Contract

Дополнителни услови за осигурување демонтери на мини, гранати и други експлозивни средства

од последици од несреќен случај (незгода) 01.01.2014

ОПШТИ ОДРЕДБИ

Член 1

(1) Општите услови за осигурување на лица од последици на несреќен случај (незгода) и овие Дополнителни услови за осигурување демонтери на мини, гранати и други експлозивни средства од последици на несреќен случај (во понатамошен текст: Дополнителни услови), се составен дел на договорот за осигурување демонтери на мини, гранати и други експлозивни средства од последици на несреќен случај, што договорачот на осигурувањето ќе го склучи со АД Осигурителна полиса - Скопје, (во понатамошен текст: осигурувач).

(2) Договарач на осигурувањето може да биде правно и физичко лице.

(3) Лицата што се осигуруваат според овие Дополнителни услови осигурени се без оглед на нивната здравствена состојба, општата работна способност, како и без плаќање на зголемена премија во смисла на член 9 став (1) точка 4 на Општите услови, освен лицата потполно лишени од деловна способност, кои во секој случај се исклучени од осигурувањето.

ОБВРСКИ НА ОСИГУРУВАЧОТ

Член 2

Осигурувачот е во обврска ако несреќниот случај настане само за време на обавување на дејноста за која е склучено осигурувањето.

ТРАЕЊЕ НА ОСИГУРУВАЊЕТО

Член З

Осигурувањето започнува за секој осигуреник од моментот на почетокот на вршењето на припремните работи за демонтирање, а престанува кога предметот за демонтирање е ставен во таква состојба во која веќе не е опасен.

ПРАВНА ПОУКА

Член 4

Осигуреникот има право до Агенцијата за супервизија на осигурување како надлежен орган за супервизија на друштвото за осигурување, да достави претставка во однос на друштвото.

ЗАВРШНИ ОДРЕДБИ

Член 5

Овие Дополнителни услови важат со Општите услови за осигурување на лица од последици на несреќен случај, а доколку нивната содржина е спротивна со содржината на Општите услови, важат овие Дополнителни услови.

2