Contract

URUKIKO RUKURU RURI I KIGALI KU CYICARO CYARWO GIKURU RUHABURANISHIRIZA IMANZA Z’UMURIMO KU RWEGO RW’UBUJURIRE, RUKIJIJE URUBANZA R SOC A 0017/15/HC/KIG MU BURYO BUKURIKIRA:

HABURANA:

UREGA MU BUJURIRE(appellant): XXXXXXXX Xxxxxxx mwene Kasigwa na ……. , utuye

mu mudugudu wa Remera, akagari ka Remera, umurenge wa Remera, akarere ka Gasabo, Umujyi wa Kigali.

UREGWA MU BUJURIRE( intimé): ULTIMATE Developers LTD mu izina ry’umuyobozi wayo.

IKIREGERWA: ubujurire bw’urubanza R SOC 0252/14/TGI.NYGE ( indishyi zinyuranye zikomoka ku kwirukanwa ku kazi mu buryo budakurikije amategeko, kudahabwa integuza, kudahabwa icyemeo cy’umukoresha wa nyuma).

I. IMITERERE Y’URUBANZA

1. XXXXXXXX Xxxxxxx yareze ULTIMATE Developers LTD mu Rukiko Rwisumbuye rwa NYARUGENGE ko yamwirukanye mu buryo bunyuranye n’amategeko, ULTIMATE Developers LTD itanga inzitizi y’iburabubasha ngo kuko amasezerano ari hagati yayo na XXXXXXXX atari amasezerano y’umurimo, urukiko rwisumbuye rukiza urubanza ruvuga ko urugereko rwaregerwe ruburanisha imanza z’umurimo ari nta bubasha rufite bwo kuburanisha impaka zishingiye ku masezerano yiswe “consultancy contract”.

2. XXXXXXXX Xxxxxxx ntiyishimiye icyemezo yafatiwe n’urwo Rukiko Rwisumbuye rwa NYARUGENGE kuko yajuririye Urukiko Rukuru Umunsi w’iburanisha asobanura ko amasezerano yari hagati ye na ULTIMATE Developers LTD yari amasezerano y’umurimo mu gihe ULTIMATE Developers LTD yo yasobanuraga ko atari amasezerano y’umurimo ko ari nabyo bituma ikirego cye kitagombaga kwakirwa n’urugerego ruburanisha imanza z’umurimo.

3. Mu rukiko rukuru XXXXXXXX Xxxxxxx yari ahagarariwe na Me KABERA Xxxxxx xxxx ULTIMATE Developers LTD yari ihagarariwe na Me Kayihura Xxxxx.

4. Urukiko rukuru rwasuzumye ubwoko bw’amasezerano yari hagati ya XXXXXXXX Xxxxxxx na ULTIMATE Developers LTD.

II. ISESENGURA RY’IBIBAZO BIGIZE URUBANZA

A. Gusuzuma ubwoko bw’amasezerano yari hagati ya XXXXXXXX Xxxxxxx na ULTIMATE Developers LTD

5. Urukiko rwisumbuye rwakijije urubanza ruvuga ko urugereko rwaregerwe ruburanisha imanza z’umurimo ari nta bubasha rufite bwo kuburanisha impaka zishingiye ku masezerano yiswe “consultancy contract”.

6. XXXXXXXX Xxxxxxx ntiyishimiye icyo cyemezo yafatiwe n’urwo Rukiko Rwisumbuye rwa NYARUGENGE, yarajuririye aburana mu rukiko Rukuru avuga ko amasezerano yari hagati ye na ULTIMATE Developers LTD yari amasezerano y’umurimo mu gihe ULTIMATE Developers LTD yo yasobanuraga ko atari amasezerano y’umurimo ko ari nabyo bituma ikirego cye kitagombaga kwakirwa n’urugerego ruburanisha imanza z’umurimo.

7. XXXXXXXX xxxxxxxxxxx na Me KABERA Xxxxxx yakomeje asobanurira URUKIKO RUKURU ko ikigaragaza ko Kasigwa yari umukozi wa ULTIMATE Developers LTD ngo n’uko ari ULTIMATE Developers LTD yamutegekaga ngo akagira n’imirimo ashinzwe abishingira kandi no ku ngingo ya 1 agace ka 32 y’itegeko ry’umurimo.

8. ULTIMATE Developers LTD ihagarariwe na Me KAYIHURA yasobanuye ko amasezerano yari hagati ya ULTIMATE Developers LTD na Kasigwa agaragaza ubwayo ko yari amasezerano ya consultancy, ko bishimangirwa kandi n’uburyo KASIGWA yishyurwaga hakanakurwaho 15 % ya TPR.

9. Urukiko rukuru rwasuzumye amasezerano ababuranyi bombi bemeranywaho ko ariyo yabahuzaga rusanga umutwe wayo uvuga ko ari “ consultancy contrat”, ndetse no mu nteruro yayo ya mbere akagaragaza ko ari amasezerano ya “consultancy”, ingingo ya A-C hagaragaramo ko ari amasezerano ya “consultancy”.

10. Urukiko rukuru rwanasumye ishyirwa mu bikorwa ryayo masezerano ya “consultancy”, harebwa xxxx XXXXXXXX yaritwaye nk’umukozi na ULTIMATE Developers LTD ikitwara nk’umukoresha, hakurikijwe xxx XXXXXXXX yasaba ko byareberwa mu nyandiko imwirukana umukoresha yanditse n’uko yahembwaga nk’umukozi, ko no mu masezerano harimo za “conge” n’umushahara.

11. Urukiko rukuru rusanga ikigaragaza ko runaka ari umukozi w’undi n’uko haba hari “lien de subordination” hagati y’umukozi n’umukoresha, igaragarira cyane mu kuba umukoresha agenzura amasaha y’akazi y’umukozi, umukozi akora akazi yubahiriza buri gihe amabwiriza aba ahabwa n’umukoresha we, ko umukozi atanga amaraporo ya buri gihe, Urukiko rukuru rwasuzumye niba ibivugwa haruguru muri iki gika byararangaga imikoranire hagati ya KASIGWA na ULTIMATE Developers LTD rusanga KASIGWA atarigeze abigaragariza urukiko rukuru ko byabaye hagati ye na ULTIMATE Develomers LTD, urukiko rukuru rusanga kandi xxx XXXXXXX urega wari kugaragaza ibimenyetso by’uko amasezerano ya “consultancy” yasinyanye na ULTIMATE Developers LTD anyuranye n’uburyo yakoraga n’umukozi ko atari “consultant”.

12. Urukiko rukuru rusanga ibimenyetso byatanzwe na KASIGWA bigizwe na “congé” yahawe na ULTIMATE Developers LTD, urukiko rukuru rwasanze i “congé” ivugwa na KASIGWA itagaraza ibivugwa mu gika kivugwa haruguru bisobanura ibigaragaza “lien de subordination” hagati y’umukozi n’umukoresha ndetse n’umushahara XXXXXXX XXXXXXXX avuga ko ugaragaza ko yari umukozi ko atari “consultant”, xxxxxxx xxxxxx xxxxxxxxxxxxxx rusanga utagaragaza iyo “lien de subordination” hakurikijwe kandi ibyo ULTIMATE Developers LTD yagaragaje mu rukiko ko umushahara KASIGWA

xxxxxxxxxxx xxxxxxx bwa “consultance” xxx usangamo ko wakurwagamo 15 % ya TPR akaba adatangwa k’umushahara.

13. Hakurikijwe ibivugwa haruguru, urukiko rukuru rusanga urubanza rwajuririwe rutahinduka kuko ari nta kimenyetso XXXXXXX XXXXXXXX xxxxxxxxxxxx urukiko kivuguruza urwo rubanza rwajuririwe

B. Amafaranga y’ikurikirana rubanza n’igihembo cy’”avocat”

14. ULTIMATE Developers yasabye guhabwa na XXXXXXXX indishyi z’ikurikiranarubanza n’igihembo cy’”avocat”.

15. Urukiko rukuru rusanga ukujurira kwa XXXXXXX XXXXXXXX kwaratumye ULTIMATE Developers LTD ishaka uwuyihagararira mu mategeko bityo ULTIMATE Developers itsindira XXXXXXX XXXXXXXX amafaranga 500.000 y’ikurikirana rubanza n’igihembo cy’”avocat” hashingiwe ku ngingo ya 258 y’iteka ryo kuwa 30/07/1888 ryerekeye ibyerekeye imirimo shinganwa cyangwa amasezerano no ku mabwiriza ya Perezida x’Xxxxxxx rw’ikirenga

CY’URUKIKO

16. Rwemeje ko ikirego cya KASIGWA XXXXXXXX xxx ijuririra urubanza R SOC 0252/14/TGI.NYGE bikandikwa mu gitabo cy’ibirego ku nimero R SOC A 000116/15/HC/KIG ari nta shingiro gifite.

17. Rwemeje ko ULTIMATE Developers LTD itsindira XXXXXXX XXXXXXXX indishyi z’ikurikirana rubanza n’igihembo cy’ « avocat » zo mu rukiko rukuru zihwanye n’amafaranga 500.000.

18. Rwemeje ko urubanza R SOC 0252/14/TGI.NYGE rwajuririwe rudahindutse mu ngingo zarwo rwose.

19. Rwemeje ko amafaranga 75.000 y’amagarama y’urubanza yatanzwe na XXXXXXX XXXXXXXX ahwanye n’ibyakozwe byose muri uru rubanza.

RUKIJIJE RUTYO KANDI RUSOMWE MU RUHAME NONE KUWA 30/10/2015:

UMUCAMANZA UMWANDITSI

SE SE

JURU Xxxxxx Xxxxxx MUSHAMBOKAZI Claire