ስራ ለማግኘት የማህበራዊ ደህንነት ቁጥር ያስፈልጋል፡፡ ይህ የሚገኘው ከጤና መድህንዎት ነው (ለምሳሌ AOK)፡፡

የስራ ቅጥር ውል የስራ ቅጥር ውል

ስራ የሚጀምሩ ሰዎች የስራ ቅጥር ውል ይሰጣቸዋል፡፡ ውሉ የቅጥር ጥቅማ-ጥቅሞችን ዋና ዋና ሁኔታዎች ይገልጻል፤ ለምሳሌ የስራ ሰአታት፣

የበአል ፈቃድ፣ የደሞዝ መጠን እና የማስጠንቀቂያ ጊዜ፡፡ ሁለቱም - ተቀጣሪ እና ቀጣሪ - እነዚህን ስምምነቶች ማክበር አለባቸው፡፡ ከፈረሙበት በኋላ ውሉ የህግ ውጤት ስለሚኖረው መፈረም ያለብዎት ይዘቱን በደንብ ከተረዱት በኋላ ነው፡፡

የውል አይነቶች

• ቋሚ ቅጥር

በአጠቃላይ የሶስት ወይም ስድስት ወር የሙከራ ጊዜ አለ፡፡ በዚህ ጊዜ የቅጥር ግንኙነት በአጭር ማስጠንቀቂያ በሁለት ሳምንት ውስጥ በሁለቱም - ተቀጣሪ እና ቀጣሪ - ሊቋረጥ ይችላል፡፡ የሙከራ ጊዜው ካበቃ በኋላ ረዘም-ያለ የውል ማቋረጥ ጥበቃ ያለው ቋሚ የቅጥር ግንኙነት ይጀምራል፡፡ ብዙ ጊዜ የስራ ወቅት በሳምንት እስከ 40 ሰአታት ነው፡፡

• የተወሰነ-ጊዜ የቅጥር ውል

የቅጥር ግንኙነቱ ስምምነት በተደረገበት ጊዜ፣ የስራ ማቋረጥ ሳያስፈልግ ያበቃል፡፡ ጊዜያዊ ውሉ መራዘም የሚችለው ሁለት ጊዜ ብቻ ነው፡፡ ከዛ በላይ ከሆነ ጊዜያዊ የቅጥር ውሉ ገደብ የለሽ መሆን አለበት፡፡

• አነስተኛ ስራ

ከፍተኛው ገቢ በወር € 450.00 ሲሆን ከግብር ነጻ ነው፡፡

ግብር እና የማህበራዊ መዋጮ

ጀርመን ውስጥ የሚሰራ ማንኛውም ሰው የፌደራል፣ የክልል እና አካባቢ አመራር ወጪዎችን ለመሸፈን የሚያገለግል ከገቢው ላይ ግብር ይከፍላል፡፡ ቀጣሪዎችም በራሳቸው በኩል የማህበራዊ ደህንነት መዋጮ ለሰራተኞቻቸው የመክፈል ግዴታ አለባቸው፡፡ ይህ በጀርመን የማህበራዊ ስርአት ውስጥ ሰዎች ስራ ካላገኙ ወይም መስራት ካልቻሉ በጣም አስፈላጊ የኑሮ ወጪያቸው መሸፈኑንን ያረጋግጣል፡፡

የግብር መለያ ቁጥር

የግብር መለያው ባለ11 አሀዝ ሲሆን ለገቢ ግብር ያገለግላል፡፡ ስራ ለማግኘት ይህ ቁጥር ሊኖር ይገባል፡፡ ይህ ቁጥር ሰነድዎት ውስጥ ከሌለ ከምዝገባ ጽ/ቤቱ በግንባር በመሄድ መጠየቅ ወይም ከፌደራል የግብር ጽ/ቤት በጽሁፍ መጠየቅ ይችላሉ፡፡

የማህበራዊ ደህንነት ቁጥር

ስራ ለማግኘት የማህበራዊ ደህንነት ቁጥር ያስፈልጋል፡፡ ይህ የሚገኘው ከጤና መድህንዎት ነው (ለምሳሌ AOK)፡፡

እውቅና የሌለው ስራ

ክፍያ ያለው ግን የግብር ጽ/ቤት እና የጤና መድህን ጋር ያልተመዘገበ ስራ ማለትም ግብር ወይም የማህበራዊ መዋጮ ያልተከፈለበት ስራ ህገወጥ ሲሆን ጀርመን ውስጥ "እውቅና የሌለው ስራ" ይባላል፡፡ የገንዘብ ቅጣት እና እስር ይፈረድብዎታል፡፡ አንድ ሰው የማህበራዊ

ጥቅማ-ጥቅም ወይም የስራአጥነት ገንዘብ እየወሰደ ስራ የሚሰራ ከሆነ እና ይህንን ሁኔታ ከማህበራዊ ጉዳይ ጽ/ቤቱ፣ ቅጥር ኤጀንሲው ወይም የስራ ማዕከሉ ከደበቀ ይህም እውቅና የሌለው ስራ ይባላል፡፡ ገቢ ያለው ስራ እየሰሩ ያለአግባብ የመንግስት ጥቅማ-ጥቅም እያገኙ ነው፡፡

1 Landkreis Erlangen-Xxxxxxxxx