ЈП “Чистота и зеленило”, NP “Pastrimi dhe gjelbërimi”, ул. Братство и единство бр.30, Куманово, Република Македонија застапувано од в.д. Директорот Ивановска Цветанка (во понатамошниот текст – договорен орган) од една страна и

МОДЕЛ НА РАМКОВНА СПОГОДБА

Договорни страни:

ЈП “Чистота и зеленило”, NP “Pastrimi dhe gjelbërimi”, ул. Братство и единство бр.30, Куманово, Република Македонија застапувано од в.д. Директорот Ивановска Цветанка (во понатамошниот текст – договорен орган) од една страна и

__________________, ул. _________________ бр.___, застапувано од Одговорното лице_____________, (во понатамошниот текст Носител на набавката) од друга страна.

Предмет на спогодбата

Член 1

Со Спогодбата која се склучува се уредува начинот и условите за доделување на договори јавни набавки на Резервни делови, одржување и поправка на товарни моторни возила (ИСУЗУ, ФИАТ И ФОРД КАРГО) во се според тендерската документација, техничките спецификации и понудата на Носителот на набавката по спроведена постапка за јавна набавка на Договорниот орган со број на оглас 00/2020.

Основ на спогодбата

Член 2

Основ на оваа спогодба е спроведена постапка за јавната набавка на Договорниот орган со број на оглас 00/2020.

Понудата на Носителот на набавката, тендерската документација и техничките спецификации по спроведена постапка за јавната набавка на Договорниот орган со број на оглас 00/2020 се составен дел на оваа спогодба.

Носителот на набавката е врзан за понудата, тендерската документација и техничките спецификации за јавната набавка на Договорниот орган со број на оглас 00/2020 и истите се во важност за целото времетраење на спогодбата.

Количини и единечни цени

Член 3

Количините на стоки предмет на оваа спогодба се одредуваат согласно потребите на Договорниот орган од ваков вид на стоки.

Единечните цени за извршување на предметот на оваа спогодба се утврдени во Прилог - Листата на цени за резевни делови на товарни моторни возила ________________ којa е составен дел на оваа спогодба.

Единечните цени дадени во Прилог на оваа спогодба се фиксни за целото времетраење на оваа спогодба и истите не подлежат на измени до крајот на нејзиното исполнување.

Во единечната цена е содржана цената на резервниот дел и норма час за други сервисни услуги и поправки.

Во цената се вклучени сите трошоци.

Член 4

Цената на резервниот дел кој не е предвиден во Прилог-Листата на цени за резервни делови за товарни моторни возила _____________, ќе се фактурира набавната - влезната цена на делот зголемена за максимум 20% маржа и данок на додадена вредност.

Вредност на спогодбата

Член 5

Вкупната вредност на оваа спогодба изнесува ____________ денари без вклучен ДДВ или ____________ денари со вклучен ДДВ.

Договорниот орган не е во обврска во целост да ја реализира вкупната максимална вредност на оваа Спогодба.

Времетраење на спогодбата

Член 6

Рамковната спогодба ќе се склучи за времетраење од 12 месеци од денот на нејзиното потпишување од двете договорни страни, или до нејзиното вредносно исполнување, што попрво ќе истече или ќе се исполни.

Права и обврски на двете страни

Член 7

Правата и обврските на договорните страни кои произлегуваат од оваа спогодба стапуваат во сила од денот на потпишувањето на спогодбата од двете договорни страни.

Двете страни се должни да ги извршуваат своите обврски и се одговорни за нивното исполнување.

Обврски на Носителот на набавката

Член 8

Носителот на набавката се обврзува да набавува исклучиво нови резервни делови, во рок од 5 /пет/ работни дена со доставување до магацин на ЈП "Чистота и зеленило" – Куманово, Носителот на набавката се обврзува дека ќе ги обезбедува резервните делови од член 1 на оваа спогодба и за возилата со кои Договорниот орган дополнително ќе се стекне за време на важење на оваа спогодба, а за што писмено ќе биде известен.

Начин на реализација на спогодбата

Член 9

Оваа спогодба се реализира со доделување на единечни договори за јавна набавка.

Единечните договори ги доделува Договорниот орган на Носителот на набавката, сукцесивно согласно своите потреби за целиот период на времетраење на оваа спогодба.

Елементите на единечните договори ќе бидат во се според условите од оваа спогодба и останатите услови по спроведената постапка за јавната набавка на Договорниот орган со број на оглас 00/2020 и истите ќе останат непроменети за целото времетраење на спогодбата.

Единечните договори ќе се сметаат за склучени со давање на писмена нарачка од Договорниот орган до Носителот на набавката, испратена по e-mail (на _____________), по пошта или лично од еден овластен претставник на Договорниот орган.

Со потпишувањето на рамковната спогодба од двете договорни страни, Носителот на набавката потврдува и се согласува дека без приговор ги прифаќа за реализација сите единечни договори за јавна набавка доделени од Договорниот орган на Носителот на набавката по оваа Рамковна спогодба.

Начин и рок на плаќање

Член 10

Договорниот орган, плаќањето по единечните договори на рамковната спогодба го врши вирмански, во рок од 60/шеесет/ дена од денот на приемот на фактурата со целокупната пропратна, уредно заверена, документација во архивата на Договорниот орган.

Составен дел на фактурата е испратницата.

Носителот на набавката во прилог на фактурата, за резервните делови кои не се предвидени во Листата на цени, треба да достави копија од влезната фактура (со потпис и печат и со назнака “Верно на оригиналот”) со која е набавен резервниот дел, од каде може да се види набавната цена на делот. Доколку делот е набавен од странство и во фактурата не се прикажани сите трошоци, Носителот на набавката е должен да достави копија од влезната фактура (со потпис и печат и со назнака “Верно на оригиналот”) и калкулација во која ќе бидат прикажани трошоците кои се платени во РМ.

Носителот на набавката е целосно одговорен и потврдува дека нема направено измена (зголемување) на влезната цена за резервниот дел.

Договорниот орган го задржува правото да ја врати фактурата доколку не е комплетна и да поднесе рекламација на пресметката на фактурата во рок од 8 (осум) дена, сметано од денот на приемот на фактурата.

Виша сила

Член 11

Ниту една од договорните страни нема да биде одговорна за неисполнување на оваа спогодба до кое би дошло заради виша сила.

Ако една од договорните страни е спречена во исполнувањето на своите обврски по оваа рамковна спогодба, заради виша сила, должна е во рок од 24 часа писмено да ја извести другата страна, со наведување на причините за вишата сила и по можност обезбедување на соодветен доказ.

Раскинување и санкции за прекршување на спогодбата

Член 12

Кога една од договорните страни нема да ја исполни својата обврска другата договорна страна може да бара исполнување на обврската или да ја раскине спогодбата без отказен рок.

Договорната страна која поради неисполнување на договорните обврски бара продолжување на исполнување на обврската или раскинување на спогодбата, должна е тоа да и го соопшти на другата договорна страна без одлагање, по писмен пат.               

   Кога Xxxxxxxxx на набавката ќе задоцни со исполнување на својата обврска по единечениот договор, ќе му ја плати на Договорен орган договорна казна во висина од 5% од вкупната вредност на единечниот договор, без ДДВ.

При наредно задоцнување на исполнување на обврска по единечен договор или неисполнување на било која друга обврска по оваа спогодба по вина на Носителот на набавката, Договорниот орган ја раскинува рамковната спогодба и наплаќа договорна казна во висина од 5% од вкупната вредност на спогодбата без ДДВ.

Решавање на спорови

Член 13

Двете страни се согласни сите евентуалните спорови и недоразбирања кои би произлегле од оваа спогодба и од единечните договори, да ги решаваат во духот на добрите деловни обичаи со меѓусебно договарање.

Доколку тоа не е можно, спорот ќе го решава надлежниот суд во Куманово.

Член 14

За се што не е предвидено со оваа спогодба ќе се применуваат одредбите од Законот за облигационите односи и другите позитивни законски прописи.

Член 15

Измени и дополнувања на спогодбата се вршат со заедничка согласност на двете договорни страни по писмен пат.

Спогодбата се менува со Xxxxx само во согласност со одредбите на Законот за облигациони односи, Законот за јавните набавки и тендерската документација.

Член 16

Оваа спогодба е склучена во 4 (четри) истоветни примероци, од кои 2 (два) за Договорниот орган и 2 (два) за Носителот на набавката.

Договорен орган Носител на набавката

ЈП "Чистота и зеленило"

NP “Pastrimi dhe gjelbërimi”

в.д. Директор

дипл. шумарски инж. Ивановска Цветанка

Забелешка: Договорниот орган го задржува правото при склучувањето на рамковната спогодба со избраниот носител на набавката може да внесе одделни измени во текстот на рамковната спогодба договорот, а кои нема да се однесуваат на измена на веќе утврдените услови во тендерската документација.