កិច្ចសន្យាអណ្តូងខួងរបស់អង្កការ UWS

កិច្ចសន្យាអណ្តូងខួងរបស់អង្កការ UWS

3

-កិច្ចសន្យានេះរៀបចំឡើងនៅថ្ងៃទី០២ ខែ​​កញ្ញា ឆ្នាំ២០២៤ រវាងអង្កការ UWS ដោយលោក ហ៊ាង លីហុន ជាភាគី (ក) ជាមួយលោក/លោកស្រី……………………………..ជាភាគី (ខ) ដែលមានអស័យដ្ឋាននៅភូមិ…………………….ឃុំ………………………ស្រុក…………………………..ខេត្ត…………………….និងទូរស័ព្ទលេខ…………………………។

ភាគី (ក) បានផ្ទេរសិទ្ធិទៅអោយលោក កំ ពិសិទ្ធ ក្នុងការទទួលខុសត្រូវលើការត្រួតពិនិត្យ ការខួងអណ្តូងទឹកស្អាតរបស់អង្កការ UWS ដោយទាក់ទងផ្ទាល់ជាមួយលោក/លោកស្រី………………………………………………………….។

លក្ខខណ្ឌ័នៃកិច្ចសន្យា

• អង្កការ UWS មិនទទួលខុសត្រូវរាល់ហានិភ័យដែលបានកើតឡើងចំពោះភាគី (ខ) ឡើយ។

១).រយៈពេលនៃកិច្ចសន្យា

​​​​​​-កិច្ចសន្យានេះមានរយៈពេល ៣ថ្ងៃ ចាប់ពីថ្ងៃទី……ខែ…………….ឆ្នាំ​​​​២០២៤ រហូតដល់ថ្ងៃទី…….ខែ……………..

ឆ្នាំ២០២៤ ។

២).សិទ្ធិ និង កាតព្វកិច្ច

-ភាគី(ខ) យល់ព្រមទទួលខួងអណ្តូងរអោយអង្កការ UWS ដូចខាងក្រោម៖

១.ធានាទឹកប្រើបា្រស់បានគ្រប់គ្រាន់ ក្នុង១ម៉ោងអាចចេញទឹកបាន ១០ ទៅ ១៥ ម^៣​ ។

២.ប្រភេទទុយោជ័រដែលមានមុខកាត់ ២៧មម កំរាស់13,៥ ​(ផលិតផលថៃ)។ ៣.ដាក់បំពង់ទីបជ័រអណ្តូងមុខកាត់ ១,៥០ សម កំរាស់ ៨,៥ (ផលិតផលថៃ)។

៤.ដាក់ម៉ូទ័របូមអោយស្រាប់ (១ទៅ១,៥ សេស ប្រភេទអាឡឺម៉ង់)។

៥.មានការធានាលើអណ្តូងទឹករយៈពេល ១ឆ្នាំ (បើករណីរីង យើងនិងមកខួងម្តងទៀត បើ

ករណីទឹកល្អក់ យើងនិងមកផ្លុំអោយថ្លា ជូនក្នុងរយៈពេល១ឆ្នាំ)។

• តំលៃសរុបគឺ…………………………ជាអក្សរ(…………………………………………………………………….)។

• រៀបចំខ្សែភ្លើងតចេញពីមាត់អណ្តូងអោយ ១០ម។

• ភាគី (ខ) ត្រូវធានាថា ការសាងសង់របស់ខ្លួនមានប្រសិទ្ធិភាព និងមានភាពច្បាស់លាស់ទាន់ពេលវាលាតាមការកំណត់ដូចបានចែងខាងលើ។

• ភាគី (ក) អាចបដិសេធ និង លុបកិច្ចសន្យានេះមុនអាណត្តិបាន ប្រសិនបើភាគី (ខ) មិនគោរពតាមកិច្ចសន្យា។

៣).ការប្រាស្រ័យទាក់ទង

- ភាគី (ខ) អាចទំនាក់ទំនងជាមួយភាគី (ក) តាមលេខទូរស័ព្ទ 000 00 0000 ឬតាមរយៈE-mail xxxx@xxxxxxxxx.xxx ។

៤).ការទូទាត់

- យើងនិងប្រគល់លុយគ្រប់ចំនួន បន្ទាប់ពីការត្រួតពិនិត្យឃើញថា ការសាងសង់រួចជាស្ថាពរ១០០ភាគរយ។ ក្នុងករណីការទូទាត់មានការយឺតយ៉ាវ ភាគី (ក) ត្រូវផ្ដល់ដំណឹងដល់ភាគី (ខ) ដោយបញ្ជាក់នូវមូលហេតុច្បាស់លាស់ដែលនាំឲ្យមានការយឺតយ៉ាវនេះ។

៥).ការដោះស្រាយវិវាទ

- រាល់ជំលោះវិវាទទាំអស់ដែលកើតឡើងរវាងគូរភាគីណាមួយ ដែលមានចែងក្នុងកិច្ចសន្យានេះ តុលាការ ឬអាជ្ញាធរមូលដ្ឋានដែលមានសម្ថកិច្ចអាចធ្វើការដោះស្រាយជូនបានទៅតាមក្របខណ្ឌ័នៃច្បាប់ព្រះរាជាណាចក្រកម្ពុជា។ តែទោះជាយ៉ាងណាក៏ដោយ ភាគីទាំងពីរ និងស្វែងរកការផ្សះផ្សារដោយសន្តិវិធី មុននិងឈានទៅរកការដោះស្រាយដោយប្រពន្ធ័ច្បាប់។

យើងខ្ញុំទាំងអស់គ្នាបានអាន និងយល់នូវខ្លឹមសារនៃកិច្ចសន្យានេះច្បាស់លាស់ និងសូមអះអាងថា ន័យដូចបានរៀបរាប់ក្នុងកិច្ចសន្យានេះ គឺពិតជាបានរៀបចំដោយមានការព្រមព្រៀង រវាងភាគីទាំងពីរ​ និងទទួលយកមកអនុវត្តន៏ ចាប់ពីថ្ងៃដែលកិច្ចសន្យានេះចូលជាធរមាន។

កិច្ចសន្យានេះបានរៀបចំឡើងចំនួន ២ច្បាប់ ១ច្បាប់តំកល់ទុកនៅភាគី​ (ក) និង១ច្បាប់ទៀតតំកល់ទុកនៅភាគី (ខ) ដែលមានតម្លៃស្មើគ្នា។

៦) បទដ្ឋានបច្ចេកទេស និង សេចក្ដីលំអិតអំពីសំភារៈសំណង់

ទម្រង់ បទដ្ឋានបច្ចេកទេស និងសេចក្ដីលំអិតអំពីសំភារៈសំណង់

ដំណាក់កាល	រៀបរាប់លម្អិត
ការជីកខួង	ទំហំ និង ប្រភេទនៃក្បាលដែកខួង ប្រែប្រួលទៅតាមប្រភេទដី និង​ ជម្រៅ​ដែលត្រូវខួង មុខកាត់ ១៥០មម។
កងរំតម្រងចម្រោះ និង តំរងចម្រោះ	ប្រើបំពង់ទុយោជ័រដែលមានមុខកាត់១០០មម។ តម្រងរបស់​អណ្តូង​ច្រោះ​ទឹកទៅក្នុងអណ្តូងហើយរារាំងមិនឲ្យកំទេចកំទីតូចៗ​ចូលមកក្នុងអណ្តូង។
ការចាក់ស៊ីម៉ងដ៏	ដើម្បីកុំឲ្យកងរុំតម្រងចម្រោះផ្លាស់ទី តែក្នុងករណីដែលមានថ្ម តែប៉ុណ្ណោះ
ស្រទាប់គ្រួស	ជុំវិញតម្រងចម្រោះ និង ពង្រីកឲ្យបាន ៥ម៉ែត្រ ពីលើបំពង់ចម្រោះ
ស្រទាប់អនាម័យទី១	ដីឥដ្ឋចាក់ពីលើស្រទាប់គ្រួស ដើម្បីការពារផ្ទៃទឹកកុំឲ្យជ្រាបចូល​រណ្តៅអណ្តូង
ចម្រោះខាងក្នុង	ចូរសម្អាតខ្សាច់ ឬ ដីដែលនៅពីលើស្រទាប់អនាម័យឲ្យបានកំពស់៣ម៉ែត្រ ក្រោមផ្ទៃរាបខាងក្រៅអណ្តូង។
ស្រទាប់អនាម័យទី២	ចាក់ស៊ីម៉ង់ដ៏បំពេញស្រទាប់៣ម៉ែត្រខាងលើជាប់នឹងស្រទាប់ដីក្រៅអណ្តូង
សម្អាតអណ្តូង	ចូរប្រើសម្ពាធខ្យល់សប់ទឹកចេញមកក្រៅរយៈពេល ២ម៉ោង​ ដើម្បីប្រមូល កំទេចកំទីតូចៗចេញពីរណ្តៅអណ្តូង
ការវាស់កំពស់ទឹក	កម្រិតថេររបស់ទឹកគឺជាចម្ងាយពីបាតអណ្តូងទៅកាន់កំពស់ទឹកនៅក្នុងរណ្តៅ​អណ្តូងនៅពេលមិនទាន់សប់។ កម្រិតឌីណាមិចរបស់ទឹកគឺជាចម្ងាយពីបាត​អណ្តូងទៅកាន់កំពស់ទឹកនៅពេលសប់ទឹកនៅក្នុងកម្រិត ១.២ម៉ែត្រគូប/ម៉ោង (២០លីត្រ/នាទី)។ រណ្តៅអណ្តូងគួរត្រូវសប់ក្នុងកម្រិត ១.២ម៉ែត្រគូប/ម៉ោងឲ្យ​បានជាប់ក្នុងរយៈពេល ៣០នាទី​ នោះយើងនឹងអាចឃើញកម្រិត​ឌីណា​មិច​របស់ទឹក។
ការតេស្តទឹក	បន្ទាប់ពីស្ទង់​កម្រិតទឹក ចូរដងទឹកយកមកធ្វើតេស្ត និងវិភាគ។ ចូរអាន សេចក្តីណែនាំអំពីទឹក និង អនាម័យដើម្បីមើលខ្នាតប៉ារ៉ាម៉ែត្រដែលតម្រូវ សម្រាប់ការធ្វើតេស្ត និង អ្នកទទួលការងារធ្វើតេស្តនេះ។
បំពេញតារាងព័ត៌មានអំពី រណ្តៅអណ្តូង	រួមបញ្ចូលកំណត់ត្រាអំពីឧបករណ៍ដែលមាននៅនឹងកន្លែងដូចជា ជម្រៅ សមត្ថភាពផលិតទឹក កម្រិតថេររបស់ទឹក កម្រិតឌីណាមិចរបស់ទឹក។ កំណត់​ត្រានេះត្រូវផ្ញើទៅឲ្យ WP ។

១. លក្ខ័ខ័ណ្ឌភូគព្ភសាស្ដ្រ

លក្ខ័ខ័ណ្ឌភូគព្ភសាស្ដ្រនៃតំបន់ដែលត្រូវអនុវត្ដកម្មវិធីខួង នឹងត្រូវផ្ដល់ឱ្យដោយភាគី ប្រគល់ ការងារម៉ៅការ រឺអ្នកតំណាងអោយភាគីប្រគល់ការងារម៉ៅការ (UWS Cambodia) ​ជាម្ចាស់គំរោងរួមមានអ្នក​សំរប​​សំរួលបច្ចេកទេសទឹកស្អាតនិងអនាម័យ បុគ្គលិកប្រចាំស្រុក ខេត្ដ និង ភូមិគោល​ដៅ​​នីមួយៗ​។ អ្នកម៉ៅការ ត្រូវតែមានការប្រុងប្រៀបជាស្រេចក្នុងការខួងទៅលើប្រភេទភូគព្ភសាស្ដ្រដ៏ទៃទៀត ​ដែលអាច​ជួបទោះបីជាប្រភេទ ភូគព្ភសាស្ដ្រនោះ មានលក្ខណៈខុសពីការវាយតំលៃដែលផ្ដល់ដោយម្ចាស់​គំរោង​ក៏ដោយ។

២. ទឹកដែលត្រូវយកមកប្រើប្រាស់សំរាប់ការងារខួង

រាល់ការចំណាយលើការផ្គត់ផ្គង់ទឹកសំរាប់យកមកខួង គឺត្រូវទទួលខុសត្រូវទាំងស្រុង​ដោយអ្នកម៉ៅការ។ ទឹកដែលត្រូវយកមកប្រើសំរាប់ខួង និងផ្លុំសំអាតអណ្ដូងខួងត្រូវ តែស្អាតល្អ ហើយត្រូវក៏មានការឯក​ភាពពី​ម្ចាស់គំរោងផងដែរ។ អ្នកម៉ៅការត្រូវស្វែងយល់ដោយខ្លួនឯងពី​លទ្ធភាពដែលអាចរកទឺកស្អាត​សំរាប់​ខួង​បាននៅកន្លែងដែលត្រូវអនុវត្ដការងារនោះ។

៣. សំភារៈបរិក្ខារ

រាល់ម៉ាស៊ីនខួង សំភារៈបរិក្ខារ ដែលត្រូវការសំរាប់ការងារខួងអណ្ដូង ផ្លុំសំអាត និងបូម វាស់កំពស់ ឌីណា​មិក និងសំរាប់ប្រតិបត្ដិការដ៏ទៃទៀត ត្រូវបានរៀបចំឱ្យមានរួចជាមុនដោយ អ្នកម៉ៅការដើម្បី​ចៀស​វាងការយឺតយ៉ាវម្ចាស់គំរោងមានសិទ្ធិបញ្ជាឱ្យអ្នកម៉ៅការដកចេញ រឺជំនួស ថ្មីវិញនូវរាល់ ម៉ាស៊ីននិង​សំភារៈ​​បរិក្ខារ ក្នុងករណីម្ចាស់គំរោងយល់ថាវាមិនគ្រប់គ្រាន់ រឺមិនសម​ស្រប​សំរាប់ការងារ។ អ្នកម៉ៅការ​​ជា​អ្នក​សំរេចចិត្ដលើបរិមាណម៉ាស៊ីនខួង ដែលត្រូវប្រើប្រាស់​ដោយយោងទៅតាមកំរិតល្បឿនការងារ​របស់កម្ម​វិធី និង កំរិតបរិមាណខួងសំរាប់ម៉ាស៊ីនមួយ​ទៅតាមការប៉ាន់ ស្មានរបស់អ្នកម៉ៅការ។ អ្នកម៉ៅការត្រូវតែ​មានម៉ាស៊ីនខួង និងបរិក្ខាផ្សេងៗទៀត សំរាប់ធ្វើការខួង ទាំងតំបន់ដី និងថ្មតាមតំរូវការ បច្ចេកទេស។

៤. ទំហំការងារ

អ្នកម៉ៅការត្រូវអនុវត្ដការងារទាំងឡាយតាមការណែនាំរបស់ម្ចាស់គំរោង ក្នុងសកម្មភាព និងកាយវិការ​ត្រឹម​ត្រូវតាមកំរិតបទដ្ឋាន ជំនាញដែលបានកំណត់នៅក្នុងកិច្ចសន្យា ហើយអ្នក ម៉ៅការក៏ត្រូវប្រតិបិត្ដិ​ប្រកប​ដោយប្រសិទ្ធិភាព និងស្របតាមល័ក្ខខ័ណ្ឌទាំងឡាយ ដែលមានចែង ក្នុងកិច្ចសន្យា និងការពេញចិត្ដ​របស់ម្ចាស់គម្រោងសំរាប់ចំនុចនេះអ្នកម៉ៅការ គួរប្រើម៉ាស៊ីន និង​សំភារៈបរិក្ខារដែលសមស្រប និងមាន​បុគ្គលិកប្រកបដោយបទ ពិសោធន៍គ្រប់គ្រាន់។ អ្នកម៉ៅការ​ត្រូវគោរពតាមច្បាប់ពលកម្មរបស់​ប្រទេស​ក្នុង​កិច្ចការពារ សុវត្ថិភាពពលករនៅតាម ការដ្ឋាន។

៥. ការរៀបចំ និង ចល័តម៉ាស៊ីន

គឺជាការរៀបចំ និងរកឱ្យបាននូវសំភារៈបរិក្ខារ ម៉ាស៊ីន និងឧបករណ៍ផ្សេងៗ ដើម្បីធ្វើការ​ដឹកជញ្ជូន​ទៅដល់ទីកន្លែងដែលត្រូវអនុវត្ដការងារនិមួយៗ។ ការដឹកជញ្ជូននេះរួមមាន ឧបករណ៍ សំភារៈបរិក្ខារ សំរាប់ការងារខួង ផ្លុំសំអាត បូមវាស់ កំពស់ ឌីណាមិក សំភារៈជំរក ឧបករណ៍សំរាប់​ជួសជុលគ្រឿង​បន្លាស់ និងសំភារៈផ្សេងៗដែលចាំបាច់។

៦. ការតំឡើង និងរុះរើម៉ាស៊ីនខួង

ការតំឡើង និងរុះរើម៉ាស៊ីន បរិក្ខារនៅតាមរណ្ដៅខួងនីមួយៗ មានរួមទាំងការតំឡើងជា ស្រេចនូវម៉ាស៊ីន ខួង ការរក្សា ផ្លុំ សំអាត បូមសាកល្បង បញ្ចុះបំពង់ក្នុងអណ្ដូង និងប្រតិបត្ដិការ ដ៏ទៃទៀតអាច​ដំណើរការបានដោយគ្មានការរំខាន។ ការតំឡើង និងរុះរើសំរាប់ទីតាំងខួងនីមួយៗ នឹងត្រូវបាន​ចំនាយ​ដោយភាគីទទួលការងារម៉ៅការ។ អ្នកម៉ៅការទទួលខុសត្រូវក្នុងការដឹកជញ្ជូន និងប្រតិបត្ដិការដ៏ទៃ​ទៀត​ដែលចាំបាច់សំរាប់ធ្វើការចល័តម៉ាស៊ីន និងបរិក្ខារពីទីតាំងមួយទៅមួយទៀត។

៧. ទីតាំងខួង

អ្នកម៉ៅការត្រូវខួងនៅចំទីតាំង ដែលបានកំណត់ដោយម្ចាស់គម្រោងដោយគ្មានការផ្លាស់​ប្ដូរឡើយ។ អ្នក​ម៉ៅការត្រូវរាប់បញ្ចូលក្នុងតំលៃចំណាយរបស់គេផងដែរសំរាប់លក្ខ័ខ័ណ្ឌលំបាក​នៃស្ថានភាពទីតាំង និង​ប្រភេទដីដែលអាចជួបប្រទះ។ នៅរាល់ពេលបញ្ចប់ការងារខួង អ្នកម៉ៅ​ការត្រូវធ្វើការសំអាតនូវកំទេច​កំទីដែលសេសសល់ដូចជា កាកសំណល់ សារធាតុកខ្វក់ និងលុប​រណ្ដៅ​ផ្ទុកទឹកសំរាប់ខួងក្នុងកំរិត​មួយ​ដែលម្ចាស់គម្រោងឯកភាព។

៨. ការការពារបរិស្ថាននៅតាមទីតាំងអណ្ដូង

ត្រូវមានការប្រុងប្រយ័ត្នក្នុងការប្រើប្រាស់និងផ្ទុកនូវសារធាតុសំរួលការខួង ប្រេងម៉ាស៊ីន ខ្លាញ់គោ និង ប្រេងឥន្ធនៈនៅទីតាំងអណ្ដូងដើម្បីចៀសវាងការប៉ះពាល់ដល់បរិស្ថាន។ អ្នកម៉ៅការ ត្រូវបំផ្លាញចោល​នូវ​សំភារៈដែលមានជាតិពុល វត្ថុរាវដែលប្រើសំរួលការងារខួង និងវត្ថុធាតុបន្ថែម ដ៏ទៃទៀតដូចជា អាចម៍ដី និង ទឹកដែលបូមឡើងមកក្នុងសភាពដែលមានការយល់ព្រម ពីម្ចាស់ គំរោងដើម្បីជៀសវាងនូវការ​ប៉ះពាល់​ដល់ទ្រព្យសម្បត្ដិឯកជន រឺសាធារណៈ ។

៩. វិធីសាស្ដ្រក្នុងការខួង

វិធីសាស្ដ្រពីរក្នុងការខួងដែលត្រូវបានជ្រើសរើសយកគឺ “ខួងបង្វិល” និង “ខួងដោយលើក ទំលាក់” ។ ចំពោះវិធីសាស្ដ្រផ្សេង ទៀតដែលមិនបង្កឱ្យមានគ្រោះថ្នាក់ដល់ភាពជំរាបរបស់ Aquifer (ស្រទាប់ទឹក) នឹងអាចត្រូវបាន

ជ្រើសរើសយកមកប្រើផងដែរ។ ពេលប្រើប្រាស់វិធីសាស្ដ្រ ខួងបង្វិលជាមួយ “ទឹកភក់” អ្នកម៉ៅការត្រូវប្រើប្រាស់ម្សៅប៉ូលីមែរម្យ៉ាង ដែលអាចរលាយទៅវិញ ដោយខ្លួនឯងសំរាប់ជាវត្ថុខាប់ជំនួយដល់ការខួង ហើយត្រូវ

មានការយល់ព្រមពីអ្នកត្រួត​ពិនិត្យបច្ចេកទេស។ ការប្រើប្រាស់​ម៉្សៅ Bentonite (បង់តាណៃ) ត្រូវបានហាមឃាត់ដាច់ខាត។

១០. ជំរៅនិងអង្កត់ផ្ចិតនៃរណ្ដៅខួង

ជំរៅនៃការខួងមិនកំណត់អាស្រ័យទៅតាមស្ថានភាពភូមិសាស្ដ្រជាក់ស្ដែងប៉ុន្ដែក្រុមហ៊ុនត្រូវខួងអោយបាន ជំរៅយ៉ាងតិច ពី៣០ ទៅ៥០ម ទោះបីក្នុងកំលុងដែលមានស្រទាប់ទឺកក្រោម ០ម ក៏ដោយហើយ​ស្រទាប់​ទឹកត្រូវមានទឺកគ្រប់គ្រាន់យ៉ាងតិចបំផុត ១ម^៣ ក្នុងមួយម៉ោងក្នុងកំឡុង ពេលធ្វើបូមតេស្ដឌីណាមិកនិង​មាន​ការទទួលយល់ព្រមពី ម្ចាស់គម្រោង។ អង្កត់ផ្ចិតរណ្ដៅខួងត្រូវ មានទំហំ ១៥០ មម ។

១១. ការប៉ាន់ស្មានធារទឹកក្នុងពេលកំពុងខួង

ធារទឹកត្រូវបានធ្វើការប៉ាន់ស្មាន(វាស់)ក្នុងពេលកំពុងផ្លុំដោយប្រើខ្យល់គឺ ដោយប្រើវិធី​សាស្ដ្រដែលបាន​ឯក​ភាពគ្នារវាងអ្នកម៉ៅការ និងម្ចាស់គំរោង។ បរិមាណមធ្យមធារទឹកត្រូវបាន​វាស់​តាមការ​ណែនាំ​របស់​ម្ចាស់គំរោង ហើយត្រូវបានបញ្ចូលក្នុងឯកសារកត់ត្រាអណ្ដូងទឹកថ្នាក់​ជាតិ ។ អ្នកម៉ៅការត្រូវប្រើម៉ាស៊ីនភ្លើង ម៉ែតវាស់ទឹក (៥០ម រឺ ១០០ម) ម៉ូទ័របូមទឹក ធុងទឹក ២០០លីត្រ និងឧបករណ៏ផ្សេងៗទៀតដើម្បីវាស់ធារទឹក។​

១២. ការដាក់បំពង់ និងបំពង់ចំរោះ

ការបញ្ចុះបំពង់ PVC និងបំពង់ចំរោះត្រូវអនុវត្ដតាមការណែនាំរបស់ម្ចា​ស់គំរោង។ បំពង់​ដែលយកមក ប្រើគឺជាបំពង់ PVC រឹងហើយត្រង់ដែលមានអង្កត់ផ្ចិតខាងក្នុងស្មើនឹង ១០០មម ហើយមានកំលាំងរបឹង ស្មើនឹង 8.5​bars។ បំពង់ PVC ត្រូវបានតភ្ជាប់ដោយខ្សែខ្ចៅ រឺកាវហើយរាល់តំណរត្រូវជិតមិនអាច ឱ្យទឹកជ្រាបចូលបានជាដាច់ខាត ។ បំពង់ចំរោះជាបំពង់ PVC ដែលផលិតចេញពីរោងចក្រ និងអារ ដោយម៉ាស៊ីន មិនអនញ្ញាតអោប្រើបំពង់ចំរោះ ដែលអារដោយដៃជាដាច់ខាតហើយមានរបឹង 8.5 bars។ មុខកាត់ទទឹងចំរោះបំពង់ចន្លោះពី ០.3មម ទៅ 1មម។ ប្រវែងបំពង់ចំរោះមួយកង់ៗត្រូវមាន​ប្រវែង​អតិបរមា​គឺ ៤ម៉ែត្រ ហើយតភ្ជាប់ ដោយតំណរស្នែ និងភ្ជិតដោយកាវ។ អង្កត់ផ្ចិតរបស់បំពង់ចំរោះ​មាន​ទំហំ ១០០មម រីឯ​កំរាស់​ត្រូវដូចគ្នាទៅនឹងបំពង់ធម្មតា និងមានយ៉ាងតិចចំនួន 6ប្រឡោះក្នុង​មួយជុំ​បំពង់។

ប្រវែងបំពង់ចំរោះដែលត្រូវដាក់សំរាប់អណ្ដូងនីមួយៗមានប្រវែងជាមធ្យមគឺ ៨ម៉ែត្រ រឺ​យោង​ទៅតាម​បរិមាណទឹកចេញតិច រឺក៏ច្រើន។ ជម្រៅដែលត្រូវដាក់បំពង់ចំរោះត្រូវកំណត់ ដោយផ្អែក​លើចំណុច​ដែល​ចេញទឹករឺស្រទាប់អាគ្វីហ្វ័រដែលផ្ដល់ទឹក។ បំពង់ចំរោះត្រូវស្ថិតនៅ ចំណុចទឹកចេញនិងភ្ជាប់​បំពង់​បណ្ដែត​នៅខាងបាតអណ្ដូងដែលមានប្រវែង​ ២ម ហើយមានឆ្នុក បិទជិត។ ការទូទាត់សំរាប់បញ្ចុះ​បំពង់នឹង​ត្រូវបានធ្វើផ្សេងក្នុងតារាងបរិមាណសំភារៈ ដោយគិត ក្នុង1ម នៃប្រវែងបំពង់ និងបញ្ចូលទាំងសំភារៈ ដែល​​ប្រើប្រាស់សំរាប់តភា្ជប់ផងដែរ។

១៣.គ្រួសចម្រោះ

គ្រួសចំរោះត្រូវតែមានទំរង់មូលល្អ លាងស្អាត និង រឹងល្អទោះបីជាត្រូវទឹករឺស្ងួតក៏ដោយ។ ក្នុងរបាយ​របស់​គ្រួសចម្រោះដែលមានអង្កត់ផ្ចឹតតូចជាង 2មម មិនត្រូវមានលើសពី 1០% ទេ ។ ដូចគ្នាដែរចំពោះ​គ្រួសចំរោះដែលមានអង្កត់ផ្ចិតធំជាង 4មម គឺមិនត្រូវមានលើសពី 1០%ទេ ។ នៅពេលដែល​គ្រួសចំរោះ​ត្រូវយកទៅលាងសំអាត ទឹកដែលលាងសំអាតរួចមិនត្រូវល្អក់ទេ។ ត្រូវ​ចាក់រោយគ្រួសចំរោះបំពេញ​ឱ្យ​បានយ៉ាងតិចកំពស់ 5ម ចាប់ពីផ្នែកខាងលើ នៃបំពង់ចំរោះ ហើយ​ដំណើរការនៃការ​ចាក់បំពេញ​ត្រូវ​ប្រព្រឹត្តិ ទៅគ្មានដាច់រហូតដល់កំរិតមួយនៃតំរូវការ ។ អ្នក​ម៉ៅការ​ត្រូវខិតខំប្រឺងប្រែងធ្វើយ៉ាងណាដើម្បីអោយ​ស្រទាប់​​​គ្រួសស្រោបជុំវិញបំពង់ចំរោះ ហើយមានល្បាយស្មើគ្នា។

១៤. ចំពោះអណ្ដូងខួងប៉ះថ្ម

សំរាប់ស្រទាប់ថ្ម ត្រូវដាក់បំពង់ចំរោះ និងគ្រួសចំរោះរហូតដល់បាតអណ្ដូង មិនត្រូវបញ្ចុះ​ទុយោក្នុង​ស្រទាប់​ដីខាងលើរួចហើយយកថ្ម ធ្វើជាជញ្ជាំងរណ្ដៅខួង ជញ្ជាំងរណ្ដៅខួងថ្ម អាចដាក់​បំពង់​ ១០០ មម ចូល ។

១៥. ការបំពេញនិងការភ្ជឹតរណ្ដៅខួងដើម្បីការពារអនាម័យ

ត្រូវចាក់បំពេញដោយស៊ីម៉ង់ត៍ជំរៅ ៣ម ផ្នែកខាងលើនៃរណ្ដៅខួង និង ចំពោះស្រទាប់ដី ចនោ្លះរវាង​ជញ្ជាំង​ខួងនិងបំពង់អណ្ដូង ត្រូវបំពេញភ្ជឹតដោយដីឥដ្ឋសុទ្ធកំពស់ ៥ម ចាប់ពីផ្នែក ខាងលើនៃស្រទាប់​គ្រួស​ចំរោះ។ បន្ទាប់ពីបំពេញដីឥដ្ឋសុទ្ធត្រូវបំពេញខ្សាច់ គ្រួស រឺអាចម៍ដី ដែលបានពីការខួងបន្ដរហូតដល់ត្រឹម​កំពស់យ៉ាងតិច ៣ម ពីផ្ទៃដីខាងលើ។

១៦. ការផ្លុំសំអាត រណ្ដៅខួង

ការផ្លុំសំអាតត្រូវធ្វើឡើង បន្ទាប់ពីការខួងនិងបញ្ចុះបំពង់អណ្ដូងចប់សព្វគ្រប់ ហើយត្រូវ ធ្វើមុនពេល​ដំណើរ​ការបូមសាកវាស់កំពស់ទឹកឌីណាមិក ដំណើរការនេះនឹងសំអាតរាល់កំទេច កំទីដី និងសារធាតុរាវ​ដែលប្រើសំរាប់សំរួលការខួងចេញពីស្រទាប់ អាគ្វីហ្វ័រ (ស្រទាប់ដីជ្រាបទឹក) ។ ការផ្លុំសំអាត​ត្រូវប្រើ​ខ្យល់ផ្លុំបូមទឹកបញ្ចូលបញ្ចេញ រឺក៏វិធីសាស្ដ្រសមស្របផ្សេងទៀត។ ក្រោយពេលបញ្ចប់ការ​ផ្លុំលាង​សំអាតរាល់សារធាតុដែល

ផ្លុំក្នុងរណ្ដៅខួង ត្រូវផ្លុំចេញមកលើដោយ ប្រើខ្យល់។ ការផ្លុំលាងសំអាតត្រូវ ធ្វើជាបន្ដយ៉ាងហោចណាស់ក៏មានរយៈពេល 2ម៉ោង រឺក៏​រហូតទាល់តែទឹកដែលផ្លុំមកក្រៅមាន​លក្ខណៈ​ថ្លាស្អាតល្អ។

១៧. ការបូមវាស់កំពស់ឌីណាមិក

អ្នកម៉ៅការនឹងធ្វើការបូមសាកល្បងដើម្បីវាស់ៈ

- វាស់កំពស់ស្ដារទិក

- កំណត់បរិមាណទឹកបូមលើកទី ១ គឺ ៨០០ លីត្រ ក្នុងមួយម៉ោង ប្រើពេលមួយម៉ោង

- កំណត់បរិមាណទឹកបូមលើកទី ២ គឺ ១៣០០ លីត្រ ក្នុងមួយម៉ោង ប្រើពេលមួយម៉ោង

- កំណត់បរិមាណទឹកបូមលើកទី ៣ គឺបើកក្បាលរ៉ូប៊ីនេឲ្យអស់ ប្រើពេលមួយម៉ោង

ដំណាក់កាលនីមួយៗ កំពស់ឌីណាមិកនឹងត្រូវធ្វើការវាស់វែងដោយប្រើប្រាស់ខ្សែម៉ែត្រអគ្គីសនី​ដែលមាន​សុក្រិត្យភាពខ្ពស់បំផុត។ កំពស់ឌីណាមិក នឹងត្រូវធ្វើការវាស់វែងដោយបូមសាក​ល្បង​ជាមួយនឹងការ​ប្រើ​ប្រាស់ម៉ូទ័រ​ជ្រមុជ​ទឹកដែលមានសមត្ថភាពបូមយ៉ាងហោចណាស់លើស ១.៥ម^៣ ក្នុងមួយម៉ោង។ អ្នកម៉ៅការត្រូវប្រើម៉ាស៊ីនភ្លើង ម៉ែតវាស់ទឹក (៥០ម រឺ ១០០ម) ម៉ូទ័របូមទឹក ធុងទឹក ២០០លីត និងឧបករណ៏ផ្សេងៗទៀតដើម្បីវាស់ធារទឹក។​

១៨. ការគ្របរណ្ដៅខួង

អ្នកម៉ៅការត្រូវទទួលខុសត្រូវចំពោះវត្ថុផ្សេងៗដែល អាចធ្លាក់ចូលទៅក្នុងរណ្ដៅខួង ដែលបណ្ដាលឱ្យប៉ះ ពាល់ដល់គុណភាព និងបរិមាណទឹក ក្នុងកំលុងពេលខួង និង មុនពេលដែល​អណ្ដូងត្រូវបានធ្វើការទទួល​សា្គល់ដោយតំណាងអ្នកត្រួតពិនិត្យ រឺនិយោជក។ បន្ទាប់ពីការខួង​រាល់អណ្ដូងដែលមិនមានទឹក​ត្រូវទំលាក់​ដី​បំពេញវិញហើយអណ្ដូងមានទឹកត្រូវចុកឆ្នុករឺគ្របនឹង​គំរបឱ្យជិតល្អ។

១៩. ការទទួលស្គាល់អណ្ដូង

នៅពេលដែលការងារខួងបញ្ចុះបំពង់ ផ្លុំសំអាត និងការវាស់កំពស់ឌីណាមិកប្រព្រឹត្ដិទៅ​ចប់សព្វគ្រប់ម្ចាស់​គំរោង នឹងធ្វើការត្រួតពិនិត្យ។ ប្រសិនបើការងារទាំងអស់នោះ មានគុណភាព មានទឹកគ្រប់គ្រាន់​ដែល​អាច​​ទទួលយកបាននោះអ្នកសំរបសំរួលបច្ចេកទេស រឺទីប្រឹក្សាទឹកស្អាត និងអនាម័យ នឹងអនុញ្ញាតអោយ​អ្នក​ម៉ៅការ​​៖ ១. ចាក់ដីរៀបចំធ្វើគ្រឹះបំរុង និងចាក់កំរាល ២. តំឡើងស្នប់។

២០. ការងារដែលត្រូវបានបដិសេធ និងចាត់ទុកថាខ្វះខាត

ម្ចាស់គំរោងមានសិទ្ធិបដិសេធទាំងស្រុង រឺផ្នែកខ្លះលើការងារដូចខាងក្រោមៈ

- (ក)ប្រសិនបើ រណ្ដៅខួងឋិតនៅទីតាំងខុសពីចំនុច ដែលកំនត់ឱ្យដោយ អ្នកសំរបសំរួល បច្ចេកទេស

- (ខ)ប្រសិនបើរណ្ដៅខួងត្រូវស្ទះដោយកំទេចដី រឺកំទេចថ្ម រឺឧបករណ៍និងវត្ថុផ្សេងទៀត ដែល​ធ្លាក់ចូល​ហើយ​មិនអាចយកចេញបានដែលនាំឱ្យដំណើរការខួង មិនអាចបន្ដ ទៅមុខទៀតបាន។

- (គ) ប្រសិនបើបំពង់អណ្ដូង រឺបំពង់ចំរោះមិនត្រូវបានបញ្ចុះឱ្យចំទីតាំងត្រឹមត្រូវ (​កំហុសដែលអនុញ្ញាត​គឺ​ត្រឹម 2ម ឬ តាមការណែនាំរបស់ម្ចាស់គំរោង) ​។

- (ឃ) ប្រសិនបើការផ្លុំសំអាតពុំបានត្រឹមត្រូវតាមការទាមទារដែលបានព្រមព្រៀងដូច មានក្នុងប្រការ០៨ ចំពោះរណ្ដៅខួងទាំងឡាយណាដែលត្រូវបានបដិសេធទាំងស្រុង រឺ បដិសេធដោយផ្នែក ហើយ​មិនអាច​ធ្វើជំនួស​វិញ​បាននោះនឹងត្រូវធ្វើការចាក់ដីលុបបំពេញរណៅ្ដខួងទាំងអស់នោះ។ក្នុងពេលដែល​រណ្ដៅខួងត្រូវបានបដិសេធ​ភ្លាមៗ​​នោះអ្នកម៉ៅការអាចខួងរណ្ដៅមួយផ្សេងទៀតនៅក្បែររណ្ដៅចាស់ (ជិតជាង1០មពីរណ្ដៅចាស់) រឺខួងរណ្ដៅថ្មីនៅ​ទីតាំងថ្មី​ផ្សេងទៀតដែលកំណត់ដោយម្ចាស់គំរោង។

២១. រណ្ដៅខួងគ្មានទឹកនិងរណ្ដៅខួងចាត់ទុកគ្មានទឹក

រណ្ដៅខួងដែលត្រូវបានចាត់ទុកថាៈ ជារណ្ដៅខួងពុំមានទឹកសោះគឺមានចែងដូចខាងក្រោមៈ

- រណ្ដៅខួងដែលពុំមានទឹកទាល់តែសោះ

- រណ្ដៅខួងមានទឹកតិច១០០០លីត្រក្នុង១ម៉ោងរណ្ដៅខួងដែលចាត់ទុកថាគ្មានទឹក អ្នកម៉ៅការ ត្រូវនោះនឹងត្រូវធ្វើការចាក់ដីលុបបំពេញរណៅ្ដខួងទាំងអស់នោះ។

តំណាងអោយភាគីប្រគល់ការងារម៉ៅការ (UWS Cambodia) នឹងមិនផ្តល់ថវិកាដល់រណ្តៅខួងអណ្តូងលើកទី១ ដែលមិនមានទឹកនោះទេ។​ បើសិនខួងលើកទី២ មិនមានធារទឹកគ្រប់គ្រាន់នោះ ភាគីប្រគល់ការងារម៉ៅការ ។

២២. ការងារបន្ទាប់បន្សំ

ការងារបន្ទាប់បន្សំជាការងារដែលត្រូវបានរាប់បញ្ចូលទៅក្នុងកិច្ចសន្យាបើទោះជាមិនបានបញ្ជាក់ច្បាស់ក្នុង​លក្ខណៈ​លំអិតបច្ចេកទេស និងតារាងរាយមុខសំភារៈក៏ដោយ។ ចំនាយលើ ការងារបន្ទាប់បន្សំ នឹងចាត់ទុកថាត្រូវ​បានបញ្ចូលទៅក្នុងចំណាយ ឯកត្ដាផ្សេងៗ រួចហើយដោយ ពុំមានធ្វើការទូទាត់ដាច់ដោយឡែកទេ។

ល័ក្ខខ័ណ្ឌដែលត្រូវបានរាប់ជាការងារបន្ទាប់បន្សំរួមមាន៖

(ក) ការងារច្បាប់ទំលាប់ និងមានវិធានការដើម្បីសុវត្ថិភាពផ្សេងៗ

(ខ) រក្សាទីតាំងឱ្យស្អាត ក្នុងពេលបំពេញការងារ និងសំអាតទីតាំងក្រោយពេលខួង

(គ) ការងារផ្ដល់ឱ្យតំណាងអ្នកត្រួតពិនិត្យបច្ចេកទេស នូវឯកសារពីរច្បាប់សំរាប់មួយមុខៗ ដូចជា កំណត់ហេតុ​ការ​ងារ​ខួង បូមសាកល្បង ពិសោធន៍គុណភាពទឹក កំនត់ហេតុ អណ្ដូងថ្នាក់ជាតិ និងព័ត៌មានដ៏ទៃទៀតដែលតំរូវ​ដោយ​តំណាងអ្នកត្រួតពិនិត្យបច្ចេកទេស ។

(ឃ) ការវាស់វែងពីកំរិតទឹកក្រោមដី សំរាប់រណ្ដៅខួងនីមួយៗ កំឡុងពេលខួង និងវាស់វែងពី​ទិន្នន័យ ទឹករឺធារទឹក កំពស់ទឹកក្នុងពេលកំពុងបូមសាកល្បង រួមបញ្ចូលទាំង​ការ​ផ្ដល់ឧបករណ៍សំភារៈសំរាប់ការងារវាស់​ស្ទង់ទាំង​នេះ។

ដើម្បីជាសក្ខីភាព យើងខ្ញុំទាំងអស់គ្នា សូមចុះហត្ថលេខា និងផ្តិតមេដៃស្តាំទុកជាភស្តុតាង។

តំណាងភាគី(ក) តំណាងភាគី(ខ) សាក្សី