Општите правила и услови за користење на дебитни картички за правни лица (во понатамошниот текст: Општи правила и услови) се составен дел и претставуваат единствена целина на Рамковниот договор за платежни услуги (во понатамошниот текст: “Договор”) со...

ОПШТИ ПРАВИЛА И УСЛОВИ

НА СТОПАНСКА БАНКА АД СКОПЈЕ ЗА КОРИСТЕЊЕ НА ДЕБИТНИ КАРТИЧКИ ЗА ПРАВНИ ЛИЦА

ВОВЕДНИ ОДРЕДБИ

Општите правила и услови за користење на дебитни картички за правни лица (во понатамошниот текст: Општи правила и услови) се составен дел и претставуваат единствена целина на Рамковниот договор за платежни услуги (во понатамошниот текст: “Договор”) со кои се уредуваат условите за издавање, користење и затворање на Visa Business дебитните платежни картички што ги издава Стопанска банка АД – Скопје.

1. ДЕФИНИЦИИ

- Банка – Стопанска банка АД Скопје со седиште во Скопје, ул. „11 Октомври” бр.7;

- Рамковен договор за платежни услуги – договор со кој се уредува извршувањето на поединечни и последователни платежни трансакции и правата, обврските и условите за отворање, одржување и затворање на платежна сметка во Банката;

- Платежна картичка – вид на платен инструмент кој му овозможува на плаќачот да иницира трансакција со дебитна или кредитна картичка и која што може да се користи од имателот за плаќање на стоки и услуги и/или за повлекување и/или внесување готовина;

- Дебитна картичка – картичка која Банката ја издава на корисникот на картичката;

- Бизнис дебитна картичка – платежна картичка издадена на правни лица или субјекти од јавниот сектор или на самостоен вршител на дејност, кој што е ограничен на употреба само за покривање на деловните трошоци;

- Корисник на Бизнис картичка – правно лице на чии сопственици, вработени и ангажирани лица Банката издава Бизнис дебитни картички;

- Поединечен корисник на Бизнис картичка – физичко лице на чие име гласи картичката;

- Наменска платежна сметка – е наменска платежна сметка наменета за користење со Бизнис картичка издадена од Стопанска банка АД – Скопје. Оваа сметка Стопанска банка АД – Скопје ја отвара наменски заедно со издавањето на Бизнис картичката и служи за евидентирање на трансакциите направени со Бизнис картичката и на неа се задолжува/одобрува за износот на трансакциите со оваа картичка, трошоците, надоместоците и каматите кои настануваат со користењето на основната и дополнителните Бизнис дебитни картички во Република Северна Македонија и надвор од Република Северна Македонија;

- Расположливо салдо на наменската платежна сметка

– средства на располагање (сопствените средства и средствата од евентуално одобрено дозволено пречекорување и/или премолчено должничко салдо)

намалени за сите резервирани средства (за авторизирани, а неискнижени трансакции и резервации по разни основи од Бизнис дебитната картичка);

- Трансакциски лимит - вкупен износ од трансакции кој Корисникот на картичката може да го користи во рамки на еден месец преку извршување на трансакции во трговија и на банкомат;

- Трансакциски месечен лимит – максимален вкупен износ од трансакции кој Корисникот на картичката може да го користи во рамки на еден месец преку извршување на трансакции во трговија и на банкомат;

- Членарина – надомест за користење на картичката кој Банката го наплаќа од наменската платежна сметка на Корисникот на Бизнис картичката.

- Трошоци и надоместоци – задолжувања за износот на трансакциите, трошоците, членарините, надоместоците и каматите кои настануваат со користењето на картичките;

- Платежна трансакција со дебитна картичка – платежна трансакција заснована на картичка, вклучително и платежна трансакција со платежна картичка со претплата, која што не претставува платежна трансакција заснована на кредитна картичка, при што за износот на секоја платежна трансакција направена со употреба на дебитната картичка, веднаш или на крајот на однапред дефиниран период се намалува состојбата на расположливите парични средства на наменската платежна сметка на Kорисникот на платежните услуги;

- Сомнителна трансакција – трансакција која не ја потврдува Корисникот на картичката и е идентификувана како сомнителна од страна на надлежната служба на Банката;

- Обнова на картичка – процес на издавање на нова картичка непосредно пред истекот на рокот на користење на постојната картичка;

- Банкомат – електронски уред кој овозможува исплата на пари во готово, но и други услуги кои Банката ги има овозможено за користење без присуство на вработени од Банката;

- Продажно место – трговец кој има склучено Договор за прифаќање на платежни картички од програмата на Visa и Mastercard/Maestro;

- ПОС терминал – електронски уред инсталиран на продажни места или банкарски шалтери кој служи за електронско спроведување на трансакции;

- ПИН код – таен личен идентификационен број на Корисникот на основната картичка, односно Корисникот на дополнителната картичка, кој служи како идентификација при користење на картичката на банкомат и ПОС терминал;

- Слип – потврда од извршена трансакција со картичка;

- Авторизација - претставува процес во кој се врши одобрување на трансакцијата извршена со картичка;

- Резервирани средства - средства кои се веќе потрошени, но се уште не се потврдени од страна на продажното место;

- Меѓународна платежна организација - единствен збир на правила, практики, стандарди и/или упатства за извршување на платежни трансакции засновани на картичка, договорени меѓу давателите на платежните услуги, а кои што се одвоени од каква било инфраструктура или платен систем што би ја поддржувале нејзината работа и коишто вклучуваат определен орган на одлучување, организација или субјект, што ја носат одговорноста за функционирањето на шемата.

- Интернет (веб) страна на Стопанска банка АД – Скопје

се однесува на: xxx.xxx.xxx.xx

2. ИЗДАВАЊЕ НА БИЗНИС ДЕБИТНА КАРТИЧКА НА ПРАВНО ЛИЦЕ

Издавањето на Бизнис дебитна картичка е платежна услуга која Стопанска банка АД – Скопје ја дава на Корисникот согласно склучениот Рамковен Договор за платежни услуги и истата се активира од Корисникот врз основа на поднесување на барање за издавање на дебитна платежна картичка поврзана со наменска платежна сметка која Корисникот ја има во Банката. Барање може да се поднесе за издавање на Visa Business дебитна платежна картичка поврзана со посебна наменска платежна сметка во МКД. Притоа поднесувањето на барање за издавање на оваа картичка воедно претставува и барање за отварање на посебна наменска платежна сметка која се користи со оваа платежна картичка.

Банката издава Visa Business дебитни картички на Корисникот под услови утврдени со овие Општи правила и услови за дебитни картички за правни лица.

Врз основа на поднесено Барање за издавање на Visa Business дебитна картичка поднесено од Корисникот, Банката на Корисникот му издава дебитна картичка/дебитни картички наменети за сопствениците, законскиот застапник, вработените и ангажираните лица кај Корисникот.

Барање за издавање на Visa Business дебитна картичка поднесува законскиот застапник на Корисникот, а со потпишувањето на Договорот целосно ги прифаќа правилата на работа со дебитните картички пропишани од Банката и Visa Inc.

Корисникот се обврзува редовно да ги подмирува сите надоместоци и провизии поврзани со користењето на картичката како и сите камати поврзани со дозволеното пречекорување или премолченото должничко салдо, доколку таквите се ставени на располагање на наменската платежна сметка со која е поврзана бизнис дебитната картичка.

Банката може да издаде дебитна картичка согласно важечката понуда на дебитни картички.

Банката може да издаде една дебитна картичка или повеќе поединечни картички за кои Корисникот ќе поднесе барање за издавање, со тоа што секоја поединечна картичка може

да има посебен број и наменска платежна сметка, а задолжувањата за сите трансакции направени со картичките се водат на товар на сметките отворени за секоја од издадените дебитни картички.

Важечка е дебитната картичка која е издадена согласно Општите правила и услови за дебитни картички за правни лица и Договорот и која е потпишана од лицето на чие име гласи картичката (во понатамошниот текст: Поединечен Xxxxxxxx) на задната страна на панелот определен за потпис, со хемиско пенкало. Евентуалните штети што можат да произлезат од користење на непотпишана картичка паѓаат на товар на Корисникот.

Банката ја предава на користење дебитната/те картичка/и заедно со придружната документација непосредно на законскиот застапник на Корисникот или на лице овластено од него со пополнување на посебен формулар “Овластување“ обезбеден од Банката.

Приемот на Visa Business дебитната картичка се потврдува со потпис на потврдата за прием на дебитната картичка.

Visa Business дебитната картичка е со рок на важење од најмалку две години од денот на нејзиното издавање.

Важноста на картичките е отпечатена на лицето на картичката.

Корисникот има право да го откаже правото на користење на картичката и пред истекот на рокот на важење и да бара од Банката во присуство на овлатени лица на Корисникот да ја поништи картичката и да ја објави за неважечка.

Ако Корисникот се придржува до Општите правила и услови за Бизнис дебитни картички и не го откаже обновувањето на секоја поединечна картичка најмалку 30 дена пред истекот на нејзината важност, картичката ќе биде автоматски обновена и не е потребно да се доставува посебно барање за нејзино обновување, согласно важечките услови во моментот на обновување.

Корисникот е должен да води грижа за датум на важење на Visa Business дебитните картички што на негово барање ги има издадено Банката. Доколку не биде известен за обновената картичка во текот на месецот кога истекува нејзината важност, должен е да се обрати до Банката.

Корисникот е должен да ја уништи (неколкукратно пресече) старата картичка чиј рок на важење е истечен.

Во случај наменската платежна сметката поврзана со секоја Бизнис дебитна картичка да нема доволно средства, Корисникот ја овластува Банката износот на годишно членство и други провизии да ги наплати од друга платежна денарска сметка која Xxxxxxxxxx ја има во Банката и за таа цел Корисникот ја овластува Банката, во негово име и за негова сметка, да ги пополни и потпише сите потребни платни инструменти и потребниот износ да го наплати со зафаќање и пренос на средствата од платежната денарска сметка на Корисникот.

3. КОРИСТЕЊЕ НА БИЗНИС ДЕБИТНА КАРТИЧКА

Visa Business дебитната платежна картичка што ја издава Банката го има брендот на Visa, кој е глобално прифатен и може да се користи за:

• Бесконтактни и/или контактни платежни трансакции на ПОС терминал или Банкомат авторизирани со ПИН код;

• Бесконтактни платежни трансакции за кои не е потребна авторизација со ПИН (платежни траснакции до одреден износ кој Visa/MasterCard го определуваат за секоја земја одделно каде се прифаќаат нивните картички);

• Интернет плаќања при што во зависност од ризичноста Xxxxxxx може да побара авторизација на трансакцијата со СМС ОТП код;

• Други начини за извршување на платежни трансакции определени од Visa/MasterCard картичните платежни шеми.

Бизнис дебитната картичка не е пренослива на други лица и може да ја користи исклучиво само Поединечниот Корисник чие име е отпечатено (ембосирано) на картичката.

Visa Business дебитната картичка може да се користи на продажните места и банкомати во земјата и странство на кои е истакнат знакот на Visa Inc.

За користење на секоја Visa Business дебитна картичка, Банката му издава на Корисникот посебен ПИН код. ПИН кодот му е познат исклучиво само на Поединечниот Корисник на Visa Business дебитната картичка и истиот потребно е да го чува строго доверливо без пристап или достапност на трети лица. ПИН кодот не смее да се запишува на картичката и никаква писмена трага за ПИН кодот не смее да биде доведена во врска со картичката. Во случај на губење или заборавање на ПИН кодот, Корисникот потребно е веднаш да се обрати во Банката за негово повторно издавање.

Корисникот целосно ја сноси одговорноста за неовластено користење на Бизнис дебитната картичка издадена на негово име.

Бизнис дебитната картичка првенствено е наменета за:

- безготовински плаќања во земјата и странство за деловни потреби на Правното лице

- за подигање на готовина од банкомати за деловни потреби на Правното лице

Бизнис картичката може да се употребува на сите места во светот што се вклучени во системот на платежната организација во чија сопственост е Visa брендот, во рамките на расположливите средства на денарската сметка на Правното лице со која е поврзана Бизнис дебитната картичка.

Употребата на Бизнис дебитната картичка се потврдува со верификација на корисникот која може да биде:

- со потпис и/или точно внесен ПИН код, за трансакции направени со физичко присуство на картичката на продажното место и

- со CVV2 бројот на картичката и/или друг начин на автентикација што го пропишала Xxxxxxx при реализација на трансакции без присуство на картичката (интернет, телефонски/поштенски порачки и сл.)

Користењето на секоја Visa Business дебитна картичка се врши само во рамки на расположливото салдо достапно на наменската платежна сметка која е поврзана со Бизнис

дебитната картичка и во рамките на утврдените лимити за користење на картичката во готовинскиот и безготовинскиот промет.

Банката одредува препорачани трансакциски лимити за користење на картичката во трговија и за подигање готовина за кои Корисникот е информиран при подигањето на картичката и истите се јавно објавени на веб страната на Банката. Xxxxxxx го задржува правото да врши промена на трансакциските лимити. Во моментов, во примена се следните трансакциски лимити за Visa Business дебитната картичка:

• 60.000 денари дневен трансакциски лимит за подигнување на готовина;

• 250.000 денари лимит по поединечна трансакција во трговската мрежа;

• 600.000 денари месечен трансакциски лимит за безготовински платежни трансакции во трговската мрежа на ПОС терминали;

• 300.000 денари месечен трансакциски лимит за безготовински платежни трансакции во трговската мрежа на интернет.

По барање на Корисникот може да се дефинираат поинакви лимити од трансакциските лимити по картичка дефинирани од страна на Банката. Трансакциските лимити се однесуваат на картичката и секоја промена на лимитите се однесува на картичката на која се врши промената. При промена на бројот на картичката се поставуваат препорачаните трансакциски лимити од страна на Банката.

Корисникот по потреба префрла средства на денарските сметки поврзани со Бизнис картичките кои се издадени на негово барање. За евентуално недозволено пречекорување (премолчено должничко салдо) на наменската платежна сметка поврзана со Бизнис дебитна картичка на Корисникот, Банката има право да наплати законска казнена камата чиј износ е пропишан согласно законските и подзаконските прописи важечки во Република Северна Македонија.

На наменската платежна сметка поврзана со Бизнис дебитна картичка, на барање на Корисникот Банката може да одобри дозволено пречекорување кое ќе го стави на располагање на Корисникот и за кое Xxxxxxx склучува посебен договор со Корисникот.

Еден примерок од потврдата за купопродажба, Корисникот на картичката задржува за своја евиденција. Оваа потврда и сите документи во врска со извршените плаќања со употреба на Бизнис дебитната картичка, Корисникот е должен да ги чува најмалку 13 месеци. На барање на Xxxxxxx, доколку за тоа се појави потреба, Корисникот е должен сите документи и потврди за извршеното плаќање со Бизнис дебитната картичка да ги достави до Банката.

За идентификација на Корисникот и верификација на трансакциите со Бизнис картичката Банката му издава на Поединечниот корисник на картичката ПИН код во затворен плик. ПИН кодот е таен и Поединечниот корисник на картичката е должен да го чува и да не го соопштува никому под никакви услови .

Бизнис дебитната картичка е наменета за употреба лично од Поединечниот Корисник и истиот не смее да ја дава на употреба и користење на други лица.

Корисникот е носител на правата и обврските настанати со употреба на сите Бизнис картички кои Xxxxxxx ги издала на негово барање согласно Општите правила и услови. Правата и обврските што произлегуваат од употребата на Бизнис дебитните картички издадени согласно овој Договор (а на барање на Корисникот), настануваат од денот кога Корисникот, односно овластеното лице на Корисникот потпишало потврда за прием на картичката/те.

За сите трансакции направени преку Бизнис дебитните картички издадени на Корисникот, Xxxxxxx ја задолжува наменската платежна сметката која е поврзана со дебитната картичка. Корисникот е согласен и ја овластува Банката за сите трансакции направени во странство со Бизнис дебитните картички издадени на Корисникот да ја задолжува наменската платежна сметка која што е поврзана со Бизнис дебитната картичка и да изврши конверзија на износот со примена на продажен курс за девизи од курсната листа на Банката важечки на денот на задолжувањето, како и да ја задолжи наменската платежна сметка со соодветен износ на провизија согласно актите и тарифата на Банката. Доколку на наменската платежна сметка нема доволно средства, Xxxxxxx има право да ја задолжи платежната сметка на Xxxxxxxxxx и да го зафати потребниот износ од идни приливи или друга негова сметка во Банката од постоечки или идни приливи.

За сите користења на издадените Бизнис картички во странство, пресметката се врши во ЕУР, а задолжувањето се врши на наменската платежна сметка на Бизнис дебитната картичка на Корисникот по курсеви во согласност со курсната листа на Банката за девизи коишто важат на денот на задолжувањето. Сите курсни разлики и конверзија од останати валути во ЕУР и од ЕУР во денари се на товар на Xxxxxxxxxx.

4. НАДОМЕСТОЦИ И ПРОВИЗИИ

Корисникот на картичката ѝ плаќа на Банката годишна членарина и други трошоци и надоместоци во согласност со актите на Банката и истите се составен дел на Тарифата објавена на веб страната на Банката.

Висината на трошоците и надоместоците се променливи во согласност со измената на актите на Xxxxxxx и Корисникот е согласен за секоја нивна натамошна промена, да биде информиран на било кој од следните начини: 1) преку писмено известување, 2) преку известување доставено по електронска пошта, или 3) со објавување на веб страната на Банката.

Корисникот е должен, доколку не сака да ја обнови картичката, најмалку еден месец пред истекот на рокот на важност на картичката, писмено да ја извести Xxxxxxx дека има намера да го откаже користењето на картичката. Во спротивно, платежната сметка на Корисникот ќе биде задолжена со годишна члeнарина за издадената Бизнис дебитна картичка.

Корисникот ја овластува Xxxxxxx задолжувањата по основ на платежните трансакции со бизнис дебитната картичка како и сите трошоци, надоместоци и членарини поврзани со

неа да ги врши од посебната наменска платежна сметка во МКД која е поврзана со бизнис дебитната картичка, на товар на расположлливите средства на наменската платежна сметка, дозволеното пречекорување и/или премолченото должничко салдо кое Банката му го става на располагање во случај кога Xxxxxxxxxx нема доволно расположливи средства за задолжување на наменската платежна сметката по овие основи.

Корисникот е должен да ги плати трошоците за изработка на бизнис дебитната картичка, како и други трошоци од работењето со картичката во согласност со актите на Банката.

Корисникот на картичката е согласен и ја овластува Xxxxxxx да ја задолжува неговата наменската платежна сметка и во случај на:

1. камата на дозволено и недозволено пречекорување (премолчено должничко салдо);

2. трошоци за членарина и надоместоци;

3. трошоци и провизии за конверзија и

4. други трошоци предвидени во случај на неправилна употреба или непридржување кон условите и правилата за користење на картичката или евентуална нејзина злоупотреба.

Доколку на наменската платежна сметка која е поврзана со дебитната картичка нема доволно средства, Корисникот на картичката е согласен и ја овластува Xxxxxxx да задолжи друга платежна сметка на Корисникот во Банката и да го зафати потребниот износ од идни приливи или друга негова сметка во Банката од постоечки или идни приливи.

Банката врши дополнителни интерни контроли во врска со примената на Договорот и Општите правила и услови во однос на наплатените надоместоци поради користењето на производите во периодот на важност на Рамковниот договор. Доколку при интерните контроли се утврди дека е наплатен надоместок која не е во согласност со Договорот, Xxxxxxxx и Актите на Банката, се применуваат услови поволни за Корисникот и разликата се враќа на платежната сметка на Корисникот.

Корисникот има право да го откаже користењето на дебитната картичка во секое време без никаков надоместок со достава на Барање/Изјава за откажување на картичката во било која од филијалите на Банката. Откажувањето од користење на дебитната картичка значи и откажување од користење на наменската платежна сметка која што е поврзана со дебитната картичка која наменски се отвара со издавањето на картичката и за која барањето за откажување на Visa Business дебитната картичка претставува и барање за откажување од наменската платежна сметка поврзана со неа.

Банката има право да го одземе правото на користење на бизнис дебитната картичка пред истекот на важноста на картичката доколку Корисникот, односно Поединечниот корисникне се придржуваат кон Општите правила и услови за работење со дебитни картички, како и во случај на злоупотреба на дадените права.

Банката може да го оневозможи користењето на дебитната картичка само ако постојат оправдани причини за тоа, а се поврзани со сигурноста од користењето на дебитната картичка, ако постои сомневање од неовластено и неодобрено користење на дебитната картичка или нејзина злоупотреба, или ако постои зголемен ризик Корисникот да не е во можност да ги исполни своите обврски за плаќање во случај кога користењето на дебитната картичка е поврзано со одобрен кредит, односно дозволено пречекорување на наменската платежна сметка која е поврзана со дебитната картичка.

Во случај на одземање на правото на користење на дебитната картичка, како и во случај на откажување на користење на картичката од страна наКорисникот, Xxxxxxx ја огласува картичката за неважечка, а Xxxxxxxxxx е должен веднаш да обезбеди покритие за сите обврски настанати со користењето на картичката.

5. ИЗВЕСТУВАЊЕ

За сите промени поврзани со сметките на издадените Бизнис дебитни картички на Корисникот, Банката го известува со извод кој му е достапен во електронска форма преку системот за електронско банкарство на Банката. Корисникот е должен најмалку еднаш месечно да изврши увид во изводот од наменската платежна сметка кој Банката му го става на располагање преку филијалите и онлајн платежните услуги поврзани со платежната сметка (дигиталното банкарство на Стопанска банка АД - Скопје).

Во случај на техничка или друга неможност да изврши увид во електронскиот извод, Корисникот е должен веднаш писмено да се обрати до Банката и да побара печатена верзија на изводот.

6. РЕКЛАМАЦИИ

Банката не превзема никаква одговорност за квалитетот и количината на производите односно услугите купени со картичката. Рекламациите во врска со квалитетот и количината на производите односно услугите купени со картичката, Корисникот е должен да ги решава во непосредна комуникација со трговецот.

Рокот за поднесување на рекламациите е најдоцна 40 дена од денот на платежната трансакција која се оспорува, а доколку основ за оспорување е неавторизирана или неправилно извршена трансакција рокот е 13 месеци од датумот на задолжувањето. Рокот за решавање на рекламацијата го одредува Банката во согласност со меѓународните оперативни правила на Visa Inc.

Доколку Xxxxxxx утврди дека рекламацијата е оправдана ќе изврши одобрување на наменската платежна сметка на Корисникот, а во случај на неоправдана рекламација, Xxxxxxx го задржува правото да ги наплати од Корисникот сите трошоци направени во постапката за рекламација.

Услов за поврат на износ по извршена трансакција со картичката е да се поднесе рекламација од страна на Корисникот. За потребите на Рекламацијата Корисникот е должен да чува и приложи копија од потврдата за извршеното плаќање (слип/e-mail).

Рокот за решавање на случајот на рекламацијата го одредува Xxxxxxx во согласност со правилата на платежната организација Visa International.

7. РЕИЗДАВАЊЕ НА КАРТИЧКА

Корисникот ги сноси сите законски и финансиски последици од евентуално неовластено користење на Бизнис дебитните картички издадени на негово барање.

Корисникот, односно поединечниот корисник на картичката е должен губењето, кражбата или сомнението за злоупотреба на картичката да го пријави во филијала на Банката или телефонски со цел нејзино блокирање, а доколку е потребно да го пријави и во Министерството за внатрешни работи. Банката не одговара за штетата што ја има Корисникот од евентуално користење на изгубена, украдена или злоупотребена Бизнис дебитна картичка. Целата материјална штета, заедно со евентуалните курсни разлики ја поднесува Корисникот.

Ако Xxxxxxxxxx ја најде картичката, а претходно го пријавил нејзиното губење, кражба или злоупотреба, не смее да ја користи картичката, туку потребно е да ја поништи со неколкукратно пресекување на картичката.

Во случај на губење, кражба или сомневање за злоупотреба на дебитната картичка, на барање на Корисникот Банката издава нова, со нов број на картичка.

Банката не одговара за штетата што ја има Корисникот од евентуално користење на изгубена, украдена или злоупотребена картичка. Целата материјална штета, заедно со евентуалните курсни разлики, ја поднесува Корисникот. Корисникот не сноси одговорност за трансакциите кои се извршени по пријавување на картичката до Банката за изгубена, украдена или злоупотребена, освен ако сам извршил злоупотреба на картичката или учествувал во злоупотреба.

Корисникот е согласен Xxxxxxx да изврши блокирање на картичката доколку се сомнева на злоупотреба на дебитната картичка, а за тоа ќе го извести Корисникот.

Банката може да доставува информација за изгубената картичка до мрежата на овластени прифаќачи на картички во земјата и странство.

Банката може да доставува информации до мрежата на овластени прифаќачи на картички во земјата и во странство и во случај на одземање на правото на користење на картичката, како и во случај на откажување на користење на картичката од страна на Корисникот.

Во случај на реиздавање на дебитната картичка пред истекот на рокот на важење поради губење, кражба или сомневање за злоупотреба на барање на Корисникот Xxxxxxx ќе ја замени со нова, а трошоците во врска со заменетата картичка се на товар на Корисникот.

Во случај на оштетување на бизнис дебитната картичкапред истекот на рокот на важење, на барање на Корисникот Банката ќе ја замени оштетената картичка со нова.

Во случај на оштетување на бизнис дебитната картичка трошоците во врска со заменетата картичка се на товар на Xxxxxxxxxx.

8. ЗАВРШНИ ОДРЕДБИ

Xxxxxxx го задржува правото на измена на Xxxxxxxx согласно деловната политика на Xxxxxxx а Xxxxxxxxxx е согласен за тие промени или дополнувања да се информира преку web страната на Xxxxxxx.

Банката не сноси никаква одговорност ако Бизнис дебитната картичка издадена на барање на Корисникот не може да се користи во ситуации кои се надвор од контролата на Банката како на пример:

- Кога картичката е технички или функционално оштетена;

- Кога продавачот, продажното место, банкоматот или банката прифаќач не ја прифаќаат картичката;

- Технички проблеми поврзани со опрема, систем, телекомуникации и електрична енергија;

- Општествени немири или други вонредни околности. Забрането е секое користење на издадените Бизнис дебитни картички спротивно на важечките законски прописи како и плаќање на стоки и/или услуги кои се забранети со важечките законски прописи. Секое користење на картичката спротивно на важечките законски прописи повлекува автоматско одземање на правото на користење на картичката а целокупната материјална штета ја сноси Корисникот.

Корисникот се согласува Xxxxxxx да го проверува неговиот бонитет и од него да бара податоци за неговото работење кои се однесуваат на бонитетот.

Корисникот е должен да достави до Банката заверени потписи на лицата овластени за застапување и должен е да ја извести Банката за измена на овие податоци во рок од 3 дена од настанувањето на истите.

Корисникот се обврзува навреме да ја известува Xxxxxxx за сите измени што ќе настанат во врска со негови статусни и други промени што можат да влијаат врз работењето со Бизнис дебитните картички издадени од Банката согласно овие Општи правила и услови.

Во случај на раскинување/престанок на Договорот, Xxxxxxxxxx е должен да ги поништи (со неколкукратно пресекување) сите Бизнис дебитни картички кои му биле издадени, како и да ги измири сите обврски настанати по основ на Договорот и Општите правила и услови за дебитни картички.

Банката кон Корисникот ги применува меѓународните правила на работење на платежната организација чиј заштитен знак стои на картичката (Visa или MasterCard), како и општите правила и услови на Банката за работење со картички и останатите акти на Банката.

Секоја промена на меѓународните правила на работење на платежната организација чиј заштитен знак стои на картичката (Visa или MasterCard) е задолжителна за Банката и Корисникот.

Банката и Меѓународните платежни институции го задржуваат правото за воведување на дополнителни привилегии/услуги за Корисникот, како и за времено или целосно укинување на истите без претходна најава и согласност од Корисникот.

Банката го задржува правото на измена на овие Општи услови, како и Тарифата за надомест на услуги на Стопанска банка АД Скопје и Одлуката за каматни стапки на Стопанска банка АД Скопје согласно со деловната политика на Банката, и за тие измени или дополнувања ќе го известува Корисникот на еден од следните начини: 1) преку писмено известување, 2) преку известување доставено по електронска пошта, или 3) со објавување на својата веб страна.

Сите измени и дополнувања на овие Општи правила и услови, Xxxxxxx ќе му ги предложи на Корисникот најдоцна два месеци пред датумот на нивната примена на еден од следните начини: 1) преку писмено известување, 2) преку известување доставено по електронска пошта, или 3) со објавување на својата веб страна.

Корисникот има право да ги прифати или да не ги прифати предложените измени и дополнувањата пред датумот на примена на измените и дополнувањата и за прифаќањето или неприфаќањето ја известува Xxxxxxx.

Доколку пред датумот на примена на предложените измени и дополнувања, Xxxxxxxxxx не ја извести Xxxxxxx дека не ги прифаќа, ќе се смета дека Xxxxxxxxxx ги прифаќа предложените измени и дополнувања.

Во случај да Xxxxxxxxxx не ги прифаќа предложените измени и дополнувања, истиот е должен да ја врати картичката на Xxxxxxx или да ја поништи и задолжително да потполни Изјава/Барање за затворање на картичката.

Корисникот има обврска да ги надомести сите трошоци кои се настанати до моментот на раскинување/престанок на договорниот однос.

Секое користење на картичката кое е спротивно на Општите правила и услови повлекува автоматско одземање на бизнис дебитната картичка, преземање на мерки согласно важечките законските прописи, а целокупната материјална штета ја сноси Корисникот.

За сè што не е предвидено со овие Општи правила и услови, ќе се применуваат важечките законски прописи и интерните акти на Банката.

Во случај на спор помеѓу Xxxxxxx и Корисникот надлежен е Основен граѓански суд Скопје.

Овие Општи правила и услови се важечки од 01.01.2023 година па во иднина.