Contract

URUKIKO RUKURU RW’UBUCURUZI RURI I KIGALI KU CYICARO CYARWO RUHABURANISHIRIZA IMANZA Z’UBUCURUZI MU RWEGO RW’UBUJURIRE, RWACIYE KU WA 15/07/2016 IKI CYEMEZO, MU BURYO BUKURIKIRA:

HABURANA:

UWAJURIYE:

- B.E.S & SUPPLY, LTD, mu izina ry’umuyobozi wayo NZIZERA Aimable, ibarizwa mu Kagari ka KABASENGEREZI, mu Murenge wa MUHIMA, mu Karere ka NYARUGENGE, mu Mujyi wa KIGALI, iburanirwa na Me MURUTASIBE Xxxxxx.

UWAREZWE MU BUJURIRE:

- SILVER SANDS INVESTMENT, LTD, ihagarariwe na FAROUQ XXXXXXX XXXXX, ariko mu masezerano ihagarariwe xx XXXXXX XXXXXX XXX, ifite icyicaro mu Kagari ka KARAMBO, Umurenge wa GATENGA, Akarere ka KICUKIRO, Umujyi wa KIGALI, iburanirwa na Me MANIRAFASHA Xxxx Xxxx.

IKIBURANWA:

- Kutubahiriza amasezerano ;

- Kwishyuza umwenda wa Rwf 16,900,000 ;

- Indishyi z ‘ikurikiranarubanza zingana na Rwf 300,000 ;

- Igihembo cya Avoka kingana na Rwf 500,000 ;

- Amafaranga yatanzweho ingwate y’amagarama angana na Rwf 50,000.

Kujurira imikirize y’urubanza RCOM 1803/15/TC/NYGE rwaciwe n’Urukiko rw’Ubucuruzi rwa Nyarugenge, kuwa 31/03/2016.

IMITERERE Y’URUBANZA

[1] SILVER SANDS INVESTMENT, LTD yareze B.E.S & SUPPLY, LTD mu Rukiko rw’Ubucuruzi rwa Nyarugenge, kuba itubahirije inshingano zayo mu masezerano bagiranye yo kugemura ibikoresho by’ubwubatsi, ikaba itarishyuye ibikoresho yagemuriwe, ndetse inatanga sheki itazigamiwe, bityo kuba ubwumvikane bwananiranwe mu gukemura icyo kibazo, xxxxxxxx xxxxxx xx xxxxxxxxx xxxxxxx.

[2] Urukiko rw’Ubucuruzi rwa Nyarugenge rwaciye urubanza rwaregewe, rwemeza ko ikirego cya SILVER SANDS INVESTMENT, LTD gifite ishingiro, rutegeka B.E.S & SUPPLY, LTD kwishyura amafaranga akomoka ku masezerano bagiranye, n’amafaranga y’ikurikirana rubanza.

[3] B.E.S & SUPPLY, LTD ntiyishimiye iyo mikirize, iyijuririra uru Rukiko ku mpamvu z’uko Urukiko rubanza rwirengagije ibyasabwe nayo kugira ngo ukuri kugaragare ; kuba SILVER SANDS INVESTMENT, LTD ikwiye kugaragaza ibimenyetso by’ibikoresho yagemuye koko no kuba Urukiko rwirengagije ibimenyetso bigaragaza ko amasheke yatanzwe nka “garantie” xxx xxxx ubwishyu.

ISESENGURA RY’IBIBAZO BIRI MU RUBANZA

A) Kuba Urukiko rubanza rwirengagije ibyasabwe nayo kugira ngo ukuri kugaragare.

[4] B.E.S & SUPPLY, LTD isobanura iyi mpamvu yayo ya mbere y’ubujurire, ivuga ko yasabye Urukiko rubanza gusuzuma niba hejuru y’amasezerano na «chèques» zatanzwe na SILVER SANDS INVESTMENT, LTD nk’ibimenyetso by’umwenda, hari hakwiye kugaragazwa na «bordereaux d’expédition» ndetse na « factures » zerekana ko imifuka ya «ciments» ivugwa mu masezerano, ko yayishyikijwe koko.

[5] B.E.S & SUPPLY, LTD isanga mu kubyanga, Urukiko rwashingiye kuri xxxxx xxxx no ku masezerano kandi yararugaragrije ko izo sheki zatanzwe nka «garanties» igihe amasezerano yasinywe, xxxxx xx n’abahagariye SILVER SANDS INVESTMENT LTD batigeze barugaragariza ko zatanzwe ntizishyurwe kuko nta mafaranga yari kuri konti ya B.E.S & SUPPLY, LTD. Ibi bikaba byatumye Urukiko rushingira ku bitari byo.

[6] SILVER SANDS INVESTMENT, LTD yiregura kuri iyi mpamvu y’ubujurire, ivuga ko imvugo ya B.E.S & SUPPLY, LTD y’uko yatanze sheki nka “guaranties”, itari ukuri kuko yazitanze yishyura ku matariki bari bemeranijweho mu masezerano, yo kwishyura, xxx xxxx mu ngingo ya 3 ya buri masezerano.

[7] SILVER SANDS INVESTMENT, LTD isanga kandi, ugusaba kwa B.E.S & SUPPLY, LTD ko hagaragazwa « Bordereaux d'expédition » na za fagitires zerekana ko imifuka ivugwa mu masezerano yagemuwe koko; nyamara nk’uko byasobanuwe mu bika bya [5] na [6] by'imikirize y’urubanza rujuririrwa, uretse gukomeza gutinza gusa kwishyura uko yabigenje na mbere, kuko mu iburanisha ryo kuwa 07/03/2016 yasabye igihe cyo kujya kumvikana ku ngano y'umwenda

yemera, nyamara nubwo iburanishwa ryimuriwe kuwa 17/03/2016 byageze igihe cyo kuburana itigeze ishaka uwo ibereyemo umwenda, kuko yari izi uwo irimo, kuko igihe cyo kwishyura cyageraga ikishyura ariko ikoresheje sheki, xxxxx xxx kwishyura byabaga nyuma yuko ihawe xxxx xxxx ziri mu masezerano.

[8] SILVER SANDS INVESTMENT, LTD isanga na none, niba ariyo itarubahirije amasezerano yo gutanga imifuka ya sima yasezeranywe,

B.E.S & SUPPLY, LTD yazabiregera nubwo kwaba ari ukwigiza nkana, cyane ko itanavuga nibura umubare itemera cyangwa uwo yemera ibi bikaba ari ugutinza gusa, ishaka gukomeza kubyaza umusaruro ayo mafaranga ariko ihombya uwo ibereyemo umwenda, bityo bikaba bidakwiye gushyigikirwa.

UKO URUKIKO RUBIBONA

[9] Rushingiye kuri iyi mpamvu y’ubujurire ya B.E.S & SUPPLY, LTD, no ku myiregurire ya SILVER SANDS INVESTMENT, LTD; rushingiye kuba ingingo ya 9 y’Itegeko y’Itegeko nº 21/2012 ryo kuwa 14/06/2012 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi, iteganya ko “Urega agomba kugaragaza ibiminyetso by’ibyo aregera. Iyo abibuze, uwarezwe aratsinda. Naho uvuga ko icyo yategekwaga gukora cyagaragajwe n’ibimenyetso atagitegetswe kugikora, agomba kugaragaza impamvu zakimukuyeho. Iyo abiburiye ibimenyetso, uwo baburana aramutsinda.”

[10] Rushingiye kuba sheki zigaragara muri uru rubanza, arizo, iyo kuwa 28/11/2014 no kuwa 01/12/2014 zifite neza amatariki yari yashyizwe mu masezerano ababuranyi bagiranye, yo kwishyuriraho; no kuba ntaho mu masezerano ababuranyi bagiranye (ayo kuwa 31/10/2014 na 18/11/2014), hateganijwe ko sheki zizatangwa nka “garanties”, ahubwo ingingo z’ayo masezerano za 3, zikerekana ko sheki zizatangwa nk’ubwishyu.

[11] Runashingiye kuba ku rwego rwa mbere, B.E.S & SUPPLY, LTD yiyemereye mu iburanisha ryo kuwa 17/03/2016 (xxxx xxxx c51 muri dosiye yo ku rwego rwa mbere), ko yemera umwenda ariko ko itemera ingano; kugeza na nubu nyamara ikaba itigeze ivuga ingano yemera; runashingiye by’umwihariko kuba niba B.E.S & SUPPLY, LTD itemera kuba yaragemuriwe “ciments” ysihyuzwa, ariko ikaba itarigeze xxxx xxxxx “ciments” yasezeranwe kugemurirwa

[12] Rusanga, nk’uko rwabibonye mu ngingo 9 y’Itegeko rivuzwe hejuru, hamwe n’ingingo za 64 n’iya 65 z’Itegeko nº 45/2011 ryo kuwa 25/11/2011 rigenga amasezerano, zigena ko “Amasezerano akozwe ku buryo bukurikije amategeko aba itegeko ku bayagiranye. Ashobora guseswa xxx xxx babyumvikanyeho cyangwa ku mpamvu zemewe n'amategeko.

Agomba kubahirizwa nta buriganya.” (64) Xxxxx xx “Amasezerano ntategeka gusa icyemejwe ahubwo yongeraho n'ingaruka ugushyira mu kuri, imigenzereze cyangwa amategeko byageneye inshingano bikurikije kamere yayo.” (65)

[13] Nta mpamvu ihari yo gusaba ibindi bimenyetso ku baburanyi, kuko ibihari bigaragariza Inkiko, nta gushidikanya, ukuri. Rusanga rero, iyi mpamvu y’ubujurire ya B.E.S & SUPPLY, LTD idafite ishingiro.

B) Kuba SILVER SANDS INVESTMENT, LTD ikwiye kugaragaza ibimenyetso by’ibikoresho yagemuye koko no kuba hirengagijwe ibimenyetso bigaragaza ko amasheke yatanzwe nka “garantie” xxx xxxx ubwishyu.

[14] B.E.S & SUPPLY, LTD isobanura iyi mpamvu yayo y’ubujurire, isaba uru Rukiko gutegeka kandi SILVER SANDS INVESTMENT LTD kugaragaza ingano ya ciment yayishyikirije, hashingiwe kuri za “bordereaux d’expédition” ndetse na “factures” zemewe kugira ngo

B.E.S & SUPPLY, LTD nayo izasubizwe bimwe mubyo amategeko ayemerera. B.E.S & SUPPLY, LTD ikomeza ivuga ko, xxxx xxxxx mu masezerano hagaragaramo igihe amafaranga azishyurirwa bitavanaho ibyo yagaragarije Urukiko, ko “chèques” zatanzwe nka “garantie”, kuko iyo bitaba ibyo atanzwe mu rwego rwo kwishyura umwenda nk’uko Urukiko rubyemeza, amatariki xxx xx ma “chèques” ntiyari guhura n’ari mu masezerano.

[15] SILVER SANDS INVESTMENT, LTD yiregura kuri iyi mpamvu, ivuga ko

B.E.S & SUPPLY, LTD yigiza nkana kuko biri mu masezerano impande zombi zagiranye, hagaragazwa ciments B.E.S & SUPPLY, LTD, yasabye ari nazo yahawe, xxxxx xxx masezerano agaragaza uko bahise bishyura “avance” ntanimwe baratwara, hanyuma ideni risigaye bakemeranya igihe rizishyurirwa kuko B.E.S & SUPPLY, LTD yahitaga itwara Ciments zose ahubwo igasigaramo SILVER SANDS umwenda w'izo itarishyura, cyakora yagaragaje igihe izazishyurira bigashyirwa mu masezerano; kandi amatariki babaga bemeranijeho kuzishyura mu masezerano arizo bagiye bishyuriramo izo sheki, ariko kuri konti isanga nta mafaranga ariho.

[16] SILVER SANDS INVESTMENT, LTD ikomeza gusobanura ko B.E.S & SUPPLY, LTD itahakanye ko iyifitiye umwenda, ikaba kandi itigeze yerekana uwo itemera muwo yarezwe; ikaba ubu iri gushaka gutinza gusa ngo ibe ibyaza ayo mafaranga inyungu kandi bihombya SILVER SANDS INVESTMENT, LTD, bityo ko icyemezo cyafashwe ku rwego rwa mbere gisobanutse kuri byose. SILVER SANDS INVESTMENT, LTD inakomeza ivuga ko ibya “bordereau d'expédition” na za “factures”

B.E.S & SUPPLY, LTD ibaza, iba ibizi neza ko nta byakozwe kuko niyo yijyaniraga izo “ciments”, ko atari SILVER SANDS INVESTMENT, LTD

yazigemururaga kuko nubwo bibeshye gato mu masezerano bitewe n’uwayabakoreye ntabwo yari amasezerano yo Kugemura “ciments” ahubwo yari ayo kugura nk’uko bigaragara mu ngingo z'ayo masezerano kandi impande zose zikaba zigomba kubahiriza ibyo bemeranijweho ntaburyarya nkuko amategeko abiteganya.

[17] SILVER SANDS INVESTMENT, LTD isoza imyiregurire yayo, ishimangira ko inshingano yari ifite mu masezerano, zari izo guha

B.E.S & SUPPLY, LTD “ciments” zasezeranwe, kandi ikaba yarabikoze, kuko n’amasoko B.E.S & SUPPLY, LTD yatsindiye, yarazirangije hakoreshejwe izo “ciments”; ko kandi, iyo haba hari ukutubahiriza amasezerano kwaba kwarabaye ku ruhande rwa SILVER SANDS INVESTMENT, LTD mu gutanga izo “ciments”, B.E.S & SUPPLY, LTD xxxx xxxx yarabiregeye. Inasaba ubu, kubera gukomeza gushorwa mu manza ku maherere na B.E.S & SUPPLY, LTD, kandi izi neza ko ibyo ivuga atari ukuri inatuma hakomeza gutangwa amafaranga menshi yiyongera kuri “ciments” yatwaye; ko B.E.S & SUPPLY, LTD yacibwa Rwf 500,000 y'Ikurikiranarubanza na Rwf 500,000 y'Igihembo cya Avocat kuri uru rwego, yiyongera ku yaciwe ku rwego rwa mbere.

UKO URUKIKO RUBIBONA

[18] Rushingiye kuri iyi mpamvu y’ubujurire, runashingiye ku myiregurire y’impande zombie, ndetse no kubyo rwabonye mu isesengura ry’impamvu ya mbere y’ubujurire; rusanga nk’uko ingingo z’amategeko zasuzumwe zibiteganya, iya 9 y’Itegeko y’Itegeko nº 21/2012 ryo kuwa 14/06/2012 ryerekeye imiburanishirize y’imanza z’imbonezamubano, iz’ubucuruzi, iz’umurimo n’iz’ubutegetsi n’iza 64 n’iya 65 z’Itegeko nº 45/2011 ryo kuwa 25/11/2011 rigenga amasezerano; rusanga iyi mpamvu y’ubujurire ya B.E.S & SUPPLY, LTD, idafite ishingiro, kuko xxx kugaragaza ibimenyetso by’ibyo iregera cyangwa kugaragaza ibimenyetso bivuguruza ibyo SILVER SANDS INVESTMENT, LTD yaragesheje (ari amasezerano bagiranye, na sheki zifite amatariki yasezeranweho), iri gusaba Urukiko gutegeka umuburanyi wayo kuzana ibindi bimenyetso, kandi nyamara ibyagaragajwe, bihagije kandi binasobanutse nta gushidikanya guhari.

[19] Rushingiye kuri ibi byose rumaze kubona, no ku byasabwe na SILVER SANDS INVESTMENT, LTD; runashingiye kuba ingingo ya 258 y’Igitabo cya gatatu cy’urwunge rw’amategeko mbonezamubano, igena ko “Igikorwa cyose cy’umuntu cyangirije undi gitegeka nyirugukora ikosa rigikomokaho kuriha ibyangiritse.” No kuba igika cya kabiri n’icya gatatu by’ingingo ya 26 y’ Amabwiriza nº 01/2014 agenga ibihembo mbonera by’Abavoka, bigena ko “Avoka w’uregwa agena ibihembo bye akurikije agaciro k’ikiburanwa, ingorane ziri mu rubanza, hamwe n’ibyo agomba kubanza gukora byose, ndetse n’ingaruka z’icyemezo cyafashwe;

xxxxx xxxxxxxx xxxxxxxx munsi y’amafaranga 500.000 kandi ntikirenge amafaranga 3.000.000. Iyo habaye ubujurire, avoka w’urega n’uw’uregwa bashobora gusaba kimwe cya xxxxxx xx’igihembo cyumvikanyweho ku rwego rwa mbere.” Rusanga SILVER SANDS INVESTMENT, LTD ikwiye kugenerwa amafaranga y’ikurirkiranarubanza ya Rwf 500,000 n’igihembo cya Avoka ya Rwf 500,000 muri ubu bujurire.

ICYEMEZO CY’URUKIKO:

[20] Xxxxxxx Xxxxxx rw’Ubucuruzi:

- Rwemeye kwakira ubujurire bwatanzwe BES & SUPPLY, LTD kuko bwatanzwe mu buryo bwubahirije amategeko, rubusuzumye, rusanga nta shingiro bufite.

- Rwemeje ko imikirize y’urubanza rwajuririwe, RCOM 1803/15/TC/Nyge rwaciwe n’Urukiko rw’Ubucuruzi rwa Nyarugenge, kuwa 31/03/2016, idahindutse.

- Rutegetse BES & SUPPLY, LTD guha SILVER SANDS INVESTMENT, LTD amafaranga y’ikurikiranarubanza ya Rwf 500,000 n’igihembo cya Avoka cya Rwf 500,000.

NI UKO RUKIJIJWE KANDI RUSOMEWE MU RUHAME MU RUKIKO RUKURU RW’UBUCURUZI, NONE KU WA 15/07/2016 BIKOZWE N’UMUCAMANZA KIBUKA M. Xxxx-Xxx XXXXXXXXX N’UMWANDITSI

KANANGIRWA Epiphanie.

UMWANDITSI

KANANGIRWA Epiphanie

Sé

UMUCAMANZA

XXXXXX Xxxx-Xxx

Sé

Copie certifiée conforme à la minute Dont acte, greffier