Contract
საკაბელო ტელევიზიის ხელშეკრულება#
ქ. რუსთავი
ნების თავისუფალი გამოვლინების და ურთიერთმისაღები პირობების გათვალისწინებით, აღნიშნულ ხელშეკრულებას დებენ, ერთი მხრივ შ.პ.ს. ”საქართველოს ცენტრალური კავშირგაბმულობის კორპორაცია” (სიჯისი), (ს/კ204876081), წარმოდგენილი მისი დირექტორის xxxx xxxxxxxxxxx სახით, შემდგომში “მიმწოდებელი” და მეორე მხრივ, იურიდიული ან ფიზიკური პირი, შემდგომში “მომხმარებლად” წოდებული.
მომხმარებელი (სახელი, გვარი პირადი ნომერი), ტელეფონის ნომერი, მობილური ტელეფონის ნომერი, ელექტრონული ფოსტა (ასეთის არსებობის შემთხვევაში) მისამართი
1. ხელშეკრულების საგანი
1.1 მიმწოდებელი იღებს ვალდებულებას მიაწოდოს მომხმარებელს მაუწყებლობის ტრანზიტის მომსხახურება საკაბელო ტელევიზიით (ანალოგური ტექნოლოგიით).
2. მომსახურების მოწყობის პირობები
2.1 მომხმარებლის ქსელში ჩართვისათვის და შემდგომი მომსახურებისათვის სავალდებულოა:
ა) მომხმარებელს არ ჰქონდეს სატელეფონო ან/და ინტერნეტის მომსახურების დავალიანება.
ბ) სააბონენტო ხაზი უნდა იყოს ინდივიდუალური სარგებლობის. (მომხმარებელს არ უნდა ჰქონდეს გაყოფილი ხაზი მეზობელთან).
2.2. ხელშეკრულებით გათვალისწინებული მომსახურება მომხმარებელს მიეწოდება ხელშეკრულების გაფორმებიდან არაუგვიანეს 05 სამუშაო დღის ვადაში.
3. მომსახურების ტარიფი
3.1 მომსახურების გაწევის ვალდებულება დგება მხარეთა მიერ წინამდებარე ხელშეკრულების ხელმოწერიდან.
3.2 მომსახურების ღირებულების ანაზღაურებას, აბონენტი ახდენს ყოველთვიურად ავანსად, პაკეტის ღირებულების შესაბამისად 15 (თხუთმეტი) ლარის ოდენობით. მიმდინარე თვის 5 რიცხვამდე (ix.gverdi xxx.xxx.xx).
შენიშვნა: N 1 ერთი სააბონენტო თვე ემთხვევა კალენდარულ თვეს.
შენიშვნა: N2 მომსახურების ტარიფი შეიძლება შეიცვალოს (შემცირდეს/გაიზარდოს) მომსახურების თვითღირებულების ცვლილებათა შესაბამისად. აღნიშნული ცვლილებების, ან/და ხელშეკრულებაში შეტანილი ნებისმიერი ცვლილების შესახებ, ამასთან, საქ. კომუნიკაციების ეროვნული კომისიის N3 დადგენილების მე-4 მუხლის მე-6 პუნქტით გათვალისწინებულ შემთხვევებში აბონენტს ეგზავნება ინდივიდუალური შეტყობინება.
3.3 დავალიანების მქონე აბონენტის მიერ მომსახურების ჩართვა შესაძლებელი იქნება თუ მის მიერ სრულად დაიფარება არსებული დავალიანება და ასევე პაკეტის ღირებულება.
3.4 მომხმარებლის მიერ დამატებით, მეორე ტელევიზორზე მომსახურების ჩართვის სურვილის შემთხვევაში, მომხმარებელი გადაიხდის დამატებით 3 (სამი) ლარს.
4. ხელშეკრულების ვადა
4.1. ხელშეკრულება ძალაში შედის მხარეთა მიერ ხელშეკრულების ხელმოწერის დღიდან.
4.2. მხარეებს შორის ხელშეკრულება იდება 1 (ერთი) წლის ვადით.
4.3. თუ ერთ-ერთმა მხარემ ამ ვადის გასვლამდე არაუგვიანეს 10 დღისა, წერილობით არ მიმართა მიმწოდებელს ხელშეკრულების შეწყვეტის მოთხოვნით, ხელშეკრულება გაგრძელდება ყოველი მომდევნო 1 (ერთი) წლის ვადით, იგივე პირობებით.
4.4. მომხმარებელს აქვს უფლება, შეწყვიტოს ხელშეკრულება ვადის გასვლამდე. ამისათვის საჭიროა მიმწოდებელს წერილობით მიმართოს ხელშეკრულების შეწყვეტის მოთხოვნით და დაფაროს მის სახელზე რიცხული დავალიანება.
4.5. მიმწოდებელს ცალმხრივად ხელშკერულების შეწყვეტის უფლება აქვს ხელშეკრულების 8.2.1. პუნქტის შეუსრულებლობის შემთხვევაში.
5. მომსახურების ხარისხი
5.1 საკაბელო ტელევიზიის მომსახურების ხარისხი უნდა შეესაბამებოდეს არსებულ სტანდარტებს.
6. მხარეთა უფლებამოსილება და პასუხისმგებლობა
6.1 მხარეთა უფლებამოსილება და პასუხისმგებლობა, ასევე ზიანის ანაზღაურების პირობები განისაზღვრება საქართველოს კონსტიტუციით, სამოქალაქო კანონმდებლობით, საქართველოს კანონებით “მეწარმეთა შესახებ” და სხვა მოქმედი საკანონმდებლო თუ კანონქვემდებარე ნორმატიული აქტებით, რომლებიც ამ ხელშეკრულებით არეგულირებს ურთიერთობას მხარეებს შორის.
6.2. მიმწოდებელი არ არის პასუხისმგებელი, თუ მიწოდებული მომსახურების შეზღუდვა ან გათიშვა გამოწვეულია მომხმარებლის კუთვნილი აპარატურის გაუმართაობით.
6.3. მიმწოდებელი არ აგებს პასუხს იმ ზარალზე, რომელიც შეიძლება მიადგეს მომხმარებელს ან მის, როგორც ინტელექტუალურ, ასევე მატერიალურ ფასეულობას გარე ქსელიდან მესამე პირის მიერ ორგანიზებული წინასწარ განზრახული (ან შემთხვევითი) ჩარევის შედეგად.
6.4. მიმწოდებელი პასუხისმგებელია მოწყობილობის მხოლოდ პროგრამული დაზიანების აღმოფხვრაზე. აპარატურის ფიზიკური დაზიანების შემთხვევაში მიმწოდებელი არ აგებს პასუხს.
6.5. მიმწოდებელი არ აგებს პასუხს ამა თუ იმ არხის გათიშვაზე, თუ გათიშვის მიზეზი გამოწვეულია არხის სხვა სიხშირეზე, კოდირებაზე ან სატელიტზე გადასვლით, წარმომადგენლის მიერ ტრანზიტის შესაბამისი უფლების დაკარგვით.
6.6. მიმწოდებელი არ აგებს პასუხს არხის დაზიანების შემთხვევაში.
6.7. მიმწოდებელი არ აგებს პასუხს ამა თუ იმ არხის მიერ მაუწყებლობის შეწყვეტის შემთხვევაში.
7. მომხმარებლის უფლება-მოვალეობები:
7.1. მომხმარებელი ვალდებულია:
7.1.1. საკაბელო ტელევიზიის მომსახურების საფასური გადაიხადოს სრულად ხელშეკრულების გაფორმების დღეს, ხოლო შემდგომ წინასწარი გადახდის წესით.
7.1.2. თუ მომხმარებელს შეუჩერდა მომსახურება ბალანსის ამოწურვის გამო, გადაიხადოს მიწოდებული პაკეტის სრული ღირებულება.
7.1.3. დაუშვას მიმწოდებლის წარმომადგენელი თავის ტერიტორიაზე, როგორც მომსახურების მიწოდებისათვის საჭირო მოსამზადებელი სამუშაოების ჩატარების, დაზიანების აღმოფხვრის, ასევე სხვა საჭიროების შემთხვევაში.
7.1.4. მომსახურების შეწყვეტის ან შეფერხების შემთხვევაში, დაუყოვნებლივ (მაქსიმუმ ორი დღის ვადაში) აცნობოს ამის შესახებ მიმწოდებელს წერილობით ან ზეპირად მიმწოდებლის საინფორმაციო სამსახურს (ცხელ ხაზს) სატელეფონო შეტყობინებით.
7.2. მომხმარებელს უფლება აქვს:
7.2.1. მიიღოს უფასო კონსულტაციები და გამოიძახოს ტექნიკური ჯგუფი ადგილზე ტელეფონის ნომრით 0800200200 ან 0341 250000
8. მიმწოდებლის უფლება-მოვალეობები:
8.1. მიმწოდებელი ვალდებულია:
8.1.1. უზრუნველყოს წინამდებარე ხელშეკრულებით განსაზღვრული პირობებით მომსახურების მიწოდება;
8.1.2. შეასრულოს ხელშეკერულებით ნაკისრი ვალდებულებები ჯეროვნად, დროულად და ხარისხიანად.
8.1.3. მომსახურების შეწყვეტის ან შეფერხების შესახებ საინფორმაციო სამსახურში შეტყობინების მიღებისთანავე, შეამოწმოს მომსახურების შეწყვეტის, ან შეფერხების ტექნიკურ მიზეზები და უმოკლეს ვადებში აღმოფხვრას იგი.
8.1.4. მომხმარებლის განცხადება მომსახურების შეწყვეტის ან შეფერხების გამო, მიმდინარე თვის გადასახადის გადაანგარიშების შესახებ, გადასცეს საფინანსო სამსახურს, რომელიც ტექნიკური სამსახურის მიერ დაზიანების, კომუნიკაციების ეროვნული კომისიის მიერ მიღებული რეგლამენტის (2006 წლის 17 მარტის დადგენილება #3) მე-18 მუხლით განსაზღვრულ ვადაზე მეტი ხნით დადასტურების შემთხვევაში, თანახმად ამავე რეგლამენტის 21-ე მუხლის მე-2 პუნქტისა, მოახდენს გადაანგარიშებას, თუ მომხმარებლის მიერ შესრულებული იყო 7.1.3. პუნქტით დაკისრებული ვალდებულება.
8.2. მიმწოდებელს უფლება აქვს:
8.2.1 თუ მომხმარებელი მომსახურების შეჩერებიდან 45 დღის ვადაში არ დაფარავს დავალიანებას, წინამდებარე ხელშკერულება ცალმხრივად შეწყვიტოს.
8.2.2. გადასცეს წინამდებარე ხელშეკრულებით განსაზღვრული უფლებები და ვალდებულებები მესამე პირს, მომხმარებლის წინასწარი თანხმობის გარეშე.
9. ფორს-მაჟორი
9.1. მხარეები თავისუფლდებიან ვალდებულების შესრულებისგან ისეთი გადაულახავი ფორსმაჟორული გარემოების შემთხვევაში, როგორიცაა ომი, ხანძარი, სტიქიური უბედურებები, სახელმწიფო გადატრიალება, სახელმწიფო ორგანოს მიერ გამოცემული აქტი და სხვა პირობები, რომლებიც აფერხებენ და შეუძლებელს ხდიან მხარეების მიერ ამ ხელშეკრულებით გათვალისწინებული უფლება-მოვალეობების შესრულებას.
10. სხვა პირობები
10.1. ყველა დავა მხარეებს შორის წყდება ურთიერთშეთანხმებით. უთანხმოების შემთხვევაში, მხარეებს უფლება აქვთ მიმართონ სასამართლოს ან/და საქართველოს კომუნიკაციების ეროვნული კომისიის მომხმარებელთა უფლებების საზოგადოებრივი დამცველის სამსახურს წინამდებარე ხელშეკრულების საფუძველზე მხარეთა, შეთანხმებით, ხელშეკრულებიდან გამომდინარე დავებთან დაკავშირებით პირველი ინსტანციის სასამართლოს მიერ მიღებული გადაწყვეტილება უნდა მიექცეს დაუყოვნებლივ აღსასრულებლად საქ. სამოქალაქო საპროცესო კოდექსის 268-ე მუხლის პირველი პრიმა პუნქტის შესაბამისად.
10.2. წინამდებარე ხელშეკრულება მოცემულ საკითხებთან დაკავშირებით მხარეების სრული შეთანხმების შედეგია და მხარეთა შორის მანამდე არსებულ ზეპირ შეთანხმებებთან შედარებით უპირატესობა ენიჭება.
10.3. ხელშეკრულება შედგენილია ორ ეგზემპლარად და ინახება მხარეებთან. მხარეთა ხელმოწერები
დამკვეთი | შემსრულებელი |
შ.პ.ს. ”საქართველოს ცენტრალური კავშირგაბმულობის კორპორაცია” (სი-ჯი-სი) მის.: ქ.რუსთავი, მეგობრობის გამზირი #2. საიდენტიფიკაციო კოდი: 204876081 სს ”თიბისი ბანკის” ქვემო ქართლის ფილიალი ბანკის კოდი: XXXXXX00 ა/ა XX00XX0000000000000000 სს“ლიბერთი ბანკის“ რუსთავის ფილიალი ბანკის კოდი: LBRTGE22 ა/ა XX00XX0000000000000000 ”სიჯისის” წარმომადგენელი: |