Go nyakega eng go ingwadiša lenaneong la EVDS. Go ingwadiša go EVDS o swanetše goba o nale nomoro ya gago ya pasa goba ya pasporoto le ya karata ya setlamo sa medical aid (ge o nale le sona) mo go wena. Kgato ya mathomo ke go bula faele ka go tlatša foromo ya ditšithale ka go tlatša tshedimošo ya gago ye latelago: Leina le sefane, letšatši la matswalo, bong, aterese ya imeile, nomoro ya sellathekeng le aterese ya lefelo la mo o dulago goba mo o šomago. O tla hwetša SMS ya go kgonthišiša gore o ingwadišitše ebile o mo mothalading wa go beakanyetšwa ketelo ya go yo hlaba moento. Ge nako ya gago ya go entwa e fihla, peakanyo ya EVDS e tla go romela SMS ye nago le letšatšikgwedi le lefelo leo o tla entelwago go lona. Ge o sena sellathekeng goba aterese ya imeile, o ka ikela mafelong a ditirelo tša bongaka wa kgopela bašomedi ba fao gore ba go thuše.
