.

15.6. ხელშეკრულების ან/და მასთან დაკავშირებული სხვა ხელშეკრულების მუხლ(ებ)ი, პუნქტ(ებ)ი ან/და ქვეპუნქტ(ებ)ი დანომრილია და დასათაურებულია მხოლოდ მოხერხებულობისათვის და ამ ფაქტს ხელშეკრულების ან/და მასთან დაკავშირებული ხელშეკრულების ინტერპრეტაციისათვის მნიშვნელობა არ ენიჭება.

15.7. ხელშეკრულებაში ან/და მასთან დაკავშირებულ სხვა ხელშეკრულებაში გამუქებული ტექსტი მოყვანილია განმარტებულ ტერმინთა გამოსაყოფად, მხოლოდ მოხერხებულობისათვის და ამ ფაქტს ხელშეკრულების ან/და მასთან დაკავშირებული ხელშეკრულების ინტერპრეტაციისათვის მნიშვნელობა არ ენიჭება.

15.8. ხელშეკრულების დანართსა და მასთან დაკავშირებულ სხვა ხელშეკრულებაზე სრულად ვრცელდება ხელშეკრულების მუხლ(ებ)ის, პუნქტ(ებ)ის და ქვეპუნქტ(ებ)ის მოქმედება. ამასთან, ხელშეკრულების და ხელშეკრულების დანართსა თუ მასთან დაკავშირებული სხვა ხელშეკრულების პირობებს შორის წინააღმდეგობის ან შეუსაბამობის არსებობისას, ამგვარი დანართის და მასთან დაკავშირებული სხვა ხელშეკრულების პირობებს მიენიჭება უპირატესობა იმ საკითხებთან მიმართებაში, რომელთა დასარეგულირებლადაც დადებულია ამგვარი დანართი თუ მასთან დაკავშირებული სხვა ხელშეკრულება.

15.9. ხელშეკრულება ან/და მასთან დაკავშირებული სხვა ხელშეკრულები მისი ვალდებულებებითა და სარგოებით ვრცელდება და სავალდებულოა მხარეთა უფლებამონაცვლეების, თუ მემკვიდრეებისათვის/სამართალმემკვიდრეებისათვის, თუ ხელშეკრულების ან/და მასთან დაკავშირებული სხვა ხელშეკრულების ან/და მისი/მათი მუხლ(ებ)ის, პუნქტ(ებ)ის და ქვეპუნქტ(ებ)ის შინაარსის გათვალისწინებით კანონმდებლობა სხვა რამეს არ ითვალისწინებს.

15.10. კლიენტს უფლება არა აქვს ბანკის წინასწარი წერილობითი თანხმობის გარეშე მესამე პირს გადასცეს ან გადააბაროს მასზე ხელშეკრულებით ან/და მასთან დაკავშირებული სხვა ხელშეკრულებით (მათ შორის, მათი დანართით) ნაკისრი ნებისმიერი ვალდებულება ან მინიჭებული უფლება. ბანკის უარი გამორიცხავს ნებისმიერი ზემოაღნიშნული ქმედების ან/და გარიგების განხორციელების შესაძლებლობას და შესაბამისად ამ წესის დარღვევით განხორციელებული ქმედება ან/და გარიგება ბათილია და არ წარმოშობს სამართლებრივ შედეგებს, გარდა კანონმდებლობით ცალსახად განსაზღვრული შემთხვევებისა. ამასთან, ეს დებულება არ გულისხმობს დათქმას, რომ კლიენტმა პირადად უნდა შეასრულოს ვალდებულებები და არ გამორიცხავს ბანკის უფლებას მიიღოს მესამე პირისაგან შემოთავაზებული შესრულება, მიუხედავად იმისა თანახმაა თუ არა კლიენტი.

15.11. ბანკის საზედამხედველო ორგანოს წარმოადგენს საქართველოს ეროვნული ბანკი, ვებ-გვერდის მისამართი: www.nbg.gov.ge, მისამართი: 0114 თბილისი, საქართველო სანაპიროს ქუჩა № 2.

15.12. გაეცანით მომხმარებელთათვის სასარგებლო ინფორმაციას საქართველოს ეროვნული ბანკის ვებ გვერდსა – www.nbg.gov.ge/cp და ცხელ ხაზზე – 032 2 406 406.

15.13. წინამდებარე ხელშეკრულება შედგენილია ქართულ ენაზე. იმ შემთხვევაში თუ, ხელშეკრულების დამატებითი ვერსია შედგენილია, ასევე, სხვა ენაზეც, ხელშეკრულების სხვადასხვა ენებზე შედგენილ ვერსიებს შორის შეუსაბამობის აღმოჩენის შემთხვევაში, აღნიშნული ვერსიების განმარტების თაობაზე წარმოშობილი ნებისმიერი დავის ფარგლებში, უპირატესობა მიენიჭება ქართულ ენაზე შედგენილი ხელშეკრულების ვერსიას. ამასთან, ხელშეკრულების ფარგლებში მხარეთა შორის კომუნიკაცია წარმოებს იმ ენაზე (ენებზე), რომელ(ებ)ზეც შედგენილია წინამდებარე ხელშეკრულება. აღნიშნული ნორმები ვრცელდება, ასევე, მხარეთა შორის ურთიერთობაზე ან/და ხელშეკრულების ან/და მასთან დაკავშირებული სხვა ხელშეკრულების, თუ ნებისმიერი სხვა დოკუმენტის შედგენასა თუ ინტერპრეტაციაზე.

15.14. წინამდებარე ხელშეკრულების პირობების მოქმედება ვრცელდება ყველა იმ არსებულ და სამომავლო კლიენტზე, რომელიც განაცხადით დათანხმებულია/დაეთანხმება წინამდებარე პირობებს როგორც ფიზიკური პირი (რომელიც არ წარმოადგენს ინდივიდუალურ მეწარმეს).