„Електронски канал“ Електронски канал е: комуникација на Апликантот/Членот со Динерс Клуб, пополнување, потврдување и достава на формулари, документи и изјави од страна на Апликантот/Членот во електронска форма со означување на соодветното поле со...
Општи правила и услови за зачленување и користење на Динерс Клуб картичка
Со Општите правила и услови за издавање и користење на Динерс Клуб кредитни картички (во понатамошниот текст „Општите услови“) се уредуваат основните и општите правила за издавање и користење на Динерс Клуб кредитни картички.
Член 1 – Дефиниции
Следните изрази го имаат следното значење низ овие Општи услови:
„Апликант“ се однесува на физичко или правно лице кое има поднесено апликација за членство и издавање на Картичка, која апликација сеуште не е одобрена или одбиена;
„Динерс Клуб” се однесува на платежна институција – трговско друштво Динерс Клуб Интернационал МАК АД Скопје, со регистрирано седиште на ул. Xxxxxxxxxxxxxx бр.4 локал 5, Комплекс Парк Резиденс - Скопје, Република Северна Македонија, со ЕМБС 4456700;
„Договор“ се однесува на рамковниот договор за издавање и користење на Динерс Клуб картичка склучен помеѓу Динерс Клуб и Корисникот;
„Дополнителен член“ се однесува на физичко лице корисник на Картичка издадена од Динерс Клуб на негово име, а на барање на Основниот член дадено согласно овие Општи услови, кое го користи кредитниот лимит на Основниот член;
„Директен канал“ комуникација на Апликантот/Членот со Динерс Клуб и пополнување, потврдување и достава на формулари, документи и изјави од страна на Апликантот/Членот во хартиена форма со своерачен потпис во деловните простории на Динерс Клуб или преку пошта.
„Електронски канал“ Електронски канал е: комуникација на Апликантот/Членот со Динерс Клуб, пополнување, потврдување и достава на формулари, документи и изјави од страна на Апликантот/Членот во електронска форма со означување на соодветното поле со знакот “✓”, како и достава на скенирани документи од страна на Апликантот/Членот, преку интернет страницата на Динерс Клуб xxx.xxxxxx.xx, вклучително и преку Мој Дајнерс профилот до кој се пристапува на xxxxx://xx.xxxxxx.xxx.xx/xxxx.xxx и/или преку е-мејл, како што е соодветно.
Корисник и/или Член на Динерс Клуб“ се однесува на физичко или правно лице на кое Динерс Клуб му има издадено картичка;
“Електронски потпис” Договорот се потпишува електронски со дигитален потпис: Дигиталното потпишување на договорната документација се врши преку ОТП код испратен на СМС порака, и истиот се впишува во енкриптиран xml фајл кој се креира на крајот од процесот и содржи: електронски потпис на апликантот (со квалификуван сертификат); временски жиг; уникатна референца за секој договорен документ; IP адреса од која е реализирано потпишувањето; информација за пребарувачот од кој е реализирано потпишувањето; методот на автентикација на потпишувањето (ОТП код).
„Кредитен лимит“ се однесува на износ кој Корисникот може да го користи согласно Договорот и овие Општи услови;
„Основен член” се однесува на основниот Корисник на Картичката на чие име е издадена Картичката на негово барање;
„Продукт” Сите видови на кредитни картички и други кредитни продукти што ги нуди Динерс Клуб, и тоа:
Продукти за физички лица:
Класик картичка;
Адвантаге картичка;
Xxxxxxxx Xxxxxxx картичка;
Продукти за правни лица:
Деловна Динерс Клуб картичка
Сите нови продукти што ќе бидат додадени во портфолиото на кредитни продукти на Динерс Клуб во иднина и чии услови и параметри ќе бидат објавени на интернет страницата на Динерс Клуб.
“Платежна картичка” е вид на платен инструмент кој му овозможува на плаќачот да иницира трансакција со кредитна картичка и кој што може да се користи од имателот на плаќање на стоки и услуги и/или за повлекување и/или внесување готовина;
„Сметка” се однесува на официјален документ кој Динерс Клуб му го издава на Корисникот и кој содржи податоци за извршени трансакции и доспеани трошоци од тие трансакции.”
Во случај некој поим во Општите услови и/или останатите официјални документи да не е дефиниран во овој член 1, се применуваат дефинициите од Законот за платни услуги и платни системи.
Член 2 – Услови за издавање на Картичка
Корисник може да биде физичко лице, со навршени 18 години и потполна деловна способност, кое прима редовен приход со договор за вработување, сопствена дејност, инвалидска пензија, старосна пензија или други приходи од други извори, со соодветен доказ, и способно за навремено да ги подмирува плаќањата што настануваат по основ на користењето на Картичката.
Корисник може да биде и правно лице доколку е доволно кредитоспособно согласно оценката на Динерс Клуб при прегледот на документацијата обезбедена согласно овие Општи услови.
За прием во членство и издавање на Картичката и за одобрување на Кредитен лимит одлучува Динерс Клуб по сопствена дискреција.
Член 3 – Апликација
За целите на поведување на постапка за издавање на Картичка, секое заинтересирано физичко или правно лице е должно до Динерс Клуб да поднесе апликација. Во рамките на апликацијата, Апликантот треба да даде:
изјава за согласност за обработка на лични податоци за маркетинг цели;
изјава за постоење на својство носител на јавна функција;
изјава за електронско потпишување
Нацрт апликацијата со наведените изјави е достапна на веб страната на Динерс Клуб xxxx://xxx.xxxxxx.xxx.xx/) или во деловните простории на Динерс Клуб. Апликацијата заедно со наведените изјави може да биде поднесена преку Директен канал или Електронски канал. Со самото поднесување на апликацијата, одредбите од овие Општи услови кои се однесуваат на Апликантот ќе станат правно обврзувачки за Апликантот.
Со поднесувањето на апликацијата, Апликантот – физичко лице е должен, на барање на Динерс Клуб, а со цел оцена на неговата кредитоспособност, до Динерс Клуб да ги достави следните документи:
лична карта или пасош;
копија од банкарски извештај на сметка за последен месец;
документ за примање на пензија;
други соодветни документи што ќе ги побара Динерс Клуб.
Овие документи може да се достават преку Директен канал или Електронски канал.
Доколку Апликантот е правно лице, истиот ќе биде должен да ги достави на Динерс Клуб сите документи кои Динерс Клуб може да ги побара (тековна состојба, финансиски извештаи итн.), вклучувајќи и документи потребни со цел утврдување на крајниот сопственик на правното лице, а согласно македонската регулатива за спречување на перење на пари и финансирање на тероризам.
Апликантот ја гарантира точноста на податоците дадени во апликацијата и документацијата од ставовите (1), (2) и (3) од овој член. Апликацијата и секој од документите треба да биде доставен во онаква форма како што ќе побара Динерс Клуб (писмена, електронска итн.).
Член 4 – Одобрување на апликацијата
Врз основа на поднесената апликација и документација, Динерс Клуб одлучува за издавање на Картичката. Динерс Клуб нема обврска да ја образложува донесената одлука.
Доколку апликацијата е одбиена заради добиени информации од бази на податоци, апликантот има право да биде навремено бесплатно информиран за добиените информации од увидот во базата на податоци, како и за начинот на кој тие биле прибавени.
Апликантот има право бесплатно да добие копија од нацрт Договорот пред истиот да биде потпишан за разгледување. Нема да се достави нацрт Договор доколку Динерс Клуб врз основа на поднесувањето на апликацијата не сака да пристапи кон склучување на Договорот со Апликантот.
Член 5 – Издавање на Картичката
Доколку Динерс Клуб одлучи да издаде Картичка на Апликантот, Динерс Клуб и Апликантот ќе го склучат Договорот на начин како што е определено со овие Општи услови. Примерок од Договорот ќе биде обезбеден од страна на Динерс Клуб.
Договорот мора да биде склучен во писмена форма преку Директен канал или Електронски канал. Заедно со Договорот, Апликантот треба да потпише и поднесе изјава во писмена форма преку Директен или Електронски канал со која ќе ги одобри сите претходни и идни проверки од страна на Динерс Клуб на кредитоспособноста на Апликантот при Македонско Кредитно Биро АД Скопје. Договорот се потпишува електронски со дигитален потпис: Дигиталното потпишување на договорната документација се врши преку ОТП код испратен на СМС порака, и истиот се впишува во енкриптиран xml фајл кој се креира на крајот од процесот и содржи: електронски потпис на апликантот (со квалификуван сертификат); временски жиг; уникатна референца за секој договорен документ; IP адреса од која е реализирано потпишувањето; информација за пребарувачот од кој е реализирано потпишувањето; методот на автентикација на потпишувањето (ОТП код).
По потпишувањето на документите од став 2 погоре и идентификување на Апликантот согласно правилата на Законот за спречување на перење пари и финансирање тероризам, Апликантот ќе се стекне со својство на Корисник и истиот ќе може да добие и да му се активира Картичка, која ќе му биде издадена во разумен рок. Динерс Клуб картичката му се доставува на Корисникот по пошта, на неговата адреса на живеалиште што Корисникот ја навел во апликацијата.
Рокот на важење на Картичката при првото издавање изнесува една година. За секое ново обновување, периодот на важење на Картичката е две години. Доколку Корисникот не го откаже користењето најмалку 30 дена пред истекот на рокот на важењето на Картичката, истата се обновува автоматски на нов рок при што се пресметува и наплатува членарина. Рокот на важност на Картичката е наведен на самата Картичка. Корисникот може да ја користи Картичката само во периодот на нејзиното важење.
Член 6 - Кредитен лимит
(1) Нови членови-Заедно со одобрувањето на Картичката, Динерс Клуб му го одобрува на Корисникот и Кредитниот лимит. Висината на Кредитниот лимит за нови членови се одредува согласно процената на кредитоспособноста на Корисникот од страна на Динерс Клуб, но не може да биде повеќе од 2.000,00 евра во денарска противредност пресметана по средниот курс на Народна банка на Република Македонија.
Динерс Клуб има право по сопствена проценка лимитот да го зголеми или намализа што Xxxxxxxxxx ќе биде известен во првата следна доставена Xxxxxx.Иницијалниот утврден Кредитен лимит ќе биде определен со Договорот.
Максимален износ за лимит на Diners Club картичките е:
1. Classic картичка: До 3 плати, но не повеќе од 2.000,00 евра во денарска противредност пресметана по средниот курс на Народна банка на Република Македонија иницијален лимит (лимитот се одредува согласно процедурите за работа во Diners Club);
2. Diners Club Аџибадем Систина кобрендирана картичка: До 3 плати, но не повеќе од 2.000,00 евра во денарска противредност пресметана по средниот курс на Народна банка на Република Македонија иницијален лимит (лимитот се одредува согласно процедурите за работа во Diners Club);
3. Diners Club Advantage картичка: До 5 плати, но не повеќе од 2.000,00 евра во денарска противредност пресметана по средниот курс на Народна банка на Република Македонија иницијален лимит (лимитот се одредува согласно процедурите за работа во Diners Club).
(2) Веќе постоечки членови-Корисникот во текот на времетраењето на Договорот може да поднесе барање до Динерс Клуб за зголемување на одобрениот Кредитен лимит преку електронски канал, или преку мобилна апликација.
По приемот на барањето, Динерс Клуб има право од Корисникот да побара документација која е потребна за целите на утврдување на кредитната способност на Корисникот. Оваа документација треба да биде доставена до Динерс Клуб во форма која ќе биде побарана од Динерс Клуб.
По разгледување на барањето и документацијата од овој член, Динерс Клуб, по слободна дискреција, ќе одлучи дали ќе го одобри или одбие барањето, и ќе го извести Корисникот за неговата одлука.
Доколку Динерс Клуб одлучи да го одобри барањето на Корисникот, зголемениот Кредитен лимит ќе започне да се применува веднаш по таквото одобрување.
За избегнување на било каков сомнеж, Дополнителен член не може да поднесе барање за зголемување на Кредитен лимит.
Максимален износ за лимит на Diners Club картичките е:
1. Classic картичка: 3.500,00 евра во денарска противредност пресметана по средниот курс на Народна банка на Република Македонија (лимитот се одредува согласно процедурите за работа во Diners Club);
1.1 Во случај на барање за одобрување на кредитен лимит над 3.500,00 евра, потребно е членот да поседува Diners Club Advantage картичка. Со откажувањето на Diners Club Advantage картичката, лимитот се враќа во првобитна состојба.
2. Diners Club Аџибадем Систина кобрендирана картичка: 3.500,00 евра во денарска противредност пресметана по средниот курс на Народна банка на Република Македонија (лимитот се одредува согласно процедурите за работа во Diners Club);
2.1 Во случај на барање за одобрување на кредитен лимит над 3.500,00 евра, потребно е членот да поседува Diners Club Advantage картичка. Со откажувањето на Diners Club Advantage картичката, лимитот се враќа во првобитна состојба.
3. Diners Club Advantage картичка: До 5 плати (лимитот се одредува согласно процедурите за работа во Diners Club).
3.1 Во случај на барање за одобрување на кредитен лимит над 5.000,00 евра во денарска противредност пресметана по средниот курс на Народна банка на Република Македонија, Динерс Клуб ќе побара потпишување на Договор за уредување на меѓусебни права и обврски од облигациони односи помеѓу странките со својство на извршна исправа пред надлежен нотар. Со откажувањето на Diners Club Advantage картичката, лимитот се враќа во првобитна состојба.
Член 7 – Издавање на Картичка на Дополнителен член
Корисникот – Основен член може за време на периодот на важност на Договорот да поднесе барање до Динерс Клуб за издавање на дополнителна Картичка на трето лице кое ќе биде именувано од страна на Корисникот – Основен член. Барањето за издавање на дополнителна картичка го пополнува и потпишува основен и дополнителен член.
По приемот на барањето од ставот (1) од овој член, Динерс Клуб ќе одлучи дали ќе издаде дополнителна Картичка на име на Дополнителниот член врз основа на своја дискрециона оценка. За својата одлука Динерс Клуб ќе ги извести Основниот и Дополнителниот член.
Доколку Динерс Клуб одлучи да издаде Картичка на име на Дополнителниот член, Дополнителниот член треба да склучи со Динерс Клуб Договор за изадавање на Динерс Клуб картичка, со кој што во целост ќе гарантира за обврските што настануваат од користењето на неговата Картичка и на Картичката на Основниот член во рамките на Кредитниот лимит одобрен на Основниот член врз основа на Договорот, како солидарен должник. Договорот се потпишува во хартиена форма испратен по пошта.
Дополнителниот член треба да даде преку Директен канал или Електронски канал:
изјава за согласност за обработка на лични податоци за маркетинг цели;
изјава за постоење на својство носител на јавна функција;
лична карта или пасош.
Динерс Клуб ќе ја подготви Картичката за Дополнителниот член и ќе му ја достави по пошта, на неговата адреса на живеалиште. Картичката за Дополнителниот член ќе биде активирана само по потпишување на Договорот за издавање на Динерс Клуб картичка и идентификување на Дополнителниот член согласно правилата на Законот за спречување на перење пари и финансирање тероризам, преку Директен или Електорнски канал.
Дополнителниот член ќе го користи Кредитниот лимит на Основниот член, и нема да биде одобрен било каков дополнителен Кредитен лимит за Дополнителниот член. Сите обврски кои се однесуваат на Основниот член во однос на користењето на Картичката во целост ќе бидат обврзувачки за Дополнителниот член.
Рокот на важност на Картичката издадена на име на Дополнителниот член ќе престане да биде важечка во истиот момент кога ќе престане да биде важечка Картичката издадена на Основниот член. Во случај на обновување на Картичката на Основниот член, ќе се обнови и Картичката на Дополнителниот член.
Основниот член ќе одговара како солидарен должник со Дополнителниот член за било каква обврска која Дополнителниот член може да ја има спрема Динерс Клуб по било кој основ, вклучително повреда на одредбите на Договорот и овие Општи услови.
За избегнување на сомнеж, Дополнителен член не може да биде правно лице.
Член 8 – Продукт
При поднесувањето на апликацијата, Апликантот е должен да избере Продукт за кој сака да склучи Договор. Апликантот може со апликацијата да избере повеќе Продукти. Секој Продукт претставува кредитна картичка со меѓународна валидност. Со неа може да се плаќа на сите продажни места во Република Македонија и во странство каде е истакнат знакот на Diners Club International и Discover, со одреден Кредитен лимит одобрен согласно овие Општи услови.
За време на периодот на важност на овој Договор, Xxxxxxxxxx има право да поднесе барање за издавање на еден или повеќе дополнителни Продукти. Ваквото барање е достапно на веб страната на Динерс Клуб (xxx.xxxxxx.xx) или преку мобилната апликација.
По приемот на барањето, Динерс Клуб има право да побара од Корисникот да му достави одредени документи потребни за целите на одлучување по таквото барање.
По приемот на барањето и документите од ставовите (2) и (3) од овој член, Динерс Клуб, по своја сопствена дискреција, ќе одлучи дали ќе одобри или одбие издавање на дополнителен Продукт и ќе го извести Корисникот за таквата одлука.
Доколку Динерс Клуб го одобри барањето на Корисникот за дополнителен Продукт, Динерс Клуб ќе изработи Картичка во разумен рок, и истата ќе ја достави до Корисникот по пошта или Корисникот може да ја подигне во просториите на Динерс Клуб.
За избегнување на било какво сомнеж, Дополнителниот член не може да поднесе барање за дополнителен Продукт.
Член 9 – Форма на Договорот
(1) Договорот за издавање на Динерс Клуб картичка се склучуваат во писмена форма преку Директен канал или електронски преку Електронски канал. По одобрувањето на апликацијата за нов Корисник или барањето за издавање на Картичка на Дополнителен член или барањето за издавање на нов Продукт, Динерс Клуб ќе го извести Апликантот, односно Дополнителниот корисник за таквото одобрување.
Член 10 - Користење на картичката
Картичката не е пренослива на други лица и може да ја користи исклучиво Корисникот на кој му е издадена и чие име е наведено на Картичката.
За користење на Картичката, т.е. за подигнување на готовина, Корисникот употребува посебен Личен идентификационен број (ПИН-код), кој е единствен и таен. ПИН кодот му го доделува Динерс Клуб на Корисникот при издавање на Картичката, се праќа преку СМС порака на контакт моб. број назначен од Корисникот. ПИН-кодот му е познат исклучиво на Xxxxxxxxxx и потребно е со истиот да се постапува строго доверливо и да не биде достапен за трети лица. При користењето на Картичката на банкоматите, ќе се смета дека со внесувањето на ПИН–кодот Корисникот го одобрил трошокот.
Во случај на губење или заборавање на ПИН-кодот, Корисникот треба веднаш да се обрати во Динерс Клуб за повторно издавање на ПИН код.
За користењето на Динерс Клуб картичката на Корисникот се доставуваат Сметки.
Член 11 – Плаќање на Сметките
Динерс Клуб ќе ги издава Сметките на Корисникот еднаш во месецот. Сметките ќе бидат доставени на адресата од електронската пошта на Корисникот наведена во неговата апликација или друга таква адреса за која Корисникот дополнително ќе го извести Динерс Клуб. Корисникот е должен да изврши уплата најдоцна до 8-ми во месецот, секој месец, за обврските направени во текот на претходниот месец.
Неплаќањето на Сметката во дадениот рок повлекува пресметка на казнена камата согласно закон. Каматната стапка се определува на секое полугодие односно два пати годишно на први јануари и први јули. Висината на каматната стапка се искажува на Сметката на Корисникот. Дополнително, неплаќањето на Сметките навремено создава обврска за Корисникот за надомест трошоците за изработка и достава на опомена од страна на Динерс Клуб на Корисникот, во висина утврдена во Тарифата на надоместоците на услугите што ги врши Динерс Клуб.
Во случај на задоцнето плаќање, Динерс Клуб го задржува правото да бара од Xxxxxxxxxx (Основен и Дополнителен член) целосно предвремено плаќање на обврските по основ на Договорот.
Нередовното и задоцнетото исполнување на плаќањата, би влијаело на општата слика за кредитоспособноста на Корисникот, што би можело да доведе до отежнато одобрување на нови кредитни задолженија. Во случај на задоцнето плаќање, Динерс Клуб може да го искористи своето законско право за известување на надлежното кредитно биро за обврските на Корисникот спрема Динерс Клуб.
Плаќањето на Сметката ќе се врши преку трансфер на банкарските сметки на Динерс Клуб во некои од комерцијалните банки во Македонија.
Член 12 - Услуги, камати и надоместоци
Безготовинското
плаќање на продажни места преку Картичката
може да се врши со еднократно
плаќање
на
цената
или
на
рати
(од
2
до
24),
во
зависност
од
продажното
место
каде
се употребува картичката.
За
користење
на
услугата
плаќање
на
рати
се
пресметува
надоместок
за
користење
на
рати
во
висина
утврдена
во Тарифата на надоместоци на Друштвото.
За непречено авторизирање трошоци во странство, Xxxxxxxxxx е должен да најави патување во странство. Сите трошоци во странство поголеми од 20 еур се автоматски поделени на 6 месечни рати. Доколку членот не сака да користи рати во странство потребно е да се јави во контакт центарот на Динерс Клуб на x000 0 00 000. При користење на картичката во странство, Корисникот на кредитната картичка се задолжува во денарска противвредност на износот на извршената трансакција изразен во евра, по продажниот курс на Народна Банка. Банкарските провизии се на товар на корисникот. Сите трансакции во валути различни од евра, најпрво се разменуваат во евра според пресметка добиена од Динерс Клуб Интернационал, па потоа се задолжуваат во денарска противвредност.
Корисникот ќе користи СМС услуга како дополнителна сигурност дека нема да дојде до злоупотреба на издадената Картичка. СМС услугата на Динерс Клуб е информациски сервис кој им овозможува на корисниците на Картички добивање на информациски услуги за користењето на таквите Картички.
За членувањето во Динерс Клуб, користењето на Картичката, како и за користење на дополнителни услуги, Корисникот има обврска да плаќа годишна членарина и останати надоместоци во износ предвиден со Тарифата на надоместоците на услугите што ги врши Динерс Клуб.
Сите камати и надоместоци, поврзани со користењето на Картичката и со услугите што ги врши Динерс Клуб, се утврдени во Тарифата на надоместоците на услугите што ги врши Динерс Клуб, објавена на веб страната на xxx.xxxxxx.xx
Член 13 - Неовластено користење и губење на Картичката
Корисникот ги сноси сите законски последици и одговорност за неовластено користење на Картичката. Корисникот е обврзан веднаш да го пријави губењето односно, кражбата на картичката во Динерс Клуб. Корисникот може да го пријави губењето, односно кражбата и да ја блокира Картичката со јавување во контакт центарот на Динерс Клуб на x000 0 00 000.
Во случај на губење или кражба на Картичката, Корисникот сноси финансиска одговорност за плаќањата настанати пред пријава на губењето или кражбата на Картичката.
По поднесената пријава за губење или кражба на Картичката, Динерс Клуб на Корисникот ќе му издаде нова Картичка. Трошоците околу пријавувањето на изгубена/украдена/оштетена Картичка, издавање нова Картичка и/или издавање на ПИН-код паѓаат на товар на Корисникот, во согласност со Тарифата на надоместоците на услугите што ги врши Динерс Клуб.
Доколку Xxxxxxxxxx ја најде Картичката после пријавата на губењето, односно кражбата, не смее да ја користи истата туку е должен истата да ја пресече или достави до Динерс Клуб.
Член 14 – Приговори
Динерс Клуб не презема никаква одговорност за квалитетот и количината на производите, односно услугите купени со Картичката. Рекламации во врска со квалитетот и количината на производите односно услугите купени со Картичката се решаваат на продажното место со трговецот.
Доколку Xxxxxxxxxx смета дека некои од плаќањата извршени со Xxxxxxxxxx се погрешно пресметани или дека се неосновани, може да се обрати до Динерс Клуб, поднесувајќи ги Сметките и сите останати релевантни документи кои Динерс Клуб може да ги побара. Xxxxx за истакнување на приговори по овој основ е заклучно со рокот на плаќање на спорната сметка, односно 8-миот ден во месецот. По истекот на рокот се смета дека добиената Сметка е исправна и дека Корисникот на Динерс Клуб ја прифаќа.
Доколку Динерс Клуб утврди дека приговорот од ставот (2) на овој член е оправдан, ќе одобри корекција на Сметката, а во случај на неоснован приговор Корисникот ги сноси сите трошоци кои произлегуваат од постапката по приговорот. Динерс Клуб одлучува за приговорите поднесени од Корисникот во најкраток можен рок и Динерс Клуб ќе настојува (но не може да гарантира) да одговори на Корисникот во рок од 30 работни дена.
Член 15 – Неможност за користење на Картичката
Динерс Клуб не сноси никаква одговорност ако Корисникот не може да ја употреби Картичката поради причини кои се надвор од контрола на Динерс Клуб, вклучувајќи, но неограничувајќи се на:
технички проблеми со опрема, систем, телекомуникации и струја;
штрајк или други вонредни околности;
кога Картичката е заглавена на продажно место или на банкомат и истата е оштетена;
кога од било која причина продажното место или банкомат не ја прифаќа Картичката.
Секое користење на картичката спротивно на Договорот е основ за раскинување на Договорот, блокирање и одземање на Картичката.
Член 16 – Доставување на документи и известувања
Корисникот се согласува да прима електронски изјави и документи од страна на Динерс Клуб на неговата адреса на електронска пошта, а во врска со спроведувањето на Договорот и користењето на Картичката. Корисникот е согласен Динерс Клуб да ги праќа по електронска пошта следните документи: Сметките, опомените за задоцнети плаќања и други изјави и документи според или во врска со Договорот. Корисникот е обврзан да ги чува сите документи испратени од Динерс Клуб во неговото електронско сандаче или на хард диск на неговиот компјутер, ЦД или на друг траен медиум, до престанокот или раскинувањето на Договорот.
Сите електронски изјави и документи испратени по електронска пошта ќе се сметаат за доставени на Корисникот на денот на нивниот прием. Корисникот е обврзан постојано да биде во можност да прима електронски изјави и документи на својата е-мејл адреса. Доколку Корисникот навремено не го извести Динерс Клуб за промена на неговата е-мејл адреса, доставувањето на документите на е-мејл адресата за која Корисникот последен пат го известил Динерс Клуб ќе се смета како уредна достава на Корисникот.
Корисникот јасно ја изразува својата согласност да прима електронски пораки на својата е-мејл адреса, како и СМС пораки на мобилен телефон во согласност со Општите правила за користење на СМС услугата, како промотивни известувања за целите на директниот маркетинг на Динерс Клуб, согласно пријавените контакт податоци од страна на Корисникот во апликацијата или со дополнително известување во случај на нивна промена.
Член 17 - Ажурирање на податоци
Корисникот (Основен и Дополнителен член) е должен да ги ажурира личните податоци кои што ги има дадено на Динерс Клуб за целите на издавање на Картичка. Ажурирање на податоците ќе се изврши секогаш на барање на Динерс Клуб, во временски интервали согласно Законот за спречување на перење пари и финансирање тероризам.
Ажурирањето на податоците ќе се врши со пополнување и поднесување до Динерс Клуб преку Директен канал или Електронски канал на формулар за ажурирање на податоци кој ќе биде обезбеден од Динерс Клуб. При ажурирањето, Корисникот е должен да се идентификува пред Динерс Клуб со лична карта или пасош во оригинал. Доколку Корисникот не ги ажурира податоците согласно овој член, Динерс Клуб има право да ја блокира Картичките издадени на Корисникот.
Корисникот е должен да го извести Динерс Клуб во рок од 8 дена за секоја промена на адресата на живеалиште, седиште, е-мејл адресата, вработувањето, телефонски број како и за други податоци важни за користењето на Картичката. Во спротивно, Динерс Клуб има право да не ја обнови, временски да го ограничи користењето на Картичката или да ја одземе Картичката.
Динерс Клуб потврдува, а Xxxxxxxxxx прифаќа дека Динерс Клуб има статус на субјект кој е обврзан и овластен да ги презема сите потребни мерки и активности за спречување на перење пари и финансирање на тероризам во согласност со Законот за спречување на перење пари и финансирање на тероризам, вклучително вршење анализа на Корисникот, следење и анализа на трансакциите меѓу Динерс Клуб и Корисникот, собирање и известување за сите релевантни податоци во врска со Xxxxxxxxxx и трансакциите меѓу Динерс Клуб и Корисникот на Управата за финансиско разузнавање.
Член 18 - Раскинување на Договорот
Динерс Клуб има право да го раскине Договорот со известување испратено до Корисникот, доколку:
Корисникот, за да биде оценет како кредитоспособен, доставил лажни документи или изјави во апликацијата или дополнително и/или
во случај на доцнење на Xxxxxxxxxx со плаќање на Сметка над 90 дена, доколку Xxxxxxxx не е приговорена или доколку поднесениот приговор е одбиен, а доколку поднесениот приговор против Xxxxxxxx е усвоен, над 90 дена од денот кога истекува рокот за плаќање на корегираната Сметка.
Динерс Клуб има право да го раскине Договорот со корисникот, доколку обновената картичката е неподигната повеќе од 120 дена и се подмирени сите обврски за плаќање.
Во случај на раскинување, сите неподмирени обврски за плаќања на Корисникот според Договорот веднаш достасуваат за плаќање. Крајниот износ кој треба да го плати Корисникот како резултат на раскинувањето ќе биде наведен во известувањето на Динерс Клуб за раскинување.
Доколку Картичката се сторнира или се откаже по било кој основ пред истекот на рокот на нејзиното важење, Xxxxxxxxxx се согласува сите нефактурирани, а настанати плаќања да се фактурираат наеднаш и истите ќе преставуваат главен долг по односната Картичка.
Член 19 – Однос со други документи
Овие Општи услови претставуваат составен дел од Договорот и ќе се применуваат врз односите помеѓу Динерс Клуб и Корисникот во целост. Дополнително, составен дел од овој Договор се и следните документи:
Тарифата на надоместоци на услугите што ги врши Динерс Клуб, објавени на интернет страницата на Динерс Клуб xxx.xxxxxx.xx,
Општите правила за користење на СМС услугата, објавени на интернет страницата на Динерс Клуб на следниов xxxxx://xxxxxx.xx/xxxxxx/ и
сите други правила и услови за користење на Kартичката објавени на web страницата на xxx.xxxxxx.xx
Во случај одредбите од овие Општи услови и одредбите од било кој од документите наведени во ставот (3) од овој член да се спротивни на одредбите на Договорот, ќе преовладуваат одредбите од Договорот. Одредбите на Општите услови преовладуваат пред одредбите на било кој од документите од ставот (3) на овој член.
Со потпишувањето на Договорот, Xxxxxxxxxx изјавува дека внимателно ги прочитал, разбрал и ги прифаќа во целост Договорот, овие Општи услови, како и секој од документите од ставот (3) на овој член.
Со потпишувањето на Договорот, Xxxxxxxxxx изјавува дека е запознаен со правата кои произлегуваат за Корисникот од Законот за заштита на личните податоци, Законот за заштита на потрошувачите при договори за потрошувачки кредити, како и Законот за спречување на перење пари и финансирање на тероризам.
Динерс Клуб може во согласност со својата деловна политика еднострано да ги менува овие Општи услови, како и другите документи од ставот (1) на овој член, при што Динерс Клуб за тоа е должен да го информира Корисникот преку електронска пошта. Доколку Xxxxxxxxxx не се согласува со промените, може да побара раскинување на Договорот и откажување на користењето на Динерс Клуб картичката во рок од 8 дена од денот на известувањето за настанатата промена. Во спротивно ќе се смета дека Xxxxxxxxxx е согласен со измените.
Член 20 – Лични податоци
Корисникот потврдува дека ги дава личните податоци на Динерс Клуб на доброволна основа и е информиран дека: има право на пристап до и корекција на своите податоци;
Динерс Клуб е контролор на лични податоци согласно Законот за заштита на лични податоци.
Корисникот е согласен Динерс Клуб да ги чува и обработува неговите лични податоци за целите на:
оценка на неговата кредитоспособност и способност за навремено подмирување на сите плаќања коj е должен да ги изврши спрема Динерс Клуб согласно Договорот;
склучување и спроведување на Договорот и издавање и администрирање на Картичката;
преземање на потребни правни активности поврзани со наплата, доброволна или присилна, на обврските на Корисникот од Договорот;
спроведување на маркетинг активностите на Динерс Клуб и промовирање на акции, поволности, попусти и нови Продукти; и
пренос на неговите лични податоци и информации во врска со кредитоспособноста на Македонско Кредитно Биро АД Скопје, со цел овие информации да послужат за оценување и одржување на неговата/нејзината кредитна репутација.
Во случај на доцнење со исплата, Корисникот е согласен Динерс Клуб да ги пренесе личните податоци на други надворешни субјекти (друштво за наплата или неговиот работодавач) во обемот потребен за наплата на износите што се должат. Корисникот ќе биде известен за друштвото за наплата на кое се пренесени податоците.
За да се обезбеди тајност и заштита на личните податоци, Динерс Клуб применува соодветни технички и организациски мерки за заштита од случајно или незаконско уништување на личните податоци или
нивно случајно губење, преправање, неовластено откривање или пристап, особено при пренос на податоци преку мрежа и заштита од какви било незаконски облици на обработка.
Член 21 – Заштита на потрошувачи
Органот кој ќе врши контрола на усогласеност со Законот за заштита на потрошувачи при договори за потрошувачки кредити е Народната банка на Република Северна Македонија.
Народна банка на Република Северна Македонија Бул. Xxxxxx Xxxxxxxxxx Питу 1, 1000 Скопје, Т
ел.: + 389 2 3108 108;
Е-маил: xxxx@xxxx.xx
(2) Законот од ставот (1) на овој член не се применува во случај кога Xxxxxxxxxx е правно лице.
Член 22 - Неважечки одредби
Доколку некоја одредба или дел од одредбите од Договорот или овие Општи услови се неважечки или неисправни, останатите одредби остануваат на сила.
КП.04.33
17.07.2023
1.5.4