Инвестициско портфолио. 1. Штедниот дел од премијата во договорите за животно осигурување поврзани со инвестициско портфолио се инвестираат во инвестициски фонд управуван од друштвото за управување со инвестициски фондови кое е наведено во понудата и полисата која е издадена при склучување на Договорот за животно осигурување.
2. Договарачот на осигурувањето го избира инвестициското портфолио од понудените инвестициски фондови од друштвото за управување со инвестициски фондови, само при склучување на Договорот за осигурување.
3. Договарачот на осигурувањето го презема инвестицискиот ризик при промена на вредноста на инвестициските удели.
4. Во случај на настанување на неможност за спроведување на Договорот за осигурување поради причина во домен на избраниот инвестициски фонд, каде што се вложува премијата за вложување, осигурителот е обврзан да го извести договорувачот/осигуреникот на осигурувањето и да му понуди да премине во друг фонд кај истото друштво за управување со инвестициски фондови или да премине во друг фонд кај друго друштво за управување со инвестициски фонд.
5. Договорувачот/осигуреникот на осигурувањето во рок од 15 дена треба да се произнесе за понудените алтернативи. Сите трошоци поврзани со прифаќање на понудените алтернативи се на товар на осигурителот.
6. Доколку договорувачот/осигуреникот на осигурувањето не ја прифати можноста за премин во друг фонд од точка 4 од овој член, осигурителот ќе смета дека настанал случај на доживување и на договорувачот/осигуреникот ќе му ја исплати вредноста на инвестициското портфолио без наплата на било какви излезни трошоци и ќе му го врати неискоритениот дел од премијата за осигурување.
1. Вредноста на инвестициското портфолио ја сочинуваат вредностите на сите удели во поединечниот инвестициски фонд.
2. Вредноста на сите удели во поединечниот инвестициски фонд претставува производ на бројот на уделите со вредноста на еден удел.
3. Вредноста на уделите се објавува секој ден на веб-страницата на инвестицискиот фонд. Вредноста на уделите е прикажана на нето-основа.
4. Вредностите на уделите во инвестицискиот фонд се изразени во денари и сите уплати во инвестициското портфолио и исплати од инвестициското портфолио се вршат во денари.
5. За пресметка на уплата во инвестициски портфолија се употребува средниот курс на НБРСМ кој е важечки на првиот работен ден по денот кога паричните средства за уплата на премијата се пристигнати на сметка на осигурителот.
6. За пресметка на исплата на штетен настан од инвестициското портфолио се к...
