სახელმწიფო შესყიდვების შესახებ ხელშეკრულება GEO 02-245/19

სახელმწიფო შესყიდვების შესახებ ხელშეკრულება GEO 02-245/19

ქ. თბილისი 5 დეკემბერი 2019 წელი

ერთი მხრივ (შემსყიდველი): სსიპ „იუსტიციის სახლი“

წარმოდგენილი აღმასრულებელი დირექტორის მოადგილის (ფინანსების დირექტორი) xxxxxxxx xxxxxxxxx სახით, საიდენტიფიკაციო კოდი: 000 000 000

მისამართი: ქ. თბილისი, სანაპიროს ქ. №2 მიმღები: სახელმწიფო ხაზინა

ბანკის კოდი: TRESGE22 სახაზინო კოდი: 707463520

მეორე მხრივ (მიმწოდებელი): სსიპ „საქართველოს იუსტიციის სასწავლო ცენტრი“ წარმოდგენილი მისი დირექტორის ხათუნა კასრაძის სახით,

მის: ქ.თბილისი, ანა პოლიტკოვსკაის ქ . #1

მიმღების დასახელება: ხაზინის ერთიანი ანგარიში კოდი: TRESGE22

მიმღების ანგარიში/სახაზინო კოდი: 707997153 საიდენტიფიკაციო კოდი: 204423230

LEPL TRAINING CENTER OF JUSTICE OF GEORGIA

Digitally signed by LEPL TRAINING CENTER OF JUSTICE OF GEORGIA

Date: 2019.12.05

18:20:32 +04'00'

წინამდებარე ხელშეკრულება გაფორმებულია „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის, საქართველოს მთავრობის 2019 წლის 19 თებერვლის №319 განკარგულების და სახელმწიფო შესყიდვების სააგენტოს თანხმობის (SMP190000153) საფუძველზე, გამარტივებული შესყიდვის საშუალებით, მხარეები დებენ წინამდებარე სახელმწიფო შესყიდვის შესახებ ხელშეკრულებას შემდეგზე:

1. ხელშეკრულების ობიექტი და საგანი

1.1. ხელშეკრულების საგანია სსიპ „იუსტიციის სახლის“ 2019 წლის საკუთარი შემოსავლების ფარგლებში, ტრენინგის ჩატარების მომსახურების შესყიდვა (CPV 80500000).

1.2. შესყიდვის ობიექტია სსიპ „იუსტიციის სახლისა“ და სატელეფონო ცენტრის თანამშრომელთა 2 ჯგუფისთვის (არაუმეტეს 40 თანამშრომლისთვის) ტრენინგის ჩატარება თემაზე - „მაინდფულნესი“

1.3 გასაწევი მომსახურების აღწერილობა (დღის წესრიგი და თემები) განისაზღვრება დანართი #1-ის შესაბამისად, რომელიც წარმოადგენს ხელშეკრულების განუყოფელ ნაწილს.

2. ხელშეკრულების ღირებულება, მომსახურების ფასი

2.1. ხელშეკრულების ღირებულება დღგ-ს ჩათვლით შეადგენს არაუმეტეს 8 804.68 (რვა ათას რვაას ოთხი ლარი და სამოცდარვა თეთრი) ლარს;

2.2. ხელშეკრულების ღირებულება მოიცავს, როგორც გასაწევი მომსახურების ღირებულებას, ასევე, წინამდებარე ხელშეკრულების შესრულებასთან დაკავშირებით, მიმწოდებლის მიერ გაწეულ ყველა ხარჯს და საქართველოს კანონმდებლობით გათვალისწინებულ გადასახადებს.

3. ხელშეკრულების საგნის ხარისხი

მიმწოდებელი ვალდებულია უზრუნველყოს სათანადო დონის მომსახურების გაწევა ამ სფეროში არსებული სტანდარტის გათვალისწინებით, კვალიფიციური ტრენერის მონაწილეობით.

4. მომსახურების მიწოდების ვადები და ადგილი

4.1 ვადები:

4.1.1 ხელშეკრულებით გათვალისწინებული ტრენინგი ჩაუტარდება თანამშრომელთა 3 ჯგუფს შემდეგი განრიგის შესაბამისად:

• I ჯგუფი - 2019 წლის 7-8 დეკემბერი;

• II ჯგუფი - 2019 წლის 21-22 დეკემბერი;

4.1.2 ტრენინგის ხანგრძლივობა თითოეული ჯგუფისთვის შეადგენს 2 დღე (14 საათი).

4.2. მომსახურების გაწევის ადგილი: სსიპ „საქართველოს იუსტიციის სასწავლო ცენტრი“, ქ. თბილისი, ანა პოლიტკოვსკაიას ქუჩა

№1.

5. მხარეთა ვალდებულებანი

5.1 მიმწოდებელი ვალდებულია:

5.1.1 უზრუნველყოს მომსახურების გაწევა ხელშეკრულებით დადგენილი პირობების შესაბამისად, სათანადო გამოცდილების, ცოდნისა და უნარების მქონე პირების მეშვეობით;

5.1.2 უზრუნველყოს ტრენინგის ყველა იმ მონაწილისთვის ტესტირების შედეგის შესაბამისი სერტიფიკატის გადაცემა, რომელიც დაესწრება მისთვის განკუთვნილი ტრენინგის არანაკლებ 75 %-ს.

5.1.3. უზრუნველყოს შემსყიდველის მიერ ჩატარებული ინსპექტირების შედეგად გამოვლენილი ნაკლის აღმოფხვრა გონივრულ ვადაში, საკუთარი ხარჯებით;

5.1.4 „სახელმწიფო შესყიდვების შესახებ“ საქართველოს კანონის 221 მუხლის საფუძველზე შემსყიდველის მოთხოვნის

შესაბამისად, წარმოადგინოს სახელმწიფო აუდიტის სამსახურის მიერ მოთხოვნილი შესყიდვებთან დაკავშირებული ნებისმიერი დოკუმენტაცია და/ან ინფორმაცია.

5.2. შემსყიდველი ვალდებულია მომსახურების გაწევის შემდგომ უზრუნველყოს წინამდებარე ხელშეკრულებით გათვალისწინებული ღირებულების ანაზღაურება.

5.3 მხარეები უფლებამოსილნი არიან განახორციელონ ურთიერთმოთხოვნათა გაქვითვა. ვალდებულებათა გაქვითვა შესაძლებელია მაშინაც, როცა ერთ-ერთი მოთხოვნის შესრულების ვადა ჯერ არ დამდგარა, მაგრამ ამ მოთხოვნის უფლების მქონე მხარს უჭერს გაქვითვას. ვალდებულებათა გაქვითვა ხორციელდება მეორე მხარისათვის შეტყობინებით.

6. ხელშეკრულების ინსპექტირების პირობები

6.1 სსიპ „იუსტიციის სახლის“ ადამიანური რესურსების მართვის სამსახური ახორციელებს მომსახურების ინსპექტირებას, რომლის მიზანია მისი შესაბამისობის დადგენა ხელშეკრულებით გათვალისწინებულ პირობებთან და ადგენს შესაბამის ინსპექტირების აქტს.

6.2 შემოწმების შედეგად გამოვლენილი ნებისმიერი ნაკლის შესახებ შემსყიდველი დაუყოვნებლივ აცნობებს მიმწოდებელს წუნდებული მომსახურების შესახებ.

7. მომსახურების მიღება-ჩაბარების წესი

მომსახურების მიღება-ჩაბარება განხორციელდება მომსახურების გაწევის დასრულების შემდეგ, ხელშეკრულებით განსაზღვრული პასუხისმგებელი პირების მიერ შედგენილი ინსპექტირების დასკვნის საფუძველზე მხარეთა შორის გაფორმებული მიღება-ჩაბარების აქტით.

8. ანგარიშსწორების ფორმა და ვადები

8.1. ანგარიშსწორება განხორციელდება შემდეგი პირობებით:

8.1.1.ანგარიშსწორების ვალუტა _ ლარი;

8.1.2.ანგარიშსწორების ფორმა _ უნაღდო, წინამდებარე ხელშეკრულებაში მითითებული მიმწოდებლის საბანკო რეკვიზიტების შესაბამისად.

8.2. გაწეული მომსახურების ღირებულების ანაზღაურება მოხდება მხარეთა შორის გაფორმებული მიღება-ჩაბარების აქტისა და მიმწოდებლის მიერ წარმოდგენილი ანგარიშ–ფაქტურის საფუძველზე, დოკუმენტების წარმოდგენიდან 10 (ათი) სამუშაო დღის განმავლობაში. თუკი ანგარიშსწორების განხორციელების ვადის ბოლო დღე ემთხვევა არასამუშაო დღეს, ანგარიშსწორება განხორციელდება მომდევნო სამუშაო დღეს.

9. ხელშეკრულებაში ცვლილებების შეტანა

9.1 ხელშეკრულებაში ცვლილება დაიშვება მხარეთა წერილობითი შეთანხმებით.

9.2. ხელშეკრულების ფასის შეცვლა დაუშვებელია, თუ ამ ცვლილებების შედეგად იზრდება ხელშეკრულების საერთო ღირებულება ან უარესდება ხელშეკრულების პირობები შემსყიდველი ორგანიზაციისათვის, გარდა საქართველოს სამოქალაქო კოდექსის 398-ე მუხლით გათვალისწინებული შემთხვევებისა.

9.3. საქართველოს სამოქალაქო კოდექსის 398-ე მუხლით გათვალისწინებული შემთხვევების დადგომის დროს ხელშეკრულების საერთო ღირებულების ზრდა შესაძლებელია არაუმეტეს ხელშეკრულების თავდაპირველი ღირებულების 10%-ის ფარგლებში, სხვა რისკებს იღებს მიმწოდებელი.

10. კონფიდენციალობის დაცვა

10.1 კონფიდენციალური ინფორმაცია, რომელიც მიმწოდებლისთვის ცნობილი გახდა ხელშეკრულების შესრულებისას, არ ექვემდებარება მესამე მხარისთვის გადაცემას ან გამოქვეყნებას შემსყიდველთან შეთანხმების გარეშე. აღნიშნული ინფორმაციის გავრცელების შემთხვევაში, სახელშეკრულებო პირობის დამრღვევ მხარეს ეკისრება პასუხისმგებლობა კანონმდებლობის შესაბამისად.

10.2. კონფიდენციალურად ითვლება ზოგადი ადმინისტრაციული კოდექსის 271 და 27II მუხლებით გათვალისწინებული პერსონალური და კომერციული ინფორმაცია. კერძოდ, პერსონალური ინფორმაციად მიიჩნევა ნებისმიერი ინფორმაცია, რომელიც უკავშირდება იდენტიფიცირებულ ან იდენტიფიცირებად ფიზიკურ პირს. პირი იდენტიფიცირებადია, როდესაც შესაძლებელია მისი იდენტიფიცირება პირდაპირ ან არაპირდაპირ, კერძოდ, საიდენტიფიკაციო ნომრით ან პირის მახასიათებელი ფიზიკური, ფიზიოლოგიური, ფსიქოლოგიური, ეკონომიკური, კულტურული ან სოციალური ნიშნებით, კომერციულ საიდუმლოებად მიიჩნევა, ინფორმაცია კომერციული ფასეულობის მქონე გეგმის, ფორმულის, პროცესის, საშუალების თაობაზე ან ნებისმიერი სხვა ინფორმაცია, რომელიც გამოიყენება საქონლის საწარმოებლად, მოსამზადებლად, გადასამუშავებლად ან მომსახურების გასაწევად, ან/და რომელიც წარმოადგენს სიახლეს ან ტექნიკური შემოქმედების მნიშვნელოვან შედეგს, აგრეთვე სხვა ინფორმაცია, რომლის გამჟღავნებამ შესაძლოა ზიანი მიაყენოს პირის კონკურენტუნარიანობას.

11. მხარეთა პასუხისმგებლობა ხელშეკრულების დარღვევისას

11.1 ხელშეკრულებით ნაკისრი ვალდებულებების შესრულების ვადის გადაცილების შემთხვევაში, მხარეებს შესაძლოა დაეკისროთ პირგასამტეხლო, ყოველ ვადაგადაცილებულ დღეზე შესასრულებელი ვალდებულების შესაბამისი ღირებულების 0.02%-ის ოდენობით;

11.2 მიმწოდებლის მიერ ხელშეკრულებით ნაკისრი ვალდებულებების არაჯეროვანი შესრულების შემთხვევაში, შესაძლოა დაეკისროს პირგასამტეხლო, ყოველ ასეთ შემთხვევაზე შესასრულებელი ვალდებულების შესაბამისი ღირებულების 0.02%-ის ოდენობით;

11.3 მიმწოდებლის მიერ ხელშეკრულებით ნაკისრი ვალდებულებების შეუსრულებლობის, ნაწილობრივი შესრულების ან არაჯეროვანი შესრულების მიზეზით ხელშეკრულების შეწყვეტის შემთხვევაში შემსყიდველს უფლება აქვს დააკისროს პირგასამტეხლო შესასრულებელი (დარჩენილი) ვალდებულების შესაბამისი ღირებულების 10%-ის ოდენობით.

11.4 იმ შემთხვევაში, თუ მიმწოდებელზე ვადების გადაცდენისათვის ან/და არაჯეროვანი შესრულებისათვის დაკისრებული პირგასამტეხლოს ჯამური თანხა გადააჭარბებს ხელშეკრულების ღირებულების 0,2 პროცენტს, შემსყიდველს უფლება აქვს, შეწყვიტოს ხელშეკრულება და მოსთხოვოს მეორე მხარეს ხელშეკრულების შეწყვეტის მომენტისთვის გადასახდელი პირგასამტეხლოს ანაზღაურება.

11.5 პირგასამტეხლოს გადახდა არ ათავისუფლებს მხარეს ხელშეკრულებით ნაკისრი ვალდებულებების შესრულებისაგან.

12. ხელშეკრულების შეწყვეტა

ხელშეკრულება შეიძლება შეწყდეს მხარეთა ურთერთშეთანხმებით, ასევე, საქართველოს კანონმდებლობითა და წინამდებარე ხელშეკრულებით გათვალისწინებულ შემთხვევებში.

13. ხელშეკრულების მოქმედების ვადა

ხელშეკრულება ძალაში შედის ხელშეკრულების ხელმოწერის თარიღიდან და მოქმედებს 2020 წლის 31 იანვრის ჩათვლით.

14. დავები და მათი გადაწყვეტის წესი

14.1. ხელშეკრულება დადებულია და განიმარტება საქართველოს კანონმდებლობის შესაბამისად.

14.2. ხელშეკრულების შესრულების პროცესში მხარეთა შორის წარმოშობილი დავა წყდება მორიგებით.

14.3 შეთანხმების მიუღწევლობის შემთხვევაში მხარეებს უფლება აქვთ მიმართონ თბილისის საქალაქო სასამართლოს.

15. ხელშეკრულების შესრულების შეუძლებლობა

15.1. რომელიმე მხარის მიერ ხელშეკრულების პირობების შეუსრულებლობა არ გამოიწვევს მხარის პასუხისმგებლობას თუ ხელშეკრულების შესრულების შეფერხება ან მისი ვალდებულებების შეუსრულებლობა არის ფორს-მაჟორული გარემოების შედეგი.

15.2. ამ ხელშეკრულების მიზნებისათვის ,,ფორს-მაჟორი“ ნიშნავს მხარეებისათვის გადაულახავ და მათი კონტროლისაგან დამოუკიდებელ გარემოებებს, რომლებიც არ არიან დაკავშირებული შემსყიდველისა და/ან მიმწოდებლის შეცდომებსა და დაუდევრობასთან და რომლებსაც გააჩნია წინასწარ გაუთვალისწინებელი ხასიათი. ასეთი გარემოება შეიძლება გამოწვეულ იქნეს ომით, სტიქიური მოვლენებით, ეპიდემიით, კარანტინით და საქონლის მიწოდებაზე ემბარგოს დაწესებით, საბიუჯეტო ასიგნების მკვეთრი შემცირებით და სხვა.

15.3. ფორს-მაჟორული გარემოებების დადგომის შემთხვევაში ხელშეკრულების დამდებმა მხარემ, რომლისთვისაც შეუძლებელი ხდება ნაკისრი ვალდებულებების შესრულება, დაუყოვნებლივ უნდა გაუგზავნოს მეორე მხარეს წერილობითი შეტყობინება ასეთი გარემოებების და მათი გამომწვევი მიზეზების შესახებ. თუ შეტყობინების გამგზავნი მხარე არ მიიღებს მეორე მხარისაგან წერილობით პასუხს, იგი თავისი შეხედულებისამებრ, მიზანშეწონილობისა და შესაძლებლობისდა მიხედვით აგრძელებს ხელშეკრულებით ნაკისრი ვალდებულებების შესრულებას და ცდილობს გამონახოს ვალდებულებების შესრულების ისეთი ალტერნატიული ხერხები, რომლებიც დამოუკიდებელი იქნებიან ფორს-მაჟორული გარემოებების ზეგავლენისაგან.

ხელმოწერილია:

ხელშეკრულება და ხელშეკრულების დანართი ხელმოწერილია მხარეთა უფლებამოსილი პირების მიერ, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-4 პუნქტის შესაბამისად, კვალიფიციური ელექტრონული ხელმოწერით.

ვიზირებულია:

სსიპ „იუსტიციის სახლის“ შესყიდვების სამსახურის უფროსის მიერ.

სსიპ „იუსტიციის სახლის“ ადმინისტრაციისა და სამართლებრივი უზრუნველყოფის სამსახურის უფროსის მიერ.

დანართი #1

მაინდფულნეს

კურსის აღწერა:

xxxxx განკუთვნილია იუსტიციის სახლის თანამშრომლებისთვის. იუსტიციის სახლის თანამშრომლებს ხშირად უწევთ სტრესულ გარემოში მუშაობა, რაც აისახება მათ ზოგად ფსიქოლოგიურ მდგომარეობაზე და შემდგომში მოქმედებს მათ სამუშაო ნაყოფიერებაზე.

მაინდფულნისის ტექნიკები საშუალებას აძლევენ ადამიანს დააკვირდეს საკუთარ გრძნობებს, აზრებს და ქმედებებს და აგრეთვე იმას, რაც ხდება გარეგან სამყაროში სრული მიმღებლობით, კონცენტრაციით და ყველანაირი ემოციური შეფასების გარეშე. მაინდფულნეს პრაქტიკის შედეგად მცირდება სტრესის დონე, უმჯობესდება მეხსიერება, ფოკუსირების უნარი საქმიანობაზე. მაინდფულნის პრაქტიკა ზრდის ფსიქოლოგიურ წონასწორობას და თვითრეგულაციას და აგრეთვე სხვებთან შეწყობის უნარს. მაინდფულნეს ტექნიკების შესწავლის შედეგად, პროფესიულ და ცხოვრებისეულ სფეროში, მონაწილეები შეძლებენ გამოავლინონ სხვებთან სიღრმისეულ კონტაქტში შესვლის უნარი, რაც დადებითად აისახება როგორც მათ ურთიერთობებზე, ასევე სამსახურეობრივ ნაყოფიერებაზე.

ტრენინგის მიზანი: მაინდფულნეს ცნების გააზრება, საკუთარი თავის გაცნობიერებისა და მართვის უნარ-ჩვევების განვითარება, კონცენტრაციის უნარის განვითარება სტრესულ პირობებში, ფოკუსირების, სიცხადისა და შემოქმედებითობის უნარ-ჩვევების განვითარება, საკუთარი ეგოს შემზღუდავი ფაქტორებისგან განთავისუფლება, თანაგრძნობის მნიშვნელობის გააზრება საკუთარ თავთან და სხვებთან ურთიერთობაში.

კურსზე მიღებული ცოდნის საფუძველზე მონაწილეები შეძლებენ:

▪ გააცნობიერონ მაინდფულნეს მნიშვნელობა;

▪ ისწავლონ შფოთვასთან გამკლავების გზები;

▪ აიმაღლონ საკუთარი შინაგანი მდგომარეობისა და ქცევის გაცნობიერება;

▪ შეცვალონ საკუთარი შემაფერხებელი რეაქციები გარკვეულ სტიმულებზე;

▪ გააცნობიერონ თანაგრძნობის სხვადასხვა ტიპები.

ტრენერი: რენატა ცომაია

ტრენინგის ხანგრძლივობა: 2 დღე (14 საათი)

ტრენინგის დრო: 10:00 – 17:00 სთ.

განრიგი და თემები

		I დღე
სესია	დრო	თემები, აქტივობები, სწავლების მეთოდები
I	10:00 – 11:30 90წთ.	⮚ მისალმება, თვითპრეზენტაცია ⮚ კურსის თემებისა და მიზნების წარდგენა, დღის წესრიგის გაცნობა ⮚ მონაწილეების გაცნობა ⮚ კურსთან დაკავშირებული მოლოდინების იდენტიფიკაცია ⮚ მაინდფულნეს ცნების წარდგენა. მაინდფულნეს შესწავლის მნიშვნელობა და შედეგები (თეორიული პრეზენტაცია. ჯგუფური დისკუსია).
ყავის შესვენება	11:30 _ 11:50	20 წთ.
II	11:50 _ 13:20 90წთ.	⮚ ადამიანის სტრესის და შფოთვის წყაროები. ორი ისრის თეორია (თეორიული პრეზენტაცია. შემთხვევების გარჩევა); ⮚ ნეირონული ქსელების შემზღუდავი ფაქტორი (თეორიული პრეზენტაცია); ⮚ სხვადასხვა მოვლენებზე რეაქციების კლასიფიკაცია (პრაქტიკული სავარჯიშო)
შესვენება, სადილი	13:20 _ 14:20	60 წთ.
III	14:20 _ 15:50 90წთ.	⮚ სტიმულსა და რეაქციას შორის პაუზის დაჭერის ხელოვნება და რეაქციის არჩევანის ტექნიკები ⮚ გარკვეული ქცევის პატერნების შეცვლის დაგეგმარება (პრაქტიკული სავარჯიშო)
შესვენება	15:50 _ 16:20	20 წთ.
IV	16:20 _ 17:00 40წთ.	⮚ ტვინის მუშაობის პრინციპები (თეორიული პრეზენტაცია) ⮚ ქვეცნობიერთან ურთიერთობის წესები (თეორიული პრეზენტაცია) ⮚ დღის შეჯამება

		II დღე
სესია	დრო	თემები, აქტივობები, სწავლების მეთოდები
I	10:00 – 11:30 90წთ.	⮚ I დღის გადახედვა ⮚ დღის მიზნები და ამოცანები ⮚ მაინდფულნეს ტესტი. ტესტის შედეგების განხილვა. ⮚ საკუთარ თავზე დაკვირვების პრაქტიკული სავარჯიშო.
ყავის შესვენება	11:30 _ 11:50	⮚ 20 წთ.
II	11:50 _ 13:20 90წთ.	⮚ შინაგანი გაუწონასწორებლობის სამი წყარო და მათთან გამკლავების ტექნიკები (თეორიული პრეზენტაცია. პრაქტიკული ვარჯიში);
შესვენება, სადილი	13:20 _ 14:20	⮚ 60 წთ.
III	14:20 _ 15:50 90წთ.	⮚ სუნთქვა როგორც მაინდფულნეს მთავარი წყარო (თეორიული პრეზენტაცია; პრაქტიკული სავარჯიშო); ⮚ სხეულის სკანირება (პრაქტიკული სავარჯიშო); ⮚ კონცენტრაცია როგორც ბედნიერების კომპონენტი (თეორიული პრეზენტაცია, პრაქტიკული სავარჯიშო);
შესვენება	15:50 _ 16:20	⮚ 20 წთ.
IV	16:20 _ 17:00 40წთ.	⮚ აზრებთან მუშაობის ტექნიკები. გარე დამკვირვებლის პოზიციის შემუშავება (პრაქტიკული სავარჯიშო); ⮚ თანაგრძნობის ოთხი ტიპი (თეორიული პრეზენტაცია; ჯგუფური დისკუსია); ⮚ ტრენინგის შეჯამება.

ხ ე ლ წ ე რ ი ლ ი

ინტერესთა კონფლიქტის არარსებობის შესახებ

ქ. თბილისი 5 დეკემბერი 2019 წელი

ჩვენ, ქვემოთ ხელისმომწერნი ვადასტურებთ, რომ სსიპ „საქართველოს იუსტიციის სასწავლო ცენტრის“ მიმართ სრულად ვაკმაყოფილებთ „სახელმწიფო შესყიდვების შესახებ“ საქართველოს კანონის მე–8 მუხლით დადგენილ ინტერესთა კონფლიქტის თავიდან აცილების პირობებსა და წესებს.

xxxxxxxx xxxxxxxx

აღმასრულებელი დირექტორის მოადგილე (ფინანსების დირექტორი)

xxxxx xxxxxxxx

სსიპ „იუსტიციის სახლის“ შესყიდვების სამსახურის უფროსი

xxxx xxxxxxxx

სსიპ “იუსტიციის სახლის“ ადმინისტრაციისა და სამართლებრივი უზრუნველყოფის სამსახურის უფროსის მოვალეობის შემსრულებელი

xxxxxx xxxxxxxxx

სსიპ „იუსტიციის სახლის“ შესყიდვების სამსახურის მრჩეველი