Contract

URUKIKO RW’IKIRENGA RURI I KIGALI, RUHABURANISHIRIZA IMANZAZ’UBUCURUZI, RUKIJIJE NONE KUWA 27/02/2009, URUBANZA RCOMAA 0007/07/CS MU BURYO BUKURIKIRA:

I. ABABURANA

- XXXXXXXXX Xxxx Xxxxx Xxxxxxx, B.P 1775 Kigali, (wajuriye)

- UWINGABIRE Spéciose Xxxxxx (wajuriye)

II. IKIBURANWA: Gusesa amasezerano y’ubugure bw’izina ry’ubucuruzi OKAPI CAR, gusesa sosiyete NEW OKAPI CAR SARL, indishyi zinyuranye, n’amafaranga y’ikurikirana rubanza.

IMITERERE Y’URUBANZA

[1] Intandaro y’uru rubanza ni amasezerano y’ubugure RUMANYIKA yagiranye na UWINGABIRE ku wa 30/03/2005, RUMANYIKA akaba yaragurishije UWINGABIRE Sosiyete OKAPI CAR, ku mafaranga 30.000.000, UWINGABIRE amuha sheki ebyiri zagombaga kwishyurwa, iya mbere ku wa 15/04/2005, xxx xxxxxx ku wa 15/07/2005;

[2] Xxxx xxx xxxxxxxxxx, bateganyijemo ingingo ivuga ko iseswa xxxxx xxxx iyo UWINGABIRE atishyuye mu buryo yumvikanyeho, RUMANYIKA rero xxxxx xxx xxx xxxxxxxx aregera iseswa ry’ayo masezerano avuga ko UWINGABIRE atishyuye nk’uko bari babisezeranye, UWINGABIRE we agahamya ko yarangije kumwishyura.

IMIGENDEKERE Y’URUBANZA

A. MU NKIKO ZABANJE

[3] Uru rubanza rwatangiriye mu Rukiko Rwisumbuye rwa Nyarugenge rwanditswe kuri n° 1886/05/TP/kig, XXXXXXXXX Xxxx Xxxxx Xxxxxxx xxxxx Mme UWINGABIRE Spéciose Xxxxxx na NEW OKAPI CAR SARL asaba gusesa amasezerano y’ubugure bw’izina ry’ubucuruzi OKAPI CAR, gusesa sosiyete NEW OKAPI CAR SARL, indishyi zinyuranye, n’amafaranga y’ikurikirana rubanza.

[4] Urwo rukiko ruca urubanza kuwa 19/09/2006, rutegeka ko amasezerano yo kuwa 30/03/2005 yakozwe hagati ya Rumanyika na UWINGABIRE agumana agaciro kayo, xxxxx Xxxxxxxxxx agaha Rumanyika amafaranga 19.000.000Frws yasigaye ku kiguzi cya 30.000.000Frw bari barumvikanye, Rumanyika nawe akagomba kwishyura UWINGABIRE indishyi zihwanye n’amafaranga 62.454.693 frw yamujukije.

[5] RUMANYIKA na UWINGABIRE bajuririye Urukiko Rukuru rwa Repubulika, ruca urubanza RCOM.A124/06/HC/KIG ku wa 20/09/2007 rutegeka ko RUMANYIKA asubirana izina rya sosiyete OKAPI CAR, amaparikingi n’ibiro byayo, ariko nawe agasubiza UWINGABIRE amafaranga 15. 000. 000 agize igice cy’ikiguzi atamuhaye.

B. MU RUKIKO RW’IKIRENGA

[6] Ku italiki ya 18/10/2007 UWINGABIRE Spéciose yajuririye Urukiko rw’Ikirenga, RUMANYIKA JMV nawe ajurira uru Rukiko ku italiki ya 19/10/2007.

[7] Mu cyemezo n° 0007/07 cyo ku wa 27/12/2007 cy’umucamanza w’ibanzirizasuzuma, yemeje ko ubujurire bwa RUMANYIKA JMV n’ubwa UWINGABIRE Spéciose bwaje mu buryo no mu nzira zemewe n’amategeko, xxxxx xx buri mu bubasha bw’Urukiko rw’Ikirenga, nyuma Itegeko n°0002/2008/RCOM ryo kuwa 18/02/2008 xxx Xxxxxxxx w’Urukiko rw’Ikirenga rishyira iburanisha ry’urubanza ku wa 25/03/2008.

[8] Ku italiki ya 25/03/2008 urubanza rwari rwahamagamweho, rwimuriwe ku wa 25/05/2008 kuko Me RWANGAMPUHWE uburanira UWINGABIRE yamenyesheje Urukiko ko arwaye, kuri iyo taliki nanone rwimurirwa ku ya 10/07/2008 nyuma y’uko Me RWANGAMPUHWE yasabye ko abo baburana babanza kumushyikiriza impapuro z’ibaruramari (pièces comptables) za OKAPI CAR, kuri iyo taliki ya 10/07/2008 urubanza ruraburanishwa, hitabye RUMANYIKA, yunganiwe na Me MUNDERERE Xxxxxxx xxxxx na Me NKURUNZIZA Xxxx Xxxxxxxxxxx, naho UWINGABIRE Spéciose ahagarariwe na Me RWANGAMPUHWE Xxxxxxxx na Me BIGARABA Xxxx, iburanisha riba mu buryo bukurikira :

[9] Nyuma ya raporo y’umucamanza wateguye urubanza, Me MUNDERERE Xxxxxxx xxxxxx ijambo ngo asobanure impamvu z’ubujurire bwa RUMANYIKA, abanza gusobanura inkomoko y’urubanza avuga ko RUMANYIKA yari afite sosiyete OKAPI CAR yo gutwara abantu, UWINGABIRE nawe akagira iyitwa KIVU BEACH, baza kumvikana ko UWINGABIRE agura OKAPI CAR ku mafaranga 30.000.000 frw, banumvikana uburyo n’igihe UWINGABIRE yagombaga kwishyurira amasheki yari yahaye RUMANYIKA.

[10] Yavuze ko igihe cyo kwishyura kigeze UWINGABIRE atishyuye, akaba nta n’amafaranga ahagije yari kuri konti ye, ibyo rero xxxxx xxx byo byatumye RUMANYIKA ashaka inzira zo gusesa amasezerano y’ubugure; anavuga xxxxx xx UWINGABIRE yari yaranasabye RUMANYIKA gukodesha za « parkings » za OKAPI CAR, RUMANYIKA yemera kuzimukodesha, ku mafaranga 500.000 frw ku kwezi.

[11] Me MUNDERERE yanasobanuye ko nyuma RUMANYIKA yaje gupiganirwa isoko rya Leta ryo gutwara abantu, araritsindira ariko ntiyarihabwa kubera ikibazo cy’amafaranga Leta yamwishyuzaga, noneho yumvikana na UWINGABIRE ko ari we ujya gusinya kugira ngo iryo soko riboneke, banumvikana uko bazakorana ku byerekeye iryo soko, nyuma ariko rimaze kuboneka, UWINGABIRE ashaka kuritwara ryose wenyine, ibibazo bivuka bityo hagati yabo.

[12] Yabwiye Urukiko ko UWINGABIRE yahereye kuri ya masezerano y’ubugure akora amategeko mashya agenga sosiyete (statuts) ahindura izina rya OKAPI CAR ayita NEW OKAPI CAR, RUMANYIKA rero akaba yararegeye urukiko asaba ko amasezerano y’ubugure yari yagiranye na UWINGABIRE yaseswa kuko atayubahirije.

[13] Me XXXXXXXXXX X. Xxxxxxxxxxx nawe wunganira RUMANYIKA yahawe ijambo, avuga ko Urukiko Rukuru rwa Repubulika rwemeye ko amasezerano yabaye hagati ya RUMANYIKA na UWINGABIRE agomba kuvaho, nyamara ntirwagena indishyi zo kuba atarubahirijwe, ngo kuko nta bimenyetso RUMANYIKA azitangira, kandi nyamara rwiyemerera, ko RUMANYIKA yatanze ibimenyetso.

[14] Mu gusobanura impamvu z’ubujurire, Me MUNDERERE yavuze ko hari inyandiko ikomeye Urukiko Rukuru rwa Repubulika rwirengagije, rushingira kuri « bordereau de versement » yakozwe na UWINGABIRE Spéciose ku wa 12/04/2005, rwemeza ko hari amafaranga 11.000.000 frw RUMANYIKA yabonye ku bugure bwa OKAPI CAR, kandi nyamara iyo ayo mafaranga aba ay’ubwo bugure baba barabyanditse nk’uko ubugure ubwabwo bwari bwanditse, ayo mafaranga ahubwo akaba yari ay’ubukode bwa « parkings », ndetse avoka CYIMANA waburaniraga UWINGABIRE akaba yarabyemeye mu myanzuro ye yanditse.

[15] Yavuze ko andi mafaranga RUMANYIKA yemera ko yabonye ari 4.000.000 frw yashyikirijwe na MUNYARUGERERO abisabwe na UWINGABIRE, xxxx xxxxx xxxx xxx kwishyura « parking » kandi uburyo bwo gukodesha « parkings » bukaba bwari bwaravugiwe mu nama yabaye ku wa 12/06/2005 UWINGABIRE xxxxx, xx’uko bigaragazwa n’inyandikomvugo y’iyo nama iri muri dosiye, akaba yaremeye, mu masezerano yo ku wa 16/06/2005 ko azajya akodesha

« parkings » ku mafaranga 500.000 frw, Uwingabire rero akaba nta mafaranga y’ubugure bwa OKAPI CAR yigeze yishyura xxx xxx yavanwa mu kiguzi.

[16] Me MUNDERERE yavuze xxxxx xx Urukiko Rukuru rwa Repubulika rutagombaga kwima RUMANYIKA indishyi kandi yaragaragaje ishingiro ryazo nk’uko biboneka mu myanzuro yari yatanze, indishyi RUMANYIKA yasabaga zikaba zarageraga kuri 289.229.955 frw .

[17] RUMANYIKA nawe yahawe ijambo yongeraho ko mu ndishyi abamuburanira bavuze, bibagiwemo impozamarira zingana na 150.000.000 frw zo kuba yaratejwe urubwa n’igisebo ku maradiyo, naho ku byerekeye ibindi bimenyetso hakaba harebwa inyandikomvugo z’inama bagiye bakora kenshi ndetse n’inyandiko zerekana uburyo yayoboraga imirimo muri iyo sosiyete.

[18] Me BIGARABA uburanira UWINGABIRE we yasabye Urukiko kuzagereranya ibyo Me MUNDERERE aruvugiyemo n’imyanzuro barushyikirije, rukazibonera uburyo ababuranira RUMANYIKA bivuguruza ; akaba xxx xxxx ubwo buryo banyuranya ibyo banditse mu myanzuro batanze mu Rukiko Rukuru rwa Repubulika n’ibyo bavugira mu Rukiko rw’Ikirenga ; bikaba binatangaje kwumva RUMANYIKA asa n’uwihakana amasezerano y’ubugure bwa OKAPI CAR yagiranye na UWINGABIRE ayita ko ari ” igisa nayo” ngo ariko atari yo nyakuri.

[19] Yasobanuye ko ukuri xxx xxx RUMANYIKA yabwiye UWINGABIRE ko yagiranye ibibazo na Leta, akaba rero yifuza kujya gukorera ahandi mu mahanga, asaba UWINGABIRE kugura OKAPI CAR, babyemeranywa ho ku wa 30/03/2005, UWINGABIRE amuha sheki ebyiri no muri kontaro bavuga amataliki zizishyurirwaho, ariko mu gihe ayo matariki yari ataragera, RUMANYIKA yaka UWINGABIRE amafaranga amubwira ko afite ibibazo, nibwo UWINGABIRE amuhaye amadolari ya Amerika 15.000 mu ntoki, yongera kumuha 6.640.000 frw, nyuma ku italiki ya 18/04/2005 UWINGABIRE amushyirira 11.000.000 frw kuri konti , kahaba hari n’andi mafaranga 4.000.000 UWINGABIRE yamuhaye abinyujije kuri MUNYARUGERERO, ubu noneho ababuranira RUMANYIKA bakaba babyemera, barabanje kubihakana mu Rukiko Rwisumbuye.

[20] Me BIGARABA yavuze ko RUMANYIKA yashubije UWINGABIRE amasheki yari yamuhaye ariko kubera icyizere ntiyirirwa amwaka inyandiko y’uko amushubije ayo masheki, ndetse UWINGABIRE yemera ko RUMANYIKA amubera umukozi nk’umuyobozi (Directeur) muri sosiyete ya UWINGABIRE, kuba yaramubereye umukozi bikaba binagaragazwa n’uko hari icyemezo cy’umukoresha (attestation de services rendus) RUMANYIKA yitangiye abyemeza.

[21] Xxxxxxxxxx ko UWINGABIRE yaje gupiganirwa xxxx Xxxx xxxxx xxx xxxxxxx xxxxxx, ararihabwa maze ku wa 31/08/05 asinyana amasezerano xx Xxxxxxxxx y’Ibikorwa Remezo, hanyuma RUMANYIKA atangira gukora nabi bituma UWINGABIRE agirana ibibazo xx Xxxxxxxxx y’Ibikorwa Remezo ku buryo habaye n’inyandiko hagati ya OKAPI CAR n’iyo Ministeri, nibwo UWINGABIRE yandikiye RUMANYIKA amubwira ko amwirukanye, noneho RUMANYIKA nawe yandika avuga ko yeguye ku mirimo ye , nyuma nibwo noneho yanditse avuga ngo asheshe amasezerano y’ubugure bwa OKAPI CAR yitwaje ko nta nyandiko yakoreye UWINGABIRE igaragaza ko uyu amwishyuye, akurikizaho no kumurega mu rukiko ngo asaba iseswa ry’ayo masezerano.

[22] Yavuze xxxxx xx inyandiko ababuranira RUMANYIKA bavuga z’amasezerano y’ubukode bwa « parking » ari impimbano, xxxxx xx mu Rukiko rwisumbuye rwa Nyarugenge babajijwe igihe UWINGABIRE yaba yarananiwe kwishyurira basubiza ko ari mu kwezi kwa xxxx 2005 nyamara ntibabasha gusobanura uko muri uko kwezi UWINGABIRE yahaye RUMANYIKA amafaranga.

[23] Yanavuze ko ibyerekeye inyandiko z’inama zivugwa zabayeho koko RUMANYIKA ayobora xxxxx xx’ umuyobozi (Directeur) ariko ko ibizikubiyemo bitakwemezwa ho ukuri kuko hari abari bazirimo nka BUCUMI bahamagawe mu rukiko barabihakana;

[24] Me RWANGAMPUHWE nawe yahawe ijambo avuga ko RUMANYIKA yatangiye kwica amasezerano mu kwezi kwa mbere kwo kuyashyira mu bikorwa, kuko mu kwezi kwa gatatu 2005 yasohoye lisiti yo guhembera ho abakozi ba Hotel OKAPI yishyura n’imisoro y’abo bakozi.

[25] Yavuze xxxxx xx RUMANYIKA amaze kugurisha « Fonds de commerce » ya OKAPI CAR yashyizeho sosiyete yo gutwara abantu SOTRA, guhera ku italiki ya 27/05/2005, kugirango atambamire OKAPI CAR yari yagurishije kandi yari

ataranasesa amasezerano y’ubugure, ku wa 13/06/2005 atangira gukodesha xxx imodoka zihagarara « parkings ».

[26] Yabwiye Urukiko ko RUMANYIKA ahora ahindura ikirego n’imvugo ze; ko ku rwego rwa mbere umuburanira, Me MUNDERERE yavuze ko RUMANYIKA yasheshe amasezerano kubera kutishyurwa nyamara ntanavuge ko hari amafaranga yabonye, naho Me NKURUNZIZA akavuga ko yayasheshe babyumvikanyeho, ashingiye ku ihame « Non adempti contractus…» rivuga ko umwe mubagiranye amasezerano ashobora kudakora iki n’iki kubera ko n’undi atayubahirije, agahindura ngo ntibabyumvikanyeho ngo ahubwo babisabye urukiko, naho Me RWAGATARE we akavuga ko RUMANYIKA yasheshe amasezerano ashingiye ku ngingo ya 8 yayo yateganyaga ko yaseswa mugihe UWINGABIRE yaba atishyuye.

[27] Yongeyeho ko kuba ababuranira RUMANYIKA bavuga noneho mu Rukiko rw’Ikirenga ngo habaye igisa n’amasezerano atari yo (contrat simulé) ari uguhindura ikirego, mu buryo bunyuranyije n’ingingo ya 4 n’iya 2 z’Itegeko rigenga imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi, Urukiko rwajuririwe rukaba rutakwakira ikirego mu ngingo zitaburanishijwe mbere, ari byo bita « effet dévolutif de l’xxxxx », ibi bikaba binareba ibyo ababuranira RUMANYIKA basaba ngo bijyanye n’umubare w’amafaranga yakoreshwaga mu bucuruzi ( chiffre d’affaire) babariraho 25% .

[28] Me RWANGAMPUHWE yasabye Urukiko rw’Ikirenga ko, rushingiye ku ngingo ya xxxx yavuzwe haruguru, rwakuraho urubanza rwaciwe n’Urukiko Rukuru rwa Repubulika kuko rwarengereye, maze rugaca urubanza gusa ku kirego n’imyanzuro byatanzwe bwa mbere mu Rukiko rwisumbuye rwa Nyarugenge ;

[29] Yanavuze ko Xxxxxxx Xxxxxx rwa Repubulika rwanyuranyije kandi n’ingingo ya 147 y’Itegeko rigenga imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi, kuko hari byinshi byemejwe n’abagabo rukabyiregagiza.

[30] Yasobanuye ko RUMANYIKA yagiye gusaba urukiko ko rwasesa amasezerano kuko nyine yumvaga akiriho, kandi n’ingingo ya 182 y’Igitabo cya xxxxxx xx’urwunge rw’amategeko mbonezamubano ikaba ivuga ko iseswa ry’amasezerano risabwa urukiko, RUMANYIKA rero akaba atarashoboraga guhita yisubiza ibyo yagurishije.

[31] Me RWANGAMPUHWE yavuze xxxxx xx Urukiko Rukuru rwa Repubulika rwanyuranyije n’ingingo ya 133 y’Igitabo cya xxxxxx xx’urwunge rw’amategeko mbonezamubano kuko rwagarukiye gusa kwemeza ko amasezerano atubahirijwe ntirwagira ikindi rukora, yongeraho ko ingingo ya 182 y’icyo gitabo igaragaza ko iseswa ry’amasezerano ritikora ubwaryo, ibi kandi bikaba bitandukanye n’ibyerekeye ihame « Non adempti contractus…» ryavuzwe haruguru.

[32] Yavuze ko ingingo ababuranira RUMANYIKA bashingira ho zo mu Itegeko rigenga itangwa ry’ibimenyetso atari zo zikwiye kurebwa kuko uru rubanza ruri mu rwego rw’ubucuruzi, xxx ikimenyetso icyo ari cyo cyose gishobora gutangwa, cyane cyane icy’uko, hakurikijwe ingingo ya 6 y’amasezerano y’ubugure, RUMANYIKA

xxxxxxxxx UWINGABIRE sheki yari yamuhaye, bikaba bigaragaza ko yari yishyuwe, naho kuvuga ko yazimushubije kuko nta mafaranga yari kuri konti bikaba atari ukuri ;

[33] Yanavuze ko Xxxxxxx Xxxxxx rwa Repubulika rwanyuranyije kandi n’ingingo ya 354 y’Itegeko rigenga imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi kuko rwanze gusubiza ku myanzuro n’ingingo za UWINGABIRE zijyanye no kuba RUMANYIKA yemera ko yabaye Directeur, umukozi ariko ntasobanure icyatumye adakora remise reprise, kimwe no kuba RUMANYIKA na UWINGABIRE bari bakwiye gutandukanywa hashyizwe ahagaragara inyandiko zigaragaza ibyakozwe (état des comptes) kugira ngo zigaragaze icyo umwe yaba agomba undi, hatabaye kuvanga ngo « Groupe OKAPI », iri mo ibya Hotel n’ibyo gutwara abantu kandi ibyo gutwara abantu yari yarabigurishije ;

[34] Me Rwangampuhwe yavuze xxxxx xx Urukiko Rukuru rwa Repubulika rwanyuranyije n’ingingo ya 337 y’Igitabo cy’amategeko mbonezamubano iteganya ko uwashinzwe ibintu nk’intumwa agomba kubisubiza uwabimushinze, hamwe n’icyo byabyaye n’inyungu, ibyo bikaba binagaragara mu ngingo ya 51 y’Igitabo cya gatatu cy’Urwunge rw’amategeko mbonezamubano, UWINGABIRE rero akaba akwiye guhabwa indishyi z’igihombo RUMANYIKA yamuteje amubuza gukoresha ibye (jouissance), no kuba yarabangamiye ubucuruzi bwa sosiyete ye(concurrence).

[35] Yabwiye Urukiko ko nihasuzumwa icyo buri wese yaba agomba undi, bizagaragara ko ntacyo UWINGABIRE agomba RUMANYIKA, ko ahubwo xxx xxx umugomba byinshi, xxxx xxxx XXXXXXXXX asaba byo guhuza imibare n’igihe (actualisation) n’iby’amafaranga yacurujwe(chiffre d’affaires) bikaba nta shingiro bifite ;

[36] Yavuze ko kontaro ababuranira RUMANYIKA bavuga ngo yo kubeshya Leta(simulation) ntayigeze ibaho, xxxxx xx RUMANYIKA kugeza n’ubu ari umukozi wa UWINGABIRE kuko nta seswa ry’amasezerano ryigeze ribaho, asoza avuga ko UWINGABIRE yaka indishyi z’akababaro za 150.000.000 frw, hamwe n’amafaranga RUMANYIKA yakoreye ahereye ku masezerano yagiranye na UWINGABIRE .

[37] RUMANYIKA yahawe ijambo asobanura ko yashubije UWINGABIRE sheki ze amaze kubura ubwishyu kuri konti, kuba UWINGABIRE yarazakiriye bikaba kwari ugusesa amasezerano, yongeraho ko atigeze aba umukokozi wa UWINGABIRE xxxxx xx nta kontaro y’akazi bagiranye, n’ibyo kwegura bikaba bitarigeze bibaho ;

[38] Abajijwe uwatsindiye isoko ryo gutwara abantu, RUMANYIKA yashubije ko ariwe waripiganiye akanaritsindira maze rigahabwa OKAPI CAR, UWINGABIRE agasinya mu izina ry’iyo sosiyete nk’intumwa ye imuhagarariye.

[39] Yavuze ko UWINGABIRE atari guhabwa isoko atararipiganiwe atanagira impapuro za ngombwa z’ubucuruzi, ahubwo we akaba yararishubijwe amaze gusibisha urubanza yari afitanye na Leta, hanyuma agatuma UWINGABIRE kumusinyira kuko we atabonekaga kubera akazi kenshi yari afite;

[40] Me RWANGAMPUHWE yahawe ijambo avuga ko ababuranira RUMANYIKA bivugiye xx Xxxx yamwangiye gusinyira isoko , bikaba kandi bigaragara ko uwatsindiye isoko wanarisinyiye ari UWINGABIRE wari waraguze OKAPI kuwa 30/03/2005, mu kwezi kwa munani 2005 agapiganirwa isoko mu izina rya OKAPI noneho akarisinyira kuko OKAPI yari iye ;

[41] Me NKURUNZIZA nawe yahawe ijambo avuga ko amazezerano y’ubugure yabaye hagati ya RUMANYIKA na UWINGABIRE xxx xxx xxxx ”synallagmatique” xxxxx xx yanashyizwemo ingingo yatuma aseswa(condition résolutoire) kugira ngo UWINGABIRE natayubahiriza azaseswe, icyo rero RUMANYIKA yareze asaba akaba xxx xxx Urukiko rwemeza (constater) iryo seswa ryarangije kubaho;

[42] Yasobanuye ko mu nyandiko RUMANYIKA yashyikirije urukiko nta mpimbano zirimo nk’uko abo baburana babivuga, xxxxx xx batigeze babiregera nk’uko biteganywa n’ingingo ya 46 y’Itegeko rigenga itangwa ry’ibimenyetso, naho kuvuga ko ikirego cyahinduwe bikaba atari ukuri kuko uko cyatanzwe ku rwego rwa mbere ariko cyakomeje, hakurikiranywe iseswa ry’amasezerano, ariko ingingo ziburanishwa zo zikaba zashobora kwongerwa kuko byo bitabujijwe;

[43] Yavuze ko Avoka CYIMAMA waburaniraga UWINGABIRE yavuze ko ngo ubwishyu bwa “parkings” bwakozwe binyujijwe muri banki, kandi UWINGABIRE ntiyigeze amwigarika, hakaba rero hakurikizwa ingingo za 73 na 74 z’Itegeko ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi, yongeraho ko mu byerekeye ubucuruzi hatangwa ibimenyetso ibyo ari byo byose, bitavuze ariko ko ibyo bimenyetso byareka gutangwa, UWINGABIRE rero akaba agomba kugaragaza ibimenyetso by’uko yishyuye.

[44] Me MUNDERERE yavuze ko ababuranira UWINGABIRE bavuze ko hari amadolari 15000 yahaye RUMANYIKA mu ntoki, mu myanzuro ya RWANGAMPUHWE yo ku wa 26/05/2006 we akavuga ko amadolari 15000 yohererejwe umugore wa RUMANYIKA, binyujijwe muri banki (transfert), nyamara nta kimenyetso cy’uko iryo yoherezwa ryabaye, xxxx xxx ikimenyetso cy’uko amafaranga yatanzwe xxx xxx kwishyura “parkings” kikaba ari kontaro ibigaragaza hamwe n’amanama yabaye akavuga kuri icyo kibazo;

[45] Xxxxxxx Xxxxxxx kwemeza ko amasezerano yasheshwe n’ibaruwa yo ku wa 12/11/2005, yamenyeshejwe UWINGABIRE ku wa 19/11/2005, xxxxx xx indishyi RUMANYIKA asaba zifite ishingiro, kandi zikaba zigomba kubarwa guhera igihe ayo masezerano yahereye (effet ex-tunc);

[46] Me BIGARABA yasobanuye ko amadolari 15.000 UWINGABIRE yahaye RUMANYIKA atari UWINGABIRE wayoherereje umugore wa RUMANYIKA ahubwo xxx XXXXXXXXX wayohereje, ikimenyetso cy’uko yayamuhaye kikaba xxx xxx RUMANYIKA yamushubije xxxxxxxx yari yaramuhaye.

[47] Yavuze xxxxx xx iyo abagiranye amasezerano batumvikanye umwe muri bo aregera Urukiko, akaba adafite uburenganzira bwo kuyasesa wenyine,yongeraho ko nta kimenyetso RUMANYIKA agaragaza cy’uko amafaranga UWINGABIRE yatanze yayatangiye “Parkings” kandi nta masezerano y’ubukode bwazo bari

bafitanye, ngo naho iby’inyandiko z’inama ababuranira RUMANYIKA bavuga ntibyakwitabwaho kuko nta n’imikono iriho.

[48] Ku kibazo cy’ibyo Avoka CYIMANA yaba yaravuze bijyanye n’uburyo UWINGABIRE yishyuye RUMANYIKA, Me BIGARABA yavuze ko ibyo yaba yaravuze atabitumwe na UWINGABIRE ariwe byaba bireba, hakurikijwe ingingo ya 527 y’Igitabo cya gatatu cy’Urwunge rw’Amategeko mbonezamubano.

[49] Yavuze xxxxx xx ibyo RUMANYIKA avuga byo kuba yarahawe isoko amaze xxxxxxxxx xxxxxxxx yari afitanye na Leta bitashoboka, ngo naho kuvuga ko UWINGABIRE yagiye kumusinyira yabuze umwanya nabyo bikaba ari imvugo y’uwabuze igisobanuro.

[50] Me BIGARABA yanavuze ko iby’imikoranire ya UWINGABIRE na RUMANYIKA ku byerekeye isoko ryo gutwara abantu UWINGABIRE yabyemereye RUMANYIKA kuko uyu yari amenyereye OKAPI CAR, yemera ko baba bafatanyije kugira xxx xxxxx ryo gutwara abantu ritagira ibibazo, amugira umukozi we hatagombye amasezerano yanditse.

[51] Me RWANGAMPUHWE yongeye guhabwa ijambo avuga ko italiki ya 12/11/2005 Me MUNDERERE xxxxxx xxxxxxxxx ko RUMANYIKA yemera ko amasezerano ye na UWINGABIRE yari akiriho, bikaba rero byumvikana ko ibyo RUMANYIKA yakoraga muri icyo gihe cyose yabikoreraga UWINGABIRE, akaba agomba kumumurikira ibyo yakoze kugeza mu kwezi kwa cumi xx xxxxxx.

[52] Me RWANGAMPUHWE yanavuze ko kuba RUMANYIKA yaragurishije OKAPI CAR ku italiki ya 30/03/2005 agakomeza kujya gupiganirwa isoko kuri adresi ya OKAPI CAR (Rumanyika JMV c/o OKAPI CAR), ari ibintu bitemewe mu bucuruzi, RUMANYIKA rero akaba ataburuna agendera ku buriganya bwe.

[53] Yarangije asaba Urukiko gutegeka ko RUMANYIKA asubiza UWINGABIRE OKAPI CAR, hakanakorwa igenzura ryerekana amafaranga OKAPI CAR yakoreye, anavuga ko ibyo ababuranira RUMANYIKA bavuga ko habaye igisa n’amasezerano bidashoboka kuko igisa n’amasezerano kitabaho mu mategeko yerekeye ubutegetsi (droit administratif).

[54] Iburanisha ryarashojwe ababuranyi bamenyeshwa ko urubanza ruzasomwa ku wa 29/8/2008, nyuma Urukiko ruriherera, ruca urubanza rubanziriza urundi, rutegeka ko iburanisha rizongera gufungurwa ku wa 09/10/2008 kugira ngo ababuranyi batange ibindi bisobanuro ku bijyanye n’indishyi zisabwa, kuri iyo taliki ntirwaburanishwa kuko umwe mu bagize Inteko y’urukiko yari mu butumwa mu mahanga, rwimurirwa kuwa 08/01/2009, maze uwo munsi hitaba RUMANYIKA, yunganiwe na Me MUNDERERE Xxxxxxx xxxxx na Me NKURUNZIZA Xxxx Xxxxxxxxxxx, naho UWINGABIRE Spéciose ahagarariwe na Me RWANGAMPUHWE Xxxxxxxx na Me BIGARABA Xxxx, iburanisha riba mu buryo bukurikira :

[55] Hamaze kwibutswa imiburanire y’urubanza mu iburanisha rya mbere, ababuranyi bahawe umwanya kugira ngo batange ibindi bisobanuro ku shingiro ry’indishyi basaba, RUMANYIKA abanza gusobanura ko UWINGABIRE yananiwe kurangiza

amasezerano y’ubugure bwa OKAPI, abinanirwa kuva ku wa 30/04/2005, xxxxx xxx cyo cyatumye asaba ko hemezwa iseswa ry’ayo masezerano, avuga xxxxx xx asaba indishyi n’inyungu zazo bihwanye na 26.925.507 frw zijyanye n’imishahara yakomeje kwishyura abakozi ba OKAPI CAR, amafaranga y’ubwiteganyirize bw’abakozi, n’imisoro ku mishahara, akaba yarabyishyuye kugeza ku italiki ya 30/11/2005.

[56] RUMANYIKA yavuze ko izindi ndishyi asaba ari izijyanye n’ubukode bw’xxx imodoka zihagarara n’inyungu zazo kugeza ku italiki ya 31/01/2009, abarira kuri 132.358.999 frw, hakaba n’indishyi za 143.000.000 frw zituruka ku nyungu zingana zihwanye na 6.925.507 frw yavukijwe ku isoko OKAPI CAR yahawe na Leta ryo gutwara abantu, zikabarirwa inyungu za 25% uhereye mu kwezi kwa cyenda 2005 kugeza ku wa 31/01/2009, hakaba n’indishyi mpozamarira zihwanye na 150.000.000 frw kubera icyizere yateshejwe mu mwuga we w’ubucuruzi, hakiyongera ho indishyi zijyanye n’ikurikiranarubanza n’igihembo cya ba avoka zihwanye na 45.225.886 frw, indishyi zose hamwe yaka UWINGABIRE zikaba zihwanye na 497.484.743 frw.

[57] Me BIGARABA yongeye gusobanurira Urukiko ko mu masezerano y’ubugure bwa OKAPI CAR UWINGABIRE yagiranye na RUMANYIKA, UWINGABIRE yamuhaye ho ingwate sheki ebyiri, nyuma RUMANYIKA amubwiye ko akeneye amafaranga amuha amadolari 15.000 mu ntoki, nyuma amuha 6.640.000 frw yongera kumuha 11.000.000 frw ayanyujije kuri konti, anamwishyura andi

4.000.000 ayanyujije kuri MUNYARUGERERO .

[58] Me BIGARABA yanavuze ko isoko rya Leta ryo gutwara abantu ari UWINGABIRE waripiganiwe akaritsindira xxxxx xxx nawe usinya kontaro yaryo, yongeraho ko RUMANYIKA wakoreraga UWINGABIRE yaje kugira imikorere mibi mu rwego rw’isoko OKAPI yari yahawe, bituma UWINGABIRE amuhagarika, bukeye RUMANYIKA yandika avuga ko yeguye.

[59] Yavuze ko miliyoni 26 Rumanyika yishyuza ngo yatanze ku bakozi ba OKAPI CAR zitasobanuka mu gihe anivigura ko OKAPI yari iye, kimwe n’uko bitasobanuka ukuntu ariwe waba yaratumye UWINGABIRE kumusinyira Kontaro ijyanye n’isoko ryo gutwara abantu hanyuma ngo yegure ku mirimo yahawe na UWINGABIRE, avuga xxxxx xx ibyo gusangira isoko na UWINGABIRE bitashobokaga kandi bashwanira za « parkings ».

[60] Ku byerekeye indishyi UWINGABIRE asaba, Me BIGARABA yavuze ko baka indishyi zihwanye na 118.209.409 frw kubera ko RUMANYIKA yatambamiye UWINGABIRE mu buryo butemewe mu bucuruzi mu gihe yashingaga sosiyete SOTRA akayishyiramo abahoze ari abakozi be, asaba ko Urukiko rwanategeka ko SOTRA ihagarara gukora.

[61] Izindi ndishyi Me BIGARABA yasabye ni izijyanye no kuba RUMANYIKA atarubahirije inshingano z’ugurishije, akavogera UWINGABIRE muri sosiyete yaguze,akamwambura xxx imodoka zihagarara, kuburyo yageze xxx ahatwara hose, kuri ibyo rero, indishyi za 80.000.000 basabaga kera urubanza rutangira zikaba zimaze kwiyongera, zigeze kuri 180.000.000 frw, hakaniyongeraho indishyi zingana na 55.000.000 frw zijyanye n’igihombo UWINGABIRE yatejwe na

RUMANYIKA wamubangamiye mu kwishyuza Leta, UWINGABIRE xxxxx xxxxx akwiye kugenerwa amafaranga y’ikurikiranarubanza n’igihembo cya ba avoka babiri ageze ubu kuri 20.000.000 frw.

[62] Ku kibazo cy’uko RUMANYIKA avuga ko yasheshe amasezerano UWINGABIRE agasubirana amasheki yari yaramuhaye, nyamara akaba yishyuza ibyavuye muri OKAPI nyuma y’iryo seswa avuga, RUMANYIKA yashubije ko kugeza n’ubu amasezerano ataraseswa, ko yaregeye inkiko nyine kugira ngo aseswe.

[63] Abajijwe uwacungaga xxx imodoka zihagarara, RUMANYIKA yashubije ko yasheshe amasezerano ku wa 15/04/2005, agasubirana OKAPI CAR n’xxx imodoka zihagarara, agatangira kuhakodesha n’abandi, barimo na UWINGABIRE.

[64] RUMANYIKA yavuze xxxxx xx mu by’ukuri atabaye Umuyobozi wa OKAPI CAR ku buryo yabazwa iby’imicungire yayo, ngo yabyitiriwe ari ugushaka gusa kutagaragaza uko ibintu bimeze (simulation)ndetse no kwegura kwe kwatanzwe muri ubwo buryo, kimwe n’uko mu gusinya Kontaro y’isoko rya Leta ari UWINGABIRE wagaragaye kandi mu by’ukuri adashobora kugaragaza ko ari we waritsindiye.

[65] Me MUNDERERE we yavuze ko mu by’ukuri xxx xxxxxxxxxx yasheshwe, xxxxxxxx Xxxxxxx akaba xxxx xxx ukubyemeza, Me NKURUNZIZA nawe yongeraho ko iyo umwe mu bagiranye amasezerano atayubahirije, undi ayasesa maze hagategerezwa ko urukiko rubyemeza.

[66] Me NKURUNZIZA yavuze ko UWINGABIRE nta kimenyetso xxxxxx xx’uko yishyuye RUMANYIKA, kuvuga ko yashubijwe sheki ze bikaba atari ikimenyetso gihagije, ahubwo kumusubiza sheki byari ugusesa amasezerano. Yavuze xxxxx xx Avoka CYIMANA waburaniraga UWINGABIRE yivugiye ko amafaranga yatanzwe yari ubwishyu bw’xxx imodoka zihagarara, ibyo UWINGABIRE akaba atabyihakana kuko atigeze amwigarika. Yashoje avuga ko indishyi UWINGABIRE yaka nta shingiro zifite, mu gihe amasezerano yasheshwe kubera ko atayubahirije.

[67] Me BIGARABA nawe yahawe ijambo avuga ko ibyo RUMANYIKA avuga ko yasheshe amasezerano ku wa 15/04/2005 atari ukuri, kuko iyo biba byo atari kwandika ibaruwa yo ku wa15/11/2005 ivuga ko asheshe ayo masezerano, ikamenyeshwa UWINGABIRE ku wa 19/11/2005, naho ibyo kutagaragaza ibintu xxx xxxx (simulation) nta mpamvu RUMANYIKA agaragaza yatumaga UWINGABIRE abikora, kuko OKAPI yari iye yarayiguze, byumvikana ko n’amasezerano ajyanye n’isoko OKAPI ryasinyiwe na nyirayo UWINGABIRE.

[68] Me RWANGAMPUHWE yavuze ko bitumvikana ko RUMANYIKA yakwishyuza n’ibyavuye muri OKAPI nyuma y’ukwezi kwa 11/2005, kandi nyamara RUMANYIKA avuga ko mbere y’icyo gihe, ku italiki ya 13/6/2005 yasinye amasezerano na SINGIRANKABO, akodesha xxx bahakarika imodoka, avuga ko OKAPI ari iye.

[69] Yavuze ko kuva ku italiki ya 15/04/2005, RUMANYIKA yavangaga ibyavaga muri OKAPI CAR na OKAPI Hotel, kugeza mu kwa 8/2005, yagombye kugaragaza ibyavuye mu micungire ya OKAPI CAR yari ashinzwe nk’umuyobozi wayo, xxxxx xxxx yarabaye umukozi wayo ntibishidikanywa kuko yageze ubwo yegura, ngo naho ibyo kujijisha (simulation) avuga byo xxxxx, ngo ni imyiregurire yazanye nyuma.

[70] Yasabye Urukiko kwemeza ko nta seswa ry’amasezerano ryabayeho, asaba ko RUMANYIKA yategekwa kumurika imicungire ye ya OKAPI CAR, naho ku byerekeye ibyavuzwe na Avoka CYIMANA, avuga ko bitaryozwa UWINGABIRE atarabimutumye.

[71] Iburanisha ryarashojwe ababuranyi bamenyeshwa ko urubanza ruzasomwa ku wa 13/02/2009, ariko uwo munsi ntibyashoboka kubera ko umwe mu bacamanza bagize inteko yari yagize ibyago, isomwa ryimurirwa kuwa 27/02/2009, maze urubanza rucibwa mu buryo bukurikira:

UKO URUKIKO RUBIBONA

A. KU BUJURIRE BWA RUMANYIKA :

[72] Imwe mu ngingo z’ubujurire bwa RUMANYIKA, ni igamije kugaragariza Urukiko ko UWINGABIRE atamwishyuye amafaranga 30.000.000 ahwanye n’ikiguzi bari bumvikanye cya OKAPI CAR, amafaranga RUMANYIKA yemera ko yabonye ni

15.000.000 frw gusa, arimo 11.000.000 frw UWINGABIRE yanyujije kuri konti ya RUMANYIKA muri BCDI, n’ andi 4.000.000 frw yamwishyuye ayanyujije kuri MUNYARUGERERO, xxx xxxx xxxxx akavuga ko icyo yishyuriwe ari ubukode bw’xxx imodoka zihagarara.

[73] Urukiko rusanga ku byerekeye ikindi xxxx xx’amafaranga y’ubugure UWINGABIRE we ahamya ko yamuhaye mu ntoki, kuba RUMANYIKA yaramushubije sheki zombi yari yaramuhaye ho ingwate y’ubwishyu bari memeranyijwe mu masezerano y’ubugure, ari ikimenyetso ubwacyo cyihagije kugaragaza ko RUMANYIKA yishyuwe amafaranga y’ukiguzi cyose cya OKAPI CAR, kuko bitakumvikana ukuntu yari kwemera kurekura iyo ngwate ngo ayisubize UWINGABIRE atamwishyuye kandi nta n’indi nyandiko agiranye nawe igaragaza ukundi byaba bigenze kugira ngo yikure ho iyo ngwate atishyuwe umwenda wose. Byumvikana rero ko igihe RUMANYIKA yasubizaga UWINGABIRE sheki yari yarangije kwishyurwa umwenda.

[74] Ku ngingo RUMANYIKA aburanisha y’uko n’amafaranga yemera ko yishyuwe na UWINGABIRE yayishyuriwe ubukode bw’xxx imodoka zihagarara(parking) xxx xxxx ikiguzi cya OKAPI CAR, Urukiko rusanga ingingo ya kabiri y’amasezerano y’ubugure yo kuwa 30/03/2005, igira iti:” RUMANYIKA JMV amugurishije n’amaparikingi yose yakoreragaho n’ibiro, n’ibikoresho byose xxxx xxx yakoreraga hose mu Rwanda”, RUMANYIKA rero akaba atari kuba yaragurishije xxx amamadoka ahagarara maze ngo ahindukire ahakodeshe kandi yarahatanze ; iki kimenyetso kikaba ubwacyo gihagije kugaragaza ukuri kuri icyo kibazo, bitabaye ngombwa gushingira ku nyandiko z’amanama ababuranyi bombi tatavuga ho

rumwe, Rumanyika avuga ko zemerejweho ubukode naho UWINGABIRE agahamya ko ari impimbano.

[75] Ingingo ababuranira RUMANYIKA batanga bashaka kugaragaza ko amafaranga UWINGABIRE yahaye RUMANYIKA ari ayishyuraga xxx imodoka zihagarara ngo kuko mu mwanzuro wa Avoka CYIMANA xxxx xxx yabivuze atyo nta shingiro ifite kuko ibyo bitakuraho imiburanire yindi yagaragajwe mu rukiko isobanura ko ayo mafaranga atari ayo gukodesha xxx imodoka zihagarara, kandi koko bikaba bitaranashobokaga ko RUMANYIKA yakodesha ibyo atagifite yarangije kugurisha.

[76] Ku byerekeye iseswa ry’amasezerano y’ubugure RUMANYIKA asaba ko ryemezwa, Urukiko rurasanga yari kuryemererwa haherewe ku ngingo ya 82 y’Igitabo cy’urwunge rw'amategeko y'imbonezamubano, ku byerekeye imirimo nshinganwa cyangwa amasezerano, n’ingingo ya 8 y’ayo masezerano y’ubugure yateganyije iseswa ryayo mu gihe UWINGABIRE yaramuka atishyuye nk’uko babisezeranye, iyo RUMANYIKA abasha kugaragaza ko UWINGABIRE yari atararangiza kumwishyura kuwa 19/11/2005, ubwo RUMANYIKA yamumenyeshaga, mu ibaruwa yo ku wa 12/11/2005, ko asheshe ayo masezerano.

[77] Nyamara siko byagenze, kuko Rumanyika yiyemerera ko igihe amwandikira iyo baruwa isesa amasezerano yari yararangije gusubirana sheki ze z’ingwate, icyo kikaba cyerekana ko yari yamaze kwishyurwa umwenda wose w’ubugure bwa OKAPI CAR nk’uko byasobanuwe haruguru , akaba rero atakwemererwa iseswa ry’amazerano kandi atabashije kwerekana ko uwo bayagiranye yayarenzeho.

[78] Imiburanire ya RUMANYIKA kandi ivuga ko iseswa ry’ ayo masezerano ryabaye mbere, ku wa 15/04/2005, ngo noneho iyo baruwa iza nyuma ije kwemeza iyo seswa nta shingiro ifite, xxxx xxxxxxxxxx xxxxxxxxxxxx Urukiko inyandiko ya mbere y’iyo ku wa 12/11/2005 yaba yaramenyesheje UWINGABIRE ko asheshe amasezerano.

[79] Mu ngingo z’ubujurire bwe kandi, RUMANYIKA asaba ko UWINGABIRE yategekwa kumuha igice kimwe cy’inyungu zabyawe n’isoko bari bafatanyije ryo gutwara abantu , xxx xxx nawe wari waritsindiye xxxx Xxxx, Urukiko ariko rugasanga ibyo asaba nta shingiro bifite kuko impapuro zijyanye n’iryo soko nk’uko zigaragara muri dosiye zerekana ko uwarihawe ari UWUNGABIRE wari ufite « OKAPI CAR » akaba yaranasinyanye xx Xxxxxxxxx x’Xxxxxxxx Remezo kontaro y’xxxx xxxx.

[80] Ahubwo imikoranire igaragara hagati ya RUMANYIKA na UWINGABIRE ni uko RUMANYIKA yari umukozi we koko nk’uko UWINGABIRE abyemeza, bikanashimangirwa n’inyandiko ya RUMANYIKA ubwe yo ku wa 07/09/2005 yandikiye UWINGABIRE nk’Umuyobozi Mukuru wa OKAPI CAR agira ati:« mbandikiye mbamenyesha ko kuva uyu munsi mpagaze ku murimo mwari mwampaye … ».

B. KU BUJURIRE BWA UWINGABIRE

[81] Mu byatumye UWINGABIRE ajuririra Urukiko rw’Ikirenga, harimo gushaka kugaragaza ko yarangije kwishyura umwenda yarimo RUMANYIKA ku bugure

bwa OKAPI CAR. Urukiko rwagaragaje mu bisobanuro byatanzwe haruguru ko hari ibimenyetso bihagije by’uko UWINGABIRE yishyuye uwo mwenda, ubujurire bwe rero kuri iyo ngingo bukaba bufite ishingiro.

[82] Indi ngingo y’ubujurire bwa UWINGABIRE ni igamije gusaba ko havanwaho ubucuruzi RUMANYIKA akorera muri Sosiyete SOTRA itwara abantu, mu buryo bubangamiye UWINGABIRE kandi bunyuranyije n’amategeko (concurrence déloyale), akanabisabira indishyi. Urukiko rusanga iyo ngingo nta shingiro ifite, kuko UWINGABIRE atabashije kugaragaza ko iyo sosiyete yashinzwe koko na RUMANYIKA nk’uko abyemeza, ahubwo amategeko yayishyizeho(statuts) akaba yerekana ko mu bayishinze RUMANYIKA atarimo.

[83] UWINGABIRE yasabye xxxxx xx RUMANYIKA yaryozwa imicungire ye mibi ya OKAPI CAR nk’umukozi we, aha ariko Urukiko rukaba rusanga iyo ngingo rutayisuzuma, kuko itandukira icyaregewe, kijyanye n’iseswa ry’amasezerano y’ubugure bwa OKAPI CAR, gitandukanye n’iyubahirizwa ry’inshingano z’umurimo UWINGABIRE yamuhaye nk’umukozi we nyuma y’ubugure bw’iyo sosiyete.

[84] Ku byerekeye indishyi UWINGABIRE yaka, zijyanye no kuba RUMANYIKA wamugurishije OKAPI CAR atarayimurekeye ahubwo akayimuvogeramo anigabiza xxx imodoka zihagarara, RUMANYIKA ubwe yibwiriye Urukiko ko kuva ku wa 15/04/2005 yasubiranye OKAPI CAR kandi akodesha n’abantu banyuranye xxx imodoka zayo zihagarara, ibi bikaba bigaragaza ko yavogereye koko iyo sosiyete yari yaramaze kugurisha UWINGABIRE ku wa 30/03/2005, kandi amasezerano y’ubugure yari akiriho, dore ko yanditse ko ayasheshe mu ibaruwa yo ku wa 12/11/2005 yashyikirijwe UWINGABIRE ku wa 19/11/2005, naho kuvuga ko yayasheshe mbere ku wa 15/04/2005 bitanditse bikaba bitafatwaho ukuri kuko nyine ntacyo agaragaza xx xxxx cyerekana ko yayasheshe icyo gihe.

[85] Birumvikana rero ko ukwo kwigabiza OKAPI CAR yari yaraguzwe na UWINGABIRE akamburwa xxx imodoka zayo zihagarara byamuteye igihombo RUMANYIKA wabikoze agomba gutangira indishyi. Cyakora kubera ko umubare wa 180.000.000 UWINGABIRE xxxx xxx ikirenga adatangira ibisobanuro bifatika, yahabwa indishyi zibariwe ku mafaranga 1.985.156 yagombaga kwinjizwa buri kwezi n’xxx imodoka zihagarara, hakurikijwe imibare yitangiwe na RUMANYIKA mu mwanzuro we uri muri dosiye yise « actualisation des DI au 20/10/2007 », zikabarwa guhera ku italiki ya 15/04/2005 yiyemerera ko yasubiranye OKAPI CAR n’xxx imodoka zayo zihagarara, izo ndishyi zikabarwa kugeza ku wa 27/02/2009, umunsi w’ica ry’urubanza, ni ukuvuga amezi 46 n’iminsi 12 zikaba zihwanye na 91.383.348 frw, hongerewe ho inyungu za 18%, zikaba 107.832

.351 frw;

[86] UWINGABIRE yatse kandi indishyi z’akababaro, uru Rukiko rukaba rusanga azikwiye kuko RUMANYIKA yamujujubije amubuza ubwisanzure mu gukoresha OKAPI CAR yari yaguze, cyakora kuko izo yatse zigera kuri 150.000.000 frw ari ikirenga, Urukiko rwamugenera, mu bwisanzure bwarwo 3.000.000 frw ;

[87] Ku byerekeye indishyi z’amafaranga 10.000.000 UWINGABIRE asaba ngo z’uko yagize igihombo mu iyishyuzwa ry’umwenda Xxxx xxxx imubereyemo, izo ndishyi

ntazo yahabwa kuko atagaragaza xxx akura uwo mubare ngo anerekane ko xxx XXXXXXXXX wamubujije kuyishyurwa.

[88] Ku byerekeye amafaranga y’ikurikiranarubanza, Urukiko rusanga 20.000.000 frw UWINGABIRE asaba ari ikirenga, ahubwo yagenerwa 800.000 frw kuri buri rwego rw’urukiko yaburaniyemo kugeza mu Rukiko rw’Ikirenga, bityo indishyi zose zijyanye n’ikurikirana rubanza n’igihembo cya ba avoka yahabwa zikaba 2.400.000 frw.

[89] Indishyi zose rero RUMANYIKA agomba guha UWINGABIRE muri uru rubanza, zihwanye na 113.232.351 frw.

ICYEMEZO CY’URUKIKO :

[90] Rwemeje kwakira ubujurire bwa RUMANYIKA J.M.V n’ubwa UWINGABIRE Spéciose kuko bwaje mu nzira n’uburyo biteganyijwe n’amategeko ;

[91] Rwemeje ko ubujurire bwa RUMANYIKA nta shingiro bufite ;

[92] Rwemeje ko ubujurire bwa UWINGABIRE bufite ishingiro xxxx xxxxx ;

[93] Ruvuze ko amasezerano y’ubugure bwa OKAPI CAR RUMANYIKA na UWINGABIRE bagiranye adasheshwe, akaba agumanye agaciro kayo ;

[94] Rutegetse RUMANYIKA kwishyura UWINGABIRE igiteranyo cy’indishyi zingana na miliyoni ijana na cumi n’eshatu n’ibihumbi xxxxxx xxxxx na mirongo itatu na bibiri xx xxxxxx atatu na mirongo itanu na rumwe (113.232.351 frw), atayatanga mu gihe cy’iminsi 15 agakurwa mu bye ku ngufu za Leta.

[95] Rutegetse RUMANYIKA kwishyura amafaranga 4.529.294 frw y’umusogongero wa Leta, ahwanye n’ane ku ijana y’igiteranyo cy’indishyi aciwe, atayatanga mu gihe cy’iminsi 15 agakurwa mu bye ku ngufu za Leta;

[96] Rutegetse RUMANYIKA na UWINGABIRE kwishyura buri wese icya 1/2 cy’amagarama y’ibyakozwe muri uru rubanza, ni ukuvuga 13.800 frw x 1/2= 6.900 frw, atayishyura muri icyo gihe, ayo mafaranga agakurwa mu bye ku ngufu za Leta.

RUKIJIJWE RUTYO KANDI RUSOMEWE MU RUHAME, KUWA 27/02/2009 N’URUKIKO RW’IKIRENGA RUGIZWE NA MUGENZI XXXXX-XXXXX : PEREZIDA, KAYITESI X. XXXXX NA HAVUGIYAREMYE JULIEN : XXXXXXXXXX, BAFASHIJWE NA RUKUNDAKUVUGA XXXXXXX : UMWANDITSI XXXXXX X’XXXXXXX.

XXXXXXX XXXXX-XXXXX ( XXXXXXXX)

HAVUGIYAREMYE JULIEN KAYITESI X. XXXXX

(UMUCAMANZA) (UMUCAMANZA)

RUKUNDAKUVUGA XXXXXXX UMWANDITSI XXXXXX X’XXXXXXX