ЗКК се состои од 12 членови, по шест од двете страни, претставници на Европскиот економско- социјален комитет (ЕЕСК), како и граѓанските организации од Република Македонија. Во првиот мандат 2009-2010, ЗКК ќе биде ко-претседаван од г-ѓа Владимира...

Втор состанок, 25 февруари 2010 г., Скопје

ЗАКЛУЧОЦИ

подготвени од страна на копретседателите

г-ѓа Xxxxxxxxx Xxxxxxxx и г. Xxxx Xxxxxxxxx

Заедничкиот консултативен комитет на граѓанското општество помеѓу Европска унија и Република Македонија (ЗКК), ги надополнува веќе воспоставените тела во рамки на Договорот за стабилизација и асоцијација помеѓу Европската унија и Република Македонија. За воспоставувањето на ЗКК беше дадена политичка поддршка на четвртиот состанок на Советот за стабилизација и асоцијација на 24 јули 2007 г., на кој двете страни повикаа на негово формирање на министерско ниво.

ЗКК ќе овозможи организациите на граѓанското општество од двете страни да го набљудуваат патот на Република Македонија кон Европската унија, како и да усвојува препораки за Владата на Република Македонија и институциите на ЕУ. ЗКК игра значајна улога во иницирање на дебатите помеѓу граѓаните, како и при споделувањето информации, како во Европската унија така и во Република Македонија.

ЗКК се состои од 12 членови, по шест од двете страни, претставници на Европскиот економско- социјален комитет (ЕЕСК), како и граѓанските организации од Република Македонија. Во првиот мандат 2009-2010, ЗКК ќе биде ко-претседаван од г-ѓа Xxxxxxxxx Xxxxxxxx, член на ЕЕСК, директор за меѓународни организации и европски работи во Конфедерацијата на индустријата на Чешката Република (SPCR) и г. Xxxx Xxxxxxxxx, прв извршен директор на Македонскиот центар за меѓународна соработка (МЦМС).

На вториот состанок на ЗКК, неговите членови беа почестени со присуството на г. Xxxxx Xxxxxxxxx, потпретседател на Владата за европски прашања и г. Xxxxx Xxxxxxx, министер за труд и социјална политика, како и на г. Xxxxx Xxxxx, шеф на Делегацијата на Европската унија во Република Македонија и специјален претставник на ЕУ.

1. Патот на Република Македонија кон Европската унија

1.1. Членовите на ЗКК ја поздравија одлуката на Советот на Европската унија од 8 декември 2009 г., за доделувањето на безвизен режим за патување за граѓаните на Република Македонија. Учесниците изразија убедување дека одлуката е голем исчекор напред и дека истата ќе овозможи приближување на граѓаните до Европската унија.

МК

1.2. Учесниците ја поздравија оценката од Европската комисија во нејзиниот „Извештај за напредок“ за општ напредок во реформите и исполнувањето на политичките критериуми. Тие го повикаа Советот на Европската унија да го одобри започнувањето на преговорите со Република Македонија, според препораката на Европската комисија.

1.3. Учесниците изразија жалење за фактот дека постои ограничен напредок во социјалната политика и вработувањето и повикаа на засилување на социјалниот дијалог преку ефективно претставување на социјалните партнери и реално залагање од страна на Владата.

1.4. Во однос на приоритетите на партнерството за приклучување, тие го посочија значењето на зајакнувањето на административниот капацитет на државата со цел да се обезбеди ефективно спроведување на новите законски прописи.

1.5. Во однос на билатералните односи со Грција, засегнатите страни повикаа на заемно ангажирање на највисоко ниво на властите во овие земји со цел постигнување на компромисно решение во однос на прашањето поврзано со името на државата, кое ќе ги задоволи двете страни. Учесниците ги поздравија неодамнешните позитивните политички односи меѓу двете држави и се надеваат дека тековниот процес на посредување под покровителство на Обединетите нации во Скопје и Атина, силно поддржано од страна на комесарот Фуле за време на неговата последна посета, ќе резултира со позитивен исход.

2. Економски и социјални права

2.1. Членовите на ЗКК, ги проучија и дискутираа извештаите за економските и социјални права и ги посочија следните препораки, чиј фокус е главно на последните случувања во социјалниот и граѓанскиот дијалог.

2.2. Учесниците ја повикаа Владата на редовна и транспарентна соработка со организациите на граѓанското општество. Тие повикаа на целосно спроведување на Стратегијата за соработка на Владата со граѓанскиот сектор, усвоена во 2007 г., и особено инсистираат на значајноста на овозможување пристап на јавноста до нацрт-законските прописи, навремено и како што е предвидено во Стратегијата. Тие исто така побараа од Владата да ги повика организациите на граѓанското општество да земат учество во релевантните работни групи при подготовка на законодавните акти. Тие побараа организациите на граѓанското општество да бидат вклучени во идните преговори со ЕУ за пристапување. Потребно е целосно да се искористи дискрециското право на претседателите на собраниските комисии во рамките на Деловникот на Собранието, така што сите релевантни страни да може да придонесат во процесите на носење нови законски прописи.

2.3. Учесниците ја поттикнуваат Владата да ја подобри климата на меѓусебна доверба и признавање на легитимитетот на работата и придонесот на организациите на граѓанското општество, како клучен елемент за изградба на социјален консензус и постигнување партиципативна демократија.

2.4. Учесниците повикаа на зголемување на вклученоста во социјалниот дијалог. Истите дадоа забелешка на измените на Законот за работните односи со кои се сменија критериумите за репрезентативност на социјалните партнери. Учесниците ја повикаа Владата да ги спроведе новите одредби така што на репрезентативните партнери, согласно одредбите, ќе им биде овозможено учество во конструктивен социјален дијалог без одлагање, што е особено релевантно во актуелниот контекст на економската криза. Како и да е, по спроведените измени во Законот за работни односи некои социјални партнери тврдеа дека Владата се вмешала во слободата на

здружување на синдикалните организации и ги информираа соодветните меѓународни организации за истото.

2.5. Членовите на ЗКК повикаа на зајакнување на Економско социјалниот совет. Тие подвлекоа дека членството во Економско социјалниот совет треба да биде проширено за да се овозможи вклучување на повеќе организации. Истите ја повикаа Меѓународната организација на трудот и други релевантни организации да го поддржат Економско социјалниот совет во создавањето репрезентативно и ефективно тело.

2.6. Понатаму истите укажаа на потребата за зајакнување на капацитетите на социјалните партнери. Водејќи се од кревката економска состојба, тие повикаа на силен социјален дијалог преку зајакнати социјални партнери. Членовите, во овој контекст го поздравија неодамна започнатиот регионален проект „Техничка помош на организациите на граѓанското општество“ (TACSO), во рамките на програмата „Структура за поддршка на граѓанското општество“, финансирана од Европската комисија. Тие повикаа фондовите од TACSO да бидат употребени за финансирање на обуки и семинари, корисни за социјалните партнери и за зајакнување на нивната експертиза и капацитети.

3. Политики за социјална инклузија

3.1. Членовите на ЗКК ја проширија дискусијата за економските и социјални права со прашањата поврзани со малцинствата, родовата еднаквост и политиките на антидискриминација.

3.2. Во однос на прашањето за малцинствата, учесниците ги повикуваат властите да преземат дополнителни напори за спроведување на Охридскиот рамковен договор (ОРД). Тие истакнаа дека правичната застапеност на малцинствата, предвидена со ОРД, треба да се смета за столб за засилување на демократијата и владеењето на правото во државата. Тие ја поздравија новата административна структура, која беше воспоставена во Владата за спроведување на Охридскиот рамковен договор, но ја повикуваат за понатамошно јакнење на капацитетите, за да се овозможи постигнување на целите на ОРД.

3.3. Во однос на интеграцијата на Ромите, учесниците ја повикуваат Владата да го забрза спроведувањето на акциските планови, усвоени во рамките на иницијативата „Декада за вклучување на Ромите 2005-2015“. Тие повикуваат да се обезбедат доволно фондови, така што ќе се овозможи постигнување на целите дефинирани во акциските планови, како и зголемување на координацијата на министерско ниво. Исто така тие напомнуваат дека Xxxxxx се најзагрозената етничка група и дека поголем број организации на граѓанското општество во земјата треба да бидат вклучени и да преземат активности за да помогнат да се постигнат целите дефинирани во акциските планови.

3.4. Во однос на прашањето на родовата еднаквост, тие го поздравија донесувањето на Законот за еднакви можности и назначувањето на правен застапник во рамките на Министерството за труд и социјална политика, одговорен за жалбите кои се однесуваат на нееднаков третман. Како и да е, тие ги повикаа властите да ја подобрат координацијата на административните структури кои се одговорни за спроведување на Законот, така што ќе се биде постигнат реален напредок. Исто така тие препорачуваат координирана акција меѓу владата и граѓанските организации за подобра заштита на жените од домашното насилство. Тие подвлекуваат дека судството исто така има суштинска улога во превенцијата од домашно насилство.

3.5. Членовите на ЗКК го поздравија неодамнешното усвојување на нацрт-законот за антидискриминација од страна на Владата, но забележуваат дека се потребни измени на нацртот со кои ќе се вклучи дискриминацијата заснована на сексуалната ориентација и ќе се дополни со членови кои ги регулираат формите на дискриминација. Понатаму, тие поддржуваат, одредба, која ќе се однесува на воспоставување независна Комисија за антидискриминација и дека нацрт- законот треба да осигура колку што е можно поголема усогласеност со законодавството на Европската унија. Дополнително, тие препорачаа да бидат воспоставени соодветни алатки за комуникација за да се подигне свеста за дискриминацијата во општеството.

4. Идни активности

4.1. За да може да се постигне понатамошен напредок во полето на економските и социјални права и за да може Република Македонија да има корист од редовна експертиза за фундаменталните права, учесниците ги повикаа Владата и Советот на Европската унија да ги преземат неопходните чекори за да го прошират мандатот на Европската агенција за фундаментални права, со доделување на набљудувачки статус на земјата. Тие побараа оваа одлука да биде официјално донесена на следниот состанок на Советот за стабилизација и асоцијација.

4.2. Учесниците исто така побараа од Владата да објави повик за предлози за студија за проценка на состојбата со спроведувањето на Охридскиот рамковен договор. Според нив, сеопфатна и независна експертиза за ова прашање ќе биде корисна и за чинителите вклучени во спроведувањето и за јавноста.

4.3. Следниот состанок на Заедничкиот комитет за граѓанско општество на Европската унија и Република Македонија ќе се одржи во втората половина на 2010 г., а темата на состанокот ќе биде транспортната политика.