SULEQATIGIINNISSAMUT ISUMAQATIGIISSUT

SULEQATIGIINNISSAMUT ISUMAQATIGIISSUT

Kommune Qeqertalik aammalu Kalaallit Nunaannilu Timersoqatigiit Kattuffiata suleqatigiinnissamut isumaqatigiissutaat

Suleqatigiinnissamut isumaqatigiissutip siunertaa

Suleqatigiinnissamut isumaqatigiissummi matumani Kommune Qeqertalik Kalaallit Nunaannilu Timersoqatigiit Kattuffiata (matuma kingorna ”suleqatigiittut” taagorneqassapput) akornanni suleqatigiiffiusinnaasunut periarfissat suunersut nassuiaatiginissaat siunertaavoq.

Suleqatigiinnissamut isumaqatigiissutip uuma suleqatigiit siunissami qaninnerusumi suleqatigiinnissamik siunertaqarnerat taamaallaat naqissusermagu, suleqatigiit tamatuma kingorna suleqatigiinnermi sinaakkutissanik aalajangersaanissamut tigussaasunik isumaqatigiissuteqarniarumaarput.

Taamaammat suleqatigiinneq Kommune Qeqertalik ataatsimoorluni peqqissuunissamut, timersoqatigiinnissamut kikkunnillu tamanik inissaqartitsilluni ataatsimoorfeqarnissamut suliniutit patajaallisarnissaannik pingaarnertut siunertaqarpoq, tassungalu ilaallutik:

1) Kommune Qeqertalik-mi innuttaasut kikkulluunniit najukkami timersornissamut neqeroorutit aqqutigalugit ajornaatsumik peqqissuunissamut, timersornissamut kikkunnillu tamanik inissaqartitsilluni ataatsimoorfinnut peqataanissamut periarfissaqassasut.

2) Innuttaasut timersornerulernermik, atugarissaarnerulernermik peqqinnerulernermillu angusaqarfiusunik avatangiiseqartinnissaat

3) Kinguaariit timersornikkut ataatsimoorfeqartilerlugit

Aallarniut

Suleqatigiit ataatsimoorlutik Kommune Kommune Qeqertalik -mi innuttaasunut kikkunnik tamanik inissaqartitsisumik peqqinnartumillu avatangiiseqartitsinissaq takorluugaraat. Tassunga ilanngullugu kommunimi inuunerissaarnissaq anguniarlugu pingaarnertut aallussanut tapersiutitut sunngiffimmi eqeersimaartumik pimoorussisumillu inuuneqarnissaq sammineqangaatsiarpoq.

Kalaallit Nunaanni Timersoqatigiit Kattuffiat nunatsinni innuttaasut nunarsuarmi timimik aalatitsinerpaanngornissaannik takorluugaqarpoq. Kalaallit Nunaanni Timersoqatigiit Kattuffiata timersornerup timimillu aalatitsinerup kalaallit inuunerissaarnerulernissaannut aqqutissiuussisinnaanerat upperaa, matumanilu pinnguarneq, timimik aalatitsineq, nuannaarneq, ataatsimoorneq pinngortitamilu misigisassarsiorneq qitiupput. Tamatuma angunissaanut kattuffiit, peqatigiiffiit, pisortaqarfiit suliffeqarfiillu namminersortut akornanni pimoorussilluni suleqatigiittoqartariaqarpoq.

Aaqqissuulluakkamik tamakkiisumillu isiginnilluni sulinikkut suliassaqarfiit assigiinngitsut akimorlugit ataatsimoorussamillu tunaartaqarluni suleqatigiinnissaq pisariaqarpoq. Tamanna Kommune Qeqertalik -mi innuttaasut peqqinnerusumik eqeersimaarnerusumillu inuuneqarnissaat inuunerissaarnerulernissaallu qulakkeerneqassappata pisariaqarpoq.

Tusagassiutinut nalunaarutit attaveqarnerlu

Takorluukkanut isumaqatigiissut najukkami nunalu tamakkerlugu tusagassiutitigut paasissutissiissutigineqassaaq. Suleqatigiinnissamut isumaqatigiissut Kommune Qeqertalik

-up kiisalu Timersoqatigiit Kattuffiata nittartagaasigut inuillu nittartakkatigut katerittarfiisigut immikkut ittumik sammineqassaaq. Ingerlaavartumik attaveqaqatigiittarnerit suliniullu pillugu oqaaseqartarnerit suleqatigiit akornanni isumaqatigiissutigineqarlutillu ataqatigiissarneqassapput, taamatuttaarlu isumaqatigiissusiorneq tamaat isigalugu ataatsimoorussamik attaveqaqatigiinnissamut najoqqutassiortoqassaaq. Suliniutip ingerlanerani attaveqaqatigiinneq ersarissuserlu iluatsilluassappata taakkuninnga suliaqartussanik immikkoortitsisoqassaaq.

Suliniutip ingerlarnga

Timersoqatigiit Kattuffiata kiisalu Kommune Qeqertalik-up isumaqatigiissutinik, aqutsisoqatigiit suleqatigiissitallu ataatsimiinnerinut imaqarnilianik killiffissiorlunilu ataatsimiinnernik isumaginnittussanik sulisussaqartitsissapput. Tassunga ilanngullugu suleqatigiinnissamut isumaqatigiissutip ingerlanissaanut pilersaarusiortoqassaaq, matumani ilaatigut siunertaq, suliassat piffissarititarlu nassuiaatigineqassallutik.

Suleqatigiinnissamut isumaqatigiissut Kommune Qeqertalik-mi innuttaasut timersornerisa, timikkut tarnikkullu peqqinnerisa inuunerissaarnerisalu siuarsarnissaannut toqqammavissiivoq. Suleqatigiinneq innuttaasut kommunillu qaninnerusumik suleqatigiinnerannik kiisalu Namminersorlutik Oqartussanik, aningaasaateqarfinnik, kattuffinnik inuussutissarsiortunillu suleqateqarnerulernermik imaqartumik pilersaarusiorluni suliniuteqarnissamut ammaassivoq.

Tamatigut najoqqutassaq

Suleqatigiit suleqatigiinnissamut isumaqatigiissutip matuma illuatungeriinnut tamanut sutigullu tamatigut inatsisitigut pituttugaaffiunnginnera isumaqatigiissutigalugu, tamatumalu kingorna nassuiaatinut, suliniutip pilersaarusiorneranut, pisinnaatitaaffinnut, isumalluutinik aalajangersaanernut assigisaannullu sinaakkutiviusussanik aalajangersaanissaminnut periarfissarsiorniarput.

Suleqatigiinnissamut isumaqatigiissutip matuma tamatumalu kingorna isumaqatigiissutit imaluunniit isumaqatigiissutaasinnaasut, illuatungeriit suliniutinut assingusunut atatillugu allanik suleqateqarsinnaanerannik killilersuinissaq siunertarinngilaa.

Atsiortut

Kommune Qeqertalik Timersoqatigiit Kattuffiat

Borgmester Siulittaasoq

Xxx Xxxxxx Xxxxx Xxxxxxx