Contract

XXXXXXX XXXXXX RW’UBUCURUZI RURI KU CYICARO CYARWO RUBURANISHA MU RWEGO RW’UBUJURIRE NONE KUWA 29/04/2016 RUKIJIJE URUBANZA RCOMA 00032/2016/CHC/HCC & RCOMA 00037/2016/CHC/HCC MU BURYO BUKURIKIRA:

……………………………………………………………………………………………………………………………... HABURANA:

ALPHA PALACE HOTEL Ltd, ihagarariwe na Me HABINSHUTI Xxxx na Me XXXXXXXXX Xxxxxxx: UWAJURIYE

na:

BK Ltd, B.P 175 Kigali Rwanda, dont le siège social est établi à Kigali, Nyarugenge, enregistrée au RWANDA DEVELOPMENT BOARD (RDB) sous company code 100003458, en la personne de son représentant, Ayant pour Avocat-Conseil Maître Xxxx Xxxxx XXXXXXXXXX, Avocat au Barreau de Kigali, ihagarariwe na Me RUSANGANWA Xxxx Xxxxx: UREGWA

IKIBURANYWA:

- Gusaba gusuzuma xxxx XX yarubahirije inshingano zo kubanza kureba ko restructuration yimyenda yakoreye ALPHA PALACE itari kuyibyarira kwinjira mu myenda idashoboye kwishyura (l'obligation de mise en garde contre le risque de endettement excessif).

- Gusuzma ibijyanye n'inshingano za Bank zo kugira umukiriya inama.

Kujuririra Urubanza R. Com1075/15/TC/NYGE rwaciwe n'urukiko rw'ubucuruzi rwa Nyarugenge kuwa 08/01/2016.

I. IMITERERE Y’URUBANZA

1. Urukiko rw’ubucuruzi rwa NYARUGENGE rwaciye urubanza RCom 1075/15/TC/Nyge kuwa 8/1/2016 mu rubanza ALPHA PALACE Ltd yaregaga B K Ltd.

2. Urukiko rwafashe icyemezo ruvuga ko rwemeye kwakira ikirego cyatanzwe na ALPHA PALACE Ltd ariko rugisuzumye rusanga nta shingro gifite.

3. Rwemeje ko umwenda wose w’amafaranga 562 564 286 ALPHA PALACE Ltd ibereyemo XX xxxxxx uhindutseho na gito runayitegeka kwishyura BK Ltd amafaranga 700 000.

4. ALPHA PALACE Ltd ntiyishimiye imikirize y’uru rubanza bituma irujuririra, maze ikirego cyayo cyandikwa kuri R. COMA 00032/16/CHC/HCC. Impamvu ya mbere y’ubujurire ikaba irebana kuba xxx XX itarubahirije inshingano zo kubanza kureba ko ivugurura ry’imwenda (restructuration) yakoreye ALPHA PALACE Ltd itari kuyibyarira kwinjira mu myenda idashoboye kwishyura (l’obligation de mise en garde contre le risque d’endettement excessif). Naho impamvu ya kabiri ikaba irebana no gusuzuma ibijyanye n'inshingano za banki zo kugira umukiriya inama.

5. BK Ltd nayo ikaba yarajuririye uru rubanza maze ubujurire bwayo bwandikwa kuri X.XXX A 00037/16/CHC/HCC BK Ltd ikaba yajuririye kuba ukukiko ngo rwaremeje ko ingano y’umwenda ALPHA PALACE Ltd ibereyemo BK Ltd ari amafaranga 562.564.286 kugeza urubanza ruciwe taliki ya 08/01/2016 kandi nyamara ingano y’uwo mwenda yaremejwe muri 2012.

6. Mu gusobanura ikirego ivuga ko ALPHA PALACE ihagarariwe n’Umuyobozi wayo XXXXXXXXX Xxxxxx yagiranye amasezerano yiguriza na B K Ltd ndetse hanatangwa n’ingwate y’amazu atatu (1er rang) ya Xxxxxx XXXXXXXXX na Phaïna UWANYIRIGIRA (xxxx ibaruwa ya BK Ltd yo kuwa 03/06/2014).

7. Kubera kutishyura ibirarane by’umwenda kandi yagiye amenyeshwa, akicecekera (xxxx inyandiko zitandukanye zo kuwa 03/03/2015, 26/01/2015, 03/06/2015 na 11/03/2014), BK Ltd, yasabye Umwannditsi Mukuru muri RDB gushyiraho umunsi w’igurisha mu cyamunara ingwate yahawe, nyuma yo kwihanangiriza ALPHA PALACE Ltd.

8. ALPHA PALACE Ltd imaze kubona ko hashyizweho umunsi w’igurisha mu cyamunara imitungo yatanzeho ingwate yahise itanga ikirego cyihutirwa gisaba guhagarika cyamunara mu gihe ikirego cy’iremezo kitaraburanishwa cyandikwa kuri RCOM 1082/15/TC/NYGE ndetse na RCOMA 0366/15/HCC zaciwe tariki ya 08/07/2015 na 31/07/2015 ALPHA PALACE Ltd izitsindwamo.

9. Urubanza RCOM 1075/15/TC/NYGE rwaciwe kuwa 08/01/2016 rwemeza ko ikirego cyatanzwe na ALPHA PALACE Ltd nta shingiro gifite runemeza ko umwenda wose w’amafaranga 562.564.286 ALPHA PALACE LTD ibereyemo BK Ltd ntacyo uhindutsemo na gato.

10. B K Ltd ikaba itarishimiye imikirize y’urwo rubanza irujuririra ivuga ko impamvu ari ukuba Ukukiko rwaremeje ko ingano y’umwenda ALPHA PALACE Ltd ibereyemo BK Ltd ari amafaranga 562.564.286 kugeza urubanza ruciwe taliki ya 08/01/2016 xxxxx xxxxxx y’uwo xxxxxx xxx uwemejwe muri 2012. Bityo B K Ltd ikaba isaba ko ubujurire bwayo bwahabwa ishingiro kuri byose hakemezwa ko urubanza RCOM 1075/15/TC/NYGE ruhindutse ku bijyanye n’ingano y’umwenda no kuyiha amafaranga y'ikurikirana rubanza n'igihembo cy'Avoka.

11. Mu migendekere myiza y’imanza izi manza zikaba zarahujwe kugira ziburanishirizwe hamwe.

12. Muri izi manza hakaba hagomba gusuzumwa xxxx XX yarubahirije inshingano zo kubanza kureba ko ivugururwa ry’imyenda (restructuration) yakoreye ALPHA PALACE Ltd itari kuyibyarira kwinjira mu myenda idashoboye kwishyura (l’obligation de mise en garde contre le risque d’endettement excessif) ndetse no gusuzuma ibijyanye n'inshingano za Banki zo kugira umukiriya inama, gusuzuma ingano nyayo y’umwenda ALPHA PALACE Ltd ibereyemo B K Ltd, gusuzuma indishyi zisabwa na buri ruhande.

II. ISESENGURA RY’IBIBAZO

A. Ku birebana no gusuzuma xxxx XX Ltd yarubahirije inshingano zo kubanza kureba ko ivugururwa ry’imyenda (restructuration) yakoreye ALPHA PALACE itari kuyibyarira kwinjira mu myenda idashoboye kwishyura (l’obligation de mise en garde contre le risque d’endettement excessif) ndetse no gusuzuma ibijyanye n'inshingano za Banki zo kugira umukiriya inama.

13. Me HABINSHUTI Yves asobanura ko BK Ltd yakoze capitalisation, akomeza avuga ko iyo umukiriya afashe umwenda banki ifite inshingano yo kumugira xxxxx, XX Ltd yo ikaba ngo yaragendeye ku nyungu zayo gusa. Akomeza avuga ko imanza zo (Jurisprudences) mu Bufaransa ikaba ngo igaragaza ko iyo banki yirengagiza inshingano zayo icyo gihe inyungu z’umurengera zivanywaho noneho xxxxxxxxx xxxxxxxxx xxxxxxx xxxxxx.

14. Me RUSANGANWA Xxxx Xxxxx asobanura ko hari ukwitiranya ibintu kuko nta capitalisaion yabaye ahubwo habaye ivugurura ry’imyenda kandi yasabwe na ALPHA

PALACE Ltd, imaze kwemerwa basinya amasezerano. Hashingiwe ku ngingo ya 64 y’itegeko ry’amasezerano ALPHA PALACE Ltd ntiyakabaye yitwaza doctrine na jurisprudence, bakabaye baregera ko yibeshye cyangwa habaye dol.

15. Akomeza asobanura ko nta ruhare banki ifite kuri ALPHA PALACE Ltd kuko yahawe ibyo yasabye kandi hakaba hari amasezerano. Akaba nta ngingo y’amasezerano banki yaba yarishe. Asoza abaza uwo ivugurura ry’imyenda rigirira inyungu, ko kandi ivugururwa ry’imyenda rikorwa mu gihe uwagurijwe atabashije kwishyura, muri icyo gihe umwenda n’inyungu zawo bishyirwa hamwe mu gukora ivugurura ry’uwo mwenda, noneho umukiliya agahabwa andi masezerano mashya.

16. Asoza avuga ko haba mbere na nyuma ya y’ivugurura ry’imyenda umukiliya yananiwe kubahiriza inshingano ze. Yibaza niba hari uruhare banki yaba yaragize kubuza umukiliya kubona inyungu ku mwenda yahawe.

17. Me HABINSHUTI Yves avuga ko ALPHA PALACE Ltd yagize ibibazo biturutse ku gikorwa cya BK Ltd kuko mu kwezi kwa gatatu 2015 umwenda wari amafaranga 551,506,797 mw’ibaruramari bigaragara ko yari imaze kwishyura amafaranga 229,941,709. Aha akaba avuga ko bitumvikana uburyo amafaranga yishyuwe atigeze akurwa mu mwenda. Mu gukora ivugurura ry’imyenda banki ikaba itarakuyemo amafaranga yishyuwe.

18. Akomeza avuga ko ku kibazo cy’amakosa BK Ltd yaba yarakoze xxx xxx mu kuvuga ku kibazo cy’umukiriya ushobora kujya mu myenda irenze ubushobozi bwe (obligation de mise en garde contre le risque d’endettement excessif), avuga ko BK Ltd yateshutse ku nshingano kuko nyuma yo kubona ko ALHA PALACE Ltd irikwishyura neza, BK Ltd yaremeye ALPHA PALACE Ltd umukeba ariwe Hotel yitwa GRAND LEGACY, iyi ikaba ngo iri neza neza mu marembo ya ALPHA PALACE Ltd kuko zitandukanyijwe n’umuhanda.

19. Kuva iyi Hotel yubakwa, ihawe inguzanyo na BK Ltd bikaba aribyo ngo byatumye ALPHA PALACE Ltd itangira kugira ibihombo, nyuma y’imyaka isanga 20 itigeze igira, bikaba byaraje no kuyiviramo kudashobora kwishyura imyenda harimo n’uyu ibereyemo BK Ltd.

20. Akomeza asobanura ko urukiko rwafashe icyemezo kuri iyi ngingo rudashingiye kubyo BK Ltd yireguje nk’uko bigaragara ku rupapuro rwa 3 -4, z’urubanza rujuririrwa, bityo akaba ngo asaba Urukiko Rukuru rw’Ubucuruzi guhindura icyemezo cyafashwe kuri iyi ngingo no kwemeza ko BK Ltd yagize uruhare mu

gihombo cya ALPHA PALACE Ltd kubwo kuyiremera umukeba waje guca intege ubucuruzi bwayo bikayiviramo igihombo.

21. Asoza avuga ko BK Ltd nka banki yahaye ALPHA PALACE LTD umwenda ndetse yari ifite inshingano zo kuyigira inama kugira ngo ubucuruzi bwayo bugede neza ndetse inayirinda kwinjira mu myenda irenze ubushobozi bwayo.

22. Me RUSANGANWA Xxxx Xxxxx asaba ko ujurira yakwerekana ibyo anenga ku cyemezo cy’urukiko rubanza. Kuri iki kibazo cyo xxxx XX Ltd yararemeye umukeba ALHA PALACE Ltd kiri ku gika cya 13 cy’urubanza. Uwajuriye yakabaye atanga ikimenyetso kibyo avuga, kuvuga ko Grand Legacy Hotel yahawe amafaranga runaka, no xxxx XX Ltd xxxxx yayiremeye byose yakabaye abitangira ibimenyetso.

23. Urukiko rushingiye ku ngingo ya 108 y’itegeko ry’ibimenyetso, rwanzuye ko igikorwa cy’ipiganwa rinyuranyije n’amategeko cyatangwa ukwacyo. Ikindi akaba rwaremeje ko nta piganywa rinyuranye n’amategeko kuko amahoteri ashobora gukorera hamwe ari menshi xxxxx xxxx agacuruza akanunguka.

24. Ku kibazo cy’umubare w’amafaranga yishyuwe ntakurwemo, asobanura ko nta logique mu gihe abagiranye amasezerano bumvikanye uburyo inyungu zizishyurwa, asobanura ko uwajuriye atagaragarije Urukiko rubanza inyungu yaciwe, bityo ibyo akaba atabizana mu rwego rw’ubujurire. Mu gika cya 12 cy’urubanza urukiko rwagaragaje ko uwajuriye yemeye umwenda.

25. Asoza avuga ko nta kirego cyo gutesha agaciro ivugurura ry’imyenda cyabayeho, akomeza asobanura ko amafaranga 229,941,709 yishyuwe mbere y’ivugurura ry’imyenda, uwajuriye akaba atakabaye ayagarura kuko yemeye gusinya amasezerano y’ ivugurura ry’imyenda.

26. Me XXXXXXXXX Xxxxxxx asobanura ko inyungu n’ibimenyetso ALPHA PALACE Ltd yaburanishije urukiko rwabyanze ruvuga ko byabazwe n’umubaruramari, kandi ntawamushyizeho, Urukiko rw’ubucuruzi rukaba ngo rwarivuguruje kuri iyi ngingo kuko rwemeye imibare yabazwe n’umubaruramari wa B K Ltd ndetse imibare yatanzwe mu rukiko ruyishingiraho kandi nawe atarashyizweho, ibi bikaba ngo byafatwa nko kwivuguruza ndetse no gusumbanya ababuranyi, kuko niba rwabonaga hari ikibazo cy’ibimenyetso by’ibaruramari rwari gukoresha ubutabera bungana ku mpande zombi, byaba ngombwa rugashyiraho umubaruramari wigenga ngo atange umucyo kuri iki kibazo xxx xxxxxx ibya ALPHA PALACE ngo rwemere ibya BK kandi bombi ari ababuranyi badakwiriye gusambanywa. Xxxx XX itarubahirije kandi

inshingano zayo, ubwo yakoreraga restructuration y’imyenda ALPHA PALACE yari iyibereyemo noneho umwenda ukarushaho kuba munini kurusha mbere, ibi byarushijeho kuyinjza mu gihombo no kuyigabanyiriza ubushobozi kurusha mbere, ibi binyuranye na obligation de conseil na obligation de mise en garde, bisobanurwa n’abahanga mu mategeko, ndetse na jurisprudnces zo mu bufaransa zaburanishije nyamara urukiko rw’ubucuruzi ntirubihe agaciro mu gihe zitabashijwe kuvuguruzwa n’umuburanyi we.

27. Me HABINSHUTI Xxxx avuga ko ibijuririrwa ari ibiri mu duce twa 14 na 15 tw’urubanza rujuririrwa.

28. Me RUSANGANWA Xxxx Xxxxx asobanura ko uwajuriye ntacyo anenga ku cyemezo cyafashwe, mu gika cya 15 cy’urubanza, urukiko rwavuze ko nta mubaruramari ku mpande zombi wigeze abaho.

UKO URUKIKO RUBIBONA

29. Ingingo ya 64 y’itegeko n° 45/2011 ryo kuwa 25/11/2011 rigenga amasezerano iteganya ko ‘’ Amasezerano akozwe ku buryo bukurikije amategeko aba itegeko ku bayagiranye. ashobora guseswa xxx xxx babyumvikanyeho cyangwa ku mpamvu zemewe n'amategeko. Agomba kubahirizwa nta buriganya’’, naho iya 66 y’iryo tegeko igateganya ko ‘’ gusesengura amasezerano cyangwa imwe mu ngingo zayo ni ugusobanura icyo ayo masezerano agamije n’icyasezeranyijwe.’’

30. Ingingo ya 131 bis y’itegeko ryo kuwa 26 kanama 1959 rivugurura kandi rikuzuza itegeko ryo kuwa 30 Nyakanga 1888 ryerekeye urwunge rw'amategeko y'imbonezamubano, igitabo cya gatatu ibyerekeye imirimo nshinganwa cyangwa amasezerano itaganya ko ‘’bitabujije iyubahirizwa ry'amategeko arengera abadafite ubushobozi cyangwa yerekeye ukugira agaciro kw'amasezerano, iyo ashingiye ku mwenda atanze, amasezerano yo kuguriza cyangwa andi masezerano yose ateganya itangwa ry'ikintu cy'agaciro , imiterere igaragara y’amasezerano uko yaba imeze kose, uberewemo umwenda ubonerana ugomba kwishyura umwenda, kubera ubukene, intege nke, irari cyangwa ubujiji, akamukoresha abyigiriye cyangwa abigiriye undi, amasezerano y'urwunguko cyangwa y'akandi kamaro birengeje ku buryo bu bw'urwunguko rusanzwe, urukiko rubisabwe n'ugomba kwishyura umwenda, rugarura inshingano ze kugeza ku nyungu isanzwe.’’

31. Urukiko rusanga ibivugwa na Me HABINSHUTI Xxxx xx BK Ltd itubahirije inshingano zo kubanza kureba ko ivugururwa ry’imyenda (restructuration) yakoreye ALPHA PALACE Ltd itari kuyibyarira kwinjira mu myenda idashoboye kwishyura (l’obligation de mise en garde contre le risque d’endettement excessif) bityo ngo iyigire inama, bitahabwa ishingiro kuko, kuba mu kuza kwaka iri vugururwa ry’imyenda ari ALPHA PALACE Ltd yabisabye imaze kubona ko ifite ikibazo cyo kunanirwa kwishyura umwenda, kuba mu kuvugurura umwenda ariyo byari bifitiye inyungu kuko, iyo hakozwe iri vugurura ikiba kigamijwe ari ukorohereza umukiya mu buryo bushya bwo kwishyura na cyane ko akenshi yongererwa igihe cyo kwishyuramo.

32. Urukiko rusanga kuba ALPHA PALACE Ltd yarakorewe ivugurwa ry’umwenda nk’uko yari yabisabye nta xxxxxx XX Ltd yakoze kuko yubahirije ibyifuzo by’umukiliya na cyane ko byayifashaga kuva mu kibazo cy’umwenda.

33. Urukiko rusanga B K Ltd itarateshutse ku nshingano zo kugira inama umukiliya na cyane ko uyu mwenda atari uwari ufashwe na ALPHA PALACE Ltd inshuro ya mbere ahubwo haravugururwaga uwo yari isanganywe, iyo byibuze umwenda uba wari ufashwe bwa mbere akaba aribwo banki yagombaga gusesengura mu buryo bwimbitse iyo dosiye noneho ikagira inama umukiliya kubyo ibona byamutera ikibazo kuri uwo mwenda.

34. Urukiko rusanga kuvuga ko BK Ltd yateje ALPHA PALACE Ltd ibibazo mu gihe yahaga GRANG LEGACY HOTEL inguzanyo bitahabwa nabyo ishingiro kuko yaba BK Ltd cyangwa indi banki iyariyo yose ifite inshingano zo gufata abakiliya bayo kimwe, byongeye kandi iyi hoteri bivugwa ko iri mu marembo ya ALPHA PALACE Ltd bikaba bitavuze ko BK Ltd yabiryozwa kuko izi hoteri zombi buri imwe ifite xxx ikorera ndetse inafite n’imikorere yayo xxxxx xxxx zikaba zari abakiliya ba B K Ltd.

35. Urukiko na none BK Ltd itagomba kuryozwa kuba yaba yarahaye inguzanyo GRAND LEGACY kuko iyo iramuka itayihaye iyo nguzanyo izindi banki zashoboraga kuyiyiha, ikibazo cyakabaye kiba mu gihe nyuma yo gutanga inguzanyo BK Ltd yaba yarivanze mu mikorere y’izo hoteri noneho ikagira uburyo ipyinagaza ALPHA PALACE Ltd ku nyungu za GRAND LEGACY, bityo rero niba ALPHA PALACE Ltd yaragize imikorerere idahwitse cyangwa yarabuze yaragize ibindi bibazo bikaba bitabazwa banki yayihaye inguzanyo.

36. Urukiko rusanga ibivugwa na Me HABINSHUTI Xxxx xx xxxxxx amakosa ya BK Ltd , ALPHA PALACE Ltd igomba kwishyura umwenda havanywemo inyungu bitahabwa

xxxxxxxxx xxxx nk’uko biteganywa n’ingingo ya 131 bis y’itegeko ryo kuwa 26 kanama 1959 rivugurura kandi rikuzuza itegeko ryo kuwa 30 Nyakanga 1888 ryavuzwe haruguru, kugira ibyo bikorwe ari xxx xxxxx kugurizwa agaragaza ko banki yamugurije mu kuvugurura umwenda wa ALPHA PALACE Ltd, BK Ltd itarabikoze igamije kubonerana ugomba kwishyura umwenda, kubera ubukene, intege nke, irari cyangwa ubujiji, akamukoresha abyigiriye cyangwa abigiriye undi, amasezerano y'urwunguko cyangwa y'akandi kamaro birengeje ku buryo bu bw'urwunguko rusanzwe, kuba rero uwajuriye atabasha kugaragaza ko banki mu kuvugurura umwenda hari kimwe muri ibi yari igamije, ibisabwa na ALPHA PALACE Ltd bikba nta shingiro byahabwa.

37. Urukiko rusanga ku kibazo cy’uko mu gukora ivugurura ry’umwenda habayeho capitalisation bitahabwa ishingiro kuko ikigaragara mu masezerano y’ivugurura yo kuwa 08/10/2012 impande zombi zemeranyije ko umwenda ari amafaranga 562,564,286, bityo ibyo avuga ko habayeho capitalisation usibye no kuba nta bimenyetso bitangirwa, ALPHA PALACE Ltd nkiyari yasabye iryo vugurura ry’umwenda iyo ibona ibikubiye mu masezerano itabyemera ikaba itaragombaga kuyashyiraho umukono, kuba rero yarayasinyiye nta gahato ikaba igomba kuyubahiriza kuko yabaye itegeko hagati yayo na BK Ltd nk’uko biteganywa n’ingingo ya 64 y’itegeko n° 45/2011 ryo kuwa 25/11/2011 ryavuzwe haruguru.

B. Ku birebana no gusuzuma kuba Ukukiko rwaremeje ko ingano y’umwenda ALPHA PALACE Ltd ibereyemo BK Ltd ari amafaranga 562.564.286 kugeza urubanza ruciwe taliki ya 08/01/2016 xxxxx xxxxxx yayo mafarana yaremejwe muri 2012

38. Me RUSANGANWA Xxxx Xxxxx asobanura ko mu gika cya 19 n’icya 20 by’urubanza rujuririrwa, urukiko rwemeje ko ikirego cya ALPHA PALACE Ltd nta shingiro gifite nyamara rwarangiza rukemeza na none ko umwenda wose (562.564.286Frw), ALPHA PALACE LTD ibereyemo BK LTD ntacyo uhindutsemo na gato. Iki cyemezo ku mwenda kikaba ngo kibangamiye BK Ltd kubera ko nk’uko bigaragara mu gika cya 8 cy’urubanza rujuririrwa ingano y’uwo mwenda uvugwa ari uwemeranyijweho taliki ya 08/10/2012 ntabwo rero ingano y’uwo mwenda ariko ukingana kuri uyu munsi.

39. Akomeza avuga kuba urukiko rwari rwemeje ko ikirego cya BK Ltd nta shingiro gifite rutagombaga kwemeza umubare w’amafaranga, xxxx xxxx umubare wemejwe bivuga ko ALPHA PALACE Ltd ariyo yakwishyura kandi nyamara nta kirego BK Ltd yatanze kiregera kwiregura gisaba kwemeza umubare w’umwenda.

40. Me HABINSHUTI Yves asobanura ko BK Ltd irikuvuga ko nta kirego cy’umwenda yigeze itanga, ariko undi muburanyi akaba yaraburanishije iyo ngingo ndetse n’urukiko rukabigenderaho rukemeza ingano y’umwenda, utabyishimiye atazana amagambo ahubwo azana ibimenyetso bivanaho icyo cyemezo.

41. Me RUSANGANWA Xxxx Xxxxx asobanura ko Urukiko rwagendeye ku mubare w’amafaranga ari mu kirego kandi nyamara uwo xxxxxx xxx uwatanzwe igihe hasinywaga amasezerano, bikba bitumvikana ukuntu uwo mwenda ariwo wakwishyurwa ubu kandi nyamara hari inyungu ziyongereyeho.

UKO URUKIKO RUBIBONA

42. Urukiko rusanga ikirego cyari cyatanzwe ku rubanza RCOM 1075/15/TC/NYGE ari icyo kutubahiriza amasezerano, mu gusobanura icyo kirego impande zombi zikaba zaragarutse ku mafaranga yishyuzwa, bityo ibivugwa na Me RUSANGANWA Xxxx Xxxxx ko umwenda wemejwe n’urukiko kandi nta kirego cyuririye ku kindi yatanze kirebana n’umwenda bikaba bitahabwa ishingiro kuko mu rubanza rujuririrwa yarujemo ahagarariye BK Ltd nk’iyaregwaga, kuba rero muri urwo rubanza mu byaburanywe harimo n’ingano y’umwenda ndetse yanisobanuyeho nk’uko bigaragara mu bika binyuranye by’uro rubanza cyane cyane icya 9 xxx avuga ko ALPHA PALACE Ltd mu rubanza RCOM 1434/15/TC/NYGE yemeye uwo mwenda ko xxxxx xxx kwiyemerera (aveu judiciaire) bigomba kwemezwa nk’ihame.

43. Urukiko rusanga ibyemejwe n’urukiko rubanza nta makosa rwakozwe kuko umwenda wemejwe waburanywe muri urwo rubanza, bityo icyemezo rwafashe kikaba kigumanye agaciro kacyo.

C. Ku birebana no gusuzuma niba indishyi zategetswe n’urukiko zaratanzwe hatagendeye ku kimenyetso

44. Me HABINSHUTI Yves avuga ko iyo asomye icyemezo cy’urukiko asanga indishyi ababuranyi bombi basabaga zafashweho ibyemezo bitagendeye ku kimenyetso icyo

aricyo cyose, ariyo mpamvu ngo asaba ko Urukiko Rukuru rw’Ubucuruzi rwabihimdura.

45. Me RUSANGANWA Xxxx Xxxxx akaba ntacyo yavuze kuri iki kibazo.

UKO URUKIKO RUBIBONA

46. Urukiko rusanga ibivugwa na Me HABINSHUTI Xxxx xx indishyi zatanzwe nta kimenyetso kigendeweho bitahabwa ishingiro kuko, kuba indishyi zatanzwe n’urukiko rubanza ari iz’ikurikiranarubanza n’igihembo cya avoka rwagennye mu bushishozi bwarwo, kuba xxxxx xxxx urwo rubanza ALPHA PALACE Ltd yaregagamo BK Ltd, ikayitsinda, kuba rero mu igihe yaregwaga BK Ltd yarashatse avoka uyiburanira, ALPHA PALACE Ltd yayishoye mu rubanza ku maherere ikaba yaragombaga kubiyihera indishyi z’ikurikiranarabanza n’igihembo cya avoka, bityo urukiko rubanza rukaba nta kosa rwakoze mu kuzitanga kuko byonyine kuba banki yarashatse avoka uyiburanira xxxxx xxxxx yarayiburaniye ari ikimenyetso gihagije cy’indishyi z’igihembo cye.

D. Ku birebana n’ikirego kiregera kwiregura cya BK Ltd gisaba indishyi mu rubanza RCOMA 00032/2016/CHC/HCC

47. Me RUSANGANWA Xxxx Xxxxx asaba ko kubera ko ALPHA PALACE Ltd yashoye BK LTD mu manza nta mpamvu, ibisabira indishyi zo gushorwa mu manza no kurukurikira zikurikira 1,000,000 Frw n’igihembo cy’Avoka cya 1,000,000Frw.

48. Abahagarariye ALPHA PALACE bakaba ntacyo bavuze kuri izi ndishyi.

UKO URUKIKO RUBIBONA

49. Ingingo ya 258 y’itegeko ryo kuwa 30 Nyakanga 1888 ryerekeye urwunge rw'amategeko y'imbonezamubano, igitabo cya gatatu ibyerekeye imirimo nshinganwa cyangwa amasezerano iteganya ko ‘’igikorwa cyose cy’umuntu cyangirije undi gitegeka nyirugukora ikosa rigikomokaho kuriha ibyangiritse’’

50. Urukiko rusanga indishyi z’igihembo cya avoka zigomba kubarirwa mu iz’ikurikiranarubanza, kandi zikaba zifite ishingiro kuko gukomeza gushora BK Ltd mu manza ku maherere kwa ALPHA PALACE Ltd byatumye igira ibyo itakaza mu

gutegura urubanza, nko kohereza ikirego on line, gufotoza amadosiye n’idindi no gushaka avoka uyiburanira, ibyo yatakaje bikaba bigomba gusubizwa n’uwayishoye mu manza hashingiwe ku ngingo ya 258 y’itegeko ryo kuwa 30 Nyakanga 1888 ryavuzwe haruguru, ariko kubera ko amafaranga asabwa akabije kuba menshi ALPHA PALACE Ltd ikaba igomba kwishyura indishyi z’ikurikiranarubanza zingana n’amafaranga 500,000 zo ku rwego rw’ubujurire ziyongera ku zemejwe ku rwego rubanza.

III. ICYEMEZO CY’URUKIKO

51. RWEMEYE kwakira ubujurire bwa ALPHA PALACE Ltd ndetse n’ubwa BK Ltd kuko bwatanzwe bikurikije amategeko ariko rubusuzumye rusanga bwose nta shingiro bufite.

52. RWEMEJE ko nta gihindutse ku mikirize y’urubanza RCOM 1075/15/TC/NYGE usibye indishyi ziyongereye z’amafaranga 500,000 y’ikurikiranarubanza ku rwego rw’ubujurire ALPHA PALACE Ltd igomba kwishyura BK Ltd.

53. RUTEGETSE ko amagarama ALPHA PALACE Ltd na BK Ltd zatanze zijurira aherera ku isanduku ya Leta

RUKIJIJWE RUTYO KANDI RUSOMEWE MU RUHAME N’UMUCAMANZA MUTAJIRI MUNYAMBANZA Théoneste HARI N’UMWANDITSI X’XXXXXXX

MUKAKIMANUKA Xxxxx Xxxxx

UMUCAMANZA UMWANDITSI X’XXXXXXX

MUTAJIRI MUNYAMBANZA Xxxxxxxxx XXXXXXXXXXXX Xxxxx Xxxxx

Sé Sé