Корпоративни податоци: Податоци што Берзата ги презема од акционерските друштва што се котирани на Официјалниот пазар на Берзата, во содржина како што се објавени на интернет страницата www.seinet.com.mk од страна на самите друштва. Сопственички...

ДОГОВОР ЗА КОРИСТЕЊЕ НА ПРОДУКТОТ БЕСТ-НЕТ И/ИЛИ БЕСТ- НЕТ АНАЛИТИКА

Со потврдување на опцијата “Се согласувам да го склучам Договорот за користење на продуктот БЕСТ-НЕТ и/или БЕСТ-НЕТ АНАЛИТИКА” се смета дека Претплатникот го прочитал, го разбрал и самостојно и своеволно го склучува овој Договор за користење на продуктот БЕСТ-НЕТ и/или БЕСТ-НЕТ АНАЛИТИКА со Берзата, којашто е сопственик на продуктот, при што Претплатникот во целост ги прифаќа, се согласува и ќе се придржува кон одредбите на Договорот.

ДЕФИНИЦИИ

Член 1

Берза: Македонска берза АД Скопје

Финансиски податоци: Овој термин ги опфаќа Податоците од тргувањето и Корпоративните податоци.

Податоци од тргување: Податоци од тргувањето со хартии од вредност на Берзата, што Берзата ги дистрибуира до Дистрибутерот во реално време без право на редистрибуција

Корпоративни податоци: Податоци што Берзата ги презема од акционерските друштва што се котирани на Официјалниот пазар на Берзата, во содржина како што се објавени на интернет страницата xxx.xxxxxx.xxx.xx од страна на самите друштва.

Обработени податоци: Податоци креирани или изведени од Финансиските податоци со користење на аналитичките алатки “Техничка анализа на акции”, “Фундаментална анализа на акции” и/или ”Мое портфолио” од страна на Претплатникот.

Сопственички права: Право на сопственост, сите права на интелектуална сопственост, авторски права, трговски тајни, know-how, права на доверливост, и сите други права и форми и видови на заштита од иста или слична природа или коишто имаат исто или слично правно дејство, со важење насекаде во светот сега и во иднина.

СОПСТВЕНИЧКИ ПРАВА

Член 2

Сопственичките права врз продуктот БЕСТ-НЕТ АНАЛИТИКА, вклучувајќи, но не ограничувајќи се на текстовите, содржините, фотографиите, графиконите, табелите и останатите графички прикази на податоци (во понатамошниот текст "Продуктот"), во целост и припаѓаат на Берзата. Компилацијата на податоци, како и графичкиот и организираниот приказ на истите, што се добива и остварува со користење на Продуктот, не смее на никој начин, било директно или посредно, да се употребува од страна на Претплатникот за:

▪ развивање и комерцијална употреба на конкурентни продукти од страна на Претплатникот или било кое трето лице и/или

▪ подобрување на квалитетот на податоци што Претплатникот или било кое трето лице ги дистрибуира на комерцијална основа..

Сопственичките права врз индивидуалните Финансиски податоци и Обработени податоци што се добиваат и/или креираат со користење на Продуктот се уредени во согласност со член 3 од овој Договор.

Член 3

Претплатникот признава и се согласува дека Сопственичките права врз Податоците од тргување во целост и припаѓаат на Берзата.

Претплатникот признава и се согласува дека Корпоративните податоци претставуваат јавни податоци објавени од страна на акционерските друштва котирани на Официјалниот пазар на Берзата.

Претплатникот признава и се согласува дека Сопственичките права врз Обработените податоци се врзани и извираат од Сопственичките права врз Финансиските податоци од кои што Обработените податоци се креирани.

ДОЗВОЛА ЗА ПРИЕМ И КОРИСТЕЊЕ НА ПОДАТОЦИ

Член 4

Со склучување на овој Договор, Претплатникот се стекнува со неексклузивна, непренослива и отповиклива дозвола за прием и користење на Финансиските податоци и/или аналитичките алатки од Продуктот, во согласност со овој Договор.

Член 5

Претплатникот смее да ги користи Податоците од тргување и/или аналитичките алатки од Продуктот исклучиво и единствено за свои интерни потреби и во рамките на организационата структура на Претплатникот.

Претплатникот не смее да ги продава, издава, редистрибуира, пренесува, објавува, емитува или на било кој друг начин да дозволи или овозможи пристап до сите или дел од Податоците од тргување и/или аналитичките алатки од Продуктот на било кои трети лица.

Обработените податоци кои што се целосно или делумно креирани од Податоците од тргување Претплатникот е должен да ги користи исклучиво и единствено во согласност со став 1 и став 2 на овој член.

Член 6

Претплатникот смее да ги користи Корпоративните податоци и Обработените податоци кои што се целосно креирани од Корпоративните податоци исклучиво и единствено во согласност со член 2 став 1 од овој Договор.

Член 7

Претплатникот не смее да ги користи Финансиските податоци и/или аналитичките алатки од Продуктот во комерцијална корист на било кои трети лица.

Претплатникот е должен да преземе соодветни безбедносни мерки и мерки на претпазливост за да се спречи неовластени лица да остваруваат пристап до Финансиските податоци и/или аналитичките алатки од Продуктот

Претплатникот не смее да ги користи, или да дозволи трети лица да ги користат сите или дел од Финансиските податоци и/или аналитичките алатки од Продуктот за преземање на забранети дејствија, согласност Законот за хартии од вредност, подзаконските акти на Комисијата за хартии од вредност и Правилата на Берзата, или за остварување на било какви други незаконски активности и цели.

Претплатникот не смее да ги користи сите или дел од Финансиските податоци и/или аналитичките алатки од Продуктот во спротивност со одредбите на овој Договор или на начин што претставува повреда на дозволата дефинирана во овој Договор и/или повреда на Сопственичките права на Берзата, или на начин што би довел до попречување, оштетување или загрозување на нормалното функционирање на било кои системи на Берзата и/или на работењето на Берзата и интегритетот на пазарот на хартии од вредност воопшто.

ГАРАНЦИИ

Член 8

Продуктот, Финансиските податоци што Претплатникот ги добива со Продуктот, како и Обработените податоци што Претплатникот ги креира со користење на аналитичките алатки на Продуктот (во понатамошниот текст “користење на Продуктот”) се соодветни и можат да се користат исклучиво и единствено за лично информирање на Претплатникот и истите не можат да се користат, не се соодветни и не се наменети за целите на тргување со хартии од вредност и/или донесување на било какви инвестициони или други деловни одлуки од страна на Претплатникот врз основа на таквото лично информирање и користење на Продуктот воопшто.

Претплатникот признава, прифаќа и се согласува дека користењето на Продуктот во никој случај и под никои услови не претставува, и дека со користењето на Продуктот Претплатникот во никој случај и под никои услови не обезбедува и не се стекнува со било каков вид или форма на:

▪ совет, вклучувајќи, но не ограничувајќи се на финансиски, даночен или правен совет или било каква друга форма на инвестиционо советување

▪ препорака или совет за или во врска со квалитетот, профитабилноста или соодветноста на било која хартија од вредност, друг финансиски инструмент или продукт или на било каква инвестиција

Претплатникот признава, прифаќа и се согласува дека ниту Продуктот, ниту користењето на Продуктот, ниту било кои податоци и информации содржани во Продуктот во никој случај не претставуваат и/или не обезбедуваат покана, понуда, мислење, совет или препорака од страна на Xxxxxxx за купување или продавање на хартии од вредност или за донесување на било каква друга инвестициона или деловна одлука од страна на Претплатникот.

Во согласност со став 1, 2 и 3 од овој член, Претплатникот признава, прифаќа и се согласува дека Xxxxxxx не гарантира и не може да гарантира дека Претплатникот би постигнал било какви инвестициони или други деловни цели или резултати со користење на Продуктот.

Член 9

Претплатникот признава, прифаќа и се согласува дека Xxxxxxx не гарантира и не може да гарантира за навременоста, точноста и/или комплетноста на Финансиските податоци.

Xxxxxxx се обврзува дека ќе направи најдобар обид, во рамките на своите можности, способности, капацитети и ресурси, да обезбеди:

▪ непречена и континуирана дистрибуција на Финансиските податоци на Претплатникот за целиот период на користење на Продуктот;

▪ навремени, точни и/или комплетни Податоци од тргување на Претплатникот;

▪ точен пренос на Корпоративните податоци на Претплатникот;

ОДГОВОРНОСТИ

Член 10

Во согласност со член 8 и член 9 од овој Договор, Претплатникот признава, прифаќа и се согласува дека доколку истиот го користи Продуктот за тргување

со хартии од вредност и/или донесување на било какви инвестициони или други деловни одлуки и/или преземање на инвестициони или други деловни активности, Претплатникот го прави тоа целосно и единствено на свој ризик и одговорност.

Берзата не одговара и Претплатникот не може да ја повика Xxxxxxx на одговорност за надомест на било каква загуба или штета, вклучувајќи, но не ограничувајќи се на капитална загуба од тргување со хартии од вредност и/или било кој друг вид на загуба, штета или испуштена корист што Претплатникот би ја претрпел како резултат на донесени инвестициони или други деловни одлуки или преземени инвестициони или други деловни активности од страна на Претплатникот врз основа на користење на Продуктот.

Берзата не одговара и Претплатникот не може да ја повика Xxxxxxx на одговорност за надомест на било каква загуба или штета од став 2 на овој член доколку постои материјален недостаток на Продуктот, согласно член 11 став 1 на овој Договор, бидејќи Претплатникот признава, прифаќа и се согласува дека Продуктот не може да се користи, не е соодветен и не е наменет за целите на тргување со хартии од вредност и/или донесување на било какви инвестициони или други деловни одлуки.

Член 11

Во согласност со член 9 од овој Договор, Претплатникот признава, прифаќа и се согласува дека ненавременост, неточност и/или некомплетност на Податоците од тргување, односно неточен пренос на Корпоративните податоци, односно прекин во дистрибуцијата на Финансиските податоци и/или неправилно креирање на Обработените податоци претставува исклучиво и единствено материјален недостаток на Продуктот, како предмет на овој Договор, согласно одредбите од Законот за облигационите односи.

Доколку настанат материјални недостатоци на Продуктот, согласно став 1 од овој член, Xxxxxxx се обврзува да ги отстрани истите без одлагање.

Доколку настанат материјални недостатоци на Продуктот, согласно став 1 од овој член, Претплатникот признава, прифаќа и се согласува дека одговорноста на Xxxxxxx е ограничена само на следново:

▪ Берзата не одговара и Претплатникот не може да ја повика Xxxxxxx на одговорност доколку настанат материјални недостатоци на Продуктот во траење пократко од 10 работни часа на Берзата во текот на еден месец на претплата.

▪ Доколку настанат материјални недостатоци на Продуктот во траење од или подолго од 10 работни часа на Берзата во текот на еден месец на претплата, Претплатникот има право на враќање на пропорционален дел од годишниот надоместок за користење на Продуктот пресметан на месечна основа, освен во случаите кога материјалните недостатоци на Продуктот настанале како резултат на виша сила.

▪ Претплатникот има право на враќање на целиот годишен надоместок за користење на Продуктот само доколку материјални недостатоци на

Продуктот се причинети од страна на Берзата намерно или со крајно невнимание.

Xxxxxxx и Претплатникот разбираат, признаваат, прифаќаат и се согласуваат дека одредбите и условите пропишани во член 8, 9 10 и 11 од овој Договор одразуваат разумна, правилна и правична распределба на гаранциите, ризиците и одговорностите на договорните страни во врска со користењето на Продуктот.

Член 12

Претплатникот не смее да го пренесе или отстапи овој Договор на трети лица, без претходна согласност од Xxxxxxx.