საკრედიტო ხაზის ხელშეკრულება N 0000 თარიღი:

ხელშეკრულების მნიშვნელოვანი პირობები

საკრედიტო ხაზის ხელშეკრულება N 0000 თარიღი:

1. საკრედიტო ხაზის საპროცენტო განაკვეთი

საკრედიტო ხაზის საპროცენტო განაკვეთის ტიპი: ფიქსირებული.

წლიური საპროცენტო განაკვეთი: x(სიტყვიერად)%

ეფექტური საპროცენტო განაკვეთი: x(სიტყვიერად)%.

2. ფინანსური ხარჯი

ყოველთვიური შენატანი: x(სიტყვიერად)

ვადის ბოლოს შენატანი: x(სიტყვიერად).

საკრედიტო ხაზის გაცემის საკომისიო: x(სიტყვიერად).

ფილიალიდან თანხის გატანის საკომისიო: x(სიტყვიერად).

უზრუნველყოფის რეგისტრაციის ხარჯი: x (სიტყვიერად).

უზრუნველყოფის შეწყვეტის ხარჯი: x (სიტყვიერად).

წარმოსადგენი დოკუმენტაციის ხარჯი: x (სიტყვიერად).

სხვა ხარჯი: x (სიტყვიერად).

გარანტიის საკომისიო: x (სიტყვიერად).

სხვა სახელშეკრულებო ინფორმაცია

საკრედიტო ხაზის მთლიანი თანხის ოდენობა და ვალუტა: x (სიტყვიერად)

გადასახდელი მთლიანი თანხის ოდენობა: x (სიტყვიერად)

საკრედიტო ხაზის ვადა: -- .

საკრედიტო ხელშეკრულების მოქმედების ვადა: -- .

მსესხებელი უფლებამოსილია განახორციელოს საკრედიტო ხაზის წინსწრებით დაფარვა. საკრედიტო ხაზის მოქმედების ვადამდე შეწყვეტის ან სხვა საფინანსო ორგანიზაცი(ებ)იდან რეფინანსირების საკომისიო შეადგენს:

თუ ხელშეკრულების დასრულებამდე დარჩენილია 6-დან 12 თვემდე, გადახდის მომენტში საკრედიტო ხაზის თანხის არაუმეტეს 0.5%-ს; თუ ხელშეკრულების დასრულებამდე დარჩენილია 12-დან 24 თვემდე, გადახდის მომენტში საკრედიტო ხაზის თანხის არაუმეტეს 1%-ს; თუ ხელშეკრულების დასრულებამდე დარჩენილია 24 თვეზე მეტი, გადახდის მომენტში საკრედიტო ხაზის თანხის არაუმეტეს 2%-ს. ამასთან, მსესხებელს, ვადამდე შეწყვეტის/რეფინანსირების საკომისიოსთან ერთად დაეკისრება საშეღავათო პერიოდის (ასეთის არსებობის შემთხვევაში) განმავლობაში დარიცხული პროცენტისა და სხვა გადასახდელების გადახდა.

ვადაგადაცილების პირგასამტეხლო: ფიქსირებული ერთჯერადი x (სიტყვიერად) ლარი ( უცხოური ვალუტით მისი ეკვივალენტი) და გადასახდელი ვადაგადაცილებული თანხის x (სიტყვიერად) % ყოველ ვადაგადაცილებულ დღეზე, მაგრამ, არაუმეტეს ნარჩენი ძირითადი თანხის 0,27%-სა, თითოეული დღისთვის. ამასთან, ვადაგადაცილების დაწყებიდან მის სრულ აღმოფხვრამდე პერიოდში დაკისრებული ხარჯების ჯამური მოცულობა არ გადააჭარბებს მიმდინარე ნარჩენი ძირითადი თანხის 1,5-მაგ ოდენობას.

მსესხებელი ვალდებულია უზრუნველყოს:

საკრედიტო ხელშეკრულებით გათვალისწინებული წესით ინფორმაციის დროული და დადგენილი ფორმით მიწოდება და ბანკის კონტროლის განხორციელება;

საკრედიტო ხელშეკრულებით დადგენილი მიზნობრიობის სრულად დაცვა;

რომ არ იკისროს ვალდებულებები სხვა კომერციული ბანკიდან ან/და საფინანსო ინსტიტუტიდან ბანკის წინასწარი წერილობითი თანხმობის გარეშე

საკრედიტო ხელშეკრულების სხვა პირობების/დამატებითი პირობების ჯეროვანი შესრულება, კერძოდ:

ზემოაღნიშნული რომელიმე ვალდებულების/პირობის შეუსრულებლობის ან/და არაჯეროვნად შესრულების შემთხვევაში, ბანკი უფლებამოსილია დაუყოვნებლივ, ცალმხრივად გაზარდოს წინამდებარე საკრედიტო ხაზის წლიური საპროცენტო განაკვეთის ოდენობა 4 (ოთხი)%-ით, მაგრამ, არაუმეტეს ნარჩენი ძირითადი თანხის 0,27%-სა, თითოეული დღისთვის და ასეთი ცვლილებიდან 5 (ხუთი) კალენდარული დღის ვადაში გაუგზავნოს შეტყობინება მსესხებელს წერილობით/ელექტრონული ფოსტით/ინტერნეტ-ბანკით/მოკლე ტექსტური შეტყობინებით.

უცხოური ვალუტით აღებული სესხი მომხმარებელს მნიშვნელოვანი რისკის წინაშე აყენებს!

ვალუტის კურსის ცვლილებამ შესაძლოა ლარით გამოხატული შენატანები მნიშვნელოვნად გაზარდოს.

ლარის შესაძლო 15%-იანი წლიური გაუფასურების შემთხვევაში გაანგარიშებული საკრედიტო ხაზის ეფექტური საპროცენტო განაკვეთი: x(სიტყვიერად)%.

¹ [თქვენ უფლება გაქვთ წინამდებარე  ხელშეკრულებით დადგენილი ვადით, უპირობოდ და ყოველგვარი ხარჯის გარეშე მოითხოვოთ ამავე ხელშეკრულებით განსაზღვრული კრედიტის/კრედიტების ვადის გახანგრძლივება ]

ხელშეკრულების მნიშვნელოვანი პირობების ცვლილების შემთხვევაში, მომხმარებლის ინფორმირება მოხდება ცვლილებამდე არანაკლებ 2 (ორი) თვით ადრე, ხოლო სხვა საფინანსო პროდუქტის ფასის ზრდის შემთხვევაში - არანაკლებ ერთი თვით ადრე წერილობით/ელექტრონული ფოსტით/ინტერნეტ-ბანკით/მოკლე ტექსტური შეტყობინებით, ბანკში დაფიქსირებულ მომხმარებლის შესაბამის მისამართზე. მომხმარებლის სასარგებლოდ განხორციელებული ხელშეკრულების პირობების ცვლილება არ საჭიროებს მომხმარებლის თანხმობას ან/და მომხმარებლის ინფორმირებას.

² [მომხარებელს არ აქვს უფლება უარი თქვას წინამდებარე ხელშეკრულებაზე „მომხმარებლის უფლებების დაცვის შესახებ“ საქართველოს კანონისა ან/და საქართველოს ეროვნული ბანკის პრეზიდენტის 2021 წლის 9 მარტის №32/04 ბრძანებით დამტკიცებული „ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესის მიხედვით.]

³ მომხარებელს უფლება აქვს ყოველგვარი საფუძვლის მითითების გარეშე უარი თქვას წინამდებარე ხელშეკრულებაზე, ამ ხელშეკრულების დადებიდან/მიწოდებიდან 14 კალენდარული დღის განმავლობაში. ხელშეკრულებაზე უარის თქმის პირობები იხილეთ წინამდებარე ხელშეკრულების მნიშვნელოვან პირობებზე თანდართულ ხელშეკრულებაში მითითებულ პუნქტში, სახელწოდებით - „ხელშეკრულებაზე უარის თქმის პირობები“]

მომხმარებელი უფლებამოსილია ბანკს წარუდგინოს პრეტენზია ზეპირი, წერილობითი და/ან ელექტრონული ფორმებით. პრეტენზიის წარდგენა შესაძლებელია ბანკის ნებისმიერ ფილიალში, სერვისცენტრში ან სათავო ოფისში.

გაეცანით მომხმარებელთათვის სასარგებლო ინფორმაციას საქართველოს ეროვნული ბანკის ვებგვერდსა – xxxx://xxx.xxx.xx/xx და ცხელ ხაზზე – 032 2 406 406

¹

საკრედიტო ხაზის ხელშეკრულება N 0000

ხელშეკრულების დადების თარიღი: 10.03.2022

ხელშეკრულების დადების ადგილი: საქართველო, თბილისი

საკრედიტო ხაზის ხელშეკრულების მხარეები:

დასახელება: იურიდიული მისამართი: საიდენტიფიკაციო ნომერი:	სს ტერაბანკი საქართველო, თბილისი, ქეთევან დედოფლის გამზირი N3. 204546045
წარმოდგენილი შემდეგი უფლებამოსილი პირის მიერ:
სახელი, გვარი:
პირადი ნომერი:
პოზიცია:
შემდგომში მოხსენიებული, როგორც "ბანკი"

--------------------------------------------------------------------------------------------------------------------------- მეორე მხრივ: მსესხებელი:

დასახელება/ სახელი,გვარი:
საიდენტიფიკაციო/ პირადი ნომერი:
რეგისტრირებული მისამართი:
ფაქტობრივი მისამართი:
წარმოდგენილი შემდეგი უფლებამოსილი პირის მიერ:
სახელი, გვარი:
პირადი ნომერი:
თანამდებობა/სტატუსი:
რეგისტრირებული მისამართი:
ფაქტობრივი მისამართი:
ტელეფონი:
ელფოსტა:
მინდობილობა:	დამოწმებული წ., ნომერი #
თანამსესხეშემდგომში მოხსენიებული, როგორც "მსესხებელი"

მხარეები დებენ ამ საკრედიტო ხაზის ხელშეკრულებას და თანხმდებიან შემდეგზე:

მუხლი 1 ტერმინთა განმარტება

გარდა იმ შემთხვევისა, როდესაც კონტექსტი სხვაგვარად მოითხოვს ან ამ საკრედიტო ხაზის ხელშეკრულებით სხვაგვარაადაა განსაზღვრული, დადგენილ ტერმინებს აქვთ შემდეგი მნიშვნელობა:

ანგარიში - მსესხებლის ნებისმიერი ანგარიში ბანკში.

საკრედიტო ხაზის თანხა - ამ საკრედიტო ხაზის ხელშეკრულებით შეთანხმებული საკრედიტო ხაზის თანხა, რომელსაც მსესხებელი წინამდებარე ხელშეკრულების პირობების და ვალდებულების გათვალისწინებით მიიღებს და აითვისებს სრულად ან ნაწილობრივ ამ საკრედიტო ხაზის ხელშეკრულების პირობების შესაბამისად და რომელსაც სასყიდლიანობის საფუძველზე დაერიცხება შეთანხმებული საპროცენტო სარგებელი.

საკრედიტო ხაზის ვალუტა - ვალუტა, რომელშიც მოხდება საკრედიტო ხაზით შეთანხმებული თანხის დროდადრო ათვისება.

საკრედიტო ხაზის მოქმედების ვადა - მხარეებს შორის შეთანხმებული თარიღი, რომლის დადგომასთან ერთად მსესხებელმა სრულად და ჯეროვნად უნდა დაფაროს საკრედიტო ხაზით ათვისებული საკრედიტო თანხა, დარიცხული საპროცენტო სარგებელი და ბანკისთვის სხვა გადასახდელი თანხები.

საკრედიტო ხაზის ათვისების მოთხოვნის საბოლოო ვადა - დადგენილი ვადა, როდესაც მსესხებელს შეუძლია მოითხოვოს და მიიღოს საკრედიტო ხაზის ლიმიტით დამტკიცებული თანხები, ხოლო აღნიშნული ვადის დადგომასთან ერთად მსესხებელი თანხების მიღების მოთხოვნის უფლებას კარგავს.

მიზნობრიობა - წარმოადგენს იმ დანიშნულებას, მიზანს, რაზეც უნდა მიემართოს საკრედიტო ხაზის თანხები სრულად ან ნაწილობრივ, როგორც დადგენილია ამ საკრედიტო ხაზის ხელშეკრულების პირობებით.

წლიური საპროცენტო განაკვეთი (პროცენტი) - მხარეების მიერ შეთანხმებული საპროცენტო განაკვეთი, რომელიც დაერიცხება მსესხებლზე გაცემული/ათვისებული საკრედიტო ხაზით დადგენილ თანხას მის სრულ და ჯეროვნად დაფარვამდე, მათ შორის გადახდის ვადის გადაცილებისას.

პირგასამტეხლო ვადაგადაცილებაზე - ამ საკრედიტო ხაზის ხელშეკრულებით დადგენილი პირგამატეხლოს ოდენობა გამოხატული პროცენტულ მაჩვენებელში.

პროცენტი საკრედიტო ხაზის აუთვისებელ ნაწილზე - პროცენტი, რომელიც შესაძლოა დაერიცხოს საკრედიტო ხაზის თანხასა და საკრედიტო თანხის ათვისებულ ნაწილს შორის სხვაობას.

საკომისიო(ები) - ნებისმიერი ტიპის საკომისიო, რომელზეც მხარეები შეთანხმდებიან და რომელსაც მსესხებელი ბანკს გადაუხდის ამ საკრედიტო ხაზის ხელშეკრულების ხელმოწერისთანავე ან/და საკრედიტო თანხის მიღებისთანავე, გარდა იმ შემთხვევებისა, როდესაც ამ საკრედიტო ხაზის ხელშეკრულებით მხარეები სხვაგვარად შეთანხმდებიან.

სხვა პირობები - ნებისმიერი დამატებითი ან/და განსხვავებული პირობა, შეთანხმება თუ დათქმა, რისი შესრულებაც მხარეთა მიერ სავალდებულოა დადგენილი მოცულობით ან/და შეთანხმებული ვადების შესაბამისად და რაც შესაძლოა იყოს საკრედიტო ხაზის ათვისების ან მისი ნაწილის მიღების აუცილებელი წინაპირობა ან/და გაცემის შემდგომი, მაგრამ შესასრულებლად სავალდებულო დათქმა.

რეფინანსირების განაკვეთი - საქართველოს ეროვნული ბანკის მიერ დადგენილი მონეტარული პოლიტიკის განაკვეთი (რეფინანსირების განაკვეთი). მოქმედი რეფინანსირების განაკვეთის ოდენობის თაობაზე ინფორმაციის მიღება შესაძლებელია საქართველოს ეროვნული ბანკის ვებ-გვერდის xxx.xxx.xx საშუალებით

მსესხებელი - ფიზიკური პირ(ებ)ი, იურიდიული პირ(ებ)ი ან/და სხვა ორგანიზაციული წარმონაქმნები, რომლის/რომელთა სახელი/სახელწოდება, საიდენტიფიკაციო მონაცემები და სხვა სახის ინფორმაცია მოცემულია ამ ხელშეკრულებაში.

მხარე - ბანკი ან მსესხებელი, ერთ-ერთი კონტექსტის შესაბამისად.

მხარეები - ბანკი და მსესხებელი ერთობლივად.

სამუშაო დღე - კალენდარული დღე, შაბათ კვირისა და საქართველოს კანონმდებლობით დადგენილი უქმე დღეების გარდა, როდესაც ბანკი ღიაა და წარმართავს ჩვეულებრივ საბანკო საქმიანობას.

უზრუნველყოფა - ნებისმიერი მატერიალური თუ არამატერიალური ქონებრივი სიკეთე, ნივთი, უფლება, მოთხოვნა (როგორც არსებული, ისე სამომავლო) რაც მიმართულია ამ ხელშეკრულების და მის საფუძველზე წარმოშობილი ვალდებულებების უზრუნველსაყოფად.

ხელშეკრულება ან საკრედიტო ხაზის ხელშეკრულება - ეს საკრედიტო ხაზის ხელშეკრულება, რომლის დადების თარიღი, ნომერი და მონაწილე მხარეები მოცემულია თავფურცელზე.

მუხლი 2 ზოგადი დებულებები

2.01 ამ საკრედიტო ხაზის ხელშეკრულებაში, თუკი კონტექსტით სხვაგვარად არ მოითხოვება, სიტყვები მხოლობით რიცხვში მოიცავს მრავლობითს და პირიქით, ხოლო მუხლების დასათაურება მხოლოდ მოსახერხებელს ხდის ტექსტის წაკითხვას და არ ცვლის მის შინაარსს.

2.02 წინამდებარე საკრედიტო ხაზის ხელშეკრულების შესრულების ადგილია ბანკის იურიდიული მისამართი.

2.03 მსესხებელი ადასტურებს, რომ იცნობს და ეთანხმება ბანკის ვებ-გვერდზე www.terabank.ge-ზე განთავსებულ საბანკო ოპერაციების წარმოების სტანდარტული პირობებს და ბანკის სატანდარტულ ტარიფებს.

მუხლი 3 განცხადებები და გარანტიები

3.01 ამ მუხლის გარანტიები და განცხადებები არის ერთ-ერთი მნიშნველოვანი საფუძველი იმისა, რომ მხარეები თანხმდებიან გარიგებაზე და დებენ ამ საკრედიტო ხაზის ხელშეკრულებას.

3.02 მსესხებელი ადასტურებს, რომ მას აქვს სათანადო უფლებამოსილება დადოს და ხელი მოაწეროს ამ საკრედიტო ხაზის ხელშეკრულებას. ნებისმიერი საჭირო თანხმობა, ნებართვა, მათ შორის საზედამხედველო ორგანოს, მმართველი ორგანოს, დამფუძნებელი პირების (ასეთის არსებობისას), არის სათანადოდ მიღებული მსესხებლის მიერ და მას შეძენილი აქვს საჭირო უფლებამოსილება და შესაძლებლობა დადოს, დაიცვას და შეასრულოს აღნიშნული გარიგება.

3.03 მსესხებელი ადასტურებს და პირობას დებს, რომ:

(ა) მის მიერ ბანკისთვის მიწოდებული ინფომაცია არის უტყუარი, მართებული და ზუსტი;

(ბ) ამ საკრედიტო ხაზის ხელშეკრულებაზე ხელმოწერა არ იწვევს კორპორატიული დოკუმენტაციის ან სხვა არსებული გარიგების პირობის დარღვევას (თუ მსესხებელი წარმოადგენს იურდიულ პირს);

(გ) წარუდგინა ბანკს ინფორმაცია არსებული ვალდებულებების შესახებ სრულად და ჯეროვნად;

(დ) არ მონაწილეობს არცერთ სასამართლო, საარბიტრაჟო პროცესში და არ მიმდინარეობს სააღსრულებო წარმოება მისი ან მისი დამფუძნებლების (მსესხებელი იურდიული პირის შემთხვევაში) მიმართ, რაც წარდგენილი არ არის ბანკისთვის ამ ხელშეკრულების ხელმოწერამდე.

3.04 მსესხებელი აცნობიერებს, რომ ბანკი იღებს ამ საკრედიტო ხაზის ხელშეკრულების წინა პუნქტების განცხადებებს და გარანტიებს და ასეთი წარმოადგენს ერთ-ერთ ძირითად საფუძველს ბანკისთვის, დააფუძნოს მსესხებელთან შესაბამისი საბანკო ფინანსირების ურთიერთობები და დადოს ეს გარიგება.

მუხლი 4 ხელშეკრულების საგანი

4.01 ხელშეკრულების საგანს წარმოადგენს სასყიდლიანი საკრედიტო ლიმიტის დაშვება მსესხებელზე, რომლის ათვისება და დაფარვა ლიმიტის და დადგენილი პირობების ფარგლებში შესაძლებელია არაერთგზის და რომლის ძირითადი სახელშეკრულებო ურთიერთობები მოწესრიგებულია ამ საკრედიტო ხაზის ხელშეკრულებით.

4.02 წინამდებარე საკრედიტო ხაზის ხელშეკრულება ძალაშია მისი ხელმოწერის მომენტიდან და მოქმედებს მხარეთა მიერ ვალდებულებების სრულ და ჯეროვან შესრულებამდე.

4.01 წინამდებარე საკრედიტო ხაზის ხელშეკრულების პირობების და მოთხოვნების გათვალისწინებით ბანკი მსესხებელს უხსნის საკრედიტო ხაზს 5.01 პუნქტში მითითებული ოდენობით, ხოლო მსესხებელი კისრულობს ვალდებულებას დაფაროს მის მიერ ათვისებული საკრედიტო ხაზის თანხა, გადაიხადოს დარიცხული პროცენტები და შეასრულოს ამ ხელშეკრულებით გათვალისწინებული ვალდებულებები.

4.02 ბანკი წინამდებარე ხელშეკრულებით არ იღებს ვალდებულებას მსესხებლის წინაშე სრულად დააკმაყოფილოს მისი მოთხოვნა 5.01 პუნქტით გათვალისწინებული თანხის გაცემაზე, საკრედიტო ხაზის ფარგლებში თანხების გაცემა არის ბანკის დისკრეციული უფლება, შესაბამისად წინამდებარე ხელშეკრულება არ განიხილება ბანკის ვალდებულებად საკრედიტო ხაზის თანხების აუცილებლად გაცემის შესახებ.

4.03 მსესხებელი საკრედიტო ხაზით გათვალისწინებული თანხის მისაღებად, თუ ბანკის მხრიდან არ იქნება განსაზღვრული სხვა წესი, განაცხადით მიმართავს ბანკს, ხოლო ბანკი გაანალიზებს მსესხებლის განაცხადს, შეაფასებს მისი დაკმაყოფილების მიზანშეწონილობას და ბანკისთვის რისკიანობას საკუთარი შეხედულებისამებრ. მათ შორის, მაგრამ არა მხოლოდ მსესხებლის გადახდიუნარიანობის, ქონებრივი მდგომარეობის, წარმოდგენილი უზრუნველყოფს და სხვა ფაქტორების გათვალისწინებით ბანკი ასევე უფლებამოსილია შესთავაზოს მსესხებელს მოთხოვნილისგან განსხვავებული პირობები, ხოლო მსესხებელი უფლებამოსილია დაეთანხმოს ან უარი განაცხადოს მსგავს შეთავაზებაზე.

4.04 ბანკი მსესხებლის განაცხადს განიხილავს და იღებს გადაწყვეტილებას გონივრულ ვადებში, მსესხებლის მიერ წარმოდგენილი/წარმოსადგენი ინფორმაციის მოცულობის და სირთულის გათვალისწინებით.

4.05 ბანკი უფლებამოსილია მსეხებლისთვის დამატებითი განმარტების გარეშე უარი განაცხადოს მსესხებლის მოთხოვნაზე და იგი არ არის ვალდებული განუმარტოს მსესხებელს გაცემაზე უარის მიზეზები.

4.06 მსესხებლის მოთხოვნის დაკმაყოფილებისას, მხარეებს შორის არ ფორმდება რაიმე დამატებითი შეთანხმება ან დოკუმენტი, არამედ მოთხოვნილი თანხა ბანკის მიერ ჩაირიცხება მსესხებლის ბანკში არსებულ შესაბამის ანგარიშზე. ხელშეკრულების წინამდებარე მუხლის ზემოაღნიშნული პუნქტების მიუხედავად, ბანკი უფლებამოსილია, მაგრამ არა ვალდებული, გასცეს საკრედიტო ხაზის თანხა მსესხებლის დამატებითი მოთხოვნის/განაცხადის გარეშე, წინამდებარე ხელშეკრულების საფუძველზე.

მუხლი 5 საკრედიტო ხაზის ხელშეკრულების ძირითადი პირობები

5. 01 ამ საკრედიტო ხაზის ხელშეკრულების ძირითადი პირობებია:

:

	(ა)	საკრედიტო ხაზის მთლიანი თანხა და ვალუტა:
	(ბ)	მსესხებლის მიერ გადასახდელი მთლიანი თანხის ოდენობა:
	(გ)	მიზნობრიობა:
	(დ)	საკრედიტო ხაზის მოქმედების ვადა:	არაუგვიანეს -
(ე)		საკრედიტო ხაზის დაფარვის საბოლოო ვადა:	არაუგვიანეს -
(ვ)		საკრედიტო ხაზის ათვისების მოთხოვნის საბოლოო ვადა:	საკრედიტო ხაზის მოქმედების ვადის ბოლო თარიღის წინა საბანკო დღე
(ზ)		საკრედიტო ხაზის დაფარვა:	პროცენტი - ყოველთვიურად, ძირითადი თანხა - საკრედიტო ხაზის მოქმედების ვადის ბოლოს.
(თ)		საპროცენტო განაკვეთის ტიპი	ფიქსირებული
(ი)		წლიური საპროცენტო განაკვეთი (პროცენტი):	x(სიტყვიერად)%
		ყოველთვიური საპროცენტო განაკვეთი (პროცენტი):
(კ)		პირგასამტეხლო ვადაგადაცილებაზე:	ფიქსირებული ერთჯერადი x (სიტყვიერად) ლარი ( უცხოური ვალუტით მისი ეკვივალენტი) და გადასახდელი ვადაგადაცილებული თანხის x (სიტყვიერად) % ყოველ ვადაგადაცილებულ დღეზე, მაგრამ, არაუმეტეს ნარჩენი ძირითადი თანხის 0,27%-სა, თითოეული დღისთვის. ამასთან, ვადაგადაცილების დაწყებიდან მის სრულ აღმოფხვრამდე პერიოდში დაკისრებული ხარჯების ჯამური მოცულობა არ გადააჭარბებს მიმდინარე ნარჩენი ძირითადი თანხის 1,5-მაგ ოდენობას.
(ლ)		საკრედიტო ხაზის ვადამდე შეწყვეტა ან რეფინანსირება	მსესხებელი უფლებამოსილია განახორციელოს საკრედიტო ხაზის წინსწრებით დაფარვა. საკრედიტო ხაზის ვადამდე შეწყვეტის ან სხვა საფინანსო ორგანიზაცი(ებ)იდან საკრედიტო ხაზის რეფინანსირების საკომისიო შეადგენს: თუ ხელშეკრულების დასრულებამდე დარჩენილია 6-დან 12 თვემდე, გადახდის მომენტში საკრედიტო ხაზის თანხის არაუმეტეს 0.5%-ს; თუ ხელშეკრულების დასრულებამდე დარჩენილია 12-დან 24 თვემდე, გადახდის მომენტში საკრედიტო ხაზის თანხის არაუმეტეს 1%-ს; თუ ხელშეკრულების დასრულებამდე დარჩენილია 24 თვეზე მეტი, გადახდის მომენტში საკრედიტო ხაზის თანხის არაუმეტეს 2%-ს. თუ ხელშეკრულების დასრულებამდე დარჩენილია 6 თვემდე ვადა, მომხმარებელს ვადამდე შეწყვეტის/რეფინანსირების საკომისიო არ დაეკისრება. ამასთან, მსესხებელს, წინსწრების საკომისიოსთან ერთად დაეკისრება საშეღავათო პერიოდის (ასეთის არსებობის შემთხვევაში) განმავლობაში დარიცხული პროცენტისა და სხვა გადასახდელების გადახდა.
(მ)		საკომისიო(ები):
(ნ)		პროცენტი საკრედიტო ხაზის აუთვისებელ ნაწილზე:
(ო)		მისაღები თანხის (ფინანსური ხარჯის გარეშე) ოდენობა:
(პ)		სხვა პირობები/დამატებითი პირობები :
(ჟ)		საკრედიტო ხაზის ეფექტური საპროცენტო განაკვეთი:
(რ)		ლარის შესაძლო 15%-იანი წლიური გაუფასურების შემთხვევაში გაანგარიშებული საკრედიტო ხაზის ეფექტური საპროცენტო განაკვეთი:
(ს)		სხვა ფინანსური ხარჯი:
ფილიალიდან თანხის გატანის საკომისიო:
უზრუნველყოფის წარმოშობის ხარჯი:
უზრუნველყოფის შეწყვეტის ხარჯი:
სხვა ხარჯი:

(ტ)	წინამდებარე საკრედიტო ხელშეკრულების უზრუნველსაყოფად გაფორმებულია/მოთხოვნილია შემდეგი უზრუნველყოფის საშუალებები:	სოლიდარული თავდებობა/თავდებობები; გირავნობა/გირავნობები; იპოთეკა/იპოთეკები;
(უ)	საკრედიტო შუამავალი:	[სამართლებრივი ფორმა] [სახელწოდება ](საფირმო), [საიდენტიფიკაციო ნომერი]: [მისამართი], [ტელეფონი].]
(ფ)	კრედიტის გახანგრძლივების პირობები:	ბანკში დადგენილი სტანდარტული პირობების შესაბამისად.
(ქ)	ხელშეკრულებაზე უარის თქმის უფლება:	4 მსესხებელს უფლება აქვს ყოველგვარი საფუძვლის მითითების გარეშე უარი თქვას წინამდებარე ხელშეკრულებაზე, ამ ხელშეკრულების დადებიდან 14 (თოთხმეტი) კალენდარული დღის განმავლობაში, რისთვისაც მან აღნიშნული ვადის ამოწურვამდე ინტერნეტბანკის საშაულებით ან წერილობით (მატერიალურად)უნდა მიმართოს ბანკის ნებისმიერ ფილიალს და სრულად დაფაროს კრედიტის ნარჩენი ძირითადი თანხა და ამ თანხაზე კრედიტით სარგებლობის პერიოდის განმავლობაში დარიცხული და გადაუხდელი პროცენტი, ბანკისთვის ხელშეკრულებაზე უარის თქმის შესახებ შეტყობინების გაგზავნიდან არაუგვიანეს 30 (ოცდაათი) კალენდარული დღისა. ბანკი უფლებამოსილია  დააკისროს ხარჯის ანაზღაურების ვალდებულება ხელშეკრულების შესაბამისად, ბანკის მიერ ფაქტობრივად გაწეული მომსახურებისა და პერიოდის პროპორციულად. ამასთან, xxxxx უფლება აქვს მომხმარებელს დააკისროს მი მიერ მესამე პირისთვის გაწეული/გასაწევი ხარჯის ანაზღაურების ვალდებულება. იმ შემთხვევაში თუ მსესხებელი ხელშეკრულების დადებიდან 14 დღის ვადაში არ მიმართავს ბანკს, ხელშეკრულებაზე უარის თქმის უფლება უქმდება და მსესხებელი ვალდებულია განაგრძოს კრედიტის დაფარვა წინამდებარე ხელშეკრულებით შეთანხმებული წესით. იმ შემთხვევაში, თუ ხელშეკრულებაზე უარის თქმის შემდეგ, 30 (ოცდაათი) კალენდარული დღის ვადაში არ მოხდება ზემოაღნიშნული დავალიანების სრულად დაფარვა ბანკი უფლებამოსილი იქნება დავალიანების თანხას დაარიცხოს ხელშეკრულებით გათვალისწინებული ვადაგადაცილების პირგასამტეხლო და მიმართოს ამ ხელშეკრულებით და კანონმდებლობით გათვალისწინებულ საშუალებებს დავალიანების სრულად დასაფარად. 5 მსესხებელს არ აქვს უფლება უარი თქვას წინამდებარე ხელშეკრულებაზე.

მუხლი 6 საკრედიტო ხაზის გაცემა

6.01 საკრედიტო ხაზის გაცემა შესაძლებელია ამ ხელშეკრულებით დადგენილი პირობების შესაბამისად და მას შემდეგ, რაც მსესხებლის მიერ სრულად და ჯეროვნად შესრულდება წინამდებარე ხელშეკრულებით ნაკისრი, საკრედიტო ხაზის გაცემამდე შესასრულებელი ვალდებულებები.

6.02 თუკი მხარეები სხვაგვარად არ შეთანხმდებიან, საკრედიტო ხაზის თანხის გაცემა მოხდება ბანკის შეხედულებისამებრ, ამ ხელშეკრულებით გათვალისწინებული ნებისმიერი მსესხებელი სუბიექტის საკრედიტო ხაზის ვალუტის შესაბამის, ბანკში არსებულ, ანგარიშზე თანხის ასახვით გზით.

6.03 საკრედიტო ხაზის ტრანშებად გაცემისას. ყოველი მომდევნო ტრანშის გაცემა იწვევს საკრედიტო თანხების დაბრუნების წესის (გადახდის) ცვლილებას, რა დროსაც, მსესხებელი ვალდებულია დაეთანხმოს განახლებულ გადახდის გრაფიკს და აღნიშნული დაადასტუროს ხელმოწერით ან ამ ხელშეკრულების 25-ე მუხლით გათვალისწინებული წერილობითი ან ელექტრონული ფორმით. მსესხებლისთვის შესასრულებლად სავალდებულოა განახლებული გადახდის გრაფიკი, მიუხედავად იმისა, ხელმოწერით დაეთანხმება თუ არა მსესხებელი აღნიშნულ განახლებულ გადახდის გრაფიკს.

6.04 ამ ხელშეკრულების ხელმოწერა არ გულისხმობს ბანკის მიერ მსესხებლისთვის საკრედიტო თანხით ან მისი ნაწილით სარგებლობის უფლების მინიჭებას, საკრედიტო თანხის ფაქტობრივ გაცემამდე ბანკი უფლებამოსილია ყოველგვარი დასაბუთების გარეშე უარი განუცხადოს მსესხებელს საკრედიტო თანხით ან მისი ნაწილით სარგებლობაზე.

6.05 ბანკი იტოვებს უფლებას ნებისმიერ დროს ცალმხრივად განაცხადოს უარი წინამდებარე ხელშეკრულებით ნაკისრი ვალდებულებების სრულად ან ნაწილობრივ შესრულებაზე ასევე საბანკო პროდუქტების გაცემაზე, თუ მსესხებლის ქონებაზე ან/და არამატერიალურ ქონებრივ სიკეთეზე ან/და საბანკო ანგარიშზე დარეგისტრირდება რაიმე სახის ინკასო, ყადაღა, საჯარო სამართლებრივი ან სხვა ტიპის შეზღუდვა.

მუხლი 7 მნიშვნელოვანი დათქმები

7.01 წინამდებარე ხელშეკრულება დადებულია გარკვეული პირობებით, რისი შესრულება არის სავალდებულო, ხოლო მისმა დაუცველობამ შესაძლოა გამოიწვიოს ამ საკრედიტო ხაზის ხელშეკრულების მე-16 მუხლით დადგენილი პირობების დადგომა.

7.02 მსესხებელი ვალდებულია დაიცვას დადგენილი საკრედიტო ხაზის ხელშეკრულების მიზნობრიობა.

7.03 მსესხებელი ვალდებულია, ამ საკრედიტო ხაზის ხელშეკრულების მოქმედების პერიოდზე:

(ა) ისარგებლებს ბანკის, როგორც მისი ძირითადი ბანკის, საბანკო მომსახურებით და პროდუქტებით;

(ბ) კონტრაჰენტებთან ურთიერთობისას გამოიყენოს და მიაწოდოს ბანკში გახსნილი ანგარიშები და უზრუნველყოს ნებისმიერი ანგარიშსწორებისას მხოლოდ ბანკში არსებული ანგარიშების გამოყენება;

²

(გ) არ იკისროს ვალდებულებები სხვა კომერციული ბანკიდან ან/და საფინანსო ინსტიტუტიდან ბანკის წინასწარი წერილობითი თანხმობის გარეშე;

7.04 მსესხებელი (გარდა არამეწარმე ფიზიკური პირისა), მის ორგანიზაციაში დასაქმებულ თანამშრომლებთან მიმართებაში, პირობას იძლევა, რომ:

(ა) შესთავაზებს ბანკის საცალო საბანკო პროდუქტებს, მათ შორის საკრედიტო პროდუქტებს, საკრედიტო ბარათებს და სხვა ანალოგიურ პროდუქტებს რომელიც შესაძლოა ბანკმა დროდადრო შეცვალოს ან მიაწოდოს მის მომხმარებლებს;

(ბ) უზრუნველყოფს საკუთარ თანამშრომლებზე სახელფასო პროექტის ბანკთან წარმოებას, მათ შორის სახელფასო ბარათების დამზადებას და გამოყენებას.

მუხლი 8 პროცენტის დარიცხვის წესი, პროცენტის კორექტირება

8.01 საკრედიტო ხაზის თანხას, მისი ფაქტობრივი სარგებლობის მომენტიდან დაერიცხება წლიური საპროცენტო განაკვეთი (პროცენტი), მათ შორის გადახდის ვადის გადაცილებისას. ასევე შესაძლოა საკრედიტო ხაზის აუთვისებელ ნაწილს დაერიცხოს წლიური პროცენტი საკრედიტო ხაზის აუთვისებელ ნაწილზე, რომელთა ოდენობა განისაზღვრება ამ ხელშეკრულების მე-5 მუხლით. პროცენტის დარიცხვის მიზნებისთვის წელიწადში დღეთა რაოდენობა უტოლდება 365-ს და დარიცხვა წარმოებს ყოველდღიურ საფუძველზე.

8.02 იმ შემთხვევაში, თუ მსესხებელზე გაცემული საკრედიტო ხაზის წლიური საპროცენტო განაკვეთი (პროცენტი) აღმოჩნდება 5 (ხუთი)%-ით ან უფრო მეტით უფრო დაბალი, ვიდრე საქართველოს საკრედიტო ბაზარზე არსებული საპროცენტო განაკვეთები ან/და მისი ღირებულება მნიშვნელოვნად შეიცვალება, ბანკი უფლებამოსილი იქნება ცალმხრივად გაზარდოს საპროცენტო განაკვეთი ამის შესახებ მსესხებელთან წინასწარ, არანაკლებ ორი კალენდარული თვით ადრე შეტყობინების გაგზავნის გზით.

8.03 ბანკი უფლებამოსილია დაუყოვნებლივ, ცალმხრივად გაზარდოს წინამდებარე საკრედიტო ხაზის წლიური საპროცენტო განაკვეთის ოდენობა 4 (ოთხი)%-ით, მაგრამ არაუმეტეს ნარჩენი ძირითადი თანხის 0,27%-სა, თითოეული დღისთვის და ასეთი ცვლილებიდან 5 (ხუთი) კალენდარული დღის ვადაში გაუგზავნოს მსესხებელს წერილობით/ელექტრონული ფოსტით/ინტერნეტ-ბანკით/მოკლე ტექსტური შეტყობინება, იმ შემთხვევაში, თუ მსესხებელი არ ასრულებს ან/და არაჯეროვნად ასრულებს წინამდებარე ხელშეკრულებით ნაკისრ ნებისმიერ, შემდეგ ვალდებულებას:

ა) საკრედიტო ხელშეკრულებით გათვალისწინებული წესით ინფორმაციის დროული და დადგენილი ფორმით მიწოდება და ბანკის კონტროლის განხორციელება;

ბ) საკრედიტო ხელშეკრულებით დადგენილი მიზნობრიობის სრულად დაცვა;

გ) საკრედიტო ხელშეკრულების მე-5 მუხლით განსაზღვრული სხვა პირობები/დამატებითი პირობები;

დ) არ იკისროს ვალდებულებები სხვა კომერციული ბანკიდან ან/და საფინანსო ინსტიტუტიდან ბანკის წინასწარი წერილობითი თანხმობის გარეშე;

8.04 იმ შემთხვევაში, თუ მსესხებელი არ დაეთანხმება ამ ხელშეკრულების 8.02 და 8.03 პუნქტების საფუძველზე ბანკის მიერ საპროცენტო განაკვეთის გაზრდას, იგი ვალდებული იქნება ბანკის შეტყობინების მიღებიდან ოცდაათი (30) კალენდარული დღის განმავლობაში სრულად დაფაროს ეს საკრედიტო ხაზი. მსესხებელის მიერ ამ ვალდებულების დროულად შეუსრულებლობის შემთხვევაში მსესხებელი ვალდებული იქნება წლიური საპროცენტო განაკვეთი გადაიხადოს გაზრდილი განაკვეთის მიხედვით.

8.05 ამ მუხლის და წინამდებარე ხელშეკრულების პირობების საფუძველზე საპროცენტო განაკვეთის ცვლილება ან/და კორექტირება გამოიწვევს გადახდის გრაფიკის ცვლილებასაც, რა დროსაც, მსესხებელი ვალდებულია დაეთანხმოს განახლებულ გადახდის გრაფიკს და აღნიშნული დაადასტუროს ხელმოწერით ან ამ ხელშეკრულებით გათვალისწინებული წერილობითი ან ელექტრონული ფორმით. მსესხებელი ვალდებულია გადახდები განახორციელოს განალებული გრაფიკის შესაბამისად, მიუხდავად იმისა, დაეთანხმება თუ არა მსესხებელი განახლებულ გრაფიკს წერილობით ან სხვა დისტანციური არხის გამოყენებით.

მუხლი 9 თანხების დაბრუნება

9.01 საკრედიტო ხაზის დაბრუნება ხორციელდება ამ საკრედიტო ხაზის ხელშეკრულებით დადგენილი პირობების შესაბამისად და ბანკის საკრედიტო პრინციპების გათვალისწინებით.

9.02 ცალკეული საბანკო პროდუქტების დაფარვის პრიორიტეტულობას და თანმიმდევრობას განსაზღვრავს ბანკი. ამასთან ბანკს შეუძლია როგორც პირველ რიგში, ისე სხვაგვარად, დაფაროს მსესხებლის ის ვალდებულებები, რომელიც არ გამომდინარეობს ამ ხელშეკრულებიდან.

9.03 ნებისმიერი გადახდა ამ ხელშეკრულების ფარგლებში უნდა განხორციელდეს და ჩაირიცხოს შესაბამის ანგარიშზე თანხის წინასწარ დადგენილი ოდენობის ჩარიცხვით, ყოველგვარი გამოქვითვისა და დაკავების გარეშე.

9.04 იმ შემთხვევაში, თუკი ნებისმიერი ვალდებულებაზე გადახდის დღე ემთხვევა არასამუშაო დღეს, გადახდა უნდა განხორციელდეს მომდევნო სამუშაო დღეს. ასეთ შემთხვევაში გადასახდელ თანხას პირგასამტეხლო არ დაერიცხება.

9.05 მხარეები თანხმდებიან, რომ საკრედიტო ხაზის სრულად დასაფარად საკმარისი თანხის ანგარიშზე არსებობის შემთხვევაში არ მოხდება საკრედიტო ხაზის წინსწრებით დაფარვა/გაუქმება ავტომატურად. საკრედიტო ხაზის წინსწრებით დასაფარად/გასაუქმებლად საჭიროა მსესხებლის შესაბამისი დავალება.

9.06 საკრედიტო ხაზის ვადამდე გაუქმების/რეფინანსირების შემთხვევაში, მსესხებელი ვალდებულია 14 (თოთხმეტი) კალენდარული დღით ადრე წერილობით აცნობოს ბანკს საკრედიტო ხაზის ვადამდე გაუქმების/რეფინანსირების შესახებ, თუ საკრედიტო ხაზის თანხა აღემატება 2,000,000 ლარს ან მის ექვივალენტს სხვა ვალუტაში.ასეთ შემთხვევაში ბანკი უფლებამოსილია კრედიტზე პროცენტის დარიცხვა განახორციელოს ზემოაღნიშნული 14 (თოთხმეტი) კალენდარული დღის განმავლობაშიც ,ფაქტობრივად ნასარგებლები დღეების შესაბამისად.

9.07 ერთზე მეტი მიმდინარე დავალიანების არსებობის შემთხვევაში, როდესაც მომხმარებლის ანგარიშზე განთავსებული თანხა არ არის საკმარისი ერთზე მეტი ვადამოსული/ვადაგადაცილებული ვალდებულების სრულად შესასრულებლად, პირველ რიგში დაიფარება ის საბანკო კრედიტ(ებ)ი/საკრედიტო ხაზ(ებ)ი, რომლის ფარგელბშიც მსესხებლის მიერ ათვისებული ძირითადი თანხა არის ყველაზე მეტი. მეორე რიგში დაიფარება ის ოვერდრაფტი/საკრედიტო ბარათი რომლის ფარგელბშიც მსესხებლის მიერ ათვისებული ძირითადი თანხა/ლიმიტი არის ყველაზე მეტი. ბანკი უფლებამოსილია ცალმხრივად შეცვალოს ამ პუნქტით დადგენილი დაფარვის პრიორიტეტულობა, მსესხებლისათვის წერილობით/ელექტრონული ფოსტით/ინტერნეტ-ბანკით/მოკლე ტექსტური შეტყობინების გაგზავნით.

9.08 იმ შემთხვევაში, თუ მსესხებლის მიერ ბანკში აღებული კრედიტ(ებ)ის, მათ შორის, ოვერდრაფტ(ებ)ის, საკრედიტო ბარათ(ებ)ის, მთლიანი თანხების მოცულობა ჯამურად ან ინდივიდუალურად ნაკლებია 1 000 000 ლარზე ან მის ექვივალენტზე სხვა ვალუტაში, მაშინ მსესხებელი უფლებამოსილია მოითხოვოს ამ ხელშეკრულების 9.07 პუნქტით განსაზღვრული რიგითობის ცვლილება ყოველ ჯერზე, ვალდებულების დაფარვის დღეს, ბანკის სამუშო საათებში, ბანკის ფილიალში შესაბამისი წერილობითი განცხადების გაკეთების გზით.

9.09 xxxxx უფლებამოსილია ვადამდე შეწყვეტის/რეფინანსირების პერიოდზე ან მის შემდეგაც მოიძიოს ფაქტები მსესხებლის მიერ კომერციული ბანკიდან ან ფინანსური ინსტიტუტიდან მიღებული სახსრების შესახებ, რომელიც გამოყენებულ იქნა ბანკში არსებული ვალდებულებების დაფარვის მიზნით და ასეთის დადგენის შემდეგ დააკისროს მსესხებელს შესაბამისი ვადამდე შეწყვეტის/რეფინანსირების საკომისიოს გადახდა.

9.10 საკრედიტო ხაზის ფარგლებში ათვისბული თანხ(ებ)ის ან/და მათზე დარიცხული პროცენტის სრულად ან ნაწილობრივ სხვა საფინანსო ორგანიზაციებიდან რეფინანსირების შემთხვევაში ბანკი უფლებამოსილია მსესხებელს დააკისროს, ხოლო მსესხებელი ასეთ შემთხვევაში ვალდებულია პირველ რიგში გადაიხადოს ვადადაუმდგარი და არსებული ვალდებულებების რეფინანსირებული თანხის შესაბამისი რეფინანსირების საკომისიო.

9.11 რეფინანსირების საკომისიო გამოიანგარიშება, როგორც პროცენტი რეფინანსირებული თანხიდან, რომელსაც მსესხებელი ყოველ რეფინანსირებაზე უხდის ბანკს ამ საკრედიტო ხაზის ხელშეკრულების პირობების შესაბამისად.

9.12 საკრედიტო ხაზის თანხების რეფინანსირების შემთხვევაში მოხდება საკრედიტო ხაზზე გადახდების კორექტირება შემდეგი პირობის დაცვით: ზედმეტად გადახდილი თანხა წინსწრებით მიიმართება ძირითად თანხაზე და ფარავს ვალდებულებებს დაწყებული შეთანხმებული გადახდის ბოლოდან შესაბამისი პროპორციულობით.

მუხლი 10 უზრუნველყოფა

10.01 უზრუნველყოფისთვის ამ საკრედიტო ხაზის ხელშეკრულების მოქმედების პერიოდზე დროდადრო გაფორმდება სხვადასხვა ტიპის ხელშეკრულება, გარიგება, შეთანხმება ან განცხადება (მათ შორის, მაგრამ არასრულად: იპოთეკა, გირავნობა, თავდებობა, სოლიდარული თავდებობა, დეპოზიტის დაგირავება ან მისი გამოყენების უფლების შეზღუდვა, თანხების განთავსება უზრუნველყოფის ანგარიშზე, გარანტია და სხვა) რაც მიემართება ამ საკრედიტო ხაზის ხელშეკრულების და მისგან გამომდინარე ვალდებულებების მთლიანად ან ნაწილობრივ უზრუნველსაყოფად.

10.02 იმ შემთხვევაში, თუ უზრუნველყოფის საბაზრო ღირებულება შემცირდა, დაზიანდა, განადგურდა, დაკარგა მატერიალური ფასეულობა, ბანკი უფლებამოსილია მოითხოვოს უზრუნველყოფის საგნის ალტერნატიული, ადეკვატური ღირებულების მქონე საგნით ჩანაცვლება / დამატება, ან ათვისებული საკრედიტო ხაზის თანხის ნაწილის ან სრულად დაფარვა დაუყოვნებლივ, ხოლო მსესხებელი ვალდებულია დააკმაყოფილოს ბანკის აღნიშნული მოთხოვნა.

10.03 ბანკის მიერ ნებისმიერ უზრუნველყოფაზე უარის თქმის შემთხვევაში მსესხებელი არ თავისუფლდება უზრუნველყოფილი ვალდებულებების შესრულებისგან.

10.04 უზრუნველყოფა ვრცელდება ყველა იმ ვალდებულებაზე რაც გამომდინარეობს ამ საკრედიტო ხაზის ხელშეკრულებიდან.

10.05 უზრუნველყოფის საგნის გასხვისება, ჩუქება, მისი შემდგომი დატვირთვა იპოთეკით, გირავნობით, აღნაგობის უფლებით, უზუფრუქტით, ან სერვიტუტით, ნებისმიერი უფლების ან მოთხოვნის დაგირავება, ასევე იჯარის / ქირავნობის გარიგების დადება საჭიროებს ბანკის წინასწარ წერილობით თანხმობას.

მუხლი 11 მოთხოვნის დაკმაყოფილების ფარგლები

11.01 უზრუნველყოფის საგნის ბანკის საკუთრებაში გადასვლისას მოთხოვნა ბანკის მიმართ დაკმაყოფილებულად ითვლება მხოლოდ იმ ნაწილში (იმ მოცულობით), რასაც ფარავს უზრუნველყოფის საგნის ღირებულება მოთხოვნის დაკმაყოფილების მომენტში.

11.02 უზრუნველყოფის საგნის ნებისმიერი ფორმით რეალიზაციისას მოთხოვნა ბანკის მიმართ დაკმაყოფილებულად ითვლება რეალიზების შედეგად ბანკის მიერ მიღებული თანხის ნაწილში.

11.03 ბანკს უფლება აქვს, მოთხოვნის სრულად დაუკმაყოფილებლობის შემთხვევაში, გამოიყენოს მოთხოვნის სრულად დაკმაყოფილების კანონმდებლობით დადგენილი სხვა ზომები და საშუალებები მსესხებლის მიმართ და გადახდა მიაქციოს მსესხებლის სხვა ნებისმიერ ქონებაზე.

მუხლი 12 უაქცეპტო წესით თანხების მიღების უფლება

12.01 ბანკი უფლებამოსილია, ხოლო მსესხებელი თანახმაა, ბანკმა უაქცეპტო წესით, მსესხებლის თანხმობისა და მისთვის შეტყობინების გარეშე ჩამოჭრას, მიიღოს, გადარიცხოს მსესხებლის ბანკის წინაშე არსებული/წარმოშობილი ნებისმიერი ვალდებულების დასაფარად მისაღები საკომისიო, პირგასამტეხლო (არსებობისას), პროცენტი, ძირითადი თანხა თუ სხვაგვარი ვალდებულება და ამისთვის გამოიყენოს მსესხებლის ნებისმიერი საბანკო ანგარიშის ნაშთი, მისაღები თანხები, ანაბარი ან/და დეპოზიტი და მასზე დარიცხული პროცენტი.

12.02 მსესხებელი თანახმაა, ხოლო ბანკი უფლებამოსილია, მსესხებლის ნებისმიერი ანგარიშიდან უაქცეპტოდ (მსესხებლის თანხმობის გარეშე) ჩამოაჭრას საბანკო ანგარიშ(ებ)იდან ბანკისთვის გასახდელი ნებისმიერი თანხა, როგორც დავალიანების არსებობისას ისე კონკრეტული ვალდებულების დაფარვის დღეს. ამასთან, ნებისმიერი გადასახდელის ჩამოჭრისას, შესაბამისი ვალუტის არარსებობის შემთხვევაში, ბანკი უფლებამოსილია საკუთარი შეხედულებისამებრ, ბანკში ჩამოჭრის დღეს დადგენილი კომერციული გაცვლითი კურსით მოახდინოს შესაბამისი თანხის კონვერტაცია და მიიღოს არსებული ვალდებულების ვალუტის შესაბამისი თანხა.

მუხლი 13 მსესხებლის შემოწმება და ბანკის კონტროლი

13.01 წინამდებარე ხელშეკრულების მოქმედების პერიოდზე, მსესხებელი ვალდებულია ბანკსთვის მისაღები ფორმით მიაწოდოს მას მოთხოვნისთანავე, (მსესხებელი მეწარმე პირის შემთხვევაში ასევე ყოველი კალედარული კვარტლის დასრულებიდან ოცდაათი (30) კალენდარული დღის განმავლობაში) ფინანსური ინფორმაციის ამსახველი დოკუმენტაცია, (მსესხებელი მეწარმე პირის შემთხვევაში მათ შორის მსესხებლის ბალანსი, მოგება-ზარალის უწყისი, ინფორმაცია მსესხებლის კაპიტალში ან/და დამფუძნებელთა სტრუქტურაში ცვლილებების შესახებ), ფულადი სახსრების მიმოქცევის ამსახველი დოკუმენტები, ინფორმაცია ახალი სასესხო და სხვა ვალდებულებების შესახებ, მიიღოს ინფორმაცია და დეტალურად გაეცნოს დოკუმენტებს მსესხებლის სასამართლო ან საარბიტრაჟო დავების შესახებ, ასევე მიმდინარე აღსრულების პროცესის შესახებ ისე და იმ ფორმით, როგორც დადგენილია საერთაშორისო სტანდარტებით ან მისაღებია ბანკისთვის.

13.02 მსესხებელი ვალდებულია შექმნას საბანკო პროდუქტების მიზნობრივად გამოყენების კონტროლისა და ამ საკრედიტო ხაზის ხელშეკრულების შესრულებასთან დაკავშირებული ნებისმიერი ინფორმაციის მოპოვების პირობები. მსესხებლის ფინანსური მდგომარეობისა და საქმიანი ოპერაციების ამსახველი საბუთების, მიმდინარე და მოსალოდნელი დავების, აღსრულების პროცესის, კაპიტალში და დამფუძნებელთა სტრუქტურაში ცვლილებები (მსესხებელი იურდიული პირის შემთხვევაში) რეგულარული გაცნობისა და უზრუნველყოფის საშუალებების და მსესხებლის საკუთრებაში არსებული უძრავ-მოძრავი ქონების დათვალიერების და შემოწმების საშუალება, როგორც ბანკის მიერ, ისე წარმომადგენლის მეშვეობით.

მუხლი 14 პირგასამტეხლო

14.01 წინამდებარე საკრედიტო ხაზის ხელშეკრულების ფარგლებში, მსესხებლის მიერ გადახდის ნებისმიერი ვალდებულების დროულად შეუსრულებლობის შემთხვევაში ბანკი უფლებამოსილია მსესხებელს დააკისროს, ხოლო ასეთ შემთხვევაში მსესხებელი ვალდებულია გადაიხადოს პირგასამტეხლო ვადაგადაცილებაზე. პირგასამტეხლო, ამ საკრედიტო ხაზის ხელშეკრულების მე-5 მუხლით დადგენილი პროცენტის ოდენობით, დაერიცხება შესაბამის გადასახდელ (ვადაგადაცილებული) თანხას (მათ შორის ძირითადი თანხას და პროცენტს) ყოველდღიური დარიცხვის საფუძველზე.

14.02 პირგასამტეხლოს გადახდა არ ათავისუფლებს მსესხებელს ნაკისრი ძირითადი ვალდებულებების შესრულებისგან და არც მიეყენებული ზიანის მოთხოვნის უფლებას უზღუდავს ბანკს.

მუხლი 15 საკომისიო და ხარჯი

15.01 ბანკი უფლებამოსილია მსესხებელს სხვადასხვა მომსახურებისთვის დაუწესოს სხვადასხვა ტიპის საკომისიო, რომლის ტიპი და ოდენობაც განისაზღვრება ამ საკრედიტო ხაზის ხელშეკრულებით ან სხვაგვარი ფორმით დადგინდება ბანკის მიერ. ბანკმა შესაძლოა მსესხებელს დაუწესოს შემდეგი საკომისიოები: საკრედიტო ხაზის დამტკიცების საკომისიო, საკრედიტო ხაზის გაცემის საკომისიო, ხელშეკრულების ცვლილების საკომისიო და სხვა.

15.02 ნებისმიერი საკომისიოს გადახდა, როგორც წესი, ხდება წინასწარ, მისი წარმოშობისთანავე, თუ ამ საკრედიტო ხაზის ხელშეკრულებით სხვა რამ არ არის დადგენილი.

15.03 მსესხებელი ვალდებულია გადაიხადოს ამ საკრედიტო ხაზის ხელშეკრულების ან/და უზრუნველყოფის ხელშეკრულების დადებასთან, სანოტარო ან სხვა წესით დამოწმებასთან, რეგისტრაციასთან, გაუქმებასთან დაკავშირებული ნებისმიერი ხარჯი.

მუხლი 16 საკრედიტო ურთიერთობების ან/და ხელშეკრულების შეწყვეტა

16.01 ბანკი უფლებამოსილია შეწყვიტოს მსესხებელტან საკრედიტო ურთიერთობა და შესაბამისად წინამდებარე საკრედიტო ხაზის ხელშეკრულება და მოითხოვოს არსებული საკრედიტო (ძირითადი თანხა, პროცენტი, პირგასამტეხლო არსებობისას) და სხვა ვადადაუმდგარი ვალდებულებების სრულად, ვადაზე ადრე დაფარვა, ამ პუნქტით განსაზვრული ნებისმიერი პირობის არსებობის ან/და დადგომის შემთხვევაში და არა მხოლოდ:

(ა) დაირღვევა ამ საკრედიტო ხაზის ხელშეკრულების ნებისმიერი პირობა ან მსესხებლის ნებისმიერი განცხადება, გარანტია, თავდებობა, ხელშეკრულება ან წარმოდგენლი ინფორმაცია ან დოკუმენტაცია აღმოჩნდება არასწორი, არაზუსტი ან შეუსაბამო. მათ შორის, მაგრამ არასრულად: (i) ამ საკრედიტო ხაზის ხელშეკრულების მე-3 მუხლის განცხადებებიდან და გარანტიებიდან რომელიმე არ აღმოჩნდება ნამდვილი და სრულყოფილი; (ii) მსესხებელი არ შეასრულებს ამ საკრედიტო ხაზის ხელშეკრულების მე-7 მუხლით დადგენილ დათქმებიდან ერთ-ერთს; (iii) მსესხებელი არ უზრუნველყოფს ამ საკრედიტო ხაზის ხელშეკრულების მე-13 მუხლით დადგენილი ინფორმაციის დროულ და დადგენილი ფორმით მიწოდებას და ვერ უზრუნველყოფს ბანკის კონტროლის განხორციელებას, როგორც სრულად ისე ნაწილობრივ; (iv) დაირღვევა ამ საკრედიტო ხაზის ხელშეკრულების 10.05 პუნქტით დადგენილი მოთხოვნა; (v) დაირღვევა საკრედიტო ხაზის თანხის ან/და თანხის ნაწილის გადახდის ვადა; (vi) დაირღვევა ამ ხელშეკრულების მიზნობრიობა სრულად ან ნაწილობრივ; (vii) დაირღვევა ამ ხელშეკრულებით მსესხებლის მიერ ნაკისრი სხვა ნებისმიერი ვალდებულება.

(ბ) იპოთეკის საგნის გაერთიანების / გაყოფის / მიშენების შედეგად ბანკის იპოთეკა არ გავრცელდება გაერთიანების / გაყოფის შედეგად მიღებულ / მიშენებულ ფართზე;

(გ) დაირღვევა უზრუნველყოფის ხელშეკრულებით დადგენილი ნებისმიერი პირობა;

(დ) განადგურდება ან შეიქმნება განადგურების რისკი ნებისმიერ უზრუნველყოფაზე;

(ე) მსესხებლის მოქმედება მიმართულია ბანკის მოტყუებისკენ;

(ვ) ისეთი გარემოების დადგომისას, როდესაც საბანკო პროდუქტებზე გაცემული თანხების დაბრუნება ხდება საეჭვო;

(ზ) ნებისმერი უფლებამოსილი ორგანო მსესხებელს ჩამოართმევს ქონებას ან სხვა აქტივს ან მნიშვნელოვან წილს, ან მოახდენს ასეთის ნაციონალიზაციას, ან ადგილი ექნება სხვაგვარ ექსპროპრიაციას;

(თ) მსესხებლის ან თავდების მიმართ აღიძრება სისხლის სამართლის საქმე;

(ი) გასხვისდება მსესხებლის მნიშვნელოვანი აქტივი, ბანკის წინასწარი წერილობითი თანხმობის გარეშე;

(კ) მსესხებელი იკისრებს ფინანსურ და სხვა ვალდებულებებს ბანკის წინასწარი წერილობითი თანხმობის გარეშე, მათ შორის მიიღებს კრედიტს / სესხს ნებისმიერი სხვა ფინანსური დაწესებულებიდან თუ კერძო პირისგან;

(ლ) მსესხებლის ანგარიშს დაედება საინკასო დავალება, ყადაღა ან გავრცელდება სხვაგვარი უფლებრივი შეზღუდვა;

(მ) მსესხებლის, თავდების და გარანტის ფინანსური მდგომარეობა გაუარესდება ან დადგება ასეთის რისკი;

(ნ) მსეხებელს შეუწყდება მესამე პირის მიერ გაცემული ნებისმიერი სახის თანადაფინანსება (ასეთის არებობისას);

(ო) ბანკის წინაშე არსებული ნებისმიერი ვალდებულების ან მისი პირობის შეუსრულებლობის, არაჯეროვნად (არასრულად) ან დათქმულ ვადაზე გვიან შესრულებისას, რომელიც არ გამომდინარეობს ამ ხელშეკრულებიდან;

თუ მსესხებელი იურიდიული პირია, ასევე იმ შემთხვევაში თუ:

(პ) მსესხებლის ან თავდების მიმართ მიმდინარეობს გადახდისუუნარობის საქმის წარმოება, დაიწყება ლიკვიდაციის პროცესი;

(ჟ) ბანკის წინასწარი თანხმობის გარეშე მსესხებელი შეამცირებს კაპიტალს;

(რ) მსესხებელი მოახდენს კორპორაციულ გარდაქმნას/შერწყმას;

(ს) სპეციალური ლიცენზია, ასეთის არსებობისას, რომლითაც სარგებლობს მსესხებელი ჩამოერთმევა ან შეუჩერდება;

(ტ) ბანკის წერილობითი თანხმობის გარეშე მსესხებელი განახორციელებს ინვესტირებას, მათ შორის კაპიტალურ ინვესტირებას;

(უ) ბანკის წინასწარი თანხმობის გარეშე განახორციელებს დივიდენდების გაცემას;

(ფ) ბანკის წინასწარი თანხმობის გარეშე განახორციელებს დამფუძნებლისგან მიღებული სესხის დაფარვას, გარდა შეთანხმებული გადახდისა რაც წარდგენილია და ცნობილია ბანკისთვის ამ ხელშეკრულების ხელმოწერამდე;

(ქ) მსესხებელის პარტიორთა / აქციონერთა სტრუქტურაში განხორციელდება ცვლილება ბანკის წინასწარი წერილობითი თანხმობის გარეშე.

16.02 ამ საკრედიტო ხაზის ხელშეკრულების 16.01 პუნქტით და ამავე პუნქტის ნებისმიერი ქვეპუნქტით დადგენილი შეწყვეტის წინაპირობებიდან გამომდინარე, ბანკის მხრიდან შეწყვეტის უფლების წარმოშობისათვის საკმარისია ჩამოთვლილი პირობებიდან ან პირობების შინაარსიდან ერთ-ერთის დადგომა ან/და არსებობა.

16.03 ამ საკრედიტო ხაზის ხელშეკრულების 16.01 პუნქტიდან ერთ-ერთი გარემოების დადგომისას ბანკი უფლებამოსილია ამ ხელშეკრულების 25-ე მუხლით დადგენილი საშუალებებით მსესხებელს გაუგზავნოს დავალიანების ვადაზე ადრე დაბრუნების მოთხოვნა, რომელიც დაუყოვნებლივ უნდა შესრულდეს მსესხებლის მიერ მთელი მოცულობით. თანხის დაუბრუნებლობისას ბანკი ცალმხრივად წყვეტს ხელშეკრულებას და მიმართავს უზრუნველყოფის ყველა საშუალებას დავალიანების დასაბრუნებლად.

16.04 თუკი ბანკი სხვაგვარად არ გადაწყვეტს, ხელშეკრულების შეყვეტის მომენტიდან მსესხებლის არსებული დავალიანების ძირითად თანხაზე გაგრძელდება შესაბამისი პროცენტის დარიცხვა მის სრულად და ჯეროვნად დაფარვამდე.

16.05 ბანკი უფლებამოსილია გააგრძელოს პირგასამტეხლოს დარიცხვა, როგორც ვადაგადაცილებულ ძირითად თანხაზე, ისე ვადაგადაცილებულ პროცენტზე, ხოლო ასეთ შემთხვევაში, მსესხებელი ვალდებულია გადაიხადოს ასეთი პირგასამტეხლო დავალიანების სრულად და ჯეროვნად დაფარვამდე.

16.06 მსესხებლის მხრიდან ამ მუხლით გათვალისწინებული ან/და სხვა ნებისმიერი სახით ამ ხელშეკრულებით ნაკისრი ვალდებულებ(ებ)ის სრულად და ჯეროვნად შეუსრულებლობის შემთხვევაში ბანკი თავისუფლდება მსესხებლის წინაშე ნაკისრი ვალდებულებების შესრულებისაგან და უფლებამოსილია მსესხებლის დამატებითი თანხმობის გარეშე დაუწესოს მსესხებელს გამკაცრებული მონიტორინგის რეჟიმი, რაც თვის მხრივ გულისხმობს ბანკისათვის სრული უფლებამოსილების მინიჭებას და ამ გზით ბანკი უფლებამოსილია საკუთარი შეხედულებისამებრ მიავლინოს თავისი წარმომადგენელი მსესხებელთან, მისი აქტივების შესამოწმებლად, ფინანსური მდგომარეობის შესასწავლად ან/და შემოსავლების მონიტორინგის საფუძველზე, ბანკის კუთვნილი თანხების ერთიანად ან ნაწილ-ნაწილ მისაღებად.

მუხლი 17 მსესხებლის შესახებ ინფორმაცია

17.01 საქართველოს მოქმედი კანომდებლობის საფუძველზე, საკრედიტო ხაზის ხელშეკრულების ამ მუხლით დადგენილი პირობებისა და ბანკთან დადებული სხვა გარიგების საფუძველზე ბანკი უფლებამოსილია მოიპოვოს, დაამუშაოს, მიიღოს და გასცეს მსესხებლის შესახებ ინფორმაცია მათ შორის პერსონალური და კონფიდენციალური ინფორმაცია სხვადასხვა მიზნებისთვის, მათ შორის ბანკის მიერ სასამართლო წესით მათი უფლებების განსახორციელებლად ან/და აღნიშნულთან დაკავშირებით.

17.02 წინამდებარე ხელშეკრულებაზე ხელმოწერით, მსესხებელი ანიჭებს ბანკს უპირობო უფლებამოსილებას, რომ მსესხებლის დამატებითი წინასწარი ან/და შემდგომი თანხმობის გარეშე გამოითხოვოს და მიიღოს მსესხებლის შესახებ არსებული ინფორმაცია ნებისმიერი კერძო ან/და საჯარო დაწესებულებიდან. ასევე განახორციელოს ყველა საჭირო მოქმედება, რაც დაკავშირებული იქნება ზემოაღნიშნული უფლებამოსილების განხორციელებასთან, ამასთან ერთად, ბანკი უფლებამოსილია მსესხებლის შესახებ ნებისმიერი ინფორმაცია მიაწოდოს მესამე პირ(ებ)ს, მსესხებლის მიერ ამ ხელშეკრულებით ნაკისრი ვალდებულებების სრულად და ჯეროვნად შესრულების უზრუნველსაყოფად ან/და ამგვარი შესრულების მონიტორინგის მიზნით.

17.03 მსესხებელი ბანკს ანიჭებს უპირობო უფლებას მსესხებლის კრედიტუნარიანობის/გადახდისუნარიანობის შემოწმების, მისთვის მომსახურების გაწევის, შეთავაზებისა და სხვა კანონიერი მიზნით, ძიებების რაოდენობის შეუზღუდავად მოიძიოს ინფორმაცია მსესხებლის შესახებ სს "კრედიტინფო საქართველოს" (ს/კ 204470740) საკრედიტო ინფორმაციის მონაცემთა ბაზაში და ასევე მსესხებელთან დამატებითი შეთანხმების გარეშე მსესხებლის, როგორც პოზიტიური ასევე ნეგატიური (ნეგატიური ინფორმაცია გადაეცემა ვადაგადაცილებიდან 30 დღის გასვლის შემდეგ - ფიზიკური პირების შემთხვევაში, ხოლო 60 დღის შემდეგ - იურიდიული პირების შემთხვევაში) ვალდებულებების შესახებ ინფორმაცია გადასცეს სს კრედიტინფო საქართველოს, რაც იწვევს მსესხებლის აღრიცხვას კრედიტინფო საქართველოს საკრედიტო ინფორმაციის მონაცემთა ბაზაში, რომელის მიზანია ფიზიკურ და იურიდიულ პირებზე მონაცემთა შეგროვება, გადამუშავება და გავრცელება, რომელიც დაკავშირებულია გადასახდელი/გადახდილი და გადაუხდელი სესხებისა და სხვა მიმდინარე, შესრულებული და შეუსრულებელი/ვადაგადაცილებული ფულადი ვალდებულებების სტატუსთან, ასევე ბაზაში არსებული ინფორმაციის ანალიტიკური გადამუშავება კრედიტუნარიანობის შეფასების მიზნებისთვის. კრედიტინფო საქართველოს, რომელიც წარმოადგენს საკრედიტო ბიუროს უფლება აქვს მიღებული ინფორმაცია დაამუშავოს/გადაამუშაოს და გადასცეს მესამე პირებს, მონაცემთა სუბიექტის კრედიტუნარიანობის/გადახდისუნარიანობის შეფასებისა და შემოწმების მიზნით. xxxxx ასევე უფლებამოსილია აცნობოს კრედიტინფო საქართველოს, კლიენტის საკრედიტო ისტორიაში ნებისმიერი ცვლილების/დამატების შესახებ. გადასაცემი ინფორმაცია, ყოველგვარი შეზღუდვის გარეშე, მოიცავს: მსესხებლის საიდენტიფიკაციო მონაცემებს, მიმდინარე სესხის/ვალდებულების მოცულობას, მიზნობრიობას, დარიცხულ პროცენტს, მოქმედების ვადას, მსესხებლის მიერ სესხთან/ფინანსურ ვალდებულებასთან დაკავშირებული გადახდების დროულობას, დავალიანების ნაშთს, უზრუნველყოფის ოდენობასა და უზრუნველყოფის საგნის საიდენტიფიკაციო მონაცემებს, ხოლო სასამართლო დავის არსებობის შემთხვევაში - სასამართლო სამართალწარმოებისა და სააღსრულებო წარმოების შედეგს, აგრეთვე მსესხებლის აქციონერებისა და წარმომადგენლობაზე უფლებამოსილი პირების სახელებსა და საიდენტიფიკაციო მონაცემებს და მონაცემთა ბაზისთვის საჭირო სხვა მონაცემებს

17.04 მსესხებელი აცნობიერებს, რომ ამ საკრედიტო ხაზის ხელშეკრულებიდან გამომდინარე ბანკს შესაძლოა დასჭირდეს მსესხებლის ან/და მისი თანამშრომლების შესახებ ინფორმაციის, ჩანაწერის, დოკუმენტის თუ საბუთის მოძიება და ანიჭებს უპირობო უფლებას, დროდადრო მოითხოვოს და მიიღოს ასეთი ნებისმიერი მესამე პირისგან და ადმინისტრაციული ორგანოდან, მათ შორის, მაგრამ არასრულად: სახელმწიფო სერვისების განვითარების სააგენტოდან, საჯარო რეესტრის ეროვნული სააგენტოდან და მოვალეთა რეესტრიდან.

17.05 ბანკი ასევე უფლებამოსილია, მოთხოვნის დათმობის ან სესხის ადმინისტრირების მიზნებისთვის მოლაპარაკებების სტადიაზე ან შესაბამისი გარიგების დადებისას კონტრაჰენტს გადასცეს ამ საკრედიტო ხაზის ხელშეკრულბიდან წარმოშობილი ვალდებულების შესახებ ინფორმაცია. ბანკი ინფორმაციის მიმღებს დაუდგენს კონფიდენციალურობის დაცვაზე და ინფორმაციის გაუმჟღავნებლობაზე ამ საკრედიტო ხაზის ხელშეკრულების საპირწონე მოთხოვნებს.

მუხლი 18 მხარეების შესახებ ინფორმაცია

18.01 მხარეები უფლებამოსილნი არიან ამ საკრედიტო ხაზის ხელშეკრულებიდან გამომდინარე ნებისმიერი ინფორმაცია დაუბრკოლებლად მიაწოდონ სასამართლოს, არბიტრაჟს, აუქციონის მომწყობ პირს, სპეციალურ სავაჭრო დაწესებულებას ან სხვა დავის განმხილველ ნებისმიერ ორგანოს.

18.02 მხარეებს შეუძლიათ ყოველგვარი შეზღუდვის გარეშე მიაწოდონ ინფორმაცია / დოკუმენტაცია თავდებს, სოლიდარულ თავდებს/ თანამსესხებელს/ იპოთეკის / გირავნობის საგნის მესაკუთრეს, გარანტორს, ვალდებულებით დატვირთული დეპოზიტის ან/და ანაბრის მესაკუთრეს ან ნებისმიერ პირს ვისი ქონებაც განიხილება ამ საკრედიტო ხაზის ხელშეკრულებიდან გამომდინარე ვალდებულებების უზრუნველყოფად. მათ შორის, შესაძლებელია გაიცეს დავალიანების და დარჩენილი ვალდებულების შესახებ ინფორმაცია და მსესხებელთან გაფორმებული ხელშეკრულებ(ებ)ის ასლები იმავე ფორმით, რა ფორმითაც გაფორმებულია მსესხებელთან.

18.03 ყოველგვარი შეზღუდვის გარეშე ნებისმიერი ინფორმაციის გამჟღავნება ან/და გადაცემა შესაძლებელია საქართველოს ეროვნული ბანკისთვის, გარე აუდიტორული და საგადასახდო აუდიტის მიზნებისთვის დაქირავებულ კომპანიებზე, მათთან დაკავშირებულ პირებზე, აგენტებზე და თანამშრომლებზე, რომლებიც შესაბამისი სერვისის ფარგლებში უფლებამოსილნი იქნებიან მიიღონ, გაეცნონ და შეინახონ სერვისის განხორციელების მიზნით საჭირო ინფორმაცია.

18.04 ნებისმიერი ინფორმაციის მოპოვება, გამჟღავნება, გადაცემა და შენახვა ამ ხელშეკრულების მე-17 და მე-18 მუხლების ფარგლებში არის მხარეების მიერ სათანადოდ ნებადართული.

მუხლი 19 მოთხოვნის დათმობა და ვადაგადაცილებული ვალდებულების ადმინისტრირება

19.01 ბანკი უფლებამოსილია ნებისმიერ დროს, მსესხებლის თანხმობის გარეშე, სრულად ან ნაწილობრივ დათმოს ან დააგირავოს წინამდებარე საკრედიტო ხაზის ხელშეკრულებიდან და უზრუნველყოფის ხელშეკრულებიდან გამომდინარე მოთხოვნა მესამე პირის სასარგებლოდ. ასეთ შემთხვევაში მსესხებელი მიიღებს შეტყობინებას კანონმდებლობით დადგენილი ფორმით და ვადებში.

19.02 ბანკი უფლებამოსილია ნებისმიერ დროს, მსესხებლის თანხმობის გარეშე ვადაგადაცილებული ვალდებულებათა ადმინისტრირების მიზნით დანიშნოს წარმომადგენლად ან/და გადასცეს საკრედიტო ხაზის ხელშეკრულებიდან და უზრუნველყოფის ხელშეკრულებიდან გამომდინარე ვადაგადაცილებული მოთხოვნა სრულად, ან ნაწილობრივ მესამე პირს. ასეთ შემთხვევაში მსესხებელი მიიღებს შეტყობინებას კანონმდებლობით დადგენილი ფორმით და ვადებში.

19.03 აკრძალულია მსესხებელის მიერ ნებისმიერ პირზე ამ ხელშეკრულებიდან გამომდინარე უფლებებისა და ვალდებულებების გადაცემა ან ვალის გადაკისრება, ბანკის წინასწარი წერილობით თანხმობის გარეშე.

მუხლი 20 კონფიდენციალურობა

თითოეული მხარე იღებს ვალდებულებას მკაცრად დაიცვას მეორე მხარისაგან მიღებული ფინანსური, კომერციული და სხვა სახის ინფორმაციის კონფიდენციალურობა. ასეთი ინფორმაციის გადაცემა მესამე პირებისთვის შეიძლება მხოლოდ ორივე მხარის წერილობითი თანხმობის შემთხვევაში, საქართველოს მოქმედი კანონმდებლობით გათვალისწინებულ შემთხვევებზე და ამ საკრედიტო ხაზის ხელშეკრულების მე-17 და მე-18 მუხლების პირობების შესაბამისად.

მუხლი 21 უფლებამონაცვლეობა

ამ საკრედიტო ხაზის ხელშეკრულებიდან გამომდინარე უფლებები და ვალდებულებები ვრცელდება სამართალმემკვიდრეზე და უფლებამონაცვლეზე.

მუხლი 22 ბათილობა

ამ საკრედიტო ხაზის ხელშეკრულების რომელიმე მუხლის და/ან პუნქტის ან მისი ნაწილის ბათილობა არ იწვევს სხვა მუხლებისა თუ პუნქტების ბათილობას, შესაბამისად დანარჩენი მუხლები, პუნქტები და ქვეპუნქტები ინარჩუნებენ ძალას.

მუხლი 23 ხელშეკრულების ძალაში შესვლა და მოქმედების ვადა

23.01 წინამდებრე საკრედიტო ხაზის ხელშეკრულება ძალაშია მისი ხელმოწერის მომენტიდან. მიუხედავად დადგენილი ვადისა, ხელშეკრულების მოქმედება გრძელდება მხარეთა მიერ ვალდებულების სრულ და ჯეროვან შესრულებამდე.

23.02 ამ ხელშეკრულების 20-ე მუხლით დადგენილი პირობების დაცვა მხარეებს ევალებათ ხელშეკრულების მოქმედების ვადის გასვლის შემდეგაც, საქართველოს კანონმდებლობით დადგენილი წესით.

მუხლი 24 ერთიანი ხელშეკრულება, ცვლილებები და დამატებები, უპირატესობა

24.01 წინამდებარე საკრედიტო ხაზის ხელშეკრულება და უზრუნველყოფის ხელშეკრულება ქმნის ერთიან გარიგებას.

24.02 ნებისმიერი ცვლილება ან/და დამატება საკრედიტო ხაზის ხელშეკრულებაში შესაძლებელია დაიდოს შესაბამისი ხელშეკრულების ფორმის დაცვით.

24.03 პროცესის გამარტივების მიზნით, ამ საკრედიტო ხაზის ხელშეკრულების მხოლოდ გადახდის გრაფიკის (არსებობისას) ცვლილების შემთხვევაში, მხარეებს შეუძლიათ ხელი მოაწერონ მხოლოდ გადახდის გრაფიკის ახალ რედაქციას, ნებისმიერი წანამძღვრებისა და ცვლილების შესახებ ტექსტური დადასტურების გარეშე. მხარეები თანხმდებიან ასეთი ცვლილების პირობის ნამდვილობაზე, რომ ახალი გადახდის გრაფილი, აუქმებს მანამდე მოქმედ გადახდის გრაფიკს, იგი ძალაშია მისი ხელმოწერის მომენტიდან, მასზე სრულად ვრცელდება ამ საკრედიტო ხაზის ხელშეკრულების პირობები. აღწერილი გადახდის გრაფიკის ცვლილება შესაძლოა მხარეებმა მოახდინონ ამ საკრედიტო ხაზის მოქმედების პერიოდზე ერთხელ ან რამდენჯერმე.

24.04 ბანკის მიერ თავისის უფლების გამოუყენებლობა არ წარმოადგენს ამ უფლებაზე უარის თქმის საფუძველს.

მუხლი 25 შეტყობინებები

25.01 მსესხებელმა ნებისმიერი შეტყობინება უნდა განახორციელოს წერილობით. ასეთი შეტყობინება ითვლება სათანადოდ გაგზავნილად, თუკი ხელმოწერილია მსესხებლის უფლებამოსილი წარმომადგენლის მიერ და ასეთი ჩაბარდა ბანკს.

25.02 ბანკი უფლებამოსილია შეტყობინება გაუგზავნოს მსესხებელს ერთ-ერთ ჩამოთვლილი საშუალების გამოყენებით:

• წერილობით - ბანკისთვის მსესხებლის მიერ მიწოდებულ ან სხვა ცნობილ მისამართზე წერილის გაგზავნის გზით. ამასთან ბანკი უფლებამოსილია მოიძიოს მსესხებლის ალტერნატიული მისამართი (სამოქალაქო / სამეწარმეო რეესტრში რეგისტრირებული ან სხვა) და გააგზავნოს მოძიებულ მისამართზე შეტყობინება. წერილობით შეტყობინების ჩაბარებისას ბანკი უფლებამოსილია ჩააბაროს შეტყობინება გაგზავნილ მისამართზე მყოფ ნებისმიერ პირს, მიუხედავად შეტყობინების შინაარსისა;

• ელექტრონული ფორმით - ბანკისთვის ცნობილ ელექტრონულ მისამართზე ან მსესხებლის ინტერნეტ ბანკის საშუალებით შეტყობინების გაგზავნის გზით;

• სატელეფონო საშუალებით - მსესხებლის მიერ ბანკისთვის მიწოდებულ სატელეფონო ნომერზე ან/და ბანკის მიერ მოძიებული ალტერნატიული სატელეფონო ნომრის გამოყენებით შეტყობინების გადაცემისას.

25.03 ამ მუხლის მიზნებისთვის შეტყობინება მიღებულად ითვლება იმ შემთხვევაშიც, თუ ადრესატი უარს განაცხადებს შეტყობინების მიღებაზე, ან თავს აარიდებს მის მიღებას, ან შეუძლებელი იქნება შეტყობინების გადაცემა ადრესატის ადგილზე ერთ შემთხვევაზე მეტჯერ არყოფნის გამო.

25.04 მსესხებელი ვალდებულია ხუთი (5) სამუშაო დღის განმავლობაში შეატყობინოს მხარეს რეგისტრირებული ან ფაქტობრივი მისამართის, ელექტრონული ფოსტის, ტელეფონის ნომრის ან/და რეგისტრაცია-სავალდებულო ფაქტების ცვლილებების შესახებ. ბანკი ვიდრე არ მიიღებს მსესხებლის შეტყობინებას, ნებისმიერი შეტყობინებისთვის და კორესპონდენციისთვის გამოიყენებს იმ ინფორმაციას, რაც მისთვის ცნობილია მსესხებლისგან.

მუხლი 26 ხელშეკრულების პირობების მოქმედება მსესხებლ(ებ)ის მიმართ

26.01 ამ ხელშეკრულების მიზნებისთვის, მსესხებელზე ამ ხელშეკრულების პირობები გავრცელდება სრულად, გარდა იმ შემთხვევებისა, როდესაც მსესხებლის სამართლებრივი სტატუსიდან გამომდინარე კონკრეტული პირობა მასზე ვერ გავრცელდება.

26.02 იმ შემთხვევაში, თუ ხელშეკრულების მხარეს წარმოადგენს ერთზე მეტი მსესხებელი:

(ა) თითოეული ასეთი მსესხებლისთვის ამ ხელშეკრულებით გათვალისწინებული მომსახურების გაწევა შესაძლოა მოხდეს ინდივიდუალურად, ერთობლივად ან/და ცალკეული მსესხებლების მიხედვით;

(ბ) თითოეული ასეთი მსესხებელი წარმოადგენს ბანკის მიმართ სოლიდარულ მოვალეს ამ ხელშეკრულებიდან გამომდინარე ვალდებულებებზე;

(გ) ნებისმიერი მოთხოვნა, შეზღუდვა ან პირობა ვრცელდება როგორც ერთობლივად ყველა მსესხებელზე, ისე თითოეულ მსესხებელ სუბიექტზე და ერთ-ერთის მიერ პირობის დარღვევა გულისხმობს, რომ ირღვევა ხელშეკრულება, შესაბამისად, ყოველი მსესხებელი სუბიექტი პასუხისმგებელია სხვა მსესხებელი სუბიექტის მიერ პირობის დარღვევაზე და მის შედეგებზე სოლიდარულად შესაბამისად, ბანკი უფლებამოსილია სოლიდარულად მოითხოვოს ვალდებულებების შესრულება თითოეული მსესხებელი სუბიექტისგან;

(დ) თითოეული მსესხებლის სოლიდარული პასუხისმგებლობა ძალაშია, მიუხედავად იმისა, არსებობს თუ არა მათ მიერ ამ ხელშეკრულებებიდან გამომდინარე ვალდებულებების უზრუნველსაყოფად ბანკის სასარგებლოდ გაცემული დამატებითი ვალდებულებები (მათ შორის, თავდებობა ან/და გარანტია);

(ე) ერთ-ერთ მსესხებელთან დაკავშირებული ფაქტები გამოიყენება სხვა მსესხებლ(ებ)ის მიმართაც, იმის გათვალისწინებით, რომ ბანკის მიერ რომელიმე მსესხებლის მიმართ თავისი უფლებამოსილების გამოუყენებლობა (სრულად ან ნაწილობრივ) არ გავრცელდება სხვა მსესხებლებზე და არ ათავისუფლებს მათ შესაბამისი ვალდებულებების შესრულებისაგან.

(ვ)საბანკო პროდუქტებზე მაქსიმალური ლიმიტის თანხა არის მათი ერთობლივი ლიმიტი. შესაბამისად, თუნდაც ერთ-ერთი მსესხებლის მიერ აღნიშნული ლიმიტის სრულად ათვისებისას (ლიმიტის ფარგლებში პროდუქტით სარგებლობისას), სხვა მსესხებელი სუბიექტი კარგავს ასეთზე მოთხოვნის უფლებას. ამ ხელშეკრულებით დადგენილ საბანკო პროდუქტების მიღებაზე ბანკისთვის მოთხოვნა, მისი შემდგომი ათვისება ან/და ასეთით სარგებლობა, მაქსიმალური ლიმიტის თანხის ფარგლებში არის მსესხებელ სუბიექტებს შორის ურთიერთობის საგანი;

(ზ) მსესხებლის მიერ საბანკო პროდუქტების მიღება შესაძლებელია როგორც ერთობლივად, ორი ან მეტი სუბიექტის მიერ, ისე ერთმანეთისგან დამოუკიდებლად. ბანკი ნებისმიერ შემთხვევაში განიხილავს მიმდინარე მიმართვას და არ არის პასუხისმგებელი შეამოწმოს და აკონტროლოს სხვა (გარდა განცხადების შემომტანი) მსესხებელი სუბიექტის დამოკიდებულება, თანხმობა თუ ინფორმირება მოთხოვნაზე და კონკრეტული საბანკო პროდუქტის მიღებაზე. მსესხებელი სუბიექტები თავად არიან პასუხისმგებელნი საკუთარი მოთხოვნების ურთიერთშორის კოორდინაციაზე და ბანკს არ შეიძლება მოეთხოვოს ან პასუხისმგებლობა დაეკისროს რომელიმე მსესხებელი სუბიექტისთვის საბანკო პროდუქტის დამტკიცებაზე ან/და გაცემაზე.

(თ) ერთ-ერთი მსესხებლის მიერ ამ ხელშეკრულების დარღვევის შემთხვევაში, ბანკი უფლებამოსილია შესაბამისი მოთხოვნა/მოთხოვნები წაუყენოს ნებისმიერ მსესხებელს საკუთარი შეხედულებისამებრ და მის მიმართ ისარგებლოს ამ ხელშეკრულებით გათვალისწინებული ან/და კანონმდებლობით დადგენილი უფლებებით.

მუხლი 27 მოქმედი სამართალი

27.01 საკრედიტო ხაზის ხელშეკრულება შედგენილია მოქმედი ქართული სამართლის შესაბამისად და მასზე ვრცელდება საქართველოს კანონმდებლობა.

27.02 ურთიერთობა, რომელიც არ არის მოწესრიგებული ამ საკრედიტო ხაზის ხელშეკრულებით რეგულირდება საქართველოს მოქმედი კანონმდებლობის შესაბამისად.

მუხლი 28 დავა და მისი გადაწყვეტის წესი

28.01 მხარეებს შორის წამოჭრილი ნებისმიერი დავა გადაწყდება ურთიერთმოლაპარაკების გზით. შეთანხმების მიუღწევლობისას, დავას განიხილავს საქართველოს უფლებამოსილი სასამართლო. მხარეები თანხმდებიან, რომ დავასთან დაკავშირებით პირველი ინსტანციის სასამართლოს მიერ ბანკის სასარგებლოდ მიღებული გადაწყვეტილება მიქცეული იქნება დაუყოვნებლივ აღსასრულებლად.

28.02 მსესხებელი გამოხატავს უპირობო თანხმობას, რომ ბანკმა და უზრუნველყოფის საგნის მესაკუთრემ შესაბამის უზრუნველყოფის ხელშეკრულებაში დაადგინონ სანოტარო სააღსრულებლო ფურცლის, იპოთეკის მოწმობის, გირავნობის მოწმობის, აუქციონის მოწყობის გზით, სპეციალური სავაჭრო დაწესებულების მეშვეობით ამ საკრედიტო ხაზის ხელშეკრულებიდან წარმოშობილი ვალდებულებების შეუსრულებლობისას მოთხოვნის დაკმაყოფილების პირობები.

მუხლი 29 ხელშეკრულების ენა და სხვა პირობები

29.01 წინამდებარე ხელშეკრულება შედგენილია თანაბარი იურიდიული ძალის მქონე ეგზემპლარ(ებ)ად ქართულ ენაზე, ისე, რომ თითოეულ მხარეს გადაეცემა თითო ეგზემპლარი.

29.02 იმ შემთხვევაში თუკი ხელშეკრულების ერთ-ერთმა მონაწილე მხარემ არ იცის ქართული ენა ან/და დამწერლობა, ხელშეკრულება შესაძლოა შედგეს და დაიდოს მისთვის გასაგებ ენაზე. ხელშეკრულების ინტერპრეტაციის და თარგმნის შემთხვევაში უპირატესობა ენიჭება ქართულენოვან ვერსიას ენიჭება უპირატესი იურიდიული ძალა და ნებისმიერი განმარტების თუ ინტერპრეტაციისას გამოიყენება ხელშეკრულების ქართულენოვანი ვერსია.

29.03 მომხმარებელი უფლებამოსილია ბანკს წარუდგინოს პრეტენზია ზეპირი, წერილობითი და/ან ელექტრონული ფორმებით. პრეტენზიის წარდგენა შესაძლებელია ბანკის ნებისმიერ ფილიალში, სერვისცენტრში, სათავო ოფისში, ინტერნეტბანკში, ბანკის ელექტრონული ფოსტის მისამართზე: info@terabank.ge. ბანკი უფლებამოსილია განიხილოს და იმავე ფორმით/არხით უპასუხოს მომხმარებლის პრეტენზიას (თუ თვითონ მომხმარებელი პრეტენზიის დაფიქსირების მომენტში არ მიუთითებს მისთვის სასურველ კონკრეტულ არხს), პრეტენზიის მიღებიდან არაუგვიანეს 30 კალენდარული დღის ვადაში, აღნიშნული პრეტენზიის განხილვის ვადა ვრცელდება ნებისმიერი ტიპის პრეტენზიაზე, მიუხედავად პრეტენზიის შინაარსისა და განაცხადის ფორმისა. ამასთან, პრეტენზია შინაარსობრივად უნდა იყოს გასაგებად ჩამოყალიბებული, წინააღმდეგ შემთხვევაში ბანკს უფლება აქვს მომხმარებელს მოსთხოვოს პრეტენზიის დაზუსტება ან მისი წერილობით წარმოდგენა.

29.04 ბანკის საზედამხედველო ორგანოს წარმოადგენს საქართველოს ეროვნული ბანკი, რომლის მისამართია: 0114 თბილისი,საქართველო, სანაპიროს ქუჩა № 2.

დასტურად, ხელშეკრულების მხარეები, რომლებიც მოქმედებენ პირადად ან/და უფლებამოსილი წარმომადგენლების მეშვეობით, ადგენენ ამ საკრედიტო ხაზის ხელშეკრულებას და აწერენ ხელს ზემომითითებულ თარიღზე.

ბანკი:	სს ტერაბანკი	მსესხებელი:
ხელმოწერა:		ხელმოწერა:
სახელი და გვარი გარკვევით და სრულად:		სახელი და გვარი გარკვევით და სრულად:
სახელი და გვარი:		სახელი და გვარი:
წარმომადგენელი:		წარმომადგენელი:

11 გათვალისწინებული იქნება იმ შემთხვევაში თუ სესხის გაცემისას გათვალისწინებულია წინამდებარე ხელშეკრულების პროლონგაციის შესაძლებლობა (ძალაშია 2024 წლის 1-ლი ივლისიდან)

2 გათვალისწინებული იქნება იმ შემთხვევაში თუ მსესხებელს არ აქვს ხელშეკრულებაზე უარის თქმის უფლება „მომხმარებლის უფლებების დაცვის შესახებ“ საქართველოს კანონისა ან/და საქართველოს ეროვნული ბანკის პრეზიდენტის 2021 წლის 9 მარტის №32/04 ბრძანებით დამტკიცებული „ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესის მიხედვით (ძალაშია 2024 წლის 1-ლი ივლისიდან);

3 . გათვალისწინებული იქნება იმ შემთხვევაში თუ მსესხებელს აქვს ხელშეკრულებაზე უარის თქმის უფლება(ძალაშია 2024 წლის 1-ლი ივლისიდან);

2⁴ გათვალისწინებული იქნება იმ შემთხვევაში თუ მსესხებელს აქვს ხელშეკრულებაზე უარის თქმის უფლება;

⁵ გათვალისწინებული იქნება იმ შემთხვევაში თუ მსესხებელს არ აქვს ხელშეკრულებაზე უარის თქმის უფლება.

ბანკი _____________________ 20 მსესხებელი_________________