Contract

ОПШТИ ОДРЕДБИ

Член 1

(1) Општите услови за осигурување на лица од последици од несреќен случај (незгода) и овие Дополнителни услови за осигурување учесници на курсеви за скијање и пливање од последици од несреќен случај (во натамошен текст: Дополнителни услови), се составен дел на договорот за осигурување учесници на курсеви за скијање и пливање од последици на несреќен случај, што договарачот на осигурувањето ќе го склучи со Националната групација за осигурување АД "Осигурителна полиса" - Скопје, (во натамошен текст: осигурувач).

(2) Договарач на осигурување може да биде секое правно лице.

(3) Лицата што се осигуруваат според овие Дополнителни услови осигурени се без оглед на нивната здравствена состојба, општата работна способност и годините на живот како и без плаќање на зголемена премија во смисла на членот 9, став (3),точка 3 од Општите услови, освен лицата потполно лишени од деловна

способност, кои во секој случај се исклучени од осигурувањето.

ОБВРСКИ НА ОСИГУРУВАЧОТ

Член 2

Осигурувачот е во обврска ако несреќниот случај настане за време додека осигуреникот се наоѓа на пат од дома до одреденото вежбалиште или местото одредено за вежбање, за време на курсот како и патот на враќањето дома.

ИСПЛАТА НА ДНЕВЕН НАДОМЕСТ

Член 3

Ако е договорено осигурување и за случај на преодна неспособност за работа, осигурувачот му исплатува на осигуреникот кој поради несреќен случај не е способен за работа, дневен надоместок во договорената висина, и тоа почнувајќи од првиот ден од денот кога е започнато лекувањето, но, најмногу до 200 дена.

Притоа, предвид се зема само времето за кое осигуреникот бил неспособен да ги врши работите од своето редовно занимање, а не и времето кога бил неспособен за учество на курсот означен во полисата.

ОБВРСКА НА ОСИГУРУВАЧОТ КОГА ОСИГУРЕНИТЕ ЛИЦА

СЕ ПОМЛАДИ ОД 14 ГОДИНИ И ПОСТАРИ ОД 70 ГОДИНИ

Член 4

(1) Ако поради несреќен случај настапи смрт на осигуреникот помлад од 14 години, осигурувачот е во обврска да исплати на име трошоци за погреб да ја исплати договорената осигурена сума во случај на смрт, но, најмногу износот кој како максимален е утврден со Одлука на Одбор на директори на Националната групација за осигурување АД "Осигурителна полиса" - Скопје.

(2) Кога лицето на кое му настанал несреќен случај е постаро од 70 години, осигурувачот е во обврска да исплати 50% од износот кој инаку би требало да го плати.

ПРАВНА ПОУКА

Член 5

Осигуреникот има право до Агенцијата за супервизија на осигурување како надлежен орган за супервизија на друштвото за осигурување, да достави претставка во однос на друштвото.

ЗАВРШНИ ОДРЕДБИ

Член 6

Овие Дополнителни услови важат со Општите услови за осигурување на лица од последици од несреќен случај, а доколку нивната содржина е во спротивност со содржината на Општите услови, важат овие Дополнителни услови.