1.3 ხელშეკრულების საგანია არანაკლებ 1200 სტუდენტზე გათვლილი საერთო საცხოვრებლის პროექტირება, მშენებლობა, აშენებული შენობის ექსპლუატაციაში მიღება, ინფრასტრუქტურის მოწყობა, რემონტი, შენობის შესაბამისი ინვენტარით, ავეჯითა და მოწყობილობებით აღჭურვა (იხ....

(პროექტი)

აღნაგობის ხელშეკრულება

ქ. თბილისი ------------- 20 წ.

ერთის მხრივ, სსიპ - თბილისის სახელმწიფო სამედიცინო უნივერსიტეტი, (საიდენტიფიკაციო კოდი: 211328703), შემდგომში _ „მესაკუთრე“, წარმოდგენილი მისი ---------------------- (პირადი №--------------

------) სახით და მეორეს მხრივ ------------------ (საიდენტიფიკაციო/პირადი № ),

აღნაგობის უფლების მქონე, შემდგომში _ ”მეაღნაგე”, წარმოდგენილი ------------------------ (პ/ნ ----------

-------) სახით, „მესაკუთრის“ მიერ 2019 წლის ------------- გამოცხადებული № ------/-------

ელექტრონული აუქციონის (ინტერნეტ-აუქციონი) შედეგების საფუძველზე და საქართველოს კანონმდებლობის შესაბამისად, ვდებთ წინამდებარე ხელშეკრულებას შემდეგზე:

1. ხელშეკრულების საგანი და მოქმედების ვადა

1.1„მესაკუთრე“ გადასცემს, ხოლო „მეაღნაგე“ აღნაგობის უფლებით დროებით სასყიდლიან სარგებლობაში იღებს მესაკუთრის საკუთრებაში რიცხულ მიწის ნაკვეთს: მდებარე: -----------------------

---- ;ფართი: -----------------კვ.მ.; (ს/კ--------------------, უფლების რეგისტრაციის თარიღი ,

№ ).

1.2 აღნაგობის უფლების მოქმედების ვადა - 49 (ორმოცდაცხრა) კალენდარული წელი.

1.3 ხელშეკრულების საგანია არანაკლებ 1200 სტუდენტზე გათვლილი საერთო საცხოვრებლის პროექტირება, მშენებლობა, აშენებული შენობის ექსპლუატაციაში მიღება, ინფრასტრუქტურის მოწყობა, რემონტი, შენობის შესაბამისი ინვენტარით, ავეჯითა და მოწყობილობებით აღჭურვა (იხ. დანართი N.1), სტუდენტთა საერთო საცხოვრებლის ოპერირება პირდაპირი დანიშნულების პირობით. ამასთან, „მეაღნაგე“ საერთო საცხოვრებლის შენობაში ან/და მის მიმდებარედ, საკუთარი ხარჯით მოაწყობს და თვითონ ან/და „მესაკუთრესთან“ შეთანხმებული მესამე პირის მეშვეობით, ოპერირებას გაუწევს „მესაკუთრესთან“ ერთად საერთო სარგებლობაში გამოყენებად შემდეგი სახის ინფრასტრუქტურას:

ორი მისასვლელი საავტომობილო გზა ნუცუბიძის ქუჩიდან და ვაჟა-ფშაველას პროსპექტიდან;

შენობის მიმდებარედ, სპორტული მოედნის/მოედნების მოწყობა სააღნაგო მიწის ნაკვეთის ფარგლებში, (არსებული შესაძლებლობების/ფართის გათვალისწინებით);

სარეკრეაციო ზონა, დასასვენებელი სკამებით და გამწვანებით, სააღნაგო მიწის ნაკვეთის

ფარგლებში.

1.4 ოპერირებაში იგულისხმება: „მეაღნაგის“ ან/და „მესაკუთრესთან“ შეთანხმებული მესამე პირის მიერ სტუდენტური საერთო საცხოვრებელის მართვა, ასევე მასთან დაკავშირებული ფართების, რეკრეაციული ზონისა და ინფრასტრუქტურის მოვლა–შენახვა–მართვა.

1.5 სტუდენტთა საერთო საცხოვრებლის ფუნქციური დანიშნულება უცვლელი რჩება აღნაგობის მთელი პეროდის მანძილზე.

1.6 ”მეაღნაგემ” ხელშეკრულების გაფორმებიდან არაუმეტეს 45 (ორმოცდახუთი) დღის ვადაში, მესაკუთრეს შესათანხმებლად უნდა წარუდგინოს მინიმუმ, ორი არტექტურულ დიზაინ-კონცეფცია, რომელიც შესაბამისობაში უნდა იყოს მესაკუთრის ხედვასთან.

1.7 ”მეაღნაგემ”, თსსუ-სთან შეთანხმებული პროექტი, მშენებლობის ნებართვის გამცემ სამსახურებს უნდა წარუდგინოს ხელშეკრულების გაფორმებიდან, არაუმეტეს, 6 (ექვსი) კალენდარულ თვის ვადაში.

1.8 პროექტის დამტკიცება და მშენებლობის ნებართვის მიღება უნდა განხორციელდეს ხელშეკრულების გაფორმებიდან, არაუმეტეს, 12 ( თორმეტი) კალენდარული თვის ვადისა.

1.9 მშენებლობის ვადა არ უნდა აღემატებოდეს მშენებლობის ნებართვის მიღების თარიღიდან 30 (ოცდაათი) კალენდარულ თვეს.

1.10 დასრულებული შენობა-ნაგებობ(ებ)ის ექსპლუატაციაში მიღების ვადა არ უნდა აღემატებოდეს მშენებლობის ვადის დასრულებიდან 3 (სამი)კალენდარულ თვეს.

2. აღნაგობის საზღაური და ანგარიშსწორების წესი

2.1 აღნაგობის საზღაური (შემდგომში ”საზღაური”) ყოველწლიურად შეადგენს -----------( )

ლარს, დღგ-ს ჩათვლით (ელექტრონულ აუქციონზე ”მეაღნაგის” მიერ ლოტზე დაფიქსირებული საბოლოო თანხა).

2.2 საზღაური ”მეაღნაგემ” ”მესაკუთრეს” უნდა გადაუხადოს ყოველი საანგარიშსწორებო წლის მომდევნო თვის 10 (ათი) რიცხვამდე.

2.3 საგარანტიო თანხა-”ბე”-ს სახით შემოტანილი თანხიდან „მეაღნაგეს“ დააკლდება აღნაგობის პირველი წლის საზღაური. დარჩენილი თანხა, წინამდებარე ხელშეკრულების გაფორმებიდან 5

(ხუთი) სამუშაო დღის

განმავლობაში, უკან დაუბრუნდება „მეაღნაგეს“.

2.4 საზღაურის დადგენილ ვადაში გადაუხდელობის შემთხვევაში “ მეაღნაგეს“ დაეკისრება პირგასამტეხლო, ყოველ ვადაგადაცილებულ დღეზე, გადაუხდელი თანხის 0,1%-ის ოდენობით.

2.5 პირგასამტეხლო ”მეაღნაგეს” ეკისრება წინასწარი გაფრთხილების გარეშე.

2.6 საზღაურის ათვლა იწყება მხარეთა მიერ ხელშეკრულების სანოტარო წესით დამოწმებისა და საჯარო რეესტრის ეროვნულ სააგენტოში რეგისტრაციის დღიდან 2.1 და 2.2 პუნქტებით გათვალისწინებული ოდენობისა და პირობების შესაბამისად.

3. მხარეთა უფლება-მოვალეობანი

3.1 ”მესაკუთრეს” უფლება აქვს:

3.1.1 წინასწარი გაფრთხილების გარეშე, ნებისმიერ დროს შეუფერხებლად დაათვალიეროს აღნაგობის უფლებით გაცემული ქონება, შეამოწმოს წინამდებარე ხელშეკრულებით ნაკისრი ვალდებულებების შესრულების, მათ შორის შეამოწმოს ”მეაღნაგის” მიერ ტექნიკური უსაფრთხოების ნორმების დაცვის მდგომარეობა.

3.1.2 ხელშეკრულების ხელმოწერის თარიღიდან დაწყებული ყველა სრული 120 (ასოცი) თვიანი პერიოდის გასვლის შემდეგ, გადახედოს აღნაგობის წლიურ საზღაურს, მისი გაზრდის მიზნით და თუ ეკონომიკური პირობები არსებითად შეცვლილია, შესთავაზოს შესაბამისი ცვლილება მეაღნაგეს. მეაღნაგე ვალდებულია, დათანხმდეს ეკონომიკური პირობების არსებითი ცვლილებებით გამოწვეული გაზრდილი საზღაურის გადახდას. აღნაგობის ახალი საზღაური გადაანგარიშდება ოფიციალური სახელმწიფო ორგანო(ები)ს მიერ გამოცხადებული მონაცემების შესაბამისად, განვლილი პერიოდის ჯამური ინფლაციის მაჩვენებლის მიხედვით.

3.1.3 მოითხოვოს ”მეაღნაგის” მიერ ქონების გაუვარგისების, ქონების ღირებულების შემცირების, დაზიანების ან/და გაუარესების შედეგად გამოწვეული ზიანის ანაზღაურება, რაც დადასტურებული იქნება ”მესაკუთრის” მიერ შერჩეული დამოუკიდებელი აუდიტორის მიერ.

3.1.4 დასაბუთებული მნიშვნელოვანი საფუძვლის არსებობისას, მესაკუთრეს უფლება აქვს უარი უთხრას ”მეაღნაგე”-ს აღნაგობის უფლების გასასხვისებაზე ან დროებით სარგებლობაში გადაცემაზე.

3.1.5 გაასხვისოს აღნაგობით გადაცემული მიწის ნაკვეთი მეაღნაგის თანხმობის გარეშე, იმ პირობით, რომ ახალი მესაკუთრის ხელში აღნაგობის პირობები იგივე დარჩება.

”მეაღნაგეს”უფლება აქვს:

3.2.1 აღნაგობის უფლებით გადაცემულ მიწის ნაკვეთზე აღმართოს შენობა-ნაგებობა და განახორციელოს ობიექტზე სამეწარმეო საქმიანობა ხელშეკრულების პირობების შესაბამისად.

3.2.2 აღნაგობის უფლების გასხვისება ან დროებით სარგებლობაში გადაცემა ”მეაღნაგეს” შეუძლია მხოლოდ მესაკუთრის წინასწარი თანხმობით.

3.2.3 აღნაგობის უფლებით აშენებული შენობა ან/და მისი ნაწილი ქვეიჯარით ან/და მართვის უფლებით გადასცეს მესამე პირ(ებ)ს ისე,რომ არ შეილახოს ”მესაკუთრის” უფლებები.

3.2.4 მოსთხოვოს ”მესაკუთრეს” ამ ხელშეკრულებით ნაკისრი ვალდებულებების შესრულება.

3.2.5 აღნაგობის უფლების საფუძველზე აშენებულ შენობა-ნაგებობაზე ”მეაღნაგეს” გააჩნია ისეთი უფლება-მოვალეობები, რაც საქართველოს მოქმედი კანონმდებლობით გათვალისწინებულია უძრავი ქონების მესაკუთრის მიმართ, წინამდებარე ხელშეკრულების პირობების გათვალისწინებით, ხელშეკრულების 3.4. პუნქტით გათვალისწინებული შემთხვევების ჩათვლით.

3.3 ”მესაკუთრე” ვალდებულია:

3.3.1 ხელშეკრულების საჯარო რეესტრის ეროვნულ სააგნეტოში რეგისტრაციის მომენტიდან ვადიან სარგებლობაში გადასცეს ”მეაღნაგეს” უფლებრივად და ნივთობრივად უნაკლო მიწის ნაკვეთი.

3.3.2 წინამდებარე ხელშეკრულების 1.3, 1.9, 1.10 და 3.4.8 პუნქტით გათვალისწინებული პირობის დარღვევისას/შეუსრულებლობისას, შეწყვიტოს წინამდებარე ხელშეკრულება, ”მეაღნაგისათვის” ყოველგვარი კომპენსაციების გაცემის გარეშე, მეაღნაგისთვის მიცემული დამატებითი ვადის უშედეგოდ გასვლის შემთხვევაში.

3.3.3 აღნაგობით გადაცემულ მიწის ნაკვეთთან დაკავშირებით არ დადოს ისეთი გარიგება, რამაც შეიძლება შეუძლებელი გახადოს მეაღნაგის მიერ ამ ხელშეკრულების პირობების შესრულება.

3.4 ”მეაღნაგე” ვალდებულია:

3.4.1 განახორციელოს სტუდენტთა საერთო საცხოვრებლის სავარაუდო პროექტის განხორციელებისათვის ინვესტიცია, არანაკლებ 16 950 000 (თექვსმეტი მილიონ ცხრაას ორმოცდაათი ათასი) აშშ დოლარის ექვივალენტი ლარში, დამატებული ღირებულების გადასახადის გარეშე,

რომელიც მთლიანად დაფინანსდება მეაღნაგის მიერ მისი საკუთარი ან/და მის მიერ მოზიდული სახსრების მეშვეობით. პროექტის განხორციელების ღირებულება მოიცავს ყველა ხარჯს, რაც პირდაპირ იქნება დაკავშირებული სტუდენტთა საერთო საცხოვრებლის კომპლექსის დასრულებასთან. იგი მოიცავს (თუმცა შესაძლოა, არ შემოიფარგლოს) პროექტირების, მშენებლობის, შესაბამისი ინფრასტრუქტურის მოწყობის, ტექნიკური და საავტორო ზედამხედველობის, რემონტის, კეთილმოწყობის, ტექნიკური მოწყობილობებისა და ავეჯით აღჭურვის, საექსპერტო დასკვნების, ოპერირების დაწყებისათვის აუცილებელ და სხვა საჭირო ან/და მიზნობრივ ხარჯებს.

3.4.2. გადაუხადოს ”მესაკუთრეს” აღნაგობის საზღაური იმ ოდენობითა და პირობებით, რაც გათვალისწინებულია ამ ხელშეკრულებით. აღნაგობის საზღაურის გადახდა დაიწყოს წინამდებარე ხელშეკრულების შესაბამისი წესით ხელმოწერისა და რეგისტრაციისთანავე.

3.4.3 დაიცვას კანონმდებლობით გათვალისწინებული ხანძარსაწინააღმდეგო, უსაფრთხოების და სანიტარულ-ჰიგიენური ნორმები და გაატაროს შესაბამისი ღონისძიებები, უზრუნველყოს გადაცემული მიწის ნაკვეთის მოვლა-პატრონობა, კეთილსინდისიერად ისარგებლოს აღნიშნული ქონებით.

3.4.4 მისი საქმიანობის განხოციელების პროცესში, დაიცვას საქართველოს მოქმედი კანონმდებლობითა და საერთაშორისო ნორმებით დადგენილი, გარემოს დაცვის კუთხით არსებული ყველა ნორმა.

3.4.5 მიწის ნაკვეთი გამოიყენოს მხოლოდ წინამდებარე ხელშეკრულებით გათვალისწინებული მიზნებისათვის და არ მიაყენოს ზიანი გარემოს, მათ შორის მიწას, როგორც ბუნების ელემენტს.

3.4.6 საქმიანობის განხორციელებისას გაითვალისწინოს საწარმოო ნარჩენებით გარემოზე შესაძლო ზემოქმედების ფაქტორები.

3.4.7 მოიპოვოს ყველა ლიცენზია/ნებართვა, რაც საჭირო გახდება აღნაგობის უფლებით დატვირთულ მიწის ნაკვეთზე ისეთი საქმიანობის წარმოებისას, რომლის განხორციელებისათვის საჭიროა ასეთი სახის დოკუმენტი.

3.4.8 უზრუნველყოს მისი საქმიანობის შედეგად წარმოშობილი ნარჩენების მართვის ორგანიზების მკაცრი კონტროლი.

3.4.9 ”მეაღნაგე” იღებს ვალდებულებას, აღნაგობით დატვირთულ მიწის ნაკვეთზე ”მეაღნაგის” მიერ წარმოებული საქმიანობიდან გამომდინარე დამდგარი გარემოს დაცვითი ან სხვა ზიანისათვის, ”მესაკუთრეზე” მატერიალური ან/და სხვაგვარი პასუხისმგებლობის დაკისრების შემთხვევაში, აანაზღაუროს ”მესაკუთრის” სრული პასუხისმგებლობის თანხა.

3.4.10 აღნაგობით გადაცემული ქონების გაუვარგისების, ქონების ღირებულების შემცირების შემთხვევაში, უმოკლეს ვადაში საკუთარი სახსრებით გამოასწოროს მიწის ნაკვეთის მდგომარეობა ან/და აუნაზღაუროს მესაკუთრეს მიყენებული ზიანი.

3.4.11 მესაკუთრის მოთხოვნის საფუძველზე, წარუდგინოს მას აღნაგობით გადაცემულ მიწის ნაკვეთთან დაკავშირებული ნებისმიერი ინფორმაცია, მათ შორის საერთო საცხოვრებლის დამქირავებელთან/მოსარგებლესთან გაფორმებული ხელშეკრულებების ასლები.

3.4.12 აცნობოს მესაკუთრეს ყველა საკითხის ან გარემოების შესახებ, რამაც შეიძლება გავლენა იქონიოს აღნაგობით გადაცემულ მიწის ნაკვეთზე.

3.4.13 აღნაგობის ხელშეკრულების მოქმედების პერიოდში იპოთეკით არ დატვირთოს ამ პროექტის ფარგლებში აშენებული შენობა-ნაგებობა(ები). ნებისმიერი სხვა სახის იპოთეკით უზრუნველყოფილი დაფინანსება შეთანხმებული უნდა იყოს მესაკუთრესთან.

3.4.14 არ განახორციელოს საკუთარი უფლებების ან/და ვალდებულებების რაიმე სახით მესამე პირზე გადაცემა მესაკუთრესთან შეთანხმების გარეშე. ასეთი ტრანზაქციის განხორციელების შემთხვევაში, მესამე პირი ვალდებულია, სრულად დაიცვას აღნაგობის წინამდებარე ხელშეკრულებით გათვალისწინებული პირობები.

3.4.15 ”მეაღნაგე” ვალდებულია წარუდგინოს ”მესაკუთრეს” აღნაგობის უფლებით გადაცემულ მიწის ნაკვეთზე ასაშენებელი შენობა-ნაგებობის პროექტი, მოსაწყობი ობიექტის გეგმა და პროექტი.

3.4.16 ”მეაღნაგეს” მშენებლობის განხორციელება შეუძლია მხოლოდ მესაკუთრის მხრიდან წერილობითი თანხმობის გაცემის შემდეგ. ასეთი თანხმობის გარეშე წარმოებული ნებისმიერი სამშენებლო სამუშაოები ჩაითვლება უკანონოდ და ”მესაკუთრეს” უფლება აქვს, მოითხოვოს დაუყოვნებლივი დემონტაჟი, მისი მხრიდან ყოველგვარი კომპენსაციების გაცემის გარეშე.

3.4.17 აღნაგობის უფლების საფუძველზე ასაშენებელი შენობა-ნაგებობის პროექტში ისეთი პირობების გათვალისწინებისას, რაც შელახავს ”მესაკუთრის” უფლებებს, მეაღნაგე ვალდებულია შეიტანოს პროექტში შესაბამისი ცვლილებები.

3.4.18 ”მეაღნაგეს” არ აქვს უფლება, აღნაგობის უფლების საფუძველზე ასაშენებელი შენობა-ნაგებობის” მესაკუთრესთან” შეთანხმებულ პროექტში შეიტანოს მნიშვნელოვანი ცვლილებები (სართულების რაოდენობა, ფართობი, განაშენიანების ფართი და სხვა) ”მესაკუთრესთან” წინასწარი შეთანხმების გარეშე.

3.4.19 ”მეაღნაგე” ვალდებულია იხადოს აღნაგობის საზღაური მიუხედავად იმისა, დაანგრევს,

დაინგრევა თუ სხვაგვარად დაზიანდება აღნაგობის უფლების საფუძველზე აშენებული შენობა- ნაგებობა.

3.4.20 აღნაგობის უფლების საფუძველზე აშენებულ (ასაშენებელ) შენობა-ნაგებობის, საქართველოს მოქმედი კანონმდებლობის შესაბამისად, მშენებლობაზე და ექსპლუატაციაზე სრული პასუხისმგებლობა და ვალდებულებები ეკისრება ”მეაღნაგეს”.

3.4.21 განახორციელოს კონტროლი მმართველი კომპანიის ან/და ქვემოიჯარის საქმიანობაზე, რათა აღნაგობის უფლებით გადაცემული მიწის ნაკვეთი და მასზე აშენებული შენობა-ნაგებობა(ები) მის მიერ გამოყენებულ იქნეს მხოლოდ ”მესაკუთრის” მიერ ნებადართული მიზნებისათვის.

3.4.22 აღნაგობის უფლების შეწყვეტისას აღნაგობის უფლების მქონეს არა აქვს უფლება წაიღოს ნაგებობა ან მისი შემადგენელი ნაწილები, მათ შორის მოძრავი ქონება.

3.4.23 ხელშეკრულების შეწყვეტიდან ამ ხელშეკრულების 4.2 პუნქტით გათვალისწინებულ ვადაში, გაათავისუფლოს მიწის ნაკვეთი და შენობა-ნაგებობა და ჩააბაროს მესაკუთრეს.

3.4.24 საკუთარი ხარჯებითა და დადგენილი წესით, ხელშეკრულების საჯარო რეესტრის ეროვნულ სააგენტოში რეგისტრაციის მომენტიდან, საჭიროებისამებრ, უზრუნველყოს კომუნალური გადასახადებისათვის საჭირო მრიცხველების დაყენება და, შესაბამისად, გადაიხადოს აღნიშნული კომუნალური გადასახდები.

4. მიწის ნაკვეთის გადაცემის წესი და აღნაგობის ვადის გასვლის შედეგები

4.1 მიწის ნაკვეთის გადაცემა ხორციელდება აღნაგობის უფლების საჯარო რეესტრის ეროვნულ სააგენტოში რეგისტრაციიდან 10 (ათი) სამუშაო დღის ვადაში, მიღება-ჩაბარების აქტის საფუძველზე, სადაც აღწერილი იქნება მიწის ნაკვეთის ფაქტობრივი მდგომარეობა და მხარეთა შენიშვნები.

4.2 მიწის ნაკვეთის დაბრუნება განხორციელდება ხელშეკრულების ვადის ამოწურვიდან/შეწყვეტიდან 20 (ოცი) სამუშაო დღის ვადაში, მიღება-ჩაბარების აქტის საფუძველზე. თუ მიღება–ჩაბარების აქტის გაფორმება არ მოხდება აღნიშნულ ვადაში, ვადის გასვლის შემდგომ ქონება ავტომატურად უბრუნდება მესაკუთრეს.

4.3 აღნაგობის უფლების შეწყვეტისას, აღნაგობის უფლების საფუძველზე აშენებული შენობა-ნაგებობა სათანადო წესით რეგისტრირდება მიწის ნაკვეთის მესაკუთრის სახელზე.

4.4 აღნაგობის უფლების ვადის გასვლის შემდეგ, „მეაღნაგე“ „მესაკუთრეს“, ნივთობრივად და

უფლებრივად უნაკლო მდგომარეობაში, უსასყიდლოდ გადასცემს მიწის ნაკვეთს და მასზე აღმართულ შენობა–ნაგებობებს იქ განთავსებული მოძრავი ქონების ჩათვლით, ასევე ყველა სახის ინფრასტრუქტურას.

4.5 აღნაგობის უფლების ვადის გასვლისას, ”მესაკუთრე” უფლებამოსილია შეწყვიტოს აღნაგობის უფლება და მოახდინოს შენობა-ნაგებობის მის საკუთრებად რეგისტრაცია.

4.6 აღნაგობის უფლების შეწყვეტისას, „მესაკუთრე“ უფლებამოსილია მოითხოვოს ”მეაღნაგის” მიერ დადებული ქირავნობისან იჯარის ხელშეკრულებაში მხარედ ჩანაცვლება.

5. ხელშეკრულების განსაკუთრებული პირობები

5.1. ,,მეაღნაგე“ ვალდებულია წარმოადგინოს წინამდებარე ხელშეკრულების 3.4.1 პუნქტით განსაზღვრული ინვესტიციის, საქართველოს ეროვნული ბანკის მიერ რეგისტრირებული ლიცენზირებული კომერციული ბანკის მიერ გაცემული, არანაკლებ 3%-ის ოდენობის, ხელშეკრულების შესრულების უზრუნველყოფის უპირობო და გამოუხმობადი საბანკო გარანტია, რომლის ვადა 4 (ოთხი) თვით უნდა აღემატებოდეს მშენებლობის დასრულების სავარაუდო თარიღს. საბანკო გარანტიის წარმოდგენა უნდა მოხდეს ორ ეტაპად: 1.5% - ის ოდენობის საბანკო გარანტიის წარმოდგენა უნდა განხორციელდეს წინამდებარე ხელშეკრულების გაფორმებისას, ხოლო მეორე - 1.5% - ის ოდენობის საბანკო გარანტია „მეაღნაგემ“ უნდა წარმოადგინოს მშენებლობის ნებართვის მიღებიდან 2 (ორი) კალენდარული კვირის ვადაში, მაგრამ არაუგვიანეს ხელშეკრულების გაფორმებიდან 18 (თვრამეტი) კალენდარული თვისა. ეს პირობა წარმოადგენს ხელშეკრულების გაფორმების სავალდებულო პირობას. აღნიშნული საბანკო გარანტია, შესაძლოა, გამოყენებულ იქნას როგორც ხელშეკრულების ძირითადი ვალდებულებების მთლიანი ან/და ნაწილობრივი შუსრულებლობის დროს, ასევე პირგასამტეხლოს ასანაზღაურებლად.“

5.2. ხელშეკრულების 1.3 და 3.4.1 პუნქტებით ნაკისრი ვალდებულებები შესრულებულად ითვლება შესაბამისი აუდიტორული დასკვნის წარმოდგენის საფუძველზე. აუდიტორული დასკვნა გაცემული უნდა იყოს ,,ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მე-14 მუხლის მე-7 პუნქტით განსაზღვრული აუდიტორული ფირმის მიერ.

5.3. სტუდენტთა საერთო საცხოვრებლის მომსახურებით სარგებლობის უფლება აქვს როგორც საქართველოს, ისე უცხო ქვეყნის მოქალაქე ფიზიკურ პირს, რომელსაც უფლებამოსილი ორგანო(ები)ს ან/და თანამდებობის პირ(ებ)ის მიერ გამოცემული სათანადო დოკუმენტის საფუძველზე, მინიჭებული აქვს სტუდენტის (ბაკალავრი, მაგისტრანტი, დოქტორანტი) სტატუსი, აგრეთვე სსიპ – თბილისის

სახელმწიფო სამედიცინო უნივერსიტეტის დიპლომისშემდგომი განათლების (პროფესიული მზადება) მიმღებ საექიმო სპეციალობის მაძიებელს/რეზიდენტს.

5.4 სტუდენტთა საერთო საცხოვრებლის მომსახურების უპირატესი უფლებით სარგებლობენ

„მესაკუთრის“სტუდენტები და საექიმო სპეციალობის მაძიებლები/რეზიდენტები. ყოველწლიურად, სასწავლო წლის დაწყებამდე –– კალენდარული დღით ადრე,სტუდენტთა ახალი ნაკადის მოდინების

გათვალისწინებით, „მესაკუთრე“ „მეაღნაგეს“ ან/და მმართველ კომპანიას წერილობით მიაწოდებს ინფორმაციას მესაკუთრის სტუდენტთა იმ რაოდენობის შესახებ, რომლებიც მოცემულ სასწავლო წელს ისარგებლებენ საერთო საცხოვრებლის მომსახურებით. შეუვსებელი ადგილების შევსების უფლება, წინამდებარე ხელშეკრულების 1.5 და 5.3 პუნქტებით გათვალისწინებული პირობების შესაბამისად, ენიჭება მეაღნაგეს და/ან მმართველ კომპანიას.

5.5 სტუდენტთა საერთო საცხოვრებელში სტუდენტის განთავსების საბაზისო საფასური უნდა შეადგენდეს 150 (ასორმოცდაათი) აშშ დოლარის ექვივალენტს ლარში (ეს თანხა მოიცავს სტუდენტების განთავსებას 1-2-3-4 ადგილიან ნომრებში, რომლებიც აღჭურვილი იქნება ყველა აუცილებელი ინვენტარით (იხ. დანართი. N.2). ამასთან, თსსუ - სთან შეთანხმებით, შესაძლებელია არსებობდეს საბაზისო საფასურისაგან განსხვავებული საფასურიც.

5.6 სტუდენტთა საერთო საცხოვრებელი უზრუნველყოფილი უნდა იყოს როგორც ცენტრალიზებული, ისე სარეზერვო ელექტროკვებით, წყალმომარაგება-კანალიზაციით, თანამედროვე ცენტრალური გათბობა-ვენტილაცია-კონდიცირების სისტემით და უსადენო ინტერნეტით. საბაზისო საფასურის შეცვლა შესაძლებელია ხელშეკრულების გაფორმებიდან ყოველი სრული 36 თვიანი პერიოდის გასვლის შემდეგ, მხარეთა შეთანხმებით, ქვეყანაში არსებული ეკონომიკური სიტუაციიდან გამომდინარე და დედაქალაქის იმავე რაიონში ანალოგიური მომსახურების ღირებულების გათვალისწინებით.

5.7 “მეაღნაგემ”, საერთო საცხოვრებლის შენობაში, საკუთარი ხარჯით უნდა მოაწყოს და გაუწიოს ოპერირება შემდეგ ინფრასტრუქტურას: სასწავლო ზონა, სამრეცხაო, ფიტნეს-ცენტრი, სასადილო, სავაჭრო ფართი, სტუდენტის საჭიროებაზე მორგებული სხვა კომერციული დანიშნულების ობიექტები.

5.8 უძრავი და მოძრავი ქონების დაზიანების წინასწარ განსაზღვრული სარისკო შემთხვევების თავიდან აცილების მიზნით (მიწისძვრა, წყალდიდობა, ხანძარი, მეხისდაცემა, გრიგალი, ვანდალიზმი, ძარცვა და სხვ.), ”მეაღნაგემ”, მის ან/და ქვემოიჯარის მიერ აგებული შენობა–ნაგებობ(ების)ისა და აღნიშნულ შენობა–ნაგებობაში განთავსებული მოძრავი ქონების ექსპლუატაციის დაწყებამდე, უნდა უზრუნველყოს აღნიშნული ქონების დაზღვევა.

6. მხარეთა პასუხისმგებლობა და ხელშეკრულების შეწყვეტის საფუძვლები

6.1 ”მესაკუთრეს” უფლება აქვს ხელშეკრულება მოშალოს ვადამდე, თუ “მეაღნაგე”:

განზრახ ან უხეშად დაარღვევს წინამდებარე ხელშეკრულების პირველი მუხლით და 5.1. პუნქტით გათვალისწინებულ ვადებს.

ზედიზედ ორჯერ არ გადაიხდის ან ზედიზედ სამჯერ ვადის დარღვევით გადაიხდის ყოველწლიურად დადგენილ აღნაგობის საზღაურს;

6.2 მხარეებს შორის ხელშეკრულების შეწყვეტის სხვა პირობები რეგულირდება ამ ხელშეკრულებისა და საქართველოს მოქმედი კანონმდებლობის შესაბამისად;

6.3. ხელშეკრულების შეწყვეტის სხვა პირობები:

ა) ხელშეკრულების ვადის გასვლა;

ბ) თუ მიწის ნაკვეთი ”მეაღნაგისაგან” დამოუკიდებელი მიზეზების გამო განადგურდა და ”მეაღნაგისათვის” შეუძლებელი ხდება ქონებით სარგებლობა;

გ) ხელშეკრულების 3.3.2, 5.3 და 5.4 პუნქტებით გათვალისწინებული პირობის დადგომისას.

6.4. “მესაკუთრე” აცხადებს, რომ მის მიერ აღნაგობის უფლებით დატვირთული მიწის ნაკვეთის მიმართ, ხელშეკრულების დადების მომენტში, არ არსებობს მისთვის ცნობილი მესამე პირის მხრიდან რაიმე პრეტენზია.

6.5 პასუხისმგებლობა აღნაგობის უფლებით დატვირთული მიწის ნაკვეთის და აღნაგობის უფლების საფუძველზე აღმართული შენობა-ნაგებობის მართლზომიერ ექსპლუატაციაზე ეკისრება ”მეაღნაგეს”.

6.6 აღნაგობით გაცემულ მიწის ნაკვეთზე, კომერციული საქმიანობის განხორციელების შედეგად, გარემოზე მიყენებული ზიანისათვის ყოველგვარი სახის პახუსიმგებლობა ეკისრება ”მეაღნაგეს”.

7. ფორს-მაჟორი

7.1 მხარეები პასუხს არ აგებენ ხელშეკრულების შეუსრულებლობისათვის, თუ ეს გამოწვეულია ფორს-მაჟორული გარემოებებით (წყალდიდობა, მიწისძვრა, სხვა სტიქიური უბედურებები, ომი, რომელთა დადგომაც და კონტროლიც აღემატება მხარეთა ნებას და შესაძლებლობებს და წარმოადგენს დაუძლეველი ძალის წინააღმდეგობას აგრეთვე პანდემია, ეპიდემია, კარანტინი, საგანგებო მდგომარეობა და სხვა მსგავსი ტიპის გარემოებები) რომელთა დადგომაც შეუძლებელს ხდის წინამდებარე ხელშეკრულებით გათვალისწინებული ვალდებულებების შესრულებას.

7.2 ფორს-მაჟორული გარემოებების გასვლის შემდეგ მხარეთა ურთიერთობები გრძელდება ხელშეკრულებით დადგენილი პირობებით, გარდა იმ შემთხვევისა თუ ეს შეუძლებელია აღნაგობის უფლებით გადაცემული მიწის ნაკვეთის მთლიანად ან ნაწილობრივ (ისეთი მდგომარეობა, როდესაც შეუძლებელი ხდება ქონების ხელშეკრულების მიზნების განხორციელებისათვის გამოყენება) განადგურების გამო.

7.3 თუ ფორს-მაჟორული გარემოებები გრძელდება სამ თვეზე მეტ ხანს, თითოეულ მხარეს აქვს უფლება, მოშალოს ხელშეკრულება მეორე მხარისათვის სათანადო შეტყობინების გაგზავნის შემდეგ.

7.4 ფორს-მაჟორული მდგომარეობის შემთხვევაში, გარდა ზემოაღნიშნულისა მოქმედებს კანონმდებლობით გათვალისწინებული სხვა დებულებები.

8. დავის გადაწყვეტა

8.1 მხარეები მიიღებენ ყველა შესაძლო ზომას, რათა მათ შორის წარმოშობილი უთანხმოება და დავა გადაწყვიტონ ურთიერთშეთანხმებით.

8.2 თუ მხარეებმა ვერ მიაღწიეს შეთანხმებას, დავას გადაწყვეტს საქართველოს საერთო სასამართლოები.

9. დასკვნითი დებულებები

9.1 თითოეული მხარე იღებს ვალდებულებას მკაცრად დაიცვას ხელშეკრულების პირობები.

9.2 მხარეები კისრულობენ ვალდებულებას არ გაახმაურონ კონფედენციალური ცნობები, რომელიც მათთვის ცნობილი გახდება ხელშეკრულების მოქმედების პერიოდში.

9.3 ნებისმიერი შეტყობინება, დაკავშირებული ამ ხელშეკრულების ცვლილებასთან, დგება წერილობითი ფორმით.

9.4 ნებისმიერი შეთანხმება, დაკავშირებული ამ ხელშეკრულების ცვლილებასთან, დგება წერილობითი ფორმით და საჭიროებს ორივე მხარის მიერ ხელმოწერას.

9.5 ის საკითხები, რომელიც ამ ხელშეკრულებით გათვალისწინებული არ არის, გადაწყდება საქართველოს კანონმდებლობის შესაბამისად.

9.6 მხარეები ვალდებული არიან, მისამართებისა და რეკვიზიტების შეცვლის თაობაზე ერთმანეთს წერილობით აცნობონ 15 დღის ვადაში.

9.7 მხარე, რომლის მიმართაც დაიწყება გაკოტრების საქმის წარმოება, ვალდებულია აცნობოს მეორე მხარეს აღნიშნულის შესახებ.

9.8 წინამდებარე ხელშეკრულება ძალაში შედის მისი სანოტარო წესით დამოწმების და საჯარო რეესტრის ეროვნულ სააგენტოში რეგისტრაციის მომენტიდან და მოქმედებს მხარეთა მიერ ვალდებულებების სრულ შესრულებამდე.

9.9 აღნაგობის უფლება საჯარო რეესტრში შეიტანება მიწის ნაკვეთზე არამესაკუთრეთა სანივთო უფლებებს შორის მხოლოდ პირველი რიგის უფლებად. ეს რიგი არ შეიძლება შეიცვალოს.

9.10 მეაღნაგე ვალდებულია, მოახდინოს ხელშეკრულების საჯარო რეესტრის ეროვნულ სააგენტოში რეგისტრაცია. ხელშეკრულების სანოტარო წესით დამოწმების, საჯარო რეესტრში რეგისტრაციის

ხარჯები ანაზღაურდება „მეაღნაგის“ მიერ.

9.11 წინამდებარე ხელშეკრულება შედგენილია ქართულ ენაზე, ოთხი თანაბარი იურიდიული ძალის მქონე ეგზემპლარად, რომელთაგან ერთი ინახება სანოტარო ბიუროში, ერთი – „მეაღნაგესთან“, ერთი –

„მესაკუთრესთან“ და ერთი – საჯარო რეესტრის ეროვნულ სააგენტოში.

9.12 თუ ხელშეკრულების რომელიმე დებულება მიჩნეული იქნება ბათილად, სხვა დანარჩენი პირობები იმოქმედებს უცვლელად.

10. მხარეთა რეკვიზიტები

,,მესაკუთრე“ ,,მეაღნაგე“

სსიპ – თბილისის სახელმწიფო სამედიცინო უნივერსიტეტი

მის: ქ. თბილისი, ვაჟა ფშაველას გამზ.N. 33

საიდენტიფიკაციო კოდი: 211328703 სახელმწიფო ხაზინა

სახაზინო კოდი: TRESGE22 ა/ა: 708987519

-------------------