Common use of Посебни начини за доделување на договорот за јавна набавка Clause in Contracts

Посебни начини за доделување на договорот за јавна набавка. Оваа постапка ќе заврши со спроведување на електронска аукција, договорниот орган ќе користи електронска аукција како последна фаза во отворената постапка. Договорот за јавна набавка ќе се додели со користење електронска аукција на која ќе се добијат нови цени коригирани надолу, односно нови вредности за одредени елементи од понудите. Предмет на електронската аукција ќе биде цената и/или новите вредности на делот од понудата кој е предмет на електронска аукција, ако критериум за избор на најповолна понуда е најдобриот однос помеѓу цената и квалитетот. Предмет на електронската аукција е вкупна цена без вклучен ДДВ за секој Дел поединечно, вклучувајќи ги сите трошоци и попусти, увозни царини доколку ги има, за секој Дел поединечно. Сите понудувачи што поднеле прифатливи понуди, истовремено ќе се поканат, да достават нови цени или нови вредности за делот на понудата кој е предмет на електронска аукција. Електронската аукција започнува најрано два дена од датумот на кој се испратени поканите за учество на електронската аукција [во кои се наведува датумот и времето на започнување на аукцијата, начинот на спроведување на аукцијата, како и сите потребни информации за поврзување со електронските средства што се користат]. Сите понудувачи во секоја фаза од аукцијата ќе имаат пристап до информациите кои ќе им овозможат во секое време да го утврдат својот ранг. Во случај кога е поднесена само една понуда која е прифатлива или останала само една прифатлива понуда, електронска аукција нема да се спроведе.