Contract

URUKIKO RWISUMBUYE RWA GASABO, RURI I RUSORORO KU KICARO CYARWO GISANZWE, RUHABURANISHIRIZA IMANZA Z’IMBONEZA MUBANO KU RWEGO RWA MBERE RUHAKIRIJE MU RUHAME NONE KU WA 21/06/2017 URUBANZA RC00025/2017/TGI/GSBO MU BURYO BUKURIKIRA:

HABURANA

Urega: MUHIRWA Xxxxxxxx xxxxx Xxxxxxx Xxxxxx na Mukakabanda Dative, wavutse ku wa 27/03/1978, akaba atuye mu Mudugudu w’Inshuti, Akagali ka Rukatsa, Umurenge wa Kagarama, Kicukiro ho mu Mujyi wa Kigali.

na

Uregwa: PROMOCAR Ltd, TIN:000000000, ifite ikicaro mu Mudugudu wa Bukinanyana, Akagali ka Kamatamu, Umurenge wa Kacyiru, Akarere ka Gasabo ho mu Mujyi wa Kigali.

Ikiburanwa: Gusaba urukiko gutegeka Promocar Ltd kwishyura amafaranga angana na 7,500,000frw y’ikiguzi cy’imodoka, indishyi zo kutubahiriza amasezerano ku gihe cyumvikanyweho, igihembo cya avoka, ingwate y’igarama,...

I. Imiterere y’urubanza

[1]. Xxxxxxx Xxxxxxxx yareze avuga ko ku itariki 15/06/2016 yagiranye amasezerano y’ubugure bw’imodoka na Promocar Ltd, Xxxxxxx Xxxxxxxx yemera kugurisha imodoka ye yo mu bwoko bwa RAV 4, ifite plaque RAC902Z, Promocar Ltd nayo yemera kuzishyura igiciro cyumvikanyweho kingana na 7,500,000frw bitarenze ku itariki 30/09/2016, xxxxx imodoka ihabwa uwaguze.

[2]. Xxxxxxx Xxxxxxxx avuga ko itariki 30/09/2016 igeze, PROMOCAR Ltd itubahirije amasezerano, ikomeza kugenda imurerega kugeza magingo aya, bityo akaba ariyo mpamvu habayeho kuregera urukiko kugira ngo ruyitegeke kwishyura amafaranga bumvikanye angana na 7,500,000frw, indishyi zingana na 30.000frw ku munsi uhereye kuwa 30/09/2016 kugeza urubanza ruciwe; 1000,000frw y’igihembo cya avoka; 500,000frw y’ikurikirana rubanza na 50,000frw y’igarama ndetse anasaba ko hazabaho gutegeka irangiza rubanza ry’agateganyo n’igihano gihatira uregwa kwishyura kingana na 150,000frw ku munsi w’ubukererwe bwo gushyira icyemezo cy’urukiko mu bikorwa;

[3]. Promocar Ldt ntabwo yigeze yitaba ngo yiregure ku byo iregwa, ndetse nta n’ubushake bwo kwiregura muri system yagize, ibyo rero bikaba byanatumye inaburanishwa idahari

kubera ko yaba uyihagarariye ntabwo yitabye urukiko, yaba na Me Ndayisaba wari umuhagariye yanga kuza kuburana nyamara kandi xxx xx rukiko, avuga ko hari urundi rubanza ategereje kuburana rw’inshinjabyaha;

Xxxx xxxxxxxx harasuzumwa ibibazo by’amategeko bijyanye no:

►kumenya niba Xxxxxxx Xxxxxxxx akwiriye kwishyurwa 7,500,000frw yishyuza;

►kumenya niba indishyi zisabwa zatangwa;

►Kumenya niba irangizarubanza ry’agateganyo kimwe n’igihano gihatira uregwa kurangiza urubanza byasabwe byakwemerwa;

II. Isesengura ry’ibibazo bigize urubanza

a) ikibazo kijyanye no kumenya niba Promocar Ltd hari umwenda ibereyemo Muhirwa Xxxxxxxx xxxxx yaranze kuwishyura?

[4]. Me Rwenga Etienne mu izina ry’urega yareze asaba ko Promocar Ltd yamwishyura amafaranga angana na 7,500,000Ltd imubereyemo, ayo mafaranga akaba akomoka ku masezerano y’ubugure bw’imodoka ye yagurishije ariko ntiyishyurwe kugeza na nubu acyishyuza;

[5]. Uregwa yanze kwitaba ngo yiregure ndetse na Me Ndayisaba wari uhagarariye uregwa umunsi w’iburanisha yanga kuburana avuga ko hari umukiliya we utegereje kuburana urubanza rwinshinjabyaha, bityo agasaba ko rwasubikwa; ;

[6]. Nkuko bigaragazwa na dossier, ni uko hari amasezerano y’ubugure bw’imodoka RAV 4, Plaque RAC902Z yabaye hagati ya Xxxxxxx Xxxxxxxx(wagurishaga) na Promocar Ltd(uwaguraga) ku itariki 15/06/20160. Muri ayo masezerano, uwaguraga yiyemeje ko agomba kwishyura igiciro cyose cyari cyemeranyijweho(7,500,000frw) bitarenze tariki 30/09/2016, nyamara ariko nta kigaragaza ko yishyuwe;

[7]. Hashingiwe rero ku ngingo ya 327 y’igitabo cya gatatu cy’urwunge rw’amategeko mboneza mubano, igice cyerekeye amasezerano n’imirimo nshinganwa iteganya ko

«Inshingano y'ibanze y'umuguzi ari ukwishyura igiciro ku munsi n’ahantu amasezerano y'igurisha ateganya»;

hashingiwe xxxxx xx ngingo ya 64 y’itegeko n°45/2011 ryo ku wa 25/11/2011 rigenga amasezerano, iteganya ko «amasezerano akozwe ku buryo bukurikije amategeko aba itegeko ku bayagiranye, ashobora guseswa xxx xxx babyumvikanyeho cyangwa ku mpamvu zemewe n'amategeko, xxxxx xx agomba kubahirizwa nta buriganya», rurasanga kuba Xxxxxxx Xxxxxxxx yaragurishije imodoka ye yagarutsweho haruguru, akaba yarayishyikirije

uwayiguze, Promocar Ltd nawe yaragombaga kwishyura ikiguzi bumvikanyeho cya 7,500,000frw bitarenze itariki ya 30/09/2016 nkuko bari babisezeranye. Kuba rero ayo mafaranga atarishyuwe kugeza magingo aya, rusanga ibyo bifatwa nko kutubahiriza amasezerano ku bayagiranye, bityo akaba ariyo mpamvu uregwa agomba kwishyura ayo mafaranga;

b) Indishyi mbonezamusaruro n’iz’akababaro zasabwe n’urega

[8]. Me Rwenga Etienne mu izina ry’urega yari ahagagariye, yasabye ko Promocar Ltd yamwishyura indishyi z’ubukererwe ku munsi zingana na 30,000frw uhereye ku itariki 30/09/2016, itariki uregwa yagombaga kwishyuriraho kugeza igihe urubanza ruzacirirwa cyangwa se igihe azishyurira. Yanasabye kandi kwishyurwa kandi 1000,000frw y’igihemmbo cya avoka, 500,000frw y’ikurikiranarubanza, na 50,000frw y’igarama yishyuye atanga iki kirego;

[9]. Uregwa ntacyo yigeze avuga kuri izi ngingo kuko nkuko byagarutsweho haruguru, ntabwo yigeze yiregura yaba muri system ndetse yanga no kwitaba urukiko nta mpamvu;

[10]. Rurasanga koko Promocar Ltd imaranye igihe kinini amafaranga ya Xxxxxxx Xxxxxxxx kuko atamwishyuriye igihe cyateganyijwe, ndetse ubona nta n’ubushake bwo kumwishyura afite. Rurasanga ariko nubwo bimeze bityo indishyi mbonezamusaruro zingana na 30,000frw ku munsi w’ubukererwe yasabye adakwiriye kuzishurwa kubera ko mu masezerano bagiranye ntaho bigeze bateganya izo nyungu ku munsi nkuko ingingo ya 136 y’itegeko rigenga amasezerano ribiteganya ku buryo rwaziheraho ruzimugenera.

[11]. Ku bijyanye ariko n’izindi ndishyi, hashingiwe ku ngingo ya 258 y’igitabo cya gatatu cy’urwunge rw’amategeko mboneza mubano, igice cyerekeye amasezerano n’imilimo nshinganwa, iteganya ko «igikorwa cyose cy’umuntu cyangirije undi gitegeka xxxxx gukora ikosa rigikomokaho kuriha ibyo yangije», rusanga Promocar Ltd imaranye igihe kitari gito amafaranga akomoka ku modoka yaguze na Muhire Honorine nta mpamvu n’imwe ifatika yemewe yatumye itayishyura, ibyo rero byanze bikunze byahombeje nyirayo kuko amafaranga 7,500,000 yagombaga kwishyurwa yakabaye yarayabyaje inyungu cyangwa se yarayakoresheje ibindi yayageneye byatumye agurisha imodoka ye, ahubwo bituma agana inkiko xxx xxxx yiyambaza abanyamategeko bamuburaniye, ibyo rero bikaba bimuhombya. Mu bushishozi bw’urukiko rero, rusanga Promocar Ltd ikwiriye kwishyura urega indishyi z’akababaro zingana na 500,000frw, igihembo cya avoka wamuburaniye kingana na 500.000frw, 100,000frw y’ikurkirana rubanza na 50,000frw y’igarama yishyuye atanga ikirego;

c) Kumenya niba irangizarubanza ry’agateganyo ryifujwe ryakwemerwa

[12]. Mu iburanisha ry’uru rubanza, Me Rwenga Etienne yasabye urukiko kuzategeka irangiza rubanza ry’agateganyo ku byerekeranye n’umwenda remezo ungana na 7,500,000frw. Kuri iyi ngingo, ingingo ya 212 CPCCSA iteganya ko « irangizwa ry’agateganyo ryemezwa n’urukiko rubyibwirije ndetse nta ngwate, iyo (…) ikiburanwa ari umwenda wemewe mu rubanza n’uregwa». Kuba rero ikimenyetso umwenda uvugwa ushingiyeho atari inyandiko mvaho cyangwa xx xxx uregwa abe yarawemereye mu rukiko, rusanga ntacyo rwaheraho rutegeka irangiza rubanza ry’agateganyo, bityo rero kubera iyo mpamvu rikaba ritemejwe n’urukiko;

d) Igihano gihatira uregwa kurangiza urubanza

[13]. Me Rwenga Etienne mu izina rya Xxxxxxx Xxxxxxxx yavuze ko Promocar Ltd nta bushake na mba yigeze igira bwo gushaka gukemura ikibazo cy’umwenda ifitiye Xxxxxxx Xxxxxxxx, bityo asaba ko mu gihe yazaba idashyize icyemezo cy’urukiko mu bikorwa yazahatirwa kwishyura ihanishwa 150.000frw buri munsi y’ubukererwe.

[14]. Kuri iyi ngingo, ingingo ya 216CPCCSA iteganya ko «abisabwe n’umwe mu baburanyi, mu gihe cy’iburanisha ry’imanza mbonezamubano, iz’ubucuruzi n‘iz’umurimo, umucamanza ashobora, guteganya igihano cyo gutanga amafaranga y’ubukererwe abazwe buri munsi, buri cyumweru, buri kwezi cyangwa buri mwaka k’uwo baburana mu gihe azaba atubahirije imikirize y’urubanza rw’iremezo, bitabujije ko yacibwa indishyi z’akababaro mu gihe bibaye ngombwa». Hashingiwe rero kuri iyi ngingo no kuba promocar Ltd nta bushake na mba yagaragaje bwo kwishyura umwenda ibereyemo Xxxxxxx Xxxxxxxx, rurasanga icyifuzo cye gifite ishingiro, bityo mu gihe cyose urubanza ruzaba rutakibasha kujuririrwa, mu gihe Promocar Ltd itazishyira mu bikorwa icyemezo cy’urukiko, ikaba izahanishwa kwishyura amafaranga y’u Rwanda ibihumbi 100.000frw buri kwezi k’ubukrerwe;

III. Icyemezo cy’urukiko

[15]. Rwemeye kwakira ikirego cya Xxxxxxx Xxxxxxxx, rugisuzumye rusanga gifite ishingiro kuri bimwe;

[16]. Rwemeje ko Promocar Ltd ibereyemo Xxxxxxx Xxxxxxxx umwenda w’amafaranga y’u Rwanda ungana na miliyoni zirindwi n’igice(7,500,000frw);

[17]. Rutegetse Promocar Ltd kwishyura Xxxxxxx Xxxxxxxx 7,500,000frw y’umwenda amurimo;

[18]. Rutegetse kandi Promocar Ltd kwishyura urega indishyi z’akababaro zingana na 500,000frw, 500,000frw y’igihembo cya avoka, 100,000frw y’ikurikirana rubanza na 50,000frw y’ingwate y’amagarama yishyuye atanga iki kirego;

[19] Rutegetse ko mu gihe uregwa yaba adashyize mu bikorwa icyemezo cy’urukiko yahanishwa kwishyura amafaranga ibihumbi ijana(100,000frw) buri kwezi uhereye igihe urubanza rwaba rutagishoboye kujuririrwa;

Rukijijwe rutyo kandi rusomwe mu ruhame, none kuwa 21/06/2017 Umucamanza Umwanditsi

GAHIMA Innocent DUKUZUMUREMYI Annonciata

Sé/ Sé/