ხელშეკრულება მომსახურების სახელმწიფო შესყიდვის შესახებ N

ხელშეკრულება მომსახურების სახელმწიფო შესყიდვის შესახებ N

(მომსახურების შესყიდვა)

თბილისი 2019 წელი

ერთის მხრივ, სსიპ განათლების საერთაშორისო ცენტრი - აღმასრულებელი დირექტორისა xxxx xxxxxxx სახით (შემდგომში “შემსყიდველი ორგანიზაცია”) და მეორეს მხრივ -------------------------------

------ სახით (შემდგომში “მიმწოდებელი”) წოდებული მხარეებად, იმის გათვალისწინებით, რომ შემსყიდველმა ჩაატარა ელექტრონული ტენდერი აუქციონის გარეშე NAT-----, რომელშიც გამარჯვებულად მიჩნეულ იქნა მიმწოდებლის სატენდერო წინადადება, რომლის თანახმადაც, მიმწოდებელმა აიღო ვალდებულება შემსყიდველს გაუწიოს სატრანსპორტო მომსახურება.

მუხლი 1. ხელშეკრულების ობიექტი

ხელშეკრულების ობიექტს წარმოადგენს შემსყიდველის საჭიროებისათვის სატრანსპორტო მომსახურების (CPV60170000), შესყიდვა.

მუხლი 2. ხელშეკრულების ღირებულება

2.1. ხელშეკრულების ღირებულება შეადგენს ლარს.

2.2. ხელშეკრულების ღირებულებაში შედის საქართველოს კანონმდებლობით გათვალისწინებული ყველა გადასახადი, რომლის გადახდა ეკისრება “მიმწოდებელს”.

მუხლი 3. მომსახურების გაწევის ადგილი და ვადები

3.1. მომსახურების გაწევის ადგილია 11 ივლისი თბილისი გუდაურის მიმართულებით და 13 ივლისს გუდაურიდან თბილისის მიმართულებით.

3.2. მომსახურების გაწევის თარიღი და დრო 2019 წლის 11.13 ივლისი.

მუხლი 4. მომსახურების მიღება-ჩაბარება

4.1. მომსახურების გაწევის დასრულების შემდეგ მხარეებს შორის გაფორმდება მიღება-ჩაბარების აქტი.

მუხლი 5. ანგარიშსწორების პირობები:

5.1. ანგარიშსწორება მხარეთა შორის ხორციელდება უნაღდო ანგარიშსწორების წესით, “მიმწოდებლის” მიერ მითითებულ საბანკო ანგარიშზე.

5.2. ანგარიშსწორების საფუძველია მხარეების უფლებამოსილი პირების მიერ გაფორმებული მიღება- ჩაბარების აქტი.

5.3. “მიმწოდებელთან” ანგარიშსწორება განხორციელდება ერთ ეტაპად. 5.2. პუნქტით განსაზღვრული დოკუმენტების წარმოდგენიდან 10 (ათი) კალენდარული დღის ვადაში.

მუხლი 6. მხარეთა უფლება-მოვალეობანი

6.1. “შემსყიდველი ორგანიზაცია” უფლებამოსილია:

6.1.1. საქართველოს კანონმდებლობის შესაბამისად შეაჩეროს ან შეწყვიტოს ხელშეკრულების მოქმედება, თუ მიმწოდებლის მიერ წარმოდგენილი მონაცემები ყალბი აღმოჩნდება; აგრეთვე, საქართველოს კანონმდებლობით გათვალისწინებულ სხვა შემთხვევებში;

6.1.2. აწარმოოს გაწეული მომსახურების ინსპექტირება სახელმწიფო შესყიდვის შესახებ ხელშეკრულების შესრულების ნებისმიერ ეტაპზე.

6.2. “შემსყიდველი ორგანიზაცია” ვალდებულია:

6.2.1. მოახდინოს ანგარიშწორება მიმწოდებელთან წინამდებარე ხელშეკრულების მე-5 მუხლით გათვალისწინებული წესისა და პირობების შესაბამისად;

6.3. “მიმწოდებელი” უფლებამოსილია:

6.3.1. მიიღოს გაწეული მომსახურებისათვის ხელშეკრულებით გათვალისწინებული ანაზღაურება.

6.4. “მიმწოდებელი” ვალდებულია:

6.4.1. უზრუნველყოს მომსახურების გაწევა სრულყოფილად, კეთილსინდისიერად და უნაკლოდ, ხელშეკრულებით გათვალისწინებული ვადების დაცვით;

6.4.2 შემსყიდველ ორგანიზაციას გაუწიოს კომფორტული (კონდიცირების სისტემით), სუფთა- გარეცხილ მდგომარეობაში, საწვავით უზრუნველყოფილი მიკროავტობუსით მომსახურება;

6.4.3 მომსახურე მძღოლი უნდა იყოს გამოცდილი, გააჩნდეს სათანადო მართვის მოწმობა;

6.4.4 უზრუნველყოს სატრანსპორტო საშუალების უსაფრთხოების დაცვის ყველა ნორმა.

მუხლი 7. დაუძლეველი ძალა

7.1 მხარეები თავისუფლდებიან ხერშეკრულებით განსაზღვრული ვალდებულებების შეუსრულებლობით გამოწვეული პასუხისმგებლობისაგან, თუ აღნიშნული გამოწვეულია დაუძლეველი ძალის ზეგავლენით. აღნიშნულის არსებობის შემთხვევაში, მხარე ვალდებულია აცნობოს მეორე მხარეს ნაკისრი ვალდებულებების შესრულების შეუძლებლობის შესახებ.

7.2 თუ ერთ-ერთი მხარე დაუძლეველი ძალის გამო ვერ ასრულებს ნაკისრ ვალდებულებებს, იგი ვალდებულია დაუყოვნებლივ, მაგრამ არაუგვიანეს მომდევნო კალენდარული დღისა აცნობოს მეორე მხარეს მათი დადგომის ან/და დასრულების შესახებ. წინააღმდეგ შემთხვევაში შესაბამისი მხარე არ გათავისუფლდება ნაკისრი ვალდებულებებისაგან.

7.3 მხარეთა პასუხისმგებლობა და ვალდებულებები განახლდება დაუძლეველი ძალის მოქმედების დასრულებისთანავე.

მუხლი 8. ხელშეკრულების პირობების და ფასების გადასინჯვა

8.1. ხელშეკრულებაში ცვლილებები და დამატებები შეიძლება შეტანილ იქნეს ორივე მხარის თანხმობით; ცვლილებების და დამატებების შეტანა ხორციელდება წერილობითი ფორმით;

8.2. ხელშეკრულების პირობების შეცვლა დაუშვებელია, თუ ამ ცვლილების შედეგად შემსყიდველი ორგანიზაციისათვის იზრდება ხელშეკრულების ღირებულება ან უარესდება ხელშეკრულების პირობები, გარდა საქართველოს სამოქალაქო კოდექსის 398-ე მუხლით გათვალისწინებული შემთხვევებისა;

8.3. საქართველოს სამოქალაქო კოდექსის 398-ე მუხლით გათვალისწინებული პირობების დადგომის შემთხვევაში, შესაძლებელია გაიზარდოს სახელშეკრულებო ღირებულება არაუმეტეს სახელმწიფო შესყიდვის შესახებ ხელშეკრულების ჯამური ღირებულების 10 (ათი) პროცენტისა;

8.4. ხელშეკრულების პირობების ნებისმიერი ცვლილება უნდა გაფორმდეს “შეთანხმების” სახით, რომელიც ჩაითვლება ხელშეკრულების განუყოფელ ნაწილად.

8.5. ხელშეკრულებაში ცალმხრივად შეტანილი ცვლილებები და დამატებები ბათილია შეტანის მომენტიდან;

მუხლი 9. ხელშეკრულების შეწყვეტა

წინამდებარე ხელშეკრულების შეწყვეტის საფუძვლებია:

9.1. მხარეთა შეთანხმება;

9.2. ხელშეკრულებით ნაკისრი ვალდებულებების შესრულება;

9.3. საქართველოს კანონმდებლობით გათვალისწინებული სხვა შემთხვევები.

მუხლი 10. დავის გადაწყვეტა

10.1. მხარეები სადავო საკითხებს წყვეტენ ურთიერთშეთანხმების საფუძველზე;

10.2. თუ ასეთი შეთანხმება ვერ იქნება მიღწეული, მხარეთა შორის დავა გადაწყდება საქართველოს სასამართლოში, საქართველოს მოქმედი კანონმდებლობით დადგენილი წესის შესაბამისად.

მუხლი 11. ხელშეკრულების პირობების შეუსრულებლობა

11.1. ხელშეკრულების პირობების არაჯეროვანი შესრულების ან შეუსრულებლობის შემთხვევაში, მხარეები ერთმანეთის წინაშე პასუხს აგებენ მოქმედი კანონმდებლობის შესაბამისად.

11.2. მომსახურების გაწევის ვადის დარღვევის შემთხვევაში, მიმწოდებელს ეკისრება პირგასამტეხლო ყოველ ვადაგადაცილებულ დღეზე გაწეული მომსახურების ღირებულების 0,2 პროცენტის ოდენობით,

მუხლი 12. სახელმწიფო შესყიდვის შესახებ ხელშეკრულების კონტროლი

12.1. ხელშეკრულებით ნაკისრი ვალდებულებების შესრულების კონტროლს განახორციელებს -----------

მუხლი 13. ხელშეკრულების მოქმედების ვადა

13.1. წინამდებარე ხელშეკრულება ძალაში შედის ხელმოწერის დღიდან და მოქმედებს 2019 წლის -------

მუხლი 14. ინტერესთა კონფლიქტი

14.1 ,,სახელმწიფო შესყიდვების შესახებ" საქართველოს კანონის მე-8 მუხლის მოთხოვნათა გათვალისწინებით, წინამდებარე ხელშეკრულებაზე ხელმომწერი და კონტროლის განმახორციელებელი პირები სრულად აკმაყოფილებენ ამ კანონის მოთხოვნას და არ იმყოფებიან ინტერესთა კონფლიქტში მიმწოდებელთან.

მხარეები არსებითად ეთანხმებიან ხელშეკრულების პირობებს და ყოველივე ზემოთქმულის დასტურად გააფორმეს წინამდებარე ხელშეკრულება საქართველოში მოქმედი კანონმდებლობის შესაბამისად, ამ დოკუმეტის თავში მითითებულ დღესა და წელს.

“შემსყიდველი ორგანიზაცია” “მიმწოდებელი”