Contract
Врз основа на член 13, 15, 28 и 48 од Законот за работни односи (Сл. весник на РМ бр. 62/05...27/16), работодавачот__________________________________ со седиште на ул.__________________, МБ ________ (во натамошниот текст:работодавач) и работникот ________________________________ од _________, со живеалиште на ул. _______________________________, ЕМБГ ________________ (во натамошниот текст: работник), на ден ___________ година го склучија следниот:
со неполно работно време
Општи одредби
Член 1
Со овој Договор се уредуваат правата, обврските и одговорностите од работниот однос меѓу работникот и работодавачот.
Член 2
Работникот заснова работен однос на неопределено време почнувајки од __________ година.
Работниот однос работникот го заснова со неполно работно време, односно 4 (четири) часови дневно, на работно место _____________________________.
Работните задачи, работникот ќе ги извршува во _____________ (се наведува местото, односно градот).
Почетокот на работното време е од 8 (осум часот) а завршува во 12 часот (може да се определи и друг почеток и завршеток на работа)
Во случај на потреба, работникот е согласен да извршува работни задачи на секое работно место кое одговара на неговиот степен на стручна подготовка.
Обврски на работникот
Член 3
Работникот ги прифаќа обврските што произлегуваат од Законот за работните односи, колективниот договор и општите акти на работодавачот, а особено:
- работите да ги извршува совесно, навремено и квалитетно, а средствата за работа да ги користи економски, целесообразно и одговорно и да остварува позитивни резултати во работата;
- да се придржува кон пропишаното работно време и пропишаните мерки за заштита при работа;
- да ги почитува општите и поединечните акти, наредби, барања, упатства и одлуки на работодавачот, непосредниот раководител и органите на управување;
- да се воздржува од сите постапки кои со оглед на природата на работата се штетни или би ги повредиле интересите на работодавачот;
- правилно и совесно да се однесува спрема странките и останатите вработени, со своето однесување да го чува угледот на работодавачот и
- не смее да ги користи за своја сопствена употреба или да ги предаде на трето лице податоците што се сметаат за деловна тајна и кои му биле доверени и со кои бил запознат на друг начин.
Обврски на работодавачот
Член 4
Работодавачот ги прифаќа обврските што произлегуваат од Законот за работните односи, колективниот договор и општите акти, а особено прифаќа:
- да му ги обезбеди работа за која се договориле, потребните услови работа и за извршување на преземените работни задачи;
- да му го обезбеди пропишано работно време, одмори и отсуства од работа,
- да му обезбеди пропишани средства за заштита при работа и други услови за работа и права од работен однос во согласност со закон и колективен договор;
- да му обезбеди редовна месечна плата и исплата на други додатоци, надоместоци и примања во согласност со закон и колективен договор и општите акти на работодавачот;
- да ја штити и почитува личноста и достоинството на работникот и неговата приватност.
Права на работникот
Член 5
За извршената работа, работодавачот на работникот ќе му се исплатува основна плата во бруто износ од _______________ денари.
Работникот има право на додатоци на плата, дел од плата за работна успешност, надоместоци на плата и надоместок на трошоци поврзани со работа согласно ЗРО и колективен договор, сразмерно на времето за кое склучил договор за вработување.
Работодавачот се обврзува на работникот да му ја исплаќа платата најдоцна до 15-ти во месецот за претходниот месец.
Член 6
Работникот има право на дневен, неделен и годишен домор.
Должината на дневниот одмор изнесува 15 минути во текот на работниот ден, а неделниот одмор се определува согласно Законот за работни односи.
Работникот има право на годишен одмор во траење од најмалку 10 работни дена, а времето на користење го определува работодавачот во согласност со Законот за работните односи, колективниот договор и во согласност со потребите на работењето на работодавецот, утврдено со општ акт на работодавецот.
Работникот има право на платен и неплатен одмор (отсутство) согласно ЗРО и колективен договор.
Обврска за чување деловна тајна
Член 7
Работникот се обврзува дека за време на вработувањето кај работодавачот, како и по престанок на работа кај работодавачот, без негова писмена дозвола, нема да даде на било која личност, фирма, компанија или организација, било која информација за работењето на друштвото, добиен или лично работен кај работодавачот.
Работникот се обврзува дека нема да користи за сопствени цели или профит, или цели различни од оние на работодавачот, било каква информација која може да ја добие, а се однесува на работата на работодавачот или било кој поранешен, сегашен или иден коминтент, добавувач или вработен.
Конкурентска забрана
Член 8
Работникот не смее за времетраењето на работниот однос, без согласност на работодавачот за своја или на туѓа сметка да врши или склучува работи кои спаѓаат во дејноста на работодавачот и значат или би можеле да значат конкуренција на работодавачот.
Во случај на непочитување на оваа забрана работодавачот може да бара обештетување на настаната штета, во рок од три месеца од денот кога дознал за вршењето на работата или склучувањето на зделката, односно во рок од две години од довршувањето на работата или склучувањето на зделката.
Раскин на договорот
Член 9
Овој Договор може да се раскине со спогодба на страните и пред истекот на времето за кое е склучен и со отказ од страна на работникот и работодавачот во согласност со закон, колективен договор и општите акти на работодавачот.
Должината на отказниот рок изнесува 30 дена.
Општи акти на работодавачот
Член 10
Условите за работа на работникот, се уредени во следниве општи акти на работодавачот:
- Правилник за организација на работа и систематизација на работните места;
Завршни одредби
Член 11
За се што не е предвидено со овој договор ќе се применуваат соодветните одредби од Законот за работните односи.
Член 12
Договорот е склучен во 2 (два) истоветни примероци, од кои по еден за работникот и работодавачот.
Работник Работодавач
________________ _____________