Contract
За потребите на проектот „Граѓаните на прво место“ (финансиран од Сектор за централно финансирање и склучување на договори на Министерството за финансии на Република Македонија, во рамките на Националната програма за помош при транзиција и институционална надградба 2011), а врз основа на Договорот за грант, Центарот за управување со промени - ЦУП испраќа:
ПОКАНА ЗА ДОСТАВУВАЊЕ ПОНУДИ 03/2016
за набавка на услуги – ангажирање на
ПРАВЕН ЕКСПЕРТ ЗА ПРОЕКТОТ „ГРАЃАНИТЕ НА ПРВО МЕСТО“
1. Центарот за управување со промени - ЦУП во рамките на проектот „Граѓаните на прво место“ (финансиран од Сектор за централно финансирање и склучување на договори на Министерството за финансии на Република Македонија, во рамките на Националната програма за помош при транзиција и институционална надградба 2011), има потреба од ангажирање на (1) правен експерт.
2. Опис на услугата:
а) Развој на методологија за истражување за испитување на мислењето на јавноста и ГО;
б) Подготовка на методологија за анализа и анализа на постоечките законски рамки на ЕЛС, практики/протоколи за транспарентност;
в) Подготовка на извештај и препораки од анализа;
г) Презентација на наодите од извештајот и препораките на завршна конференција.
Подетален опис на услугите во проектната задача се наоѓа во ТоР кој е дел од овој повик.
3. Фази на спроведување (прелиминарна временска рамка)
Услугата треба да се испорача меѓу месец февруари 2016 – јуни 2016 година. ЦУП го задржува правото на измена на временската рамка за испораката на нарачаната услуга од страна на добавувачот во зависност од претходно реализираните активности кои се во рамките на овој проект.
4. За набавката ќе се ангажира експерт со искуство и познавање на областите наведени во проектната задача. За реализација на оваа проектна задача, ЦУП во согласност со одредбите од договорот за проектот, ќе спроведе повик за доставување на понуди.
5. За таа цел, ве молиме да ни доставите Xxxx понуда за горе наведенава покана во рок од 10 дена од денот на нејзиното објавување. Понудата треба да содржи квалитативна и финансиска понуда.
Квалитативната понуда треба да се состои од:
• Кратка биографија (CV)
• Писмо за интерес
• Листа на референци
• Предлог методологија за работа со временска рамка
Финансискиот дел од понудата треба да биде во следниот формат:
Ставка | Опис на производ/услуга | Количина (број на денови) | Единечна цена во нето износ | Вкупна цена во нето износ |
1. | Развој на методологија за истражување | |||
2. | Подготовка на методологија за анализа | |||
3. | Анализа на постоечките законски рамки на ЕЛС, практики/протоколи за транспарентност | |||
4. | Подготовка на извештај и препораки | |||
5. | Презентација на наодите од извештајот и препораките на завршна конференција |
6. Изборот на добавувачот ќе се изврши по пат на евалуација на квалитативната и на финансиската понуда (максимум 60 бодови за квалитативната понуда и 40 бодови за финансиската понуда).
7. Услови и начин на плаќање
Плаќање: 30% по потпишување на договорот, 30% по анализата и 40% во рок од 30 дена по завршувањето на финалниот извештај за експертската задача.
8. Набавката е неделива.
9. Начин на доставување на понудите
Понудата се доставува во писмена форма. Во понудата потребно е финансиската понуда да биде издвоена во посебен плик и да биде означена. Понудата се доставува во еден затворен плик (во кој ќе биде содржана издвоената финансиска понуда) на кој во долниот лев агол треба да стои ознаката „НЕ ОТВОРАЈ“ и бројот на повикот (03/2016) на кој се однесува понудата. Во средината на пликот треба да биде назначена точната адреса на проектот: Центар за управување со промени, Партизански одреди бб, 1000 Скопје (во Институт за социолошки и политичко-правни истражувања). Пликот не смее да содржи никаква ознака со која би можел да се идентификува испраќачот – понудувачот.
Доставувањето на понудите се врши по пошта.
Краен рок на доставување на понудите е до 08.02.2016 година до 16:00 часот.
Понудите што ќе пристигнат по наведениот рок, како и оние кои не се изработени според пропозициите на повикот, нема да бидат земени предвид. Секој понудувач може да учествува само со една понуда.
Сите дополнителни појаснувања може да се добијат написмено, на е-маил адреса на ЦУП, xxxx@xxx.xxx.xx, најдоцна до 05.02.2016 година.
Рок на важност на понудата: најмалку 30 дена.