SSA-D 2024

I bilag 3 har Xxxxxx beskrive den programvare som er omfatta av driftstenestene etter denne Avtalen (det som skal driftast). Dersom Leverandøren skal overta drifta av noko av Kunden sitt utstyr, er det oppgitt særskilt. I bilag 3 kan det også vere teke inn beskriving av den overordna arkitekturen og det systemlandskapet som driftstenesta skal inngå i og samvirke med.

Leverandøren har beskrive løysinga si og relevante føresetnader for levering av ho i bilag 2 (løysingsspesifikasjonen til Leverandøren).

Dersom det etter Leverandøren si oppfatning er openberre feil eller uklare punkt i kravspesifikasjonen til Kunden, skal dette spesifiserast tydeleg i bilag 2.

Omfanget og gjennomføringa av leveransen er nærare beskrive i den generelle avtaleteksten og bilaga som er inkluderte i Avtalen.

Med Avtalen er meint denne generelle avtaleteksten med bilag.

1.2Bilag til Avtalen

Alle rubrikkar skal vere kryssa av (Ja eller Nei)	Ja	Nei
Bilag 1: Kunden si behovsbeskriving og kravspesifikasjon Skal fyllast ut av Kunden.
Bilag 2: Løysingsspesifikasjonen til Leverandøren Skal fyllast ut av Leverandør.
Bilag 3: Beskriving av det som skal driftast Skal fyllast ut av Kunden.
Bilag 4: Prosjekt- og framdriftsplan for etableringsfasen Skal fyllast ut av Leverandøren basert på dei overordna føringane Kunden har gitt.
Bilag 5: Tenestenivå og standardiserte kompensasjonar Skal fyllast ut av Leverandøren basert på dei overordna føringane frå Kunden.
Bilag 6: Administrative føresegner Administrative føresegner og andre opplysningar som er relevante for forholdet mellom Xxxxxxx. Skal fyllast ut av Leverandøren basert på dei overordna føringane Kunden har gitt i bilaget.
Bilag 7: Samla pris og prisføresegner Oversikt over alle priselement knytte til gjennomføringa av denne Avtalen. Skal fyllast ut av Leverandøren basert på dei overordna føringane Kunden har gitt i bilaget.
Bilag 8: Endringar i den generelle avtaleteksten
Bilag 9: Endringar av driftstenesta etter avtaleinngåinga
Bilag 10: Standard lisensvilkår/standardvilkår for standardprogramvare (tredjepartsleveransar) Kopi av eller referanse til Standardvilkår.
Bilag 11: Datahandsamaravtale Datahandsamaravtalen mellom Leverandøren og Kunden og eventuelle andre datahandsamaravtalar som Kunden inngår i samband med Kunden sin bruk av standardprogramvare, anna enn inkludert i bilag 10.
Andre bilag:

1.3Tolking – rangordning

Endringar til den generelle avtaleteksten skal samlast i bilag 8, med mindre den generelle avtaleteksten tilviser slike endringar til eit anna bilag. Følgjande tolkingsprinsipp skal leggjast til grunn:

Den generelle avtaleteksten går føre bilaga.
Bilag 1 går føre dei andre bilaga.
I den utstrekning det går klart og utvitydig fram kva for eit punkt eller kva for nokre punkt som er endra, erstatta eller gjort tillegg til, skal følgjande prinsipp gjelde:

Bilag 2 går føre bilag 1.
Bilag 8 går føre den generelle avtaleteksten.
Dersom den generelle avtaleteksten tilviser endringar til eit anna bilag enn bilag 8, går slike endringar føre den generelle avtaleteksten.
Bilag 9 går føre dei andre bilaga.

Standardvilkår for standardprogramvare (bilag 10) kjem til bruk mellom produsent av standardtenestene og Kunden, og Leverandøren sitt ansvar er avgrensa til å følgje opp slike leveransar i samsvar med det som går fram av punkt 5.1.1. Med standardleveransar er meint standardiserte tenester som er laga for levering til fleire brukarar der rett til bruk kan ervervast uavhengig av andre tenester frå produsenten.
Bilag 11, Datahandsamaravtalen, går føre den generelle avtaleteksten og dei andre bilaga når det gjeld føresegner knytte klart og utvitydig til regulering av personvern.

2.Gjennomføring av Avtalen

2.1Partane sine representantar

Kvar av Xxxxxxx skal ved inngåinga av Avtalen oppnemne ein representant som har fullmakt til å opptre på vegner av Partane i saker som gjeld Avtalen. Representanten som har fullmakt for Partane, og prosedyrar og varslingsfristar for eventuell utskifting av desse skal spesifiserast nærare i bilag 6.

2.2Fasar og hovudmilepålar i kontrakten

Avtalen er delt inn i 3 (tre) fasar:

Etableringsfase (kapittel 2.3), ordinær drift (kapittel 2.4) og avslutningsfase (kapittel 2.5).

2.3Etablering av driftstenesta

2.3.1Aktivitetar og delleveransar i etableringsfasen

2.3.1.1Aktivitetar

Etableringsfasen består av følgjande delar:

Planlegging (2.3.2)
Gjennomføring (2.3.3)
Test før oppstartsdag (2.3.4)
Oppstartsperiode og oppstartsdag (2.3.5)
Godkjenningsperiode (2.3.6)

Etableringsfasen blir etterfølgd av ordinær drift (kapittel 2.4).

I planleggingsfasen blir følgjande dokument produserte:

Prosjektplan (2.3.2.1)
Detaljplan for etableringsfasen (2.3.2.2)
Testplanar (2.3.2.3)
Samhandlingsplan og driftsspesifikasjon (2.3.2.4)
Endringslogg (2.4.3)
Aktivitets- og oppfølgingsplan for godkjenningsperioden (2.3.2.5)

2.3.1.2Delleveransar

Etablering av driftstenesta kan vere delt opp i delleveransar. Dersom det blir nytta delleveransar, skal det vere nærare beskrive i bilag 4.

Delleveransane kan takast i bruk samla eller løpande etter kvart som dei er ferdig etablerte. Dersom to eller fleire delleveransar blir tekne i bruk samla, skal det gjennomførast ein felles test før oppstartsdag og godkjenningsperiode for delleveransane med mindre anna går fram av bilag 4.

Dersom delleveransane blir sette i drift fortløpande etter kvart som dei er ferdig etablerte, skal det i testen før oppstartsdag og godkjenningsperioden for kvar ny delleveranse kontrollerast at delleveransar som alt er tekne i bruk, framleis fungerer i samsvar med dei avtalte krava. I godkjenningsperioden for siste delleveranse skal det i tillegg kontrollerast at den samla ytinga, kapasiteten og stabiliteten til driftstenesta er i samsvar med dei avtalte krava.

Med mindre anna går fram av bilag 4, er godkjenningsperioden 1 (éin) månad for kvar enkelt delleveranse og 2 (to) månader i samband med siste delleveranse, jf. punkt 2.3.6.1.

Dersom éin eller fleire delleveransar skal unntakast frå samla testing, skal dette gå fram i bilag 4.

2.3.2Planlegging av etableringsfasen

2.3.2.1Prosjektplan

Leverandøren skal i samarbeid med Xxxxxx utarbeide ein prosjektplan for arbeidet med å etablere driftstenesta. Prosjektplanen skal innehalde beskriving av hovudaktivitetar, roller og ansvar, og også framdriftsplan med milepålar som skal byggje på den overordna framdriftsplanen i bilag 4, inkludert om det blir brukt delleveransar.

2.3.2.2Detaljplan for etableringsfasen

Leverandøren skal utarbeide ein detaljert framdriftsplan for etableringsfasen, kalla «detaljplan for etableringsfasen». Kunden skal hjelpe til med informasjon og kompetanse som er nødvendig for at Leverandøren skal kunne utarbeide planen. Kunden skal vidare leggje til rette for at Leverandøren får tilgang til den informasjonen Leverandøren treng frå eventuelle tredjepartar.

Dersom det blir nytta delleveransar, skal det utarbeidast ein detaljplan for kvar delleveranse.

Detaljplanen for etableringsfasen skal beskrive omfanget av medverknad frå Kunden. Dei delane av planen som gjeld medverknad frå Kunden, skal godkjennast av Kunden. Slik godkjenning reduserer ikkje Leverandøren sitt ansvar.

Kunden kan ikkje nekte godkjenning av detaljplanen utan sakleg grunn, t.d. at detaljplanen ikkje er i samsvar med krava i bilag 1, ikkje er i samsvar med prosjektplanen eller vil innebere vesentlege negative konsekvensar for Kunden.

2.3.2.3Testplanar

Leverandøren skal innan dei frister som er oppgitte i bilag 4, ha utarbeidd ein plan for test av driftstenesta før oppstartsdag, jf. punkt 2.3.4.

Planen skal beskrive kva testar som skal gjennomførast, korleis det skal skje, og godkjenningskriterium for testen. Kunden skal på oppfordring frå Leverandøren delta i arbeidet med testplanen. Kunden kan i bilag 4 ha oppgitt krav til godkjenningskriterium og andre rammer for testplanen, medrekna om Kunden ønskjer å delta i arbeidet med testplanen. Kunden si deltaking i arbeidet reduserer ikkje ansvaret Leverandøren har for å drive prosessen og utarbeide testplanen.

Med mindre anna går fram av bilag 4, skal Leverandøren sitt forslag til testplan leggjast fram for Kunden for godkjenning seinast 4 veker før planlagt oppstart av testen.

Dersom Kunden har innvendingar mot testplanen, skal Kunden varsle Leverandøren om dette seinast 7 (sju) vyrkedagar etter at Kunden fekk testplanen. Varselet skal vere skriftleg og innehalde ei framstilling av kva som må rettast. Leverandøren skal rette testplanen og leggje han fram for Kunden på ny, innan 7 (sju) vyrkedagar etter at Leverandøren fekk varselet frå Kunden.

Dersom det blir nytta delleveransar, skal det, i den grad det er relevant som ein del av testen for den enkelte delleveranse, gå fram av planen korleis Leverandøren vil kontrollere at delleveransar som alt er sette i drift, framleis fungerer i samsvar med Avtalen. I den utstrekning det er mogleg, bør det i testen også inngå ein samla test av yting, kapasitet og stabilitet for alle dei inntil då etablerte delane av driftstenesta.

2.3.2.4Samhandlingsplan og driftsspesifikasjon

Leverandøren skal utarbeide eller gjere tilgjengeleg ein samhandlingsplan og ein driftsspesifikasjon til godkjenningsperioden startar.

Samhandlingsplanen skal ferdigstillast i samarbeid med Xxxxxx. Samhandlingsplanen skal innehalde rutinar og prosedyrar som er nødvendige for samhandlinga mellom Kunden og Leverandøren, medrekna prosedyrar for endringshandtering og prosedyrar for å handtere uønskte hendingar, og skal vere basert på dei krav til samhandling som Kunden har oppgitt i bilag 5.

Driftsspesifikasjonen skal beskrive driftstenesta som blir levert, og han skal oppdaterast jamt som følgje av endringar ved drifta (sml. 2.4.3). Detaljnivået skal ta omsyn til driftstypen og kan spesifiserast nærare i bilag 5.

2.3.2.5Aktivitets- og oppfølgingsplan for godkjenningsperioden

Leverandøren skal hjelpe Xxxxxx med å utarbeide ein aktivitets- og oppfølgingsplan for godkjenningsperioden som oppgitt i punkt 2.3.1.1 tredje avsnitt nr. 6 og punkt 2.3.6.5. Planen skal vere ferdig før godkjenningsperioden startar.

2.3.2.6Leverandøren si overtaking av infrastrukturen til Kunden – verifisering mv.

Dersom Leverandøren skal overta heile eller delar av det eksisterande utstyret, programvara og infrastrukturen til Kunden (aktiva), skal Leverandøren ha rett til å undersøkje om Xxxxxx sine aktiva er i samsvar med dei opplysningane som er gitte av Kunden før kontraktsinngåing, og dei føresetnadene som det går fram av bilag 2 at Leverandøren har lagt til grunn for tilbodet sitt. Innhaldet i, omfanget av og tidspunktet for undersøkinga er beskrive i bilag 4.

Dersom undersøkingane etter ei objektiv vurdering viser at opplysningane Kunden har gitt er uriktige, eller at føresetnadene som det går fram av bilag 2 at Leverandøren har bygd på ikkje stemmer, kan Leverandøren krevje at det blir utferda endringsordre. Endringsordren kan gjelde endring av krav til tenestenivå, dekning av meirkostnader eller slik oppgradering av infrastrukturen som er nødvendig for at ein kan oppnå avtalte krav til tenestenivå.

2.3.3Gjennomføring av etableringsfasen

2.3.3.1Leverandøren si gjennomføring

Leverandøren skal gjennomføre etableringa av driftstenesta i samsvar med detaljplanen for etableringsfasen (sml. 2.3.2.2).

2.3.3.2Tilrettelegging frå Kunden

Kunden skal leggje til rette for at Leverandøren får tilgang til nødvendig informasjon og kompetanse frå Kunden sjølv, eksisterande driftsleverandør og andre kontraktspartar Kunden har, i samband med etableringa av drifta. Nærare krav til medverknad frå Kunden, inkludert nødvendig informasjon frå tredjepartar, kan beskrivast i bilag 6.

2.3.4Test før oppstartsdag

Når driftstenesta eller ein delleveranse er etablert og klar til å takast i bruk, skal Partane gjennomføre dei testar som går fram av testplanen for å verifisere om driftstenesta er klar for å takast i bruk av Kunden.

Leverandøren skal utarbeide rapport frå testen og gjere rapporten tilgjengeleg for Kunden. Med mindre anna går fram av testplanen, skal Kunden innan 10 (ti) vyrkedagar ta stilling til rapporten og gi Leverandøren skriftleg melding om testen er godkjend eller underkjend.

Dersom slik melding ikkje blir gitt innan det fastsette talet på dagar, er testen rekna som godkjend. Dersom Kunden underkjenner testen, skal Xxxxxx oppgi grunnlaget for dette med referanse til kva krav i Avtalen som ikkje er oppfylte.

Dersom ikkje andre godkjenningskriterium er avtalte i testplanen, gjeld følgjande: Kunden kan ikkje nekte godkjenning av testen på grunn av forhold som er av uvesentleg betydning for høvet Kunden har til å ta driftstenesta i bruk.

Dersom testen blir underkjend, skal Leverandøren utbetre dei forholda som var årsak til at testen vart underkjend. Etter at forholda er utbetra, skal dei gjeldande delane av testen gjennomførast på nytt, slik at ein får verifisert at den aktuelle delen av tenesta fungerer som ein heilskap. Det skal utarbeidast rapport frå den nye testen.

Dersom testen ikkje kan godkjennast på grunn av forhold som Kunden etter Avtalen er ansvarleg for, har Leverandøren krav på vederlag for det meirarbeidet Leverandøren blir påført som følgje av forhold hos Xxxxxx. Leverandøren skal setje i verk rimelege tiltak for å unngå at oppstartsdag blir forseinka. Leverandøren har krav på vederlag for slike forseringstiltak. Vederlaget skal utmålast i samsvar med dei ordinære prisane i Avtalen for tilleggstenester.

2.3.5Oppstartsperiode og oppstartsdag

Etter at driftstenesta er testa og godkjend, skal det gjennomførast ein oppstartperiode der driftstenesta blir gjort klar for ordinær bruk for Kunden. Omfang og rekkjefølgje på aktivitetane i oppstartsperioden skal vere beskrivne i detaljplanen for etableringsfasen.

Leverandøren skal gi skriftleg melding til Kunden når driftstenesta er klar for nærare undersøking frå Kunden i ein godkjenningsperiode, jf. punkt 2.3.6. Dagen etter at meldinga er sendt, blir kalla oppstartsdag, og driftstenesta kan takast i ordinær bruk av Kunden.

Delleveransar som sette i drift fortløpande etter kvart som dei er ferdig etablerte, har kvar sin oppstartsdag. Dersom det blir brukt delleveransar som skal takast i bruk samla, vil oppstartsdag først vere når siste aktuelle delleveranse er klar for godkjenningsperiode.

2.3.6Godkjenningsperiode

2.3.6.1Varigheita av godkjenningsperioden

Frå og med oppstartsdag går ein godkjenningsperiode på 2 (to) månader, med mindre anna varigheit er avtalt i bilag 4.

Dersom oppstartsdag blir forseinka som følgje av forhold hos Xxxxxx, går godkjenningsperioden likevel frå avtalt tidspunkt, med mindre Kunden krev endring av framdriftsplanen i samsvar med kapittel 3.

2.3.6.2Føremålet med og føresetnader for godkjenningsperioden

Målet med godkjenningsperioden er å få kontrollert at driftstenesta fungerer i samsvar med Avtalen i ordinær drift, og at driftsspesifikasjonen og samhandlingsplan fungerer og er i samsvar med det som er avtalt.

Samhandlingsplanen og driftsspesifikasjonen skal ajourførast i godkjenningsperioden.

2.3.6.3Kunden sine undersøkingar

Kunden skal i løpet av godkjenningsperioden undersøkje om driftstenesta er i samsvar med det som er avtalt. Kunden sine undersøkingar i godkjenningsperioden skal (som minimum) gjennomførast med utgangspunkt i dei ordinære, daglege drifts- og arbeidsoppgåvene.

Ei nærare spesifisering av innhaldet i godkjenningsperioden med konkret oppføring av dei undersøkingane som Kunden som minimum skal gjennomføre og dessutan godkjenningskriterium for godkjenningsperioden, skal gå fram av aktivitets- og oppfølgingsplan for godkjenningsperioden.

2.3.6.4Handtering av feil

I godkjenningsperioden skal Kunden fortløpande og utan ugrunna opphald gi Leverandøren skriftleg melding om eventuelle feil, med beskriving av feila, i samsvar med samhandlingsplanen.

Leverandøren skal så raskt som mogleg utbetre feila. Feil skal rettast i prioritert rekkjefølgje. Dersom ikkje anna er avtalt i bilag 4, skal eventuelle feil vere utbetra seinast innan utgangen av godkjenningsperioden.

Dersom det i løpet av godkjenningsperioden oppstår feil eller avvik ved driftstenesta som er til hinder for Kunden si undersøking av driftstenesta, har Kunden krav på forlenging av godkjenningsperioden tilsvarande den tida feilen eller avviket varer.

2.3.6.5Godkjenning – leveringsdag

Kunden skal før utløpet av godkjenningsperioden sende Leverandøren ei skriftleg melding om resultatet av undersøkinga, og om driftstenesta er rekna for å vere i samsvar med det avtalte og dermed kan godkjennast, eller ikkje. Er slik melding ikkje sendt innan utløpet av godkjenningsperioden, er driftstenesta likevel rekna som godkjend ved passivitet.

Kunden kan ikkje nekte å godkjenne driftstenesta på grunn av forhold som er uvesentlege for Kunden sin bruk av driftstenesta. Godkjenningskriterium for godkjenningsperioden er nærare presiserte i aktivitets- og oppfølgingsplan for godkjenningsperioden.

Dersom ikkje andre godkjenningskriterium er avtalte i aktivitets- og oppfølgingsplan for godkjenningsperioden, gjeld følgjande:

Kunden har rett til å underkjenne godkjenningsperioden dersom det i løpet av dei siste 5 (fem) vyrkedagane av godkjenningsperioden ligg føre eller har inntreft ei eller fleire kritiske hendingar, eller

Dersom det har inntreft tre eller fleire alvorlege hendingar (sjå klassifisering av uønskte hendingar i punkt 2.4.2). Dersom Kunden underkjenner godkjenningsperioden, blir godkjenningsperioden forlengd til vilkåra for godkjenning er oppfylte.

Dersom driftstenesta ved utløpet av godkjenningsperioden har slike feil og avvik som ville gitt Kunden rett til å underkjenne godkjenningsperioden, kan Kunden likevel velje å godkjenne med atterhald.

Xxxxxx Xxxxxx vel å godkjenne driftstenesta med atterhald under tilvising til retteplan det er semje om, og retteplanen ikkje blir overhalden for dei feila som hindrar godkjenning, gjeld sanksjonar som om godkjenningsperioden vart forlengd (forseinking).

Første vyrkedag etter at driftstenestene er eller er rekna for godkjende, er leveringsdag.

Feil som oppstår etter utløp av godkjenningsperioden, skal handterast som uønskte hendingar etter prosedyrane i punkt 2.4.2.

2.4Ordinær drift etter godkjenning

2.4.1Krav til tenestenivå

Leverandøren har ansvaret for at driftstenesta er i samsvar med krava til tenestenivå som går fram av bilag 5. For tenester der det ikkje er oppgitt eksplisitte krav til tenestenivå, skal tenestenivået svare til det som kan forventast av ei alminneleg god tilsvarande teneste i marknaden.

Leverandøren er ikkje ansvarleg for manglande oppfylling av tenestenivå dersom dette er følgjer av:

feil eller stans i Kunden sine applikasjonar, eller
dersom det følgjer av feil i standardprogramvare som er lisensiert frå produsent som Leverandøren er avhengig av for å levere driftstenesta, føresett at Leverandøren kan dokumentere å ha teke rimelege forholdsreglar.

2.4.2Uønskte hendingar

Uønskte hendingar skal handterast innanfor dei fristane som går fram av bilag 5. Dersom dei avtalte fristane ikkje blir overhaldne, kan Kunden krevje standardisert kompensasjon som oppgitt i bilag 5.

Prosedyrar for å melde frå til Leverandøren om uønskte hendingar skal gå fram av samhandlingsplanen, jf. punkt 2.3.2.4.

Kunden skal klassifisere feil og avvik som oppgitt i samhandlingsplanen og melde uønskte hendingar til Leverandøren utan ugrunna opphald. Meldinga skal givast på den måten som er oppgitt i samhandlingsplanen.

Med mindre anna går fram av bilag 5, bruker ein følgjande klassifisering av uønskte hendingar:

Nivå	Kategori	Beskriving
A	Kritisk	Heile eller vesentlege delar av driftstenesta er utilgjengeleg.
B	Alvorleg	Enkelte kritiske funksjonar fungerer ikkje, eller fungerer med vesentleg dårlegare responstider enn avtalt.
C	Mindre alvorleg	Ikkje-kritiske funksjonar fungerer ikkje, nedsett responstid ut frå det som er avtalt.

Dersom Leverandøren i ettertid kan dokumentere at Kunden si klassifisering var feil, og feilklassifiseringa har påført Leverandøren kostnader, pliktar Kunden å dekkje Leverandøren sine direkte dokumenterbare og nødvendige kostnader knytte til feilklassifiseringa.

2.4.3Endringar i driftsmiljøet som blir initierte av Leverandøren

Med endring er her meint alle typar endringar knytte til driftstenesta som blir sette i verk etter initiativ frå Leverandøren.

Leverandøren skal halde Kunden orientert om endringar som kan ha betydning for Kunden sin bruk av driftstenesta eller for tryggleiken i løysinga, før endringane blir sette i verk. Nærare reglar om kva for endringar som skal varslast, og varslingsprosedyre, kan avtalast i bilag 6 og i samhandlingsplanen.

Alle endringar relaterte til driftstenestene skal loggførast i ein endringslogg. Kunden kan krevje tilgang til endringsloggen i samsvar med reglane om revisjon i punkt 2.4.8. Leverandøren er ansvarleg for å oppdatere driftsspesifikasjonen utan ugrunna opphald etter at ei endring som er relevant for driftsspesifikasjonen, er vorten implementert, sml. punkt 2.3.2.4.

2.4.4Bestilling av tilleggstenester

Kunden har høve til å bestille tilleggstenester i samband med ordinær drift. Tenestene og vederlaget for desse skal vere beskrivne i Leverandøren sin tenestekatalog som er ein del av bilag 7.

Tilleggstenester skal registrerast i bilag 9.

2.4.5Rapportering

Dersom ikkje anna følgjer av bilag 5, skal Leverandøren månadleg rapportere til Kunden om driftstenesta, medrekna om faktisk oppnådd tenestenivå og om uønskte hendingar og problem. Krav til måling av tenestenivå går fram av bilag 5.

2.4.6Dokumentasjon

Leverandøren skal stille til disposisjon for Kunden slik dokumentasjon som går fram av bilag 6.

Kunden kan krevje tilgang til annan dokumentasjon i samsvar med reglane om revisjon i punkt 2.4.8.

2.4.7Planar og øvingar for beredskap og katastrofar

Leverandøren skal ha beredskaps- og katastrofeplanar for driftstenesta. Med mindre anna går fram av bilag 1, skal Leverandøren gjennomføre nødvendige beredskaps- og katastrofeøvingar minst éin gong per år.

Leverandøren skal, etter nærare avtale, bidra til gjennomføring av Kunden sine eigne beredskaps- og katastrofeøvingar inntil éin gong per år, med mindre anna går fram av bilag 1. Med mindre anna vederlag er avtalt i bilag 7, skal vederlag for Leverandøren sitt arbeid ved slike øvingar utmålast i samsvar med timeprisar i bilag 7.

Informasjon om planlagde beredskaps- og katastrofeøvingar og informasjon frå evalueringsrapportar som er relevante for driftstenesta, med eventuelle forslag til forbetringar, skal gjerast tilgjengeleg for Kunden på førespurnad. Evalueringsrapportar skal vere ferdigstilte seinast 30 (tretti) dagar etter at øvinga er utført.

2.4.8Revisjon

Xxxxxx har rett til å utføre revisjon og verifikasjon av at Leverandøren overheld avtalte forpliktingar for driftstenesta.

Leverandøren skal yte bistand dersom Kunden har behov for å involvere Leverandøren i gjennomføring av kvalitetsrevisjonar eller gjennomgangar av aspekt ved drifta, til dømes i samband med Kunden si etterleving av dei rettslege krava nemnde i kapittel 9, eller med at Kunden sertifiserer seg. Leverandøren kan krevje vederlag for dette i samsvar med Leverandøren sine timeprisar som er fastsette i bilag 7.

Tidspunkt og metode for gjennomføring av revisjon og bistand blir avtalt i det enkelte tilfellet. Med mindre anna er avtalt i bilag 6, kan revisjon maksimalt gjennomførast éin gong per år. Dette er likevel ikkje til hinder for å få gjennomført innsyn og revisjon som er nødvendig for å oppfylle konkrete pålegg frå offentleg tilsynsstyresmakt.

Med mindre spesifikke fristar går fram av bilag 6, skal Kunden gi Leverandøren rimeleg varsel om revisjon, og Leverandøren skal akseptere revisjon innan rimeleg tid. Revisjonen skal gjennomførast på ein slik måte at han i minst mogleg grad forstyrrar alminneleg drift og tenesteleveransar frå Leverandøren og underleverandørane hans.

Kunden kan oppnemne tredjepart til å utføre revisjon og verifikasjon etter denne føresegna. Leverandøren kan motsetje seg at ein direkte konkurrent av Leverandøren blir oppnemnt som tredjepart.

Dersom revisjonen avdekkjer at avtalevilkår eller rettslege krav Leverandøren svarer for, ikkje blir overhaldne, pliktar Leverandøren å endre driftstenesta på ein slik måte at avtalevilkåra blir oppfylte. Dersom dei påviste avvika er av vesentleg karakter eller kan klandrast Leverandøren som aktlaust, pliktar Leverandøren å refundere Kunden sine nødvendige kostnader til gjennomføring av revisjonen.

Leverandøren skal sørgje for at det i dei avtalane som Leverandøren inngår med eventuelle underleverandørar som har betydning for levering av driftstenesta, og som er nemnde i bilag 6, blir teken inn ein rett for Xxxxxx til å delta i Leverandøren sin revisjon og gjennomgang hos underleverandøren/-ane så langt det er nødvendig for å verifisere at Leverandøren overheld avtalte forpliktingar for driftstenesta. Xxxxxx Xxxxxx ønskjer å gjennomføre ein revisjon hos Leverandøren sin underleverandør, pliktar Leverandøren å samarbeide med Xxxxxx for å få gjennomført ein slik revisjon.

Partane kan i bilag 6 fastsette fristar for varsel om revisjon og nærare prosedyrar for gjennomføring mv., medrekna om bruk av revisor.

2.4.9Nye versjonar av programvare

Dersom ikkje anna går fram av bilag 1, skal nye versjonar av programvare (medrekna programrettingar) som blir nytta for å levere driftstenesta, følgje det alminnelege oppgraderingsløpet til Leverandøren.

Dersom Leverandøren blir påført meirkostnader av betydning som følgje av at Kunden ikkje følgjer tilrådd oppgraderingstakt for dei applikasjonane som blir drifta, kan Leverandøren krevje dekt meirkostnadene sine knytte til å oppretthalde drifta av Xxxxxx sin eksisterande versjon av programvara. Tilrådd oppgraderingstakt kan opplysast i bilag 2. Krav om kostnadsdekning i samsvar med denne føresegna skal handsamast som ei endring i samsvar med kapittel 3.

Nye versjonar av programvare som i samsvar med bilag 3 er omfatta av driftstenesta, skal testast og setjast i drift i samsvar med prosedyrane i bilag 6 og samhandlingsplanen. Dersom ikkje anna er avtalt i bilag 7, inngår driftssetjing av programrevisjonar og feilrettingsutgåver (patchar) i det løpande driftsvederlaget. Planar og vederlag for driftssetjing av nye versjonar blir fastsette i samsvar med føresegnene om endringar i kapittel 3.

Tryggleiksoppdateringar skal alltid setjast i drift utan unødig opphald.

Før installasjon av programrettingar, nye versjonar mv. av operativsystem, database og annan basisprogramvare som blir nytta for å levere driftstenesta, skal Leverandøren verifisere at oppgraderinga og/eller endringa ikkje skaper problem for aktuelle/gjeldande applikasjonar/programvare som i samsvar med bilag 3 er omfatta av eller samverkar med driftstenesta. Leverandøren kan i nødvendig utstrekning be om bistand frå Kunden for å gjennomføre slik verifisering. Prosedyrar for dette kan innarbeidast i samhandlingsplanen.

2.4.10Livssyklusforvaltning – tidsmessigheit

Med mindre anna går fram av bilag 1, har Leverandøren totalansvar for livssyklusforvaltning av utstyr, programvare og andre ytingar som er nødvendige for å oppretthalde avtalt tenestenivå, sjå punkt 5.1.1 fjerde avsnitt.

Dersom Leverandøren driftar Kunden sin infrastruktur, skal nødvendige oppgraderingar handterast i samsvar med kapittel 3 i Avtalen om endringar.

Dersom Kunden har kjøpt Leverandøren si standardteneste som blir levert frå Leverandøren til fleire kundar over same infrastruktur, inneber ansvaret for livssyklusforvaltning vidare at Leverandøren aktivt skal sørgje for at leveransen er tidsmessig i tida frå driftssetjing og gjennom heile kontraktsperioden. Med tidsmessig er meint at leveransen, gjennom heile kontraktsperioden, skal vere like effektiv og like kvalitetsmessig god som han var på kontraktsinngåingstidspunktet, samanlikna med andre tilsvarande tenesteleveransar i marknaden (forholdsmessigheit).

Vidare skal Leverandøren aktivt medverke til at leveransen gjennom heile kontraktsperioden dekkjer Kunden sine behov. Endringar i Xxxxxx sine behov blir handterte i samsvar med kapittel 3 i Avtalen om endringar dersom det inneber endringar i dei avtalte krava.

2.5Avslutning av Avtalen

2.5.1Generelt om avslutning av Avtalen

Føresegner om Avslutning kjem til bruk når ein Leveranse i samsvar med denne Avtalen heilt eller delvis blir terminert i samsvar med føresegnene i denne Avtalen om oppseiing, avbestilling eller heving.

I tillegg har Xxxxxx krav på oppfølgjande bistand i 60 (seksti) dagar etter at driftstenesta er etablert hos ny leverandør eller Kunden sjølv, også om dette skjer etter at Avtalen elles opphøyrer.

Leverandøren skal hjelpe Kunden i samband med førebuingane til eventuell inngåing av ein ny driftsavtale og levere den informasjonen som er nødvendig i samband med ei slik førebuing.

Kunden kan spesifisere i bilag 1 kva informasjon Leverandøren som eit minimum skal levere i samband med ei slik førebuing, og når det skal skje. Ei slik beskriving i bilag 1 blir ikkje rekna for uttømmande.

2.5.2Avslutningsplan

Kunden skal utarbeide ein framdriftsplan for avslutningsperioden, kalla «avslutningsplan». Avslutningsplanen skal leggjast fram for Leverandøren innan rimeleg tid etter oppstart av avslutningsperioden. Kunden kan la eventuell ny leverandør lage eller supplere ein slik plan på vegner av Kunden.

Leverandøren skal utan ugrunna opphald hjelpe med:

informasjon og kompetanse som er nødvendig for at Kunden skal kunne utarbeide planen,
gi innspel om konkrete aktivitetar som er nødvendige frå Leverandøren si side,
tidsrammene for aktivitetane og elles beskrive det nødvendige samspelet mellom Leverandøren og Kunden ved avslutninga
Leverandøren skal vidare leggje til rette for at Kunden utan ugrunna opphald får tilgang til den informasjonen Kunden treng frå eventuelle underleverandørar av Leverandøren.

2.5.3Andre plikter som fell på Leverandøren

Leverandøren skal stille til rådvelde personell med same kompetanse og tilgjenge, og yte tenester med same kvalitet som for tilsvarande tenester i ordinær drift gjennom heile avslutningsperioden, slik at driftstenesta blir fullverdig heilt fram til Avtalen blir avslutta, samtidig som Kunden eller eventuell ny driftsleverandør blir fullverdig støtta i overtakingsprosessen.

Leverandøren er forplikta til å stille nødvendige tenester til rådvelde for Kunden i avslutningsperioden og samarbeide med eventuell ny leverandør, slik at overgangen kan gjennomførast med minst mogleg driftsforstyrring for Kunden.

Leverandøren er også forplikta til å bidra med nødvendig kompetanseoverføring til ny driftsorganisasjon, den leverte driftsforma teken i betraktning. Leverandøren er ikkje pliktig til å hjelpe med grunnleggjande kompetanseoverføring eller med kompetanseoverføring knytt til Leverandøren sine forretningsløyndomar.

Leverandøren har plikt til å leggje til rette for at følgjande blir overført til Kunden, eller til tredjepart utpeikt av Kunden:

Kunden sine data inkludert dei tryggingskopiane av Xxxxxx sine data som Kunden ønskjer
Lisensar (disposisjonsrett) som Leverandøren administrerer på Kunden sine vegner når Xxxxxx er lisenstakar
Andre kontraktar som blir administrerte av Leverandøren på vegner av Kunden
Eventuell oversikt over eksterne og interne brukarar knytte til løysinga Kunden har, som Leverandøren har halde ved like for Kunden
Alle andre data og materiale som tilhøyrer Kunden
Kopi av konfigurasjonsbeskrivingar, script og liknande som Leverandøren nyttar, og som er nødvendige for Kunden si etablering og drift av tenesta hos Kunden eller ny leverandør.

2.5.4Vederlag i samband med Avslutning av Avtalen

Kunden pliktar å betale vederlag for dei ytingane som er nemnde over, i samsvar med Leverandøren sine timepriser som oppgitt i bilag 7. Xxxxxx Xxxxxx har behov for tenester ut over dette, skal prisberekninga følgje det generelle prisnivået i driftsavtalen elles. Kunden skal likevel ikkje betale vederlag som beskrive i dette avsnittet dersom opphøyret av Avtalen kjem av vesentleg misleghald frå Leverandøren si side.

For å mogleggjere eventuell sanksjonering av manglande ytingar i samband med avslutning av Avtalen, kan Kunden halde vederlag for siste betalingstermin tilbake inntil 1 (éin) månad etter Avtalen opphøyrer dersom Avtalen ikkje er avslutta som følgje av misleghald frå Kunden.

Kunden pliktar å levere tilbake eventuell dokumentasjon og eventuelt anna som tilhøyrer Leverandøren.

3.Endringar etter avtaleinngåinga

3.1Rett til endringar - endringsordre

Kunden kan, etter Avtalen er inngått, gi pålegg om endring med omsyn til auke eller reduksjon i omfang, karakter, art, kvalitet eller utføring av leveransen, og også endring i framdriftsplanen føresett at endringa ligg innanfor kva Partane med rimeleg grunn kan ha forventa då Avtalen vart inngått. Kunden skal ved slike endringar utferde ein endringsordre.

Leverandøren er likevel ikkje forplikta til å utføre endringsarbeid som samla utgjer meir enn 15 % netto tillegg til den opphavlege kontraktsprisen per år, med mindre det er snakk om ein omtvista endringsordre etter punkt 3.5.2. Avgrensinga gjeld heller ikkje endringar som er nødvendige som følgje av endra rettslege krav.

For ytingar som inngår i driftstenesta og er prisa etter faktisk bruk, vil auke eller reduksjon innanfor eventuelle spesifiserte rammer ikkje utgjere ei endring etter kapittel 3. Tilleggstenester prisa i bilag 7 er regulert av punkt 2.4.4.

Endringar og tillegg til Avtalen kan gjerast i alle fasane av kontrakten.

Kunden kan ikkje krevje endringar som av tekniske grunnar ikkje kan gjennomførast utan at Leverandøren i tillegg endrar standardplattforma eller standardtenestene som dei òg leverer til andre kundar.

Partane kan i bilag 6 avtale andre eller ytterlegare avgrensingar i Xxxxxx sin rett til å krevje endringar.

3.2Endringshandtering

Endringshandtering skal følgje prosedyren og dei tidsfristane som går fram av bilag 6.

Leverandøren skal utarbeide ei konsekvensutgreiing basert på Kunden sin endringsordre. Med mindre noko anna er avtalt, skal konsekvensutgreiinga omfatte dei punkta som går fram av bilag 6 om endringshandtering.

Endringsavtalen skal godkjennast av representanten for Partane som har fått fullmakt. Leverandøren skal føre ein fortløpande katalog over endringane som utgjer bilag 9, og utan opphald gi Kunden ein oppdatert kopi.

Føresegnene i denne Avtalen gjeld òg for endringsarbeidet dersom det ikkje uttrykkjeleg går fram noko anna av endringsordren.

Leverandøren skal gjennomføre endringa i samsvar med endringsordren utan ugrunna opphald dersom ikkje noko anna er avtalt. Dette gjeld sjølv om innverknaden endringsavtalen har på vederlag mv., planar eller andre vilkår i Avtalen, enno ikkje er endeleg fastsett, sjå punkt 3.4.

3.3Kostnader og andre konsekvensar av endring

Leverandøren har rett til å krevje justering i vederlag og framdriftsplan eller andre forhold som kjem av Xxxxxx sitt pålegg om endring.

Dersom endringa skal gjennomførast i etableringsfasen, skal eventuelle verknader på detaljplanen for etableringsfasen utgreiast (jf. punkt 2.3.2.2). Dersom utgreiinga viser at gjennomføringa av endringa vil føre til forseinkingar ut frå detaljplanen for etableringsfasen, kan Leverandøren krevje justering av planen.

Dersom utarbeidinga av endringsoverslag i seg sjølv krev justeringar i framdriftsplanen i bilag 4 eller detaljplanen for etableringsfasen, kan Leverandøren krevje justering av planen(-ane).

Dokumenterte kostnader i samband med at Leverandøren utarbeider utgreiinga, skal dekkast av Xxxxxx i samsvar med Leverandøren sine gjeldande timeprisar, sjå bilag 7. Dersom det i bilag 7 er oppgitt standardprisar for utarbeiding av utgreiing, har Leverandøren ikkje rett til å få dekt kostnader ut over dette med mindre Kunden skriftleg har godkjent eit meir omfattande estimat på førehand.

Justeringar i vederlag skal bereknast med utgangspunkt i dei timeprisane eller andre einingsprisar som går fram av bilag 7, så framt endringsarbeidet i det vesentlege er likearta med arbeid det er fastsett timepris eller einingspris for.

Dersom endringa ikkje er mogleg å berekne på bakgrunn av timeprisar eller einingsprisar i bilag 7, skal Leverandøren i utgreiinga setje fram eit tilbod på tillegg eller frådrag for endringane. Tilbodet skal reflektere det generelle prisnivået i denne Avtalen.

Dersom det krevst endringar som i utgangspunktet ville medført endring i avtalt oppstartsdag eller leveringsdag, skal Leverandøren så langt det er praktisk mogleg forsøke å forsere gjennomføringa slik at avtalt oppstartsdag eller leveringsdag likevel kan overhaldast. Forsering skal i så fall reknast som ei endring som skal handsamast i samsvar med reglane i kapittel 3.

Leverandøren skal i utgreiinga si dokumentere alle kostnader knytte til endringa, medrekna eventuelle endringar i vederlag for andre tenester som blir påverka av endringa, og eit estimat av Leverandøren sin timebruk.

3.4Usemje om konsekvensane av ei endring

Er Partane samde om at det ligg føre ei endring, men er usamde om konsekvensar og kostnader knytte til endringa, skal Kunden betale eit førebels vederlag berekna etter reglane i punkt 3.3.

Dersom det ikkje er kravd avgjerd frå ein uavhengig ekspert eller meklar eller reist søksmål for endringsarbeidet innan 6 (seks) månader etter leveringsdagen eller den dagen varsel om heving eller avbestilling vart motteke av Leverandøren, skal det utbetalte vederlaget reknast som endeleg.

Leverandøren skal stille trygd for den omtvista delen av vederlaget, alternativt velje å få utbetalt halvparten av den omtvista delen av vederlaget, fram til det tidspunktet då vederlaget blir rekna for endeleg fastsett.

3.5Usemje om det ligg føre ei endring (omtvista endring)

3.5.1Generelt om usemje om det ligg føre ei endring

Krev Kunden ved person med fullmakt skriftleg i form av pålegg, spesifikasjonar eller på annan måte å få utført eit nærare bestemt arbeid som Leverandøren meiner ikkje inngår som ein del av forpliktingane hans i samsvar med Avtalen, skal Leverandøren skriftleg krevje at Kunden utferdar ein endringsordre.

Leverandøren skal saman med krav om endringsordre sende Kunden utgreiing av aktuelle risiko- og endringskonsekvensar, og gi eit prisestimat (endringsoverslag) i samsvar med punkt 3.2. Kostnader i samband med utarbeiding av endringsoverslag blir dekte av Kunden dersom Leverandøren får rett i kravet sitt om endringsordre.

Dersom Leverandøren ikkje set fram eit krav om endringsordre innan rimeleg tid, skal arbeidet reknast for å vere ein del av forpliktinga til Leverandøren i samsvar med Avtalen, og Leverandøren taper retten til å gjere arbeidet gjeldande som grunnlag for å forlengje fristen, ekstra vederlag eller erstatning fram til det tidspunktet eit krav om endringsordre blir fremja. Slikt krav må uansett fremjast seinast 6 (seks) månader etter at arbeidet vart sett i verk.

3.5.2Omtvista endringsordre

Har Leverandøren kravd at Kunden utferdar ein endringsordre i samsvar med punkt 3.5.1, skal Kunden innan rimeleg tid utferde ein endringsordre i samsvar med punkt 3.3 eller skriftleg fråfalle kravet.

Er Kunden usamd i at det kan krevjast ein endringsordre, skal det uttrykkjeleg spesifiserast at endringsordren er omtvista (omtvista endringsordre). Endringsordren skal innehalde ei grunngiving for kvifor Kunden reknar endringsordren som omtvista.

3.5.3Konsekvensane av ein omtvista endringsordre

Sjølv om endringsordren er omtvista, har Leverandøren plikt til å utføre det som er pålagt, mot at Kunden utbetaler eit førebels vederlag som svarer til halvparten av det beløpet Leverandøren meiner han har krav på. Dersom Leverandøren ikkje krev at den omtvista endringa blir avgjort i samsvar med punkt 3.6 i Avtalen innan 3 (tre) månader etter at vederlaget er utbetalt, eller dersom arbeidet blir vurdert å liggje innanfor kontrakten, skal det førebelse vederlaget motreknast i neste betalingsmilepåle. Xxxxxx arbeidet blir rekna som ei endring, skal det fastsette vederlaget for endringa, korrigert for det førebelse vederlaget, innarbeidast i den ordinære betalingsplanen.

3.5.4Leverandøren sin rett til å motseie plikta til å gjennomføre ein omtvista endringsordre

Leverandøren kan motseie plikta til å utføre arbeidet ved å krevje ei avgjersle frå ein uavhengig ekspert eller meklar, eller reise søksmål eller bringe tvisten inn for skilsdom for å få kravet sitt endeleg avgjort, jf. kapittel 16.

Kravet må fremjast utan ugrunna opphald etter at Kunden har meldt frå om at endringa er omtvista. Leverandøren har risikoen for dei konsekvensane som måtte oppstå som følgje av at arbeidet blir utsett, dersom det blir fastsett at arbeidet er omfatta av Avtalen. Unntak i dette avsnittet gjeld ikkje arbeid knytt til tenester som speler ei rolle for liv og helse, eller levering av samfunnskritiske tenester.

3.6Tvisteløysing – omtvista endringsordre

Dersom Leverandøren har teke mot ein omtvista endringsordre, må Leverandøren innan 6 (seks) månader etter å ha teke mot den omtvista endringsordren anten krevje ei avgjerd frå ein uavhengig ekspert eller meklar, eller reise søksmål eller bringe tvisten inn for skilsdom for å få kravet sitt endeleg avgjort, jf. kapittel 12. Dersom Leverandøren ikkje gjer det, blir arbeidet rekna for å vere ein del av Leverandøren sine plikter etter Avtalen.

4.Varigheit, avbestilling og mellombels forlenging

4.1Varigheit

Avtalen trer i kraft den datoen han er underteikna av Xxxxxxx.

Avtaleperioden omfattar ein etableringsfase som beskrive i bilag 4. Oppstartsdag for ordinær drift går fram av bilag 4.

Om ikkje anna varigheit er avtalt i bilag 4, gjeld Avtalen i 3 (tre) år rekna frå oppstartsdag for ordinær drift. Avtalen blir deretter fornya automatisk for 1 (eitt) år om gongen med mindre han blir sagd opp av Xxxxxx med 6 (seks) månaders varsel, eller av Leverandøren med 12 (tolv) månaders varsel, før fornyingstidspunktet.

4.2Avbestilling

4.2.1Avbestilling i etableringsfasen

Kunden kan med 1 (éin) månads skriftleg varsel avbestille driftstenesta i etableringsfasen.

Ved slik avbestilling skal Kunden betale det beløp som er fastsett i bilag 7 for avbestilling i denne fasen, eller dersom slikt beløp ikkje er fastsett:

det beløpet som Leverandøren har til gode for den del av ytinga i etableringsfasen som alt er gjennomført
dei nødvendige og dokumenterte direkte kostnadane til Leverandøren knytte til omdisponering av personell
andre dokumenterte direkte kostnader som Leverandøren blir påført som følgje av avbestillinga, medrekna utlegg og kostnader som Leverandøren har pådrege seg før avbestillinga vart motteken, og som Leverandøren ikkje kan nyttiggjere seg i andre samanhengar

Samla avbestillingsvederlag for arbeid og omstillingskostnader i etableringsfasen kan aldri overstige det vederlaget som er for arbeid i etableringsfasen avtalt i bilag 7.

4.2.2Avbestilling i ordinær drift

Kunden kan med 3 (tre) månaders skriftleg varsel heilt eller delvis avbestille driftstenesta også i den første treårsperioden.

Ved slik avbestilling skal Kunden betale det beløpet som er fastsett i bilag 7, eller dersom slikt beløp ikkje er fastsett, skal Kunden betale:

det beløpet som Leverandøren har til gode for den del av drifta som alt er gjennomført
dei nødvendige og dokumenterte direkte kostnadene til Leverandøren knytte til omdisponering av personell
andre dokumenterte direkte kostnader som Leverandøren blir påført som følgje av avbestillinga, medrekna utlegg og kostnader som Leverandøren har pådrege seg før avbestillinga vart motteken, og som Leverandøren ikkje kan nyttiggjere seg i andre samanhengar, og
eit avbestillingsgebyr som svarer til 4 % av årleg vederlag.

Ved delvis avbestilling skal avbestillingsgebyret bereknast på grunnlag av det den avbestilte delen utgjorde av kontraktsprisen Konsekvensane delvis avbestilling har for gjenståande delar av leveransen, medrekna verknaden på kontraktsprisen, skal handterast i samsvar med føresegnene i kapittel 3.

4.3Mellombels forlenging av Avtalen

Leverandøren har plikt til å forlengje Avtalen på elles like vilkår i inntil 6 (seks) månader frå det tidspunktet Avtalen opphøyrer, dersom Kunden ber om det. Kunden må varsle om dette minimum 60 (seksti) dagar før Avtalen opphøyrer. Leverandøren har rett til forholdsmessig vederlag for drifta i forlengingsperioden.

Xxxxxx Xxxxxx hevar Avtalen på grunn av misleghald frå Leverandøren si side, kan varsel som nemnt i avsnittet over givast samtidig med hevingserklæringa. Dersom Avtalen opphøyrer som følgje av at Leverandøren hevar han på grunn av misleghald frå Kunden si side, kan slikt varsel givast innan 1 (éi) veke etter at Kunden har teke imot varsel om heving. Kunden sin rett til forlenging er i desse tilfella på vilkår av at Kunden forskotsbetaler vederlag for forlengingsperioden som oppgitt i første avsnitt ovanfor.

Punkta 2.5 og 4.3 gjeld tilsvarande ved delvis avbestilling i samsvar med punkta 4.2.1 og 4.2.2.

5.Partane sine plikter

5.1Overordna ansvar

5.1.1Leverandøren sitt ansvar for leveransen - generelt

Leverandøren har ansvar for at den samla leveransen (den heilskaplege løysinga) dekkjer dei funksjonar og krav som er spesifiserte i Avtalen.

Eventuelle krav til at Leverandøren skal følgje gitte standardar eller kvalitetssystem, skal gå fram av bilag 1. Det same gjeld krav om at Leverandøren må dokumentere korleis standardar eller kvalitetssystem blir følgde.

Leverandøren skal i samband med etablering, testing og drift ha ansvar for å samordne, styre og koordinere arbeidet mellom dei ulike aktørar/leverandørar som har betydning for driftstenesta. Koordineringsoppgåvene er nærare beskrivne i bilag 1.

Dersom det i driftstenesta inngår bruk av skytenester eller andre standardleveransar frå produsentar som Kunden har inngått eigen avtale med, er Leverandøren sitt ansvar avgrensa til å følgje opp avtalen med produsenten, medrekna å følgje opp krava til informasjonstryggleik. Det same gjeld dersom Kunden uttrykkeleg har akseptert ei slik avgrensing av Leverandøren sitt ansvar for standard leveransar leverte av produsent som inngår som del av driftstenesta, men som Leverandøren har inngått avtalen med. Dei aktuelle standardavtalevilkår skal i så fall vere uttrykkeleg oppgitt i eige kapittel i bilag 2, og kopiar av avtalevilkåra skal vere vedlagde som bilag 10.

5.1.2Kunden sitt ansvar og medverknad

Kunden skal ikkje utføre driftsoppgåver som etter Avtalen skal utførast av Leverandøren sitt autoriserte personale.

Kunden skal leggje forholda til rette for at Leverandøren skal få utført pliktene sine, til dømes ved å gi Leverandøren nødvendig tilgang, fysisk og/eller elektronisk. Nærare krav til medverknad frå Kunden kan spesifiserast i bilag 2.

5.2Krav til ressursar og kompetanse

5.2.1Leverandøren sitt ansvar for ressursane sine

Leverandøren skal sørgje for at det personalet som utfører drifta, har den nødvendige kompetanse og har fått tilstrekkeleg innføring i innhaldet i driftstenesta og tilhøyrande tenestenivå.

5.2.2 Nøkkelpersonell

Ressursar som i bilag 6 er spesifiserte som nøkkelpersonell, skal, innan ramma av Leverandøren sin styringsrett som arbeidsgjevar, ikkje kunne skiftast ut utan føregåande godkjenning frå Kunden. Slik godkjenning kan ikkje nektast utan sakleg grunn. Den reelle deltakinga til Nøkkelpersonellet i utføringa av leveransen kan ikkje reduserast utan føregåande godkjenning frå Kunden.

5.2.3 Utskifting av ressursar

Personell som Kunden på sakleg grunnlag ikkje ønskjer å nytte eller ønskjer å få skifta ut, skal snarast mogleg erstattast med anna personell med minst tilsvarande kompetanse.

Utskiftingar av personell skal ikkje verke inn på framdrift i prosjektet eller påføre Kunden auka kostnader. Dersom framdrifta likevel blir påverka, skal dette handterast som ei forseinking.

5.2.4Kunden sitt ansvar for ressursane sine

Kunden skal sjå til at ressursar hos Kunden som skal medverke til gjennomføringa av leveransen, har den kompetanse som er nødvendig. Eventuelle spesielle kompetansekrav skal gå fram av bilag 2.

5.3Bruk av underleverandørar og tredjepartar

5.3.1Leverandøren sin bruk av underleverandørar

Bruker Leverandøren ein underleverandør som medverkar direkte til levering av ytingane til Leverandøren i samsvar med denne Avtalen, er Leverandøren fullt ut ansvarleg for utføringa av desse oppgåvene på same måte som om Leverandøren sjølv stod for utføringa. Leverandøren sine underleverandørar som er godkjende av Kunden, går fram av bilag 6.

Leverandøren kan ikkje skifte ut underleverandørar som medverkar direkte til levering av ytinga frå Leverandøren, utan skriftleg førehandssamtykke frå Kunden med mindre anna er avtalt i bilag 6.

Grupper av underleverandørar eller tenester frå underleverandørar kan godkjennast, t.d. kan Kunden velje å førehandsgodkjenne bruk av andre datasenter innanfor EU/EØS.

Kunden kan ikkje nekte utskifting utan sakleg grunn.

5.3.2Kunden sin bruk av tredjepart

Kunden kan fritt engasjere bistand frå ein tredjepart i samband med utføringa av oppgåvene sine under denne Avtalen. Kunden er fullt ut ansvarleg for utføringa av desse oppgåvene på same måte som om Xxxxxx sjølv stod for utføringa.

Kunden sine tredjepartar går fram av bilag 6. Leverandøren skal varslast dersom Kunden skiftar ut eller vel nye tredjepartar.

Leverandøren pliktar å samarbeide med Xxxxxx sine tredjepartar der dette nødvendig for utføringa av denne Avtalen. Eventuelle føresegner om vederlag for Leverandøren sitt samarbeid med Xxxxxx sine tredjepartar går fram av bilag 7.

Leverandøren er derimot friteken for slike plikter dersom han sannsynleggjer at slikt samarbeid vil innebere ei vesentleg ulempe for dei eksisterande underleverandørane hans eller andre forretningskontaktar eller kan påvise at dette medfører ei vesentleg forretningsmessig ulempe for Leverandøren.

5.4Opplysnings- og varslingsplikt

Leverandøren skal gi Kunden opplysningar av førebyggjande karakter om eventuelle spesielle forhold knytte til driftstenesta, som kan vere viktige for å unngå feilsituasjonar, driftsstans og tap. Leverandøren har også ei varslingsplikt når det er fare for at slike situasjonar kan inntreffe.

5.5Tilgang til opplysningar

Leverandøren skal gi Kunden tilgang til slike opplysningar om drifta som Kunden ut frå lov- og forskriftspålagde forpliktingar og myndigheitskrav må ha tilgang til.

5.6Møte

I avtaleperioden skal det gjennomførast regelmessige møte mellom kontaktpersonane hos Xxxxxx og hos Leverandøren. Frekvens, innkalling, Xxxxxxx sine deltakarar og type møte skal vere avtalt i bilag 6.

Dersom det er behov for å drøfte forhold som gjeld avtaleforholdet og måten Avtalen blir gjennomført på, og som ikkje kan avvente til neste fastsette møte, kan kvar av Partane innkalle den andre Parten til møte med 3 (tre) vyrkedagars varsel.

5.7Lønns- og arbeidsvilkår

5.7.1Generelt

For avtalar som er omfatta av forskrift 8. februar 2008 nr. 112 om lønns- og arbeidsvilkår i offentlige kontrakter, gjeld følgjande:

Leverandøren skal på område dekte av forskrift om allmenngjort tariffavtale sørgje for at eigne og eventuelle underleverandørar sine tilsette som direkte medverkar til å oppfylle Leverandøren sine forpliktingar under denne Avtalen, ikkje har dårlegare lønns- og arbeidsvilkår enn det som følgjer av forskrifta som allmenngjer tariffavtalen.
På område som ikkje er dekte av allmenngjort tariffavtale, skal Leverandøren sørgje for at dei same tilsette ikkje har dårlegare lønns- og arbeidsvilkår enn det som følgjer av gjeldande landsomfattande tariffavtale for den aktuelle bransjen.

Dette gjeld for arbeid utført i Noreg.

Alle avtalar som Leverandøren inngår, og som inneber utføring av arbeid som direkte medverkar til å oppfylle Leverandøren sine forpliktingar under denne Avtalen, skal innehalde tilsvarande vilkår.

5.7.2Dokumentasjon

Leverandøren skal på skriftleg førespurnad frå Kunden leggje fram dokumentasjon om dei lønns- og arbeidsvilkåra som blir brukte. Kunden og Leverandøren kan kvar for seg krevje at opplysningane skal leggjast fram for ein uavhengig tredjepart som Leverandøren har gitt i oppdrag å undersøkje om krava i denne føresegna er oppfylt. Leverandøren kan krevje at tredjeparten skal ha underteikna ei erklæring om at opplysningane ikkje vil bli brukte for andre føremål enn å sikre oppfylling av Leverandøren si forplikting etter denne føresegna. Dokumentasjonsplikta gjeld også underleverandørar.

Leverandøren pliktar på skriftleg førespurnad med ein rimeleg frist å dokumentere lønns- og arbeidsvilkåra for eigne arbeidstakarar, arbeidstakarar hos eventuelle underleverandørar (medrekna innleigde) som direkte medverkar til å oppfylle kontrakten.

Ved brot på dokumentasjonsplikta har oppdragsgivar rett til å ileggje ei dagbot som ikkje skal vere mindre enn kr 1500 per dag. Høgare dagbot kan avtalast i bilag 6.

5.7.3Manglande oppfylling

Ved brot på krava til lønns- og arbeidsvilkår skal Leverandøren rette forholdet. Der brotet har skjedd hos ein underleverandør (medrekna bemanningsselskap) er rettingsplikta avgrensa til krav som er fremja skriftleg innan tre månader etter forfallsdato for lønna, både for krav som følgjer av allmenngjort tariffavtale og landsomfattande tariffavtale. Dei vilkår og avgrensingar som følgjer av lov om allmenngjøring av tariffavtaler mv. av 4. juni 1993 § 13 skal gjelde i begge desse tilfella.

Dersom Leverandøren ikkje oppfyller denne forpliktinga, har Xxxxxx rett til å halde tilbake delar av kontraktssummen, tilsvarande 2 (to) gonger innsparinga for Leverandøren. Tilbakehaldsretten opphøyrer så snart retting etter føregåande ledd er dokumentert.

Oppfylling av forpliktingane Leverandøren har som nemnt ovanfor, skal dokumenterast i bilag 6. Dersom dokumentasjonen er lagt fram for ein uavhengig tredjepart, kan ei erklæring frå tredjeparten aksepterast som dokumentasjon om at det er samsvar mellom aktuell tariffavtale og faktiske lønns- og arbeidsvilkår for oppfylling av Leverandøren og eventuelle underleverandørar sine forpliktingar.

Nærare presiseringar om gjennomføring av dette punkt 5.7 kan avtalast i bilag 6.

5.8Teieplikt

Informasjon som Xxxxxxx blir kjent med i samband med Avtalen og gjennomføringa av Avtalen, skal handsamast konfidensielt, og ikkje gjerast tilgjengeleg for utanforståande utan samtykke frå den andre Parten med mindre der ikkje er ei rettkomen interesse som tilseier at informasjonen skal haldast hemmeleg. Som utanforståande reknar ein alle som ikkje har sakleg behov for tilgang til informasjonen for å utføre oppgåvene sine i samsvar med Avtalen.

Dersom Kunden er ei offentleg verksemd, er teieplikta til Kunden etter denne føresegna ikkje meir omfattande enn det som følgjer av lov 10. februar 1967 om handsamingsmåten i forvaltningssaker (forvaltingslova) eller tilsvarande sektorspesifikk regulering.

Teieplikt etter denne føresegna grip ikkje inn i lovbestemt innsynsrett.

Teieplikta gjeld Partane sine tilsette, underleverandørar og andre partar som handlar på Partane sine vegner eller medverkar i samband med gjennomføring av Avtalen.

Teieplikta opphøyrer fem (5) år etter at Avtalen opphøyrer, med mindre anna er avtalt i bilag 6, eller følgjer av lov eller forskrift.

5.9Skriftlegheit

Alle varsel, krav eller andre meldingar knytte til denne Avtalen skal givast skriftleg til den postadressa eller elektroniske adressa som er oppgitt i bilag 6 for den aktuelle typen førespurnad.

6.Vederlag og betalingsvilkår

6.1Vederlag

Alle prisar og nærare vilkår for det vederlaget Kunden skal betale for leveransen, går fram av bilag 7.

Utlegg, medrekna reise- og diettkostnader, blir berre dekte i den grad dei er avtalte. Dersom reise- og diettkostnader er avtalt dekt, skal dette spesifiserast særskilt og dekkjast etter statens gjeldande satsar om ikkje andre satsar er avtalt. Reisetid blir berre fakturert dersom det er avtalt i bilag 7.

Med mindre anna er oppgitt i bilag 7, er alle prisar oppgitt i norske kroner, eksklusive meirverdiavgift, men inkludert toll og eventuelle andre avgifter.

6.2Fakturering

Betaling skal skje etter faktura per 30 (tretti) dagar. Fakturaer frå Leverandøren skal spesifiserast og dokumenterast slik at Kunden enkelt kan kontrollere fakturaen mot det avtalte vederlaget. Alle fakturaer for løpande timar skal ha lagde ved ein detaljert spesifikasjon av påkomne timar. Utlegg skal førast opp særskilt.

Dersom Kunden er ei offentleg verksemd, er det eit krav at Leverandøren bruker elektronisk faktura i godkjent standardformat i samsvar med forskrift av 2. april 2019 om elektronisk faktura i offentlege innkjøp.

Dersom Leverandøren ikkje etterkjem krav om bruk av elektronisk faktura, kan Kunden halde tilbake betaling inntil elektronisk faktura i godkjent standardformat blir levert. Kunden skal utan unødig opphald gi melding om dette. Dersom slik melding er gitt, går betalingsfristen frå tidspunktet elektronisk faktura i godkjent standardformat er levert.

Dersom faktura eller fakturagrunnlag inneheld opplysningar som er underlagde lovbestemt teieplikt, og det vil vere fare for avsløring av slike opplysningar, kan krav om elektronisk faktura fråvikast, med mindre det finst tilfredsstillande tekniske sikringsløysingar som sørgjer for konfidensialitet.

Leverandøren må sjølv bere eventuelle kostnader knytte til elektronisk faktura.

Betalingsplan og andre betalingsvilkår går fram av bilag 7.

6.3Forseinkingsrenter

Dersom Kunden ikkje betaler til avtalt tid, har Leverandøren krav på rente av det beløpet som er forfalle til betaling, i samsvar med lov av 17. desember 1976 nr. 100 om renter ved forsinket betaling m.m. (forseinkingsrentelova).

6.4Betalingsmisleghald

Dersom forfalle vederlag med tillegg av forseinkingsrenter ikkje er betalt innan 30 (tretti) dagar frå forfall, kan Leverandøren sende Xxxxxx skriftleg varsel om at Avtalen vil bli heva, dersom oppgjer ikkje er skjedd innan 60 (seksti) dagar etter at varselet er teke imot.

Heving kan ikkje skje dersom Xxxxxx gjer opp forfalle vederlag med tillegg av forseinkingsrenter innan fristen går ut.

6.5Prisendringar

6.5.1Indeksregulering

Prisar for driftstenesta og timepris for tenester kan endrast ved kvart årsskifte tilsvarande auken i konsumprisindeksen til Statistisk sentralbyrå (totalindeksen), første gong med utgangspunkt i indeksen for den månaden Avtalen vart inngått, med mindre annan indeks er avtalt i bilag 7.

6.5.2Endring av offentlege avgifter

Leverandøren sine prisar kan òg endrast i den grad reglar eller vedtak for offentlege avgifter blir endra med verknad for Leverandøren sine vederlag eller kostnader. Leverandøren må fremje og dokumentere kravet skriftleg.

7.Eksterne rettslege krav, personvern tryggleik og tryggleik

7.1Eksterne rettslege krav og tiltak generelt

Kunden skal i bilag 1 identifisere kva rettslege eller partsspesifikke krav som har relevans for inngåing og gjennomføring av denne Avtalen. Det er medrekna i dette Kunden sitt ansvar å konkretisere relevante funksjonelle og tryggleiksmessige krav for leveransen i bilag 1.

Leverandøren skal i bilag 2 beskrive korleis Leverandøren sikrar desse krava gjennom løysinga si.

Kvar av Xxxxxxx har ansvar for å følgje opp dei respektive pliktene sine i samsvar med slike rettslege krav.

Kvar av Partane dekkjer i utgangspunktet kostnadene ved å følgje rettslege krav som gjeld Parten sjølv, og verksemda til Parten. Ved endringar i rettslege krav eller myndigheitskrav som gjeld verksemda til Kunden, og som medfører behov for endringar i leveransen etter avtaleinngåinga, skal Kunden dekkje kostnadane ved endringane og meirarbeidet, jf. kapittel 3.

7.2Informasjonstryggleik

7.2.1Generelt om informasjonstryggleik

Leverandøren skal setje i verk forholdsmessige tiltak for å vareta krav til informasjonstryggleik i samband med gjennomføring av denne Avtalen.

Dette inneber at Leverandøren skal setje i verk forholdsmessige tiltak for å sikre tilgjengelegheit og konfidensialitet med omsyn til dataa til Kunden samt setje i verk tiltak for å sikre at data ikkje kjem på avvegar. Leverandøren skal setje i verk forholdsmessige tiltak mot utilsikta endring og sletting av data og mot angrep av virus og anna skadevaldande programvare.

Leverandøren skal sjå til at leverandørar av tredjepartsleveransar utfører tilstrekkeleg og nødvendig sikring av Kunden sine data.

Dersom Kunden har nærare krav til korleis informasjonstryggleiken skal varetakast frå Leverandøren si side, har Kunden spesifisert dette i bilag 1.

7.2.2Leverandøren si plikt til å halde Xxxxxx sine data åtskilde

Med mindre anna er avtalt i bilag 1, pliktar Leverandøren å halde dataa til Xxxxxx åtskilde frå data frå eventuelle andre partar for å redusere faren for at data blir skadde, og/eller innsyn i data i samband med levering av driftstenesta.

Med "åtskilde" meiner vi at nødvendige tekniske tiltak som sikrar data mot uønskt endring og innsyn, er sette i verk og haldne ved lag. Tilgang frå tilsette hos Leverandøren eller andre som ikkje har behov for informasjonen i arbeidet sitt for Kunden, blir òg rekna som uønskt endring og innsyn.

Dersom Kunden har nærare krav knytte til korleis Leverandøren skal sikre kravet til åtskiljing av data, skal Kunden oppgi dette i bilag 1.

7.3Personopplysningar

7.3.1Plikt til å inngå datahandsamaravtale

Dersom Leverandøren handsamar personopplysningar på vegner av Kunden, pliktar Kunden og Leverandøren å inngå ein datahandsamaravtale i samsvar med personvernforordninga (GDPR) og ei eventuell sektorspesifikk personvernlovgiving som er relevant for verksemda til Kunden.

Utkast til ein datahandsamaravtale er lagt ved som bilag 11. Dersom eigen datahandsamaravtale blir inngått mellom programvareprodusenten og Kunden, skal dette eksplisitt oppgivast i bilag 10, og datahandsamaravtalen som inngår som del av standardvilkår for vedlikehald av tredjepartsprogramvare, gjeld.

Ein datahandsamaravtale må vere inngått før handsaminga av personopplysningar kan startast på.

7.3.2Andre plikter

7.3.2.1Generelt

Personopplysningar som blir handsama under denne Avtalen, kan ikkje overlatast til andre for lagring, tilarbeiding eller sletting utan at det på førehand er henta inn særleg eller generelt skriftleg løyve til dette frå Kunden. Førehandsgodkjende underleverandørar kjem fram i bilag 6.

Leverandøren skal sørgje for at eventuelle underleverandørar Leverandøren bruker, og som handsamar personopplysningar, tek på seg tilsvarande forpliktingar som i dette punktet.

Personopplysningar skal ikkje overførast til land utanfor EU/EØS-området utan rettsleg overføringsgrunnlag og dokumentasjon som påviser at vilkåra for å ta i bruk overføringsgrunnlaget, er oppfylte. Leverandøren skal i eit slikt tilfelle dokumentere dette i bilag 11.

7.3.2.2Erstatning som følgje av brot på personvernforordninga

Partane sitt erstatningsansvar for skade som rammar den registrerte eller andre fysiske personar, og som følgjer av brot på personvernforordninga (forordning 2016/679), personopplysningslova med forskrifter eller anna regelverk som gjennomfører personvernforordninga, følgjer føresegnene i personvernforordninga artikkel 82.

Erstatningsavgrensinga i punkt Error: Reference source not found kjem ikkje til bruk for ansvar som følgjer av personvernforordninga artikkel 82.

Partane er kvar for seg ansvarlege for lovbrotsgebyr som er ilagde i samsvar med art. 83 i personvernforordninga.

8.Eigedoms- og disposisjonsrett

8.1Partane sine rettar

8.1.1Generelt om Partane sine rettar

Denne Avtalen endrar ikkje dei opphavs-, disposisjons- eller eigedomsrettane Partane hadde før Avtalen, eller som dei beheld under gjennomføringa av Avtalen, med mindre noko anna går fram nedanfor eller av bilaga.

8.1.2Kunden sin disposisjonsrett

Kunden får avgrensa disposisjonsrett til alt utstyr og programvare som Leverandøren stiller til rådvelde for Kunden i samband med levering av tenesta. Disposisjonsretten omfattar alle dei verknader som er nødvendige for å nytte tenesta i samsvar med føremålet med Avtalen.

Kvar av Partane kan utnytte samhandlingsplanen uhindra av den andre Parten sin eventuelle opphavsrett. Dette gjeld likevel ikkje dei delane av samhandlingsplanen som eventuelt er underlagde teieplikt.

8.2Tilhøyrande ansvar

Kvar av Xxxxxxx har ansvar for at dei har dei nødvendige autorisasjonane og rettane mv. til maskinvare, infrastruktur, programvare og dokumentasjon som dei bruker under denne Avtalen.

Dersom ein av Partane vil nytte utstyr eller programvare mv. som Parten ikkje sjølv eig eller har rettar til, skal Parten sørgje for at det ligg føre nødvendig godkjenning i form av underliggjande avtale med eigar eller rettshavar, før slikt utstyr eller programvare mv. kan brukast for drift i samsvar med denne Avtalen.

Dersom det blir gjort endringar, betringar eller liknande i samband med tenestene etter denne Avtalen, har Leverandøren ansvaret for at Kunden får den disposisjonsretten som er nødvendig for at utstyr og program framleis kan brukast utan hinder av andre sin opphavsrett eller andre rettar.

8.3Rettar til data

Kunden (og rettsgivarane til denne) beheld rettane til alle data som blir samla inn, overførte, tilarbeidde, lagra eller på annan måte handsama i samsvar med denne Avtalen. Det same gjeld resultatet av handsaming av slike data.

Leverandøren har tilgang til data som nemnt over utelukkande i den graden som er nødvendig for at Leverandøren skal kunne oppfylle forpliktingane sine i samsvar med Avtalen.

Leverandøren har ikkje under noko omstende rett til å utøve tilbakehaldsrett i dataa til Kunden.

9.Misleghald

9.1Kva som blir rekna som misleghald

9.1.1Misleghald frå Leverandøren

Det ligg føre misleghald frå Leverandøren si side dersom driftstenesta ikkje er i samsvar med dei funksjonar, krav og fristar som er avtalte. Det ligg også føre misleghald dersom Leverandøren ikkje oppfyller andre plikter etter Avtalen.

Vesentleg misleghald ligg føre når driftstenesta og/eller andre forhold som Leverandøren i samsvar med denne Avtalen har ansvar for, vik vesentleg frå det som er avtalt, eller er vesentleg forseinka.

Det er ikkje misleghald dersom situasjonen skriv seg frå forhold ved Kunden eller force majeure.

Kunden skal reklamere skriftleg og utan ugrunna opphald etter at misleghaldet er oppdaga eller burde vore oppdaga.

9.1.2Misleghald frå Kunden

Det er misleghald frå Kunden si side dersom Kunden ikkje oppfyller pliktene sine i samsvar med denne Avtalen.

Det er likevel ikkje misleghald dersom situasjonen skriv seg frå forhold hos Leverandøren eller force majeure.

Leverandøren skal reklamere skriftleg og utan ugrunna opphald etter at misleghaldet er oppdaga eller burde vore oppdaga.

9.2Varslingsplikt

9.2.1Leverandøren si varslingsplikt

Dersom etableringsprosjektet, jf. punkt 2.3, eller den ordinære driftstenesta, jf. punkt 2.4, eller andre av ytingane frå Leverandøren ikkje kan leverast som avtalt, skal Leverandøren så raskt som mogleg gi Kunden skriftleg varsel om dette.

Varselet skal spesifisere årsak til problemet og så vidt det er mogleg spesifisere når dei ulike delane av driftstenesta vil bli leverte eller gjorde tilgjengelege. Tilsvarande gjeld dersom det må forventast ytterlegare forseinkingar etter at første varsel er gitt.

9.2.2Kunden si varslingsplikt

Dersom Kunden ikkje kan overhalde pliktene sine etter Avtalen, skal Xxxxxx så raskt som mogleg gi Leverandøren skriftleg varsel om dette.

Varselet skal spesifisere årsak til problemet og så vidt det er mogleg spesifisere når Kunden igjen kan overhalde avtalte plikter. Tilsvarande gjeld dersom det må forventast ytterlegare forseinkingar etter at første varsel er gitt.

9.3Førespurnad frå Leverandøren om Tilleggsfrist

Leverandøren kan be om tilleggsfrist som må godkjennast skriftleg av Kunden for å kunne gjerast gjeldande. Kunden kan stille vilkår for å innvilge ein tilleggsfrist.

For den perioden tilleggsfristen går, kan ikkje Kunden gjere gjeldande dagbot, erstatning eller andre misleghaldsåtgjerder.

Tilleggsfrist har ingen verknad for Kunden sin rett til dagbot eller erstatning som er opparbeidd før tilleggsfristen.

9.4Avhjelp av misleghald

9.4.1Leverandøren si avhjelp av misleghald

Leverandøren skal starte på og gjennomføre arbeidet med å avhjelpe Leverandøren sitt misleghald utan ugrunna opphald.

Det er eit mål for avhjelpa at driftstenesta eller andre forpliktingar som Leverandøren har ansvaret for i samsvar med denne Avtalen, skal oppfylle dei avtalte krava og spesifikasjonane og elles vere i samsvar med det som er avtalt. Avhjelp kan til dømes skje ved utbetring, omlevering eller tilleggslevering.

Dersom Leverandøren ikkje har avhjelpt misleghaldet innan avtalt tidsfrist, eller dersom vilkåra for heving ligg føre, skal Leverandøren dekkje Xxxxxx sine utgifter ved avhjelp frå tredjepartsleverandør. Kunden kan likevel ikkje late ein tredjepart avhjelpe misleghaldet før ein eventuell tilleggsfrist er gått ut.

Kunden skal varsle Leverandøren skriftleg før Xxxxxx engasjerer ein tredjepartsleverandør.

9.4.2Kunden si avhjelp av misleghald

Kunden skal starte på og gjennomføre arbeidet med å avhjelpe Xxxxxx sitt misleghald utan ugrunna opphald.

Kunden er ansvarleg for å avhjelpe misleghaldet på ein slik måte at forhold som Xxxxxx er ansvarleg for i samsvar med denne Avtalen, blir bringa i samsvar med det som er avtalt.

9.5Sanksjonar ved misleghald

9.5.1Prisavslag

Dersom Leverandøren trass i gjentekne forsøk på avhjelp, til dømes ved utbetring, omlevering eller tilleggslevering, framleis ikkje har lykkast i å avhjelpe misleghaldet, kan Kunden krevje eit forholdsmessig prisavslag.

9.5.2Tilbakehaldsrett

9.5.2.1Kunden sitt tilbakehald av betaling

Ved misleghald frå Leverandøren si side kan Kunden halde betalinga tilbake, men ikkje openbert meir enn det som er nødvendig for å sikre Kunden sitt krav som følgje av misleghaldet.

9.5.2.2Avgrensing i Leverandøren sin tilbakehaldsrett

Leverandøren kan ikkje halde tilbake driftstenester som følgje av misleghald frå Kunden si side, med mindre misleghaldet er vesentleg.

Leverandøren kan likevel ikkje halde tilbake driftstenesta dersom Xxxxxx bruker retten sin til mellombels forlenging av Avtalen mot forskotsbetaling som nemnt i punkt 4.3.

9.5.3Dagbot

9.5.3.1Når det ligg føre grunnlag for dagbot

Blir ikkje avtalt tidspunkt for oppstartsdag eller leveringsdag, eller annan frist som Partane i bilag 4 har knytt dagbøter til, overhalden, og det ikkje kjem av force majeure eller forhold hos Kunden, ligg det føre ei forseinking frå Leverandøren si side som gjev grunnlag for dagbot.

Er Leverandøren forseinka til milepålen oppstartsdag eller seinare milepålar som Partane har knytt dagbøter til, så blir dei seinare fristane forskuva tilsvarande det talet på dagar dagbota har gått. Dersom Leverandøren gjennom forsering oppnår å levere oppstartsdag til opphavleg avtalt tid, fell tidlegare påkomne dagbøter bort.

Dagbota kjem automatisk på for kvar kalenderdag forseinkinga varer, men avgrensa til maksimalt 100 (hundre) dagar. Xxxx løpetid for dagbota kan avtalast i bilag 4.

Dersom berre ein del av det avtalte er forseinka til ein Leveringsfrist som er dagbotregulert, kan Leverandøren krevje ei nedsetjing av dagbota som står i forhold til høvet Kunden har til å nyttiggjere seg den delen av det avtalte som er levert.

9.5.3.2Berekning av dagbota

Dagbota utgjer 0,15 % av kontraktssummen for etableringsfasen ekskl. meirverdiavgift for kvar kalenderdag forseinkinga varer.

Dersom forseinkinga gjeld ein delleveranse, skal dagbota utgjere 0,15 % av samla vederlag (ekskl. meirverdiavgift) for den aktuelle delleveransen for kvar kalenderdag forseinkinga varer, men avgrensa til maksimalt 100 (hundre) dagar per delleveranse.

Dersom det ikkje er oppgitt nokon pris for delleveransen i bilag 7, skal dagbota bereknast av den relative andelen delleveransen utgjer av vederlaget for den samla leveransen.

Andre dagbotsatsar, xxxx berekningsgrunnlag og anna løpetid for dagbota kan avtalast i bilag 4. Med mindre anna eksplisitt går gram i bilag 4, skal samla dagbøter ikkje overstige 15 % av samla vederlag for leveransen.

Så lenge dagbota går, kan ikkje Kunden heve Avtalen. Denne tidsavgrensinga gjeld likevel ikkje dersom Leverandøren, eller nokon denne svarer for, har gjort seg skyldig i forsett eller grov aktløyse.

9.5.4Økonomisk kompensasjon for brot på avtalt tenestenivå

Ved brot på avtalt tenestenivå kan Kunden krevje økonomisk kompensasjon i samsvar med standardiserte satsar som er avtalte i bilag 5.

Dersom det trass gjentekne forsøk ikkje har lykkast Leverandøren å avhjelpe mangelfull drift, kan Kunden krevje forholdsmessig prisavslag.

9.5.5Heving

9.5.5.1Kunden sin rett til heving

Ligg det føre vesentleg misleghald, kan Kunden etter å ha gitt Leverandøren skriftleg varsel og rimeleg frist til å bringe forholdet i orden, heve heile eller delar av Avtalen med omgåande verknad.

Kunden kan heve heile eller delar av Avtalen med omgåande verknad dersom driftstenesta er vesentleg forseinka.

Vesentleg forseinking ligg føre når levering ikkje er skjedd når maksimal dagbot er nådd, eller etter utløpet av ein tilleggsfrist dersom den går ut seinare. Vesentleg forseinking ligg òg føre dersom vesentlege delar av driftstenesta etter gjentakande forsøk på utbetring framleis ikkje er i samsvar med Avtalen.

Kunden kan heve avtalen for ein delleveranse når dagbotperioden for den aktuelle delleveransen er gått ut. Dersom forseinkinga er av ein slik art at leveransen som heilskap må reknast for å vere vesentleg forseinka, t.d. fordi det som alt er levert eller seinare skal leverast, ikkje kan brukast utan det som er omfatta av hevingsretten, kan Kunden heve med verknad for heile leveransen.

9.5.5.2Leverandøren sin rett til heving

Ved betalingsmisleghald kan Leverandøren heve Avtalen dersom Xxxxxx ikkje har gjort opp forfalle vederlag innan 60 (seksti) dagar etter at Kunden har fått skriftleg varsel frå Leverandøren i samsvar med punkt Error: Reference source not found.

Ved anna vesentleg misleghald kan Leverandøren sende Xxxxxx skriftleg varsel om at Avtalen vil bli heva dersom Kunden ikkje innan 60 (seksti) dagar etter mottak av varselet har avslutta misleghaldet.

Heving kan ikkje skje dersom Xxxxxx kjem ut av misleghaldssituasjonen før fristen går ut.

9.5.6Hevingsoppgjer

Ved heving i etableringsfasen som kjem av misleghald frå Leverandøren, kan Kunden krevje tilbakebetaling av det som er betalt, med tillegg av renter, tilsvarande NIBOR pluss 1 (éin) prosent, frå det tidspunkt betaling er skjedd.

Dersom heving skjer etter oppstartsdag, har Leverandøren likevel krav på å få behalde driftsvederlaget for den perioden driftstenesta har vore i ordinær bruk hos Kunden, med frådrag av prisavslag i samsvar med punkt 9.5.4 andre avsnitt.

Ved heving i ordinær drift har Leverandøren krav på vederlag for driftstenester som er kontraktsmessig leverte fram til hevingstidspunktet.

Dersom det er nødvendig for verksemda til Kunden, har Xxxxxx rett til å utnytte driftstenestene til Leverandøren som avtalt også etter hevinga, men skal snarast mogleg finne ei alternativ løysing som erstatning for driftstenesta. Dersom hevinga skriv seg frå misleghald frå Kunden si side, kan Leverandøren stille som vilkår for framleis utnytting at Kunden stiller tilfredsstillande trygd. Punkt 2.5 og 4.3 om forlenging, avslutning eller overføring av Avtalen mv. kjem tilsvarande til bruk ved heving.

Dersom Leverandøren krev det, skal alle system og alt materiale Leverandøren eig, i elektronisk eller anna form, uansett medium, leverast tilbake eller slettast eller makulerast på forsvarleg måte. Leverandøren kan be om stadfesting frå ein uhilda revisor på at det er gjort. Kjem hevinga av misleghald frå Kunden, dekkjer han honoraret til revisoren. Ellers blir det dekt av Leverandøren.

9.6Erstatning

9.6.1Partane sine krav på erstatning

Partane kan krevje å få erstatta alle direkte tap, medrekna meirkostnader Partane får ved dekningskjøp, tap som kjem av meirarbeid, og andre direkte kostnader i samband med forseinking, mangel eller anna misleghald på grunn av misleghald frå den andre Parten.

Dagbøter og standardiserte økonomiske kompensasjonar avtalte i bilag 5 kjem til frådrag i ei eventuell erstatning for same forseinking eller hending.

Kvar av Xxxxxxx skal etter beste evne setje i verk tapsavgrensande tiltak i samsvar med alminnelege reglar om lojalitet i kontraktsforhold.

9.6.2Erstatningsavgrensing

Partane kan ikkje krevje erstatning for indirekte tap. Indirekte tap omfattar, men er ikkje avgrensa til, tapt forteneste av all slags art, tapte innsparingar og krav frå tredjepartar med unntak av idømt erstatningsansvar i samsvar med punkt Error: Reference source not found.

Tap av data blir rekna som indirekte tap med unntak av kostnader knytte til rekonstruksjon av data i samsvar med punkt 9.7 og andre direkte kostnader Kunden pådreg seg som følgje av tap av data.

Samla erstatning i avtaleperioden er avgrensa til eit beløp som svarer til kontraktssummen ekskl. meirverdiavgift.

Erstatninga for tap som har med etableringsfasen å gjere, er avgrensa til eit beløp som svarer til kontraktssummen for etableringsfasen ekskl. meirverdiavgift.

Samla erstatning per kalenderår for tap som oppstår etter leveringsdag, er avgrensa til eit beløp som svarer til samla årleg vederlag for driftstenesta ekskl. meirverdiavgift.

Har Leverandøren eller nokon denne svarer for utvist grov aktløyse eller forsett, gjeld ikkje dei nemnde erstatningsavgrensingane.

9.7Rekonstruksjon av data

I tilfelle av tap eller øydelegging av data skal Leverandøren utan ugrunna opphald gjenopprette desse og om nødvendig rekonstruere data.

I den utstrekning tap eller øydelegging av data følgjer av forhold som Leverandøren har ansvaret for, skal gjenoppretting og rekonstruering skje utan ytterlegare vederlag. Med mindre anna er avtalt i bilag 1 og 2, er Leverandøren sitt ansvar for kostnader avgrensa til å gjenopprette data frå siste tryggingskopi, og eit ansvar for meirkostnader som kjem på dersom Leverandøren ikkje har teke tryggingskopi i samsvar med avtalen.

Kostnader knytte til rekonstruksjon av data etter siste tryggingskopi i samsvar med Avtalen kan elles berre belastast Leverandøren dersom årsaka til at data har gått tapt, er at Leverandøren har opptredd aktlaust. Dersom årsaka til tap av data er slik at Xxxxxx skal betale for rekonstruksjonen, skal Leverandøren avklare omfanget med Kunden før arbeidet blir påbyrja. Dersom rekonstruksjon er nødvendig for at løysinga til Kunden skal fungere i ordinær drift, skal arbeidet påbyrjast utan ugrunna opphald, mens avklaring av omfanget går føre seg.

Dersom det er umogleg for Leverandøren åleine å rekonstruere data, skal data i tilfelle som nemnde ovanfor rekonstruerast i samarbeid mellom Partane, eller ved hjelp av tredjepart. Dersom Kunden sitt personale heilt eller delvis står for rekonstruksjonen, skal Leverandøren dekkje dei direkte lønnskostnadene og andre direkte kostnader som kjem på, og i tillegg utlegg og andre direkte kostnader Xxxxxx har dersom tredjepart blir brukt til arbeidet, og eventuelle andre direkte kostnader som er forbundne med rekonstrueringa i den utstrekning tap eller øydelegging av data kjem av forhold Leverandøren har ansvaret for.

I tilfelle av tap eller øydelegging av data som kjem av forhold på Kunden si side, skal Kunden dekkje dei dokumenterte meirkostnadene Leverandøren har, som slike forhold måtte medføre. Dette gjeld likevel ikkje dersom rekonstrueringa blir vanskelegare eller meir tidkrevjande som følgje av at Leverandøren ikkje har følgt dei rutinane for tryggleikskopiering som er avtalte. I dei tilfelle Xxxxxx skal dekkje Leverandøren sine meirkostnader, skal Leverandøren halde Kunden løpande orientert om kva kostnader som kjem til, og Kunden skal ha rett til å påleggje Leverandøren å stanse arbeidet med rekonstruksjonen.

10.Krenking av andre sine immaterielle rettar (rettsmangel)

10.1Partane sin risiko og ansvar for rettsmangel

Kvar av Partane har risikoen og ansvaret for at ytingane deira ikkje krenkjer tredjepartar sin opphavsrett eller andre immaterielle rettar. Dersom ytinga medfører slik krenking, ligg det føre ein rettsmangel.

10.2Krav frå tredjepart

Dersom ein tredjepart gjer gjeldande mot ein av Partane at ytinga medfører rettsmangel, skal den andre Parten informerast skriftleg snarast mogleg.

Den ansvarlege Parten skal for eiga rekning handtere kravet. Den andre Parten skal i rimeleg grad hjelpe Parten med dette.

Ein Part skal starte på og gjennomføre arbeidet med å avhjelpe rettsmanglar utan ugrunna opphald ved:

å sørgje for at den andre Parten kan bruke ytinga som før, utan å krenkje rettane til tredjepart, eller
å levere xxxx tilsvarande yting som ikkje krenkjer andre sine rettar

Dersom rettsmangelen ikkje lèt seg løyse som oppgitt i tredje avsnitt, skal Kunden stanse vidare bruk av løysinga og slette aktuelle programvarekomponentar.

10.3Heving

Ein rettsmangel som ikkje blir avhjelpt, og som er av ein slik art at han har vesentleg betydning for den andre Parten, gir den ramma Parten rett til å heve Avtalen.

10.4Erstatning av tap som følgje av rettsmangel

Ein Part kan krevje å få erstatta fullt ut idømt erstatningsansvar overfor tredjepart og eventuelle sakskostnader, medrekna Parten sine eigne kostnader til handtering av saka, som kjem av rettsmangel. I tillegg kan Parten krevje erstatning for xxxx tap i samsvar med føresegnene i punkt 9.6.

11.Andre føresegner

11.1Forsikringar

11.1.1Kunden sine forsikringar

Dersom Kunden er ei offentleg verksemd, står Kunden som sjølvassurandør. Dersom Kunden ikkje står som sjølvassurandør, pliktar Kunden å ha forsikringar som er tilstrekkelege til å dekkje dei krava frå Leverandøren som følgjer av Kunden sin risiko eller ansvar etter denne Avtalen innanfor ramma av alminnelege forsikringsvilkår.

11.1.2 Leverandøren sine forsikringar

Leverandøren skal ha forsikringar som er tilstrekkelege til å dekkje dei krava frå Kunden som følgjer av Leverandøren sin risiko eller ansvar etter denne Avtalen innanfor ramma av alminnelege forsikringsvilkår. Denne forpliktinga blir rekna som oppfylt dersom Leverandøren teiknar ansvars- og risikoforsikring på vilkår som blir rekna som ordinære innanfor norsk forsikringsverksemd.

Leverandøren skal på førespurnad frå Kunden gjere greie for og dokumentere dei av Leverandøren sine forsikringar som er relevante for oppfylling av denne føresegna.

11.2Overdraging av rettar og plikter

11.2.1Kunden si overdraging

Dersom Kunden er ei offentleg verksemd, kan Xxxxxx overdra rettane og pliktene sine etter denne Avtalen til ei anna offentleg verksemd.

Den verksemda som Kunden overdreg rettane og pliktene sine til, har krav på tilsvarande vilkår, så framt rettane og pliktene i Avtalen blir overdregne samla.

11.2.2Leverandøren si overdraging

Leverandøren kan berre overdra rettane og pliktene sine etter Avtalen med skriftleg samtykke frå Kunden.

Dette gjeld òg dersom Leverandøren blir delt i fleire selskap, eller dersom overdraginga skjer til eit dotterselskap eller anna selskap i same konsern. Det gjeld derimot ikkje dersom Leverandøren blir slegen saman med eit anna selskap. Samtykke kan ikkje nektast utan sakleg grunn.

Xxxxxx Xxxxxx er ei offentleg verksemd, gjeld retten til overdraging i avsnittet over berre dersom den nye leverandøren oppfyller dei opphavlege kvalifikasjonskrava, dersom det ikkje blir gjort andre vesentlege endringar i kontrakten, og dersom overdraging ikkje skjer for å omgå regelverket om offentlege innkjøp.

Retten til vederlag etter denne Avtalen kan fritt overdragast. Slik overdraging fritek ikkje den overdragande Parten frå forpliktingane og ansvaret vedkomande har.

11.3Konkurs, akkord e.l.

Dersom det i samband med Leverandøren si verksemd blir opna gjeldsforhandlingar, akkord eller konkurs, eller ei anna form for kreditorstyring gjer seg gjeldande, har Kunden rett til å heve Avtalen med omgåande verknad, så framt ikkje anna følgjer av ufråvikeleg lov.

11.4Force majeure

Skulle det inntreffe ein ekstraordinær situasjon som ligg utanfor Partane sin kontroll som gjer det uråd eller uforholdsmessig vanskeleg å oppfylle plikter etter denne Avtalen, og som etter norsk rett må reknast som force majeure, skal motparten varslast om dette så raskt som mogleg.

Den ramma Part sine forpliktingar blir suspenderte så lenge den ekstraordinære situasjonen varer. Motytingane frå den andre Parten blir suspenderte i same tidsrom.

Motparten kan i force majeure-situasjonar berre avslutte Avtalen med samtykke frå den ramma Parten, eller dersom situasjonen varer eller er venta å ville vare lenger enn 90 (nitti) dagar rekna frå det tidspunktet situasjonen oppstår, og då berre med 15 (femten) dagars varsel.

Kvar av Partane dekkjer sine eigne kostnader knytte til avslutning av Avtalen. Kunden betaler avtalt pris for den delen av ytinga som var kontraktsmessig levert før Avtalen vart avslutta. Partane kan ikkje rette andre krav mot kvarandre som følgje av avslutning av Avtalen etter denne føresegna.

I samband med force majeure-situasjonar har Partane gjensidig informasjonsplikt overfor kvarandre om alle forhold som må ventast å vere viktige for den andre Parten. Slik informasjon skal givast så raskt som mogleg.

11.5Risiko

Risiko for maskinvare, infrastruktur og program ligg til den Parten som fysisk har utstyret eller programma hos seg, eller under sin kontroll.

12.Tvistar

12.1Forhandlingar

Dersom det oppstår ein tvist mellom Partane om tolkinga eller rettsverknadene av Avtalen, skal ein søkje å løyse tvisten gjennom forhandlingar.

Dersom slike forhandlingar ikkje fører fram innan 10 (ti) vyrkedagar, eller ein annan periode Partane blir samde om, kan kvar av Xxxxxxx ta initiativ til at tvisten blir handsama ved hjelp av ein uavhengig ekspert eller mekling.

12.2Uavhengig ekspert

Partane skal i samband med inngåinga av Avtalen nemne opp ein uavhengig ekspert som blir spesifisert i bilag 6, med den kompetansen Partane meiner passar best til Avtalen. Dersom dette ikkje er gjort, kan Xxxxxxx bli samde om oppnemninga av ein uavhengig ekspert på tvistetidspunktet.

Partane skal på førehand velje anten

å leggje forslaget til løysing frå eksperten til grunn (bindande) eller
å bruke forslaget frå eksperten som grunnlag for sjølve å kome fram til ei løysing (rådgivande)

Den nærare framgangsmåten for arbeidet blir fastsett av den uavhengige eksperten i samråd med Partane.

12.3Mekling

Dersom ein tvist i tilknyting til denne Avtalen ikkje blir løyst ved forhandlingar, kan Xxxxxxx forsøke å løyse tvisten ved mekling.

Mekling kan også nyttast utan føregåande bruk av uavhengig ekspert.

Den nærare framgangsmåten for meklinga blir fastsett av meklaren, i samråd med Partane.

12.4Domstols- eller skilsdomshandsaming

Partane sine rettar og plikter etter denne Avtalen blir i heilskap fastsette av norsk rett.

Dersom ein tvist ikkje blir løyst ved forhandlingar eller mekling, kan kvar av Partane forlange at tvisten blir avgjort med endeleg verknad ved norske domstolar.

Verneting er ved Kunden si forretningsadresse.

Partane kan alternativt avtale at tvisten blir avgjort med endeleg verknad ved skilsdom.

*****

Document Metadata

SSA-D 2024

Document Metadata