Contract

20241092027

МИНИСТЕРСТВО ЗА ФИНАНСИИ

Врз основа на член 7 став 2 од Законот за гаранција на Република Северна Македонија на обврските по Договорот за заем за финансирање на ТЕН-Т проектот за автопат од Скопје до границата со Косово, кој ќе се склучи меѓу Европската банка за обнова и развој и Јавно претпријатие за државни патишта („Службен весник на Република Северна Македонија“ бр. 150/22), министерот за финансии донесе

ПРАВИЛНИК ЗА ФОРМАТА И СОДРЖИНАТА НА БАРАЊЕТО ЗА ОСТВАРУВАЊЕ НА ОСЛОБОДУВАЊЕТО ОД ДАНОК НА ДОДАДЕНА ВРЕДНОСТ, УВОЗНИ ДАВАЧКИ И АКЦИЗА НА ЕНЕРГЕНТИ И ДАНОК НА МОТОРНИ ВОЗИЛА ЗА ПАТНИЧКИ АВТОМОБИЛИ И ПОТРЕБНАТА ДОКУМЕНТАЦИЈА КОЈА ТРЕБА ДА СЕ ДОСТАВИ КОН БАРАЊЕТО

Член 1

Со овој правилник се пропишува формата и содржината на барањето за остварување на ослободувањето од данок на додадена вредност, увозни давачки и акциза на енергенти и данок на моторни возила за патнички автомобили и потребната документација која треба да се достави кон барањето.

Член 2

Барањето за остварување на ослободувањето од данок на додадена вредност, увозни давачки и акциза на енергенти и данок на моторни возила за патнички автомобили се поднесува на образец во А4 формат на хартија во бела боја.

Формата и содржината на барањето од став 1 на овој член се дадени во Прилог кој е составен дел на овој правилник.

Член 3

Кон барањето од член 2 од овој правилник се доставува следната потребна документација:

- копија од Договорот за заем за финансирање на ТЕН-Т проектот за автопат од Скопје до границата со Косово;

- фактура, про-фактура или договор за купопродажба, издадени од странски испорачател и

- изјава дека увезените добра/стоки се наменети за реализација на ТЕН-Т проектот за автопат од Скопје до границата со Косово.

Кога барањето од член 2 од овој правилник е поднесено од избраниот изведувач од страна на Јавното претпријатие за државни патишта, покрај документацијата од став 1 на овој член, се доставува и потврда од Јавното претпријатие за државни патишта дека избраниот изведувач е избран да врши договорни работи на ТЕН-Т проектот за автопат од Скопје до границата со Косово.

Член 4

Овој правилник влегува во сила наредниот ден од денот на објавувањето во „Службен весник на Република Северна Македонија“.

Бр. 23-3297/1

21 мај 2024 година Xxxxxxxx за финансии, Скопје д-р Xxxxxx Xxxxxx, с.р.