გაეცანით მომხმარებელთათვის სასარგებლო ინფორმაციას საქართველოს ეროვნული ბანკის ვებ- გვერდზე - www.nbg.gov.ge/cp და ცხელ ხაზზე – 032 2406 406.

ხელშეკრულების მნიშვნელოვანი პირობები ოვერდრაფტით სარგებლობის შესახებ ხელშეკრულების # თავსართი

შტრიხ-კოდი გამოიყენება ბანკის მიზნებისთვის

კრედიტის საპროცენტო განაკვეთი

კრედიტის საპროცენტო განაკვეთის ტიპი:	ფიქსირებული
წლიური საპროცენტო განაკვეთი:
ეფექტური საპროცენტო განაკვეთი*:

ფინანსური ხარჯები :

თანხის განაღდების საკომისიო:

სხვა სახელშეკრულებო ინფორმაცია

საკრედიტო ლიმიტის მოცულობა:
მომხმარებლის მიერ გადასახდელი მთლიანი თანხის ოდენობა ბანკომატიდან თანხის ათვისების შემთხვევაში:
მომხმარებლის მიერ გადასახდელი მთლიანი თანხის ოდენობა სავაჭრო ობიექტიდან თანხის ათვისების შემთხვევაში:
საკრედიტო ლიმიტის მოქმედების ვადა:
საკრედიტო ხელშეკრულების მოქმედების ვადა:	ამ ხელშეკრულების საფუძველზე წარმოშობილი ვალდებულებების მთლიანად შესრულებამდე.
ფიქსირებული პირგასამტეხლო ვადაგადაცილებისთვის:	ერთჯერადად არაუმეტეს 20 (ოცი) ლარი ვადაგადაცილების სრულ აღმოფხვრამდე სესხის უცხოურ ვალუტაში არსებობისას, არაუმეტეს ერთჯერადი 20 ლარის ექვივალენტი შესაბამის ვალუტაში. ამასთან, ვადაგადაცილების დაწყებიდან მის სრულ აღმოფხვრამდე პერიოდში დაკისრებული ხარჯების ჯამური მოცულობა არ გადააჭარბებს მიმდინარე ნარჩენი ძირითადი თანხის 1.5-მაგ ოდენობას.
ყოველდღიური პირგასამტეხლო ვადაგადაცილებისთვის:	დავალიანების (ვადაგადაცილებული თანხის) 0.5% ყოველი ვადაგადაცილებული დღისთვის (არაუმეტეს ნარჩენი ძირითადი თანხის 0.27 % -სა). ამასთან, ვადაგადაცილების დაწყებიდან მის სრულ აღმოფხვრამდე პერიოდში დაკისრებული ხარჯების ჯამური მოცულობა არ გადააჭარბებს მიმდინარე ნარჩენი ძირითადი თანხის 1.5-მაგ ოდენობას.

გთხოვთ, გაითვალისწინოთ, რომ:

• შენატანები განისაზღვრება ათვისებული თანხისა და დაფარვის ვადების შესაბამისად;

• ხელშეკრულების მნიშვნელოვანი პირობების (წინამდებარე თავსართში მოცემული პირობების, მათ შორის საპროცენტო განაკვეთის) ცვლილების შემთხვევაში, მომხმარებლის ინფორმირება

მოხდება ცვლილებამდე არანაკლებ 2 (ორი) თვით ადრე, ხოლო სხვა საფინანსო პროდუქტის

ფასის ზრდის შემთხვევაში - არანაკლებ 1 (ერთი) თვით ადრე მოკლე ტექსტური შეტყობინებით. წინასწარი შეტყობინების ვალდებულება არ არსებობს, თუ პირობის ცვლილება ხორციელდება კლიენტის სასარგებლოდ;

• მსესხებელი უფლებამოსილია, მინიმუმ ყოველთვიური სიხშირით მოითხოვოს და ყოველგვარი

დამატებითი გადასახდელის გარეშე მიიღოს ამონაწერი შესაბამისი ანგარიშიდან, რომელზეც დაშვებულია ოვერდრაფტი.

• მომხმარებელს უფლება აქვს წარადგინოს პრეტენზია ბანკში ზეპირი, თავისუფალი

წერილობითი, სტანდანდარტული წერილობითი ან ელექტრონული ფორმით.

გაეცანით მომხმარებელთათვის სასარგებლო ინფორმაციას საქართველოს ეროვნული ბანკის ვებ- გვერდზე - xxx.xxx.xxx.xx/xx და ცხელ ხაზზე – 032 2406 406.

ოვერდრაფტით სარგებლობის შესახებ ხელშეკრულება

ქალაქი

ერთი მხრივ, სს „თიბისი ბანკი“ (შემდგომში „ბანკი“) და მეორე მხრივ, (შემდგომში „კლიენტი“/“მსესხებელი“), ვდებთ ამ ხელშეკრულებას და ვთანხმდებით შემდეგზე:

1. ხელშეკრულების საგანი

1.1 ამ ხელშეკრულების საგანია ბანკის მიერ კლიენტის 2.2 პუნქტში მითითებულ ანგარიშზე ოვერდრაფტის (სადებეტო ნაშთის) დაშვება და კლიენტის მიერ ამ ხელშეკრულებით ნაკისრი ვალდებულებების შესრულება (შემდგომში

„საკრედიტო ლიმიტი“ / „ოვერდრაფტი“).

1.2 საკრედიტო ლიმიტის ძირითადი პირობები განისაზღვრება ამ ხელშეკრულების მე-2 და მე-3 მუხლებით.

1.3 მიუხედავად იმისა, რომ წინამდებარე საბანკო კრედიტი გაიცემა და ხელშეკრულება ფორმდება ძირითადი ხელშეკრულებ(ებ)ის საფუძველზე, წინამდებარე საბანკო კრედიტის ხელშეკრულება (ამ ხელშეკრულების საფუძველზე წარმოშობილი კლიენტის ვალდებულებები) არ იქნება უზრუნველყოფილი იმ ხელშეკრულებ(ებ)ით/ქონებით (უზრუნველყოფ(ებ)ით), რომლითაც უზრუნველყოფილია ძირითადი ხელშეკრულება(ები).

2. ოვერდრაფტის პირობები

ძირითადი ხელშეკრულება (ხელშეკრულებები):	საბანკო ოპერაციების წარმოების შესახებ ხელშეკრულება
ოვერდრაფტის ანგარიშის ნომერი:
კრედიტის ტიპი:	ოვერდრაფტი
საკრედიტო ლიმიტის მოქმედების ვადა:
საკრედიტო ხელშეკრულების მოქმედების ვადა:	ამ ხელშეკრულების საფუძველზე წარმოშობილი ვალდებულებების მთლიანად შესრულებამდე.
საკრედიტო ლიმიტის მოცულობა:
მომხმარებლის მიერ გადასახდელი მთლიანი თანხის ოდენობა ბანკომატიდან თანხის ათვისების შემთხვევაში:
მომხმარებლის მიერ გადასახდელი მთლიანი თანხის ოდენობა სავაჭრო ობიექტიდან თანხის ათვისების შემთხვევაში:
წლიური საპროცენტო განაკვეთი:
საპროცენტო განაკვეთის ტიპი:	ფიქსირებული
გასატანი თანხის ოდენობა:
პერიოდულობა / გატანის თარიღები / გატანების საერთო რაოდენობა:	შეუზღუდავია
ეფექტური საპროცენტო განაკვეთი:

2.1

2.2

2.3

2.4

2.5

2.6

2.7

2.8

2.9

2.10

2.11

2.12

2.13

2.14

2.15

2.16

2.17

2.18

2.19

2.20

დაანგარიშების თარიღი:	ყოველი კალენდარული თვის ბოლო რიცხვი.
საკრედიტო ლიმიტის დაფარვა:	აუცილებელი მინიმალური დასაფარი თანხა - დაანგარიშების თარიღამდე ათვისებული საკრედიტო ლიმიტის 10%-ს დამატებული ლიმიტის ათვისების დღიდან დაანგარიშების თარიღამდე დარიცხული საპროცენტო სარგებელი და პირგასამტეხლო (ასეთის არსებობის შემთხვევაში), რომელიც უნდა დაიფაროს დაანგარიშების თარიღიდან მაქსიმუმ- რიცხვის ჩათვლით.
თანხის განაღდების (ტრანზაქციის) საკომისიო:
ფიქსირებული პირგასამტეხლო ვადაგადაცილებისთვის:	ერთჯერადად არაუმეტეს 20 (ოცი) ლარი ვადაგადაცილების სრულ აღმოფხვრამდე სესხის უცხოურ ვალუტაში არსებობისას, არაუმეტეს ერთჯერადი 20 ლარის ექვივალენტი შესაბამის ვალუტაში. ამასთან, ვადაგადაცილების დაწყებიდან მის სრულ აღმოფხვრამდე პერიოდში დაკისრებული ხარჯების ჯამური მოცულობა არ გადააჭარბებს მიმდინარე ნარჩენი ძირითადი თანხის 1.5-მაგ ოდენობას
ყოველდღიური პირგასამტეხლო ვადაგადაცილებისთვის:	დავალიანების (ვადაგადაცილებული თანხის) 0.5% ყოველი ვადაგადაცილებული დღისთვის (არაუმეტეს ნარჩენი ძირითადი თანხის 0.27 % -სა). ამასთან, ვადაგადაცილების დაწყებიდან მის სრულ აღმოფხვრამდე პერიოდში დაკისრებული ხარჯების ჯამური მოცულობა არ გადააჭარბებს მიმდინარე ნარჩენი ძირითადი თანხის 1.5-მაგ ოდენობას
შენატანები:	შენატანები განისაზღვრება ათვისებული თანხისა და დაფარვის ვადების შესაბამისად
სესხის/საკრედიტო ხელშეკრულებ(ებ)ის მოქმედების ვადის გაგრძელება:	კლიენტი უფლებამოსილია ქვემოთ მითითებულ საბანკო კრედიტ(ებ)ის მოქმედების ვადაში მიმართოს ბანკს და მოითხოვოს მისი/მათი მოქმედების ვადის გაგრძელება: საბანკო კრედიტის ხელშეკრულება/ები: xxxxx xxxxxxxxxxxx კლიენტის მოთხოვნით, ზემოაღნიშნული კრედიტ(ებ)ის მოქმედების ვადის გაგრძელებას არაუმეტეს ''ფიზიკური პირის დაკრედიტების შესახებ დებულების'' დამტკიცების თაობაზე საქართველოს ეროვნული ბანკის პრეზიდენტის 2020 წლის 13 მარტის N44/04 ბრძანებით (შემდგომში ''ბრძანება'') განსაზღვრული შესაბამისი ტიპის სესხისთვის / საკრედიტო პროდუქტისთვის გათვალისწინებული მაქსიმალური ვადით, რომლის ათვლა განხორციელდება სესხის გაცემის მომენტიდან. კრედიტ(ებ)ის მოქმედების ვადის გაგრძელების შემთხვევაში, ბანკი იხელმძღვანელებს წინამდებარე კრედიტის ხელშეკრულების გაფორმების მომენტისთვის მოქმედი ბრძანებით გათვალისწინებული მაქსიმალური ვად(ებ)ით. ამასთან, თუ ბანკის საკრედიტო პოლიტიკით გათვალისწინებული კლიენტის ასაკობრივი შეზღუდვის გამო (70 წელი ყველა საკრედიტო პროდუქტისთვის, 75 წელი - სწრაფი განვადების პროდუქტისთვის) არ არის შესაძლებელი კრედიტ(ებ)ის მოქმედების ვადის გაგრძელება ბრძანებით განსაზღვრული მაქსიმალური ვადით, ასეთ შემთხვევაში, ბანკი მოახდენს კლიენტთან გაფორმებული კრედიტ(ებ)ის მოქმედების ვადის გაგრძელებას ბანკში არსებული საკრედიტო პოლიტიკის პირობების (ვადის) შესაბამისად, რა ვადაზეც დათვლილი იქნა ბრძანებით გათვალისწინებული სესხის მომსახურების კოეფიციენტი სესხის გაცემის დროს.

3. დამატებითი პირობები

3.1 იმ შემთხვევაში, თუ დაანგარიშების/დაფარვის თარიღი დაემთხვევა არასამუშაო დღეს, დავალიანების დაანგარიშება ერთჯერადად მოხდება მომდევნო სამუშაო დღეს, ამასთან თუ გადაიწევს დაანგარიშების თარიღი, იგივე ვადით გადაიწევს დაფარვის თარიღიც.

3.2 ბანკი უფლებამოისლია საპენსიო ასაკის შესრულებისთანავე გააუქმოს საკრედიტო ლიმიტი და ამ შემთხვევაში კლიენტი ვალდებული იქნება, ათვისებული საკრედიტო ლიმიტი დაფაროს მთლიანად და გადაუხადოს ბანკს საკრედიტო ლიმიტისთვის დარიცხული საპროცენტო სარგებელი და პირგასამტეხლო (ასეთის არსებობის შემთხვევაში).

3.3 იმ შემთხვევაში, თუ კლიენტი საკრედიტო ბარათის ანგარიშიდან აითვისებს საკრედიტო ლიმიტზე მეტი ოდენობით თანხას (შემდგომში „არასანქცირებული ოვერდრაფტი“), ბანკი უფლებამოსილია კლიენტს ნებისმიერ დროს მოსთხოვოს არასანქცირებული ოვერდრაფტის დაუყოვნებლივ და მთლიანად დაბრუნება.

3.4 მხარეები თანხმდებიან, რომ არასანქცირებულ ოვერდრაფტზე სრულად ვრცელდება წინამდებარე ხელშეკრულების პირობები.

3.5 იმ შემთხვევაში, თუ ბანკი არ გამოიყენებს წინამდებარე ხელშეკრულების 3.3 პუნქტში მითითებულ უფლებას, კლიენტი ვალდებულია არასანქცირებული ოვერდრაფტი, დარიცხულ საპროცენტო სარგებელთან, პირგასამტეხლოსთან (ასეთის არსებობისას) და სხვა ფინანსურ ხარჯთან ერთად, დაფაროს არაუგვიანეს ამ ხელშეკრულების 2.15 პუნქტში მითითებული ვადისა.

3.6 კლიენტი აცხადებს თანხმობას, არასანქცირებული ოვერდრაფტის არსებობისას, საკრედიტო ბარათის ანგარიშზე თანხის ჩარიცხვის/განთავსების შემთხვევაში პირველ რიგში და პრიორიტეტულად დაიფაროს არასანქცირებული ოვერდრაფტი სრული ოდენობით, ხოლო შემდგომ საკრედიტო ლიმიტის ფარგლებში კლიენტის მიერ ათვისებული თანხა (დარიცხულ საპროცენტო სარგებელთან, პირგასამტეხლოსთან (ასეთის არსებობისას) და სხვა ფინანსურ ხარჯთან ერთად).

3.7 წინამდებარე ხელშეკრულების 2.17; 2.18 პუნქტებით გათვალისწინებული პირგასამტეხლო/ები ვრცელდება კლიენტის მიერ ფაქტობრივად/ჯამურად ათვისებულ/გამოყენებულ სრულ თანხაზე (მათ შორის არასანქცირებულ ოვერდრაფტზე).

3.8 იმ შემთხვევაში, თუ ძირითადი ხელშეკრულებით გათვალისწინებულია განსხვავებული პირობები არასანქცირებული ოვერდრაფტის დაფარვასთან დაკავშირებით, უპირატესია ამ ხელშეკრულებით განსაზღვრული პირობები.

4. სხვა პირობები

4.1 ეს ხელშეკრულება ძალაში შევა მხარეთა მიერ მისი ხელმოწერის მომენტიდან და იმოქმედებს ამ ხელშეკრულების საფუძველზე წარმოშობილი ვალდებულებების მთლიანად შესრულებამდე.

4.2 ეს ხელშეკრულება წარმოადგენს ამ ხელშეკრულების 2.1 ქვეპუნქტში დასახელებული ძირითადი ხელშეკრულების (ბანკის ვებგვერდზე xxx.xxxxxxx.xx განთავსებული საბანკო ოპერაციების წარმოების შესახებ ხელშეკრულების) განუყოფელ ნაწილს, რაც ნიშნავს იმას, რომ ამ ხელშეკრულებაზე სრულად ვრცელდება ძირითადი ხელშეკრულების მოქმედება და საქართველოს კანონმდებლობით ამ ხელშეკრულებისათვის გათვალისწინებული ყველა სხვა პირობა მოცემულია ძირითად ხელშეკრულებაში.

4.3 იმ შემთხვევაში, თუ: ა) კლიენტის სასარგებლოდ გაცემული საკრედიტო პროდუქტის საპროცენტო განაკვეთი აღმოჩნდება უფრო დაბალი, ვიდრე საქართველოს საკრედიტო ბაზარზე არსებული საპროცენტო განაკვეთები; ბ) ბანკის საკრედიტო პროდუქტების ღირებულება მნიშვნელოვნად შეიცვალება, ისე რომ კლიენტის სასარგებლოდ გაცემული საკრედიტო პროდუქტი შესაძლოა ზარალიანი აღმოჩნდეს ბანკისთვის ან/და საფრთხე შეუქმნას ბანკის ფინანსურ სტაბილურობას; გ) ადგილი ექნება სხვა პროცესებს, რომელთაც შესაძლოა გამოიწვიონ საკრედიტო ბაზარზე კრედიტით სარგებლობისთვის დაწესებული საპროცენტო სარგებლის (განაკვეთების) ცვლილება; დ) განხორციელდება იმგვარი საკანონმდებლო და/ან სხვა სახის ცვლილება, რომელიც აუარესებს ბანკის მდგომარეობას, ბანკი უფლებამოსილი იქნება ხელშეკრულების მოქმედების ნებისმიერ ეტაპზე ცალმხრივად შეცვალოს (გაზარდოს) საპროცენტო განაკვეთი. წინამდებარე პუნქტით გათვალისწინებული ბანკის უფლებამოსილება ცალმხრივად შეცვალოს (გაზარდოს) საკრედიტო პროდუქტის საპროცენტო განაკვეთი, ძალაში შევა მხოლოდ, საბაზრო საპროცენტო განაკვეთის 5%-ზე მეტით ცვლილების შემთხვევაში.

4.3.1 ამგვარი ცვლილების შესახებ, ბანკი კლიენტის ინფორმირებას უზრუნველყოფს ცვლილებამდე 2 (ორი) თვით ადრე კლიენტისთვის მოკლე ტექსტური შეტყობინების გაგზავნით, გარდა იმ შემთხვევისა, როდესაც საპროცენტო განაკვეთის ზრდა გამოწვეული იქნება, xxxxxxxx მიერ ნაკისრი ვალდებულების ან/და საკრედიტო პროდუქტის რომელიმე პირობის დარღვევის საფუძვლით. ამასთან, წინასწარი შეტყობინების ვალდებულება არ არსებობს, თუ პირობის ცვლილება ხორციელდება კლიენტის სასარგებლოდ;

4.3.2 იმ შემთხვევაში, თუ კლიენტი არ ეთანხმება ამგვარ ცვლილებას, იგი ვალდებული იქნება ზემოხსენებულ ვადაში სრულად დაფაროს ბანკის მიერ მისთვის მიცემული ყველა საკრედიტო პროდუქტი. წინააღმდეგ შემთხვევაში, კლიენტი ვალდებული იქნება საპროცენტო სარგებელი გადაიხადოს გაზრდილი საპროცენტო განაკვეთის მიხედვით.

4.4 ბანკი უფლებამოსილია, ხელშეკრულების მოქმედების ნებისმიერ ეტაპზე, ცალმხრივად განაახლოს და/ან შეცვალოს (გაზარდოს/შეამციროს) წინამდებარე ხელშეკრულებით გათვალისწინებული საკრედიტო პროდუქტის (კრედიტის/ოვერდრაფტის) ლიმიტი.

4.5 ბანკს უფლება ექნება შეწყვიტოს კლიენტთან არსებული საკრედიტო ურთიერთობა ან/და ნებისმიერი, რამდენიმე ან ყველა დამატებითი ხელშეკრულების მოქმედება ან/და მოსთხოვოს კლიენტს კრედიტის ძირითადი თანხის დაბრუნება მისთვის დარიცხულ საპროცენტო სარგებელთან და პირგასამტეხლოსთან ერთად (ასეთის არსებობის შემთხვევაში) და ამ მიზნით, საკუთარი მოთხოვნა დაიკმაყოფილოს კლიენტის ნებისმიერი აქტივის რეალიზაციის ხარჯზე და/ან კლიენტის საბანკო ანგარიშების დაყადაღებით/კლიენტის საბანკო ანგარიშ(ებ)ზე განთავსებული თანხ(ებ)ის ცალმხრივად განკარგვით, თუ კლიენტი დაარღვევს წინამდებარე და/ან ძირითადი ხელშეკრულებით გათვალისწინებულ ნებისმიერ პირობას/ნაკისრ ვალდებულებას და/ან დადგება ძირითადი ხელშეკრულებ(ებ)ით გათვალისწინებული ხელშეკრულების შეწყვეტის ნებისმიერი და/ან რომელიმე პირობა.

4.6 ბანკის მომსახურებით უკმაყოფილების შემთხვევაში, კლიენტს (მომხმარებელს) უფლება აქვს ბანკს მიმართოს პრეტენზიით ზეპირი, წერილობითი (რომლის სტანდარტული ფორმის მიღება შესაძლებელია ბანკის ფილიალებსა და სერვისცენტრებში, ასევე ბანკის ინტერნეტ-გვერდზე xxx.xxxxxxx.xx) ან ელექტრონული ფორმით. კლიენტის პრეტენზიის განხილვის მაქსიმალური ვადაა 1 (ერთი) თვე სათანადო ფორმით შედგენილი პრეტენზიის ბანკის მიერ მიღების მომენტიდან. პრეტენზიას განიხილავს სს „თიბისი ბანკის“ მომხმარებელთა მხარდაჭერის განყოფილების პრეტენზიების მართვის ჯგუფი. პრეტენზიასთან დაკავშირებით მიღებული გადაწყვეტილების შესახებ კლიენტს ეცნობება წერილობით ან/და კომუნიკაციის სხვა საშუალებით (ელექტრონული, ციფრული, სატელეფონო ან სხვა). პრეტენზიის განხილვის პროცედურასთან დაკავშირებული ინფორმაციის მიღება შესაძლებელია ბანკის ინტერნეტ-გვერდზე xxx.xxxxxxx.xx და ტელეფონის ნომერზე: 032 2 272727.

4.7 ბანკს უფლება აქვს შეტყობინებისთვის გამოიყენოს კომუნიკაციის ნებისმიერი საშუალება (მათ შორის ელექტრონული, ციფრული და სხვა).

4.8 იმ შემთხვევაში, თუ კლიენტს ერთდროულად უწევს რამდენიმე ვალდებულების შესრულება (რამდენიმე კრედიტის ერთდროულად (ერთ თარიღში) დაფარვა), იგი უფლებამოსილია, ყოველი ასეთი შემთხვევის დადგომისას (ყოველ ჯერზე), ვალდებულების დაფარვამდე მიმართოს განცხადებით ბანკის ნებისმიერ ფილიალს / სერვისცენტრს და მოითხოვოს ვალდებულებების შესრულება (სესხის დაფარვა) მისთვის სასურველი თანმიმდევრობით (პრიორიტეტულობით). ხოლო, თუ კლიენტი არ გამოიყენებს წინამდებარე პუნქტით მისთვის მინიჭებულ უფლებამოსილებას, ბანკი მოახდენს ვალდებულებების დაფარვას შემდეგი პრიორიტეტულობით: პირველ რიგში დაიფარება საკრედიტო ბარათებთან / ოვერდრაფტებთან დაკავშირებული გადასახდელები, შემდგომ დაიფარება არაუზრუნველყოფილი კრედიტ(ებ)ი და ბოლოს უზრუნველყოფილი კრედიტ(ებ)ი. ამავდროულად, ბანკი იტოვებს უფლებამოსილებას, ყოველ კონკრეტული შემთხვევეისას, ცალმხრივად შეცვალოს წინამდებარე პუნქტით გათვალისწინებული კლიენტის ვალდებულებათა შესრულების რიგითობა (პრიორიტეტულობა).

4.9 ბანკი უფლებამოსილია ნებისმიერ დროს მოსთხოვოს მსესხებელს ოვერდრაფტის თანხის სრულად დაბრუნება (დაფარვა) დაუყოვნებლივ, ან xxxxxx მიერ განსაზღვრულ ვადაში.

4.10 მხარეები თანხმდებიან, რომ ამ ხელშეკრულებიდან (შეთანხმებიდან) გამომდინარე ან მასთან დაკავშირებული ნებისმიერი დავა, განსახილველად და საბოლოოდ გადასაწყვეტად გადაეცემა სასამართლოს, თუ დავის საგნის ჯამური (საერთო) ღირებულება ნაკლებია 7 000 (შვიდი ათასი) ლარზე ან ეკვივალენტზე უცხოურ ვალუტაში (სარჩელის წარდგენის თარიღისათვის საქართველოს ეროვნული ბანკის მიერ დადგენილი ოფიციალური გაცვლითი კურსის შესაბამისად). მხარეები თანხმდებიან, რომ საქართველოს სამოქალაქო საპროცესო კოდექსის 268–ე მუხლის 1f ნაწილის შესაბამისად, ამ ხელშეკრულებიდან (შეთანხმებიდან) გამომდინარე დავასთან დაკავშირებული ბანკის სარჩელის დაკმაყოფილების შემთხვევაში, პირველი ინსტანციის სასამართლოს მიერ მიღებული გადაწყვეტილება, მიქცეულ იქნეს დაუყოვნებლივ აღსასრულებლად.

4.11 მხარეები თანხმდებიან, რომ ამ ხელშეკრულებიდან (შეთანხმებიდან) გამომდინარე ან მასთან დაკავშირებული ნებისმიერი დავა, განსახილველად და საბოლოოდ გადასაწყვეტად გადაეცემა არბიტრაჟს, თუ დავის საგნის ჯამური (საერთო) ღირებულება მეტია 7 000 (შვიდი ათასი) ლარზე ან ეკვივალენტზე უცხოურ ვალუტაში (სარჩელის წარდგენის თარიღისათვის საქართველოს ეროვნული ბანკის მიერ დადგენილი ოფიციალური გაცვლითი კურსის შესაბამისად). არბიტრაჟს დავა განსახილველად და საბოლოოდ გადასაწყვეტად გადაეცემა შემდეგი წესით: 1) 7 000 (შვიდი ათასი) ლარიდან 50 000 (ორმოცდაათი ათასი) ლარამდე (ან ეკვივალენტზე უცხოურ ვალუტაში (სარჩელის წარდგენის თარიღისათვის საქართველოს ეროვნული ბანკის მიერ დადგენილი ოფიციალური გაცვლითი კურსის შესაბამისად)) - მუდმივმოქმედ არბიტრაჟს “მორავი” (საიდენტიფიკაციო კოდი: 404379347); 2) 50 000 (ორმოცდაათი ათასი) ლარს (ან ეკვივალენტს უცხოურ ვალუტაში (სარჩელის წარდგენის თარიღისათვის საქართველოს ეროვნული ბანკის მიერ დადგენილი

ოფიციალური გაცვლითი კურსის შესაბამისად)) ზემოთ - მუდმივმოქმედ არბიტრაჟს „თბილისის საარბიტრაჟო ინსტიტუტი“ (საიდენტიფიკაციო კოდი: 205273005). იმ შემთხვევაში, თუ საარბიტრაჟო სარჩელის (პრეტენზიის) წარდგენის მომენტში, ზემოხსენებულ არბიტრაჟთაგან რომელიმე იქნება ლიკვიდირებული ან მას შეჩერებული/შეწყვეტილი ექნება ფუნქციონირება, დავა განსახილველად და საბოლოოდ გადასაწყვეტად გადაეცემა სასამართლოს. იმ შემთხვევაში, თუ მხარეთა შორის დადებული ხელშეკრულებებით/შეთანხმებებით საარბიტრაჟო დათქმა სხვადასხვაგვარად რეგულირდება, დავის შემთხვევაში, გამოიყენება მხარეთა შორის დადებული უახლესი ხელშეკრულებით/შეთანხმებით გათვალისწინებული საარბიტრაჟო დათქმა.

4.12 იმ შემთხვევაში, თუ წინამდებარე ხელშეკრულების, ან მის საფუძველზე გაფორმებული ნებისმიერი ხელშეკრულების დადების ადგილია დასავლეთ საქართველოს (აჭარის ავტონომიური რესპუბლიკის ტერიტორია, გურია, იმერეთი, რაჭა- ლეჩხუმი და ქვემო სვანეთი, სამეგრელო, ზემო სვანეთი, აფხაზეთის ავტონომიური რესპუბლიკა) ტერიტორია, მხარეები თანხმდებიან, რომ ამ ხელშეკრულებიდან (შეთანხმებიდან), გამომდინარე ან მასთან დაკავშირებული ნებისმიერი დავა, განსახილველად და საბოლოოდ გადასაწყვეტად გადაეცემა მუდმივმოქმედ არბიტრაჟს - შპს „არბიტრაჟის სახლს“ (საიდენტიფიკაციო კოდი: 411322359), თუ დავის საგნის ჯამური (საერთო) ღირებულება მეტია 7 000 (შვიდი ათასი) ლარზე ან მის ეკვივალენტზე უცხოურ ვალუტაში (სარჩელის წარდგენის თარიღისათვის საქართველოს ეროვნული ბანკის მიერ დადგენილი ოფიციალური გაცვლითი კურსის შესაბამისად). ამასთან, მხარეთა შეთანხმებით, დავის განხილვის ადგილია ქუთაისი. იმ შემთხვევაში, თუ საარბიტრაჟო სარჩელის (პრეტენზიის) წარდგენის მომენტში, ზემოხსენებული არბიტრაჟი იქნება ლიკვიდირებული ან მას შეჩერებული/შეწყვეტილი ექნება ფუნქციონირება, დავა განსახილველად და საბოლოოდ გადასაწყვეტად გადაეცემა სასამართლოს. იმ შემთხვევაში, თუ მხარეთა შორის დადებული ხელშეკრულებებით/შეთანხმებებით საარბიტრაჟო დათქმა სხვადასხვაგვარად რეგულირდება, დავის შემთხვევაში, გამოიყენება მხარეთა შორის დადებული უახლესი ხელშეკრულებით/შეთანხმებით გათვალისწინებული საარბიტრაჟო დათქმა.

4.13 მხარეები თანხმდებიან და ადგენენ საარბიტრაჟო წარმოების წესებს და პროცედურებს ქვემოთ მოყვანილი პირობების (საარბიტრაჟო დათქმა–შეთანხმება) შესაბამისად. საარბიტრაჟო წარმოების წესები და პროცედურები განისაზღვრება მუდმივმოქმედი საარბიტრაჟო დაწესებულების დებულების შესაბამისად, თუ წინამდებარე შეთანხმებით სხვა წესები და პროცედურები არ არის განსაზღვრული ან წინამდებარე შეთანხმება არ ადგენს მუდმივმოქმედი საარბიტრაჟო დაწესებულების დებულებისაგან განსხვავებულ ან/და დამატებით წესებს და პროცედურებს. ამასთან გამოიყენება მუდმივმოქმედი საარბიტრაჟო დაწესებულების დებულების ის რედაქცია, რომელიც მოქმედებს საარბიტრაჟო სარჩელის მიღების თარიღისათვის. საარბიტრაჟო დავ(ებ)ის განხილვის ადგილი არის ქალაქი თბილისი, არბიტრაჟი დავას გადაწყვეტს საქართველოს კანომდებლობით მოქმედი სამართლის ნორმების შესაბამისად და საარბიტრაჟო განხილვა წარმოებს ქართულ ენაზე. მუდმივმოქმედი საარბიტრაჟო დაწესებულება დავას განიხილავს ერთი არბიტრის შემადგენლობით. თუ დავის საგნის ღირებულება არ აღემატება 30 000 (ოცდაათი ათასი) ლარს ან მის ეკვივალენტს საარბიტრაჟო სარჩელის წარდგენის თარიღისათვის საქართველოს ეროვნული ბანკის მიერ დადგენილი ოფიციალური გაცვლითი კურსის შესაბამისად უცხოურ ვალუტაში, არბიტრაჟი დავას განიხილავს მხარეთა ზეპირი მოსმენის გარეშე (საარბიტრაჟო განხილვის ფორმა), მუდმივმოქმედი საარბიტრაჟო დაწესებულების დებულების შესაბამისად. საარბიტრაჟო განხილვის დაწყებამდე ან განხილვის ნებისმიერ სტადიაზე, საბოლოო საარბიტრაჟო გადაწყვეტილების გამოტანამდე, მხარეს შეუძლია შუამდგომლობით მიმართოს მუდმივმოქმედ საარბიტრაჟო დაწესებულებას, ხოლო არბიტრაჟის ფორმირების შემდეგ – არბიტრაჟს, საარბიტრაჟო სარჩელის უზრუნველყოფის ღონისძიებების გამოყენების შესახებ. მუდმივმოქმედი საარბიტრაჟო დაწესებულების (ან არბიტრაჟის) მიერ გამოყენებულ საარბიტრაჟო სარჩელის უზრუნველყოფის ღონისძიებებს აქვთ სავალდებულო ძალა და იგი უნდა აღსრულდეს არბიტრაჟის მიერ გაცემული სააღსრულებო ფურცლის საფუძველზე. მხარეები თანხმდებიან, რომ საარბიტრაჟო სარჩელის უზრუნველყოფის ღონისძიება(ებ)ს აქვს (აქვთ) სავალდებულო იურიდიული ძალა მხარის მიერ მის ცნობისა და აღსრულებისათვის სასამართლოსათვის მიმართვის გარეშე. თუ მუდმივმოქმედი საარბიტრაჟო დაწესებულების დებულებით ან/და კანონმდებლობით არ არის განსაზღვრული, არბიტრაჟის გადაწყვეტილების გამოტანასთან დაკავშირებული პროცედურული საკითხების გადაწყვეტის უფლებამოსიელბა ენიჭება საარბიტრაჟო სასამართლოს თავმჯდომარეს. საარბიტრაჟო გადაწყვეტილება ძალაში შედის მისი გამოტანის მომენტიდან და არ არის აუცილებელი შეიცავდეს სამოტივაციო ნაწილს.

4.14 მხარეები თანხმდებიან, რომ კომუნიკაცია მათსა და სასამართლოს ან/და მათსა და საარბიტრაჟო დაწესებულებას ან/და მათსა და არბიტრებს შორის წარმოებს წერილობით, მათ შორის ელექტრონული ფოსტის საშუალებით (ელექტრონული ფორმით). მხარეები თანხმდებიან, რომ ხელშეკრულებიდან გამომდინარე ნებისმიერი ოფიციალური შეტყობინება, მათ შორის ხელშეკრულებაზე უარის თქმის, ხელშეკრულების მოშლის, ხელშეკრულების შეწყვეტის ან/და ვალდებულების შესრულებისათვის დამატებითი ვადის განსაზღვრის, აგრეთვე საპროცენტო განაკვეთის ბანკის მიერ ცალმხრივად გაზრდის შესახებ განხორცილებულად ჩაითვლება, თუ მხარეს ჩაბარდება წერილობით, მათ შორის ელექტრონული ფორმით წინამდებარე ხელშეკრულების ფარგლებში გაფორმებული ხელშეკრულების რეკვიზიტების ნაწილში განსაზღვრულ ელექტრონული ფოსტის მისამართზე. კლიენტი აცხადებს თანხმობას, რომ სასამართლომ ან არბიტრაჟმა (xxxxxxxx) მისი დაბარება, მისთვის უწყების ჩაბარება, მისთვის სასამართლო ან საარბიტრაჟო საქმისწარმოების დოკუმენტაციების გადაცემა,

მისთვის გადაწყვეტილების (განჩინების) / საარბიტრაჟო გადაწყვეტილების ჩაბარება განახორციელოს წერილობით, მათ შორის ელექტრონული ფოსტის საშუალებით წინამდებარე ხელშეკრულების ფარგლებში გაფორმებული ხელშეკრულების რეკვიზიტების ნაწილში განსაზღვრულ ელექტრონული ფოსტის მისამართზე. თუ მხარეს შეტყობინება ეგზავნება ელექტრონული ფორმით წინამდებარე ხელშეკრულების ფარგლებში გაფორმებული ხელშეკრულების რეკვიზიტების ნაწილში მითითებულ ელექტრონულ ფოსტის მისამართზე, მიღება (მხარისათვის ჩაბარება) უნდა დადასტურდეს შესაბამისი ტექნიკური საშუალების ამონაწერით ან/და შესაბამისი ტექნიკური საშუალებით მოწოდებული დადასტურებით. კლიენტი აცხადებს თანხმობას, რომ წინამდებარე ხელშეკრულების ფარგლებში გაფორმებული ხელშეკრულების რეკვიზიტების ნაწილში განსაზღვრულ ელექტრონული ფოსტის მისამართზე ელექტრონული ფოსტის საშუალებით განთავსებული შეტყობინება (თუ მიღება (მხარისათვის ჩაბარება) დასტურდება შესაბამისი ტექნიკური საშუალების ამონაწერით ან/და შესაბამისი ტექნიკური საშუალებით მოწოდებული დადასტურებით) მისთვის ჩაბარებულად ითვლება.

4.15 ეს ხელშეკრულება შედგენილია თანაბარი იურიდიული ძალის მქონე 2 (ორ) იდენტურ ეგზემპლარად, რომელთაგან ერთი რჩება ბანკს, ერთი გადაეცემა კლიენტს.

ინფორმაცია მხარეთა შესახებ

xxxxx

xxxxxxx/მსესხებელი

სს “თიბისი ბანკი“

საიდენტიფიკაციო ნომერი: 204854595

პირადი ნომერი:

მისამართი: თბილისი, კ. xxxxxxxxxxxxx ქ. #7

მისამართი:

xxxxxxxxx ნომერი: +99532 2272727

ტელეფონის ნომერი:

საზედამხედველო ორგანო: „საქართველოს ეროვნული ბანკი“ (მის. თბილისი, სანაპიროს ქუჩა № 2

ელ. ფოსტა:

___

_

_

_

_

_

_

_

_

_

_

__

___

_

_

_

_

_

_

_

_

_

_

__

ფაქსიმილე (ხელმოწერის ნიმუში)

ფაქსიმილე (ხელმოწერის ნიმუში)

___

_

_

_

_

_

_

_

_

_

_

__

___

_

_

_

_

_

_

_

_

_

_

__

(სახელი და გვარი სრულად და გარკვევით)

(სახელი და გვარი სრულად და გარკვევით)