ობიექტი: სს ევექსის კლინიკები-წმინდა ნიკოლოზის სახელობის სამედიცინო ცენტრი (მდებარე: ქალაქი ქუთაისი , ქუჩა პ. იაშვილი , N 9., (ნაკვეთი N3) ; ქალაქი ქუთაისი, ქუჩა პ. იაშვილი , N 11; ალაქი ქუთაისი , ქუჩა ნაზარიშვილი, N 30, (ნაკვ. N2); ქალაქი ქუთაისი,...

სარემონტო-სარეკონსტრუქციო სამუშაოების წარმოების ხელშეკრულება

ქ. თბილისი -- -------------- 2021 წელი

			შემკვეთი:
	1.1.		სახელწოდება (საფირმო):
			საიდენტიფიკაციო ნომერი:
			იურიდიული მისამართი:
			საკორესპონდენციო (ფაქტობრივი) მისამართი:
			წარმომადგენელი (ხელმომწერი პირი):
			სახელი და გვარი:
			თანამდებობა/სტატუსი:
		შემსრულებელი:
		სახელწოდება (საფირმო)/სახელი, გვარი:
		საიდენტიფიკაციო/პირადი ნომერი:
		იურიდიული/საცხოვრებელი მისამართი:
		საკორესპონდენციო (ფაქტობრივი) მისამართი:
		წარმომადგენელი (ხელმომწერი პირი):
		სახელი და გვარი:
		პირადი ნომერი:
		თანამდებობა/სტატუსი:
		საკონტაქტო მონაცემები:
		საკონტაქტო პირის სახელი და გვარი:
		თანამდებობა/სტატუსი:
		ტელეფონი:
		ფაქსი:
		ელფოსტა:
		საბანკო რეკვიზიტები:
		ბანკის დასახელება:
		ბანკის კოდი:
		ანგარიშის კოდი:

2. დეფინიციები

თუ ხელშეკრულებით ან/და მასთან დაკავშირებული სხვა ხელშეკრულებ(ებ)ით სხვა რამ არ არის განსაზღვრული, ან მისი კონტექსტიდან სხვა რამ არ გამომდინარეობს, ხელშეკრულებაში ან/და მასთან დაკავშირებულ სხვა ხელშეკრულებ(ებ)ში ქვემოთ მოცემულ დეფინიციებს აქვთ შემდეგი მნიშვნელობა:

1. განცხადებები და გარანტიები – ხელშეკრულების მე-7 მუხლში მოცემული შემსრულებლის განცხადებები და გარანტიები;

2. დამატებითი პირობები – ხელშეკრულების დანართ #1-ით (თუ ასეთი შეთანხმდა მხარეთა მიერ) განსაზღვრული პირობები, მასში შეტანილი დამატებებისა და ცვლილებების ჩათვლით;

3. დანართი – თუკი ცალსახად სხვაგვარად არ იქნა გათვალისწინებული ხელშეკრულების ან/და მასთან დაკავშირებული სხვა ხელშეკრულებების დანართ(ებ)ი (კონტექსტის შესაბამისად), რომელიც/რომლებიც წარმოადგენს ხელშეკრულების ან მასთან დაკავშირებული სხვა ხელშეკრულებ(ებ)ის განუყოფელ ნაწილს და მოქმედებს მასთან ერთად.

4. კანონმდებლობა – საქართველოს მოქმედი საკანონმდებლო და კანონქვემდებარე ნორმატიული აქტები და საქართველოს ნორმატიულ აქტთა სისტემაში მოქცეული საერთაშორისო ხელშეკრულებები და შეთანხმებები;

5. კოორდინატორი – ნიშნავს სათანადოდ უფლებამოსილ შემკვეთის წარმომადგენელს, რომელიც წარმოადგენს შემკვეთს და მისი სახელით აწარმოებს პროექტის მიმდინარეობის ორგანიზაციულ და დოკუმენტალურ კონტროლს;

6. მასთან დაკავშირებული სხვა ხელშეკრულება (ან ხელშეკრულებასთან დაკავშირებული სხვა ხელშეკრულება) – ხელშეკრულების საფუძველზე და მის შესაბამისად შემკვეთსა და შემსრულებელს, ან შემკვეთს/შემსრულებელსა და მესამე პირ(ებ)ს შორის დადებული უზრუნველყოფის ხელშეკრულება, თავდებობის ხელშეკრულება ან/და სხვა დოკუმენტები, რომელთა დადება ან/და გაცემა გათვალისწინებულია ხელშეკრულებით ან/და ხდება მის საფუძველზე;

7. მესამე პირ(ებ)ი – ნებისმიერი პირი გარდა შემკვეთის ან/და შემსრულებლისა;

8. მხარე/მხარეები – შემკვეთი ან/და შემსრულებელი, კონტექსტის შესაბამისად.

9. ობიექტი: სს ევექსის კლინიკები-წმინდა ნიკოლოზის სახელობის სამედიცინო ცენტრი (მდებარე: ქალაქი ქუთაისი , ქუჩა პ. xxxxxxx , X 0., (ნაკვეთი N3) ; ქალაქი ქუთაისი, xxxx x. იაშვილი , N 11; xxxxx xxxxxxx , xxxx xxxxxxxxxxx, N 30, (ნაკვ. N2); ქალაქი ქუთაისი, xxxx x. იაშვილი , N 9., (ნაკვეთი N1))

10. ობიექტის უფროსი - ნიშნავს სათანადოდ უფლებამოსილ შემკვეთის წარმომადგენელს, რომელიც წარმოადგენს შემკვეთს და მისი სახელით ასრულებს ყველა მართლზომიერ ქმედებას უფლებამოსილების ფარგლებში;

11. პროექტის მენეჯერი - ნიშნავს სათანადოდ უფლებამოსილ შემსრულებლის წარმომადგენელს, რომელიც წარმოადგენს შემსრულებელს და მისი სახელით აწარმოებს პროექტის მიმდინარეობის ორგანიზაციულ და დოკუმენტალურ კონტროლს - პროექტის მენეჯერია: -------------------------; პირადი ნომერი: -----------------------------)

12. პირ(ებ)ი – ფიზიკური პირ(ებ)ი, იურიდიული პირ(ებ)ი ან/და საქართველოს ან სხვა ქვეყნის კანონმდებლობით გათვალისწინებული სხვა ორგანიზაციული წარმონაქმნ(ებ)ი, რომელიც/რომლებიც არ წარმოადგენს/წარმოადგენენ იურიდიულ პირ(ებ)ს;

13. სამუშაოთა მწარმოებელი - ნიშნავს სათანადოდ უფლებამოსილ შემსრულებლის წარმომადგენელს, რომელიც წარმოადგენს შემსრულებელს და მისი სახელით ასრულებს ყველა მართლზომიერ ქმედებას თავისი უფლებამოსილების ფარგლებში. ასევე შემსრულებლის სუბკონტრაქტორებსა და მათ წარმომადგენლებს, რომლებიც მართლზომიერად იმყოფებიან ობიექტზე;

14. სამუშაოთა მიმდინარეობის დოკუმენტაციის ფორმები – ა) დოკუმენტები შესრულებული სამუშაოების შესახებ - აქტი შესრულებული სამუშაოების შესახებ (ფორმა #2) და ცნობა შესრულებული სამუშაოების ღირებულების შესახებ (ფორმა #3) რომლებიც წარმოადგენს შემსრულებლის მიერ სამუშაოების განსაზღვრული მოცულობის შესრულების დამადასტურებელ საბუთს. ბ) ფარულ სამუშაოთა აქტი - შეთანხმება მხარეებს შორის იმ სამუშაოთა შესაბამისობისა პროქტთან, რომელთა შეფასება შეუძლებელი შეიქმნება მომავალში. გ) სამუშაოს შეფასების აქტი – შესრულებული სამუშაოს ხარისხის, მოცულობის, აგრეთვე არასაჭირო მასალებისგან და სამშენებლო ნაგვისგან დასუფთავების შეფასების ერთობლივი დოკუმენტი; დ) აქტი დეფექტების შესახებ - შემკვეთის მიერ დოკუმენტალურად დაფიქსირებული ხარვეზების ჩამონათვალი და აღწერილობა; ე) დოკუმენტალური მიმოწერის ფორმები - ხელშეკრულების მოქმედების პერიოდში მხარეთა შორის დოკუმენტალური ურთიერთობის რეგლამენტი; ვ) ჟურნალი – ობიექტზე წარმოდგენილი დოკუმენტი, რომელშიც შემსრულებლის წარმომადგენლები სისტემურად, ყოველდღიურად აფიქსირებენ შენიშვნებსა და რეკომენდაციებს ზ) მასალების მიწოდების აქტი – დოკუმენტი, რომელშიც შემსრულებლის და შემკვეთის წერმომადგენლების მიერ ერთობლივად აღინუსხება ობიექტზე შემოტანილი მასალების რაოდენობა, აგრეთვე ვიზუალური შეფასებისთვის შესაძლებელი ხარისხობრივი დასკვნები და შენიშვნები.

15. ფორს-მაჟორი – სტიქიური კატასტროფა, ხანძარი, საომარი მოქმედება, ადმინისტრაციულ-სამართლებრივი აქტი ან/და მხარეთათვის გადაულახავი და მათი კონტროლისაგან დამოუკიდებელი სხვა გარემოებები, რომლებიც: ა) არ არის დაკავშირებული მხარეების შეცდომებსა და დაუდევრობასთან, ბ) დაიწყო ან განვითარდა ხელშეკრულების ხელმოწერის შემდეგ და გ) პირდაპირ და უშუალო ზეგავლენას ახდენს ხელშეკრულებით ან/და მასთან დაკავშირებული სხვა ხელშეკრულებ(ებ)ით ნაკისრი ვალდებულებების სრულად ან/და ჯეროვნად შესრულებაზე;

16. ხელშეკრულება – მხარეთა შორის დადებული (ა) წინამდებარე სამუშაოების წარმოების ხელშეკრულება; (ბ) წინამდებარე ხელშეკრულების დანართი #1 (დამატებითი პირობები) (მხარეთა მიერ ასეთი შეთანხმების შემთხვევაში) და (გ) ნებისმიერი დამატებითი დანართ(ებ)ი (მათ შორის ხელშეკრულების „ა“ დანართი – ხარჯთაღრიცხვა;

17. გაუთვალისწინებელი ხარჯები - წარმოადგენს ისეთ ხარჯებს, რომელიც მოიცავს თანმდევ სამუშაოებს და ამ სამუშაოების შესასრულებლად საჭირო მასალებს, ასევე, რომელიც არ არის ასახული ხარჯთაღრიცხვაში ან აღემატება ხარჯთაღრიცხვაში მოცემულ მოცულობებს;

18. სამუშაო შეხვედრა - სამუშაოთა წარმოების პროცესში სამუშაო შეხვედრა, რომელსაც ესწრებიან შემკვეთის და შემსრულებლის უფლებამოსილი წარმომადგენლები, რა დროსაც მხარეები ადგენენ ოქმს;

19. მოტივირებული უარი - შესაბამისი სტანდარტებისა და ნორმათა წესების დარღვევით შემსრულებლის მიერ შესრულებული სამუშაოები, მოტივირებული უარი ეგზავნება შემსრულებელს, რომელსაც უფლება აქვს დაეთანხმოს სამუშაოების შესრულების დადასტურებაზე წარმოდგენილ მოტივირებულ უარს და იღებს გადაწყვეტილებას გამოსასაწორებლად ან აფიქსირებს თავის პოზიციას მოტივირებულ უარზე არდათანხმების შესახებ. ამ უკანასკენლის შემთხვევაში სადაო საკითხი განსახილველად გადაეცემა ექსპერტს, რომლის ხარჯსაც ანაზღაურებს შემსრულებელი;

3. ხელშეკრულების საგანი

1. შემსრულებელი კისრულობს ვალდებულებას, შეასრულოს ხელშეკრულების 4.1. პუნქტით გათვალისწინებული სამუშაო, ხოლო შემკვეთი ვალდებულია გადაუხადოს შემსრულებელს ხელშეკრულებით შეთანხმებული საზღაური.

4. შესასრულებელი სამუშაოს აღწერა

1. შესასრულებელ სამუშაოს წარმოადგენს ამ ხელშეკრულებით გათვალისწინებულ ობიექტზე სარემონტო სამუშაოების წარმოება (შემდგომში – სამუშაო). სამუშაოთა დეტალური ჩამონათვალი თან ერთვის ხელშეკრულებას „ა“ დანართის სახით.

2. შემსრულებელი ასრულებს სამუშაოს პირადად, თავისი მასალით და გადასცემს შემკვეთს შესრულებულ სამუშაოს. პასუხისმგებლობა მასალის შენახვაზე, ისე როგორც მისი ხარისხის შესაბამისობაზე სტანდარტებთან, ეკისრება შემსრულებელს.

3. საჭიროების შემთხვევაში შემსრულებელმა შესაძლოა სამუშაო შეასრულოს შემკვეთის მასალით (რაზეც მხარეები დამატებით წერილობით შეთანხმდებიან).

4. ცალკეული სამუშაოების გადაცემა ქვეკონტრაქორებისათვის შეთანხმებული უნდა იყოს შემკვეთთან. ამასთან შემსრულებელი ვალდებულია უხელმძღვანელოს და კონტროლი გაუწიოს ქვეკონტრაქტორების და ასევე შემკვეთის მიერ ობიექტზე დაშვებული სხვა კონტრაქტორების/პირების (ასეთის არსებობის შემთხვევაში) მიერ სამუშაოთა განხორციელებას და წარმართვას იმგვარად, რომ უზრუნველყოფილი იყოს სამუშაოთა შეუფერხებელი განხორციელება. ამ მიზნით შემსრულებელს უფლება აქვს მიუთითოს აღნიშნულ პირებს შესაბამისი ქმედებების შესრულებაზე ან ამ ქმედებებისგან თავის შეკავებაზე და ამ მითითებების შესრულების სტატუსის შესახებ აცნობოს შემკვეთს.

5. შემსრულებელი სამუშაოს შესრულებას უზრუნველყოფს წინამდებარე ხელშეკრულების გაფორმებიდან მაქსისმუმ 21 (ოცდაერთი) კალენდარული დღის განმავლობაში;

6. ამ ხელშეკრულების ხელმოწერით შემსრულებელი ადასტურებს, რომ მას ობიექტი გადაეცა სათანადო და იმგვარ მდგომარეობაში, რომ მას ყოველგვარი დაბრკოლების გარეშე შეუძლია ხელშეკრულებით გათვალისწინებული სამუშაოს დაწყება და შესრულება.

7. შემკვეთი არ აანაზღაურებს წინასწარ მასთან შეუთანხმებლად გაწეულ დამატებით ხარჯებს, შეთანხმება დამატებით ხარჯების გაწევაზე/ანაზღაურებაზე შემკვეთთან უნდა გაფორმდეს წერილობით;

5. სამუშაოს შესრულების ძირითადი პირობები და შესრულებული სამუშაოს მიღება

1. შემკვეთი ვალდებულია:

   1. დროულად მოახდინოს, როგორც საავანსო თანხების (ასეთის არსებობის შემთხვევაში), ასევე დარჩენილი ანაზღაურების შემსრულებლისათვის გადახდა;

   2. მიაწოდოს შემსრულებელს სამუშაოების განხოციელებისათვის საჭირო ყველა შესაბამისი ინფორმაცია/დოკუმენტაცია (ასეთის არსებობის/საჭიროების შემთთხვევაში);

2. შემკვეთი უფლებამოსილია:

   1. ზედამხედველობა გაუწიოს სამუშაოთა მიმდინარეობას (მათ შორის, განახორციელოს მიმდინარე სამუშაოთა ფოტო და ვიდეო გადაღება), მისცეს შემსრულებელს შესაბამისი რეკომენდაციები რომლებიც აუცილებელია ხელშეკრულებით გათვალისწინებული სამუშაოს შესრულებისათვის.

   2. სისტემატურად აწარმოოს სამუშაოს მიმდინარეობის ვადების, ხარისხის, უსაფრთხოების და გარემოს დაცვის კონტროლი.

   3. მოითხოვოს ობიექტზე გამოყენებული მასალების ხარისხისა და წარმომავლობის დოკუმენტაცია.

   4. შემკვეთი უფლებამოსილია ცალმხრივად შეცვალოს სამუშაოს აღწერილობა, ან გაზარდოს/შეამციროს სამუშაოთა მოცულობა იმ პირობით, რომ ეს ცვლილება არ შეეხება შემსრულებლის მიერ უკვე განხორციელებულ სამუშაოებს . აღნიშნულის თაობაზე შემკვეთი ვალდებულია წერილობით აცნობოს შემსრულებელს, ხოლო შემსრულებელი ვალდებულია წერილობითი შეტყობინების მიღებიდან 3 (სამი) კალენდარული დღის ვადაში წარუდგინოს შემკვეთს შეცვლილი ხარჯთაღრიცხვა შესათანხმებლად და დასამტკიცებლად.

   5. სამუშაოების მიმდინარეობის ნებისმიერ ეტაპზე მოსთხოვოს შემსრულებელს შესრულებული სამუშაოების შესახებ (ფორმა #2) შუალედური აქტის წარდგენა

3. შემსრულებელი ვალდებულია:

   1. დროულად წერილობით გააფრთხილოს შემკვეთი იმის თაობაზე, რომ არსებობს შემსრულებლისაგან დამოუკიდებელი სხვა რამ გარემოება, რომელიც საფრთხეს უქმნის ნაკეთობის სიმტკიცესა და ვარგისიანობას;

   2. დაუყოვნებლივ, წერილობით აცნობოს შემკვეთს, თუ სამუშაოს დაწყების ხელშეკრულებით განსაზღვრული პერიოდისათვის მზადყოფნაში არ დახვდა ობიექტი;

   3. შემკვეთის დავალებით აღმოუჩინოს დახმარება მესამე პირებს, მათ მიერ სამუშაოების წარმოების პერიოდში, მათ შორის, მასალის ობიექტზე დასაწყობება, შემსრულებლის ხელთ არსებული ყველა ტექნიკური ინფორმაციის მიცემა და ა.შ. მხოლოდ იმ შემთხვევაში, თუ ეს არ გამოიწვევს დამატებითი ხარჯების წარმოშობას შემსრულებლისთვის და/ან შესასრულებელი სამუშაოების შეფერხებას;

   4. უზრუნველყოს სამუშაოების შეუფერხებელი შესრულება ობიექტზე, არ დაუშვას მესამე პირთა მხრიდან სამუშაო პროცესის შეფერხება, გარდა იურიდიული საფუძვლის არსებობისა;

   5. გაუფრთხილდეს მისთვის მიღება-ჩაბარების აქტით გადაცემულ შემკვეთის ან მესამე პირ(ებ)ის ნებისმიერ მასალას სამუშაოთა საბოლოო მიღება–ჩაბარების აქტის გაფორმებამდე.

   6. დაიცვას კანონითა და არსებული სტანდარტების მიხედვით შრომის უსაფრთხოების წესები.

   7. შეასრულოს ხელშეკრულებით გათვალისწინებული სამუშაო კანონმდებლობით დადგენილი ნორმატივების, პროექტის ტექნიკური სპეციფიკაციის და ხელშეკრულებით გათვალისწინებული პირობების დაცვით.

   8. შემკვეთის მოთხოვნისთანავე და ასევე თავისი ინიციატივით, ყოველთვიურად არაუგვიანეს სამუშაოების მიმდინარეობის ყოველი კალენდარული თვის ბოლო დღისა წარუდგინოს შემკვეთს შუალედური აქტი შესრულებული სამუშაოების შესახებ (ფორმა #2);

   9. შემსრულებელი ვალდებულია შემკვეთის წერილობითი ან ზეპირი მოთხოვნით განსაზღვრულ ვადაში, ხოლო ასეთის არ არსებობისას, შემკვეთის მოთხოვნიდან 10 (ათი) კალენდარული დღის ვადაში დააზღვიოს ამავე მოთხოვნით განსაზღვრული სადაზღვევო რისკები, კერძოდ, ყველა სამშენებლო/სარემონტო/სარეკონსტრუქციო რისკი, ამასთან, ყველა სამშენებლო/სარემონტო/სარეკონსტრუქციო რისკის დაზღვევისას დაზღვევის ბენეფიციარს უნდა წარმოადგენდეს შემკვეთი ან/და შემკვეთის მიერ დასახელებული პირი ისე, რომ თუკი სხვაგვარად არ იქნა მოთხოვნილი შემკვეთის მიერ (ა) სადაზღვევო ანაზღაურებით შესაძლებელი იყოს შემკვეთის (ან/და შემკვეთის მიერ დასახელებული პირის) მოთხოვნების სრულად დაკმაყოფილება, და (ბ) დაზღვევის ერთჯერადი ან ჯამური ვადა არ უნდა იყოს სარეკონსტრუქციო სამუშაოების (მათ შორის ხარვეზების გამოსწორების) დასრულების ვადაზე ნაკლები.

   10. ამასთან, შემსრულებელი იღებს ვალდებულებას:

       1. დაზღვევა განახორციელოს შემკვეთისათვის მისაღებ, მაღალი რეპუტაციის მქონე სადაზღვევო კომპანიაში;

       2. დაზღვევის მომენტიდან 10 (ათი) კალენდარული დღის ვადაში დაზღვევის დამადასტურებელი დოკუმენტ(ებ)ი წარუდგინოს შემკვეთს;

       3. თუ დაზღვევის დამადასტურებელი დოკუმენტის ერთჯერადი მოქმედების ვადა ნაკლებია სამუშაოების (მათ შორის ხარვეზების გამოსწორების) დასრულების ვადაზე, დაზღვევის დამადასტურებელი დოკუმენტის მოქმედების ვადის გასვლამდე არანაკლებ 10 (ათი) კალენდარული დღით ადრე წარუდგინოს შემკვეთს დაზღვევის დამადასტურებელი ახალი დოკუმენტი განახლებული ვად(ებ)ით;

       4. დაიცვას დაზღვევის შესახებ ხელშეკრულების პირობები, მათ შორის სადაზღვევო შემთხვევის დადგომის შესახებ დაუყოვნებლივ აცნობოს შემკვეთს და სადაზღვევო კომპანიას, აგრეთვე, განახორციელოს ყველა ის ქმედება, რომელიც მოთხოვნილია სადაზღვევო კომპანიის მიერ სადაზღვევო შემთხვევის ასანაზღაურებლად.

   11. თვალსაჩინო ადგილებზე გააკრას კანონითა და არსებული სტანდარტების გათვალისწინებით საჭირო აბრები, ნიშნები და მაჩვენებლები.

   12. უზრუნველყოს ობიექტზე სისუფთავე, უსაფრთხოება და ნორმალური ჰიგიენური პირობების დაცვით,

   13. სისტემატურად აწარმოოს ობიექტის დალაგება, დასუფთავება, ნაგვის გატანა, თუ ასეთი ქმედების საჭიროება გამოწვეულია მისი ან მისი ქვეკონტრაქტორის მიერ განხორციელებული ქმედებებით.

   14. დაუშვას შემკვეთის წარმომადგენლები ტერიტორიაზე და მისცეს მათ სათანადო და სრული ინფორმაცია სამუშაოს მიმდინარეობის შესახებ;

   15. უზრუნველყოს, რომ მისმა წარმომადგენლებმა და მის მიერ სარემონტო სამუშაოებისათვის დაქირავებულმა პირებმა ობიექტზე არ მიაწოდონ ინფორმაცია შემკვეთის კლიენტებსა და მესამე პირ(ებ)ს სამუშაობის მიმდინარეობის შესახებ, აგრეთვე შემკვეთსა და შემსრულებელს შორის არსებული ურთიერთობების შესახებ.

   16. შემკვეთის მოთხოვნიდან გონივრულ ვადაში საკუთარი ხარჯით გამოასწოროს ის ხარვეზი, რომელიც სამუშაოს ჩაბარების დროს არ გამოვლენილა, მაგრამ გამოწვეული იყო უხარისხო მასალით (თუ აღნიშნული მასალა შეძენილ იქნა შემსრულებლის მიერ) ან სამუშაოთი.

   17. სამუშაოთა შესრულების დაწყებამდე დანიშნოს სამუშაოთა მწარმოებელი და შეატყობინოს შემკვეთს წერილობითი ფორმით როგორც მათი დანიშვნის, აგრეთვე შეცვლის (მათ შორის პროექტის მენეჯერების) შესახებ. შემკვეთი უფლებამოსილია უარი განაცხადოს კონკრეტული პირ(ებ)ის სამუშაოთა მწარმოებლად, პროექტის მენეჯერად ან ხელშეკრულების შესრულებასთან დაკავშირებით რაიმე საქმიანობის განმახორციელებელ პირად დანიშვნაზე.

   18. დაიწყოს სამუშაოს შესრულება ამ ხელშეკრულების ხელმოწერისთანავე;

   19. სამუშაოს საბოლოო მიღება-ჩაბარების აქტის გაფორმებიდან 3 (სამი) კალენდარული დღის ვადაში, შემკვეთთან შეთანხმებით გაიყვანოს თავისი მუშა-მოსამსახურეები ობიექტიდან, თავისი ხარჯით გაასუფთავოს ობიექტი მასზე არსებული სამშენებლო/სარეკონსტრუქციო მასალებისა და მისი ნარჩენებისაგან, ასევე გაიტანოს შესაბამისი აღჭურვილობა.

   20. შემსრულებელი ვალდებულია ყველა ზომა მიიღოს იმისათვის, რომ მის მიერ ხელშეკრულებით განსაზღვრული სამუშაოების წარმოების პროცესში არ დააზიანოს და დაანაგვიანოს ობიექტის მიმდებარედ არსებული ტერიტორია. აღნიშნული ვალდებულების შეუსრულებლობის ან არაჯეროვნად შესრულების შემთხვევაში შემსრულებელი ვალდებულია დაუყოვნებლივ აღადგინოს მიმდებარე ტერიტორია პირვანდელ მდგომარეობაში და სრულად აუნაზღაუროს შემკვეთს და მესამე პირ(ებ)ს მიყენებული ზიანი.

   21. შემსრულებლის მიერ სამუშაოების შესრულებისათვის დაქირავებული პირები ობიექტზე უნდა აკმაყოფილებდნენ კანონით დადგენილ მოთხოვნებს.

   22. წარუდგინოს შემკვეთს უფლებრივად და ნივთობრივად უნაკლო სამუშაო. შესრულებული სამუშაო ა) უფლებრივად უნაკლოა, თუ მესამე პირ(ებ)ს არ შეუძლიათ გამოიყენონ რაიმე უფლებები შემკვეთის წინააღმდეგ, ბ) ნივთობრივად უნაკლოა, თუ იგი შეესაბამება შეთანხმებულ პირობებს, კერძოდ შესრულებული სამუშაოს ხარისხი უნდა აკმაყოფილებდეს ხელშეკრულებით განსაზღვრულ მოთხოვნებს და კანონმდებლობით გათვალისწინებულ ნორმებს.

4. შემკვეთმა უნდა მიიღოს შესრულებული სამუშაო, თუ ის სრულად შეესაბამება მხარეთა შორის ხელშეკრულებით განსაზღვრულ პირობებს.

5. შესრულებული სამუშაოს მიღების ადგილია ობიექტის ადგილსამყოფელი.

6. შემსრულებელი ვალდებულია სამუშაოების დასრულების ბოლო დღეს შემკვეთს წარუდგინოს მის მიერ შესრულებულ სამუშაოთა აქტი (ხელშეკრულების ფორმა #2) და ცნობა შესრულებული სამუშაოების ღირებულების შესახებ (ხელშეკრულების ფორმა #3).

7. უზრუნველყოს შემკვეთის მიერ შემუშავებული, სავალდებულოდ შესასრულებელი „კონტრაქტორთა მართვის“ წესის განუხრელი დაცვა და შესრულება, რომელსაც შემსრულებელი სრულად გაცნობილია და რომელიც დანართის სახით თან ერთვის ამ ხელშეკრულებას და მისი შემადგენელი და განუყოფელი ნაწილია.

8. შემსრულებელი უფლებამოსილია:

   1. მოსთხოვოს შემკვეთს ამ ხელშეკრულებით გათვალისწინებული პირობების დაცვა;

5. სამუშაოების ღირებულება, გადახდის წესი და პირობები

   1. სამუშაოების ღირებულება მოიცავს ხელშეკრულებით გათვალისწინებული მასალისა და სამუშაოების წარმოების ღირებულებას (შემდგომში – სამუშაოს ღირებულება). სამუშაოთა ღირებულება მოცემულია დანართი „ა“-ს სახით.

   2. სამუშაოს ღირებულება მოიცავს კანონმდებლობით გათვალისწინებულ ყველა სახის გადასახდელს და გადასახადს, მათ შორის, დამატებული ღირებულების გადასახდასაც.

   3. შემკვეთი უფლებამოსილია გამოუქვითოს შემსრულებელს პირგასამტეხლოს ანაზღაურების და ხარვეზით შესრულებული სამუშაოთა ღირებულების თანხები იმ გადასახდელებიდან, რომელთა გადახდაც მას ეკისრება შემსრულებლისათვის ხელშეკრულების თანახმად.

   4. სამუშაოს ღირებულების გადახდა მოხდება ხელშეკრულების ფორმა #2-ის გათვალისწინებითა და საფუძველზე, რომელიც დადასტურებული უნდა იყოს შემკვეთის მიერ. სამუშაოს ღირებულების გადახდა მოხდება შემკვეთის მიერ დადასტურებიდან 15 (თხუთმეტი) კალენდარული დღის ვადაში.

   5. ბაზარზე შრომითი ანაზღაურების ფასის გაზრდა არ იმოქმედებს სამუშაოთა ღირებულებაზე.

   6. ნებისმიერი დამატებითი სამუშაოს ღირებულება მხარეთა შორის უნდა შეთანხმდეს წინასწარ, წერილობითი ფორმით. იმ შემთხვევაში, თუ მხარეთა შორის ვერ მოხერხდა შეთანხმება, შემკვეთი უფლებამოსილია თავად მოძებნოს სხვა შემსრულებელი და შესაბამისი ხელშეკრულების საფუძველზე შეასრულებინოს მას კონკრეტული სამუშაო.

   7. სამუშაოთა მოცულობის ცვლილების შემთხვევაში დაუშვებელია ,,ა“ დანართში მოცემული მასალ(ებ)ის ფას(ებ)ის ცვლილება. ცვლილებას დაექვემდებარება მხოლოდ სამუშაოთა ჯამური ღირებულება სამუშაოთა მოცულობის ცვლილების პროპორციულად.

5. განცხადებები და გარანტიები

   1. შემსრულებელი აცხადებს და იძლევა გარანტიას, რომ:

      1. ხელშეკრულების ან/და მასთან დაკავშირებული სხვა ხელშეკრულებ(ებ)ის დადების/ხელმოწერის დროისათვის ფლობს სამუშაოს შესრულებისათვის ყველა აუცილებელ ძირითად საშუალებას და ჰყავს კვალიფიციური მუშახელი;

      2. ხელშეკრულების ან/და მასთან დაკავშირებული სხვა ხელშეკრულებ(ებ)ის დადების/ხელმოწერის დროისათვის არის/იქნება ქმედუნარიანი (მათ შორის, შექმნილი კანონმდებლობით დადგენილი წესით);

      3. ხელშეკრულების ან/და მასთან დაკავშირებული სხვა ხელშეკრულებ(ებ)ის დადების/ხელმოწერისა და შესრულებისათვის საჭირო უფლებამოსილების მიზნით მის მიერ მოპოვებულია ყველა აუცილებელი თანხმობა, ნებართვა თუ მინდობილობა;

      4. მომავალში დანართ(ებ)ის ან/და მასთან დაკავშირებული სხვა ხელშეკრულებ(ებ)ის დადების/ხელმოწერისა და შესრულებისათვის საჭირო უფლებამოსილების მიზნით მის მიერ მოპოვებული იქნება ყველა აუცილებელი თანხმობა, ნებართვა თუ მინდობილობა;

      5. ხელშეკრულება ან/და მასთან დაკავშირებული სხვა ხელშეკრულებ(ებ)ი იდება/დაიდება მის მიერ ნებაყოფლობით, შემკვეთის ან მესამე პირ(ებ)ის მხრიდან მის მიმართ ძალადობის, მუქარის, მოტყუების, შეცდომის ან/და რაიმე სხვა გარემოების გამოყენების გარეშე;

      6. ხელშეკრულების ან/და მასთან დაკავშირებული სხვა ხელშეკრულებ(ებ)ის დადება და შესრულება არ იწვევს/გამოიწვევს იმ სახელშეკრულებო, სასამართლო (მათ შორის, საარბიტრაჟო სასამართლო), საკანონმდებლო ან/და სხვა ვალდებულებების დარღვევას, რომელთა დაცვაზეც ის პასუხისმგებელია;

      7. ხელშეკრულების ან/და მასთან დაკავშირებული სხვა ხელშეკრულებ(ებ)ის დადების/ხელმოწერის მომენტისათვის, ის არ მონაწილეობს არც ერთ დავაში (მოსარჩელის, მოპასუხის, მესამე პირის ან სხვა სახით), რითაც საფრთხე ექმნება მის აქტივებს/ქონებას ან/და მის მიერ ხელშეკრულების ან/და მასთან დაკავშირებული სხვა ხელშეკრულებ(ებ)ის პირობების შესრულებას;

      8. . ხელშეკრულების ან/და მასთან დაკავშირებული სხვა ხელშეკრულებ(ებ)ის დადების/ხელმოწერისა და მოქმედების მთელი პერიოდისათვის მისი საქმიანობა ან/და ქმედება შესაბამისობაში არის/იქნება საკუთარ წესდებასთან ან/და სხვა მარეგულირებელ დოკუმენტთან და ადგილობრივ ან/და საერთაშორისო კანონმდებლობასთან;

      9. . ხელშეკრულების ან/და მასთან დაკავშირებული სხვა ხელშეკრულებ(ებ)ის დადების/ხელმოწერისა და მოქმედების მთელი პერიოდისათვის იგი იცავს და დაიცავს ამ ხელშეკრულების პირობებს.

      10. . მისი ქმედება არ არის/იქნება მიმართული შემკვეთის მოტყუებისაკენ. აღნიშნული პრინციპის გათვალისწინებით ხელშეკრულების დასადებად ან მის საფუძველზე და შესასრულებლად, მის მიერ შემკვეთისათვის წარდგენილი დოკუმენტი ან/და ინფორმაცია მისი წარმოდგენის მომენტისათვის ასევე არის/იქნება უტყუარი, ზუსტი და სრული. ამასთანავე, მისთვის ცნობილია, რომ ყალბი დოკუმენტების ან/და ინფორმაციის მიწოდება კანონმდებლობის შესაბამისად წარმოადგენს დასჯად ქმედებას.

11. მისთვის ცნობილია, რომ შემკვეთის პოლიტიკა მკაცრად კრძალავს დირექტორის, უფლებამოსილი პირის, წარმომადგენლის, თანამშრომლის, სხვა პერსონალის ან მასთან დაკავშირებული პირის ან/და მისი აფილირებული პირის მონაწილეობას იმგვარ ქმედებებში, რაც გულისხმობს ღირებულების მქონე რაიმე ნივთის/არამატერიალური ქონებრივი სიკეთის შეთავაზებას ან მიღებას (პირდაპირ თუ არაპირდაპირ), ამა თუ იმ პირის, შემკვეთის, მასთან დაკავშირებული პირის ან/და მისი აფილირებული პირის ან მისი შემკვეთის მიერ სარგებლის მიღების, ბიზნესის არაკეთილსინდისიერად მოპოვების ან შენარჩუნების ან/და სხვაგვარი ბიზნეს უპირატესობის მიღების მიზნით;

12. მას (მათ შორის არც მის დირექტორს, უფლებამოსილ პირს, წარმომადგენელს, თანამშრომელს ან სხვა პერსონალს) ან მასთან დაკავშირებული პირს ან/და მის აფილირებულ პირს:

    1. პირდაპირ ან არაპირდაპირ არ გადაუხდია ან მიუღია (ან ჩართულა რაიმე გარიგებაში, რომლის მიხედვითაც უნდა გადაიხადოს ან მიიღოს), ნებისმიერი უკანონო ან/და დაფარული საკომისიო, ქრთამი, სასყიდელი ან ანაზღაურება, რაც შეიძლება უკავშირდებოდეს ხელშეკრულებას;

    2. არ განუხორციელებია რაიმე ქმედება (ფარული შეთანხმების ჩათვლით), რასაც შესაძლოა გავლენა მოეხდინა ნარდობის პროცესზე ან ხელშეკრულების დადებაზე, რომლის მიზანია ფასების ხელოვნური რეგულირება ან/და არაკონკურენტული გარემოს შექმნა;

    3. არ შეუთავაზებია ან მიუღია ღირებულების მქონე რაიმე ნივთი/არამატერიალური ქონებრივი სიკეთე, რასაც შეიძლება გავლენა მოეხდინა შემკვეთის მისი დირექტორის, უფლებამოსილი პირის, წარმომადგენლის, თანამშრომლის, სხვა პერსონალის ან მასთან დაკავშირებული პირის ან/და მისი აფილირებული პირის ქმედებებზე, ასევე რომელიმე ზემოაღნიშნული პირის მხრიდან არ ჰქონია ადგილი მუქარას მისი ქონების ან რეპუტაციის მიმართ, ბიზნეს უპირატესობის არაკეთილსინდისიერად მოპოვების, ან ბიზნესის წარმოების მიზნით;

    4. სხვაგვარად არ ყოფილა ჩაბმული კორუფციულ საქმიანობაში.

13. შემკვეთის პოლიტიკის ან ნებისმიერი ზემოაღნიშნული დებულების დარღვევა გამოიწვევს მის დაუყოვნებლივ დისკვალიფიკაციას ნარდობის პროცესიდან ან/და ხელშეკრულების შეწყვეტას. ამასთან, ამგვარი დისკვალიფიკაცია ან/და ხელშეკრულების შეწყვეტა არ გამორიცხავს შემსრულებლის ან/და მისი დირექტორის, უფლებამოსილი პირის, წარმომადგენლის, თანამშრომლის, სხვა პერსონალის ან მასთან დაკავშირებული პირის ან/და მისი აფილირებული პირის პასუხისმგებლობას და შესაბამის სანქციებს, რაც გათვალისწინებულია კანონმდებლობით (მათ შორის, ყოველგვარი შეზღუდვის გარეშე, სისხლის სამართლის პასუხისმგებლობასაც).

14. შემსრულებლის აღნიშნული განცხადებები და გარანტიები ძალაშია მხარეთა მიერ ამ ხელშეკრულების ან/და მასთან დაკავშირებული სხვა ხელშეკრულებ(ებ)ის საფუძველზე ნაკისრი ვალდებულებების სრულად და ჯეროვნად შესრულებამდე, მიუხედავად ამ ხელშეკრულების ან/და მასთან დაკავშირებული სხვა ხელშეკრულებ(ებ)ის სრულად ან ნაწილობრივ შეწყვეტისა.

15. შემსრულებელი დაუყოვნებლივ წერილობით აცნობებს შემკვეთს ყველა იმ გარემოებ(ებ)ის შესახებ, რომელიც შეიძლება წინააღმდეგობაში მოვიდეს მის აღნიშნულ განცხადებებთან და გარანტიებთან ან/და გამოიწვიოს მათი დარღვევა; ასევე, ნებისმიერი ისეთი გარემოების დაწყების ან დადგომის შესახებ, რითაც საფრთხე შეექმნება შემსრულებლის აქტივებს/ქონებას ან/და მის მიერ ხელშეკრულებით ან/და მასთან დაკავშირებული სხვა ხელშეკრულებ(ებ)ით ნაკისრი ვალდებულებების სრულ და ჯეროვან შესრულებას.

1. შემკვეთი აცხადებს და იძლევა გარანტიას, რომ:

   11. ხელშეკრულების ან/და მასთან დაკავშირებული სხვა ხელშეკრულებ(ებ)ის დადების/ხელმოწერისა და მოქმედების მთელი პერიოდისათვის მისი საქმიანობა ან/და ქმედება შესაბამისობაში არის/იქნება საკუთარ წესდებასთან ან/და სხვა მარეგულირებელ დოკუმენტთან და ადგილობრივ ან/და საერთაშორისო კანონმდებლობასთან;

   12. ხელშეკრულების ან/და მასთან დაკავშირებული სხვა ხელშეკრულებ(ებ)ის დადების/ხელმოწერისა და შესრულებისათვის საჭირო უფლებამოსილების მიზნით მის მიერ მოპოვებულია ყველა აუცილებელი თანხმობა, ნებართვა თუ მინდობილობა;

   13. მომავალში დანართ(ებ)ის ან/და მასთან დაკავშირებული სხვა ხელშეკრულებ(ებ)ის დადების/ხელმოწერისა და შესრულებისათვის საჭირო უფლებამოსილების მიზნით მის მიერ მოპოვებული იქნება ყველა აუცილებელი თანხმობა, ნებართვა თუ მინდობილობა;

   14. მხარეები აცხადებენ და აცნობიერებენ, რომ შემკვეთი მხოლოდ შემსრულებლის ზემოაღნიშნული განცხადებების და გარანტიების საფუძველზე და მათზე დაყრდნობით დებს/დადებს და შეასრულებს ხელშეკრულებას ან/და მასთან დაკავშირებულ სხვა ხელშეკრულებ(ებ)ს.

7. მხარეთა სხვა უფლება-მოვალეობები

   1. ხელშეკრულების ან/და მასთან დაკავშირებული სხვა ხელშეკრულებ(ებ)ის შესრულების უზრუნველყოფის მიზნით, მხარეები:

   2. უფლებამოსილნი არიან სრულად და ჯეროვნად ისარგებლონ ხელშეკრულებით, მასთან დაკავშირებული სხვა ხელშეკრულებ(ებ)ით ან/და შესაბამისი კანონმდებლობით განსაზღვრული უფლებებით;

   3. მოვალენი არიან სრულად და ჯეროვნად შეასრულონ ხელშეკრულებით, მასთან დაკავშირებული სხვა ხელშეკრულებ(ებ)ით ან/და შესაბამისი კანონმდებლობით განსაზღვრული ვალდებულებები.

7. მხარეთა პასუხისმგებლობა

   1. შემსრულებლის მიერ არასათანადო ხარისხის მასალით და არასათანადო ხარისხით შესრულებული სამუშოების გამოსწორება მოხდება შემსრულებლის ხარჯით, აღნიშნული ხარვეზის გამოვლენიდან შემკვეთის მიერ დაწესებული გონივრული ვადის განმავლობაში, მაგრამ არა უმეტეს 1 (ერთი) თვისა.

   2. შემსრულებლის მიერ დაქირავებული სუბკონტრაქტორის, თანამშრომლის, მუშის და სხვა პირთა არასაკმარისი კვალიფიციკაციის, ჯანმრთელობის მდგომარეობის ან/და არაკეთილსინდისიერების გამო სამუშაოს შეუსრულებლობისათვის ან/და არაჯეროვანი შესრულებისათვის, მათ შორის, ერთმნიშვნელოვნად ნებისმიერი სახის ზიანისათვის (ზარალისათვის) პასუხისმგებლობა დაეკისრება თავად შემსრულებელს;

   3. მხარეები თანხმდებიან, რომ შემკვეთი არ არის ვალდებული აანაზღაუროს სამუშაოს შესრულების შედეგად გამოწვეული ნებისმიერი ზიანი (ზარალი). სამუშაოს შესრულების შედეგად მიყენებული ნებისმიერი სახის ზიანის (ზარალის) ანაზღაურების ვალდებულება წარმოეშობა შემსრულებელს თუ კი აღნიშნული გამოწვეული არ იქნა შემკვეთის მიერ.

   4. შემსრულებელს ეკისრება შესრულებული სამუშაოს შემთხვევითი დაღუპვის ან დაზიანების რისკი შემკვეთისათვის სამუშაოთა საბოლოო მიღება–ჩაბარების აქტის გაფორმებამდე.

   5. იმ შემთხვევაში თუ შემსრულებლის მიერ შესრულებულ სამუშაო (მოიცავს როგორც შესრულებულ სამუშაოს ისე მასალას) 2 (ორი) წლის განმავლობაში დაზიანდება/აღმოაჩნდება რაიმე სახის ნაკლი, რომელიც არ არის გამოწვეული შემკვეთის ბრალეული ქმედებით, შემსრულებელი ვალდებულია, შემკვეთის მიერ განსაზღვრულ გონივრულ ვადაში, უსასყიდლოდ, საკუთარი ხარჯით, გამოასწოროს დაზიანება/ნაკლი. შემსრულებლის მიერ აღნიშნული ვალდებულების არ ან არაჯეროვნად შესრულების შემთხვევაში, შემკვეთი უფლებამოსილია აამოქმედოს ამ ხელშეკრულებით გათვალისწინებული საბანკო გარანტია.

   6. შემსრულებელი იღებს ვალდებულებას ხელშეკრულების ხელმოწერიდან 10 კალენდარული დღის განმავლობაში წარუდგინოს შემკვეთს გამოუხმობადი და უპირობო, ხელშეკრულების შესრულების საბანკო გარანტია, სრული სახელშეკრულებო ღირებულების 10 (ათი) %-ის ოდენობით. xxxxxxx xxxxxxxxx მოქმედების ვადა არ უნდა იყოს 15 (თხუთმეტი) თვეზე ნაკლები. სამუშაოების დასრულების შემდეგ, შესრულებული სამუშაოების შესახებ მხარეებს შორის მიღება-ჩაბარების აქტის გაფორმებიდან 10 (ათი) სამუშაო დღის განმავლობაში, შემკვეთი შეამცირებს საბანკო გარანტიის თანხის ოდენობას 50%-ით.

   7. შემსრულებელი იღებს ვალდებულებას, რომ მის მიერ ხელშეკრულებით ან/და მასთან დაკავშირებული სხვა ხელშეკრულებ(ებ)ით ნაკისრი ნებისმიერი ვალდებულების დარღვევისათვის გადაუხადოს შემკვეთს ერთჯერადი პირგასამტეხლო სამუშაოს მთლიანი ღირებულების 10%–ის ოდენობით და ყოველდღიური პირგასამტეხლო თითოეული შესაბამისი ვალდებულების სრულად და ჯეროვნად შესრულებამდე ყოველი ვადაგადაცილებული დღისათვის (სრული ან არასრული) სამუშაოს ღირებულების მოცულობის 0.5%-ის ოდენობით.

   8. მხარეები იღებენ ვალდებულებას აუნაზღაურონ ერთმანეთს მათ მიერ ხელშეკრულების ან/და მასთან დაკავშირებული სხვა ხელშეკრულებ(ებ)ის სრულად ან ნაწილობრივ შეუსრულებლობის ან არაჯეროვნად შესრულების შედეგად მიყენებული ზიანი (ზარალი) კანონმდებლობით ან/და ხელშეკრულებით ან/და მასთან დაკავშირებული სხვა ხელშეკრულებ(ებ)ით დადგენილი წესით.

   9. ამასთან, მხარეები პასუხს აგებებენ ხელშეკრულებით და მასთან დაკავშირებული სხვა ხელშეკრულებ(ებ)ით ნაკისრი ვალდებულებების სრულად ან ნაწილობრივ შეუსრულებლობით ან არაჯეროვნად შესრულებით ერთმანეთისათვის მიყენებულ ნებისმიერ პირდაპირ ან არაპირდაპირ ზიანზე (ზარალზე), ხოლო ზარალის ანაზღაურება მხარეებს არ ათავისუფლებს ხელშეკრულებით ან/და მასთან დაკავშირებული სხვა ხელშეკრულებ(ებ)ით ნაკისრი ვალდებულებების შესრულებისაგან (გადახდისაგან).

   10. შემსრულებელის მიერ ხელშეკრულების ცალმხრივად მოშლის შემთხვევაში შემსრულებელი ვალდებულია გადაუხადოს შემკვეთს ხელშეკრულების მოშლის საკომისო, რომელიც შეადგენს სამუშაოს ღირებულების 10%–ს;

   11. ფორს-მაჟორის მოქმედების განმავლობაში არცერთი მხარე არ აგებს პასუხს ხელშეკრულებით ან/და მასთან დაკავშირებული სხვა ხელშეკრულებ(ებ)ით ნაკისრი ვალდებულებების სრულად ან ნაწილობრივ შეუსრულებლობისათვის ან არაჯეროვნად შესრულებისათვის.

   12. მხარე, რომელსაც დაუდგა ფორს-მაჟორი, ვალდებულია, გონივრულ ვადაში, მაგრამ არა უგვიანეს 5 (ხუთი) კალენდარული დღისა, აცნობოს მეორე მხარეს შესაბამისი ფორს-მაჟორული გარემოებ(ებ)ის და მისი/მათი სავარაუდო ხანგრძლივობის შესახებ, წინააღმდეგ შემთხვევაში, იგი კარგავს უფლებას დაეყრდნოს ფორს-მაჟორის არსებობას, როგორც პასუხისმგებლობისგან გათავისუფლების საფუძველს.

   13. შეტყობინებაში მითითებული ფორს-მაჟორული გარემოებ(ებ)ი, თუ ისინი არ წარმოადგენენ საყოველთაოდ აღიარებულ ფაქტებს (გარემოებებს) ან მეორე მხარეს ეჭვი შეაქვს მათ ნამდვილობაში, შესაბამისი მხარის მიერ ფორს-მაჟორული გარემოებ(ებ)ის თაობაზე ცნობის მიღებიდან ან შესაბამისი მხარის მიერ ფორს-მაჟორული გარემოებ(ებ)ის არსებობაზე ეჭვის გამოთქმის თაობაზე შეტყობინების მეორე მხარისათვის გაგზავნიდან 30 (ოცდაათი) კალენდარული დღის ვადაში ფორს-მაჟორული გარემოებ(ებ)ის არსებობა უნდა დადასტურდეს კანონმდებლობით განსაზღვრული უფლებამოსილი ორგანოს მიერ.

   14. თუ ფორს-მაჟორის მოქმედება, შესაბამისი მხარის მიერ ფორს-მაჟორული გარემოებ(ებ)ის თაობაზე ცნობის ან ფორს-მაჟორული გარემოებ(ებ)ის არსებობის დადასტურების თაობაზე სათანადო ორგანოს დასკვნის მიღების თარიღიდან 30 (ოცდაათი) კალენდარულ დღეზე მეტ ხანს გრძელდება, აღნიშნული 30 (ოცდაათი) კალენდარულ დღიანი ვადის გასვლიდან 15 (თხუთმეტი) კალენდარულ დღის ვადაში მხარეებმა უნდა გადაწყვიტონ ხელშეკრულების ბედი, წინააღმდეგ შემთხვევაში ხელშეკრულება ძალადაკარგულად ჩაითვლება.

10. ანგარიშსწორება

    1. მხარეთა შორის ანგარიშსწორება წარმოებს ნაღდი ან/და უნაღდო ანგარიშსწორების წესით.

    2. ხელშეკრულებით განსაზღვრული ნებისმიერი სახის ფულადი ვალდებულება, გარდა სამუშაოთა ღირებულებისა, უნდა შესრულდეს (გადახდილ უნდა იქნეს) ფულადი ვალდებულების წარმოშობის თარიღიდან (ვალდებულების შესრულების ვადაგადაცილების დღიდან, პირგასამტეხლოს მოთხოვნის დღიდან და სხვა) 5 (ხუთი) კალენდარული დღის ვადაში. ამასთან, თუ ვალდებულების შესრულების (გადახდის) დღე დაემთხვა არასამუშაო ან გამოსასვლელ დღეს, ამ დღის ნაცვლად გამოიყენება მომდევნო სამუშაო დღე.

    3. ანგარიშსწორება განხორციელდება საქართველოს ეროვნულ ვალუტაში. მხარეთა შეთანხმებით უცხოურ ვალუტაში განსაზღვრული ანგარიშსწორებისათვის კი – გადახდის დღეს საქართველოს ეროვნული ბანკის მიერ დადგენილი ოფიციალური კურსის შესაბამისად;

    4. უნაღდო ანგარიშსწორებისას თანხები უნდა ჩაირიცხოს შესაბამისი მხარის ხელშეკრულებით ან/და მასთან დაკავშირებული სხვა ხელშეკრულებ(ებ)ით განსაზღვრულ საბანკო ანგარიშზე xx მხარეთა მიერ დამატებით შეთანხმებულ სხვა საბანკო ანგარიშზე.

10. კომუნიკაცია მხარეთა შორის

    1. თუ თავად ხელშეკრულებით სხვა რამ არ არის განსაზღვრული მხარეთა შორის ნებისმიერი ოფიციალური ურთიერთობა უნდა ატარებდეს წერილობით ფორმას. მხარისათვის გათვალისწინებული წერილობითი შეტყობინება მას შეიძლება მიეწოდოს პირადად ან გაეგზავნოს კურიერის (მათ შორის, საერთაშორისო კურიერის) ან საფოსტო გზავნილის (მათ შორის, დაზღვეული წერილის) საშუალებით. ოპერატიულობის მიზნით და ქვემოთ მოცემული დებულებების გათვალისწინებით, დასაშვებია მეორე მხარისათვის შეტყობინების მიწოდება დეპეშის, ტელექსის, ფაქსის, ელექტრონული ფოსტის, მოკლე ტექსტური შეტყობინების, მობილ-ბანკის, ინტერნეტ-ბანკის ან სხვა ოპერატიული საშუალებით გაგზავნის გზით, იმ პირობით, რომ მეორე მხარის მოთხოვნის შემთხვევაში, ამგვარი მოთხოვნიდან გონივრულ ვადაში მას წარედგინება შეტყობინება წერილობითი ფორმითაც.

    2. შეტყობინება ჩაბარებულად ითვლება ადრესატის მიერ მისი მიღების დღეს თუ შეტყობინების მიღება დადასტურებულია ადრესატის მიერ (მათ შორის, ელექტრონული დოკუმენტით, ქვითრით, შეტყობინების შესაბამისი სხვა საშუალებით და ა.შ.). თუ შეტყობინების მიღება არ არის დადასტურებული ადრესატის მიერ, ნებისმიერი ასეთი შეტყობინება მიიჩნევა სათანადო წესის შესაბამისად გაგზავნილად და მიღებულად:

    3. კურიერის ან დაზღვეული საფოსტო გზავნილის მეშვეობით წერილობითი შეტყობინების ან დეპეშის გაგზავნის შემთხვევაში – (ა) თუ შეტყობინება გაგზავნილია შემკვეთის მიერ, გაგზავნიდან 3 (სამი) კალენდარულ დღეში, ან ჩაბარების დადასტურების თარიღის დღეს (რომელსაც უფრო ადრე ექნება ადგილი);

    4. ფაქსის, ტელექსის, ელექტრონული ფოსტის, მოკლე ტექსტური შეტყობინების ან/და სხვა ელექტრონული საშუალებით გაგზავნის შემთხვევაში, შესაბამისი შეტყობინების მიღების დადასტურების თარიღიდან, ან შესაბამისი ქმედების განხორციელებით შეტყობინების მიღების დადასტურების თარიღიდან;

    5. შეტყობინება მიღებულად ითვლება იმ შემთხვევაშიც, თუ შეტყობინების გამგზავნ მხარეს შეტყობინება დაუბრუნდება გაგზავნილ მისამართზე/საკონტაქტო მონაცემებზე შეტყობინების ადრესატის ადგილსამყოფელის არარსებობის გამო, ადრესატი უარს განაცხადებს შეტყობინების მიღებაზე, ან თავს აარიდებს მის მიღებას.

    6. მხარეები ურთიერთობას განახორციელებენ ხელშეკრულებით ან/და მასთან დაკავშირებული სხვა ხელშეკრულებ(ებ)ით განსაზღვრულ მისამართებზე/საკონტაქტო მონაცემებზე (ან სხვა ნებისმიერ მისამართზე/საკონტაქტო მონაცემზე, რომელსაც ერთი მხარე აცნობებს მეორეს წერილობით). მხარე ვალდებულია აღნიშნული მისამართ(ებ)ის ან მათი რომელიმე მონაცემის ცვლილების შესახებ დროულად აცნობოს მეორე მხარეს, წინააღმდეგ შემთხვევაში, მხარის მიერ აღნიშნულ მისამართზე განხორციელებული ურთიერთობა (შეტყობინების გაგზავნა და სხვა) ჩაითვლება ჯეროვნად შესრულებულად.

10. კონფიდენციალურობა

    1. მხარეები ვალდებული არიან, როგორც ხელშეკრულების მოქმედების პერიოდში, ასევე სახელშეკრულებო ურთიერთობის დამთავრების შემდეგაც დაიცვან მეორე მხარისაგან მიღებული ნებისმიერი სახის ინფორმაციის კონფიდენციალურობა.

    2. კონფიდენციალურობის შესახებ ზემოაღნიშნული შეზღუდვა არ შეეხება ინფორმაციას:

       1. რომელიც კანონმდებლობის დარღვევის გარეშე იყო ცნობილი ინფორმაციის მიმღები მხარისათვის მეორე მხარის მიერ შესაბამისი ინფორმაციის მიწოდებამდე;

       2. რომლის გამჟღავნებაც მოხდება მხარეთა მიერ კანონმდებლობის მოთხოვნათა დაცვით და შესასრულებლად (მათ შორის, რომელიმე მხარის მიერ სასამართლო (მათ შორის, საარბიტრაჟო სასამართლო) წესით მისი უფლებების განსახორციელებლად);

       3. რომლის მოპოვებაც შესაძლებელია სხვა წყაროებიდან;

       4. რომელიც არის, ან გახდება მესამე პირებისათვის ხელმისაწვდომი მხარეთა წერილობითი შეთანხმებით;

    3. მხარეები უფლებამოსლნი არიან ერთმანეთის შესახებ ინფორმაცია მიაწოდონ მესამე პირ(ებ)ს მათ მიერ ხელშეკრულების ან/და მასთან დაკავშირებული სხვა ხელშეკრულებ(ებ)ის პირობების შეუსრულებლობით ან არაჯეროვანი შესრულების შედეგად მათი უფლებების განხორციელების მიზნით, ან/და მათ მიერ ხელშეკრულების ან/და მასთან დაკავშირებული სხვა ხელშეკრულებ(ებ)ის პირობების შესრულებაზე მონიტორინგის მიზნით.

10. პრეტენზიები და დავები

    1. ხელშეკრულებიდან ან/და მასთან დაკავშირებული სხვა ხელშეკრულებ(ებ)იდან გამომდინარე პრეტენზიები მხარეებმა შეიძლება ერთმანეთს წაუყენონ წერილობით ან/და ზეპირად. პრეტენზიის მიმღები მხარე ვალდებულია პრეტენზიის მიღებიდან 5 (ხუთი) კალენდარული დღის ვადაში მთლიანად ან ნაწილობრივ დააკმაყოფილოს წამოყენებული პრეტენზია, ან წერილობით ან/და ზეპირად აცნობოს მეორე მხარეს მის დაკმაყოფილებაზე უარის თქმის შესახებ.

    2. ხელშეკრულების ან/და მასთან დაკავშირებული სხვა ხელშეკრულებ(ებ)ის ირგვლივ წამოჭრილი ნებისმიერი დავა (მათ შორის, ხელშეკრულების ან/და მასთან დაკავშირებული სხვა ხელშეკრულებ(ებ)ის არსებობასთან, ინტერპრეტაციასთან, შესრულებასთან და აღსრულებასთან დაკავშირებით) წყდება მოლაპარაკებით. დავის მოუგვარებლობის შემთხვევაში, მხარეები მიმართავენ სასამართლოს, ამასთან მხარეები თანხმდებიან, რომ პირველი ინსტანციის სასამართლოს მიერ შემკვეთის სასარგებლოდ გამოტანილი გადაწყვეტილება მიექცევა დაუყოვნებლივ აღსასრულებლად საქართველოს სამოქალაქო საპროცესო კოდექსით გათვალისწინებული წესით;

10. ხელშეკრულების მოქმედება და შეწყვეტა

    1. ხელშეკრულება ძალაში შედის მხარეთა მიერ მისი ხელმოწერის მომენტიდან და თუკი სხვაგვარად არ იქნა განსაზღვრული ხელშეკრულების დანართ #1-ით (დამატებითი პირობები) (თუ ასეთი შეთანხმდა მხარეთა შორის), მოქმედებს მხარეთა მიერ ხელშეკრულებით ნაკისრი ვალდებულებების სრულად და ჯეროვნად შესრულებამდე.

    2. ხელშეკრულებით, მასთან დაკავშირებული სხვა ხელშეკრულებ(ებ)ით ან/და კანონმდებლობით დადგენილ შემთხვევებში და პირობებით შესაძლებელია ხელშეკრულების ან/და მასთან დაკავშირებული სხვა ხელშეკრულებ(ებ)ის ვადამდე სრულად ან ნაწილობრივ შეწყვეტა:

       1. შემკვეთის მიერ, თუ შემსრულებელი გადააჭარბებს სამუშაოს დასრულების ვადებს 10 (ათი) კალენდარული დღით;

       2. შემკვეთის მიერ, თუ შემსრულებელი სრულად და ჯეროვნად არ შეასრულებს ხელშეკრულებით ან/და მასთან დაკავშირებული ნებისმიერი სხვა ხელშეკრულებ(ებ)ით განსაზღვრულ ნებისმიერ ვალდებულებას (მათ შორის, ფულად ვალდებულებას, განცხადებებს და გარანტიებს, ნებისმიერ პირობას ან/და სხვა ვალდებულებას);

    3. მხარეთა წერილობითი შეთანხმებით;

    4. ხელშეკრულებით, მასთან დაკავშირებული სხვა ხელშეკრულებ(ებ)ით ან/და კანონმდებლობით გათვალისწინებულ სხვა შემთხვევებში.

    5. ხელშეკრულების ან/და მასთან დაკავშირებული სხვა ხელშეკრულებ(ებ)ის სრულად ან ნაწილობრივ შეწყვეტა არ ათავისუფლებს შემსრულებელს ხელშეკრულებით ან/და მასთან დაკავშირებული სხვა ხელშეკრულებ(ებ)ით ნაკისრი ან/და კანონმდებლობით დადგენილი ვალდებულებების სრულად და ჯეროვნად შესრულებისაგან (გადახდისაგან) ამგვარი ვალდებულების იძულებითი ან ნებაყოფლობითი შესრულების მომენტამდე.

    6. თუ ხელშეკრულების ან/და მასთან დაკავშირებული სხვა ხელშეკრულებ(ებ)ის სრულად ან ნაწილობრივ შეწყვეტის შედეგები (პასუხისმგებლობა) არ არის გათვალისწინებული ხელშეკრულებით ან/და მასთან დაკავშირებული სხვა ხელშეკრულებ(ებ)ით, მაშინ მხარეები იხელმძღვანელებენ შესაბამისი კანონმდებლობით.

    7. ხელშეკრულების მოქმედების ვადის განმავლობაში შემკვეთის ინიციატივით ნებისმიერ დროს შესაძლოა მოხდეს სამუშაოს მიმდინარეობის დროებით შეჩერება, რომლის მაქიმალური ვადა არ უნდა აღემატებოდეს 10 (ათი) დღეს.

    8. ობიექტის დროებითი შეჩერების შესახებ შემსრულებელს უნდა ეცნობოს წერილობით, რის შემდეგაც იგი დაასრულებს დაწყებულ სამუშოებს, გაიყვანს თავის მუშა-მოსამსახურეებს ობიექტიდან, თავისი ხარჯით გაასუფთავებს იბიექტს მასზე არსებული მასალებისა და მისი ნარჩენებისაგან, ასევე გაიტანს შესაბამის აღჭურვილობას, თუ შემკვეთისაგან ასეთის მითითება აქვს მიღებული.

    9. შემსრულებლის მიერ ობიექტის განთავისუფლების შემდეგ მოხდება ობიექტის შემკვეთისათვის გადაბარება, რაზედაც შედგება შესაბამისი მიღება-ჩაბარების აქტი.

    10. ხელშეკრულების 14.7. ქვეპუნქტით განსაზღვრული ვადის გასვლის შემდგომ ობიექტის კვლავ დროებითი შეჩერების სტადიაში ყოფნა განიხილება როგორც შემკვეთის მიერ ხელშეკრულების ცალმხრივად მოშლის შემთხვევა და ასეთ შემთხვევაში ვალდებულია სრულად აუნაზღაუროს შემსრულებელს მის მიერ გაწეული ხარჯი, თუ ასეთი ხარჯები დადასტურებული იქნება.

    11. ობიექტის განახლების შესახებ შემსრულებელს უნდა ეცნობოს წერილობით,

    12. აქვე მხარეები თანხმდებიან, რომ იმ შემთხვევაში თუ მოხდა შემკვეთის ინიციატივით სამუშაოების მიმდინარეობის შეჩერება, ამ ხელშეკრულებით გათვალისწინებული სამუშაოების შესრულების ვადები გადაიწევს იმ ვადით რა ვადითაც მოხდა სამუშაოების მიმდინარეობის შეჩერება.

10. ცვლილებები და დამატებები

    1. ხელშეკრულებაში ცვლილებებისა და დამატებების შეტანა დაიშვება წერილობითი ფორმით მხარეთა შეთანხმებით.

    2. ხელშეკრულებაში შეტანილი ცვლილებები და დამატებები წარმოადგენს ხელშეკრულების დანართ(ებ)ს და მის განუყოფელ ნაწილს.

10. ხელშეკრულების პირობების მოქმედება შემსრულებლ(ებ)ის მიმართ

    1. ხელშეკრულების ან/და მასთან დაკავშირებული სხვა ხელშეკრულებ(ებ)ის მიზნებისათვის, „შემსრულებლის”-ს და/ან „შემკვეთის“ დეფინიციაში მოცემულ პირ(ებ)ზე ხელშეკრულების ან/და მასთან დაკავშირებული სხვა ხელშეკრულებ(ებ)ის პირობები გავრცელდება სრულად, გარდა იმ შემთხვევისა, როდესაც შესაბამისი პირ(ებ)ის სამართლებრივი სტატუსიდან (ფიზიკური პირი, იურიდიული პირი ან სხვა ორგანიზაციული წარმონაქმნი) და/ან ობიექტის მესაკუთრიდან გამომდინარე კონკრეტული პირობა ვერ გავრცელდება ამგვარ პირ(ებ)ზე.ყოველგვარი ეჭვის გამოსარიცხად, კონკრეტული შემკვეთის უფლება-მოვალეობები ვრცელდება მხოლოდ მის საკუთრებაში არსებულ ობიექტებთან დაკავშირებულ ურთიერთობებზე და დამოუკიდებელია მეორე შემკვეთის უფლებამოვალეობებისგან.

    2. იმ შემთხვევაში, თუ ამ ხელშეკრულების ან/და მასთან დაკავშირებული სხვა ხელშეკრულებ(ებ)ის მხარეს წარმოადგენს ერთზე მეტი შემსრულებელი:

    3. თითოეული ასეთი შემსრულებელი წარმოადგენს შემკვეთის მიმართ სოლიდარულ მოვალეს ხელშეკრულებიდან ან/და მასთან დაკავშირებული სხვა ხელშეკრულებ(ებ)იდან გამომდინარე ვალდებულებებზე;

    4. თითოეული შემსრულებლის სოლიდარული პასუხისმგებლობა ძალაშია მიუხედავად მათ მიერ ხელშეკრულებიდან ან/და მასთან დაკავშირებული სხვა ხელშეკრულებ(ებ)იდან გამომდინარე ვალდებულების უზრუნველსაყოფად შემკვეთის სასარგებლოდ რაიმე ფორმით გაცემული დამატებითი ვალდებულების (მათ შორის, თავდებობის ან/და გარანტიის) არსებობა/არარსებობისა;

    5. ერთ-ერთ შემსრულებელთან დაკავშირებული ფაქტები გამოიყენება სხვა შემსრულებლების მიმართაც, იმის გათვალისწინებით, რომ შემკვეთის მიერ რომელიმე შემსრულებლის მიმართ თავისი უფლებების გამოუყენებლობა (სრულად ან ნაწილობრივ) არ გავრცელდება სხვა შემსრულებლ(ებ)ზე და არ ათავისუფლებს მას/მათ შესაბამისი ვალდებულებებისაგან;

    6. ერთ-ერთი შემსრულებლის მიერ ხელშეკრულების ან/და მასთან დაკავშირებული სხვა ხელშეკრულებ(ებ)ის დარღვევის შემთხვევაში, შემკვეთი უფლებამოსილია შესაბამისი მოთხოვნა/მოთხოვნები წაუყენოს ნებისმიერ შემსრულებელს და მის მიმართ ისარგებლოს ხელშეკრულებით ან/და მასთან დაკავშირებული სხვა ხელშეკრულებ(ებ)ით გათვალისწინებული ან/და კანონმდებლობით დადგენილი უფლებებით.

10. სხვა პირობები

    1. მხარეები ადასტურებენ, რომ ხელშეკრულების შინაარსი ზუსტად გამოხატავს მხარეთა ნებას და რომ მათ მიერ ნების გამოვლენა მოხდა ხელშეკრულების შინაარსის გონივრული განსჯის შედეგად და არა მარტოოდენ სიტყვა-სიტყვითი მნიშვნელობიდან.

    2. ხელშეკრულების დადებასთან და შესრულებასთან დაკავშირებული ან/და მისგან გამომდინარე ნებისმიერი სახის ხარჯის გადახდა ეკისრება შემსრულებელს, თუ თავად ხელშეკრულებით სხვა რამ არ გამომდინარეობს.

    3. ნებისმიერი და ყოველი უფლება, რომელიც მიენიჭება მხარეს მეორე მხარის მიერ ხელშეკრულების, მასთან დაკავშირებული სხვა ხელშეკრულებ(ებ)ის ან/და კანონმდებლობის სრულად ან ნაწილობრივ დარღვევის შედეგად, კრებითია და დაემატება ხელშეკრულებით, მასთან დაკავშირებული სხვა ხელშეკრულებ(ებ)ით ან/და კანონმდებლობით მინიჭებულ ყველა სხვა უფლებას, თუ მხარეები დამატებით სხვა რამეზე არ შეთანხმდნენ.

    4. ერთ-ერთი მხარის მხრიდან ხელშეკრულების, მასთან დაკავშირებული სხვა ხელშეკრულებ(ებ)ის ან/და კანონმდებლობის სრულად ან ნაწილობრივ დარღვევასთან დაკავშირებით მეორე მხარის მიერ მისთვის მინიჭებული უფლებების გამოუყენებლობა არ გავრცელდება ხელშეკრულების, მასთან დაკავშირებული სხვა ხელშეკრულებ(ებ)ის ან/და კანონმდებლობის ნებისმიერ შემდგომ დარღვევაზე.

    5. ხელშეკრულების ან/და მასთან დაკავშირებული სხვა ხელშეკრულებ(ებ)ის რომელიმე მუხლ(ებ)ის, პუნქტ(ებ)ის ან/და ქვეპუნქტ(ებ)ის ბათილობა არ გამოიწვევს მთლიანად ხელშეკრულების ან/და მასთან დაკავშირებული სხვა ხელშეკრულებ(ებ)ის ან/და მათი სხვა მუხლ(ებ)ის, პუნქტ(ებ)ის ან/და ქვეპუნქტ(ებ)ის ბათილობას. ბათილი დებულების ნაცვლად, გამოიყენება იმგვარი დებულება, რომლითაც უფრო ადვილად მიიღწევა ხელშეკრულებით ან/და მასთან დაკავშირებული სხვა ხელშეკრულებ(ებ)ით (მათ შორის ბათილი დებულებით) გათვალისწინებული მიზანი.

    6. ხელშეკრულებაში ან/და მასთან დაკავშირებულ სხვა ხელშეკრულებ(ებ)ში მხოლობით რიცხვში გამოყენებული სიტყვები გულისხმობს მრავლობითს და პირიქით.

    7. ხელშეკრულების ან/და მასთან დაკავშირებული სხვა ხელშეკრულებ(ებ)ის მუხლ(ებ)ი, პუნქტ(ებ)ი ან/და ქვეპუნქტ(ებ)ი დანომრილია და დასათაურებულია მხოლოდ მოხერხებულობისათვის და ამ ფაქტს ხელშეკრულების ან/და მასთან დაკავშირებული ხელშეკრულებ(ებ)ის ინტერპრეტაციისათვის მნიშვნელობა არ ენიჭება.

    8. ხელშეკრულების დანართ(ებ)სა და მასთან დაკავშირებულ სხვა ხელშეკრულება(ებ)ზე სრულად ვრცელდება ხელშეკრულების მუხლ(ებ)ის, პუნქტ(ებ)ის და ქვეპუნქტ(ებ)ის მოქმედება. ამასთან, ხელშეკრულების და ხელშეკრულების დანართ(ებ)სა თუ მასთან დაკავშირებული სხვა ხელშეკრულებ(ებ)ის პირობებს შორის წინააღმდეგობის ან შეუსაბამობის არსებობისას, ამგვარი დანართ(ებ)ის და მასთან დაკავშირებული სხვა ხელშეკრულებ(ებ)ის პირობებს მიენიჭება უპირატესობა იმ საკითხებთან მიმართებაში, რომელთა დასარეგულირებლადაც დადებულია ამგვარი დანართ(ებ)ი თუ მასთან დაკავშირებული სხვა ხელშეკრულებ(ებ)ი.

    9. მხარეები თანხმდებიან, რომ ხელშეკრულების ან/და მასთან დაკავშირებული სხვა ხელშეკრულებ(ებ)ის დებულებ(ებ)ის არსებობა/არარსებობასთან, მათ შინაარსთან, განმარტებასთან ან/და განხორციელებასთან დაკავშირებით მხარეთა შორის დავის წარმოშობის შემთხვევაში, უპირატესობა ენიჭება შემკვეთთან დაცულ ეგზემპლარს. ამასთან, ამ უკანასკნელ დებულებასთან მიმართებით ყოველგვარი ეჭვის ან/და დავის გამორიცხვის მიზნით, შემსრულებელი ვალდებულია ხელი მოაწეროს ხელშეკრულების და მასთან დაკავშირებული სხვა ხელშეკრულებ(ებ)ის (მათი დანართ(ებ)ის ჩათვლით) შემკვეთთან დაცული ეგზემპლარის თითოეულ გვერდს, მაგრამ შემსრულებლის მიერ ამ ვალდებულების შეუსრულებლობა არ ხდის ამ პუნქტით გათვალისწინებულ დებულებას საეჭვოს ან სადავოს.

    10. ხელშეკრულება ან/და მასთან დაკავშირებული სხვა ხელშეკრულებ(ებ)ი მისი ვალდებულებებითა და სარგოებით ვრცელდება და სავალდებულოა მხარეთა უფლებამონაცვლეების, თუ მემკვიდრეებისათვის/სამართალმემკვიდრეებისათვის, თუ ხელშეკრულების ან/და მასთან დაკავშირებული სხვა ხელშეკრულებ(ებ)ის ან/და მისი/მათი მუხლ(ებ)ის, პუნქტ(ებ)ის და ქვეპუნქტ(ებ)ის შინაარსის გათვალისწინებით კანონმდებლობა სხვა რამეს არ ითვალისწინებს.

    11. შემსრულებელს უფლება არა აქვს შემკვეთის წინასწარი წერილობითი თანხმობის გარეშე მესამე პირ(ებ)ს გადასცეს ან გადააბაროს მასზე ხელშეკრულებით ან/და მასთან დაკავშირებული სხვა ხელშეკრულებ(ებ)ით (მათ შორის, მათი დანართ(ებ)ით) ნაკისრი ნებისმიერი ვალდებულება ან მინიჭებული უფლება. შემკვეთის უარი გამორიცხავს ნებისმიერი ზემოაღნიშნული ქმედების ან/და გარიგების განხორციელების შესაძლებლობას და შესაბამისად ამ წესის დარღვევით განხორციელებული ქმედება ან/და გარიგება ბათილია და არ წარმოშობს სამართლებრივ შედეგებს, გარდა კანონმდებლობით ცალსახად განსაზღვრული შემთხვევებისა. ამასთან, ეს დებულება არ გულისხმობს დათქმას, რომ შემსრულებელმა პირადად უნდა შეასრულოს ვალდებულებები. და არ გამორიცხავს შემკვეთის უფლებას მიიღოს მესამე პირ(ებ)ისაგან შემოთავაზებული შესრულება, მიუხედავად იმისა თანახმაა თუ არა შემსრულებელი.

    12. იმ შემთხვევებში, რომლებიც არ არის გათვალისწინებული ხელშეკრულებით ან/და მასთან დაკავშირებული სხვა ხელშეკრულებ(ებ)ით, მხარეები იხელმძღვანელებენ კანონმდებლობით დადგენილი შესაბამისი ურთიერთობის მარეგულირებელი ნორმებით ან/და დამატებით შეთახმებული პირობებით.

    13. ხელშეკრულება ან/და მასთან დაკავშირებული სხვა ხელშეკრულებ(ებ)ი შედგენილია ქართულ ენაზე. თუ რომელიმე მხარემ არ იცის ქართული ენა ან/და მისი დამწერლობა, ან მხარეებს ან ერთ-ერთ მხარეს სურს, მაშინ ხელშეკრულება ან/და მასთან დაკავშირებული სხვა ხელშეკრულებ(ებ)ი შესაძლოა შედგეს და დაიდოს ასევე მხარეთათვის მისაღებ სხვა ენაზეც. ხელშეკრულების ან/და მასთან დაკავშირებული სხვა ხელშეკრულებ(ებ)ის ინტერპრეტაციისას უპირატესობა ენიჭება ქართულ ენაზე შედგენილ ტექსტს. აღნიშნული ნორმები ვრცელდება, ასევე, მხარეთა შორის ურთიერთობაზე ან/და ხელშეკრულების ან/და მასთან დაკავშირებული სხვა ხელშეკრულებ(ებ)ის, თუ ნებისმიერი სხვა დოკუმენტის შედგენასა თუ ინტერპრეტაციაზე.

    14. ხელშეკრულების თითო იდენტური ეგზემპლარი გადაეცემა მხარეებს.

10. მხარეთა ხელმოწერები

Page 1 of 17