Go direga eng ka tshedimošo ye ke fanago ka yona lenaneong la EVDS. Tshedimošo yeo o fanego ka yona nakong ya bongwadišo e thuša ka dithulaganyo, ka gobane tshedimošo ye tšwago dipeakanyong tša EVDS e dumelela mmušo go abaganya meento mafelong a go hlaba meento. Ka yona peakanyo ye mmušo o kgona go netefatša gore meento ye lekanego e gona ka letšatši le itšego la go hlaba meento. Tshedimošo ye e šomišwa gape go boledišana le wena mabapi le lenaneo la meento ge go le maleba. Tshedimošo ka moka ya EVDS e bolokwa ka tshwanelo ebile peakanyo ya EVDS e latela melao ka moka ye maleba ya mananeo a polokelo ya tshedimošo.
