Цел на наградната игра е рекламирање на производите од портфолиото на Проктер и Гембл (P&G) од брендовите на Pantene, Always и Gillette Venus.
Официјални правила на наградната игра “РАЗУБАВЕТЕ СИ ГО ДЕНОТ СО ВАШИТЕ БРЕНДОВИ”
Организатор на наградната игра Член 1
Организатор на оваа наградна игра е Друштво за глобални комуникации Греј-Ворлдвајд ЛТД Дооел Скопје, со седиште на xxxxx Xxxxxx Xxxxxxxx xx.00, 0000 Xxxxxx, Република Северна Македонија (во понатамошниот текст „Организатор“).
Име, траење и цел на наградната игра Член 2
Името на наградната игра е “РАЗУБАВЕТЕ СИ ГО ДЕНОТ СО ВАШИТЕ БРЕНДОВИ”
Наградната игра ќе почне на 01.09.2024 и ќе заврши на 30.09.2024 година.
Цел на наградната игра е рекламирање на производите од портфолиото на Проктер и Гембл (P&G) од брендовите на Pantene, Always и Xxxxxxxx Xxxxx.
Производи кои учествуваат во наградната игра: сите производи на Pantene, Always и Xxxxxxxx Xxxxx
(единечните еднократни бричеви не учествуваат).
Член 3
Наградната игра ќе се приредува во маркетите на Веро на територија на Република Северна Македонија.
Правила за учество и начин на спроведување на наградната игра Член 4
Право на учество во наградната игра имаат сите лица кои се постари од 18 години, жители на Република Северна Македонија и ги прифаќаат условите на овие Правила. Во времетраењето на наградната игра, учесникот треба да купи било кои два производи од брендовите кои учествуваат во наградната игра (согласно член 2), односно 1 Pantene и 1 Always производ; или 1 Pantene и 1 Xxxxxxxx Xxxxx производ; или 1 Always и 1 Xxxxxxxx Xxxxx производ во продажните места на Веро на територија на Република Северна Македонија. Учесниците во наградната игра ги наведуваат/пишуваат своите лични податоци (име, презиме, адреса, контакт телефон и број на фискална сметка) на купонот за наградна игра кој ќе им биде доделен на каса/продажното место и истиот треба да го достават во кутијата наменета за извлекување (означена, избрендирана кутија), која ќе биде поставена во Веро маркетите кои учествуваат во оваа наградна игра. Задолжително е чување на фискалната сметка која учествува во наградната игра како доказ за купениот производ (согласно член 2 кои производи учествуваат во наградната игра).
Учесниците во наградната игра ќе можат да ги остават купоните заедно со своите лични податоци во кутијата наменета за извлекување најдоцна до 30-ти септември 2024 година, по што истата ќе биде затворена се до почетокот на извлекувањето. Со учеството во наградната игра учесниците потврдуваат дека се целосно запознаени со одредбите на овие правила и ја изразуваат својата согласност во поглед на истите.
Вработените кај Организаторот на наградната игра, како и членовите на нивните потесни семејства (син/ќерка, родители, брат/сестра или брачен другар) немаат право да учествуваат во наградната игра.
Извлекување на наградите и објавување на добитниците Член 5
5.1 Извлекувањето на добитниците на наградите ќе се изврши на 14.10.2024 година:
- xxxxxx Xxxx Xxxxx, Скопје со почеток во 12:00 часот.
На денот на извлекувањето кутиите со купоните од учесниците од сите маркети ќе се достават во наведениот маркет и ќе се истурат во една поголема кутија наменета за извлекување. Извлекувањето ќе се врши рачно од кутијата во која се внесени купоните, од страна на лице определено од страна на организаторот.
Едно лице може да учествува во наградната игра неограничен број пати (со различни фискални сметки), но не може да биде добитник на една иста награда повеќе пати.
Ќе биде организирано едно извлекување и ќе биде извлечен по еден добитник за секоја награда. Исто така ќе бидат извлечени за секоја награда по еден резервен добитник.
Добитниците ќе бидат информирани за наградите на телефонскиот број кој го имаат наведено на купоните. Во случај да не може да се стапи во контакт со добитникот на наградата или истиот не може да се потврди како валиден добитник (невалидна фискална сметка, не ја исполнува возрасната граница и сл.), резервниот добитник ќе се земе во предвид како добитник.
5.2 За да може да се подигне наградата, добитникот мора да ја приложи фискалната сметка која учествува во наградната игра како доказ за купениот производ (согласно член 2 кои производи учествуваат во наградната игра) и лична карта/пасош за верификација.
5.3 Организаторот нема да сноси никаква одговорност за купоните кои не ги содржат потребните информации и истите нема да бидат земени во предвид како валидни.
5.4 Извлекувањето на добитниците на наградите ќе го контролира комисија составена од три члена: овластен претставник на Xxxx Xxxxxxxxx ЛТД ДООЕЛ Скопје, овластен претставник на ТД Xxxx XX XXXXX, овластен претставник на Веро. Нотар ќе води записник во текот на извлекувањето.
5.5 Имињата на добитниците ќе бидат објавени во рок од три дена од денот на извлекувањето, на интернет страницата xxx.xxxx.xxx/xx, откако ќе се провери дека добитниците ги почитувале сите правила на наградната игра. Секој добитник ќе биде контактиран од страна на организаторот на доставениот телефонски број.
Член 6
Целосната сума на наградниот фонд изнесува 83.480 денари со вклучено ДДВ. Вкупниот број на награди е: 21. Организаторот е обврзан да не дава дополнително награди од било кој вид. Добиените награди не можат да се заменат за пари или друг вид на награда. Наградниот фонд се состои од следниве награди:
Име и вид на награда | Количина | Цена на индивидуални награди без ДДВ | Целосна цена на награди без ДДВ | Целосна цена на награди со ДДВ |
Dyson Supersonic Black/Nickel HD07- фен за коса | 1 | 25.838,98 ден. | 25.838,98 ден. | 30.490,00 ден. |
Beurer Germany HT60, мултифункциски уред за коса 7in1 | 10 | 1.948, 31 ден. | 19.483,1 ден. | 22.990,00 ден. |
My Time вредносен ваучер во износ од 3.000 ден | 10 | 2.542,37 ден. | 25.423,73 ден. | 30.000,00 ден. |
Информирање на учесниците Член 7
Учесниците во наградната игра ќе бидат информирани за правилата, наградниот фонд и условите за учество, на интернет страницата xxx.xxxx.xxx/xx и преку промотивни материјали.
Доделување на наградите Член 8
Наградите ќе се доставуваат на домашна адреса или можат да се подигнат лично од просториите на Организаторот на ул. Xxxxxx Xxxxxxxx 26, Скопје, по претходен договор со добитниците.
За верификација на добитници, Организаторот или неговите претставници, мора да потврдат дека добитникот ги почитувал сите правила на наградната игра.
Подигнувањето на наградите ќе биде дозволено во рок од 30 дена по нивното објавување. Доколку останат награди, што може да биде последица на недоволен интерес на учесници или неочекуван прекин на наградната игра, тие награди остануваат во сопственост на Организаторот.
Член 9
Согласно Правилата, Организаторот има право да провери дали се исполнети потребните услови за учество и дали учесникот може да ја прими наградата.
По предавањето на наградата, Организаторот нема понатамошни одговорности кон добитникот, во врска со користењето на добиената награда. Организаторот, по предавањето на наградата, не е одговорен и нема да подмири никакви трошоци, како и други трошоци кои Организаторот не ги има прифатено во Правилата или во потпишаниот договор со добитникот, ниту за било какви потешкотии при подигнување на наградата или употреба на истата од страна на добитникот.
Наградите за добитниците (наведени во Член 6) се конечни и тие во ниту еден случај не можат да бидат заменети за пари.
Согласност за користење на лични податоци
Член 10
Со учество во наградната игра, учесникот се согласува да ги даде личните податоци на Организаторот, за користење при реализација на наградата игра за период од (три) месеци. Организаторот има право да ги користи личните податоци на секој учесник за потребите на наградната игра. Организаторот не смее да ги користи податоците за било која друга намена, која не е во согласност со законот и ќе ги користи само за потребите на наградната игра. Личните податоци на учесниците на наградната игра, ќе се користат само согласно Законот за заштита на лични податоци (Службен весник на Република Северна Македонија бр.42/20 и 294/2021).
Даноци Член 11
Даноците за игрите на среќа се на товар на Организаторот, како што наложува законот. Организаторот гарантира дека предавањето на наградите ќе биде согласно со Правилата.
Прекинување на наградната игра Член 12
Наградната игра може да биде прекината доколку се случи виша силa надвор од контрола на Организаторот, по добивање согласност од Министерство за финансии.
Поднесување приговор Член 13
Учесникот во наградната игра, има право да поднесе приговор до организаторот, најдоцна 5 (пет) дена од денот на објавување на добитниците на следната адреса: Xxxxxx Xxxxxxxx 26, 1000 Скопје.
Организаторот е должен да даде одговор на приговор во рок од 7 дена по добивањето на истата.
Објавување на правилата Член 14
Согласно законот, правилата за наградната игра ќе бидат објавени на интернет страницата xxx.xxxx.xxx/xx по добивање на согласност од страна на Министерството за Финансии, а пред нејзиниот почеток.
Прифаќање на правилата и овластувањата во случај на спор Член 15
Со учество во наградната игра, секој учесник се сложува дека ќе ги почитува претходно наведените правила и услови. Доколку се случи несакан спор меѓу Организаторот и учесникот во наградната игра, тој ќе биде решен по договор, но доколку не се достигне заемен договор, спорот меѓу Организаторот и учесникот ќе биде решен на судски спор во суд во Скопје.