სახელმწიფო შესყიდვების შესახებ N 10-149
ხელშეკრულება
სახელმწიფო შესყიდვების შესახებ N 10-149
ქ. თბილისი 12 აპრილი 2019 წელი
1. ხელშეკრულების მხარეები
ერთის მხრივ, შპს „თბილსერვის ჯგუფი“ (იურიდიული მისამართი ქ. თბილისი, კახეთის გზატკეცილის N67) (შემდგომში „შემსყიდველი“) წარმოდგენილი მისი დირექტორის xxxxx xxxxxxxxx სახით და მეორეს მხრივ, სს „სადაზღვევო კომპანია ალფა” (იურიდიული მისამართი ქ. თბილისი ალ. ყაზბეგის გამზ. №16) (შემდგომში „მიმწოდებელი“), წარმოდგენილი მისი გენერალური დირექტორის კახაბერ დიასამიძის სახით, ვხელმძღვანელობთ რა საქართველოში მოქმედი კანონმდებლობით, „სახელმწიფო შესყიდვების შესახებ“ საქართველოს კანონის მე-101 მუხლის მე-3 პუნქტის „თ“ ქვეპუნქტის, სახელმწიფო შესყიდვების სააგენტოს თავმჯდომარის 2015 წლის 17 აგვისტოს N13 ბრძანებით დამტკიცებული „გამარტივებული შესყიდვის კრიტერიუმები და გამარტივებული შესყიდვის ჩატარების წესის“ მე–3 მუხლის 1-ლი პუნქტის „ბ“ ქვეპუნქტის და სახელმწიფო შესყიდვების სააგენტოს თავმჯდომარის 2019 წლის 20 მარტის N1584 განკარგულების საფუძველზე ვდებთ წინამდებარე ხელშეკრულებას შემდეგზე:
2. ხელშეკრულებაში გამოყენებულ ტერმინთა განმარტება
2.1 ხელშეკრულებაში მოცემული ყოველი განმარტება ინარჩუნებს აღნიშნულ მნიშვნელობას ამ დოკუმენტის ნებისმიერ ნაწილში.
2.1.1 „ხელშეკრულება სახელმწიფო შესყიდვის შესახებ“ (შემდგომში _ „ხელშეკრულება“) _ შემსყიდველსა და ელექტრონული ტენდერის მეშვეობით შერჩეული მიმწოდებელს შორის დადებული ხელშეკრულება, რომელიც ხელმოწერილია მხარეთა მიერ, მასზე თანდართული ყველა დოკუმენტით, დამატებებით და ასევე მთელი რიგი დოკუმენტაციით, რომლებზეც ხელშეკრულებაში არის მინიშნებები.
2.1.2 დაზღვევის ობიექტი - დანართი N1 განსაზღვრული ავტოსატრანსპორტო საშუალებები და დაზღვეული ავტოსატრანსპორტო საშუალებების უფლებამოსილი მძღოლის მიერ ექსპლუატაციისას მესამე პირთა წინაშე პასუხისმგებლობის დაზღვევა
2.1.3 მიმწოდებელი – მზღვეველი, რომელიც კანონმდებლობის შესაბამისად ეწევა სადაზღვევო საქმიანობას და გადასცემს დამზღვევს სატრანსპორტო საშუალებების დაზღვევის პოლისებს;
2.1.4 შემსყიდველი ანუ დამზღვევი - შპს „თბილსერვის ჯგუფი“, რომელიც ამ პირობებით და კანონმდებლობის მიხედვით სადაზღვევო პოლისით განსაზღვრულ სატრანსპორტო საშუალებას და მესამე პირის წინაშე პასუხისმგებლობას აზღვევს მზღვეველთან და იხდის შესაბამის პრემიას;
2.1.5 შემსყიდველი ანუ დაზღვეული – შპს „თბილსერვის ჯგუფი“, რომლის მიმართაც ხორციელდება ავტოსატრანსპორტო საშუალებების დაზღვევა და მესამე პირთა წინაშე პასუხისმგებლობის დაზღვევა;
2.1.6 მოსარგებლე – დაზღვეული, რომელიც ამ პირობების და საქართველოს კანონმდებლობის თანახმად იღებს სადაზღვევო ანაზღაურებას და თავისუფლდება მესამე პირების წინაშე მიყენებული ზიანის ანაზრაურების ვალდებულებისგან;
2.1.7 სადაზღვევო პოლისი - დაზღვევის დამადასტურებელ დოკუმენტი, რომელიც დაზღვეულს, მისი მიღების შემდგომ, აძლევს უფლებას სადაზღვევო შემთხვევის დადგომისას მოითხოვოს სადაზღვევო ანაზღაურება;
2.1.8 სადაზღვევო შემთხვევა – შემთხვევა, რომლის დადგომისას წინამდებარე ხელშეკრულების პირობები ითვალისწინებს სადაზღვევო ანაზღაურების გადახდას და რომელიც დასტურდება მზღვეველის მიერ შედგენილი სადაზღვევო შემთხვევის აქტით;
2.1.9 სადაზღვევო პერიოდი –პერიოდი რომელიც მითითებულია სადაზღვევო პოლისში და (2019 წლის 13 აპრილის 00:00 საათიდან 13 ივნისის 24:00 საათამდე;), რომლის განმავლობაშიც სადაზღვევო პოლისი არის ძალაში;
2.1.10 სადაზღვევო თანხა – სადაზღვევო ხელშეკრულებასა და პოლისში მითითებული ანაზღაურების მაქსიმალური ლიმიტი, მზღვეველის პასუხისმგებლობის მაქსიმალური ლიმიტი.
2.1.11 სადაზღვევო ღირებულება - დანართი N1_ში განსაზღვრული სატრანსპორტო საშუალებებების საბაზრო ღირებულება;
2.1.12 სადაზღვევო პრემია – შემსყიდველის/დაზღვეულის მიერ გადასახდელი სადაზღვევო პოლისის ღირებულება, რომელიც მიეთითება სადაზღვევო პოლისში;
2.1.13 სადაზღვევო ანაზღაურება – თანხა, რომელიც სადაზღვევო შემთხვევის დადგომისას მზღვეველისაგან ეკუთვნის დამზღვევს წინამდებარე პირობების საფუძველზე;
2.1.14 უფლებამოსილი მძღოლი _ დამზღვევის ნებისმიერი თანამშრომელი, რომელსაც გააჩნია მართვის უფლებამოსილება, მინიჭებული საქართველოს მოქმედი კანონმდებლობის მოთხოვნათა შესაბამისად.
2.1.15 ავტოტრანსპორტის სრული დაზიანება (განადგურება) – ავტოტრანსპორტის სრულ დაზიანებად (განადგურება) ჩაითვლება ზიანი, რომლის დროსაც აღდგენითი შეკეთების ღირებულება მისი ხელშეკრულებით გათვალისწინებული საბაზრო ღირებულების 70%-ს ან მეტს შეადგენს ან განადგურებულია ავტომანქანის 70% ან მეტი;
2.1.16 აქსესუარები – წინამდებარე პირობებით გათვალისწინებული დაზღვევის მიზნებისათვის აქსესუარებად მოიაზრება ავტომანქანის ისეთი ნაწილები/დეტალები, რომელიც პირდაპირ არ უკავშირდება ავტომანქანის გამართულ მუშაობას, მათ შორის ქარხნული წესით დამონტაჟებული აუდიო და ტელევიდეო აპარატურა, გართობის სხვა საშუალებები, ტელეფონები, რაციები და კომუნიკაციის სხვა სისტემები, ასევე სამარკო ემბლემა;
2.1.17 ცალკეული დეტალები – კანტები, მოლდინგები და პლასტმასის სხვა დეტალები, დისკები და მისი საფარები, შუშის საწმენდები, ანტენები და ყველა სახის დეკორატიული დეტალები;
2.1.18 ავტოტრანსპორტის საბაზრო ღირებულება – ფულადი თანხა, რომელიც საჭიროა ადგილობრივ ბაზარზე დაზღვეული ავტოტრანსპორტის ანალოგიური მარკის, მოდელის და სხვა მახასიათებლების მქონე ავტოტრანსპორტის შესაძენად;
2.1.19 გამომუშავებული სადაზღვევო პრემია – სადაზღვევო პერიოდის განმავლობაში კონკრეტული თარიღისათვის, სადაზღვევო პერიოდის დასაწყისიდან ასეთ თარიღამდე განვლილი დროის მონაკვეთის პროპორციული პრემიის ოდენობა;
2.1.20 გამოუმუშავებელი სადაზღვევო პრემია - სადაზღვევო პერიოდის განმავლობაში კონკრეტული თარიღისათვის, სადაზღვევო პერიოდის ამოწურვამდე დარჩენილი დროის მონაკვეთის პროპორციული პრემიის ოდენობა;
3. ხელშეკრულების საგანი
3.1 შპს „თბილსერვის ჯგუფი“-სათვის 117 ერთეული ავტოსატრანსპორტო საშუალებების და დაზღვეული ავტოსატრანსპორტო საშუალების უფლებამოსილი მძღოლის მიერ ექსპლუატაციისას მესამე პირთა წინაშე პასუხისმგებლობის დაზღვევის მომსახურების შესყიდვა (CPV – 66500000) შპს „თბილსერვის ჯგუფი”-ს კუთვნილი თანხებით..
3.2 სადაზღვევო ხელშეკრულებით გათვალისწინებული სადაზღვევო რისკების ჩამონათვალი მოცემულია ხელშეკრულების პუნქტებში, წინადებარე ხელშეკრულების დანართებში და მიმწოდებელის მიერ გაცემულ სადაზღვევო პოლისში;
3.3 დაზღვეულ ავტომანქანებზე ცვლილებების განხორციელებისას მიმწოდებელს უნდა ეცნობოს წერილობით ცვლილების განხორცილებიდან არაუგვიანეს 5 სამუშაო დღის ვადაში. დაზღვეულ ავტომანქანათა დამატების შემთხვევაში ამ უკანასკნელებზე ავტომატურად ვრცელდება წინამდებარე ხელშეკრულებით გათვალისწინებული მომსახურებები, ხოლო დაზღვეული ავტომანქანის გამოკლების შემთხვევაში, მის ადგილს იკავებს შემსყიდველის მიერ წარმოდგენილი სხვა ავტოსატრანსპორტო საშუალება.
3.4 დაზღვევა ვრცელდება მხოლოდ სადაზღვევო პოლისით განსაზღვრულ სატრანსპორტო საშუალებებზე, სადაზღვევო რისკებზე, ტერიტორიაზე, ვადებზე, წინამდებარე ხელშეკრულების პირობებით, პოლისით და კანონმდებლობით განსაზღვრული მოთხოვნებისა და გამონაკლისების გათვალისწინებით.
4. სადაზღვევო რისკები
4.1 დაზღვევა ვრცელდება შემდეგი დასახელების რისკებზე:
4.1.1 ავტოსატრანსპორტო საშუალების გატაცება, ქურდობა, ძარცვა, ყაჩაღობა და ვანდალიზმი;
4.1.2 ავტოსატრანსპორტო საშუალების ან მისი ნაწილების დაზიანება ან განადგურება, რაც გამოწვეულია ავტოსაგზაო შემთხვევით (მიუხედავად ბრალეულობისა), ხანძრით, თვითაალებით, მეხის დაცემით ან/და აფეთქებით, მესამე პირის მართლსაწინააღმდეგო ქმედებით, ვანდალიზმით, რაიმე საგნის დაცემით, სტიქიური უბედურებებით (მათ შორის: მიწისძვრა, სეტყვა) ან უბედური შემთხვევით (მოულოდნელი მოვლენა, რომელმაც გამოიწვია დაზიანება გარეშე და აშკარა მიზეზებით);
4.1.3 ავტოსატრანსპორტო საშუალების კომპლექტაციაში არსებული ნებისმიერი დეტალის (ან/და დამატებითი აღჭურვილობის), მინების, სარკეების და ა.შ. ქურდობა, ძარცვა და ყაჩაღობა;
4.1.4 ავტომობილის სრული განადგურება, ასევე ნაწილობრივი დაზიანების შემთხვევაში სადაზღვევო თანხის ფარგლებში ავტოსატრანსპორტო საშუალების ევაკუაციასთან დაკავშირებული ხარჯების, ავტომანქანის საჯარიმო სადგომზე გადაყვანის შემთხვევაში გამოყვანასთან დაკავშირებული ხარჯების გაღება;
4.1.5 უფლებამოსილი მძღოლების და მისი მგზავრების უბედური შემთხვევისაგან დაზღვევა (ლიმიტი ერთ ავტომანქანაზე არანაკლებ 10 000 (ათი ათასი) ლარი ჯამურად, სუბლიმიტი ერთ პირზე - არანაკლებ 2 000 (ორი ათასი) ლარი, ფრანშიზა 0% -ის გათვალისწინებით;
4.1.6 მესამე პირთა წინაშე პასუხისმგებლობის დაზღვევა - შემსყიდველის (დამზღვევის) პასუხისმგებლობა აანაზღაუროს მესამე პირის სიცოცხლის, ჯანმრთელობისა ან/და ქონებისათვის სატრანსპორტო საშუალებით მიყენებული ზიანი (ლიმიტი ერთ აავტოსატრანსპორტო საშუალებაზე არანაკლებ 10 000 (ათი ათასი) ლარი - ფრანშიზა 0%-ის გათვალისწინებით. ამასთან, თუ ზარალი ექვემდებარება ანაზღაურებას წინამდებარე პირობებით, უზრუნველყოფილი უნდა იყოს დაზარალებული მესამე პირის შემთხვევის ადგილიდან რეანომობილით ტრანსპორტირება შესაბამის კლინიკაში და მკურნალობასთან დაკავშირებული ყველანაირი ხარჯის ანაზღაურება, დაზარალებულის ნებისმიერი სახით მონაწილეობის გარეშე. მესამე მხარის მიმართ პასუხისმგებლობის დაზღვევისას ანაზღაურებას დაექვემდებარება თანხა, რომლის გადახდასაც დაზღვეულს დააკისრებს სასამართლო მის მიერ დაზღვეული ავტომობილით მესამე მხარისათვის მიყენებული ზიანისათვის.
4.1.7 მხარეთა შორისა გაფორმებული ხელშეკრულების მე-3 მუხლის 3.1 პუნქტით და წინამდებარე ხელშეკრულების შესაბამისი მუხლებით მიმწოდებლის მიერ აღებული ვალდებულების შესაბამისად ყველა სადაზღვევო შემთხვევაზე ანაზღაურება გაიცემა 0% ფრანშიზის გათვალისწინებით.
5. დაზღვევის განხორციელება
5.1 დაზღვევის განსახორციელებლად დამზღვევმა მზღვეველს უნდა წარუდგინოს სატრანსპორტო საშუალების ჩამონათვალი. ავტოტრანსპორტის დამატების შემთხვევაში თითოეულზე სარეგისტრაციო მოწმობის ასლები;
5.2 დამზღვევის მიერ იმავე ინტერესის სხვა სადაზღვევო ორგანიზაციაში დაზღვევა (ორმაგი დაზღვევა) უნდა შეთანხმდეს მზღვეველთან, წინააღმდეგ შემთხვევაში მზღვეველი თავისუფლდება ნაკისრი ვალდებულების შესრულებისაგან.
5.3 სადაზღვევო პოლისის დაკარგვის, განადგურების შემთხვევაში დამატებითი ხარჯების გაწევის გარეშე მზღვეველის მიერ დაუყოვნებლივ გაიცემა მისი დუბლიკატი;
6. სადაზღვევო პრემია
6.1 შესასყიდი ობიექტის ფასი განისაზღვრება ეროვნულ ვალუტაში;
6.2 შესასყიდი მომსახურების ღირებულება (შემდგომში „ხელშეკრულების ღირებულება“) შეადგენს 6 334.72
(ექვსი ათას სამას ოცდათოთხმეტი ლარი და სამოცდათორმეტი თეთრი) ლარს, მათ შორის 1(ერთი) თვის
პრემიის ოდენობა შეადგენს 3 167,36 (სამი ათას ას სამოცდაშვიდი ლარი და ოცდათექვსმეტი თეთრი) ლარს;
6.3 დასაზღვევი ავტომანქანების ჩამონათვალი, რაოდენობა, ტექნიკური მონაცემები და სადაზღვევო პრემიის ღირებულება მითითებულია დანართი N1-ში, რომელიც წარმოადგენს წინამდებარე ხელშეკრულების განუყოფელ ნაწილს.
6.4 მზღვეველის ვალდებულებები ძალაში შედის შესაბამისი სადაზღვევო პერიოდის დაწყების მომენტიდან.
7. შესასყიდი ობიექტის ხარისხი
7.1 მიმწოდებელი პასუხისმგებლობას კისრულობს, რომ გაწეული მომსახურება შეესაბამება ყველა მოქმედ თანამედროვე სტანდარტებს, ნორმებს, წინამდებარე ხელშეკრულების და დაზღვევის პოლისის პირობებს.
7.2 მიმწოდებელი აცხადებს, რომ გაწეული მომსახურება იქნება უნაკლო.
8. მომსახურების გაწევის ვადები და ადგილი
8.1 მომსახურების გაწევა ხორციელდება: 2019 წლის 13 აპრილის 00:00 საათიდან 13 ივნისის 24:00 საათამდე;
8.2 მომსახურების გაწევის ადგილი – საქართველო.
9. მიღება-ჩაბარების წესი
9.1 შესასყიდი ობიექტის მიღება ფორმდება შემსყიდველისა და მიმწოდებლის უფლებამოსილი წარმომადგენლების მიერ ხელმოწერილი მიღება-ჩაბარების აქტით, რაც ასევე ადასტურებს მიმწოდებლის მიერ ნაკისრი ვალდებულებების შესრულებას;
9.2 შესყიდვის ობიექტის მიღება-ჩაბარება განხორციელდება ყოველი თვის 18 რიცხვში, შემსყიდველისა და მიმწოდებლის უფლებამოსილი წარმომადგენლების მიერ მიღება-ჩაბარების აქტის გაფორმებით;
9.3 მიმწოდებლის მიერ ნაკისრი ვალდებულებების შესრულება დასტურდება მხოლოდ მიღება-ჩაბარების აქტით;
9.4 შესყიდვის ობიექტის (მისი ნაწილის, ეტაპის) მიღების და/ან საბოლოო შემოწმების შედეგად გამოვლენილი ნაკლის აღმოფხვრას საკუთარი ხარჯებით უზრუნველყოფს მიმწოდებელი;
9.5 მიღება-ჩაბარების აქტის გაფორმებასთან ერთად, მიმწოდებელი ვალდებულია წარმოუდგინოს შემსყიდველს საქართველოს კანონმდებლობით გათვალისწინებული შესაბამისი საგადასახადო დოკუმენტაცია;
9.6 შემსყიდველის მხრიდან მიღება-ჩაბარების აქტზე ხელმომწერი პირია ტრანსპორტის სამსახურის უფროსი.
10. ანგარიშსწორება
10.1. შესასყიდი ობიექტის ღირებულება დაიფარება არა უგვიანეს 10 (ათი) სამუშაო დღისა მიღება- ჩაბარების აქტის გაფორმების დღიდან;
10.2. ანაზღაურება, მიმწოდებელთან განხორციელდება უნაღდო ანგარიშსწორების ფორმით, ეროვნულ ვალუტაში, მიმწოდებლის მიერ ხელშეკრულებაში მითითებულ საბანკო ანგარიშზე.
11. მხარეთა უფლება-მოვალეობანი
11.1. “შემსყიდველი” ვალდებულია:
11.1.1. ხელშეკრულებით გათვალისწინებული პირობების შესაბამისად, აუნაზღაუროს “მიმწოდებელს” გაწეული მომსახურების ღირებულება (სადაზღვევო პრემია);
11.1.2 აცნობოს მიმწოდებელს სატრანსპორტო საშუალებებთან დაკავშირებით სხვა სადაზღვევო ორგანიზაციაში გაფორმებული ხელშეკრულების შესახებ;
11.1.3 მიიღოს ობიექტურად შესაძლო ყველა ზომა დაზღვევის საგნის გადასარჩენად და ზიანის მოცულობის მაქსიმალურად შესამცირებლად;
11.1.4 დაუყოვნებლივ აცნობოს მზღვეველს სატრანსპორტო საშუალებების ექსპლოატაციის პირობებში ნებისმიერი არსებითი ცვლილების შესახებ, კერძოდ, კი:
ა) სხვა პირისთვის სარგებლობაში, მფლობელობაში, საკუთრებაში ან მინდობილ საკუთრებაში გადაცემის შესახებ;
ბ) სადაზღვევო რისკის ხარისხის ზრდის შესახებ;
გ) აცნობოლოს მიმწოდებელს, დაზღვევის ობიექტის აღრიცხვიდან მოხსნის ან შსს ორგანოებში სათანადო წესით გაფორმების, სანომრე ნიშნის ცვლილების ან დაკარგვის შესახებ, ასეთი ცვლილელების განხორციელებიდან 2 (ორი) სამუშაო დღის განმავლობაში.
11.1.5 სადაზღვევო შემთხვევის დადგომიდან დაუყოვნებლივ აცნობოს ფაქტზე რეაგირებაზე უფლებამოსილ ორგანოს და მზღვეველის ქოლ ცენტრს სადაზღვევო პოლისში მითითებულ ნომერზე, ამასთან, სადაზღვევო შემთხვევის დადგომიდან არაუგვიანეს 2 (ორი) სამუშაო დღის განმავლობაში წერილობითი ფორმით გაუგზავნოს მზღვეველს შეტყობინება სადაზღვევო შემთხვევის შესახებ.
11.1.6 შემთხვევის დადგომისას მზღვეველთან შეთანხმებით შეინარჩუნოს დაზიანებული/ განადგურებული სატრანსპორტო საშუალებების მდგომარეობა მზღვეველის მიერ მის დათვალიერებამდე და ფოტოგადაღებამდე, გამონაკლის შემთხვევას წარმოადგენს საპატრულო პოლიციის ან/და საამისოდ უფლებამოსილი პირის კანონიერი მოთხოვნა.
11.1.7 წარუდგინოს მზღვეველს ამ უკანასკნელის მოთხოვნის შესაბამისად ყველა საჭირო დოკუმენტაცია რომელიც შეეხება ზიანის ანაზღაურების საკითხს, კერძოდ კი: სადაზღვევო შემთხვევის დადგომისას წერილობითი განაცხადი ზიანის დადგომის შესახებ; სადაზღვევო პოლისი; სატრანსპორტო საშუალების სარეგისტრაციო მოწმობის ასლი; მძღოლის მართვის მოწმობის ასლი; მძღოლის პირადობის დამადასტურებელი მოწმობის/პასპორტის ასლი;
11.1.8 დაუყოვნებლივ აცნობოს მზღვეველს მესამე პირისაგან ოფიციალური პრეტენზიის მიღების შესახებ;
11.1.9 არ აღიაროს საკუთარი პასუხისმგებლობა და არ გასცეს პირობა ზიანის ანაზღაურებაზე მზღვეველის თანხმობის გარეშე, წინააღმდეგ შემთხვევაში მზღვეველი უფლებამოსილია მოიხსნას პასუხისმგებლობა;
11.1.10 ხელი შეუწყოს მზღვეველს სუბროგაციის უფლების განხორციელებაში, მოთხოვნის შემთხვევაში გადასცეს მას სათანადო დოკუმენტაცია და უფლებამოსილებანი, დათმოს მოთხოვნის უფლება და ასე შემდეგ;
11.1.11 გაუწიოს მზღვეველს სათანადო დახმარება, ხელი შეუწყოს, მიიღოს მონაწილეობა სადაზღვევო შემთხვევის გამომწვევი მიზეზების, მისი დადგომის გარემოებების, შედეგებისა და მიყენებული ზიანის სიდიდის სრულ და ობიექტურ გამოკვლევაში, მიაწოდოს მზღვეველს ხელშეკრულებით განსაზღვრული ზიანის დადგენისა და შეფასებისათვის მის ხელთ არსებული საჭირო დოკუმენტაცია და არ იმოქმედოს მზღვეველის ინტერესების საწინააღმდეგოდ;
11.1.12 ქურდობის, ძარცვის, ყაჩაღობის და ვანდალიზმის ფაქტზე დამზღვევი (დაზღვეული) ვალდებულია მზღვეველს წარუდგინოს: განაცხადი ზიანის დადგომის შესახებ, სადაზღვევო პოლისი; სატრანსპორტო საშუალების სარეგისტრაციო მოწმობის ასლი; მძღოლის მართვის მოწმობის ასლი; მძღოლის პირადობის დამადასტურებელი მოწმობის/პასპორტის ასლი; დადგენილი ფორმით გაცემული ცნობა შსს სათანადო ორგანოებიდან ავტოსატრანსპორტო საშუალების ქურდობის ძარცვის, ყაჩაღობისა და ვანდალიზმის ფაქტთან დაკავშირებით სისხლის სამართლის საქმის აღძვრის ან აღუძვრელობის შესახებ;
11.1.13 ხანძრის, თვითაალების მეხის დაცემის, სეტყვის, მიწისძვრის ან/და აფეთქების შედეგად სატრანსპორტო საშუალების განადგურების ან დაზიანების შემთხვევაში დამზღვევი ვალდებულია მზღვეველს წარუდგინოს: განაცხადი ზიანის დადგომის შესახებ; სადაზღვევო პოლისი, სატრანსპორტო საშუალების სარეგისტრაციო მოწმობის ასლი; მძღოლის მართვის მოწმობის ასლი; მძღოლის პირადობის დამადასტურებელი მოწმობის/პასპორტის ასლი;
11.1.14 მესამე პირის მართლსაწინააღმდეგო ქმედების შედეგად სატრანსპორტო საშუალების დაზიანების ან განადგურების შემთხვევაში, დამზღვევი ვალდებულია მზღვეველს წარუდგინოს განაცხადი ზიანის დადგომის შესახებ; სადაზღვევო პოლისი, სატრანსპორტო საშუალების სარეგისტრაციო მოწმობის ასლი; მძღოლის მართვის მოწმობის ასლი; მძღოლის პირადობის დამადასტურებელი მოწმობის/პასპორტის ასლი; მზღვეველის მოთხოვნის საფუძველზე ცნობა შსს სათანადო ორგანოებიდან, სადაც აღნიშნული უნდა იყოს
განადგურების ან დაზიანების მიზეზები, ეჭვმიტანილის (ეჭვმიტანილების), ბრალდებულის
(ბრალდებულების), განსასჯელის (განსასჯლების), მსჯავრდებულის (მსჯავრდებულების) ვინაობა;
11.1.15 გატაცებული ავტსატრანსპორტო საშუალების პოვნის შემთხვევაში, თუკი გაცემულია სადაზღვევო ანაზღაურება, დამზღვევი (დაზღვეული) ვალდებულია გადასცეს მზღვეველს ნაპოვნი გატაცებული ავტოსატრანსპორტო საშუალება საკუთრებაში კანონით დადგენილი წესით, დამზღვევის მიერ მზღვეველზე სატრანსპორტო საშუალება გადაიცემა სატრანსპორტო საშუალების პოვნისა და მისი დამზღვევისათვის დაბრუნებიდან 10 სამუშაო დღის ვადაში. სატრანსპორტო საშუალების მზღვეველზე რეგისტრაციის საფასურს გადაიხდის სადაზღვევო კომპანია.
11.1.16 ყველა ღონე იხმაროს დაზღვეული ავტოტრანსპორტის უსაფრთხოების დასაცავად;
11.1.17. თუ სადაზღვევო შემთხვევის დადგომა გამოწვეულია მესამე პირის ქმედებით, მზღვეველს წარუდგინოს ასეთი მესამე პირის შესახებ მისთვის ცნობილი ინფორმაცია, კერძოდ: სახელი, გვარი, მისამართი, საკონტაქტო ტელეფონის ნომერი. იმ შემთხვევაში თუ მესამე პირის შესახებ ინფორმაცია შემსყიდველისთვის უცნობია, მიმწოდებელს უფლება არ აქვს ამ მიზეზით უარი თქვას ანაზღაურების გაცემაზე
11.1.18 მუდამ თან იქონიოს დაზღვეული ავტოტრანსპორტის სარეგისტრაციო მოწმობა და არ დატოვოს იგი ავტოტრანსპორტში. წინააღმდეგ შემთხვევაში, მზღვეველს უფლება აქვს, უარი განაცხადოს სადაზღვევო ანაზღაურების გაცემაზე ქურდობის, ძარცვის და/ან ყაჩაღობის შემთხვევებში;
11.2. “შემსყიდველს” უფლება აქვს:
11.2.1. სადაზღვევო შემთხვევის დადგომისას მიიღოს სადაზღვევო ანაზღაურება წინამდებარე ხელშეკრულებით განსაზღვრული პირობების შესაბამისად სხვადასხვა ფორმით, მათ შორის დაზიანებული ავტოსატრანსპორტო საშუალების შეკეთების და მისი აღდგენის გზით, ასევე სრული განადგურების შემთხვევაში ახლით შეცვლით ან/და სათანადო ანაზღაურებით სადაზღვევო თანხის ფარგლებში მხარეთა შეთანხმებით შემდეგი წესით:
• მზღვეველი გადაიხდის თანხას არაუმეტეს დაზღვეული ავტოსატრანსპორტო საშუალების დანართი
N1-ში განსაზღვრული საბაზრო ღირებულებისა,
• მზღვეველი დამზღვევის სასარგებლოდ შეიძენს განაცხადში მითითებული მარკის, მოდელისა და სხვა მახასიათებლების შესაბამის ავტოტრანსპორტს.
11.2.2 მოითხოვოს ექსპერტიზის ჩატარება იმ ორგანიზაციის მეშვეობით, რომელსაც გააჩნია საექსპერტო შეფასების უფლება;
11.2.3 მიიღოს ანაზღაურება წინამდებარე ხელშეკრულებით დადგენილი პირობებით და წესით;
11.2.4 მოითხოვოს იმ ზიანის ანაზღაურება, რაც გამოწვეულია მიმწოდებლის მიერ ამ ხელშეკრულებით ნაკისრი ვალდებულებების შეუსრულებლობით ან არაჯეროვანი შესრულებით;
11.2.5 მოსთხოვოს მიმწოდებელს ამ ხელშეკრულებით ნაკისრი ვალდებულებების სრული, ჯეროვანი, დროული და კეთილსინდისიერი შესრულება;
11.3. “მიმწოდებელი” ვალდებულია:
11.3.1 დაიცვას ხელშეკრულებით გათვალისწინებული ყველა პირობა;
11.3.2 ხელშეკრულების გაფორმებიდან უმოკლეს ვადებში, მაგრამ არაუგვიანეს 10 კალენდარული დღისა გადასცეს შემსყიდველს შესაბამისი სადაზღვევო პოლისები;
11.3.3 სადაზღვევო შემთხვევის დადასტურებისას გასცეს დამზღვევზე სადაზღვევო ანაზღაურება სადაზღვევო თანხის ფარგლებში წინამდებარე ხელშეკრულების პირობების შესაბამისად;
11.3.4 დაიცვას და არ გაახმაუროს დამზღვევთან საქმიანი ურთიერთობების შედეგად მოპოვებული ინფორმაცია, გარდა საქართველოს კანონით პირდაპირ გათვალისწინებული შემთხვევებისა;
11.3.5 უზრუნველყოს და პერმანენტულად გააკონტროლოს სადაზღვევო პოლისით გათვალისწინებული მომსახურების ხარისხი;
11.3.6 გააცნოს დამზღვევს სატრანსპორტო საშუალების დაზღვევის პირობები;
11.3.7 შეადგინოს სადაზღვევო შემთხვევის აქტი და განსაზღვროს სადაზღვევო ანაზღაურების თანხა, ავტოტრანსპორტის დაზღვევის პირობებისა და სადაზღვევო პოლისის შესაბამისად სადაზღვევო
ანაზღაურების გაცემისთვის ყველა აუცილებელი დოკუმენტის მიღებიდან და სადაზღვევო შემთხვევის დადასტურებიდან 5 (ხუთი) სამუშაო დღის ვადაში;
11.3.8 არაუმეტეს 5 (ხუთი) სამუშაო დღისა განიხილოს მიღებული დაზღვევის განაცხადი ზიანის ანაზღაურების შესახებ და აანაზღაუროს ზიანი დადებითი გადაწყვეტილების მიღებიდან და სადაზღვევო შემთხვევის აქტზე მხარეთა მიერ ხელმოწერიდან 2 (ორი) სამუშაო დღისა ან გასცეს ანაზღაურების გაცემაზე მოტივირებული უარი;
11.3.9 დამზღვევს გადასცეს ინფორმაცია სადაზღვევო კომპანიაში წარმოსადგენი დოკუმენტაციის შესახებ და გაუწიოს დახმარება, კონსულტაცია აღნიშნული დოკუმენტაციის მომზადებაში მზღვეველის კომპეტენციის ფარგლებში;
11.3.10 აუცილებელი დოკუმენტების წარმოდგენისთანავე აცნობოს განმცხადებელს ნაკლოვანი დოკუმენტის შესახებ და უკვე გამოსწორებული დოკუმენტაციის მიღებიდან 5 (ხუთი) სამუშაო დღის ვადაში მიიღოს გადაწყვეტილება ზიანის ანაზღაურების/არანაზღაურების შესახებ. მიღებული გადაწყვეტილების შესახებ აცნობოს დამზღვევს ასეთი გადაწყვეტილების მიღებიდან 5 (ხუთი) სამუშაო დღის ვადაში.
11.3.11 ხელშეკრულებით გათვალისწინებული მომსახურების გაწევისას საქმის კურსში ჩააყენოს
“შემსყიდველი” ყველა განსაკუთრებული გარემოების შესახებ;
11.3.12 აუნაზღაუროს შემსყიდველს ის ზიანი, რაც გამოწვეულია მის მიერ ნაკისრი ვალდებულებების შეუსრულებლობით ან არაჯეროვანი შესრულებით;
11.3.13. თუ დამზღვევსა (დაზღვეულს) და დაზარალებულს შორის მიმდინარეობს დავა მომხდარი შემთხვევის გამო, მზღვეველი აანაზღაურებს ზარალს _ კანონიერ ძალაში შესული სასამართლო გადაწყვეტილების (დაზღვეულის /უფლებამოსილი მძღოლის/ მიერ მესამე პირისათვის (პირებისათვის) მიყენებული ზიანის ანაზღაურების თაობაზე) მზღვეველისათვის წარმოდგენიდან 5 (ხუთი) სამუშაო დღის ვადაში;
11.3.14 ავტოსაგზაო შემთხვევის დადგომის შესახებ დამზღვევის მიერ მზღვეველისათვის შეტყობინებიდან არაუმეტეს 2 სამუშაო დღის ვადაში მზღვეველმა უნდა გააგზავნოს წერილობითი მოთხოვნა შესაბამის ორგანოში, ავტოსაგზაო შემთხვევასთან დაკავშირებული ყველა საჭირო დოკუმენტაციის გამოთხოვასთან დაკავშირებით (საჭიროების შემთხვევაში დამზღვევი უზრუნველყოფს მზღვეველს შესაბამისი მინდობილობით), ყველა საჭირო დოკუმენტის მიღებიდან და ზარალის დაანგარიშებიდან (ხარჯთაღრიცხვა) არაუგვიანეს 5 სამუშაო დღის განმავლობაში მზღვეველმა უნდა მიიღოს გადაწყვეტილება ზიანის ანაზღაურების შესახებ და აღნიშნულ ვადაში შედგეს სადაზღვევო შემთხვევის აქტი და აქტზე მხარეთა ხელმოწერიდან არაუგვიანეს 2 სამუშაო დღეში უნდა მოხდეს სადაზღვევო ანაზღაურების გაცემა;
11.4. “მიმწოდებელს” უფლება აქვს:
11.4.1 გააკონტროლოს დამზღვევის მიერ წინამდებარე ხელშეკრულებისა და შესაბამისი სადაზღვევო პოლისის პირობებისა და მოთხოვნების შესრულება;
11.4.2 გააგზავნოს შესაბამისი შეკითხვები კომპეტენტურ ორგანოებში;
11.4.3 მოახდინოს დამზღვევის დაზიანებული ავტომანქანის დათვალიერება და ფოტოგადაღებები, ასევე, მონაწილეობა მიიღოს მესამე პირის დაზიანებული ან განადგურებული ქონების დათვალიერებასა და ფოტოგადაღებებში
11.4.4 დამზღვევის დასწრებით (თუ ეს შესაძლებელია) შეადგინოს დაზიანებული სატრანსპორტო საშუალების დათვალიერების აქტი;
11.4.5 შეწყვიტოს წინამდებარე ხელშეკრულების მოქმედება და შესთავაზოს დამზღვევს, ახალი ხელშეკრულების დადება შეცვლილი სახით იმ შემთხვევაში, თუ შეიცვალა ავტოტრანსპორტის ექსპლუატაციის პირობები;
11.4.6 ცალმხრივად შეწყვიტოს დაზღვევის ხელშეკრულების (პოლისის) მოქმედება და წერილობით შეატყობინოს დამზღვევს აღნიშნულის შესახებ იმ შემთხვევაში, თუ გამოვლინდება, რომ დამზღვევის მიერ
განაცხადში მითითებული მონაცემები და გარემოებები არ შეესაბამება სინამდვილეს ან ყალბია, გარდა გამონაკლისისა თუკი დამზღვევის მიერ განაცხადში წარმოდგენილი მონაცემების და გარემოებების სიყალბე და ის რომ სინამდვილეს არ შეესაბამება, დამზღვევის ბრალეულობით არ წარმოშობილა.
11.4.7 სადაზღვევო შემთხვევის დადგომის შემდეგ მოითხოვოს დამზღვევისაგან წინამდებარე ხელშეკრულებით გათვალისწინებული ყველა ის ინფორმაცია და დოკუმენტაცია, რომელსაც მზღვეველი მიიჩნევს საჭიროდ სადაზღვევო შემთხვევის ობიექტურად შეფასებისათვის;
11.4.8 სრული კონტროლი გაუწიოს დამზღვევის მიმართ მესამე პირთა პრეტენზიის მოგვარებისათვის საჭირო კანონით გათვალისწინებულ ყველა სახის პროცედურას;
11.4.9 სატრანსპორტო საშუალებების დაზიანებისას აანაზღაუროს დაზიანებული ნაწილების ღირებულება, თუ ისინი ექვემდებარება აღდგენას, წინააღმდეგ შემთხვევაში მოახდინოს მათი ჩანაცვლების ღირებულების ანაზღაურება;
11.4.10 სატრანსპორტო საშუალებების დაზიანების გამო ანაზღაურების გაცემისას დამზღვევისაგან მოითხოვოს მზღვეველის მიერ შეცვლილი ნაწილების, ხოლო განადგურებული ავტომანქანისათვის ანაზღაურების გაცემისას თავად განადგურებული ავტოტრანსპორტის გადაცემა მზღვეველის საკუთრებაში;
11.4.11 შეადგინოს დაზიანებული სატრანსპორტო საშუალების (ასევე, მესამე პირის დაზიანებული ან განადგურებული ქონების) შეკეთების/აღდგენითი ღირებულების კალკულაცია ხარჯთაღრიცხვა;
11.4.12 დაზღვეულის, მოსარგებლის თანხმობით მისი სახელით თავის თავზე აიღოს მათი უფლების დაცვა ნებისმიერი ინსტანციის სასამართლოში, ადმინისტრაციულ ორგანოებში და მიიღოს სათანადო დოკუმენტაცია და უფლებამოსილება;
11.4.13 არ აანაზღაუროს ზარალი დამზღვევის მიერ წინამდებარე ხელშეკრულებითა და შესაბამისი სადაზღვევო პოლისით დადგენილი ვალდებულებების შეუსრულებლობის შემთხვევაში;
11.4.14 მოითხოვოს დამზღვევისგან, რათა ამ უკანასკნელმა გადასცეს მზღვეველს საკუთრების უფლება სადაზღვევო შემთხვევის გამო მზღვეველის მიერ შეცვლილ ავტოტრანსპორტის ვარგის ნაწილებზე, დაზღვეული ავტომანქანის განადგურების გამო სრული სადაზღვევო თანხის გაცემისას _ განადგურებულ ავტომანქანაზე, ხოლო გატაცების გამო სრული სადაზღვევო თანხის გაცემისას დაკარგული ავტომანქანის პოვნის შემთხვევაში _ ნაპოვნ სატრანსპორტო საშუალებაზე. შესაბამისად, დამზღვევი იღებს ვალდებულებას შეასრულოს ყველა ის ქმედება, რომელიც აუცილებელი და გათვალისწინებულია საქართველოს მოქმედი კანონმდებლობით აღნიშნული მიზნის მისაღწევად. ამასთან, ხსენებული უფლების რეალიზაცია მზღვეველის მიერ შეიძლება განხორციელდეს ავტოტრანსპორტზე საკუთრების უფლების გადმოსვლით ან რეალიზაციის შემთხვევაში, ფულადი ფორმით თანხის მიღების გზით. დამზღვევის მიერ წინამდებარე პუნქტით გათვალისწინებული ვალდებულებების შეუსრულებლობა ათავისუფლებს მზღვეველს სადაზღვევო ანაზღაურების გადახდისაგან, ხოლო თუ ასეთი ანაზღაურება უკვე გაცემულია, მზღვეველს ანიჭებს გაცემული თანხის უკან მოთხოვნის უფლებამოსილებას;
11.4.15 წარუდგინოს შემსყიდველს ფიზიკურად გაწეულ მომსახურებასთან დაკავშირებული სრული დოკუმენტაცია, რომელსაც ხელი მოეწერება მიმწოდებლის მიერ გაწეული მომსახურების შემსყიდველის მიერ ხარისხობრივი შემოწმების და მოწონების შემდეგ და მოითხოვოს გაწეული მომსახურების ღირებულების ანაზღაურება ხელშეკრულებით გათვალისწინებული პირობებით. სადაზღვევო პრემიის დროულად, ხელშეკრულებით დადგენილ ვადებში გადაუხდელობის შემთხვევაში, თუ ადგილი ექნება სადაზღვევო შემთხვევას, მზღვეველი კანონით დადგენილი წესით თავისუფლდება ანაზღაურების მოვალეობისაგან. პრემიის დროულად გადაუხდელობისას მზღვეველი უფლებას იტოვებს ერთი თვით ადრე წერილობითი შეტყობინების საფუძველზე და ამ ვადის უშედეგოდ გასვლის შემდეგ ცალმხრივად შეწყვიტოს დაზღვევის ხელშეკრულება;
11.4.16 მოსთხოვოს “შემსყიდველს” გაწეული მომსახურების ღირებულების ანაზღაურება ხელშეკრულებით გათვალისწინებული პირობებით;
11.4.16 არ აანაზღაუროს წარმოშობილი ზიანის ოდენობაზე მეტი თანხა იმ შემთხვევაშიც კი, თუ სადაზღვევო თანხა სადაზღვევო შემთხვევის დადგომის მომენტისათვის აღემატება სადაზღვევო ღირებულებას.
11.4.17 ზარალის ანაზღაურების თაობაზე გადაწყვეტილების მიღების შემდგომ, დაზიანებული სატრანსპორტო საშუალება დამზღვევთან შეთანხმების საფუძველზე გადაიყვანოს შემკეთებელ სერვის- ცენტრ(ებ)ში (ამასთან, იმ ავტოსატრანსპორტო საშუალებების შეფასება და მომსახურება, რომელზეც ვრცელდება საგარანტიო პირობები უნდა განხორციელდეს საქართველოში არსებული კონკრეტული მარკის სადილერო სერვის ცენტრებში (ასეთის არსებობის შემთხვევაში), ხოლო დანარჩენი სატრანსპორტო საშუალებების ტექნიკური მომსახურეობა (ასევე, იმ ავტოტრანსპორტის მომსახურეობა, რომელსაც არ გააჩნია კონკრეტული მარკის სადილერო ცენტრი) უნდა განხორციელდეს მხარეთა შორის ერთობლივად შერჩეულ შემკეთებელ საწარმოში, სადაც წინასწარ შეთანხმებულ დღეს დამზღვევის წარმომადგენლის თანდასწრებით ხორციელდება ავტომანქანის ტექნიკური დათვალიერება და ხდება შესაბამისი დეფექტური აქტ(ებ)ის შედგენა დაზიანებული სატრანსპორტო საშუალებების ან მისი ნაწილების აღდგენისათვის ან შეცვლისათვის საჭირო თანხის მითითებით. წინააღმდეგ შემთხვევაში თუ მხარეთა მიერ ვერ იქნება ერთობლივად შერჩეული შემკეთებელი საწარმო, მზღვეველი ვალდებულია განახორციელოს ზემოხსენებული პროცედურები დამზღვევის მიერ მითითებულ შემკეთებელ საწარმოში.
11.4.18 მოსთხოვოს შემსყიდველს ამ ხელშეკრულებით ნაკისრი ვალდებულებების სრული, ჯეროვანი, დროული და კეთილსინდისიერი შესრულება;
12. ზიანის ოდენობის დადგენა და სადაზღვევო ანაზღაურების გაცემის წესი
12.1 სადაზღვევო ანაზღაურება გაიცემა დაზღვევის ყველა საჭირო მონაცემის განსაზღვრის შემდეგ, კერძოდ: სადაზღვევო შემთხვევის ფაქტისა და ზიანის ოდენობის დადგენა; ანაზღაურების ფორმისა და ოდენობის განსაზღვრა, წინამდებარე ხელშეკრულების პირობების შესაბამისად.
12.2 ავტოსაგზაო შემთხვევის ანაზღაურების წესი რეგულირდება ამავე ხელშეკრულების მე-11 მუხლის 11.3 პუნქტის 11.3.14 ქვეპუნქტის შესაბამისად.
12.3 სადაზღვევო შემთხვევის დადგომისას, როდესაც ამ უკანასკნელის არსებობა ეჭვს არ იწვევს და შესაბამისად არ საჭიროებს საგამოძიებო ღონისძიებების გატარებას, ზარალი უნდა დარეგულირდეს დოკუმენტაციის სრულად მოგროვებიდან არაუგვიანეს 5 სამუშაო დღის განმავლობაში და სადაზღვევო ანაზღაურება უნდა გაიცეს არაუგვიანეს სადაზღვევო შემთხვევის შესახებ აქტზე მხარეთა მიერ ხელმოწერიდან არაუგვიანეს 2 სამუშაო დღის განმავლობაში.
12.4 ავტოტრანსპორტის დაზიანებისას ზიანის ოდენობა დაანგარიშდება მზღვეველის მიერ შერჩეული შესაბამისი სერვისცენტრის მეშვეობით შედგენილი ინვოისის/კალკულაციის საფუძველზე, რომლის ხარჯების გაღებას უზრუნველყოფს მზღვეველი, ხოლო იმ შემთხვევაში, თუკი ზიანის ოდენობის თაობაზე მხარეები ვერ შეთანხმდნენ, ზიანის ოდენობის დასადგენად შესაბამისი ექსპერტიზის ხარჯებს აანაზღაურებს ექსპერტიზის მომთხოვნი მხარე. დაზიანებული ავტოსატრანსპორტო საშუალების ტრანსპორტირების ხარჯებს უახლოეს სარემონტო ადგილამდე, თუ დაზიანებულ ავტოტრანსპორტს დამოუკიდებლად მოძრაობა არ შეეძლება, უზრუნველყოფს მზღვეველი.
12.5 ავტოტრანპორტის ქურდობის, ძარცვის, ყაჩაღობის ან განადგურებისას სადაზღვევო ანაზღაურების ოდენობა განისაზღვრება სადაზღვევო თანხის მიხედვით, მაგრამ არაუმეტეს ავტომობილის ხელშეკრულებით გათვალისწინებული საბაზრო ღირებულებისა;
12.6 ავტოტრანსპორტის ქურდობის, ძარცვის, ყაჩაღობის ან განადგურების რისკებით დამდგარი სადაზღვევო შემთხვევით გათვალისწინებული სადაზღვევო ანაზღაურების გაცემის შემდეგ, სადაზღვევო პოლისი, შესაბამის ავტოტრანსპორტთან მიმართებაში გაუქმდება და სადაზღვევო თანხა შემსყიდველის მიერ დარჩენილ პერიოდზე არ გადაიხდება;
12.7 მესამე მხარის მიმართ პასუხისმგებლობის დაზღვევისას ანაზღაურებას ექვემდებარება თანხა, რომლის გადახდასაც დაზღვეულს დააკისრებს სასამართლო მის მიერ დაზღვეული ავტომობილით მესამე მხარისათვის მიყენებული ზიანისათვის. იმ შემთხვევაში, თუ ერთი შემთხვევის შედეგად დაზარალდება რამდენიმე მესამე პირი, ხოლო დაზღვეულზე დაკისრებული ჯამური პასუხისმგებლობის ოდენობა გადაჭარბებს პოლისში მითითებულ ანაზღაურების ლიმიტს, ანაზღაურება ყოველი მხარის მიმართ მოხდება პროპორციულად (მისი ზარალის წილის შესაბამისად საერთო ზარალში);
12.8 სადაზღვევო შემთხვევის შემდგომ, სადაზღვევო თანხა შემცირდება მანამდე ანაზღაურებული თანხ(ებ)ის ოდენობით.
12.9 სატრანსპორტო საშუალებების დაზიანებისას ზიანის ოდენობა ანგარიშდება ხელშეკრულებით განსაზღვრული პირობებისა და ვადების შესაბამისად. ზიანის ოდენობაში შეიტანება ასევე დამზღვევის (დაზღვეულის) მიერ გაწეული ხარჯი, რომელიც მან მზღვეველთან შეთანხმებით გასწია დაზიანებული სატრანსპორტო საშუალების ტრანსპორტირებისათვის შემსყიდველის მიერ განსაზღვრულ სარემონტო ადგილამდე თუ დაზიანებულ სატრანსპორტო საშუალებებს დამოუკიდებლად გადაადგილება არ შეუძლია.
12.10 ავტოსატრანსპორტო საშუალება სრულად განადგურებულად ითვლება, რომლის დროსაც აღდგენითი შეკეთების ღირებულება მისი დაზღვევის მომენტისათვის საბაზრო ღირებულების 70 % ან მეტს შეადგენს.
12.11 სადაზღვევო ანაზღაურება არ გაიცემა თუ სატრანსპორტო საშუალებებისათვის მიყენებული ზიანი შედეგია სატრანსპორტო საშუალების იმ პირის მიერ მართვისას, რომელსაც მოცემული კატეგორიის ავტოტრანსპორტის მართვის უფლება არ გააჩნია.
12.12 გამონაკლისები - სადაზღვევო ანაზღაურება არ გაიცემა:
12.12.1 სატრანსპორტო საშუალების ბუნებრივი ცვეთის, კოროზიის, დაჟანგვის, თანდაყოლილი დეფექტის, შეუსაბამო დიზაინზე, დეფექტური მასალების გამოყენებაზე და სხვა ბუნებრივ თვისებებზე, გაუარესების ან/და ისეთი შეკეთების შემთხვევაში, რომელიც აუმჯობესეს სატრანსპორტო საშუალებას ზარალის დადგომამდე არსებულ მდგომარეობასთან;
12.12.2 სატრანსპორტო საშუალების სარეგისტრაციო ნომრის გატაცების შემთხვევაში;
12.12.3 შემთხვევაზე, რომლის დადგომის დროს დაზღვეული ავტოტრანსპორტი არ გამოიყენებოდა იმ მიზნით, რომელიც მითითებული ან აღნიშნული იყო დაზღვევის განაცხადში;
12.12.4 შემთხვევაზე, რომელიც შედეგად მოჰყვა გასაღების ავტომობილში დატოვებას, გასაღების არაუფლებამოსილი მძღოლისთვის გადაცემას, მათ შორის გასაღების ნებისმიერი დაცვის, პარკირების ან სხვა მსგავსი სამსახურისთვის გადაცემას; შუშების ჩაწეულ მდგომარეობაში ან კარების ღიად დატოვებას;
12.12.5 დაზღვეული ავტოტრანსპორტის ტექნიკური მომსახურებისა და საგარანტიო შეკეთების ხარჯებზე;
12.12.6 მუხრუჭების მექანიკურ ან ელექტრონულ წუნზე ან ამით გამოწვეულ ავტოტრანსპორტის დაზიანებაზე, გარდა იმ შემთხვევისა, როცა დამზღვევისათვის წინასწარ არ იყო ცნობილი აღნიშნულის შესახებ;
12.12.7 კონფისკაცია, დაპატიმრება, დაკავება ან სახელმწიფო ორგანოების დავალების შედეგად გამოწვეული დაზიანება;
12.12.8 დაზღვევამდე არსებული მიზეზით გამოწვეული ნებისმიერი სარემონტო ხარჯი;
12.12.9 წინამდებარე პირობებსა და სადაზღვევო პოლისში აღნიშნულის გარდა რომელიმე სხვა რისკზე;
12.12.10 შემთხვევაზე დაზღვეული ავტოტრანსპორტის მართვისას არაუფლებამოსილი პირის მიერ, გარდა დაზღვეული ავტოტრანსპორტისათვის ქურდობა/ძარცვა/ყაჩაღობით ან მათი მცდელობით მიყენებული დაზიანებისა;
12.12.11 შემთხვევაზე ავტოტრანსპორტის გამოყენებისას მგზავრთა/ტვირთის გადაყვანის მიზნით ან ავტოტრანსპორტის გაქირავებისას, თუ ამგვარი გამოყენება არ არის მითითებული პოლისში, ასევე, თუ შემთხვევა შედეგად მოყვა ავტოტრანსპორტის, როგორც ტვირთის ტრანსპორტირებას, მის დატვირთვას, გადმოტვირთვას, ასევე, საზღვაო, სახმელეთო, სარკინიგზო ან სხვა სახის ტრანსპორტით, მათ შორის, ლაფეტით გადაზიდვას ან ბუქსირით გადაადგილებას;
12.12.12 შემთხვევებზე ავტოტრანსპორტის აეროდრომის ან აეროპორტის ტერიტორიაზე მართვისას, გარდა სპეციალურ ავტოსადგომებზე მომხდარი შემთხვევებისა;
12.12.13 რბოლებში მონაწილეობა, დაზიანება გამოწვეული ავტომობილის ნებისმიერი სახის გამოცდისას;
12.12.14 შემთხვევაზე, რომელიც მოხდა ავტოტრანსპორტის მძღოლის ალკოჰოლური ან ნარკოტიკული (ფსიქოტროპული) ნივთიერებების ზემოქმედების ქვეშ ყოფნის დროს (მიუხედავად იმისა, ზარალი დაზღვეული ავტომანქანის უფლებამოსილი მძღოლის მიზეზით/ბრალით დადგა, თუ სხვა მესამე პირის მიზეზით/ბრალით); უფლებამოსილი მძღოლის თვითმკვლელობას ან თვითმკვლელობის მცდელობას ან ისეთ განზრახ ქმედებას, რომელიც მიზნად ისახავდა შემთხვევით გამოწვეული შედეგის დადგომას;
12.12.15 დამზღვევის ან მისი წარმომადგენლის განზრახ ან სისხლის სამართლის კანონმდებლობით განსაზღვრულ მართლსაწინააღმდეგო ქმედებებზე;
12.12.16 გარემოებებზე, რომელიც ზრდის სადაზღვევო რისკის დადგომის ალბათობას, ცნობილია დამზღვევის ან მისი წარმომადგენლისათვის და ამის შესახებ მან დაუყოვნებლივ არ აცნობა მზღვეველს წერილობითი ფორმით ან მზღვეველს მიეწოდა ყალბი ან არასრული ინფორმაცია (დოკუმენტები) აღნიშნულის შესახებ;
12.12.17 შემთხვევებზე, რომელიც გამოწვეულია: იონიზირებული რადიაციით, ბირთვული ან სხვა სახის მავნე ნარჩენებიდან მიღებული რადიაციით და დაბინძურებით; რადიოაქტიური, ფეთქებადი, ბირთვული ნივთიერების შემცველი აირის ბუნებრივი მდგომარეობის ცვლილებით;
12.12.18 შედეგებზე, რომელიც პირდაპირ ან არაპირდაპირ გამოწვეულია საომარი მოქმედებებით, დაპყრობით, სამოქალაქო ომით, მიუხედავად იმისა, აღნიშნული მდგომარეობა გამოცხადებულია სახელმწიფო ხელისუფლების მიერ თუ არა, განსაკუთრებული, საგანგებო, სამხედრო მდგომარეობით, მასობრივი არეულობით, აჯანყებით, ლოკაუტით, დიქტატორული რეჟიმით, ადგილობრივი ან სახელმწიფო ხელისუფლების ბრძანების თანახმად საკუთრების საზოგადო მფლობელობაში გადაცემით, კონფისკაციით ან ჩამორთმევით, ტერორიზმით ან მისი ნებისმიერი გამოვლენით და სხვა ანალოგიური მიზეზებით;
12.12.19 შემთხვევებზე, როდესაც დამზღვევი (დაზღვეული) მესამე პირის წინაშე თავის ვალდებულებებს აღიარებს მზღვეველის წერილობითი თანხმობის გარეშე;
12.12.20 შემთხვევებზე, როდესაც დამზღვევი (დაზღვეული) დაზიანებული სატრანსპორტო საშუალების აღდგენით-სარემონტო სამუშაოებს განახორციელებს მზღვეველთან შეუთანხმებლად;
12.12.21 ქურდობის შემთხვევებზე, თუ ასეთის დროს დაზღვეული ავტოტრანსპორტის სარეგისტრაციო მოწმობა დატოვებული იყო გატაცებულ სატრანსპორტო საშუალებაში;
12.12.22 გაჩერებული დაზღვეული ავტოტრანსპორტის დაუდგენელი პირის მიერ ან დაუდგენელ ვითარებაში დაზიანების/განადგურების შემთხვევებში, თუ არ მოხდება მზღვეველთან და საპატრულო პოლიციასთან დაუყოვნებლივი დაკავშირება და ადგილი ექნება მზღვეველის წარმომადგენლის მისვლამდე ავტოტრანსპორტის ადგილიდან დაძვრას, გარდა იმ შემთხვევისა, როცა ასეთი მოთხოვნა შესაბამისი უწყების მხრიდან ხდება;
12.12.23 შემთხვევებზე, თუ იგი დადგა დადგენილი პარკირების წესების დარღვევის გამო შესაბამისი უფლებამოსილი პირების მიერ დაზღვეული ავტომანქანის საჯარიმო გადაყვანის/გადადგილები დროს, ასევე, საჯარიმო სადგომზე განთავსებისას;
12.12.24 თუ დაზღვეულ ინტერესთან მიმართებაში ადგილი ჰქონდა ორმაგ დაზღვევას, მაგრამ დამზღვევს ასეთი ორმაგი დაზღვევის შესახებ მზღვეველისათვის ინფორმაცია არ წარუდგენია წერილობითი ფორმით.
12.13. თუ უბედური შემთხვევა გამოწვეულია დაზღვეული ავტოტრანსპორტით, რამაც, თავის მხრივ, გამოიწვია მესამე პირის გარდაცვალება, სხეულის დაზიანება ან რაიმე სახის ქონებრივი ზარალი, მაშინ, მზღვეველი აუნაზღაურებს წინამდებარე პირობებით გათვალისწინებულ პასუხისმგებლობის ხარჯებს იმ პირს (ან მის სრულუფლებიან კანონიერ წარმომადგენელს), რომელსაც ეხება დაზღვევა წინამდებარე პირობების მიხედვით, კერძოდ კი:
12.13.1 სასწრაფო სამედიცინო მომსახურების ხარჯები;
12.13.2 დაზარალებული მესამე პირების სიცოცხლის და/ან ქონების გადასარჩენად ან ზიანის შესამცირებლად გაწეული მიზანშეწონილი ხარჯები;
12.13.3 მესამე პირის პრეტენზიებთან დაკავშირებული სასამართლო ან სასამართლოს გარეშე პრეტენზიის განხილვის ხარჯები, აგრეთვე სადაზღვევო შემთხვევის დადგომის გარემოებებისა და ზარალის ოდენობის დადგენის ხარჯები, თუ ისინი წერილობით იყო მზღვეველთან შეთანხმებული;
12.13.4 დაზარალებული პირისათვის კანონიერ ძალაში შესული სასამართლოს გადაწყვეტილების საფუძველზე გადასახდელი კომპენსაცია;
12.13.5 სასამართლოს გადაწყვეტილების გარეშე მესამე პირი(ებ)სათვით მიყენებული ზიანის კომპენსაცია, თუ ამგვარი კომპენსაციის ოდენობა წერილობითი გზით შეთანხმებულია მზღვეველთან და თუ დაზარალებული წერილობით დაადასტურებს, რომ მას არ გააჩნია არავითარი პრეტენზია სადაზღვევო
შემთხვევასთან დაკავშირებით;
12.14 სასამართლოს გადაწყვეტილების გარეშე კომპენსაციის/ანაზღაურების ოდენობა, რომელიც არ უნდა აღემატებოდეს პოლისით განსაზღვრულ სადაზღვევო ლიმიტს, გამოანგარიშდება შემდეგი წესით:
12.14.1 მესამე პირის გარდაცვალების ან ჯანმრთელობისათვის მიყენებული ზიანის შემთხვევაში _ მიყენებული მატერიალური ზიანის ოდენობა:
ა) ხელფასი (შემოსავალი), რომელიც დაზარალებულმა დაკარგა, თუ იგი ნაწილობრივ ან სრულად შრომისუუნარო შეიქმნა;
ბ) დამატებითი ხარჯები, რომლებიც გამოწვეულია ჯანმრთელობის დაზიანებით, მათ შორის მკურნალობის, დამატებითი კვების, მედიკამენტების, პროტეზირების, ზედამხედველობისა და მოვლის, სპეციალური სატრანსპორტო საშუალების შეძენის, პროფესიული გადამზადების ხარჯები, თუ დადგენილია, რომ დაზარალებულს ესაჭიროება აღნიშნული ტიპის დახმარება და არ აქვს მათი უფასოდ მიღების უფლება;
გ) ხელფასის (შემოსავლის) ნაწილი, რომელსაც დაზარალებულის გარდაცვალების შემთხვევაში დაკარგავენ შრომისუუნარო პირები, რომლებიც დაზარალებულის კმაყოფაზე იმყოფებოდნენ ან უფლება ჰქონდათ მიეღოთ მისგან სარჩო (რეგულარული გადახდების სახით);
12.14.2 თუ მესამე პირ(ებ)ს ქონებრივი ზიანი მიადგება, სადაზღვევო ლიმიტის ფარგლებში, ანაზღაურებას ექვემდებარება:
ა) ქონების სრული განადგურება (სრული განადგურებად ითვლება - ზიანი, რომლის დროსაც აღდგენითი შეკეთების ღირებულება მისი საბაზრო ღირებულების 70%-ს ან მეტს შეადგენს ან განადგურებულია ქონების 70 % ან მეტია).
ბ) ქონების ნაწილობრივი დაზიანების შემთხვევაში – დაზიანებამდე არსებულ მდგომარეობამდე მისაყვანად საჭირო შეკეთების ხარჯებს;
12.15 სადაზღვევო შემთხვევით გამოწვეული რამოდენიმე ადამიანის სხეულის დაზიანების ან გარდაცვალების, ასევე, მესამე პირთა ქონების ხელყოფის შემთხვევაში, თუ მთლიანი ზარალის ოდენობა აღემატება ერთი სადაზღვევო შემთხვევისათვის გათვალისწინებულ პასუხისმგებლობის ლიმიტს, ანაზღაურება თითოეული დაზარალებულისათვის შემცირდება მიყენებული ზიანის საერთო ოდენობაში პასუხისმგებლობის ლიმიტის წილის გათვალისწინებით.
12.16 სადაზღვევო პოლისში სხვა ქვე-ლიმიტის არსებობის შემთხვევაში, ანაზღაურების ოდენობა იზღუდება ამგვარი ქვე-ლიმიტის გათვალისწინებით;
12.17 ერთი შემთხვევით გამოწვეული დანაკარგი განხილული იქნება ერთ სადაზღვევო შემთხვევად. არავის აქვს უფლება, ორჯერ მიიღოს ანაზღაურება წინამდებარე დაზღვევის თანახმად, ერთი და იგივე ზიანისთვის ან ზიანის რომელიმე ელემენტისათვის;
12.18 მესამე პირ(ებ)ისადმი მიყენებული ზარალის ასანაზღაურებელი მთლიანი თანხა, შემთხვევების რაოდენობის მიუხედავად, არ შეიძლება აღემატებოდეს პოლისით ამ დაფარვისათვის გათვალისწინებულ სადაზღვევო თანხას;
12.19 გამონაკლისს მოცემული სახის დაფარვისათვის წარმოადგენს შემთხვევა, როდესაც დაზარალებული წარმოადგენს:
ა) პირს, რომელიც უბედური შემთხვევის მომენტში მართავდა დაზღვეულ ავტოტრანსპორტს;
ბ) დაზღვეული პირის (ასევე უფლებამოსილი მძღოლის) ოჯახის წევრს, ასევე, დაზღვეული სატრანსპორტო საშუალების მგზავრს;
გ) დაზღვეულის დაქვემდებარებულს/თანამშრომელს მათ შორის არსებული ხელშეკრულების ძალით.
12.20 მზღვეველი არ არის პასუხისმგებელი, ასევე, პასუხისმგებლობაზე, რომელიც წარმოშობილია ნებისმიერი სხვა კონტრაქტის ან შეთანხმების საფუძველზე, გარდა წინამდებარე ხელშეკრულებისა.
12.21 მზღვეველი არ არის პასუხისმგებელი ნებისმიერი ქონებისათვის მიყენებულ ზიანზე, რომელიც წარმოადგენს უფლებამოსილი მძღოლის საკუთრებას, მინდობილი საკუთრების სახით ინახება მასთან, გადაიზიდება დაზღვეული ავტოტრანსპორტით ან დაზღვეულ ავტოტრანსპორტზე მიმაგრებული ნებისმიერი მისაბმელით.
12.22 მესამე პირის სიცოცხლის, ჯანმრთელობის ან ქონებისათვის მიყენებული ზიანის გამო დაზღვეულის პასუხისმგებლობის ან უბედური შემთხვევის დადგომისათვის სადაზღვევო ანაზღაურება ანგარიშდება სადაზღვევო პოლისში განსაზღვრული მზღვევლის პასუხისმგებლობის შესაბამისი ლიმიტიდან:
12.23 გარდაცვალების შემთხვევაში ანაზღაურდება პასუხისმგებლობა 100 %-ის ოდენობით;
12.24 სადაზღვევო შემთხვევით გამოწვეული ჯანმრთელობისათვის მიყენებული ზიანის შემთხვევაში ანაზღაურდება დაზღვევის მომენტამდე არსებული ჯანმრთელობის მდგომარეობის აღდგენის ხარჯები, წარმოდგენილი ანგარიშ-ფაქტურის და შესაბამისი დოკუმენტაციის საფუძველზე;
12.25 ქონების დაზიანების შემთხვევაში ზიანის ოდენობა ანგარიშდება მზღვეველის ექსპერტის მიერ შედგენილი კალკულაციის ან/და წარმოდგენილი ინვოისის საფუძველზე;
12.26 თუ სადაზღვევო შემთხვევის შედეგად რამდენიმე პირი დაზარალდა, სადაზღვევო ანაზღაურება თითოეულს ცალ-ცალკე მიეცემა მიყენებული ზიანის გათვალისწინებით, მზღვეველის პასუხისმგებლობის მაქსიმალური ლიმიტის ფარგლებში, თითოეულის დაზიანების ხარისხის პროპორციულად;
12.27 ავტომანქანის ნაწილობრივი დაზიანების შემთხვევაში მოქმედებს სადაზღვევო ანაზღაურების განხორციელების შემდეგი წესი: სადაზღვევო შემთხვევის დადასტურების შემდგომ და წინამდებარე ხელშეკრულების პირობების შესაბამისად, მზღვეველი და დამზღვევი თანხმდებიან, რომ ზარალის შეფასება ხდება ერთობლივად, მხარეთა წარმომადგენლების მიერ, კერძოდ: ან დამზღვევი წარუდგენს მზღვეველს იმ ხარჯების ჩამონათვალს, რომლებიც საჭირო იქნება ავტოტრანსპორტის შესაკეთებლად (აღსადგენად), ხოლო იმ შემთხვევაში, თუ მზღვეველი არ დაეთანხმება წარმოდგენილ ხარჯთაღრიცხვას, იგი, თავისი უფლებამოსილი ექსპერტის მეშვეობით განახორციელებს ხარჯების ობიექტურ კორექტირებას ამორტიზაციისა თუ სხვა არსებით გარემოებათა გათვალისწინებით; ან მზღვეველი თავად წარუდგენს დამზღვევს მზღვეველის უფლებამოსილი ექსპერტის მიერ შედგენილ ხარჯთაღრიცხვას. ამასთან, დამზღვევის მოთხოვნა შესაბამის ავტორიზებულ ავტო-ცენტრში მომსახურეობის მიღების თაობაზე მზღვეველის მიერ დაკმაყოფილდება მხოლოდ იმ შემთხვევაში, თუ დაზღვეული ავტომანქანის ხნოვანება არ აღემატება 5 (ხუთი) წელს. ამასთან, თუ ავტოტრანსპორტის ხნოვანება 5 წელს არ აღემატება და დამზღვევი მოითხოვს, მისი აღდგენა განხორციელდეს კონკრეტულ ავტო-ცენტრში და/ან აღდგენითი ღირებულება განისაზღვროს კონკრეტული ავტო-ცენტრის პუნქტის მიერ, მზღვეველი უფლებამოსილია, დამზღვევის/მოსარგებლის სასარგებლოდ გასაცემი სადაზღვევო ანაზღაურება გადაურიცხოს უშუალოდ ასეთ ავტო-ცენტრს.
12.28 თუ მზღვეველი და დამზღვევი ვერ შეთანხმდნენ ზარალის საბოლოო ოდენობაზე, ზარალის შეფასება მოხდება დამოუკიდებელი ექსპერტის მეშვეობით. ამასთან, ზარალის შეფასებაზე გასაწევი ხარჯების რეგულირების საკითხი განისაზღვრება შემდეგნაირად:
12.28.1 იმ შემთხვევაში, თუ შეფასება (ექსპერტიზა) ტარდება მზღვეველის სურვილითა და ინიციატივით, ასეთ შეფასებაზე (ექსპერტიზაზე) გასაწევ ხარჯებს მზღვეველი ფარავს;
12.28.2 იმ შემთხვევაში, თუ შეფასება (ექსპერტიზა) ტარდება დამზღვევის სურვილითა და ინიციატივით, ასეთ შეფასებაზე (ექსპერტიზაზე) გასაწევ ხარჯებს დამზღვევი ფარავს;
12.28.3 იმ შემთხვევაში, თუ შეფასება (ექსპერტიზა) ტარდება მზღვეველისა და დამზღვევის ერთობლივი გადაწყვეტილებითა და ინიციატივით, ასეთ შეფასებაზე (ექსპერტიზაზე) გასაწევ ხარჯები თანაბრად ნაწილდება მზღვეველსა და დამზღვევს შორის.
12.28.4 გარდა ზემოაღნიშნულისა, ავტოტრანსპორტის შეთანხმებულ სარემონტო პუნქტამდე გადაყვანის (ევაკუაციის) ხარჯებს;
12.29 თუ სადაზღვევო შემთხვევის დადგომის მომენტისათვის აღმოჩნდება, რომ სადაზღვევო თანხა ნაკლებია დაზღვეული ავტოტრანსპორტის სადაზღვევო ღირებულებაზე (საბაზრო ღირებულებაზე) სადაზღვევო შემთხვევის დადგომის მომენტისათვის, მაშინ, მზღვეველი ანაზღაურებს ზიანს სადაზღვევო თანხისა და სადაზღვევო ღირებულების (საბაზრო) შეფარდების შესაბამისად.
12.30 სრული განადგურების ან გატაცების რისკზე სადაზღვევო შემთხვევის დადგომისას, მზღვეველის მიერ ასანაზღაურებელ თანხას დააკლდება ასეთი მომენტისათვის დამზღვევის მიერ დარჩენილი სადაზღვევო პერიოდისათვის მზღვეველისათვის გადასახდელი სადაზღვევო პრემიის (ასეთის არსებობისას) თანხა
13. სუბროგაციის უფლება
13.1 სადაზღვევო ანაზღაურების გაცემის შემდეგ მზღვეველზე გადადის სუბროგაციული მოთხოვნის უფლება, რომელიც დამზღვევს (დაზღვეულს, მოსარგებლეს) გააჩნია ზიანზე პასუხისმგებელი პირის მიმართ, გარდა წინამდებარე ხელშეკრულებით გათვალისწინებული შემთხვევისა;
13.2 დამზღვევი (დაზღვეული, მოსარგებლე) ვალდებულია ხელი შეუწყოს მზღვეველს სუბროგაციული უფლების განხორციელებაში და გადასცეს ყველა ის საბუთი, მტკიცებულება და ინფორმაცია, რომელიც საჭირა მოთხოვნის უფლების სარეალიზაციოდ.
13.3.. დამზღვევის მიერ ზიანზე პასუხისმგებელი პირისათვის უარის თქმა პრეტენზიებზე ან იმ უფლებებზე, რომელიც უზრუნველყოფს მის მიმართ მოთხოვნების რეალიზაციას, აგრეთვე უარის თქმა მზღვეველისათვის, გადასცეს ამ უკანასკნელს სუბროგაციული მოთხოვნის წასაყენებლად საჭირო დოკუმენტები, ათავისუფლებს მზღვეველს სადაზღვევო ანაზღაურების გადახდისაგან, ხოლო თუ ასეთი ანაზღაურება უკვე გაცემულია, მზღვეველს ანიჭებს გაცემული თანხის უკან მოთხოვნის უფლებამოსილებას.
14. მხარეთა პასუხისმგებლობა და ზიანის ანაზღაურება.
14.1 მხარეთა მიერ დარღვეული უფლების შესახებ პრეტენზიის გაცხადების ვადაა 30 კალენდარული დღე იმ მომენტიდან, როცა მხარემ შეიტყო ან უნდა შეეტყო, რომ მეორე მხარის მიერ არ იქნა შესრულებული ვალდებულება.
14.2 მხარეები ვალდებულებას კისრულობენ აუნაზღაურონ ერთმანეთს ის ზიანი, რაც წარმოიშვა ხელშეკრულების შეუსრულებლობის ან არაჯეროვანი შესრულების გამო. ზიანის ოდენობას მხარეები დაადგენენ მოლაპარაკების გზით, ხოლო თუ მოლაპარაკების შედეგად მხარეები ვერ შეთანხმდნენ, საქმეს ერთ-ერთი მხარის სასარჩელო განცხადების საფუძველზე განიხილავს სასამართლო.
14.3 ზიანის ანაზღაურება არ ათავისუფლებს მხარეებს ამ ხელშეკრულებით ნაკისრი ვალდებულებების შესრულებისაგან.
15. ხელშეკრულების პირობების შეუსრულებლობა
15.1 ხელშეკრულებით ნაკისრი ვალდებულებების შესრულების ვადების გადაცდენის შემთხვევაში ყოველი დაგვიანებული დღისათვის მხარეს ეკისრება პირგასამტეხლო შეუსრულებელი ვალდებულების ღირებულების 0.5% ოდენობით;
15.2 იმ შემთხვევაში, თუ ვადების გადაცდენისათვის დაკისრებული პირგასამტეხლოს ჯამური მოცულობა გადააჭარბებს ხელშეკრულების ღირებულების 5%-ს, შემსყიდველს უფლება აქვს ცალმხრივად შეწყვიტოს ხელშეკრულება;
15.3 საჯარიმო სანქციის გადახდა არ ათავისუფლებს მიმწოდებელს ძირითადი ვალდებულებების შესრულებისაგან;
16. ხელშეკრულების ინსპექტირების პირობები
16.1. შემსყიდველს ან მის წარმომადგენელს უფლება აქვთ ხელშეკრულების შესრულების ნებისმიერ ეტაპზე განახორციელოს კონტროლი მიმწოდებლის მიერ ნაკისრი ვალდებულებების შესრულებაზე და განახორციელოს მომსახურების ხარისხის პერიოდული ინსპექტირება;
16.2 მიმწოდებელი ვალდებულია საკუთარი რესურსებით უზრუნველყოს შემსყიდველი კონტროლის (ინსპექტირების) ჩატარებისათვის აუცილებელი პერსონალით, ტექნიკური საშუალებებით და სხვა სამუშაო პირობებით. იმ შემთხვევაში, თუ შემსყიდველი კონტროლის (ინსპექტირების) მიზნით გამოიყენებს საკუთარ ან მოწვეულ პერსონალს, მის შრომის ანაზღაურებას უზრუნველყოფს შემსყიდველი;
16.3 მიმწოდებელი ვალდებულია საკუთარი ხარჯებით უზრუნველყოს კონტროლის (ინსპექტირების)
შედეგად გამოვლენილი ყველა დეფექტის ან ნაკლის აღმოფხვრა;
16.4 ხელშეკრულებით განსაზღვრული პირობების კონტროლს შემსყიდველის მხრიდან განახორციელებს შპს „თბილსერვის ჯგუფი“-ს ტრანსპორტის სამსახური.
17. ხელშეკრულების შეწყვეტა
17.1 ხელშეკრულების დამდები ერთ-ერთი მხარის მიერ ხელშეკრულების პირობების შეუსრულებლობის შემთხვევაში მეორე მხარეს შეუძლია მიიღოს გადაწყვეტილება ხელშეკრულების სრული ან მისი ცალკეული პირობის მოქმედების შეწყვეტის შესახებ;
17.2 ხელშეკრულების დამდები მხარე, რომელიც მიიღებს ასეთ გადაწყვეტილებას ვალდებულია შეატყობინოს მეორე მხარეს მიღებული გადაწყვეტილება და მისი მიღების საფუძველი. აღნიშნული შეტყობინება უნდა მიეწოდოს მეორე მხარეს გადაწყვეტილების ძალაში შესვლამდე არაუმცირეს ერთი თვით ადრე;
17.3 ხელშეკრულების ცალკეული პირობების მოქმედების შეწყვეტა არ ათავისუფლებს მხარეებს დანარჩენი ვალდებულებების შესრულებისაგან;
17.4 შემსყიდველს შეუძლია მიიღოს გადაწყვეტილება ხელშეკრულების შეწყვეტის შესახებ აგრეთვე:
17.4.1 თუ შემსყიდველისათვის ცნობილი გახდა, რომ მისგან დამოუკიდებელი მიზეზების გამო იგი ვერ უზრუნველყოფს ხელშეკრულებით ნაკისრი ვალდებულებების შესრულებას;
17.4.2 მიმწოდებლის გაკოტრების შემთხვევაში;
17.4.3 საქართველოს კანონმდებლობით გათვალისწინებულ სხვა შემთხვევებში.
17.5 ამ მუხლის მე-4 პუნქტში მითითებულ შემთხვევებში შემსყიდველი ვალდებულია აუნაზღაუროს მიმწოდებელს ფაქტიურად გაწეული მომსახურების ღირებულება.
18. დაზღვევის შეწყვეტა
18.1. წინამდებარე პირობებით გათვალისწინებული დაზღვევის შეწყვეტის საფუძველი შეიძლება გახდეს:
18.1.1 მზღვეველის მიერ შესაბამისი სადაზღვევო პოლისის მიხედვით ნაკისრი ვალდებულებების სრულად შესრულება;
18.1.2 მეორე მხარის მიერ ნაკისრ ვალდებულებათა შეუსრულებლობა;
18.1.3 შესაბამისი პოლისით გათვალისწინებული ვადის გასვლა;
18.1.4 თუ დაზღვევის საგანი აღარ არსებობს, გარდა სადაზღვევო რისკით გამოწვეული შედეგებისა
(აღნიშნული ვრცელდება კონკრეტულ სადაზღვევო პოლისთან მიმართებაში);
18.1.5 თუ დამზღვევი კანონმდებლობით განსაზღვრული წესით წყვეტს საქმიანობას;
18.1.6 ამოიწურა სადაზღვევო თანხით განსაზღვრული სადაზღვევო ანაზღაურების ლიმიტი (აღნიშნული ვრცელდება კონკრეტულ სადაზღვევო პოლისთან მიმართებაში).
18.1.7 თუ სადაზღვევო რისკის ზრდა დამზღვევის, მისი წარმომადგენლის ან დამზღვევის სახელით მოქმედი ნებისმიერი პირის მიერ განზრახ ან უხეში გაუფრთხილებლობით არის გამოწვეული;
18.1.8 მხარეთა წინასწარი წერილობითი შეთანხმება;
18.1.9 საქართველოს კანონმდებლობით გათვალისწინებული სხვა შემთხვევები.
18.2. მზღვეველის მიერ სადაზღვევო პოლისის შეწყვეტის შემთხვევაში იგი ვალდებულია გაუგზავნოს დამზღვევს წერილობითი შეტყობინება მის იურიდიულ მისამართზე 30 დღიანი ვადის დაცვით.
18.3. დამზღვევის მიერ სადაზღვევო პოლისის გაუქმების შემთხვევაში იგი ვალდებულია გაუგზავნოს მზღვეველს წერილობითი შეტყობინება მის იურიდიულ მისამართზე 5 სამუშაო დღიანი ვადის დაცვით. დაზღვევის გაუქმების შემთხვევაში დამზღვევი გადაიხდის გამომუშავებულ პრემიას დაზღვევის დღეების მიხედვით, გამოუმუშავებელ პრემიას დამზღვევი არ იხდის, გარდა იმ შემთხვევისა, როდესაც კონკრეტულ ავტომანქანაზე დაფიქსირებულია ზარალი, რა დროსაც დამზღვევი პრემიას იხდის სრულად. ამასთან, გამომუშავებული სადაზღვევო პრემია ნებისმიერ შემთხვევაში ექვემდებარება დამზღვევის მიერ გადახდას.
18.4 ავტომანქანის სრული განადგურების შემთხვევაში დაზღვევის შეწყვეტისას მზღვეველის მიერ პოლისის მოქმედების პერიოდში კონკრეტულ სატრანსპორტო საშუალებასთან მიმართებაში ზარალის ანაზღაურების შემთხვევაში, გამოუმუშავებელი სადაზღვევო პრემია ექვემდებარება დამზღვევის მიერ სრულად დაფარვას.
18.5 წინამდებარე ხელშელკრულების მე-18 მუხლით განსაზღვრული ხელშეკრულების შეწყვეტის მიუხედავად, მხარეები ვალდებულნი არიან დაასრულონ ხელშეკრულებით ნაკისრი მიმდინარე ვალდებულებები.
19. ხელშეკრულების პირობების გადასინჯვა
19.1. მხარეები უფლებამოსილნი არიან მოახდინონ ხელშეკრულების პირობების გადასინჯვა და ცვლილება შეიტანონ მოქმედ ხელშეკრულებაში;
19.2 ხელშეკრულებაში ცვლილების შეტანის ინიციატორმა მხარემ წერილობითი სახით უნდა აცნობოს მეორე მხარეს შესაბამისი დასაბუთებული ინფორმაცია;
ხელშეკრულების პირობები შემსყიდველი ორგანიზაციისათვის ან იზრდება ხელშეკრულების ღირებულება, გარდა საქართველოს სამოქალაქო კოდექსის 398-ე მუხლით, „სახელმწიფო შესყიდვების შესახებ“ საქართველოს კანონის და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესით გათვალისწინებული შემთხვევებისა;
19.4 ხელშეკრულების პირობების ნებისმიერი ცვლილება უნდა გაფორმდეს ხელშეკრულების დანართის სახით, რომელიც ჩაითვლება ხელშეკრულების განუყოფელ ნაწილად;
20. ფორსმაჟორი.
20.1 მხარეები არ აგებენ პასუხს ხელშეკრულებით გათვალისწინებული ვალდებულების მთლიანად ან ნაწილობრივ შეუსრულებლობისათვის, თუ ეს გამოწვეულია ფორსმაჟორული გარემოების დადგომის გამო და თუ ეს დაიწყო ან განვითარდა ხელშეკრულების დადების შემდეგ;
20.2 ამ მუხლის მიზნებისათვის „ფორს-მაჟორი“ ნიშნავს მხარეებისათვის გადაულახავ და მათი კონტროლისაგან დამოუკიდებელ გარემოებებს, რომლებიც არ არიან დაკავშირებული შემსყიდველისა და/ან მიმწოდებლის შეცდომებსა და დაუდევრობასთან და რომლებსაც გააჩნია წინასწარ გაუთვალისწინებელი ხასიათი. ასეთი გარემოება შეიძლება გამოწვეული იქნას ომით, სტიქიური მოვლენებით, ეპიდემიით, ემბარგოს დაწესებით, დაფინანსების მკვეთრი შემცირებით და სხვა;
20.3 ფორს-მაჟორული გარემოებების დადგომის შემთხვევაში ხელშეკრულების დამდებმა მხარემ, რომლისთვისაც შეუძლებელი ხდება ნაკისრი ვალდებულებების შესრულება, დაუყოვნებლივ უნდა გაუგზავნოს მეორე მხარეს წერილობითი შეტყობინება ასეთი გარემოებების და მათი გამომწვევი მიზეზების შესახებ. თუ შეტყობინების გამგზავნი მხარე არ მიიღებს მეორე მხარისაგან წერილობით პასუხს, იგი თავისი შეხედულებისამებრ, მიზანშეწონილობისა და შესაძლებლობისდა მიხედვით აგრძელებს ხელშეკრულებით ნაკისრი ვალდებულებების შესრულებას და ცდილობს გამონახოს ვალდებულებების შესრულების ისეთი ალტერნატიული ხერხები, რომლებიც დამოუკიდებელი იქნებიან ფორს-მაჟორული გარემოებების ზეგავლენისაგან;
20.4. ფორს-მაჟორული გარემოებების დადგომა და შეწყვეტა უნდა დაადასტუროს შესაბამისმა კომპეტენტურმა ორგანომ.
21. ხელშეკრულების მოქმედების ვადა
ხელშეკრულების მოქმედების ვადა განისაზღვრება ხელშეკრულების ხელისმოწერის დღიდან და ძალაშია
2019 წლის 31 ივლისის ჩათვლით;
22. დავები და მათი გადაწყვეტის წესი
22.1. წამოჭრილი დავები ან აზრთა სხვადასხვაობა შესაძლებელია გადაწყვეტილ იქნას მხარეთა ერთობლივი მოლაპარაკების საფუძველზე;
22.2. თუ “შემსყიდველი” და “მიმწოდებელი” მოლაპარაკების დაწყებიდან 30 (ოცდაათი) დღის განმავლობაში ვერ შეძლებენ შეთანხმების საფუძველზე გადაწყვიტონ დავა, მაშინ ნებისმიერ მხარეს შეუძლია მიმართოს სასამართლოს მოქმედი კანონმდებლობით დადგენილი წესით;
23. სხვა პირობები
23.1 ხელშეკრულებით გაუთვალისწინებელი პირობები რეგულირდება საქართველოს კანონმდებლობით;
23.2. არც ერთ მხარეს არა აქვს უფლება გადასცეს მესამე პირს თავისი უფლებები და მოვალეობები, მეორე მხარის წერილობითი თანხმობის გარეშე;
23.3. მესამე პირთან ურთიერთობაში მხარეები მოქმედებენ თავიანთი სახელით, ხარჯებითა და რისკით;
23.4 წინამდებარე ხელშეკრულების რომელიმე პუნქტის ბათილად ცნობა არ იწვევს მთელი ხელშეკრულების ან მისი სხვა პუნქტების ბათილობას;
23.5 წინამდებარე ხელშეკრულება არ შეიცავს არანაირ სიტყვიერ დამატებას.
23.6 დანართები წარმოადგენენ ამ ხელშეკრულების შემადგენელ, განუყოფელ ნაწილს და მოქმედებენ მხოლოდ მასთან ერთად.
23.7 ურთიერთობები, რომლებიც არ არის დარეგულირებული წინამდებარე ხელშეკრულებით, დარეგულირდება დაზღვევის მარეგულირებელი კანონმდებლობით განსაზღვრული შესაბამისი ნორმების მეშვეობით.
23.8 მხარეებს შორის ხელშეკრულებასთან დაკავშირებული ნებისმიერი მიმოწერა შესრულებული უნდა იყოს ქართულ ენაზე;
23.9. წინამდებარე ხელშეკრულების ნებისმიერი ცვლილება ან დამატება ძალაშია მხოლოდ მას შემდეგ, რაც იგი წერილობითი ფორმითაა შედგენილი და ხელმოწერილია მხარეთა მიერ;
23.10 ხელშეკრულება შედგენილია 2 (ორი) თანაბარი იურიდიული ძალის მქონე ეგზემპლარად, ქართულ ენაზე. 1 ეგზემპლარი ინახება შემსყიდველთან, 1 ეგზემპლარი გადაეცემა მიმწოდებელს;
23.11 გამარჯვებული პრეტენდენტის სატენდერო წინადადება და დანართები თან ერთვის წინამდებარე ხელშეკრულებას და წარმოადგენს მის შემადგენელ ნაწილს;
23.12 ყოველივე ზემოაღნიშნულის დასადასტურებლად, სათანადო უფლებამოსილებით აღჭურვილმა ქვემოთ აღნიშნულმა პირებმა ხელი მოაწერეს წინამდებარე ხელშეკრულებას;
24. მხარეთა ხელმოწერები და რეკვიზიტები
„შემსყიდველი” შპს „თბილსერვის ჯგუფი” დირექტორი xxxxx xxxxxxxx | „მიმწოდებელი“ სს „სადაზღვევო კომპანია ალფა” გენერალური დირექტორი xxxxxxx xxxxxxxxx |
შპს „თბილსერვის ჯგუფი” მის: ქ. თბილისი, კახეთის გზატკეცილის N67 საინდ. კოდი: 206267494 ს.ს "ლიბერთი ბანკი” კოდი: LBBRGE22 ანგ. N XX00XX0000000000000000 | სს „სადაზღვევო კომპანია ალფა” მის: ქ. თბილისი ალ. ყაზბეგის გამზ. №16 ტელ: 2 640 199 (4568) xxxxx. კოდი: 204568896 ს.ს „ვი თი ბი ბანკი” კოდი: UGEBGE22 ანგ. N XX00XX0000000000000000 |