Izindleko Zesikweleti. Kumele kukhokhwe izindleko zesikweleti ezilandelayo:• Inzalo, ebalwa nsuku zonke ngokubheka Izinga Lenzalo Lonyaka bese ikhokhwa nyanga zonke ngosuku oqoke ukuthi uzokhokha ngalo NOMA ebalwa nsuku zonke ngokubheka Izinga Lenzalo Lenyanga bese ikhokhwa nyanga zonke ngosuku oqoke ukuthi uzokhokha ngalo. Inzalo uzokhokhiswa yona kusukela ngosuku owamukele ngalo Isivumelwano noma owamukele ngalo Isivumelwano esichitshiyeliwe.• Imali yokuvula isikweleti, okuyimali ekhokhelwa izindleko zokuhlanganisa lesi Sivumelwano. Le mali uvumelekile ukuyikhokha ngokuphelele emva kokwenza isivumelwano sokubolekwa imali ukuze ungakhokhiswa inzalo ngayo. Uma ifakwa esikweletini esiyinhloko, kuzokwengezwa inzalo emalini yokuvula isikweleti. Uma uqoka ukukhokha le mali yokuvula isikweleti noma nini emva kokwenza isivumelwano sokubolekwa imali, kumele uyifake kwi-akhawunti yaseBhange labakwa-First National, bese ubhala inombolo eyi-referense oyinikeziwe.• .• Ngokuvunyelwa Isahluko 6, Ingxenye C yoMthetho, uma kwenzeka uhluleka ukukhokha imali edingekayo ngokwalesi Sivumelwano, uzokhokhiswa imali yezindleko zokuhluleka kwakho ukukhokha kanye nezokuqoqwa kwesikweleti ngenxa yokuhluleka ukulandela imigomo nemibandela yalesi Sivumelwano, futhi uzokhokhela nezindleko zomthetho, ezokuqoqwa kwesikweleti kanye nekhomishini kuyona yonke imali oyikhokhayo uma lolu daba ludluliselwa kwinkampani yangaphandle eqoqa izikweleti noma kummeli. Uzokhokhiswa lezo zindleko ngaleso sikhathi ezizokwenzeka ngaso.
