GWP - შპს „ჯორჯიან უოთერ ენდ ფაუერი“, საიდენტიფიკაციო ნომერი 203826002; „მხარეები“ - „კომპანია“ და „GWP“ ერთობლივად; „მხარე“ - „კომპანია“ და „GWP“ ცალ- ცალკე; „საქონელი“ – „ხელშეკრულებით“ ან „ხელშეკრულების ძირითად პირობებში“ მოცემული საქონელი, ან/და...
სამშენებლო-სამონტაჟო მომსახურების ხელშეკრულება
ხელშეკრულების ზოგადი პირობები
დანართი N1
ტერმინთა განმარტება
GWP - შპს „ჯორჯიან უოთერ ენდ ფაუერი“, საიდენტიფიკაციო ნომერი 203826002;
„კომპანია“ – „ხელშეკრულებაში“ ან ხელშეკრულების ძირითად პირობებში მოცემული პირი;
„მხარეები“ - „კომპანია“ და „GWP“ ერთობლივად;
„მხარე“ - „კომპანია“ და „GWP“ ცალ-ცალკე;
„ხელშეკრულების ძირითადი პირობები“ – „მხარეთა“ შორის წერილობით გაფორმებული ხელშეკრულება, რომელშიც განსაზღვრულია ხელშეკრულების საგანი, ნასყიდობის ფასი, მიწოდების ვადა, საგარატიო პერიოდი და ნებისმიერი სხვა პირობა, რომელიც შესაძლოა აზუსტებდეს ავსებდეს ან ცვლიდეს წინამდებარე „ხელშეკრულების ზოგადი პირობების“ დებულებას.
„ხელშეკრულების ზოგადი პირობები“ – წინამდებარე ხელშეკრულების ზოგადი პირობები;
„ხელშეკრულება“ – „მხარეთა“ შორის „ხელშეკრულების“ საგანთან დაკავშირებით წერილობითი ფორმით (მათ შორის ინვოისის საფუძველზე) დადებული ნებისმიერი წერილობითი შეთანხმება;
„საქონელი“ – „ხელშეკრულებით“ ან „ხელშეკრულების ძირითად პირობებში“ მოცემული საქონელი, ან/და „ხელშეკრულებით“ გათვალისწინებული „მომსახურების“ სრულყოფილად გაწევის მიზნით ან/და მასთან დაკავშირებით „კომპანიის“ მიერ GWP-ისათვის მიწოდებული საქონელი
„მომსახურება“ – „ხელშეკრულებით“ ან „ხელშეკრულების ძირითადი პირობებით“ გათვალისწინებული მომსახურება ან/და „კომპანიის“ მიერ მოწოდებული „საქონლის“ თანმდევი ან/და დაკავშირებული მომსახურებაა;
„ზედამხედველი“ - GWP-ს წარმომადგენელს „მომსახურების“ შესრულების პროცესში, რომელიც ახორციელებს „მომსახურების“ პროცესის როგორც ხარისხობრივ და ტექნიკურ, ასევე ადმინისტრაციულ ხელმძღვანელობას და ზედამხედველობას და რომლის მითითებებიც „კომპანიისთვის“ სავალდებულოა შესასრულებლად. „ზედამხედველი“ შესაძლოა იყოს GWP-ს ხარისხის კონტროლისა და შრომის უსაფრთხოების სამსახურის წარმომადგენელი („ტექნიკური ზედამხედველი“) ან/და პროექტების მენეჯერი (შემდგომში „პროექტების მენეჯერი“), ან/და ნებისმიერ სხვა პირი, რომელსაც ასეთ უფლებამოსილებას მიანიჭებს GWP.
„ნასყიდობის ფასი“ – „მომსახურების“ ან/და „საქონლის“ მიწოდების სანაცვლოდ „მხარეთა“ შორის „ხელშეკრულებით“ ან „ხელშეკრულების ძირითადი პირობებით“ ან/და ნებისმიერი სხვა წერილობითი ფორმით შეთანხმებული ანაზღაურება.
„საშემსრულებლო დოკუმენტები“ - ნებისმიერი დოკუმენტი ან/დოკუმენტები, რომელიც მოთხოვნილია GWP-ის მიერ „მომსახურების“ ან/და საქონლის მიწოდების დასადასტურებლად ან/და ანგარიშსწორებისთვის.
„სამუშაო დღე“ - ნებისმიერი დღე ორშაბათიდან-პარასკევის ჩათვლით, გარდა საქართველოს შრომის კოდექსით გათვალისწინებული უქმე და დასვენების დღეებისა.
ხელშეკრულების ზოგადი პირობები
„ხელშეკრულების ზოგადი პირობების დებულებებსა“ და „ხელშეკრულების ძირითადი პირობების“ დებულებებს შორის შეუსაბამობის შემთხვევაში უპირატესობა ენიჭება „ხელშეკრულების ძირითად პირობებს“.
„ხელშეკრულების ზოგად პირობებში“, „ხელშეკრულების ძირითად პირობებში“ ან „ხელშეკრულების“ ნებისმიერ სხვა დანართში ან/და დამატებაში მოცემული პირობები თანაბრად ვრცელდება როგორც „საქონლის“, ასევე „მომსახურების“ მიწოდებაზე, კონტექსტის გათვალისწინებით, მიუხედავად იმისა, არის თუ არა შესაბამისი მითითება.
ხელშეკრულების საგანი
ხელშეკრულების საგანის აღწერა მოცემულია ხელშეკრულების ძირითად პირობებში.
მომსახურების გაწევა
იმ შემთხვევაში, თუ ეს „ხელშეკრულების ძირითად პირობებში“ სხვაგვარად არ არის განსაზღვრული, კონკრეტული „მომსახურების“ მიღების მოთხოვნას GWP „კომპანიას“ უგზავნის წერილობითი ფორმით, მათ შორის ელექტრონული ფორმით (შემდგომში „დავალება“).
“კომპანია” ვალდებულია, რომ „მომსახურება“ გაწიოს „დავალებაში“ მითითებულ ვადაში.
იმ შემთხვევაში, თუ „მომსახურების“ გაწევის დროს აღმოჩნდება, რომ „კომპანიას“ არ შეუძლია კონკრეტული „დავალების“ შეთანხმებულ ვადაში შესრულება, მაშინ “კომპანია” ვალდებულია, რომ დაუყოვნებლივ აცნობოს GWP-ის აღნიშნულის შესახებ და შეათანხმოს „დავალების“ შესრულების ახალი ვადა.
იმ შემთხვევაში, თუ „მხარეები“ ვერ შეთანხმდებიან „ხელშეკრულების“ შესრულების ახალ ვადაზე, მაშინ ეს ჩაითვლება „კომპანიის“ მხრიდან ნაკისრი ვალდებულებების დარღვევად (გარდა „ხელშეკრულებით“ გათვალისწინებული გამონაკლისი შემთხვევებისა) და GWP უფლებამოსილი იქნება შეწყვიტოს ხელშეკრულება ან/და „კომპანიის“ მიმართ განახორციელოს „ხელშეკრულებით“ მისთვის მინიჭებული ნებისმიერი და ყველა უფლებამოსილება, როგორც ამას GWP მიიჩნეს მიზანშეწონილად.
„დავალება“ ჩაითვლება დასრულებულად მხოლოდ მას შემდეგ, რაც „მხარეთა“ შორის გაფორმდება მიღება-ჩაბარების აქტი და ყველა სხვა „საშემსრულებლო დოკუმენტი“.
„მხარეები“ ვალდებული არიან, რომ მიღება-ჩაბარების აქტი გააფორმონ თითოეული „დავალებისთვის“.
იმ შემთხვევაში, თუ „ხელშეკრულებით“ ან „ხელშეკრულების ძირითადი პირობებით“ „მომსახურების“ გაწევასთან ერთად გათვალისწინებულია „საქონლის“ მიწოდება, წინამდებარე მუხლის დებულებები სრულად გავრცელდება „საქონლის“ მიწოდებაზეც.
„ნასყიდობის ფასი“ და ანგარიშსწორების წესი
გაწეული „მომსახურების“ „ნასყიდობის ფასი“ შეიცავს „კომპანიის’’ ყველა ხარჯს და გადასახადს, დღგ-ს და ტრანსპორტირების ღირებულების, ასეთის არსებობის შემთხვევაში, ჩათვლით.
„მომსახურების“ ანაზღაურება მოხდება რეალურად შესრულებული „მომსახურების“ ან/და მიწოდებული „საქონლის“ მოცულობის მიხედვით, რომელიც დადასტურებული იქნება მიღება-ჩაბარების (ან მისი ექვივალენტი) აქტით ან/და სასაქონლო ზედნადებით.
„მხარეთა“ შორის ანგარიშსწორება წარმოებს ეროვნულ ვალუტაში, უნაღდო ანგარიშსწორების წესით, საქონლის მიწოდებიდან და შესაბამისი მიღება-ჩაბარების აქტის გაფორმებიდან ან/და სასაქონლო ზედნადების დადასტურებიდან არაუგვიანეს 30 (ოცდაათი) კალენდარული დღისა. იმ შემთხვევაში, თუ „მომსახურების“ ან/და „საქონლის“ ნასყიდობის ფასი განსაზღვრულია უცხოურ ვალუტაში, ანგარიშსწორება მოხდება ლარში, გადახდის დღისთვის ეროვნული ბანკის მიერ დადგენილი ოფიციალური გაცვლითი კურსის შესაბამისად.
მხარეთა ზოგადი უფლებები და ვალდებულებები
„კომპანია“ ვალდებულია, GWP-ს „მომსახურება“ გაუწიოს პირადად ან/და შესაბამისი ცოდნისა და კვალიფიკაციის მქონე თანამშრომლების/დაქირავებული პერსონალის საშუალებით.
„კომპანია“ ვალდებულია „ხელშეკრულებით“ გათვალისწინებული „მომსახურება“ გაწიოს კეთილსინდისიერად, ჯეროვნად, სრულად, შეთანხმებულ დროსა და ადგილას, GWP ინტერესების მაქსიმალური გათვალისწინებით.
„კომპანია“ ვალდებულია უზრუნველყოს, რომ „მომსახურების“ გაწევისას „მომსახურების“ გაწევაში ჩართულმა პირებმა მაქსიმალურად გამოიყენონ საკუთარი უნარ-ჩვევები, იმოქმედონ გულდასმით და დაიცვან უმაღლესი პროფესიული სტანდარტები.
„კომპანია” ვალდებულია „მომსახურების“ გაწევისას გაითვალისწინოს/შეასრულოს GWP-ს მითითებები. “კომპანია” უფლებამოსილია, გადაუხვიოს GWP-ს მითითებებს მხოლოდ მისი წინასწარი თანხმობის საფუძველზე.
„კომპანია” ვალდებულია, GWP-ს ზეპირი და/ან წერილობითი მოთხოვნის შემთხვევაში, დაუყოვნებლივ მიაწოდოს მას მოთხოვნილი დოკუმენტაცია ან/და ინფორმაცია, ცნობები წინამდებარე „ხელშეკრულების“ შესრულების მიმდინარეობის შესახებ, ხოლო „მომსახურების“ გაწევის დასრულების შემდეგ - ჩააბაროს მას ანგარიში.
„კომპანია” სრულად არის პასუხისმგებელი „ხელშეკრულებით“ ნაკისრი ვალდებულებების დარღვევის, „მომსახურების“ შეუსრულებლობის ან არაჯეროვანი შესრულების, ასევე მისი ბრალეული ქმედების (ან უმოქმედობის) შედეგად GWP-სათვის მიყენებულ ზიანზე (ზარალზე).
GWP ვალდებულია დროულად და „ხელშეკრულებით“ დადგენილი წესის შესაბამისად გადაუხადოს „კომპანიას“ „ნასყიდობის ფასი“.
GWP ვალდებულია მიაწოდოს „კომპანიას“ მის ხელთ არსებული ინფორმაცია და დოკუმენტაცია, რომელიც საჭიროა „მომსახურების“ გაწევისათვის.
იმ შემთხვევაში თუ “კომპანია” დაარღვევს წინამდებარე „ხელშეკრულებით“ გათვალისწინებულ მის რომელიმე ვალდებულებას, GWP უფლებამოსილია ცალმხრივად, საკუთარი შეხედულებისამებრ, შეამციროს „კომპანიისთვის“ გადასახდელი „ნასყიდობის ფასის“ ოდენობა დარღვევის/მიყენებული ზიანის პროპორციულად. გადასახდელი „ნასყიდობის ფასის“ შესამცირებელ ოდენობას განსაზღვრავს GWP, რომლის მიერ;
იმ შემთხვევაში, თუ „ხელშეკრულებით“ ან „ხელშეკრულების ძირითადი პირობებით“ „მომსახურების“ გაწევასთან ერთად გათვალისწინებულია „საქონლის“ მიწოდება, წინამდებარე მუხლის დებულებები სრულად გავრცელდება „საქონლის“ მიწოდებაზეც.
„მომსახურების“ შესრულება და „მომსახურების“ ცვლილება
„მომსახურების“ შესრულების პროცესში „კომპანია“ ვალდებულია დაიცვას წინამდებარე „ხელშეკრულების“ პირობები და „მომსახურების“ სფეროში მოქმედი ნორმები და წესები, ასევე GWP-ის მითითებები და შესაბამისი ნებართვით, ასეთის არსებობის შემთხვევაში, გათვალისწინებული პირობები.
წინამდებარე „ხელშეკრულებაზე“ ხელმოწერით, „კომპანია“ ადასტურებს და ეთანხმება, რომ „მომსახურების“ შესრულების პროცესში მიწისქვეშა კომუნიკაციის არსებობა წარმოადგენს „მომსახურების“ განხორციელების თანმდევ რისკს. GWP „კომპანიას“ გადასცემს ინფორმაციას მიწისქვეშა კომუნიკაციების საორიენტაციო მდებარეობის შესახებ, ხოლო „კომპანია“ ვალდებულია აღნიშნული ინფორმაცია გადაამოწმოს და „მომსახურების“ წარმოება შეათანხმოს მიწისქვეშა კომუნიკაციის მფლობელ/მესაკუთრე იურიდიულ და/ან ფიზიკურ პირებთან. ნებისმიერ შემთხვევაში, GWP პასუხს არ აგებს „მომსახურების“ წარმოების პროცესში მიწისქვეშა კომუნიკაციების დაზიანებაზე და ასეთი დაზიანებით მიყენებული ზარალის ანაზღაურებაზე.
წინამდებარე „ხელშეკრულებაზე“ ხელმოწერით, „კომპანია“ ადასტურებს და ეთანხმება, რომ „მომსახურების“ სპეციფიკიდან გამომდინარე, შესაძლებელია, რომ „მომსახურების“ მიმდინარეობის პროცესში აუცილებელი გახდეს თანმდევი დამატებითი მომსახურების შესრულება და შესაბამისად, იღებს ვალდებულებას შეასრულოს ასეთი თანმდევი მომსახურება შესაბამისი ანაზღაურების სანაცვლოდ. თანმდევი მომსახურების ანაზღაურება განხორციელდება არაუმეტეს წინამდებარე „ხელშეკრულების“ შესაბამის დანართში მოცემული განფასების შესაბამისად, თუ „მხარეები“ სხვაგვარად არ შეთანხმდებიან. ასეთი შეთანხმება გაფორმებული უნდა იყოს წერილობით.
„მომსახურების“ წარმოების მთელი ვადის განმავლობაში „კომპანია“ ვალდებულია, რომ „მომსახურების“ გაწევის მთელი ვადის განმავლობაში უზრუნველყოს „მომსახურების“ შესაფერისი უსაფრთხოების ნორმების დაცვა, რაც, შეზღუდვის გარეშე მოიცავს, „კომპანიის“ ვალდებულებას, რომ უზრუნველყოს ტერიტორიის შემოღობვა, ტერიტორიაზე მომუშავე ყველა პირი აღჭურვილი უნდა იყოს შესაბამისი სპეციალური უნიფორმით; ტერიტორიაზე მყოფი ნებისმიერ და ყველა პირისათვის უზრუნველყოს უსაფრთხოების ნორმების დაცვა და ა.შ.
თუ „მომსახურების“ გაწევა ითვალისწინებს GWP-ის მიერ „კომპანიისათვის“ გარკვეული მასალის მიწოდებას, მაშინ „კომპანია“ ვალდებულია, რომ მოთხოვნა იმ მასალის მიღების შესახებ, რომლის მიწოდების ვალდებულებაც გააჩნია GWP-ს „ხელშეკრულების“ შესაბამისად, GWP-ს წარუდგინოს არაუგვიანეს ასეთი მასალის მიღებამდე სულ მცირე 5 (ხუთი)სამუშაო დღით ადრე. მოთხოვნა მასალის მიღების შესახებ, უნდა გააგზავნოს ელექტრონული ფოსტის საშუალებით „ხელშეკრულების ძირითად პირობებში“ მითითებულ „მომსახურების“ მიმდინარეობის პროცესზე პასუხისმგებელი პირების მისამართზე. მოთხოვნაში მითითებული უნდა იყოს: ა) მომსახურების დასახელება; ბ) პროექტის კოდი (რომელიც მოცემულია „ხელშეკრულების ძირითად პირობებში); გ) მასალის დასახელება; დ) მასალის რაოდენობა. მასალის ტრანსპორტირებას GWP-ს მიერ მითითებული ადგილიდან საკუთარი ხარჯით განახორციელებს „კომპანია“ და მასალის მფლობელობაში გადაცემის მომენტიდან მასზე გადადის მასალის დაზიანების ან/და დაღუპვის რისკი. იმ შემთხვევაში, თუ GWP ვერ უზრუნველყოფს „კომპანიისათვის“ მოთხოვნილი მასალის ხელმისაწვდომობას ზემოაღნიშნულ ვადაში და აღნიშნული გამოიწვევს „მომსახურების“ შეჩერებას, მაშინ „მომსახურების“ შესრულების ვადა გადაიწევს მასალის მიწოდებისათვის საჭირო დამატებითი ვადის პროპორციულად. „კომპანიის“ მიერ მასალის დაგვიანებით მოთხოვნა ან/და გატანა არ გამოიწვევს „მომსახურების“ შესრულების ვადების ცვლილებას „კომპანიის“ სასარგებლოდ.
„კომპანია“ ვალდებულია GWP-ს საწყობიდან გასული მასალის სათანადო მოვლა-პატრონობაზე და იმ შემთხვევაში, თუ ამ პერიოდის განმავლობაში დაზიანდება მასალა „კომპანია“ სრულად არის პასუხისმგებელი ამ გაუარესებაზე ან/და განადგურებაზე. გამოუყენებელი მასალის უკან დაბრუნების შემთხვევაში, GWP შეამოწმებს დაბრუნებულ საქონელს და იმ შემთხვევაში, თუ საქონელი დაზიანებულია, GWP-ს უფლება აქვს უარი განაცხადოს ასეთი საქონლის მიღებაზე და შესაბამისი ღირებულება დაქვითოს „კომპანიისათვის“ გადასახდელი ნებისმიერი ანაზღაურებიდან.
GWP უფლებამოსილია მოითხოვოს „კომპანიის“ იმ თანამშრომლების/წარმომადგენლების დათხოვნა ტერიტორიიდან, რომელთა კვალიფიკაციაც არ აკმაყოფილებს მის მოთხოვნებს. „კომპანია“ ვალდებულია, დაემორჩილოს GWP-ს ასეთ მოთხოვნას და განახორციელოს „მომსახურების“ პროცესიდან განთავისუფლებული პირის დაუყოვნებლივი ჩანაცვლება GWP-სათვის მისაღები პერსონალით.
იმ შემთხვევაში, თუ „მომსახურება“ მიმდინარეობს 24 საათიან რეჟიმში, კვირაში 7 დღე, მაშინ „კომპანია“ ვალდებულია, რომ უზრუნველყოს „მომსახურების“ უწყვეტ რეჟიმში წარმოება და ადგილზე მუდმივად იმყოფებოდეს „მომსახურების“ პროცესზე
პასუხისმგებელი პირი. იმ შემთხვევაში, თუ „მომსახურების“ წარმოების ვადის განმავლობაში GWP-სათვის ცნობილი გახდება, ნებისმიერი გზით, რომ „კომპანიას“ პასუხისმგებელი პირი არ იმყოფება ტერიტორიაზე ან/და არ მიმდინარეობს „მომსახურება“ შეთანხმებული გრაფიკის მიხედვით, GWP უფლებამოსილია, რომ „კომპანიის“ მიმართ გამოიყენოს წინამდებარე „ხელშეკრულებით“ მისთვის მინიჭებული უფლებამოსილება.იმ შემთხვევაში, თუ „მომსახურება“ ნებისმიერი მიზეზით დროებით ჩერდება/წყდება, „კომპანია“ ვალდებულია, რომ „მომსახურების“ ტერიტორია დატოვოს მოწესრიგებულ და უსაფრთხო მდგომარეობაში, ყველა საჭირო მონიშვნით.
„კომპანია“ ვალდებულია, რომ „მომსახურების“ დასრულებამდე 2 (ორი) სამუშაო დღით ადრე GWP-ის „მომსახურების“ მიღებასა და კონტროლზე პასუხისმგებელ პირებს ელექტრონული ფოსტის საშუალებით აცნობოს „მომსახურების“ დასრულების თარიღი, რომელ თარიღზეც შესაბამისი პირები შეამოწმებენ შესრულებულ „მომსახურებას“ და მიიღებენ გადაწყვეტილებას „მომსახურების“ დასრულების შესახებ. იმ შემთხვევაში, თუ აღნიშნულ თარიღზე არ იქნება დასრულებული „მომსახურება“, მაშინ ადგილზე შედგება აქტი და „კომპანიას“ GWP-ს მიერ განესაზღვრება დამატებითი ვადა „მომსახურების“ დასრულებისთვის, რა ვადაშიც „კომპანია“ ვალდებულია დაასრულოს „მომსახურება“. იმ შემთხვევაში, თუ ასეთი გადავადება არღვევს „ხელშეკრულების ძირითადი პირობებით“ განსაზღვრულ „მომსახურების“ შესრულების ვადას, მაშინ GWP ასევე უფლებამოსილია ისარგებლოს „ხელშეკრულებით“ მინიჭებული სხვა უფლებამოსილებებით.
იმ შემთხვევაში, თუ “მომსახურებას“ მიმდინარეობის პროცესში გამოიკვეთა ისეთი გარემოებები, რაც „კომპანიისთვის“ შეუძლებელს ხდის „მომსახურების“ გაგრძელებას მიცემული დავალების შესაბამისად და/ან „მომსახურების“ შესრულებით შეუძლებელია იმ მიზნის მიღწევა, რა მიზნითაც მოხდა მისი დაკვეთა, ან/და GWP-ს სურს გაზარდოს ან/და შეამციროს „მომსახურების“ მოცულობა, ან/და არსებობს სხვა გარემოება, რომელიც აუცილებელს ხდის „მომსახურების“ ცვლილებას, „მხარეები“ იღებენ ვალდებულებას, რომ შეძლებისდაგვარად მოკლე ვადაში მოილაპარაკონ და შეათანხმდნენ „მომსახურების“ ცვლილების შესახებ.
„მომსახურების“ ცვლილება უნდა გაფორმდეს წერილობით. იმ შემთხვევაში, თუ „კომპანია“ განახორციელებს „მომსახურების“ ცვლილებას იმგვარად, რომ ეს არ იქნება შეთანხმებული ზემოთ მითითებული ფორმით და წესით, ეს არ ჩაითვლება „მომსახურების“ ცვლილებად და GWP-ს უფლება აქვს არ მიიღოს ასეთი მომსახურება და არ აანაზღაუროს მათი ღირებულება.
ნებართვები და ლიცენზიები
თუ „მომსახურების“ შინაარსი ამას მოითხოვს, GWP „კომპანიას“ გადასცემს „მომსახურებისათვის“ აუცილებელი ყველა საჭირო ნებართვას და თანხმობას, როგორც სახელმწიფო დაწესებულებების, ასევე ნებისმიერი მესამე პირისგან, გარდა იმ შემთხვევისა, თუ „მხარეები“ სხვაგვარად შეთანხმდებიან. ასეთი შეთანხმება გაფორმებული უნდა იყოს წერილობით.
იმ შემთხვევაში, თუ ნებართვით ან/და ლიცენზიით გათვალისწინებულია შესაბამისი ადმინისტრაციული ორგანოს შეტყობინება „მომსახურების“ დაწყების, დასრულების ან ვადასთან დაკავშირებული ნებისმიერი ცვლილების შესახებ, „კომპანია“ ვალდებულია უზრუნველყოს ნებართვაში ან/და ლიცენზიაში მოცემული პროცედურის შესაბამისად შეტყობინება და შესაბამისი მტკიცებულების GWP-სათვის წარდგენა.
იმ შემთხვევაში, თუ „მომსახურება“ დაწყებული იქნება 8.1 მუხლში მითითებული ნებართვის აღებამდე და ასეთი დაწყება წერილობით იქნება შეთანხმებული GWP-თან, და „მომსახურების“ ნებართვის გარეშე წარმოების გამო მოხდება „კომპანიის“ დაჯარიმება, მაშინ, GWP ვალდებულია თვითონ გადაიხადოს აღნიშნული ჯარიმა, ან ეს თუ შეუძლებელია, „კომპანიას“ აუნაზღაუროს საჯარიმო ქვითრით დაკისრებული და გადახდილი თანხა. ნებისმიერ სხვა შემთხვევაში, „კომპანია“ ვალდებულია „მომსახურება“ და მასთან დაკავშირებული სხვა ღონისძიებები აწარმოოს მისთვის გადაცემული ნებართვების, თანხმობის ან მიცემული ინსტრუქციების, ასევე სფეროში მოქმედი ნორმებისა და წესების შესაბამისად და ის სრულად არის პასუხისმგებელი მომსახურების“ წარმოებაზე და GWP იხსნის პასუხისმგებლობას „კომპანიის“ მიმართ გატარებული ადმინისტრაციული ღონისძიებების შედეგად დამდგარ შედეგებზე.
კონტროლი „მომსახურების“ შესრულებაზე
GWP წინამდებარე „ხელშეკრულებით“ მინიჭებულ უფლებამოსილებას ახორციელებს უფლებამოსილი წარმომადგენლის „ზედამხედველის“ მეშვეობით. შესაბამისად, იგულისხმება, რომ წინამდებარე ხელშეკრულებით „ზედამხედველისათვის“ მინიჭებული უფლებამოსილება თანაბრად ვრცელდება GWP-ზე და GWP-სათვის მინიჭებული ნებისმიერი უფლებამოსილებით შეიძლება ისარგებლოს „ზედამხედველმა“.
„ზედამხედველის“ უფლებები და მოვალეობები
„ზედამხედველს“ უფლება აქვს შეამოწმოს „მომსახურების“ მიმდინარეობის პროცესი ნებისმიერ დროს, „მომსახურების“ ნებისმიერ ეტაპზე, მათ შორის მოსამზადებელ (მუშა-ხელის მოძიების) დროს.
„ზედამხედველი“ უფლებამოსილია განახორციელოს „მომსახურების“ ყოველდღიური შემოწმება მისი დოკუმენტაციასთან და ამ „ხელშეკრულებასთან“ შესაბამისობის დადგენის მიზნით. თითოეული ასეთი შემოწმების შემდეგ „ზედამხედველმა“ და „კომპანიამ“ უნდა შეადგინონ აქტი, სადაც აღწერილი და შეფასებული იქნება „მომსახურების“ მიმდინარე სტატუსი, ხარვეზები და შეუსაბამობები, რომელიც აღმოჩენილი იქნა ასეთი შემოწმების შედეგად, ასეთის არსებობის შემთხვევაში და „ზედამხედველის“ მიერ „კომპანიისათვის“ მიცემული რეკომენდაციები ასეთი ხარვეზებისა და შეუსაბამობების გამოსწორების მიზნით. „ზედამხედველი“ ასევე ახორციელებს მშენებლობის დროს გამოყენებული მეთოდებისა და მასალების შეფასებას, ასევე შრომისა და მშენებლობის უსაფრთხოების წესების დაცვას და იმ შემთხვევაში, თუ ადგილი აქვს აღნიშნული ნორმების დარღვევას, „ზედამხედველი“ უფლებამოსილია მოითხოვოს „მომსახურების“ შეჩერება და/ან „კომპანიის“ მიმართ განახორციელოს „ხელშეკრულებით“ გათვალისწინებული სანქციის დაკისრების ღონისძიება წინამდებარე „ხელშეკრულების“ პირობების შესაბამისად.
„ზედამხედველი“ ვალდებულია მიიღოს და შეამოწმოს „კომპანიის“ მიერ წარმოდგენილი „ხელშეკრულების ძირითადი პირობებით“ გათვალისწინებული საშემსრულებლო დოკუმენტები მათი წარმოდგენიდან 5 (ხუთი) სამუშაო დღის ვადაში. აღნიშნული ვადის ამოწურვის შემდეგ, „ზედამხედველი“ ვალდებულია ან მოტივირებული შენიშვნებით დაუბრუნოს დოკუმენტები „კომპანიას“, ან დაამტკიცოს წარმოდგენილი საშემსრულებლო დოკუმენტები, რაც შემდგომში წარმოადგენს GWP მიერ „კომპანიისათვის“ შესრულებული „მომსახურების“ ანაზღაურების საფუძველს.
„ზედამხედველს“ უფლება აქვს უარი თქვას შესრულებული „მომსახურების“ მიღებაზე, თუ მიიჩნევს, რომ შესრულებული „მომსახურება“ არ შეესაბამება „ხელშეკრულებას“ ან „მომსახურების“ მიღებისთვის საჭირო დოკუმენტები არასრულად არის წარმოდგენილი.
იმ შემთხვევაში, თუ „მომსახურების“ მიმდინარეობის პროცესში საჭირო და/ან აუცილებელი გახდება „მომსახურების“ ცვლილება, მაშინ აღნიშნული ცვლილება უნდა გაფორმდეს წერილობით. „მომსახურების“ ცვლილება გულისხმობს „მომსახურების“ მოცულობის გაზრდას, შემცირებას, გამოსაყენებელი მასალის და ხარჯთაღრიცხვის ცვლილებას.
„ზედამხედველი“ ვალდებულია, „კომპანიის“ მიერ წერილობითი მოთხოვნიდან 5 (ხუთი) მომსახურება დღის ვადაში „კომპანიისათვის“ ხელმისაწვდომი გახადოს „ხელშეკრულებით“ გათვალისწინებული GWP-ს მიერ მისაწოდებელი მასალა (ასეთის არსებობის შემთხვევაში), რომელსაც GWP-ს მიერ მითითებული ადგილიდან საკუთარი ხარჯით გაიტანს „კომპანია“.
„კომპანიის“ განსაკუთრებული უფლებები და მოვალეობები
წინამდებარე „ხელშეკრულების“ საფუძველზე „კომპანია“ „მომსახურებას“ ახორციელებს, როგორც დამოუკიდებელი კონტრაქტორი.
„კომპანია“ ვალდებულია უზრუნველყოს მომსახურებას შესრულებისათვის აუცილებელ ყველა პირობა: კვალიფიციურ პერსონალი, ტექნიკა, ინფრასტრუქტურა, უსაფრთხოების წესების, მათ შორის შრომის უსაფრთხოების, დაცვა და ა.შ. „კომპანია“ დამოუკიდებლად და ერთპიროვნულად აგებს პასუხს „მომსახურებას“ დროს დაქირავებულ პერსონალზე, გამოყენებულ მეთოდებზე, ტექნიკაზე, მასალაზე, ნორმებისა და წესების დაცვაზე, რომელიც გათვალისწინებულია წინამდებარე „ხელშეკრულებით“ და/ან ამ სფეროში მოქმედი ქართული და/ან საერთაშორისო სტანდარტებით.
„კომპანია“ ვალდებულია საკუთარი ხარჯითა და სახელით უზრუნველყოს „მომსახურების“ შესრულებისათვის აუცილებელი კვალიფიციური მუშახელისა და ტექნიკის მობილიზება (დაქირავება), ასევე შესაბამისი ექსპერტიზების ჩატარება (GWP-ს მხრიდან ასეთი მოთხოვნის არსებობის შემთხვევაში), რაც საჭირო და აუცილებელია „მომსახურებას“ სათანადოდ შესრულებისათვის და/ან მოთხოვნილია GWP-ს მიერ წინამდებარე „ხელშეკრულებით“ და/ან “მომსახურებასთან“ დაკავშირებული სხვა ნებისმიერი შეთანხმებით ან მიწერილობით.
წინამდებარე „ხელშეკრულებაზე“ ხელმოწერით „კომპანია“ აღიარებს და იძლევა გარანტიას, რომ ყველა მასალა და ტექნიკა/მოწყობილობა, რომელსაც ის გამოიყენებს „მომსახურების“ შესრულების პროცესში, გარდა GWP-ს მიერ მიწოდებული მასალისა, არის სათანადო ხარისხის, ხარვეზების და ნაკლოვანებების გარეშე და იძლევა „მომსახურების“ შეთანხმებულ დროში და ხარისხით შესრულების შესაძლებლობას.
„კომპანია“ ვალდებულია „მომსახურება“ აწარმოოს წინამდებარე „ხელშეკრულების“, მოქმედი კანონმდებლობისა და სფეროში მოქმედი წესების და ნორმების შესაბამისად, ასევე „მომსახურებასთან“ დაკავშირებით გადაცემული დოკუმენტაციების შესაბამისად. თუ „მომსახურების“ პროცესში აღმოჩნდება რაიმე შეუსაბამობა ზემოაღნიშნულ დოკუმენტებს შორის, „კომპანია“ ვალდებულია დაუყოვნებლივ აცნობოს „ზედამხედველს“ წერილობით.
„კომპანია“ პასუხისმგებელია მისი ყველა თანამშრომლისა და ქვეკონტრაქტორის ქმედებაზე.
„კომპანია“ ვალდებულია, რომ „მომსახურების“ პროცესში მიიღოს ყველა ზომა, რათა თავიდან აიცილოს GWP-ს და/ან ნებისმიერი მესამე პირის ქონების და/ან ჯანმრთელობის დაზიანება, რამაც შესაძლოა წარმოშვას GWP-ს მატერიალური და/ან არამატერიალური პასუხისმგებლობა. იმ შემთხვევაში, თუ მაინც დადგება GWP-ს პასუხისმგებლობა, რაც გამოწვეულია „კომპანიის“ ქმედებით, მაშინ „კომპანია“ ვალდებულია უპირობოდ, პირველივე მოთხოვნისთანავე აუნაზღაუროს GWP-ს ასეთ პასუხისმგებლობასთან დაკავშირებული ყველა ხარჯი.
„კომპანია“ პასუხისმგებელია შრომის, მასალისა და მოწყობილობების ნებისმიერ დანაკარგზე და დაზიანებაზე მანამ, სანამ არ მოხდება „მომსახურების“ დასრულება და სათანადო წესით მიღება GWP-ს მიერ.
იმ შემთხვევაში, თუ GWP-ის „ზედამხედველს“ წარმოადგენს:
„ტექნიკური ზედამხედველი“ და „პროექტების მენეჯერი“ ერთდროულად, მაშინ, GWP ვალდებულია თითოეულ მათგანთან ურთიერთობა აწარმოოს შემდეგი კომპეტენციის ფარგლებში:
„ხელშეკრულების ძირითადი პირობებით“ გათვალისწინებული საშემსრულებლო დოკუმენტაციის ის ნაწილი, ასევე ნებისმიერ სხვა დოკუმენტი, ინფორმაცია, შეთავაზება და ა.შ., რომელიც დაკავშირებულია „მომსახურების“ ტექნიკურ ნაწილთან წარუდგინოს „ტექნიკურ ზედამხედველს“, ხოლო
„ხელშეკრულების ძირითადი პირობებით“ გათვალისწინებული საშემსრულებლო დოკუმენტაციის ის ნაწილი, ასევე ნებისმიერ სხვა დოკუმენტი, ინფორმაცია, შეთავაზება და ა.შ., რომელიც დაკავშირებულია „მომსახურების“ ხარჯთაღრიცხვასთან, მასალების მოთხოვნასთან და მიღებასთან, „მომსახურების“ ნებისმიერ ცვლილებასთან და ა.შ., წარუდგინოს „პროექტების მენეჯერს“.
მხოლოდ „ტექნიკური ზედამხედველი“ ან „პროექტების მენეჯერი“ მაშინ, GWP „ზედამხედველს“ წარუდგენს „მომსახურებასთან“ დაკავშირებულ ნებისმიერ და ყველა დოკუმენტს, ინფორმაციას, შეთავაზებას და ა.შ.
„კომპანია“ ვალდებულია წინამდებარე „ხელშეკრულებით“ გათვალისწინებული პერიოდულობით წარუდგინოს „ზედამხედველს“ „ხელშეკრულების ძირითადი პირობებით“ გათვალისწინებული საშემსრულებლო დოკუმენტაცია. დოკუმენტაცია წარდგენილი უნდა იყოს როგორც ელექტრონული, ასევე ბეჭდური ფორმით, რომელიც ხელმოწერილი უნდა იყოს „კომპანიის“ უფლებამოსილი წარმომადგენლის მიერ.
„კომპანია“ ვალდებულია, რომ GWP-სგან „მომსახურების“ შესრულების პერიოდში მიღებულ ყველა მასალაზე წარუდგინოს ჩამოწერის აქტი, ხოლო გაუხარჯავი მასალა დაუბრუნოს GWP-ს, GWP-ს მიერ მითითებულ ადგილას. იმ შემთხვევაში, თუ „კომპანია“ ვერ უზრუნველყოფს „ჩამოწერის აქტის“ ან/და გაუხარჯავი მასალის GWP-სათვის წარდგენას, „კომპანია“ ვალდებულია GWP-ს აუნაზღაუროს შესაბამისი მასალის ღირებულება, ხოლო თუ „კომპანია“ უარს განაცხადებს ასეთ ანაზღაურებაზე GWP უფლებამოსილია, ასეთი მასალის ღირებულება დაქვითოს „კომპანიისათვის“ გადასახდელი ნებისმიერი მიმდინარე ანაზღაურებიდან.
„კომპანია“ ვალდებულია, რომ „მომსახურების“ შესრულების პროცესში მოედანი იქონიოს მოწესრიგებულ მდგომარეობაში და დემონტირებული აღჭურვილობა, რომელთა გამოყენება შესაძლებელია შემდგომში, გადასცეს GWP-ს, ხოლო უვარგისი, ნარჩენებთან ერთად გაიტანოს ნებადართულ ნაგავსაყრელზე. დემონტირებული აღჭურვილობის ვარგისიანობას ადგენს GWP. ნებისმიერ შემთხვევაში, „კომპანია“ ვალდებულია მოედანი დატოვოს წინამდებარე „ხელშეკრულებით“ გათვალისწინებული „მომსახურების“ შესრულებით წარმოქმნილი ნარჩენებისგან სუფთა მდგომარეობაში.
„კომპანია“ ვალდებულია, რომ „მომსახურების“ მიმდინარეობის პროცესში გაითვალისწინოს GWP-ს „ზედამხედველის“ მითითებები და გამოასწოროს ყველა შეუსაბამობა, ასეთის არსებობის შემთხვევაში, საკუთარი ხარჯით.
„მომსახურების“/„საქონლის” ხარისხი და საგარანტიო ვადა
„მომსახურების“ ან/და „საქონლის“ ხარისხი უნდა შეესაბამებოდეს შესაბამის სფეროში დადგენილ მოთხოვნებსა და სტანდარტებს.
იმ შემთხვევაში, თუ საგარანტიო ვადის განმავლობაში „მომსახურებას“ ან/და საქონელს აღმოაჩნდება რაიმე ხარვეზი, „კომპანია“ ვალდებულია GWP-სგან შესაბამისი შეტყობინების მიღებიდან გონივრულ ვადაში გამოასწოროს ყველა ასეთი ხარვეზი, ხოლო თუ ასეთი ხარვეზის გამოსწორება შეუძლებელია ან საჭიროებს არაგონივრულად დიდ დროს, მაშინ შეცვალოს საქონელი ახალი, უხარვეზო საქონელით. „კომპანია“ ვალდებულია გაიღოს ასეთ შეკეთებასთან ან/და შეცვლასთან დაკავშირებული ყველა თანმდევი ხარჯი.
იმ შემთხვევაში, თუ „კომპანია“ დააყოვნებს „მომსახურების“ ან/და „საქონლის“ შეკეთებას/გამოსწორებას ან/და შეცვლას, GWP უფლებამოსილია თვითონ უზრუნველყოს ხარვეზის გამოსწორება, ხოლო აღნიშნულთან დაკავშირებული ხარჯების, ასევე შეკეთების დაყოვნებით მიყენებული ზიანის (ზარალის), ასეთის არსებობის შემთხვევაში, ანაზღაურება მოსთხოვოს „კომპანიას“ ან/და დაქვითოს მისთვის გადასახდელი ნებისმიერი სხვა მიმდინარე თუ მომავალში წარმოშობილი გადასახდელებიდან.
13. მხარეთა პასუხისმგებლობა
13.1 „ხელშეკრულებით“ გათვალისწინებული ვალდებულებების შეუსრულებლობის ან არასათანადო შესრულების შემთხვევაში, „მხარეები“ პასუხს აგებენ წინამდებარე „ხელშეკრულების ზოგადი პირობებით“ და საქართველოს კანონმდებლობით დადგენილი წესით.
13.2 „ხელშეკრულებით“ ნაკისრი ვალდებულებების შესრულების ვადის გადაცილებისათვის GWP უფლებამოსილია დააკისროს „კომპანიას“ პირგასამტეხლო ყოველ ვადაგადაცილებულ დღეზე ვადამოსული და გადაუხდელი „ნასყიდობის ფასის“ 0.01%-ის ოდენობით.
13.3 იმ შემთხვევაში, თუ „კომპანია“ მომსახურებას“ აწარმოებს თბილისი მერიის კეთილმოწყობის სამსახურის მიერ გაცემული მშენებლობის ნებართვის და/ან სხვა ადმინისტრაციული ორგანოს მიერ გაცემული ნებართვის საფუძველზე და „კომპანია“ „მომსახურების“ წარმოების დროს დაარღვევს ასეთი ნებართვით პირობებს, რაც გამოიწვევს „მომსახურების“ შეჩერებას და/ან GWP-ს დაჯარიმებას ან რაიმე სხვა სახის მატერიალურ და/ან არამატერიალურ პასუხისმგებლობას, მაშინ „კომპანია“ ვალდებულია უპირობოდ, GWP-ს პირველი მოთხოვნისთანავე აუნაზღაუროს მას ნებართვის პირობების დარღვევიდან გამოწვეული სანქციები და მასთან დაკავშირებული ხარჯები.
13.4 იმ შემთხვევაში, თუ „მომსახურების“ შესრულების პროცესში ზიანი მიადგება ნებისმიერი მესამე პირის ქონებას და/ან ჯანმრთელობას, „კომპანია“ ვალდებულია სრულად იკისროს პასუხისმგებლობა დამდგარ შედეგზე, ხოლო იმ შემთხვევაში, თუ დამდგარ ზიანს აანაზღაურებს GWP, „კომპანია“ ვალდებულია უპირობოდ, GWP-ს პირველი მოთხოვნისთანავე აუნაზღაუროს მას ზიანი და მასთან დაკავშირებული ხარჯები.
13.5 იმ შემთხვევაში, თუ „მომსახურების“ მიმდინარეობის პროცესში „კომპანია“ უხეშად დაარღვევს შრომის უსაფრთხოების წესებს, რაც აღმოჩენილი და დაფიქსირებული იქნება GWP-ს ან მისი ნებისმიერი წარმომადგენლის მიერ, მაშინ GWP-ს უფლება აქვს „კომპანიას“ დააკისროს ჯარიმა 500 (ხუთასი) ლარის ოდენობით თოთოეულ ასეთ შემთხვევაზე და/ან შეაჩეროს „მომსახურების“ გაწევა შესაბამისი უსაფრთხოების ზომების მიღებამდე. „მომსახურების“ ასეთი შეჩერება „კომპანიას“ არ ჩაეთვლება საპატიოდ.
13.6 იმ შემთხვევაში, თუ „კომპანია“ დაარღვევს წინამდებარე „ხელშეკრულებით“ ნაკისრ ნებისმიერ სხვა ვალდებულებას, GWP-ს უფლება აქვს გააფრთხილოს „კომპანია“ ან/და დააკისროს „კომპანიას“ საჯარიმო სანქცია 500 (ხუთასი) ლარის ოდენობით თითოეული ასეთი შემთხვევისთვის.
13.7 GWP უფლებამოსილია, წინამდებარე „ხელშეკრულებით“ გათვალისწინებული საჯარიმო სანქციები გამოიყენოს ერთობლივად ან/და ცალ-ცალკე, როგორც ის მიიჩნევს საჭიროდ.
13.8 „მხარეთა“ მიერ „ხელშეკრულების“ პირობების დარღვევის შემთხვევაში, პირგასამტეხლოს გადახდა არ ათავისუფლებს „მხარეებს“ „ხელშეკრულებით“ გათვალისწინებული ვალდებულებების შესრულებისაგან.
13.9 წინამდებარე „ხელშეკრულების ზოგად პირობებზე“ ხელმოწერით „კომპანია“ აღიარებს და ეთანხმება, რომ იმ შემთხვევაში, თუ ამ „ხელშეკრულების“ მოქმედების ვადის განმავლობაში „კომპანიას“ GWP-ის მიმართ გადასახდელი ექნება რაიმე სახის პირგასამტეხლო ან/და ჯარიმა, ან/და ნებისმიერი ზიანის საკომპენსაციო თანხა, GWP უფლებამოსილია ასეთი პირგასამტეხლოს ან/და ჯარიმის ან/და ზიანის საკომპენსაციო თანხა დაქვითოს „კომპანიისთვის“ ნებისმიერი მიმდინარე გადასახდელი ვალდებულებიდან, მიუხედავად იმისა, თუ რის საფუძველზე წარმოიშვა იგი.
14. „ხელშეკრულების“ მოქმედების ვადამდე შეწყვეტა
14.1 წინამდებარე „ხელშეკრულების“ შეწყვეტა მისი მოქმედების ვადის ამოწურვამდე შესაძლებელია:
(ა) დაუყოვნებლივ, „კომპანიის“ მიერ, თუ GWP არსებითად დაარღვევს წინამდებარე „ხელშეკრულებით“ გათვალისწინებულ ვალდებულებას და მიუხედავად დარღვევის გამოსწორების თაობაზე წერილობითი მოთხოვნის (შეტყობინების) მიღებისა, ამავე მოთხოვნაში (შეტყობინებაში) მითითებულ ვადაში, არ გამოასწორებს ამგვარ დარღვევას;
(ბ) დაუყოვნებლივ, GWP-ს მიერ, თუ „კომპანია“ დაარღვევს წინამდებარე „ხელშეკრულებით“ გათვალისწინებულ მის რომელიმე ვალდებულებას ან პირობას და მიუხედავად დარღვევის გამოსწორების თაობაზე წერილობითი მოთხოვნის (შეტყობინების) მიღებისა, ამავე მოთხოვნაში (შეტყობინებაში) მითითებულ ვადაში, არ გამოასწორებს ამგვარ დარღვევას;
(გ) დაუყოვნებლივ, GWP-ს მიერ, თუ „კომპანია“ დაარღვევს წინამდებარე „ხელშეკრულებით“ გათვალისწინებულ კონფიდენციალურობის დაცვის ვალდებულებას;
(დ) ნებისმიერ დროს, ყოველგვარი დასაბუთების გარეშე GWP-ს მიერ „კომპანიისათვის“ სულ მცირე 7 (შვიდი) კალენდარული დღით ადრე გაგზავნილი წერილობითი შეტყობინებით; ან
(ე) ნებისმიერ დროს, „მხარეთა“ ორმხრივი წერილობითი შეთანხმებით.
14.2 თუ „ხელშეკრულება“ „კომპანიამ“ მაშინ შეწყვიტა, როდესაც GWP მოკლებული იყო შესაძლებლობას, სხვაგვარად უზრუნველეყო თავისი ინტერესები, „კომპანიამ“ უნდა აუნაზღაუროს GWP-ს „ხელშეკრულების“ შეწყვეტით მიყენებული ზიანი, გარდა იმ შემთხვევებისა, როცა „კომპანიას“ ამისათვის მნიშვნელოვანი საფუძველი ჰქონდა და აღნიშნულის შესახებ ცნობილი იყო GWP-სათვის.
14.3 „მხარეები“ თანხმდებიან, რომ „ხელშეკრულების“ ნებისმიერი მიზეზით შეწყვეტის (მოშლის) შემთხვევაში, GWP „კომპანიას“ აუნაზღაურებს მხოლოდ შეწყვეტის თარიღამდე ფაქტობრივად მიღებული მომსახურების ღირებულებას (გარდა იმ შემთხვევისა, როდესაც „ხელშეკრულების“ შეწყვეტის საფუძველს წარმოადგენს „კომპანიის“ მიერ ნაკისრი ვალდებულებების შეუსრულებლობა), რაც დადასტურებული უნდა იყოს მხარეთა მიერ ხელმოწერილი მიღება-ჩაბარების აქტით. ამასთან GWP-ს მიერ „ხელშეკრულების“ მოშლის შედეგად მიყენებული ზიანი/ზარალი (იქნება ეს პირდაპირი თუ ირიბი, მატერიალური თუ არამატერიალური, ფაქტობრივი თუ მიუღებელი შემოსავალი და/ან სხვა) არ ანაზღაურდება და „კოპანია“ წინასწარ, გამოუთხოვადად და უპირობოდ უარს აცხადებს „ხელშეკრულების“ მოშლის შედეგად მიყენებული ზიანის/ზარალის (იქნება ეს პირდაპირი თუ ირიბი, მატერიალური თუ არამატერიალური, ფაქტობრივი თუ მიუღებელი შემოსავალი და/ან სხვა) , ამგვარის არსებობის შემთხვევაში, ანაზღაურების მოთხოვნაზე.
14.4 წინამდებარე „ხელშეკრულების“ მოქმედების ვადის დასრულების ან ნებისმიერი მიზეზით შეწყვეტის შემთხვევაში „კომპანია“ ვალდებულია დაუყოვნებლივ დაუბრუნოს GWP-ს ყველა ფაილი, მასალა, დოკუმენტი, მონაცემი, ანგარიში, ჩანაწერი და/ან ნებისმიერი სხვა ქონება, რომელიც გადაცემული ქონდა „კომპანიას“ GWP-სგან ან რომელიც შეძენილი და/ან შექმნილი იქნა GWP-სათვის წინამდებარე „ხელშეკრულების“ ფარგლებში.
15. ფორს-მაჟორი
15.1 „მხარეები“ თავისუფლდებიან პასუხისმგებლობისაგან „ხელშეკრულებით“ ნაკისრი ვალდებულებების შეუსრულებლობისათვის ან არადროული შესრულებისათვის, თუ აღნიშნული გამოწვეული იქნება ფორსმაჟორული ვითარებით.
15.2 „ხელშეკრულების“ მიზნებისათვის ფორსმაჟორული ვითარება, შეზღუდვის გარეშე, მოიცავს: ომს, ამბოხებას, სამოქალაქო არეულობას, მიწისძვრას, ხანძარს, აფეთქებას, ქარიშხალს, წყალდიდობას ან სხვა სტიქიურ უბედურებებს, ასევე სახელმწიფო დაწესებულებების სხვა ქმედებასა და უმოქმედობას, რომელიც „მხარეთა“ გონივრული კონტროლის ფარგლებს სცილდება და რომლის დადგომაც „ხელშეკრულებით“ გათვალისწინებული ვალდებულებების შესრულებას შეუძლებელს ხდის.
15.3 „მხარე“, რომელსაც ფორსმაჟორული ვითარება შეეხო, უმოკლეს ვადაში, მაგრამ ამგვარი გარემოების დადგომიდან არაუგვიანეს 5 (ხუთი) კალენდარული დღისა, ვალდებულია, შეატყობინოს მეორე „მხარეს“ ამგვარი ფორსმაჟორული ვითარების თაობაზე, ფორსმაჟორული ვითარების ხასიათის და მისი შედეგების სათანადო აღწერით.
15.4 ფორსმაჟორული ვითარების დადგომის შემთხვევაში, „მხარეთა“ მიერ „ხელშეკრულებით“ ნაკისრი ვალდებულებების შესრულება გადაიწევს ამგვარი ფორსმაჟორული ვითარების დამთავრებამდე/აღმოფხვრამდე.
15.6 იმ შემთხვევაში, თუ ფორსმაჟორული ვითარება გასტანს ზედიზედ 45 (ორმოცდახუთი) კალენდარულ დღეზე მეტ ხანს, თითოეულ „მხარეს“ უფლება აქვს მეორე „მხარისათვის“ გაგზავნილი წერილობითი შეტყობინების საფუძველზე, შეწყვიტოს წინამდებარე „ხელშეკრულება“ ამგვარი შეწყვეტის შედეგად პასუხისმგებლობის დაკისრების გარეშე.
16. მარეგულირებელი კანონმდებლობა და დავების გადაჭრა
16.1 „ხელშეკრულება“ რეგულირდება საქართველოს კანონმდებლობით და განიმარტება მის შესაბამისად.
16.2 „მხარეთა“ შორის „ხელშეკრულების“ ირგვლივ წამოჭრილი ნებისმიერი დავა უნდა გადაწყდეს მოლაპარაკების გზით. იმ შემთხვევაში, თუ „მხარეები“ ვერ შეძლებენ შეთანხმების მიღწევას, დავა განსახილველად გადაეცემა საქართველოს შესაბამისი განსჯადობის სასამართლოს.
17. დასკვნითი დებულებები
“ხელშეკრულების“ ნებისმიერი ცვლილება/დამატება ძალაშია მხოლოდ „მხარეთა“ მიერ შესაბამისი წერილობითი შეთანხმებით გაფორმების შემდეგ.
„ხელშეკრულების“ რომელიმე დებულების ბათილობა არ იწვევს მისი სხვა დებულებ(ებ)ის ან/და მთლიანად „ხელშეკრულების“ ბათილობას. ბათილი დებულების ნაცვლად, გამოიყენება ისეთი დებულება, რომლითაც უფრო ადვილად მიიღწევა „ხელშეკრულებით“ (მათ შორის ბათილი დებულებით) გათვალისწინებული მიზანი.
„მხარეები“ ადასტურებენ, რომ მათ გაცნობიერებული აქვთ „ხელშეკრულების“ შინაარსი, იგი ზუსტად გამოხატავს „მხარეთა“ თავისუფალ ნებას და რომ მათ მიერ ნების გამოვლენა მოხდა „ხელშეკრულების“ შინაარსის გონივრული განსჯის შედეგად.
წინამდებარე „ხელშეკრულებაზე“ ხელმოწერით „მხარეები“ აღიარებენ და ადასტურებენ, რომ მათ მიღებული აქვთ ყველა თანხმობა და დასტური, რომელიც შესაძლოა აუცილებელი იყოს ამ „ხელშეკრულების“ გაფორმებისთვის მათი შიდა კორპორატიული დოკუმენტებით ან/და საქართველოს მოქმედი კანონმდებლობით.
წინამდებარე „ხელშეკრულების ზოგადი პირობები“ გაფორმებულია თანაბარი იურიდიული ძალის მქონე ორ ეგზემპლარად, რომელთაგან ერთი ინახება „GWP“-სთან, ხოლო მეორე - „კომპანიასთან“.
მხარეთა ხელმოწერები:
GWP________________________________________
„კომპანია“ ___________________________________