Прилог 2 – Детален приказ на единечните цени по позиции и вкупната цена во Excel формат Прилог 3 – Изјава за сериозност на понудата

ТЕНДЕРСКА ДОКУМЕНТАЦИЈА ЗА

ПОЕДНОСТАВЕНА ОТВОРЕНА ПОСТАПКА

/преку ЕСЈН – со е-аукција/

ЗА НАБАВКА НА

СЕРВИСИРАЊЕ НА МОТОРНИ ПИЛИ

Скопје, Декември 2020 година

Врз основа на член 49 и 81 од Законот за јавните набавки (Службен весник на РМ бр.24/19), подготвена е:

ТЕНДЕРСКА ДОКУМЕНТАЦИЈА

за поедноставена отворена постапка за набавка на

Сервисирање на моторни пили

Тендерската документација содржи:

1. Општи информации

2. Појаснување, изменување и дополнување на тендерската документација

3. Подготовка на понудата

4. Поднесување и отворање на понудите

5. Евалуација на понудите

6. Склучување на договорот за јавна набавка или на рамковната спогодба

7. Право на жалба и завршување на постапката за јавна набавка

8. Технички спецификации Прилог 1 – Образец на понуда

Прилог 2 – Детален приказ на единечните цени по позиции и вкупната цена во Excel формат Прилог 3 – Изјава за сериозност на понудата

Прилог 4 – Изјава за докажување на способноста

Прилог 5 – Модел на рамковна спогодба за јавна набавка

1. ОПШТИ ИНФОРМАЦИИ ВО ВРСКА СО ДОГОВОРНИОТ ОРГАН И ПРЕДМЕТОТ НА НАБАВКА

1.1 Дефиниции

1.1.1 Одредени поими употребени во оваа тендерска документација го имаат следново значење:

„Договор за јавна набавка“ е договор склучен во писмена форма меѓу еден или повеќе економски оператори и договорниот орган чиј предмет е снабдување стоки и обезбедување услуги;

„Постапка за јавна набавка“ е постапка што ја спроведува договорниот орган, чија цел или дејство е купување или стекнување стоки и услуги;

„Економски оператор“ е секое физичко или правно лице или група такви лица, вклучувајќи ги и сите привремени здружувања, кои на пазарот или во постапките за јавни набавки нудат стоки и услуги;

„Понудувач“ е економски оператор кој поднел понуда;

„Носител на набавката“ е понудувач или група на понудувачи кои склучиле договор за јавна набавка;

„Подизведувач“ е правно или физичко лице кое за понудувачот, со кој договорниот орган склучил договор за јавна набавка или рамковна спогодба, снабдува стоки, обезбедува услуги или изведува работи што се директно поврзани со извршувањето на договорот или рамковната спогодба;

„Тендерска документација“ е секој документ изработен од страна на договорниот орган или на кој упатува договорниот орган, а со кој се опишуваат или се утврдуваат елементите на одредена набавка или постапка, вклучувајќи го и огласот за јавна набавка, претходното информативно известување или периодичното индикативно известување кое се користи како замена за оглас за јавна набавка, техничките спецификации, описната документација, предложените услови на договорот, обрасците што ги пополнуваат кандидатите или понудувачите, информациите за општоприменливите прописи и сета дополнителна документација;

„Технички спецификации“ се:

- во случај на јавна набавка на стоки или услуги, спецификација со која се дефинираат карактеристиките на производот или услугата, како што се ниво на квалитет, влијание врз животната средина и климатски влијанија, опис на сите услови (вклучувајќи и пристапност за лица со хендикеп) и оценка на сообразноста, ниво на изведба, користење на производот, безбедност или димензии, вклучувајќи ги и релевантните барања за производот во однос на називот под кој се продава, терминологијата, симболите, тестирањата и методите за тестирање, пакувањето, означувањето и етикетирањето, како и инструкции за користење, производствени процеси и методи во секоја фаза од животниот век на стоките или услугите, како и постапки за оценување на сообразноста;

„Еквивалентно“ значи дека понудената стока или услуга има исти или подобри технички карактеристики од оние наведени во техничката спецификација на предметот на набавка;

„Прифатлива понуда" е понуда поднесена од понудувачот, која ги исполнува условите за утврдување способност, потребите и барањата на договорниот орган наведени во техничките спецификации и останатата тендерска документација, што е навремена, која нема невообичаено ниска цена, а чија конечна цена не ги надминува средствата обезбедени или кои може да се дообезбедат од договорниот орган согласно со овој закон;

„Несоодветна понуда“ е понуда која не одговара на потребите и барањата на договорниот орган утврдени во тендерската документација без значителни промени;

„Писмено“ или „во писмена форма“ e секој израз што се состои од зборови или бројки што можат да се прочитаат, умножат и дополнително да се соопштат, како и информации што се пренесуваат и чуваат со помош на електронски средства, под услов сигурноста на содржината да е обезбедена и потписот да може да се идентификува;

„Електронско средство“ е електронска опрема за обработка и чување податоци (вклучувајќи и дигитална компресија), кои се пренесуваат, испорачуваат и примаат преку кабелски, радио или оптички средства или преку други електромагнетни средства;

„Електронски систем за јавни набавки (во натамошниот текст: ЕСЈН)“ е единствен информациски систем достапен на интернет, кој се користи со цел да се овозможи поголема ефикасност, транспарентност и економичност во областа на јавните набавки;

„Алтернативна понуда“ е понуда со која понудувачот нуди предмет на набавка кој ги задоволува минималните барања, односно стандарди што договорниот орган ги предвидел во тендерската документација, но на поинаков начин, со други технички карактеристики или методи, од оние кои биле утврдени со техничката спецификација.

1.2 Договорен орган

1.2.1 Договориот орган е Оператор на електропреносниот систем на Република Северна Македонија – Акционерско друштво за пренос на електрична енергија и управување со електроенергетскиот систем, во државна сопственост Скопје, со седиште на адреса: ул. Максим Горки бр. 4, 1000 Скопје, телефон xx 000 (0) 0000 000, електронска адреса: xxxxxx@xxxxx.xxx.xx, интернет адреса: xxx.xxxxx.xxx.xx.

1.2.2 Лице за контакт кај договорниот орган е:

Горан Танески, тел xx 000 (0)0 000 000, е-mail xxxxxx@xxxxx.xxx.xx, Xxxxx Xxxxxxxxxx,тел

xx 000 (0)0 000 000, е-mail xxxxx.xxxxxxxxxx@xxxxx.xxx.xx и Xxxxx Xxxxxxxxxx тел ++ 389

(0)0 000 000, е-mail xxxxx.xxxxxxxxxx@xxxxx.xxx.xx

- за комерцијалниот дел:

Xxxxxx Xxxxxxxxx, тел xx 000 (0) 0 000 000, e-mail xxxxxxx@xxxxx.xxx.xx

1.3 Предмет на постапката за јавна набавка

1.3.1 Предмет на постапката за јавната набавка е набавка на услуги: Сервисирање на моторни пили.

Детален опис на предметот на набавка е даден во техничките спецификации.

1.3.2 Предметот на набавка е неделив.

1.3.3 Позициите во табелите од Образецот на понуда (Деталниот приказ во Excel) се само за потребите на евалуација на понудите и договорниот орган не презема обврска сите и во целост да ги исполни и реализира. Реално искористените позиции и количини врз основа на рамковната спогодба ќе зависат од конкретните потреби на договорниот орган од овој вид на набавка.

1.4 Применливи прописи

1.4.1 Оваа постапка се спроведува согласно со Законот за јавните набавки („Службен весник на Република Македонија“ бр.24/2019) и важечките подзаконски акти.

1.4.2 При подготовка на својата понуда, економскиот оператор треба да ги има предвид важечките прописи од областа на даноците и другите јавни давачки, работните односи, работните услови, заштитата при работа, заштита на личните податоци, облигационите односи, заштитата на потрошувачите. Сите прописи може да се најдат во соодветните изданија на Службен весник на Република Северна Македонија. Дополнителни податоци во однос на важечките прописи од горенаведените области, понудувачот може да добие од Управата за јавни приходи, Царинската управа и Министерството за финансии (за даноците и другите јавни давачки), Министерството за труд и социјална политика (за работните односи, работните услови и заштитата при работа), Дирекцијата за заштита на личните податоци (за заштита на личните податоци), Министерството за правда (за облигационите односи), Министерството за економија (за заштита на потрошувачите).

1.5 Општи мерки за спречување на корупцијата

1.5.1 Договорниот орган, во постапката за јавна набавка и при извршување на рамковната спогодба, ќе ги преземе сите потребни мерки со цел навремено откривање на корупцијата и отстранување или намалување на штетните последици од истата.

1.6 Вид на постапка за јавна набавка

1.6.1 Рамковната спогодба за јавна набавка ќе се додели со примена на поедноставена отворена постапка.

1.6.2 Оваа постапка се спроведува со користење на електронски средства преку Електронскиот систем за јавни набавки (во натамошниот текст: ЕСЈН), достапен на следнава интернет адреса xxxxx://xxx.x-xxxxxxx.xxx.xx и Правилникот за начинот на користење на електронскиот систем за јавни набавки („Службен весник на Република Северна Македонија“ бр. 64/2019).

1.7 Посебни начини за доделување на договорот за јавна набавка 1.7.1 Електронска аукција

1.7.1.1 Рамковната спогодба за јавна набавка ќе се додели со користење електронска аукција со цел

добивање нови цени коригирани надолу, односно нови вредности за одредени елементи од понудите.

1.7.1.2 За предметот на рамковната спогодба ќе се спроведе посебна електронска аукција преку електронскиот систем за јавни набавки (xxxxx://xxx.x-xxxxxxx.xxx.xx).

1.7.1.3 Предмет на електронска аукција ќе биде вкупната цена вклучувајќи ги сите трошоци и попусти и увозни царини, без ДДВ за предметот на рамковната спогодба за јавна набавка.

1.7.1.4 Сите понудувачи што поднеле прифатливи понуди, истовремено ќе се поканат да достават нови цени или нови вредности за делот на понудата кој е предмет на електронска аукција.

1.7.1.5 Сите понудувачи во секоја фаза од аукцијата ќе имаат пристап до информациите кои ќе им овозможат во секое време да го утврдат својот ранг.

1.7.1.6 Доколку во постапката за јавна набавка остане само една прифатлива понуда, електронска аукција нема да се спроведе.

1.7.1.7 По завршувањето на електронската аукција, доколку предметот на набавката или поединечниот дел се состои од повеќе ставки, цената на секоја од поединечните ставки ќе се пресметува со соодветно намалување кое ќе биде еднакво на процентот на намалување на цената на првичната понуда на избраниот најповолен понудувач (пред електронската аукција) и цената на последната понуда (по завршувањето на аукцијата).

1.7.2 Рамковна спогодба

1.7.2.1 Оваа постапка ќе заврши со склучување на рамковна спогодба.

1.7.2.2 Рамковната спогодба ќе се склучи за временски период од 36 месеци, сметано од денот на нејзиното потпишување од двете договорни страни или до нејзиното вредносно исполнување, во зависност од тоа што попрво ќе истече или ќе се исполни.

1.7.2.3 Рамковната спогодба ќе се склучи со еден економски оператор на планираната вредност, а поединечните договори ќе се доделуваат во согласност со условите од рамковната спогодба.

1.7.2.4 Поединечните договори за јавни набавки ќе се склучат пред истекот на рокот на рамковната спогодба.

2. ПОЈАСНУВАЊЕ, ИЗМЕНУВАЊЕ И ДОПОЛНУВАЊЕ НА ТЕНДЕРСКАТА ДОКУМЕНТАЦИЈА

2.1 Достапност на тендерската документација

2.1.1 Тендерската документација е достапна на секој заинтересиран економски оператор преку ЕСЈН во формат кој економските оператори може директно да го користат.

2.2 Појаснување на тендерската документација

2.2.1 Економскиот оператор може да побара појаснување на тендерската документација преку модулот „Прашања и одговори” на ЕСЈН, најмалку 6 (шест) дена пред крајниот рок за поднесување на понудите.

2.2.2 Појаснувањето договорниот орган ќе го достави преку истиот модул, без да го открие идентитетот на економскиот оператор кој го поставил прашањето, за што економските оператори што презеле тендерска документација ќе добијат автоматско електронско известување дека е даден одговор на поставеното прашање.

2.3 Изменување и дополнување на тендерската документација

2.3.1 Договорниот орган може, по свое наоѓање или врз основа на поднесените прашања за објаснување поднесени од страна на економските оператори, да ја измени или да ја дополни тендерската документација, при што во најкус можен рок, но не подоцна од 4 (четири) дена пред истекот на крајниот рок за поднесување на понудите ги прави достапни измените и дополнувањата на ист начин како што ја направил достапна тендерската документација, по што сите економски оператори што ја презеле ќе добијат автоматско електронско известување дека е објавена измена.

2.3.2 Во случај на измена на тендерската документација, договорниот орган крајниот рок за поднесување на понудите ќе го продолжи пропорционално на сложеноста на измената или дополната на тендерската документација во последните 6 (шест) дена пред истекот на рокот за поднесување понуди.

3. ПОДГОТОВКА НА ПОНУДАТА

3.1 Право на учество

3.1.1 Право да достави понуда има секое заинтересирано физичко или правно лице или група такви лица, вклучувајќи ги и сите привремени здружувања, кои на пазарот или во постапката за јавна набавка го нудат предметот на набавка.

3.1.2 Составен дел од групната понуда е договор за поднесување групна понуда со кој членовите во групата економски оператори меѓусебно и кон договорниот орган се обврзуваат за извршување на договорот за јавна набавка. Овој договор потребно е да ги содржи следниве податоци:

- членот на групата кој ќе биде носител на групата, односно кој ќе ја поднесе понудата и ќе ја застапува групата,

- членот на групата кој во име на групата економски оператори ќе ја потпише рамковната спогодба за јавна набавка,

- членот на групата кој ќе ја издаде фактурата и сметка на која ќе се вршат плаќањата,

- краток опис на обврските на секој од членовите на групата економски оператори за извршување на рамковната спогодба.

3.1.3 Членовите на групата економски оператори одговараат неограничено и солидарно пред договорниот орган за обврските преземени со понудата.

3.1.4 Економскиот оператор кој има една или повеќе негативни референци, групата економски оператори во која членува економски оператор кој има негативна референца нема право на учество во постапката согласно со член 101 став 7 од законот.

3.1.5 Економскиот оператор во рамките на иста постапка за доделување на рамковна спогодба за јавна набавка може да учествува само во една понуда. Сите понуди ќе бидат отфрлени ако економскиот оператор:

- учествува во повеќе од една самостојна и/или како член во групна понуда или

- учествува како подизведувач во друга самостојна и/или како член во групна понуда.

3.1.6 Економскиот оператор може да учествува како подизведувач во повеќе од една понуда.

3.1.7 Лицата кои учествувале во изработка на тендерската документација не смеат да бидат понудувачи или членови во група на понудувачи во постапката за јавна набавка.

3.1.8 За да учествува во постапката, економскиот оператор треба да се регистрира во ЕСЈН и да поседува квалификуван сертификат за електронски потпис согласно прописите за електронски потпис. Економскиот оператор се регистрира во ЕСЈН со пополнување на регистрациска форма која е составен дел од ЕСЈН.

Напомена: Во моментот на поднесување на групна понуда сите членови на групата треба да бидат регистрирани на Електронскиот систем за јавни набавки.

3.2 Посета на локација

3.2.1 Посета на локација не се предвидува.

3.3 Трошоци за поднесување на понуда

3.3.1 Економскиот оператор ги сноси сите трошоци поврзани со подготовката и со доставувањето на понудата, а договорниот орган не е одговорен за тие трошоци без оглед на водењето и на исходот од постапката за јавна набавка.

3.4 Јазик на понудата

3.4.1 Понудата, документите поврзани со понудата како и целата кореспонденција е на македонски јазик со користење на неговото кирилско писмо. Придружните документи и печатената литература кои се дел од понудата може да бидат на друг јазик, а во текот на евалуација на понудите, комисијата може да бара превод на македонски јазик.

3.5 Алтернативна понуда

3.5.1 Договорниот орган не дозволува поднесување алтернативни понуди.

3.6 Цена на понудата

3.6.1 Во цената на понудата треба да се засметани сите трошоци и попусти и увозни царини на вкупната цена на понудата, без ДДВ кој се искажува посебно, во денари.

3.6.2. Цената на одделна позиција за поправка ќе се пресмета на следниов начин:

- цена на одделна позиција = цена на резервен дел + (норма работен час х цена на норма работен час)

3.6.2.1 Норма работен час подразбира временски период во кој ќе се извршува одржувањето и поправката на моторните пили /тримери /брусилки кои се предмет на оваа набавка, односно време кое е неопходно потребно за извршување на секое одделно одржување и поправка.

Ако времетраењето за извршување на поправката е помало или поголемо од 60 минути, тогаш времетраењето на норма часот се искажува со цели броеви и со децимали, односно минутите поминати во извршување на поправката се делат со 60.

3.6.2.2 Цената на норма работен час, треба да биде иста за вградување на сите резервни делови и потрошен материјал за истата марка на моторните пили /тримери /брусилки.

3.7 Корекција на цени

3.7.1 При реализација на рамковната спогодба за јавна набавка не се предвидува корекција на цените, односно цените искажани во понудата на најповолниот понудувач ќе бидат фиксни за целото времетраење на рамковната спогодба за јавна набавка.

3.8 Рок, начин и место на извршување

3.8.1 Носителот на набавката е должен услугите предмет на рамковната спогодба да ги изврши на начин и под услови како што е дефинирано во техничките спецификации.

3.8.2 Носителот на набавката е должен по приемот на моторната пила /тример/брусилка во сервисот и во присуство на технички лица од Договорниот орган да направи и утврди дефектажа и во рок од 3 (три) работни дена писмено да го извести Договорниот орган за потребната поправка на моторната пила/тример/брусилка и истата да ја поправи по добивање на писмено барање-нарачка (единечен договор) од Договорниот орган најдоцна за 10 (десет) работни дена од приемот на моторната пила/тример/брусилка во својот Сервисен центар (доколку поинаку не се договори со техничките лица на договорниот орган).

Носителот на набавката дефектажата ќе ја извршува бесплатно.

Носителот на набавката е должен да ги изврши сите поправки внесени во единствениот работен налог и заменетите делови да му ги презентира на овластеното лице од Договорниот орган.

За деловите кои не се содржани со оваа спогодба, а истите се неопходни за извршување на поправката, Носителот на набавката е должен да прибави согласност од Договорниот орган пред да го вгради делот.

Цената за поправка со замена на резервен дел или потрошен материјал која не е предвидена во листата на цени за поправка на моторната пила / тример / брусилка, ќе се фактурира како набавна – влезна цена зголемена за максимум 10% маржа, и потребната норма работен час и данок на додадена вредност.

Предвидената норма работен час на Носителот на набавка треба да биде согласно пропишаниот норма работен час од производителот.

Цената за 1 (еден) норма час е иста со цената наведена во табелите од Образецот на понуда (Деталниот приказ во Excel) за истата марка на моторни пили/тримери/брусилки.

Носителот на набавката е должен поправките предмет на оваа спогодба да ги извршува во Сервис со седиште на територија на град Скопје.

Единечните договори се сметаат за реализирани со потпишување (цело име, презиме и скратен потпис) на документ Работен налог (во кој е потврдено дека поправката е завршена) од овластено лице на Носителот на набавката и од овластено лице на Договорниот орган.

3.8.3 Рокот, начинот и местото на извршување се задолжителни. Сите понуди кои предвидуваат поинаков рок, начин и место на извршување ќе бидат отфрлени како неприфатливи.

3.9 Начин и рок на плаќање

3.9.1 Договорниот орган, плаќањето по единечните договори на рамковната спогодба го врши вирмански по извршување на поправките, во рок од 15 дена од денот на приемот на фактурата во архивата на Договорниот орган, со прилог Работен налог потпишан од овластените лица на двете договорни страни со кој е потврдено дека поправката е завршена.

Носителот на набавката во прилог фактурата за извршените поправки кои не се предвидени во листата на цени треба да достави копија од влезната фактура (со потпис и печат и со назнака “Верно на оригиналот“) со која го набавил оригиналниот дел / материјал . Доколку овластениот дистрибутер е во странство и во фактурата не се прикажани сите трошоци, носителот на набавката е должен да достави копија од влезната фактура (со потпис и печат и со назнака “Верно на оригиналот“) и калкулација во која ке бидат прикажани сите трошоци кои се платени во РС Македонија.

Носителот на набавката е целосно одговорен и потврдува дека нема направено измена (зголемување) на влезната цена за предметниот дел/материјал.

3.9.2 Начинот и рокот на плаќање се задолжителни. Сите понуди кои предвидуваат поинаков начин и рок на плаќање од предвидениот ќе бидат отфрлени како неприфатливи.

3.10 Период на важност на понудата

3.10.1 Понудата треба да е со важност од 90 дена. Понудите кои содржат покус период на важност од тој утврден во оваа точка од тендерската документација ќе бидат отфрлени како неприфатливи.

3.10.2 Договорниот орган може, во исклучителни случаи кои не настанале по негова вина, да побара од понудувачите продолжување на периодот на важност на понудите.

3.11 Средства за обезбедување 3.11.1 Гаранција на понудата

3.11.1.1 Со понудата економскиот оператор доставува изјава за сериозност на понудата.

3.11.1.2 Со изјавата економскиот оператор изјавува дека:

- нема да ја повлече својата понуда пред истекот на периодот на нејзината важност,

- ќе ја прифати исправката на аритметичките грешки од страна на комисијата,

- ќе ја потпише рамковната спогодба за јавна набавка согласно со условите од тендерската документација и доставената понуда.

3.11.2 Гаранција за квалитетно извршување на договорот– не се бара

4. ПОДНЕСУВАЊЕ И ОТВОРАЊЕ НА ПОНУДИТЕ

4.1 Поднесување на понудите

4.1.1 Понудата се поднесува во согласност со тендерската документација, со користење на обрасците дадени во прилог.

4.1.2 Понудата е обврзувачка за целиот период на важност што го утврдил договорниот орган.

4.1.3 Понудувачот ја доставува понудата со цена во која се засметани сите трошоци и попусти на вкупната цена на понудата, без ДДВ кој се искажува посебно, во денари или во евра.

[доколку цената на понудата се искажува во евра курсната листа што ќе се користи за евалуације е онаа на Народната банка на Република Македонија, а курсот за размена е оној што важел 14 дена пред крајниот рок за поднесување на понудите].

4.1.4 Цената на понудата се изразува за вкупниот предмет на набавка.

[доколку предметот на набавка е поделен во делови, цената на понудата се изразува посебно за оној дел за кој се поднесува понудата].

4.1.5 Понудувачот може да ја измени, замени или да ја повлече својата понуда пред истекот на крајниот рок за поднесување на понудите.

4.1.6 Понудата се поднесува во електронска форма преку ЕСЈН и истата треба да биде електронски потпишана со користење на квалификуван сертификат за електронски потпис од одговорното лице на економскиот оператор или лице овластено од него. Сертификатот треба да биде со важност најмалку до моментот на јавното отворање односно крајниот рок за поднесување на понудите.

4.1.7 Доколку понудата ја потпишува лице овластено од одговорното лице, во прилог се доставува и овластување за потпишување на понудата потпишано од одговорното лице.

Напомена: Подетални информации за начинот на дигитално потпишување се содржани во прирачникот “Општи и технички препораки за користење на ЕСЈН за економски оператори и договорни органи“ објавен на почетната страна на ЕСЈН во делот "Документи".

4.1.8 Економските оператори можат во хартиена форма да ја поднесат документација во нестандарден формат и големина пред крајниот рок за поднесување на понудите, доколку истите се преобемни за скенирање и прикачување на ЕСЈН. Оваа документација се доставува во запечатен внатрешен плик на кој се наведува полниот назив и адреса на економскиот оператор. Така запечатениот внатрешен плик се затвора во надворешен плик кој:

- е адресиран со точна адреса на договорниот орган;

- содржи информација за бројот на огласот за доделување на договор за јавна набавка и датумот на кој е објавен;

- во горниот лев агол стои предупредување „Не отвoрај“, за да не се отвора пред времето и датумот за отворање на понудата.

4.1.9 Понудите кои содржат покус период на важност од тој утврден во точка 3.10.1 од тендерската документација ќе бидат отфрлени како неприфатливи.

4.2. Краен рок за поднесување на понудите

4.2.1 Краен рок за доставување на понудите е 26.01.2021 година до 12.00 часот.

4.2.2 Понудите се поднесуваат преку ЕСЈН на следнава веб адреса: xxxxx://x-xxxxxxx.xxx.xx.

4.2.3 По истекот на крајниот рок за поднесување на понудите истите нема да може да се поднесат преку ЕСЈН.

4.3. Елементи на понудата

4.3.1 Понудата треба да е составена од следниве елементи:

− Образец на понуда (Прилог 1),

− Детален приказ на единечните цени по позиции и вкупната цена во Excel формат (Прилог 2),

− Изјава за сериозност на понудата (Прилог 3),

− Изјава за докажување способност (Прилог 4) или документи за докажување на способност (Документи за докажување на способност од точка 5.2, Документи за докажување на способност од точка 5.3),

− Документи барани во точката 1 од техничките спецификации од тендерската документација, кои треба да се достават заедно со понудата,

− Модел на рамковна спогодба за јавна набавка (Прилог 5),

4.3.2 Понудата задолжително треба да биде комплетна и со сите елементи од точка 4.3.1.

4.3.2.1 Сите понуди кои не се комплетни и на кои им недостасуваат елементи / документи од точка 4.3.1, ќе бидат отфрлени како неприфатливи.

4.4 Подизведување

4.4.1 Понудувачот може дел од рамковната спогодба за јавна набавка да додели на подизведувач. Доколку понудувачот користи подизведувач при извршувањето на рамковната спогодба за јавна набавка, во понудата:

- ги наведува сите подизведувачи, како и секој дел од спогодбата за кој има намера да го додели на подизведувачи;

- доставува контакт податоци за законските застапници на предложените подизведувачи;

- доставува документација за утврдување способност на предложените подизведувачи и

- доставува барање од подизведувачот за директно плаќање, доколку подизведувачот го бара тоа.

4.5 Отворање на понудите

4.5.1 Отворањето на понудите е јавно, а ќе се изврши на ден 26.01.2021 година во 12.00 часот во време определено во тендерската документација како краен рок за поднесување на понудите, на следнава локација: АД МЕПСО, ул. Максим Горки бр. 4, Скопје, III кат.

4.5.2 Понудувачот може да има свој овластен претставник на јавното отворање на понудите, при што овластениот преставник треба на комисијата да и предаде писмено овластување од понудувачот, доколку сака да даде забелешки на постапката на јавно отворање.

4.5.3 Комисијата за јавни набавки ќе пристапи кон отворање на понудите доколку е пристигната и само една понуда.

5. ЕВАЛУАЦИЈА НА ПОНУДИТЕ

5.1 Утврдување способност

5.1.1 Во постапката за јавна набавка ќе може да учествуваат економски оператори за кои, договорниот орган преку придружната документација утврдува:

- дека не постојат причини за исклучување од постапката,

- дека се исполнети условите за квалитативен избор, и тоа:

а) способност за вршење професионална дејност; б) техничка и професионална способност.

5.1.2 Економскиот оператор во прилог на понудата доставува изјава за докажување на способноста или документи за утврдување способност.

5.1.3 Доколку економскиот оператор во прилог на понудата доставува изјава за докажување на способноста, истата треба да биде изработена на образецот даден во Прилог 4 од тендерската документација и да биде електронски потпишана со користење на квалификуван сертификат за електронски потпис од одговорното лице на економскиот оператор или лице овластено од него.

5.1.4 Пред донесување на одлуката за избор на најповолна понуда, економскиот оператор чија понуда е оценета за најповолна е должен да ги достави документите за утврдување способност, доколку не ги доставил со понудата.

5.1.5 Договорниот орган ги прифаќа документите за утврдување на способност од точка 5.1.4 на овој член кои се издадени и по крајниот рок за поднесување на понудите.

5.1.6 Придружната документација се поднесува во скенирана електронска форма.

5.2 Причини за исклучување од постапката

5.2.1 Договорниот орган ќе го исклучи од постапката за јавна набавка економскиот оператор:

1) доколку утврди дека на економскиот оператор или на лицето кое е член на управниот или на надзорниот орган на тој економски оператор или кое има овластувања за застапување или донесување одлуки или надзор врз него, во последните пет години му е изречена правосилна судска пресуда за сторено кривично дело кое има елементи од кривичните дела учество во злосторничко здружување, корупција, затајување даноци и придонеси, тероризам или казнени дела поврзани со терористички активности, перење пари и финансирање тероризам и злоупотреба на детскиот труд и трговија со луѓе, утврдени во Кривичниот законик.

2) кој има неплатени даноци, придонеси или други јавни давачки, освен ако му е одобрено одложено плаќање на даноците, придонесите или другите јавни давачки во согласност со посебните прописи и истите редовно ги плаќа;

3) кој е во постапка на стечај или во постапка на ликвидација;

4) на кој му е изречена споредна казна забрана за учество во постапки за јавен повик, доделување договори за јавна набавка и договори за јавно приватно партнерство;

5) на кој му е изречена споредна казна привремена или трајна забрана за вршење на одделна дејност;

6) на кој му е изречена прекршочна санкција забрана за вршење професија, дејност или должност, односно привремена забрана за вршење одделна дејност или

7) кој дава лажни податоци или не ги доставува податоците што ги бара договорниот орган.

5.2.2 Договорниот орган го исклучува економскиот оператор од постапката за јавна набавка доколку до крајниот рок за поднесување на понудите или пријавите за учество е на листата на издадени негативни референци.

5.2.3 Договорниот орган ќе го исклучи економскиот оператор од постапката за јавна набавка во случаите доколку:

a) економскиот оператор покажал значителни или постојани недостатоци во исполнувањето клучни обврски во претходни договори за јавни набавки или претходни договори за концесии и јавно приватни партнерства склучени со договорниот орган, што резултирало со еднострано раскинување на договорот, барање оштета или преземање други слични санкции од страна на договорниот орган; б) економскиот оператор незаконски влијае врз одлуката на договорниот орган или да добие доверливи информации со кои би можел да стекне незаконска предност во постапката за јавна набавка.

5.2.4 За докажување дека не постојат услови за исклучување од постапката, економскиот оператор ги доставува следниве документи:

- изјава на економскиот оператор дека во последните 5 години на економскиот оператор или на лицето кое е член на управниот или на надзорниот орган на тој економски оператор или кое има овластувања за застапување или донесување одлуки или надзор врз него, во последните пет години не му е изречена правосилна судска пресуда за сторено кривично дело кое има елементи од кривичните дела учество во злосторничко здружување, корупција, затајување даноци и придонеси, тероризам или казнени дела поврзани со терористички активности, перење пари и финансирање тероризам и злоупотреба на детскиот труд и трговија со луѓе, утврдени во Кривичниот законик;

- потврда за платени даноци, придонеси и други јавни давачки од надлежен орган од земјата каде економскиот оператор е регистриран;

- потврда дека не е отворена постапка за стечај од надлежен орган или единствен документ за докажување на способноста;

- потврда дека не е отворена постапка за ликвидација од надлежен орган или единствен документ за докажување на способноста;

- потврда од Регистарот на казни за сторени кривични дела на правните лица дека не му е изречена споредна казна забрана за учество во постапки за јавен повик, доделување на договори за јавна набавка и договори за јавно-приватно партнерство или единствен документ за докажување на способноста;

- потврда од Регистарот на казни за сторени кривични дела на правните лица дека не му е изречена споредна казна привремена забрана за вршење на одделна дејност или единствен документ за докажување на способноста;

- потврда од Регистарот на казни за сторени кривични дела на правните лица дека не му е изречена споредна казна трајна забрана за вршење на одделна дејност или единствен документ за докажување на способноста;

- потврда дека со правосилна пресуда не му е изречена прекршочна санкција - забрана за вршење на професија, дејност или должност или единствен документ за докажување на способноста и

- потврда дека со правосилна пресуда не му е изречена прекршочна санкција - привремена забрана за вршење одделна дејност или единствен документ за докажување на способноста.

5.2.5 Изјавата од алинеја 1 од потточка 5.2.4 ја изготвува самиот економски оператор во електронска форма и ја потпишува со квалификуван сертификат за електронски потпис и истата не треба да биде заверена од надлежен орган.

5.2.6 Потврдите од потточка 5.2.4 ги издаваат надлежни органи во земјата каде е регистриран економскиот оператор. Ако земјата во која е регистриран економскиот оператор не ги издава овие документи или ако тие не ги опфаќаат сите горенаведени случаи, економскиот оператор може да достави изјава заверена кај надлежен орган.

5.2.7 Документите од потточка 5.2.4 не смеат да бидат постари од 6 (шест) месеци сметано од крајниот рок за поднесување на понудите наназад.

5.3 Услови за квалитативен избор

5.3.1 Способност за вршење на професионална дејност

5.3.1.1 Право на учество во постапката има секој економски оператор кој е регистриран како физичко или правно лице за вршење на дејноста поврзана со предметот на набавка или припаѓа на соодветно професионално здружение согласно со прописите на земјата каде што е регистриран.

5.3.1.2 За да ја докаже способноста за вршење професионална дејност, економскиот оператор треба да достави:

– Потврда за регистрирана дејност како доказ дека е регистриран како физичко или правно лице за вршење на дејноста поврзана со предметот на набавка или доказ дека припаѓа на соодветно професионално здружение согласно со прописите на земјата каде што е регистриран.

5.3.2 Економска и финансиска состојба – не се бара

5.3.3 Техничка и професионална способност

5.3.3.1 Потребната техничка и професионалната способност за квалитетно извршување на договорот, договорниот орган ќе ја утврди преку следниве минимални услови:

- Да има на располагање најмалку едно стручно лице кој ќе ги врши поправките кое е обучено за одржување и поправка на моторните пили и кој поседува сертификат, потврда или уверение дека посетувало обука за поправка и одржување на моторните пили кај производителот,

- Да располага со сервисен центар (сопствен, под закуп или со договор за деловно-техничка соработка) со потребна инфраструктура за одржување и поправка на моторните пили наведени во техничката спецификација, на територијата на град Скопје.

5.3.3.2 Економскиот оператор го докажува исполнувањето на минималните услови од потточка 5.3.3.1 со доставување на:

- Опис на техничкиот персонал и техничките органи кои ќе учествуваат во извршувањето на јавната набавка, без оглед на тоа дали се вработени во економскиот оператор или не; со доставување на Изјава дека има на располагање најмалку едно стручно лице кој ќе ги врши поправките кое е обучено за одржување и поправка на моторните пили со прилог сертификат, потврда или уверение за посетувана обука за поправка и одржување на моторните пили кај производителот.

- Изјава за инструментите, постројките или техничката опрема, која давателот на услугите ја има на располагање за извршување на договорот; со прилог Изјава дека располага со сервисен центар (сопствен, во закуп или со договор за деловно-техничка соработка) со потребна инфраструктура за одржување и поправка на моторните пили наведени во техничката спецификација, на територијата на град Скопје.

5.3.3.3 Доказите од точка 5.3.3.2, за потточка 5.3.3.1 освен сертификатот/потврдата/уверението за посетувана обука ги изготвува и електронски ги потпишува самиот економски оператор и тие не мора да бидат заверени од надлежен орган.

5.3.4 Користење способност од други субјекти

5.3.4.1 Во постапката за јавна набавка, економскиот оператор може заради исполнување на условите за квалитативен избор во делот на техничката или професионалната способност да ја користи способноста на други субјекти.

5.3.4.2 Економскиот оператор може во постапката за јавна набавка да ја користи способноста на друг субјект за докажување на исполнетоста на условите за квалитативен избор во врска со образовните и стручните квалификации или релевантно стручно искуство само доколку другиот субјект ќе ги изведува работите или ќе ги обезбедува услугите за кои се бара таквата способност.

5.3.4.3 Ако економскиот оператор користи способност на друг субјект, тој е должен да ја докаже поддршката со xxxxxxx доказ дека тој субјект ќе му ги стави на располагање соодветните ресурси.

5.3.4.4 Со цел договорниот орган да може да провери дали субјектот чија способност ја користи економскиот оператор ги исполнува потребните услови за квалитативен избор и дали постојат причини за негово исклучување, економскиот оператор треба да ја достави документацијата наведена во точките 5.2.4, 5.3.1.2 и 5.3.3.2 од оваа тендерска документација.

5.3.4.5 Ако во постапката учествува групата економски оператори, истата може да ја користи способноста на членовите во групата или на други субјекти на начин утврден во точката 5.3.4.2 и

5.3.4.3 од оваа потточка.

5.4 Стандарди за системи за квалитет – не се бара

5.5 Стандарди за управување со животната средина – не се бара

5.6 Критериум за избор на најповолна понуда

5.6.1. Договорниот орган како критериум за избор на најповолна понуда ќе ја користи економски најповолната понуда врз основа на: цената.

5.7 Евалуацијата на понудите

5.7.1. Кај поедноставената отворена постапка, комисијата, најпрво ја проверува комплетноста и валидноста на способноста за вршење на професионална дејност на понудувачот. Истовремено,

согласно со член 101 став 13 од законот, на ЕСЈН ја проверува листата на издадени негативни референци.

5.7.2. При проверката на комплетноста и валидноста на документацијата за утврдување на способноста на понудувачот и при евалуација на понудата, комисијата може да побара понудувачите да ги појаснат или дополнат документите, доколку не станува збор за значителни отстапувања од бараната документација, внимавајќи со бараното појаснување или дополнување да не создава предност во корист на одреден економски оператор.

5.7.3 Бараното објаснување понудувачот го доставува преку ЕСЈН во рок кој го определила комисијата.

5.7.4. Комисијата не смее да бара, ниту да дозволува никакви промени во финансиската и техничката понуда, освен исправката на аритметички грешки.

5.7.5. Комисијата во примерен рок може да побара од понудувачот, а со цел за објаснување на понудата, превод на делот од понудата кој е во врска со техничката документација за кој во тендерската документација дозволил истата да биде изработена на странски јазик.

5.7.6 Договорниот орган ќе побара од економскиот оператор, во рок не пократок од 5 (пет) дена, да ја објасни цената или трошокот наведен во понудата, доколку смета дека понудата содржи невообичаено ниска цена во однос на услугите што се предмет на набавка или доколку постои сомнеж дека спогодбата ќе биде извршена.

5.7.7 Договорниот орган, ќе побара објаснување на цената доколку вредноста на понудата е за повеќе од 50% пониска од просечната цена на прифатливите понуди и е за повеќе од 20% пониска од следната рангирана понуда, во случај да има добиено најмалку три прифатливи понуди.

5.7.8 Евалуацијата на понудите ќе се врши согласно со критериумите наведени во тендерската документација.

5.7.9 По извршената евалуација, комисијата ќе пристапи кон рангирање на понудите и изготвување предлог за избор на најповолна понуда.

5.8 Заштита на податоци

5.8.1. Договорниот орган нема да открива информации доставени од страна на економскиот оператор кои се означени како деловна тајна или утврдени како класифицирана информација.

5.8.2 Економскиот оператор може, врз основа на закон, друг пропис или општ правен акт да означи одредени податоци за деловна тајна или за класифицирани, вклучувајќи ги техничките или трговските тајни содржани во понудата или пријавата за учество, под услов да го наведе правниот основ врз основа на кој истите се означени за тајни или за класифицирани.

5.8.3 Економскиот оператор не смее да ги означи за деловна тајна или за класифицирана информација: цената на понудата, трошоците на животниот век, спецификациите на понудените стоки, услуги или работи, количините, податоците во врска со критериумите за избор на најповолна понуда, јавните исправи, извадоците од јавни регистри и другите податоци кои согласно со посебните прописи мора јавно да се објавуваат или не смее да се означат како деловни тајни или како класифицирани информации.

5.9 Исправка на аритметички грешки

5.9.1 Доколку комисијата утврди дека постојат аритметички грешки исправка се врши на следниот начин:

1) кадешто има неусогласености на износот изразен во зборови и броеви, преовладува износот изразен во зборови, освен ако износот е поврзан со аритметичка грешка;

2) доколку има неусогласености помеѓу единичната цена и вкупната цена, а вкупната цена е резултат на множење на единичната цена и количината, во тој случај преовладува единичната цена, а вкупната цена ќе се коригира, освен ако не постои очигледно поместување на децималната запирка во единичната цена, при што во таков случај важи наведената вкупна цена, а единичната цена ќе се коригира;

3) доколку има грешка во вкупниот износ што соодветствува на додавањето или одземањето на меѓувредностите, преовладува меѓувредноста, а вкупниот износ ќе се коригира и

4) во случај на несовпаѓање помеѓу цената внесена на Електронскиот систем за јавни набавки и цената внесена во образецот на понудата, за валидна се смета цената внесена во образецот на понуда и ќе се измени цената внесена во Електронскиот систем за јавни набавки.

5.10 Поништување на постапката

5.10. 1. Договорниот орган може да ја поништи постапката за јавна набавка, за што носи одлука за поништување на постапката ако:

- бројот на кандидати е понизок од минималниот број предвиден за постапките за јавна набавка согласно со овој закон,

- не е поднесена ниту една понуда или ниту една прифатлива понуда,

- настанале непредвидени промени во буџетот на договорниот орган,

- понудувачите понудиле цени и услови за извршување на рамковната спогодба за јавна набавка кои се понеповолни од реалните на пазарот,

- оцени дека тендерската документација содржи битни пропусти или недостатоци,

- добие инструкции од Xxxxxx да ја поништи постапката во управна контрола или поради технички проблем на ЕСЈН кој не може да се надмине на поинаков начин, или

- поради непредвидени и објективни околности се промениле потребите на договорниот орган.

5.10.2. Договорниот орган ги известува сите учесници во постапката за јавна набавка преку ЕСЈН, најдоцна во рок од три дена од денот на поништувањето, во врска со престанокот на обврските на учесниците што произлегуваат од поднесувањето на понудите и за причините за поништување на постапката.

6. СКЛУЧУВАЊЕ НА ДОГОВОРОТ ЗА ЈАВНА НАБАВКА ИЛИ НА РАМКОВНАТА СПОГОДБА

6.1 Доделување на рамковната спогодба за јавна набавка

6.1.1 Договорниот орган ќе ја донесе одлука за избор или за поништување на постапката во рок кој не е подолг од рокот за поднесување на понудите, сметајќи од денот определен како краен рок за поднесување на понудите, а не сметајќи ги деновите во кои договорниот орган чека преземање одредено дејствие од друг субјект.

6.1.2 Договорниот орган го склучува рамковната спогодба за јавна набавка со понудувачот чија понуда е избрана за најповолна врз основа на техничката и на финансиската понуда во рок од 30 дена од денот на конечноста на одлуката за избор, но не подоцна од периодот на важност на понудата.

6.1.3 Доколку две или повеќе понуди имаат иста цена, за најповолен понудувач ќе биде избран оној кој прв ја поднел понудата на ЕСЈН.

6.1.4 Ако избраниот понудувач се откаже од склучување на рамковната спогодбата или дојде до раскинување заради нејзино ненавремено или неквалитетно извршување, договорниот орган може да склучи спогодбата со следниот рангиран понудувач, ако цената не е повисока од 5% во однос на првично избраната понуда.

6.2 Известување за доделување на рамковната спогодба за јавна набавка

6.2.1 Договорниот орган ќе ги извести понудувачите за одлуките во врска со утврдената способност, извршениот избор на најповолна понуда, склучувањето на рамковната спогодба или поништувањето на постапката за јавна набавка. Известувањето се доставува во рок од 3 (три) дена од денот на донесувањето на соодветната одлука.

6.2.2 Во прилог на известувањето ќе се достави и примерок од соодветната одлука, а истото ќе се испрати преку ЕСЈН.

6.2.3 По доставување на одлуката за избор на најповолна понуда или за поништување на постапката, а до истекот на рокот за вложување жалба, економските оператори што учествувале во постапката имаат право на увид во целокупната документација од постапката, вклучувајќи ги доставените понуди или пријави за учество, освен оние документи што се означени како деловна тајна.

6.3 Склучување на рамковна спогодба

6.3.1 Договорните страни ја склучуваат рамковната спогодба за јавна набавка во писмена форма во рамки на рокот на важност на најповолната понуда, но не подоцна од 30 дена од денот на конечноста на одлуката за избор.

6.3.2 Рамковната спогодба за јавна набавка се склучува согласно со условите утврдени во тендерската документација и понудата.

6.3.3 Договорниот орган ќе ја достави рамковната спогодба за јавна набавка до избраниот најповолен понудувач во 6 (шест) примероци на потпишување, откако истиот ќе го потпише овластеното лице на договорниот орган.

6.3.4 Избраниот најповолен понудувач има обврска да ја потпише рамковната спогодба за јавна набавка и да му го врати на договорниот орган во рок од 5 (пет) работни дена од денот на добивање.

6.3.5 Доколку избраниот најповолен понудувач не ја потпише спогодбата во рокот утврден во точка

6.3.4 од тендерската документација, договорниот орган го задржува правото да смета дека избраниот најповолен понудувач се откажал од склучување на рамковната спогодба и ќе објави негативна референца.

6.4. Извршување на рамковната спогодба

6.4.1 Договорните страни ја извршуваат рамковната спогодба за јавна набавка согласно со условите утврдени во тендерската документација и избраната најповолна понуда.

6.4.2 Договорниот орган ќе врши контрола дали извршувањето на рамковната спогодба за јавна набавка е во согласност со условите од спогодбата.

6.4.3 При извршувањето на спогодбата договорните страни покрај одредбите од Законот за јавните набавки, соодветно ќе ги применат одредбите од законот што ги уредува облигационите односи.

6.5 Измени на рамковната спогодба за јавна набавка во текот на нејзината важност

6.5.1 Во текот на реализацијата на рамковната спогодба може да дојде до нејзино менување согласно со член 119 од Законот за јавните набавки.

7. ПРАВО НА ЖАЛБА И ЗАВРШУВАЊЕ НА ПОСТАПКАТА ЗА ЈАВНА НАБАВКА

7.1 Право на жалба

7.1.1 Секој економски оператор кој има правен интерес за добивање на договорот за јавна набавка или рамковната спогодба и кој претрпел или би можел да претрпи штета од евентуално прекршување на одредбите од овој закон, може да бара правна заштита против одлуките, дејствијата и пропуштањата за преземање дејствија од страна на договорниот орган во постапката за јавна набавка.

7.1.2 Жалбата се изјавува до Државната комисија во електронска форма, а се доставува истовремено до Државната комисија и договорниот орган преку ЕСЈН.

7.1.3 Кај поедноставената отворена постапка, жалба се изјавува во рок од 5 (пет) дена, од денот на:

1. објавување на огласот за јавна набавка, во однос на содржината на огласот или тендерската документација;

2. објавување на известувањето за измени и дополнителни информации, во однос на содржината на измените и дополнителните информации;

3. отворање на понудите, во однос на пропуштањето на договорниот орган соодветно да одговори на навремените прашања или барања за појаснување или измени на тендерската документација или

4. прием на одлуката за избор на најповолна понуда или за поништување, во однос на постапката на евалуација и избор на најповолна понуда, или за причините за поништување на постапката.

7.1.4 Жалителот кој пропуштил да изјави жалба, нема право на жалба во подоцнежната фаза на постапката за истиот правен основ.

7.2 Завршување на постапката за јавна набавка

7.2.1 Постапката за јавна набавка завршува на денот на конечноста на одлуката за избор или за поништување на постапката.

8. Технички спецификации

Сервисирање на моторни пили, далекусежни моторни пили, тримери и моторни брусилки од марката ,, STIHL”

Предвиден е редовен сервис и по потреба поправка на следните модели:

• Моторни пили MS 260,, STIHL” 25 парчиња

• Моторни пили МС 440,, STIHL” 6 парчиња.

• Далекусежни моторни пили,, STIHL” ХТ 131 4 парчиња.

• Моторни брусилки ,, STIHL” ТС 400 2 парчиња.

• Моторни тримери,, STIHL” FS 560c 10 парчиња.

- Превземањето на пилите да го врши во сервисен центар (сопствен, во закуп или со договор за деловно-техничка соработка) со потребна инфраструктура за одржување и поправка на моторните пили/ тримери/брусилки, на територијата на град Скопје.

- Утврдувањето на дефектот и потребните делови и часови за поправка да не е подолг од 3 (три) работни дена од денот на донесувањето на пилата во сервисниот центар.

- Рокот за извршување на поправката од денот на нарачката до денот на поправка и предавање на пилата да не е подолг од 10 (десет) работни дена.

- Сервисниот центар треба да вградува нови, неупотребувани и оригинални резервни делови и потрошни материјали, набавени од производителот на соодветната марка на наведените модели, или од овластен дистрибутер.

Носителот на набавката е материјално одговорен за моторните пили/ тримери, / брусилки кои ги презема од Договорниот орган.

Носителот на набавката во случај на неквалитетно извршени услуги на моторните пили/ тримери, / брусилки на договорниот орган, одговара за евентуалните штети.

ИНСТРУКЦИИ ЗА НОРМА ЧАС: Норма работен час подразбира временски период во кој ќе се извршува одржувањето и поправката на моторните пили/ тримери, / брусилки предмет на оваа набавка, односно време кое е неопходно потребно за извршување на секое одделно одржување и поправка. Ако времетраењето за извршување на поправката е помало или поголемо од 60 минути, тогаш времетраењето на норма часот се искажува во цели броеви и со децимали, односно минутите поминати во извршување на поправката се делат со 60. Цената на норма работен час треба да биде иста за вградување на сите резервни делови и потрошен материјал за истата марка на моторните пили/ тримери/ брусилки.

НАПОМЕНА: Економскиот оператор е должен да обезбеди гарантен рок (гаранција) за квалитетот на вградените резервни делови и за работна рака од најмалку 6 (шест) месеци, сметано од денот на превземањето на моторните пили/ тримери/ брусилки од Договорниот орган по извршената поправка.

(Да се пополни точка II.2 во Образецот на понуда за должината на Гарантниот рок (гаранција)

1. Задолжителна документација што се поднесува со понудата:

- Изјава дека при одржувањето и поправката ќе вградува нови, неупотребувани оригинални резервни делови и потрошни материјали, набавени од производителот на соодветната марка или од овластен дистрибутер.

Прилог 1 – Образец на понуда

[меморандум на понудувачот]

Врз основа на огласот објавен од страна на Оператор на електропреносниот систем на Република Северна Македонија – Акционерско друштво за пренос на електрична енергија и управување со електроенергетскиот систем, во државна соспственост Скопје, за набавка на услуги: Сервисирање на моторни пили со спроведување на поедноставена отворена постапка, и тендерската документација, ја поднесуваме следнава:

П О Н У Д А

Дел I – Информации за понудувачот

I.1. Име на понудувачот:

I.2. Контакт информации

− Адреса:

− Телефон:

− Факс:

− Е-пошта:

− Лице за контакт:

I.3. Одговорно лице:

I.4. Даночен број:

I.5. Матичен број:

Дел II – Техничка понуда

II.1. Согласни сме да ги понудиме предметните услуги, согласно техничката спецификација од тендерската документација.

II.2 Гарантен рок (гаранцијата) за квалитетот на заменетите и вградени резервни делови и за

работната рака е сметано од денот на превземање на моторните

пили/тримери/брусилки од страна на Договорниот орган по извршената поправка.

( гарантниот рок мора да биде најмалку 6 месеци )

II.3. Ги прифаќаме рокот, начинот и местото на извршување на услугите утврдени во тендерската документација и моделот на рамковна спогодба.

Дел III – Финансиска понуда

III.1.1. Вкупната цена на нашата понуда (вкупната вредност од Excel табелата), вклучувајќи ги сите трошоци, попусти и увозни царини, без вклучен ДДВ,

изнесува денари / евра (со бројки),

(домашниот понудувач цената ја изразува во денари, а странскиот понудувач во евра)

(со букви). (странскиот понудувач цената на понудата ја пишува со букви на англиски јазик)

Вкупниот износ на ДДВ изнесува денари.

Во прилог на овој образец на понуда е:

- Детален приказ на единечните цени по позиции и вкупната цена во Excel формат.

III.2. Нашата понуда важи за периодот утврден во тендерската документација. Се согласуваме со начинот и рокот на плаќање утврден во тендерската документација и моделот на рамковна спогодба.

III.3. Со поднесување на оваа понуда, во целост ги прифаќаме условите предвидени во тендерската документација.

III.4. Со поднесување на оваа понуда, во целост ги прифаќаме одредбите дадени во моделот на рамковна спогодба за јавна набавка.

Место и датум Одговорно лице*

(потпис)

*Образецот на понудата може да биде потпишан и од лице овластено од одговорното лице

Прилог 2 – Детален приказ на единечните цени по позиции и вкупната цена во Excel формат *

*Деталниот приказ на единечните цени по позиции и вкупната цена во Excel формат се потпишува електронски со прикачување на валиден дигитален сертификат чиј носител е одговорното лице или лице овластено од него.

Прилог 3 – Изјава за сериозност на понудата

И З Ј А В А

Јас, долупотпишаниот [име и презиме на

одговорното лице]* врз основа на член 101 став 4 од Законот за јавните набавки, а во својство на одговорно лице на понудувачот изјавувам дека нема да ги преземам дејствијата од став 6 на член 101 од Законот за јавните набавки во постапката која се спроведува по огласот за доделување на рамковна спогодба за јавна набавка број / за набавка на услуги: Сервисирање на моторни пили, објавен од страна на Оператор на електропреносниот систем на Република Северна Македонија – Акционерско друштво за пренос на електрична енергија и управување со електроенергетскиот систем, во државна соспственост Скопје и дека понудата е правно обврзувачка за нас во сите нејзини делови до истекот на периодот на нејзината важност.

Исто така, изјавувам дека сум целосно свесен со последиците од прекршување на оваа изјава, што ќе доведе до издавање на негативна референца од страна на договорниот орган против понудувачот во чие име и за чија сметка сум овластен да ја дадам оваа изјава согласно со член 101 став 7 од Законот за јавните набавки.

Место и датум Одговорно лице**

(потпис)

*Xxxxxxxx ја дава одговорното лице на понудувачот [се наведува полното име и презиме на одговорното лице].

**Изјавата се потпишува електронски со прикачување на валиден дигитален сертификат чиј носител е одговорното лице или лице овластено од него.

Прилог 4 – Изјава за докажување на способноста

И З Ј А В А

Под целосна материјална и кривична одговорност изјавувам дека за

[се наведува назив на економскиот оператор] не постојат причини за исклучување од постапката, како и дека во целост ги исполнува бараните услови за утврдување на способноста наведени во тендерската документација за поедноставената отворена постапка за набавка на услуги: Сервисирање на моторни пили која се спроведува по оглас бр. [се наведува бројот на огласот] објавен од страна на Оператор на електропреносниот систем на Република Северна Македонија – Акционерско друштво за пренос на електрична енергија и управување со електроенергетскиот систем, во државна соспственост Скопје.

Истовремено изјавувам дека ги имам на располагање сите потребни документи за докажување на исполнувањето на бараните услови, кои ќе му бидат доставени на договорниот орган доколку нашата понуда биде избрана за најповолна.

Место и датум Одговорно лице

(потпис) *

*Изјавата се потпишува електронски со користење на квалификуван сертификат за електронски потпис чиј носител е одговорното лице или лице овластено од него.

Прилог 5 – МОДЕЛ НА РАМКОВНА СПОГОДБА ЗА ЈАВНА НАБАВКА *

Склучен во Скопје во 2020 година, помеѓу

Договорни страни:

1. Оператор на електропреносниот систем на Република Северна Македонија – Акционерско друштво за пренос на електрична енергија и управување со електроенергетскиот систем, во државна соспственост Скопје, ул. Максим Горки бр.4 Скопје, застапувано од генералниот директор Xxxxxxxx Xxxxxxxx, како корисник на услуги, во понатамошниот текст Договорен орган, од една страна и

2. , ул. , застапувано од одговорното лице , како давател на услуги, во понатамошниот текст Носител на набавката, од друга страна.

Предмет на Спогодбата

Член 1

Предмет на оваа спогодба е јавна набавка на услуги – сервисирање на моторни пили, во согласност со тендерската документација, техничките спецификации и понудата на Носителот на набавката по спроведена постапка за јавна набавка на Договорниот орган со број на оглас 00/2020.

Основ на Спогодбата

Член 2

Основ на овој договор е спроведена постапка за јавна набавка на Договорниот орган со број на оглас 00/2020.

Понудата на Носителот на набавката, тендерската документација и техничките спецификации по спроведена постапка за јавна набавка на Договорниот орган со број на оглас 00/2020 се составен дел на овој договор.

Носителот на набавката е врзан за понудата, тендерската документација и техничките спецификации и истите се во важност за целото времетраење на оваа спогодба.

Количини и единечни цени

Член 3

Количините предмет на оваа спогодба се одредуваат согласно потребите на Договорниот орган од ваков вид на услуги.

Единечните цени за извршување на предметот на оваа спогодба се утврдени во Прилог 1 - Листата на цени кој е составен дел на оваа спогодба.

Единечните цени дадени во Прилог 1 на оваа спогодба се фиксни за целото времетраење на оваа спогодба и истите не подлежат на измени до крајот на нејзиното исполнување.

Во цената се вклучени сите трошоци.

Вредноста на единечните цени се пресметани со соодветно намалување кое е еднакво на процентот на намалување на цената на првичната понуда (пред електронската аукција) и цената на последната понуда (по завршување на електронската аукција), во висина од

Член 4

Цената за поправка со замена на резервниот дел или потрошниот материјал кој не е предвиден во Прилог 1 - Листата на цени за поправка на пилата / тример / брусилка, ќе се фактурира набавната - влезната цена на делот/материјалот зголемена за максимум 10% маржа и потребната норма работен час, цената на норма работен час и данок на додадена вредност.

Цената за 1 (еден) норма час e иста со цената наведена во Прилог 1 – Листата на цени за марката на пилата / тример и изнесува денари без пресметан данок на додадена вредност.

Член 5

Времето потребно за извршување на сите поправки се искажува во норма работни часови. Норма работен час е временски период во кој Носителот на набавката ќе ја изврши поправката и е во траење од 60 минути.

Норма работен час подразбира временски период во кој ќе се извршува поправката предмет на оваа набавка, односно време кое е неопходно потребно за извршување на секоја одделна поправка.

Ако времетраењето за извршување на поправката е помало или поголемо од 60 минути, тогаш времетраењето на норма часот се искажува во цели броеви и со децимали, односно минутите поминати во извршување на поправката се делат со 60.

Цената на норма работен час треба да биде иста за вградување на сите резервни делови и потрошен материјал за истата марка на пилата / тример.

Вредност на Спогодбата

Член 6

Вкупната вредност на оваа спогодба е планираната вредност на Договорниот орган за набавка на овој вид на услуги и изнесува:

- вкупно без ДДВ 000.000,00 денари

- ДДВ 18% 00.000,00 денари

Вкупно со ДДВ 000.000,00 денари

Со зборови:

вклучен ДДВ.

денари, со

Вкупната вредност е фиксна за цело времетраење на оваа спогодба и истата не подлежи на измени до крајот на неговата реализација.

Во вкупната цена се вклучени сите трошоци.

Договорниот орган не е во обврска во целост да ја реализира вкупната вредност на оваа спогодба.

Времетраење на спогодбата

Член 7

Рамковната спогодба се склучува за временски период од 36 (триесетишест) месеци, сметано од денот на нејзиното потпишување од двете договорни страни или до нејзиното вредносно исполнување, во зависност од тоа што попрво ќе истече или ќе се исполни.

Права и обврски на договорните страни

Член 8

Правата и обврските на договорните страни кои произлегуваат од оваа спогодба стапуваат на сила на денот на потпишувањето на спогодбата од двете договорни страни.

Двете страни се должни да ги извршуваат своите обврски и се одговорни за нивното исполнување.

Двете страни се должни да се воздржуваат од постапките со кои можат на другата страна да и предизвикаат штета.

Обврски на Носителот на набавката

Член 9

Носителот на набавката е должен рамковната спогодба и поединечните договори кои произлегуваат од неа да ги извршува во се во согласност со условите и барањата од техничките спецификации по спроведена постапка за јавна набавка на Договорниот орган со број на оглас 00/2020, навремено и квалитетно.

Носителот на набавката е должен при извршувањето на обврските да постапува со внимание на добар стопанственик и со внимание на добар стручњак.

Носителот на набавката се обврзува при извршување на одржувањето и поправките да вградува исклучиво нови, неупотребувани оригинални резервни делови и потрошни материјали.

Носителот на набавката се обврзува деловите кои ќе ги вградува да ги набави од производителот на соодветната марка или од овластен дистрибутер

Носителот на набавката се обврзува дека за секоја извршена поправка ќе издава работен налог, кој треба да биде потпишан со цело име и презиме од лицето што ја презема пилата/тримерот/брусилката од страна на Договорниот орган и претставник на Носителот на набавката кој ја предава пилата/тримерот/брусилката.

Носителот на набавката е материјално одговорен за моторните пили / тримери / брусилки кои ги презема од Договорниот орган.

Носителот на набавката во случај на неквалитетно извршени услуги на моторните пили / тримери / брусилки на Договорниот орган, одговара за евентуалните штети.

Начин на реализација на спогодбата

Член 10

Оваа спогодба се реализира со доделување на поединечни договори за јавна набавка. Поединечните договори ги доделува Договорниот орган на Носителот на набавката,

сукцесивно согласно своите потреби од овој вид на услуги, за целиот период на времетраење на оваа спогодба.

Елементите на поединечните договори ќе бидат во се според условите од оваа спогодба и останатите услови по спроведената постапка за јавна набавка на Договорниот орган со број на оглас 00/2020 и истите ќе останат непроменети за целото времетраење на спогодбата.

Поединечните договори ќе се сметаат за склучени со давање на писмена нарачка од Договорниот орган до Носителот на набавката, испратена по e-mail (на

@ ), по пошта или лично од еден овластен претставник на Договорниот орган.

Со потпишувањето на рамковната спогодба од двете договорни страни, Носителот на набавката потврдува и се согласува дека без приговор ги прифаќа за реализација сите поединечни договори за јавна набавка доделени од Договорниот орган на Носителот на набавката по оваа рамковна спогодба.

Рок, начин и место на извршување

Член 11

Носителот на набавката е должен услугите предмет на рамковната спогодба да ги изврши на начин и под услови како што е дефинирано во техничките спецификации.

Носителот на набавката е должен по приемот на моторната пила /тример/брусилка во сервисот и во присуство на технички лица од Договорниот орган да направи и утврди дефектажа и во рок од 3 (три) работни дена писмено да го извести Договорниот орган за потребната поправка на моторната пила/тример/брусилка и истата да ја поправи по добивање на писмено барање-нарачка (единечен договор) од Договорниот орган најдоцна за 10 (десет) работни дена од приемот на моторната пила/тример/брусилка во својот Сервисен центар (доколку поинаку не се договори со техничките лица на договорниот орган).

Носителот на набавката дефектажата ќе ја извршува бесплатно.

Цената за 1 (еден) норма час е иста со цената наведена во Листата на цени за истата марка на моторни пили/тримери/брусилки.

Договорниот орган ги задолжува и овластува лицата и да ја следат реализацијата на оваа спогодба.

Начин и рок на плаќање

Член 12

Договорниот орган, плаќањето по единечните договори на рамковната спогодба го врши вирмански по извршување на поправките, во рок од 15 дена од денот на приемот на фактурата во архивата на Договорниот орган, со прилог Работен налог потпишан од овластените лица на двете договорни страни со кој е потврдено дека поправката е завршена.

Носителот на набавката во прилог фактурата за извршените поправки кои не се предвидени во листата на цени треба да достави копија од влезната фактура (со потпис и печат и со назнака “Верно на оригиналот“) со која го набавил оригиналниот дел / материјал. Доколку овластениот дистрибутер е во странство и во фактурата не се прикажани сите трошоци, носителот на набавката е должен да достави копија од влезната фактура (со потпис и печат и со назнака “Верно на оригиналот“) и калкулација во која ке бидат прикажани сите трошоци кои се платени во РС Македонија.

Носителот на набавката, фактурата, поткрепена со уредно потпишан Работен налог ја доставува на Договорниот орган на следната адреса: АД МЕПСО – Скопје, xx. Максим Горки бр.4, 1000 Скопје, Сектор за финансиски работи, Оддел за комерцијални работи, со назначување на бројот и датумот на спогодбата, името и презимето на лицето – налогодавец, опис на поправката со количини, единечни, вкупни цени на услугата и доколку е потребно влезната фактура со или без калкулација.

Носителот на набавката во работниот налог и фактурата треба да ги наведе називите на извршените поправки идентично со називите дадени во табелите во Прилог 1 - Листата на цени на оваа спогодба.

Договорниот орган го задржува правото да ја врати фактурата доколку не е комплетна и да поднесе рекламација на пресметката на фактурата во рок од 8 дена, сметано од денот на приемот на фактурата.

Гарантен рок (гаранција)

Член 13

Носителот на набавката обезбедува гарантен рок (гаранција) за квалитетот на заменетите и вградени резервни делови и за работната рака за временски период од месеци сметано од денот на превземање на моторните пили/тримери/брусилки од страна на Договорниот орган по извршената поправка.

Виша сила

Член 14

Ниту една од договорните страни нема да биде одговорна за неисполнување на оваа спогодба до кое би дошло заради виша сила.

Ако една од договорните страни е спречена во исполнувањето на своите обврски по оваа рамковна спогодба, заради виша сила, должна е во рок од 24 часа писмено да ја извести другата страна, со наведување на причините за Вишата сила и по можност обезбедување на соодветен доказ.

По отстранување на вишата сила спогодбата може да се реализира по потреба со заеднички прифатено дополнување или да се раскине договорно.

Подизведување и подизведувачи

Член 15

Носителот на набавката може, за време на извршувањето на договорот за јавна набавка, од Договорниот орган да побара:

- промена на подизведувачите за оној дел од спогодбата кој претходно го отстапи на подизведувачи,

- воведување еден или повеќе нови подизведувачи чиј вкупен удел не смее да надмине 30% од вредноста на спогодбата, без вклучен ДДВ, без оглед дали претходно отстапил дел од спогодбата на подизведувачи или не,

- преземање на извршувањето на дел од спогодбата за јавна набавка кој претходно го дал на подизведувач.

Во случај на вклучување нови подизведувачи, Носителот на набавката, заедно со барањето, ги обезбедува податоците и документите од точка 4.4 од тендерската документација.

Договорниот орган нема да го одобри барањето на Носителот на набавка:

- доколку Xxxxxxxxx на набавката во постапката за јавна набавка ја користел способноста на подизведувачот кој го менува, а новиот подизведувач не ги исполнува истите услови или постојат причини за исклучување,

- ако Xxxxxxxxx на набавка во постапката за јавна набавка ја користел способноста на подизведувачот за да ја докаже својата способност, а самиот Xxxxxxx на набавката не ги исполнува тие услови или ако тој дел од договорот е веќе извршен.

Договорниот орган може да го одбие предлогот за замена на подизведувач, односно вклучување нов подизведувач, доколку тоа може да влијае на непреченото изведување или завршување на работите.

За одбивањето на подизведувачот, Договорниот орган го известува Носителот на набавката во рок од десет дена од денот на приемот на барањето.

Директното плаќање на подизведувачот е задолжително за Договорниот орган и за Носителот на набавката доколку подизведувачот побарал директно плаќање согласно со условите од Законот за јавните набавки, при што:

- подизведувачот приложува согласност врз основа на која обврските на Носителот на набавката ќе ги покрие Договорниот орган,

- Носителот на набавката, во прилог на неговата фактура ги приложува фактурите на подизведувачот кои претходно ги одобрил.

Договорниот орган ќе бара од Носителот на набавката да му достави писмена изјава од подизведувачот, дека подизведувачот е исплатен за набавените стоки, во рок од 60 дена од денот на исплаќање на фактурата од страна на Договорниот орган на Носителот на набавката.

Понудувачот е одговорен пред договорниот орган за извршување на договорот за јавна набавка, без оглед на бројот на подизведувачите.

Раскинување и санкции за прекршување на спогодбата

Член 16

Кога една од договорните страни нема да ја исполни својата обврска другата договорна страна може да бара исполнување на обврската или да ја раскине спогодбата без отказен рок.

Договорната страна која поради неисполнување на договорните обврски бара продолжување на исполнување на обврската или раскинување на спогодбата, должна е тоа да и го соопшти на другата договорна страна без одлагање, по писмен пат.

Кога Xxxxxxxxx на набавката нема да ја исполни својата обврска по поединечен договор, ќе му ја плати на Договорниот орган евентуалната разлика во цена ако се појави со воведување на друг економски оператор во реализацијата на поединичниот договор.

Во услови кога Xxxxxxxxx на набавката повторно нема да ја исполни својата обврска по поединечен договор, ќе му ја плати на Договорниот орган евентуалната разлика во цена ако се појави со воведување на друг економски оператор во реализацијата на поединичниот договор како и договорна казна во висина од 5% од вкупната вредност на поединечниот договор, без ДДВ.

При наредно неисполнување на обврска по поединечен договор или неисполнување на било која друга обврска по оваа спогодба по вина на Носителот на набавката, Договорниот

орган ја раскинува Рамковната спогодба и наплаќа договорна казна во висина од 5% од вкупната вредност на спогодбата без ДДВ.

Договорниот орган го задржува правото да бара и надомест на штета што би ја претрпел поради тоа, согласно Законот за облигациони односи.

Заштита на информации од доверлив карактер

Член 17

Договорните страни се согласни да ги штитат информациите од доверлив карактер, особено кога станува збор за деловна тајна.

Решавање на спорови

Член 18

Двете страни се согласни сите евентуалните спорови и недоразбирања кои би произлегле од оваа спогодба и од поединечните договори, да ги решаваат во духот на добрите деловни обичаи со меѓусебно договарање.

Доколку тоа не е можно, спорот ќе го решава стварно и месно надлежниот суд во Скопје.

Преодни и завршни одредби

Член 19

Составен дел на оваа спогодба се следнитe прилози, и тоа:

- Тендерската документација,

- Техничките спецификации и

- Понудата на Носителот на набавката .

Сите права, обврски и одговорности кои произлегуваат за договорните страни, а кои не се наведени во спогодбата соодветно ќе се применуваат одредбите содржани во прилозите (наведени во став 1 на овој член) кои се составен и интегрален дел на оваа спогодба.

Член 20

За се што не е предвидено со оваа спогодба ќе се применуваат одредбите од Законот за облигационите односи и другите позитивни законски прописи во Р. Македонија.

Член 21

Измени и дополнувања на спогодбата се вршат со заедничка согласност на двете договорни страни по писмен пат.

Спогодбата се менува со Xxxxx само во согласност со одредбите на Законот за облигациони односи, Законот за јавните набавки и тендерската документација.

Член 22

Оваа спогодба е склучена во 6 (шест) истоветни примероци, од кои 4 (четири) за Договорниот орган и 2 (два) за Носителот на набавката.

ДОГОВОРЕН ОРГАН НОСИТЕЛ НА НАБАВКАТА АД МЕПСО

Генерален директор Управител

Xxxxxxxx Xxxxxxxx ------------------------------

* Моделот на спогодба за јавна набавка задолжително треба да се достави потпишан електронски заедно со понудата

Document Metadata

Table of Contents

Прилог 2 – Детален приказ на единечните цени по позиции и вкупната цена во Excel формат Прилог 3 – Изјава за сериозност на понудата

Document Metadata