Contract

Д О Г О В О Р

За реализација на практична настава на студентите Склучен помеѓу:

1. Универзитетот “Св. Кирил и Методиј” во Скопје, Природно- математички факултет - Скопје, ул. Архимедова бр. 3, застапуван од деканот проф. д-р Даворин Трпески (во натамошниот текст - Факултетот)

2.                               , ул.            , застапуван од управителот                          (во натамошниот текст - Фирмата соработник)

Член 1

Со овој Договор, се уредуваат начинот и условите за реализирање на практична настава на студентите од Факултетот, во просториите на Фирмата соработник.

Член 2

Согласно Правилникот за начинот и условите за организирање на практична настава за студентите, се определува дека практичната настава е со времетраење од минимум 30 (триесет) работни денови, а во текот на денот времетраењето на практичната настава е од 1 (еден) до 8 (осум) часа.

Член 3

Студентот практикант кој ќе биде упатен од Факултетот е задолжен на Фирмата соработник да и предаде пополнет документ – Потврда за упатување на студентот до Фирмата соработник каде студентот треба да ја реализира практичната настава, со потпис и печат од овластено лице од Факултетот.

Член 4

По истекот на времетраењето на практичната настава Фирмата соработник му враќа на студентот копија од Потврдата за упатување и му издава Потврда за реализирана практична настава, со назнака во кој временски период, на официјален меморандум на Фирмата соработник, со потпис од овластено лице и печат на Фирмата соработник, заверена со архивски број.

Член 5

Фирмата соработник има обврска да обезбеди достапност на информации и вештини за студентите, да го запознае секој студент со сите негови права и обврски кој е должен да ги почитува и да му додели ментор за давање насоки и следење на практичната настава на студентот.

Член 6

Договорот се склучува за период од 2 години, со можност за продолжување.

Секоја измена на договорот подразбира писмено одобрување од страна на двете договорни страни

Член 7

Овој договор е составен во четири еднообразни примероци, од кои по два за секоја договорна страна.

Член 8

Овој договор влегува во сила од денот на потпишувањето.

Универзитет “Св. Кирил и Методиј           

Природно-математички факултет ”-Скопје            

Д Е К А Н, Управител,

Проф. Д-р Даворин Трпески