განცხადებები და გარანტიები - ვადიანი ანაბრის ხელშეკრულების დანართი N1-ის მე-2 მუხლში მოცემული მეანაბრის განცხადებები და გარანტიები. დამატებითი პირობები - ვადიანი ანაბრის ხელშეკრულების დანართი N2-ით (ასეთის არსებობის შემთხვევაში) განსაზღვრული პირობები,...

TDA - ვადიანი ანაბრის ხელშეკრულების დანართი N1

ვადიანი ანაბრის ხელშეკრულების

სტანდარტული პირობები

1. დეფინიციები

თუ ხელშეკრულებით სხვა რამ არ არის განსაზღვრული, ან მისი კონტექსტიდან სხვა რამ არ გამომდინარეობს ხელშეკრულებაში შემდეგ ტერმინებსა და გამოთქმებს ექნებათ შემდეგი მნიშვნელობები:

1. ანგარიში - ბანკში არსებული მეანაბრის საბანკო ანგარიშ(ებ)ი, მათ შორის, ერთმნიშვნელოვნად საანაბრე ანგარიში ან/და მომსახურე ანგარიში კონტექსტის შესაბამისად.

2. განცხადებები და გარანტიები - ვადიანი ანაბრის ხელშეკრულების დანართი N1-ის მე-2 მუხლში მოცემული მეანაბრის განცხადებები და გარანტიები.

3. დამატებითი პირობები - ვადიანი ანაბრის ხელშეკრულების დანართი N2-ით (ასეთის არსებობის შემთხვევაში) განსაზღვრული პირობები, მასში შეტანილი დამატებებისა და ცვლილებების ჩათვლით.

4. დანართი - თუ ცალსახად სხვაგვარად არ იქნა გათვალისწინებული ხელშეკრულებით, ხელშეკრულების დანართ(ებ)ი (კონტექსტის შესაბამისად), რომელიც/რომლებიც წარმოადგენს ხელშეკრულების განუყოფელ ნაწილს და მოქმედებს მასთან ერთად.

5. xxxxxxx xxxxxxx (ან ვადიანი დეპოზიტი ან ანაბარი) - ხელშეკრულების შესაბამისად და პირობებით ბანკისთვის გადახდის/დაბრუნების წინასწარ შეთანხმებული ვადით გადაცემული ფულადი სახსრები.

6. xxxxxxx xxxxxxx ხელშეკრულება (ან ვადიანი დეპოზიტის ხელშეკრულება) - ბანკსა და მეანაბრეს შორის გაფორმებული წინამდებარე ხელშეკრულება, რომლითაც განისაზღვრება ვადიანი ანაბრით სარგებლობის კონკრეტული პირობები.

7. კანონმდებლობა - საქართველოს მოქმედი საკანონმდებლო და კანონქვემდებარე ნორმატიული აქტები და საქართველოს ნორმატიულ აქტთა სისტემაში მოქცეული საერთაშორისო ხელშეკრულებები და შეთანხმებები.

8. მეანაბრე (ან დეპოზიტორი) - ფიზიკური პირ(ებ)ი, იურიდიული პირ(ებ)ი ან/და სხვა ორგანიზაციული წარმონაქმნ(ებ)ი, რომლის/რომელთა სახელი/სახელწოდება, საიდენტიფიკაციო მონაცემები და სხვა სახის ინფორმაცია მოცემულია ვადიანის ანაბრის ხელშეკრულების 1.2. პუნქტში.

9. მესამე პირი - ნებისმიერი პირი გარდა მეანაბრისა ან/და ბანკისა.

10. მომსახურე ანგარიში - ანგარიში, რომელიც გამოიყენება ვადიან ანაბართან დაკავშირებული საბანკო ოპერაციების საწარმოებლად.

11. მხარე/მხარეები - მეანაბრე ან/და ბანკი, კონტექსტის შესაბამისად.

12. პირი - ფიზიკური პირ(ებ)ი, იურიდიული პირ(ებ)ი ან/და საქართველოს ან სხვა ქვეყნის კანონმდებლობით გათვალისწინებული სხვა ორგანიზაციული წარმონაქმნ(ებ)ი, რომელიც/რომლებიც არ წარმოადგენს/წარმოადგენენ იურიდიულ პირ(ებ)ს.

13. საანაბრე ანგარიში (ან სადეპოზიტო ანგარიში) - ანგარიში, რომელზეც აღირიცხება მეანაბრის მიერ ბანკისთვის გადაცემული ფულადი სახსრები.

14. საბანკო დღე - დღე (შაბათის, კვირის ან კანონმდებლობით განსაზღვრული ოფიციალური დასვენების დღეების გარდა), როდესაც საქართველოში მოქმედი კომერციული ბანკები ღიაა და წარმართავენ თავიანთ ჩვეულებრივ საქმიანობას.

15. საბანკო მომსახურების პირობები - ბანკის მიერ დადგენილი საბანკო ანგარიშით და მასთან დაკავშირებული საბანკო პროდუქტებით სარგებლობის სტანდარტული პირობები.

16. საკომისიო - ხელშეკრულების ფარგლებში და მათ შესაბამისად, ბანკის მიერ ვადიანი ანაბრით სარგებლობისათვის მეანაბრისათვის დაწესებული გადასახადი.

17. საპროცენტო სარგებელი - ხელშეკრულების საფუძველზე და მისი პირობების შესაბამისად ვადიანი ანაბრით სარგებლობისათვის დაწესებული მეანაბრისათვის გადასახდელი სარგებელი.

18. შვილობილი კომპანია - პირთან მიმართებაში, ნებისმიერი სხვა კომპანია, რომლის წილის, აქციების ან/და ხმების არანაკლებ 50%-ს (ორმოცდაათ პროცენტს) პირდაპირ ან არაპირდაპირ ფლობს, ან რომელსაც სხვაგვარად მართავს აღნიშნული პირი.

19. ხელშეკრულება - მხარეთა შორის დადებული: ა) ვადიანი ანაბრის ხელშეკრულება; ბ) ვადიანი ანაბრის ხელშეკრულების დანართი N1 (სტანდარტული პირობები); გ) ვადიანი ანაბრის ხელშეკრულების დანართი N2 (დამატებითი პირობები), ასეთის არსებობის შემთხვევაში; და დ) ნებისმიერი დამატებითი დანართი (ასეთის არსებობის შემთხვევაში), რომელიც დაიდება მომავალში მეანაბრის ვადიანი ანაბრით სარგებლობასთან მიმართებაში, მათში პერიოდულად შეტანილი ცვლილებების და დამატებების ჩათვლით.

2. განცხადებები და გარანტიები

   1. მეანაბრე აცხადებს და იძლევა გარანტიას, რომ:

      1. ხელშეკრულების დადების/ხელმოწერისა და შესრულებისათვის საჭირო უფლებამოსილების მიზნით მის მიერ მოპოვებულია ყველა აუცილებელი თანხმობა, ნებართვა თუ მინდობილობა;

      2. ხელშეკრულების დანართის დადების/ხელმოწერისა და შესრულებისათვის საჭირო უფლებამოსილების მიზნით მის მიერ მოპოვებული იქნება ყველა აუცილებელი თანხმობა, ნებართვა თუ მინდობილობა;

      3. ხელშეკრულება იდება/დაიდება მის მიერ ნებაყოფლობით, მეორე მხარის ან სხვა მესამე პირთა მხრიდან მის მიმართ ძალადობის, მუქარის, მოტყუების, შეცდომის ან/და რაიმე სხვა გარემოების გამოყენების გარეშე;

      4. ხელშეკრულების დადება და შესრულება არ იწვევს/გამოიწვევს იმ სახელშეკრულებო, სასამართლო (მათ შორის, საარბიტრაჟო სასამართლო), საკანონმდებლო ან/და სხვა ვალდებულებების დარღვევას, რომელთა დაცვაზეც ის პასუხისმგებელია;

      5. ბანკის წერილობითი ან ზეპირი მოთხოვნით განსაზღვრულ გონივრულ ვადაში, ბანკისათვის მისაღები ფორმით მიაწვდის ბანკს ნებისმიერ დოკუმენტს ან/და ინფორმაციას, რომელიც: ა) აუცილებელია ბანკის მიერ კანონმდებლობის მოთხოვნათა დასაცავად და შესასრულებლად, ბ) გათვალისწინებულია ხელშეკრულებით ან/და გ) მოთხოვნილია ბანკის მიერ გონივრულობის ფარგლებში.

      6. ნებისმიერი ზემოაღნიშნული დებულების დარღვევა გამოიწვევს ვადიანი ანაბრით სარგებლობის უფლების შეწყვეტას ან/და ხელშეკრულების შეწყვეტას..

   2. მეანაბრის აღნიშნული განცხადებები და გარანტიები ძალაშია მხარეთა მიერ ხელშეკრულების საფუძველზე ნაკისრი ვალდებულებების სრულად და ჯეროვნად შესრულებამდე, მიუხედავად ხელშეკრულების შეწყვეტისა.

   3. მეანაბრე დაუყოვნებლივ წერილობით აცნობებს ბანკს ყველა იმ გარემოებ(ებ)ის შესახებ, რომელიც შეიძლება წინააღმდეგობაში მოვიდეს მის აღნიშნულ განცხადებებთან ან/და გამოიწვიოს აღნიშნული გარანტიების დარღვევა; ასევე, ნებისმიერი ისეთი გარემოების დაწყების ან დადგომის შესახებ, რითაც საფრთხე შეექმნება მეანაბრის აქტივებს/ქონებას ან/და მის მიერ ხელშეკრულებით ნაკისრი ვალდებულებების სრულ და ჯეროვან შესრულებას.

   4. მხარეები აცხადებენ და აცნობიერებენ, რომ ბანკი მხოლოდ მეანაბრის ზემოაღნიშნული განცხადებების და გარანტიების საფუძველზე და მათზე დაყრდნობით დებს/დადებს და შეასრულებს ხელშეკრულებას.

3. ვადიანი ანაბრით სარგებლობის პირობები, პროცედურები და წესები

   1. ვადიანი ანაბრით სარგებლობის ზოგადი პირობები

      1. ბანკი უფლებამოსილია მეანაბრის მიერ საანაბრე ანგარიშზე შენატანის ფაქტობრივ განხორციელებამდე ყოველგვარი დასაბუთების გარეშე დააწესოს დამატებითი პირობები ვადიანი ანაბრით სარგებლობასთან დაკავშირებით ან/და უარი განუცხადოს მეანაბრეს ვადიანი ანაბრის სარგებლობაზე, მათ შორის, იმ შემთხვევაშიც, თუ დარღვეულია ხელშეკრულებით ან/და ბანკთან გაფორმებული სხვა ნებისმიერი ხელშეკრულებ(ებ)ით დადგენილი პირობები და მოთხოვნები, ან/და მეანაბრის მიერ არ ხდება ვადიანი ანაბრით სარგებლობა ვადიანი ანაბრის ხელშეკრულების გაფორმებიდან 10 (ათი) კალენდარული დღის ვადაში თუ ხელშეკრულებით სხვა რამ არ იქნა გათვალისწინებული;

      2. ვადიანი ანაბრის კონკრეტული პირობები (შემდგომში - კონკრეტული პირობები) ცვალებადია და განისაზღვრება ბანკის მიერ ცალმხრივად. ვადიანი ანაბრის ხელშეკრულების მე-3 მუხლით განისაზღვრება ვადიანი ანაბრის ხელშეკრულების დადების მომენტისათვის ბანკის მიერ დადგენილი ვადიანი ანაბრით სარგებლობის ძირითადი კონკრეტული პირობები, ხოლო ვადიანი ანაბრით სარგებლობის სხვა კონკრეტულ პირობები ხელმისაწვდომია ბანკის სერვის ცენტრებში ან/და სხვა მომსახურების წერტილებში, მათ შორის ბანკის ვებ-გვერდზე;

      3. თუ ხელშეკრულებით სხვა რამ არ არის განსაზღვრული, ბანკი სხვა გადაწყვეტილებას არ მიიღებს ან მხარეები სხვა რამეზე არ შეთანხმდებიან:

         1. ერთი ვადიანი ანაბრით სარგებლობის უფლება ენიჭება ერთ მეანაბრეს;

         2. ვადიანი ანაბრით სარგებლობისთვის საკომისიო განსაზღვრული არ არის;

         3. xxxxxxx xxxxxxx და მასზე დარიცხული საპროცენტო სარგებლის ვადამდე გაცემა ან გატანა დაუშვებელია. მიუხედავად აღნიშნული დათქმისა, თუ ვადიანი ანაბრის ან/და მასზე დარიცხული საპროცენტო სარგებლის ვადამდე გატანა განხორციელდება ბანკის თანხმობის/ნებელობის გარეშე, ვადიან ანაბარზე დარიცხული საპროცენტო სარგებელი ანულირდება/უქმდება ან/და ვადიანი ანაბრის ხელშეკრულებით განსაზღვრული მოცულობით მცირდება საპროცენტო სარგებელი ან/და ბანკი უფლებამოსილია გამოიყენოს ხელშეკრულებით გათვალისწინებული ან/და კანონმდებლობით დადგენილი უფლებები;

         4. ვადიანი ანაბრის გატანის მოთხოვნიდან ან/და ხელშეკრულების შეწყვეტიდან 5 (ხუთი) საბანკო დღის ვადაში ვადიანი ანაბარი და მასზე დარიცხული საპროცენტო სარგებელი უნდა აისახოს საანაბრე ანგარიშზე ან მომსახურე ანგარიშზე;

         5. ხელშეკრულების სრულად შეწყვეტით ან ვადიანი ანაბრის გატანის მოთხოვნის საფუძველზე ვადიანი ანაბრის გატანით საანაბრე ანგარიში იხურება.

      4. ვადიანი ანაბრით სარგებლობისათვის:

         1. ბანკის შეხედულებისამებრ და ცალმხრივი გადაწყვეტილებით: ა) საანაბრე ანგარიშად ან/და მომსახურე ანგარიშად შეიძლება გამოყენებულ იქნეს მეანაბრის ნებისმიერი ანგარიში ან/და ბ) მეანაბრეს ეხსნება საანაბრე ანგარიში ან/და მომსახურე ანგარიში, აღნიშნული მიზნით კი მხარეები თანხმდებიან, რომ ხელშეკრულება იმავდროულად ინდივიდუალურად და ერთობლივად წარმოადგენს საანაბრე ანგარიშის ან/და მომსახურე ანგარიშის გახსნის/სარგებლობის შესახებ განაცხადს;

         2. საანაბრე ანგარიშით და მომსახურე ანგარიშით სარგებლობის ურთიერთობებზე ვრცელდება წინამდებარე სტანდარტული პირობები და საბანკო მომსახურების პირობები (რომლებიც არ ეწინააღმდება ან/და არ არის გათვალისწინებული ხელშეკრულებით მეანაბრის შესაბამისი სამართლებრივი სტატუსიდან (ფიზიკური პირი, იურიდიული პირი ან სხვა ორგანიზაციული წარმონაქმნი) გამომდინარე.

      5. საანაბრე ანგარიშზე ვადიანი ანაბრის განთავსებით ბანკი მოიპოვებს მასზე საკუთრების უფლებას და იღებს ვალდებულებას, ხელშეკრულებით დადგენილი წესითა და პირობებით: ა) ვადიან ანაბარს დაარიცხოს საპროცენტო სარგებელი და ბ) დააბრუნოს იგი იმავე ვალუტაში.

   2. საპროცენტო სარგებელი, საკომისიო და მათი დაანგარიშების, დარიცხვის, გაცემის და განკარგვის წესი

      1. xxxxxxx xxxxxxx ხელშეკრულების დადების მომენტისათვის ბანკში მოქმედი საპროცენტო სარგებლის და საკომისიოს მოცულობა განისაზღვრება ვადიანი ანაბრის ხელშეკრულებით;

      2. საპროცენტო სარგებლის დარიცხვა უნდა განხორციელდეს იმავე ვალუტაში რა ვალუტაშიც გახსნილია ვადიანი ანაბარი. საპროცენტო სარგებლის დარიცხვა იწყება საანაბრე ანგარიშზე ვადიანი ანაბრის განთავსების მეორე საბანკო დღიდან და გრძელდება ვადიანი ანაბრის გატანის დღის ჩათვლით;

      3. საპროცენტო სარგებელი იანგარიშება ვადიანი ანაბრით სარგებლობის ფაქტიური დღეების შესაბამისად, წელიწადში 365 (სამას სამოცდახუთ) დღეზე გაანგარიშებით;

      4. თუ საპროცენტო სარგებლის გაცემის თარიღი ემთხვევა არასაბანკო დღეს, ბანკი საპროცენტო სარგებლის გაცემას უზრუნველყოფს მომდევნო საბანკო დღეს;

      5. საკომისიო იანგარიშება ხელშეკრულებით გათვალისწინებული ფორმითა და პერიოდულობით;

      6. xxxxxxx xxxxxxx ხელშეკრულების დადების მომენტისათვის ბანკში მოქმედი საპროცენტო სარგებლის და საკომისიოს დარიცხვის, გაცემის და განკარგვის სხვა წესები და პირობები განისაზღვრება ვადიანი ანაბრის ხელშეკრულებით.

      7. საპროცენტო სარგებლის და საკომისიოს მოცულობა, დარიცხვის, გაცემის და განკარგვის წესები და პირობები ცვალებადია, განისაზღვრება ბანკის მიერ ცალმხრივად/სტანდარტულად და შეესაბამება მისი/მათი დარიცხვის, გაცემის და განკარგვის მომენტისათვის ბანკის მიერ დადგენილ მოცულობას თუ წესებსა და პირობებს, ხოლო აღნიშნული ცვლილებები/დამატებები: ა) არ საჭიროებს ვადიანი ანაბრის ხელშეკრულებაში წერილობითი ფორმით შეტანას; ბ) ამოქმედდება ბანკის მიერ განსაზღვრული თარიღიდან; გ) მათ თაობაზე გადაწყვეტილების მიღებიდან 30 (ოცდაათი) კალენდარული დღის ვადაში ბანკმა უნდა შეატყობინოს მეანაბრეს ხელშეკრულების დანართი N1-ის მე-5 მუხლით დადგენილი წესით ან/და მასობრივი ინფორმაციის საშუალებებში ან/და ბანკის სერვის ცენტრებში ან/და სხვა მომსახურების წერტილებში, მათ შორის ბანკის ვებ-გვერდზე შესაბამისი განცხადების განთავსებით;

      8. ვადიანი ანაბრით სარგებლობიდან გამომდინარე კანონმდებლობით გათვალისწინებულ გადასახადის გადახდა მოხდება მეანაბრის ხარჯებით და დაკავდება საპროცენტო სარგებლიდან ან/და მეანაბრის ნებისმიერი სხვა სახსრებიდან, მეანაბრის შემდგომი თანხმობის ან/და აქცეპტის გარეშე.

3. საკომისიოს და სხვა გადასახდელების გადახდის წესი

   1. თუ ბანკი სხვაგვარ გადაწყვეტილებას არ მიიღებს ან/და ხელშეკრულებით სხვა რამ არ არის განსაზღვრული საკომისიო და სხვა გადასახდელები გადახდას ექვემდებარება მათი დარიცხვის მომენტიდან.

   2. თუ ვადიანი ანაბრის ხელშეკრულებით გათვალისწინებული საკომისიოს დარიცხვის/გადახდის მომენტში, კანონმდებლობით (მათ შორის საქართველოს ეროვნული ბანკის ინსტრუქციებით) დადგენილია საკომისიოს განაკვეთები, რომელთა მოცულობა უფრო დაბალია, ვიდრე ვადიანი ანაბრის ხელშეკრულებით გათვალისწინებული საკომისიოს განაკვეთები, ასეთ შემთხვევაში მოქმედებს კანონმდებლობით (მათ შორის საქართველოს ეროვნული ბანკის ინსტრუქციებით) დადგენილი საკომისიოს მაქსიმალური განაკვეთი (ამგვარის არსებობის შემთხვევაში).

   3. მეანაბრე ცალსახად და გამოუთხოვადად აცხადებს თანხმობას საკომისიოს და სხვა გადასახდელების გადახდის შემდეგ თანმიმდევრობაზე: პირველ რიგში იფარება საკომისიო (ასეთის არსებობის შემთხვევაში) და შემდეგ სხვა გადასახდელები. აღნიშნული რიგითობა შეიძლება შეიცვალოს ბანკის შეხედულებით.

   4. საკომისიოს და სხვა გადასახდელების გადახდა უნდა განხორციელდეს იმავე ვალუტაში რა ვალუტაშიც გახსნილია ვადიანი ანაბარი, ხოლო აღნიშნული მიზნით თანხის კონვერტაციის აუცილებლობის შემთხვევაში კონვერტაცია უნდა განხორციელდეს მეანაბრის ხარჯზე კონვერტაციის თარიღისათვის ბანკში დაწესებული კომერციული კურსით ან მეანაბრესთან შესაბამისი მიზნობრიობით შეთანხმებული კურსით (ასეთის არსებობის შემთხვევაში).

   5. xxxxxxxxx მიერ გადახდილი ნებისმიერი თანხა ჩაითვლება ჯეროვნად შესრულებულ ვალდებულებად, თუ ისინი გადახდილია ხელშეკრულებით დადგენილ თარიღში, ხოლო თუ ეს თარიღი ემთხვევა უქმე ან დასვენების დღეს, მაშინ გადახდა უნდა განხორციელდეს არაუგვიანეს მომდევნო საბანკო დღისა. ამასთან, თუ ამგვარი მომდევნო საბანკო დღე არის (ემთხვევა) საანგარიშო თვის მომდევნო თვეში, მაშინ გადახდა უნდა განხორციელდეს არაუგვიანეს ვადიანი ანაბრის ხელშეკრულებით გათვალისწინებული გადახდის თარიღის წინა საბანკო დღეს.

4. მხარეთა პასუხისმგებლობა

   1. მხარეები იღებენ ვალდებულებას აუნაზღაურონ ერთმანეთს მათ მიერ ხელშეკრულების შეუსრულებლობის ან არაჯეროვნად შესრულების შედეგად მიყენებული ზიანი (ზარალი) კანონმდებლობით ან/და ხელშეკრულებით დადგენილი წესით.

   2. ამასთან, მეანაბრე პასუხს აგებს ხელშეკრულებით ნაკისრი ვალდებულებების შეუსრულებლობით ან არაჯეროვნად შესრულებით ბანკისათვის მიყენებულ ნებისმიერ ზიანზე (ზარალზე). ზიანის (ზარალის) ანაზღაურება მეანაბრეს არ ათავისუფლებს ხელშეკრულებით ნაკისრი ვალდებულებების შესრულებისაგან (გადახდისაგან).

   3. მიუხედავად ხელშეკრულების დანართი N1-ის 4.1. და 4.2. პუნქტებით განსაზღვრული გარანტიებისა, მეანაბრის მიერ ხელშეკრულებით ნაკისრი ვალდებულებების სრულად და ჯეროვნად შესრულების უზრუნველსაყოფად და შესაბამისად ბანკის უფლებებისა და მოთხოვნების უზრუნველყოფის მიზნით, მეანაბრე აცხადებს წინასწარ თანხმობას ბანკის სრულ უფლებამოსილებაზე:

      1. რამდენიმე ვადამოსული დავალიანების არსებობისას, საკუთარი შეხედულებისამებრ განსაზღვროს შესაბამისი გადასახდელების თანმიმდევრობა და რიგითობა;

      2. ხელშეკრულებით გათვალისწინებული ნებისმიერი ვადამოსული გადასახდელის სრულად და ჯეროვნად დაფარვამდე, მასთან არსებული წესების დაცვით უაქცეპტოდ დაბლოკოს მეანაბრის ნებისმიერი სახის ანგარიში;

      3. მეანაბრის ნებისმიერი სახის ანგარიშიდან უაქცეპტოდ ჩამოწეროს/გამოქვითოს ყველა გადასახდელი, რომელიც გამომდინარეობს ხელშეკრულებიდან, ხოლო თუ გადასახდელი და ანგარიშზე რიცხული თანხა სხვადასხვა ვალუტაშია, ბანკმა თავად განახორციელოს კონვერტაცია გადახდის თარიღისათვის ბანკში მოქმედი კომერციული კურსით ან მეანაბრესთან შეთანხმებული კურსით (ასეთის არსებობის შემთხვევაში), ხოლო კონვერტაციის მომსახურების ღირებულება ასევე უაქცეპტოდ ჩამოწეროს მენაბრის ანგარიშიდან, კონვერტირებული თანხა კი მიმართოს შესაბამისი გადასახდელის დასაფარად.

5. კომუნიკაცია მხარეებს შორის

   1. მხარეებს შორის ნებისმიერი ოფიციალური ურთიერთობა უნდა ატარებდეს წერილობით ფორმას. მხარისათვის გათვალისწინებული წერილობითი შეტყობინება მას შეიძლება მიეწოდოს პირადად ან გაეგზავნოს კურიერის (მათ შორის, საერთაშორისო კურიერის) ან საფოსტო გზავნილის (მათ შორის დაზღვეული წერილის) საშუალებით. ოპერატიულობის მიზნით და ქვემოთ მოცემული დებულებების გათვალისწინებით, დასაშვებია მეორე მხარისათვის შეტყობინების მიწოდება დეპეშის, ტელექსის, ფაქსის, ელექტრონული ფოსტის, მოკლე ტექსტური შეტყობინების, მობილ-ბანკის, ინტერნეტ-ბანკის ან ბანკის მიერ დადგენილი ნებისმიერი სხვა ოპერატიული საშუალებით გაგზავნის გზით, იმ პირობით, რომ მეორე მხარის მოთხოვნის შემთხვევაში, ამგვარი მოთხოვნიდან გონივრულ ვადაში მას წარედგინება შეტყობინება წერილობითი ფორმითაც.

   2. შეტყობინება ჩაბარებულად ითვლება ადრესატის მიერ მისი მიღების დღეს თუ შეტყობინების მიღება დადასტურებულია ადრესატის მიერ (მათ შორის, ელექტრონული დოკუმენტით, ქვითრით, შეტყობინების შესაბამისი სხვა საშუალებით და ა.შ.). თუ შეტყობინების მიღება არ არის დადასტურებული ადრესატის მიერ, ნებისმიერი ასეთი შეტყობინება მიიჩნევა სათანადო წესის შესაბამისად გაგზავნილად და მიღებულად:

      1. კურიერის ან დაზღვეული საფოსტო გზავნილის მეშვეობით წერილობითი შეტყობინების ან დეპეშის გაგზავნის შემთხვევაში – ჩაბარების დადასტურების თარიღის დღეს;

      2. ფაქსის, ელექტრონული ფოსტის, მოკლე ტექსტური შეტყობინების ან/და სხვა ელექტრონული საშუალებით (გარდა მობილ-ბანკის და ინტერნეტ-ბანკისა) გაგზავნის შემთხვევაში – ადრესატის მიერ შესაბამისი შეტყობინების მიღების დადასტურების თარიღიდან, ან შესაბამისი ქმედების განხორციელებით შეტყობინების მიღების დადასტურების თარიღიდან;

      3. მობილ-ბანკის, ინტერნეტ-ბანკის ან/და ბანკის მიერ შეთავაზებული ნებისმიერი სხვა ოპერატიული საშუალებით გაგზავნის შემთხვევაში – გაგზავნის თარიღიდან მეორე სამუშაო დღეს, თუ სხვაგვარად არ იქნა გათვალისწინებული კომუნიკაციის ამგვარი საშუალებების გამოყენებაზე ბანკის მიერ დადგენილი წესებითა და პროცედურებით.

   3. შეტყობინება მიღებულად ითვლება იმ შემთხვევაშიც, თუ შეტყობინების გამგზავნ მხარეს შეტყობინება დაუბრუნდება გაგზავნილ მისამართზე შეტყობინების ადრესატის ადგილსამყოფელის არარსებობის გამო, ადრესატი უარს განაცხადებს შეტყობინების მიღებაზე, ან თავს აარიდებს მის მიღებას.

   4. მხარეები ურთიერთობას განახორციელებენ ხელშეკრულებით განსაზღვრულ მისამართებზე (ან სხვა ნებისმიერ მისამართზე, რომელსაც ერთი მხარე აცნობებს მეორეს წერილობით). მხარე ვალდებულია აღნიშნული მისამართ(ებ)ის ან მათი რომელიმე მონაცემის ცვლილების შესახებ დროულად აცნობოს მეორე მხარეს, წინააღმდეგ შემთხვევაში, მხარის მიერ აღნიშნულ მისამართზე განხორციელებული ურთიერთობა (შეტყობინების გაგზავნა და სხვა) ჩაითვლება ჯეროვნად შესრულებულად.

6. კონფიდენციალურობა

   1. მხარეები ვალდებული არიან ხელშეკრულების მოქმედების პერიოდში დაიცვან მეორე მხარისაგან მიღებული ნებისმიერი სახის ინფორმაციის კონფიდენციალურობა.

   2. კონფიდენციალურობის შესახებ ზემოაღნიშნული შეზღუდვა არ შეეხება ინფორმაციას:

      1. რომელიც კანონმდებლობის დარღვევის გარეშე იყო ცნობილი ინფორმაციის მიმღები მხარისათვის მეორე მხარის მიერ შესაბამისი ინფორმაციის მიწოდებამდე;

      2. რომლის გამჟღავნებაც მოხდება მხარეთა მიერ კანონმდებლობის მოთხოვნათა დაცვით და შესასრულებლად (მათ შორის, რომელიმე მხარის მიერ სასამართლო (მათ შორის, საარბიტრაჟო სასამართლო) წესით მისი უფლებების განსახორციელებლად);

      3. რომლის მოპოვებაც შესაძლებელია სხვა წყაროებიდან;

      4. რომელიც არის, ან გახდება მესამე პირისათვის ხელმისაწვდომი მხარეთა წერილობითი შეთანხმებით, ან მათგან დამოუკიდებლად.

   3. მიუხედავად ხელშეკრულების დანართი N1-ის 6.1. პუნქტით გათვალისწინებული შეზღუდვისა, მეანაბრე ბანკს ანიჭებს უპირობო უფლებას, მეანაბრის დამატებითი წინასწარი ან შემდგომი თანხმობის ან აქცეპტის გარეშე:

      1. მეანაბრის შესახებ ინფორმაცია გადასცეს მის შვილობილ კომპანიას ან სხვა აფილირებულ პირს მეანაბრისათვის სხვადასხვა ტიპის მომსახურების შეთავაზების მიზნით, იმ პირობით და იმის გათვალისწინებით, რომ:

         1. ამგვარი ინფორმაცია შემოიფარგლება მხოლოდ იმ ინფორმაციით, რაც აუცილებელია ამგვარი მომსახურების შესათავაზებლად ან/და ხელშეკრულებით განსაზღვრული მიზნების განსახორციელებლად;

         2. ინფორმაციის მიმღები პირი დაიცავს ზემოაღნიშნულ დებულებებს ინფორმაციის კონფიდენციალობასთან დაკავშირებით.

      2. ძიებების რაოდენობის შეუზღუდავად, მოიძიოს ინფორმაცია მეანაბრის შესახებ სს „კრედიტინფო საქართველოს“ (ს/ნ 204470740) ან ნებისმიერი სხვა მსგავსი ფუნქციის მქონე სუბიექტის, რომელიც შეიძლება ფუნქციონირებდეს ან დაარსდეს საქართველოს ან ნებისმიერი სხვა იურისდიქციის ქვეშ, მონაცემთა ბაზაში და მეანაბრის პოზიტიური ან/და ნეგატიური ვალდებულებების შესახებ ინფორმაცია, ნებისმიერი ცვლილების/დამატების ჩათვლით, გადასცეს სს „კრედიტინფო საქართველოს“ ან ნებისმიერი სხვა მსგავსი ფუნქციის მქონე სუბიექტს (სს „კრედიტინფო საქართველოსთვის“ ნეგატიური ვალდებულებების შესახებ ინფორმაციის გადაცემის დეტალური პირობები განთავსებულია ვებ გვერდზე: xxx.xxxxxxxxxx.xx), რაც იწვევს მეანაბრის აღრიცხვას სს „კრედიტინფო საქართველოს“ ან ნებისმიერი სხვა მსგავსი ფუნქციის მქონე სუბიექტის მონაცემთა ბაზაში, რომლის მიზანია: ა) მეანაბრეზე მონაცემთა შეგროვება, გადამუშავება და გავრცელება, რომელიც დაკავშირებულია მიმდინარე, შესრულებული, შეუსრულებელი, ვადაგადაცილებული საკრედიტო/სასესხო თუ სხვა სახის ფინანსური ვალდებულების სტატუსთან; და ბ) მონაცემთა ბაზაში დაცული ინფორმაციის ანალიტიკური გადამუშავება (მათ შორის პირის კრედიტუნარიანობის/გადახდისუნარიანობის შემოწმების ან/და სხვა კანონიერი მიზნით). მეანაბრისათვის ცნობილია, რომ: ა) სს „კრედიტინფო საქართველო“ წარმოადგენს საკრედიტო ბიუროს და ის უფლებამოსილია მიღებული ინფორმაცია/პერსონალური მონაცემები დაამუშავოს/გადაამუშავოს და გადასცეს მესამე პირებს, პირის კრედიტუნარიანობის/გადახდისუნარიანობის შეფასების, შემოწმების ან/და სხვა კანონიერი მიზნით; ბ) სს „კრედიტინფო საქართველოსათვის“ ან ნებისმიერი სხვა მსგავსი ფუნქციის მქონე სუბიექტისთვის გადასაცემი და მისგან მისაღები ინფორმაცია, ყოველგვარი შეზღუდვის გარეშე, მოიცავს მეანაბრის საიდენტიფიკაციო მონაცემებს, აგრეთვე მეანაბრის მსხვილი აქციონერების/დამფუძნებლების და წარმომადგენლობაზე უფლებამოსილი პირების სახელებსა და საიდენტიფიკაციო მონაცემებს, მიმდინარე საკრედიტო/სასესხო თუ სხვა სახის ფინანსური ვალდებულების წარმოშობის საფუძველს, მოცულობას, მიზნობრიობას, დარიცხულ საპროცენტო სარგებელს, მოქმედების ვადას, პირის მიერ საკრედიტო/სასესხო თუ სხვა სახის ფინანსურ ვალდებულებასთან დაკავშირებული გადახდების დროულობას, დავალიანების ნაშთს, უზრუნველყოფის ოდენობასა და უზრუნველყოფის საგნის საიდენტიფიკაციო მონაცემებს, ხოლო სასამართლო (მათ შორის, საარბიტრაჟო სასამართლო) დავის არსებობის შემთხვევაში - სასამართლო (მათ შორის, საარბიტრაჟო სასამართლო) სამართალწარმოებისა და სააღსრულებო წარმოების შედეგს, აგრეთვე მონაცემთა ბაზისთვის საჭირო სხვა მონაცემებს.

      3. სამოქალაქო რეესტრის სააგენტოდან, საჯარო რეესტრის ეროვნული სააგენტოდან, საქართველოს შინაგან საქმეთა სამინისტროს მომსახურების სააგენტოდან ან/და ნებისმიერი სხვა იდენტური ან მსგავსი ფუნქციის მქონე დაწესებულებიდან (კერძო ან საჯარო) გამოითხოვოს, მიიღოს და შეინახოს მეანაბრის შესახებ დაცული ინფორმაცია (მათ შორის პერსონალური მონაცემები და საიდენტიფიკაციო დოკუმენტები) და აღნიშული ინფორმაციის მონაცემთა ბაზები (მათ შორის ელექტრონული ბაზები), ასევე შეასრულოს ყველა საჭირო მოქმედება ან/და პროცედურა რაც დაკავშირებულია ზემოაღნიშნული უფლებამოსილების განხორციელებასთან;

      4. მეანაბრის შესახებ ინფორმაცია მიაწოდოს მესამე პირს მეანაბრის მიერ ხელშეკრულების პირობების შეუსრულებლობით ან არაჯეროვანი შესრულების შედეგად ბანკის უფლებების განხორციელების მიზნით, ან/და მეანაბრის მიერ ხელშეკრულების პირობების შესრულებაზე მონიტორინგის მიზნით.

7. პრეტენზიები და დავები

   1. ხელშეკრულებიდან გამომდინარე პრეტენზიები მხარეებმა შეიძლება ერთმანეთს წაუყენონ წერილობით ან/და ზეპირად. პრეტენზიის მიმღები მხარე ვალდებულია პრეტენზიის მიღებიდან 30 (ოცდაათი) კალენდარული დღის ვადაში მთლიანად ან ნაწილობრივ დააკმაყოფილოს წამოყენებული პრეტენზია, ან წერილობით ან/და ზეპირად აცნობოს მეორე მხარეს მის დაკმაყოფილებაზე უარის თქმის შესახებ. მეანაბრის მიერ პრეტენზიის წარდგენა შესაძლებელია ბანკის სერვის ცენტრებში, ხოლო პრეტენზიების განხილვის პროცედურების შესახებ ინფორმაცია ხელმისაწვდომია ბანკის სერვის ცენტრებში და ბანკის ვებ-გვერდზე. xxxxxxxxx მიერ წერილობითი ფორმით პრეტენზიის წარდგენა შესაძლებელია სტანდარტული ფორმით.

   2. ხელშეკრულების ირგვლივ წამოჭრილი ნებისმიერი დავა (მათ შორის, ხელშეკრულების არსებობასთან, ინტერპრეტაციასთან, შესრულებასთან და აღსრულებასთან დაკავშირებით) წყდება მოლაპარაკებით. დავის მოუგვარებლობის შემთხვევაში, მხარეები მიმართავენ სასამართლოს. ამასთან, მხარეები თანხმდებიან, რომ დავასთან დაკავშირებით პირველი ინსტანციის სასამართლოს მიერ ბანკის სასარგებლოდ მიღებული გადაწყვეტილება მიქცეული იქნება დაუყოვნებლივ აღსასრულებლად.

8. ხელშეკრულების მოქმედება და შეწყვეტა

   1. ხელშეკრულება ძალაში შედის მხარეთა მიერ მისი ხელმოწერის/დადების მომენტიდან და მოქმედებს მხარეთა მიერ ხელშეკრულებით ნაკისრი ვალდებულებების სრულად და ჯეროვნად შესრულებამდე. ამასთან, ხელშეკრულება აგრეთვე შეიძლება დაიდოს მეანაბრესთან გაფორმებული საბანკო მომსახურების ხელშეკრულებით განსაზღვრული დისტანციური საბანკო მომსახურების საშუალებით გამოხატული თანხმობით.

   2. ხელშეკრულებით ან/და კანონმდებლობით დადგენილ შემთხვევებში და პირობებით შესაძლებელია ხელშეკრულების ვადამდე შეწყვეტა:

      1. xxxxxx მიერ: ა) მეანაბრის მხრიდან ხელშეკრულებით განსაზღვრულ ნებისმიერი უფლება-მოვალეობების სრულად და ჯეროვნად განხორციელებამდე/შესრულებამდე ან ბ) თუ მეანაბრე სრულად და ჯეროვნად არ შეასრულებს ხელშეკრულებით ან/და ბანკთან დადებული ნებისმიერი სხვა ხელშეკრულებით განსაზღვრულ ნებისმიერ ვალდებულებას (მათ შორის, ფულად ვალდებულებას, განცხადებებს და გარანტიებს, ნებისმიერ პირობას ან/და სხვა ვალდებულებას);

      2. მხარეთა შეთანხმებით;

      3. ხელშეკრულებით ან/და კანონმდებლობით გათვალისწინებულ სხვა შემთხვევებში.

   3. თუ ბანკი სხვა გადაწყვეტილებას არ მიიღებს, ხელშეკრულება ავტომატურად წყდება იმ შემთხვევაში თუ: ა) ხელშეკრულებით განსაზღვრული პირობების შესაბამისად არ განხორციელდება შესაბამისი თანხის განთავსება საანაბრე ანგარიშზე ან/და მომსახურე ანგარიშზე (ასეთის არსებობისას) ან მიუხედავად შესაბამისი თანხის მომსახურე ანგარიშზე (ასეთის არსებობისას) განთავსებისა ბანკი ვერ უზრუნველყოფს შესაბამისი თანხის სრული მოცულობით გადატანას საანაბრე ანგარიშზე - შესაბამისი თანხით მეანაბრის მიმართ არსებული ბანკის მოთხოვნების დაკმაყოფილების ან/და შესაბამის თანხაზე გავრცელებული ნებისმიერი სახის სამართლებრივი შეზღუდვის (მათ შორის ინკასო ან/და ყადაღა) გამო; ბ) ვადიანი ანაბრის ესა თუ ის ტიპი გაუქმდება ბანკის მიერ; გ) საპროცენტო სარგებლის მოცულობა ნულის ტოლი გახდება.

   4. მხარე, რომელიც მიიღებს ხელშეკრულების ცალმხრივად შეწყვეტის გადაწყვეტილებას, ვალდებულია წერილობით შეატყობინოს მეორე მხარეს მიღებული გადაწყვეტილება, მისი მიღების საფუძველი და ამოქმედების თარიღი, რომელიც არ უნდა იყოს 30 (ოცდაათი) კალენდარულ დღეზე ნაკლები. ამასთან, თუ ხელშეკრულებით ან/და კანონმდებლობით გათვალისწინებულ შემთხვევებში ხელშეკრულება შესაძლებელია ან უნდა შეწყდეს უფრო მოკლე ვადებში, ან/და ბანკს მიზანშეწონილად მიაჩნია ხელშეკრულების უფრო მოკლე ვადებში შეწყვეტა, ხელშეკრულება შეიძლება უფრო მოკლე ვადებშიც შეწყდეს. ამ უკანასკნელ შემთხვევაში მეანაბრე იღებს ვალდებულებას კანონმდებლობით ნებადართულ ფარგლებში ითანამშრომლოს ბანკთან ამგვარი შეწყვეტის შედეგად ბანკისათვის შესაძლო ზიანის (ზარალის) მიყენების თავიდან ასაცილებლად ან მაქსიმალურად შესამცირებლად.

   5. ხელშეკრულების დანართი N1-ის 8.2.1. ქვეპუნქტით გათვალისწინებულ ნებისმიერი შემთხვევის, ან სხვა მსგავსი გარემოების (რაც წარმოადგენს ხელშეკრულების შეწყვეტის საფუძველს) დადგომისას ბანკი უფლებამოსილია ხელშეკრულების შეუწყვეტლად, ან ხელშეკრულების შეწყვეტის შესახებ მიღებული გადაწყვეტილების საფუძველზე მოსთხოვოს მეანაბრეს ფინანსური ვალდებულებების ვადამდე შესრულება. ასევე, საანაბრე ანგარიშიდან ან/და მომსახურე ანგარიშიდან უაქცეპტოდ ჩამოწეროს/გამოქვითოს ყველა გადასახდელი, ხოლო თუ გადასახდელი და შესაბამის ანგარიშებზე რიცხული თანხა სხვადასხვა ვალუტაშია, ბანკმა თავად განახორციელოს კონვერტაცია გადახდის თარიღისათვის ბანკში მოქმედი კომერციული კურსით ან მეანაბრესთან შეთანხმებული კურსით (ასეთის არსებობის შემთხვევაში), ხოლო კონვერტაციის მომსახურების ღირებულება ასევე უაქცეპტოდ ჩამოწეროს შესაბამისი ანგარიშებიდან, კონვერტირებული თანხა კი მიმართოს შესაბამისი გადასახდელის დასაფარად, ხოლო თავის მხრივ ასევე ვადამდე შეასრულოს ვალდებულებები მეანაბრის წინაშე.

   6. მენაბრის ინიციატივით ხელშეკრულების ვადამდე შეწყვეტის შემთხვევაში, ვადიან ანაბარზე დარიცხული საპროცენტო სარგებელი ანულირდება/უქმდება ან/და ვადიანი ანაბრის ხელშეკრულებით განსაზღვრული მოცულობით მცირდება საპროცენტო სარგებელი ან/და ბანკი უფლებამოსილია გამოიყენოს ხელშეკრულებით გათვალისწინებული ან/და კანონმდებლობით დადგენილი უფლებები, მათ შორის ანულირებული ან/და შემცირებული საპროცენტო სარგებლის კონპენსირება მოახდინოს ვადიანი ანაბრის ხარჯზე, თუ შესაბამის მომენტში საპროცენტო სარგებელი უკვე გატანილია (მათ შორის წინასწარ) xxxxxxxxx მიერ.

   7. ბანკის ინიციატივით ხელშეკრულების ვადამდე შეწყვეტის შემთხვევაში, ვადიან ანაბარს საპროცენტო სარგებელი დაერიცხება ვადიანი ანაბრით სარგებლობის ფაქტობრივი დღეების შესაბამისად.

   8. ხელშეკრულების შეწყვეტა არ ათავისუფლებს მეანაბრეს ხელშეკრულებით ნაკისრი ან/და კანონმდებლობით დადგენილი ვალდებულებების სრულად და ჯეროვნად შესრულებისაგან.

9. ცვლილებები და დამატებები

   1. ხელშეკრულებაში ინდივიდუალური ხასიათის ცვლილებებისა და დამატებების შეტანა დაიშვება წერილობითი ფორმით მხარეთა შეთანხმებით, მათ შორის მეანაბრესთან გაფორმებული საბანკო მომსახურების ხელშეკრულებით განსაზღვრული დისტანციური საბანკო მომსახურების საშუალებით, მხარეთა შეთანხმებით. ამასთან, მხარეები ადასტურებენ, რომ მეანაბრესთან გაფორმებული საბანკო მომსახურების ხელშეკრულებით განსაზღვრული დისტანციური საბანკო მომსახურების საშუალებით ხელშეკრულებაში ცვლილებებისა და დამატებების შეტანის შემთხვევაში, აღნიშნული ცვლილებებისა და დამატებების თაობაზე დადებული გარიგება წარმოადგენს წერილობითი ფორმით დადებულ გარიგებას და მასზე სრულად გავრცელდება ხელშეკრულების (მათ შორის მისი დანართების) პირობების მოქმედება.

   2. მიუხედავად ხელშეკრულების დანართი N1-ის 9.1. პუნქტით გათვალისწინებული შეზღუდვისა, ბანკი უფლებამოსილია ნებისმიერ დროს საკუთარი შეხედულებისამებრ, მეანაბრის დამატებითი თანხმობისა თუ აქცეპტის გარეშე, ცალმხრივად შეცვალოს როგორც სტანდარტული პირობები, ასევე კონკრეტული პირობები, მათ შორის:

      1. შეცვალოს ხელშეკრულებით დადგენილი საპროცენტო სარგებლის, საკომისიოს ან/და სხვა გადასახდელების ოდენობა(ები);

      2. შეცვალოს ხელშეკრულებით გათვალისწინებული გადახდის ვადა/ვადები, იმ პირობით, რომ ამგვარი ცვლილების შედეგად გადახდის ვადა/ვადები უნდა შეიცვალოს არაუმეტეს 30 (ოცდაათი) კალანდარული დღით;

      3. დაადგინოს ვადიანი ანაბრით სარგებლობასთან დაკავშირებული საკომისიოს ტიპები ან/და მათი განაკვეთ(ებ)ის ოდენობა.

   3. ბანკის მიერ ხელშეკრულების დანართი N1-ის 9.2. პუნქტით გათვალისწინებული უფლების გამოყენების შემთხვევაში:

      1. თუ ასეთი გადაწყვეტილება აუარესებს მეანაბრის მდგომარეობას, მაშინ ასეთი გადაწყვეტილების მიღების შესახებ ბანკი ცვლილების ძალაში შესვლის თარიღამდე არანაკლებ 1 (ერთი) თვით ადრე ატყობინებს მეანაბრეს ხელშეკრულების დანართი N1-ის მე-5 მუხლით დადგენილი წესით (იმ შემთხვევაში თუ ცვლილებები/დამატებები ინდივიდუალური ხასიათისაა) ან/და ბანკის სერვის ცენტრებში თუ სხვა მომსახურების წერტილებში შესაბამისი განცხადების განთავსებით (იმ შემთხვევაში თუ ცვლილებები/დამატებები საერთო ხასიათისაა). მეანაბრე უფლებამოსილია შეტყობინების მიღებიდან 7 (შვიდი) კალენდარული დღის ვადაში წერილობითი სახით უარი განაცხადოს ამგვარ ცვლილებაზე, და ასეთ შემთხვევაში, ცვლილება არ შევა ძალაში, ხოლო ბანკი უფლებამოსილია წერილობითი უარის თარიღიდან მომდევნო 30 (ოცდაათი) კალენდარული დღის ვადაში შეწყვიტოს საპროცენტო სარგებლის დარიცხვა ან/და შეწყვიტოს ხელშეკრულება ან/და შესაბამისი პერიოდისთვის დარიცხული საპროცენტო სარგებელი განათავსოს საანაბრე ანგარიშზე ან მომსახურე ანგარიშზე. იმ შემთხვევაში, თუ მეანაბრე არ ისარგებლებს ამ ქვეპუნქტით გათვალისწინებული უფლებით, ამგვარი ცვლილება ძალაში შევა ბანკის შეტყობინებაში მითითებული თარიღიდან;

      2. თუ ასეთი გადაწყვეტილება მიღებულია მეანაბრის სასარგებლოდ, ან/და არ აუარესებს მეანაბრის მდგომარეობას, მაშინ ასეთი გადაწყვეტილება არ საჭიროებს მეანაბრის დამატებით თანხმობას ან აქცეპტს და ამ სახით შეცვლილი პირობები ამოქმედდება ბანკის მიერ განსაზღვრული თარიღიდან. ამასთან, ბანკი ვალდებულია გადაწყვეტილების მიღებიდან 1 (ერთი) თვის ვადაში შეატყობინოს მეანაბრეს ხელშეკრულების დანართი N1-ის მე-5 მუხლით დადგენილი წესით (იმ შემთხვევაში თუ ცვლილებები/დამატებები ინდივიდუალური ხასიათისაა) ან/და ბანკის სერვის ცენტრებში თუ სხვა მომსახურების წერტილებში შესაბამისი განცხადების განთავსებით (იმ შემთხვევაში თუ ცვლილებები/დამატებები საერთო ხასიათისაა).

      3. ხელშეკრულებაში შეტანილი ცვლილებები და დამატებები (მათ შორის ხელშეკრულების დანართი N1-ის 9.2. და 9.3. პუნქტების შესაბამისად განხორციელებული ცვლილებები და დამატებები) წარმოადგენს ხელშეკრულების განუყოფელ ნაწილს.

10. ხელშეკრულების პირობების მოქმედება მეანაბრის მიმართ

    1. ხელშეკრულების მიზნებისათვის, „მეანაბრე”-ს დეფინიციაში მოცემულ პირზე ხელშეკრულების პირობები გავრცელდება სრულად, გარდა იმ შემთხვევისა, როდესაც შესაბამისი პირის სამართლებრივი სტატუსიდან (ფიზიკური პირი, იურიდიული პირი ან სხვა ორგანიზაციული წარმონაქმნი) გამომდინარე კონკრეტული პირობა ვერ გავრცელდება ამგვარ პირზე.

    2. იმ შემთხვევაში, თუ ხელშეკრულების მხარეს წარმოადგენს ერთზე მეტი მეანაბრე:

       1. თითოეული ასეთი მეანაბრე წარმოადგენს ბანკის მიმართ სოლიდარულ კრედიტორს/მოვალეს ხელშეკრულებიდან გამომდინარე მოთხოვნებზე/ვალდებულებებზე და შესაბამისად:

          1. ბანკს შეუძლია საკუთარი შეხედულებისამებრ ხელშეკრულებიდან გამომდინარე ვალდებულებები შეასრულოს ნებისმიერი მეანაბრის წინაშე. ამასთან, ერთ-ერთი მეანაბრისათვის ვალდებულების მთლიანად შესრულება ათავისუფლებს ბანკს დანარჩენი მეანაბრის წინაშე ვალდებულებისაგან;

          2. თუ ერთ-ერთი სოლიდარული მეანაბრე უარს იტყვის ბანკის წინაშე მოთხოვნაზე, მაშინ ბანკი თავისუფლდება მხოლოდ იმ ნაწილის გადახდისაგან, რომელიც მოცემულ მეანაბრეს ერგებოდა. ამასთან, ბანკთან მიმართებით თითოეულ სოლიდარულ მეანაბრეს აქვთ თანაბარი წილი.

       2. თითოეული მეანაბრის სოლიდარული პასუხისმგებლობა ვრცელდება ხელშეკრულებით გათვალისწინებულ ვალდებულებებთან მიმართებაში და შესაბამისად;

          1. ერთ-ერთ მეანაბრესთან დაკავშირებული ფაქტები გამოიყენება ნებისმიერი სხვა მეანაბრესთან მიმართაც, იმის გათვალისწინებით, რომ xxxxxx მიერ რომელიმე მეანაბრის მიმართ თავისი უფლებების გამოუყენებლობა (სრულად ან ნაწილობრივ) არ გავრცელდება სხვა მეანაბრეზე და არ ათავისუფლებს მას/მათ შესაბამისი ვალდებულებებისაგან;

          2. ერთ-ერთი მეანაბრის მიერ ხელშეკრულების დარღვევის შემთხვევაში, ბანკი უფლებამოსილია შესაბამისი მოთხოვნა/მოთხოვნები წაუყენოს ნებისმიერ მეანაბრეს და მის მიმართ ისარგებლოს ხელშეკრულებით გათვალისწინებული ან/და კანონმდებლობით დადგენილი უფლებებით.

11. სხვა პირობები

    1. მხარეები ადასტურებენ, რომ ხელშეკრულების შინაარსი ზუსტად გამოხატავს მხარეთა ნებას და რომ მათ მიერ ნების გამოვლენა მოხდა ხელშეკრულების შინაარსის გონივრული განსჯის შედეგად და არა მარტოოდენ სიტყვა-სიტყვითი მნიშვნელობიდან.

    2. ერთ-ერთი მხარის მხრიდან ხელშეკრულების ან/და კანონმდებლობის დარღვევასთან დაკავშირებით მეორე მხარის მიერ მისთვის მინიჭებული უფლებების გამოუყენებლობა არ გავრცელდება ხელშეკრულების ან/და კანონმდებლობის ნებისმიერ შემდგომ დარღვევაზე.

    3. ხელშეკრულების (მათ შორის, მისი დანართების) რომელიმე მუხლის, პუნქტის ან/და ქვეპუნქტის ბათილობა არ გამოიწვევს მთლიანად ხელშეკრულების ან/და მისი სხვა მუხლ(ებ)ის, პუნქტ(ებ)ის ან/და ქვეპუნქტ(ებ)ის ბათილობას. ბათილი დებულების ნაცვლად, გამოიყენება იმგვარი დებულება, რომლითაც უფრო ადვილად მიიღწევა ხელშეკრულებით (მათ შორის ბათილი დებულებით) გათვალისწინებული მიზანი.

    4. ხელშეკრულების დანართებზე სრულად ვრცელდება ხელშეკრულების მუხლ(ებ)ის, პუნქტ(ებ)ის და ქვეპუნქტ(ებ)ის მოქმედება.

    5. მხარეები თანხმდებიან, რომ ხელშეკრულების დებულებ(ებ)ის არსებობა/არარსებობასთან, მათ შინაარსთან, განმარტებასთან ან/და განხორციელებასთან დაკავშირებით მხარეთა შორის დავის წარმოშობის შემთხვევაში, უპირატესობა ენიჭება ბანკში დაცულ ეგზემპლარს. ამასთან, ამ უკანასკნელ დებულებასთან მიმართებით ყოველგვარი ეჭვის ან/და დავის გამორიცხვის მიზნით, მეანაბრე ვალდებულია ხელი მოაწეროს ხელშეკრულების (მისი დანართის ჩათვლით) ბანკში დაცული ეგზემპლარის თითოეულ გვერდს, მაგრამ მეანაბრის მიერ ამ ვალდებულების შეუსრულებლობა არ ხდის ამ პუნქტით გათვალისწინებულ დებულებას საეჭვოს ან სადავოს.

    6. ხელშეკრულება მისი ვალდებულებებითა და სარგოებით ვრცელდება და სავალდებულოა მხარეთა უფლებამონაცვლეების, თუ მემკვიდრეებისათვის/სამართალმემკვიდრეებისათვის.

    7. მეანაბრეს უფლება არა აქვს ბანკის წინასწარი წერილობითი თანხმობის გარეშე მესამე პირს გადასცეს ან გადააბაროს მასზე ხელშეკრულებით (მათ შორის, მისი დანართით) ნაკისრი ნებისმიერი ვალდებულება ან მინიჭებული უფლება. ბანკის უარი გამორიცხავს ნებისმიერი ზემოაღნიშნული ქმედების ან/და გარიგების განხორციელების შესაძლებლობას და შესაბამისად ამ წესის დარღვევით განხორციელებული ქმედება ან/და გარიგება ბათილია და არ წარმოშობს სამართლებრივ შედეგებს, გარდა კანონმდებლობით ცალსახად განსაზღვრული შემთხვევებისა. ამასთან, ეს დებულება არ გულისხმობს დათქმას, რომ მეანაბრემ პირადად უნდა შეასრულოს ვალდებულებები და არ გამორიცხავს ბანკის უფლებას მიიღოს მესამე პირისაგან შემოთავაზებული შესრულება, მიუხედავად იმისა თანახმაა თუ არა მეანაბრე.

    8. თუ მეანაბრე ბანკთან ურთიერთობებში გამოდის წარმომადგენლის მეშვეობით, ბანკი პასუხს არ აგებს წარმომადგენლის მეშვეობით განხორციელებულ ქმედებებზე (მათ შორის ანაბრის ან/და საპროცენტო სარგებლის გატანზე) თუ ბანკისთვის არ იყო ცნობილი წარმომადგენლობის შეწყვეტა.

    9. იმ შემთხვევებში, რომლებიც არ არის გათვალისწინებული ხელშეკრულებით, მხარეები იხელმძღვანელებენ კანონმდებლობით დადგენილი შესაბამისი ურთიერთობის მარეგულირებელი ნორმებით ან/და დამატებით შეთახმებული პირობებით.

    10. თუ ხელშეკრულებიდან გამომდინარე ურთიერთობებში მეანაბრე გამოდის წარმომადგენლით/მინდობილი პირით:

        1. ამგვარი წარმომადგენლის/მინდობილი პირის მონაწილეობით განხორციელებული ურთიერთობები არ შეიძლება გახდეს სადაო მეანაბრის მიერ;

        2. ამგვარი წარმომადგენლის/მინდობილი პირის უფლებამოსილება ბანკის მიერ შეიძლება შეიზღუდოს, მხოლოდ მეანაბრის წერილობითი განცხადების საფუძველზე.

    11. მეანაბრისათვის ცნობილია, რომ 2020 წლის 1 ივლისიდან, „დეპოზიტების დაზღვევის სისტემის შესახებ“ საქართველოს კანონის შესაბამისად, ყველა ფიზიკური პირის დეპოზიტზე/ანგარიშზე არსებული თანხა, დეპოზიტების/ანგარიშების რაოდენობის მიუხედავად, თითოეულ კომერციულ ბანკში დაზღვეულია და დეპოზიტების დაზღვევის სააგენტოს მიერ ანაზღაურდება 15,000 (თხუთმეტი ათასი) ლარის ფარგლებში. კომერციულ ბანკში ყველა ფიზიკური პირის ყველა ანგარიშზე არსებული თანხა ავტომატურად დაზღვეულია დამატებითი საზღაურის გარეშე. დამატებითი ინფორმაცია იხილეთ დეპოზიტების დაზღვევის სააგენტოს ვებგვერდზე: xxx.xxxxxxxx.xx. ამასთან:

        1. სადაზღვევოს შემთხვევის დადგომისას ერთსა და იმავე კომერციულ ბანკში მეანაბრის ანგარიშებზე (მათ შორის უცხოური ვალუტით) არსებული თანხები დაჯამდება და სსიპ - დეპოზიტების დაზღვევის სააგენტოს მიერ ანაზღაურებას დაექვემდებარება 15,000 (თხუთმეტი ათასი) ლარამდე თანხა;

        2. კომერციულ ბანკში ყველა ფიზიკური პირის ყველა ანგარიშზე არსებული თანხა ავტომატურად დაზღვეულია დამატებითი საზღაურის გარეშე;

        3. სსიპ - დეპოზიტების დაზღვევის სააგენტოს მიერ ანაზღაურება განხორციელდება, სადაზღვევო შემთხვევის დადგომიდან არაუგვიანეს 20 (ოცი) კალენდარული დღის ვადაში, მიუხედავად იმისა, მოცემულ მომენტში კომერციულ ბანკს გააჩნია თუ არა შესაბამისი სახსრები;

        4. ანაზღაურების ვალუტა – ლარი.

    12. ხელშეკრულება შედგენილია ქართულ ენაზე. ხელშეკრულების ინტერპრეტაციისას უპირატესობა ენიჭება ქართულ ენაზე შედგენილ ტექსტს. აღნიშნული ნორმები ვრცელდება, ასევე, მხარეთა შორის ურთიერთობაზე ან/და ხელშეკრულების თუ ნებისმიერი სხვა დოკუმენტის შედგენასა თუ ინტერპრეტაციაზე.

    13. ხელშეკრულების თანაბარი იურიდიული ძალის მქონე თითო იდენტური ეგზემპლარი გადაეცემა მხარეებს.

9 / 10

მეანაბრის ხელმოწერა /_________________________/