Izindleko Zesikweleti. Kumele kukhokhwe izindleko zesikweleti ezilandelayo:• Intela yemali mboleko, ebalwa nsuku zonke ngokubheka Izinga Lemali Mboleko bese ikhokhwa nyanga zonke ngosuku oqoke ukuthi uzokhokha ngalo. Inzalo uzokhokhiswa yona kusukela ngosuku owamukele ngalo Isivumelwano noma owamukele ngalo Isivumelwano esichitshiyeliwe.• Imali yokuvula isikweleti yimali ekhokhelwa izindleko zokuhlanganisa lesi Sivumelwano. Uma uthanda ungaqoka ukuyikhokha ngaphambi kokuthi unikezwe imali oyibolekile noma ifakwe esikweletini esiyinhloko. Uma ifakwa esikweletini esiyinhloko, kuzokwengezwa intela yemali mboleko emalini yokuvula isikweleti. Uma uqoka ukukhokha imali yokuvula isikweleti ngaphambi kokuthi unikezwe imali oyibolekile, kumele uyifake Kwi- akhawunti Yasebhange labakwa-First National esikunikeze yona, bese ubhala inombolo eyi-referense oyinikeziwe bese usinikeza ubufakazi bokuthi uyikhokhile leyo mali ngaphambi kokuthi uthole imali oyibolekile. Le mali ayikhokhwa uma isikweleti sokuboleka imali esisha sithatha indawo yesikweleti sokuboleka imali esidala noma uma unikezwa isamba semali ebolekiwe esengeziwe ngenxa yokuguqulwa kweSivumelwano esikhona njengamanje.• Imali yokulawula isikweleti, okuyimali ekhokhwa nyanga zonke ngosuku olunqunyiwe, ekhokhelwa ukulawulwa kwe-akhawunti yakho nyanga zonke. Uma ungayikhokhi le mali ngesikhathi esifanele izokwengezwa emalini oyikweletayo futhi uzokhokhiswa intela yemali mboleko ngalokho.• Ngokuvunyelwa Isahluko 6, Ingxenye C yoMthetho, uma kwenzeka uhluleka ukukhokha imali edingekayo ngokwalesi Sivumelwano, uzokhokhiswa imali yezindleko zokuhluleka kwakho ukukhokha kanye nezokuqoqwa kwesikweleti ngenxa yokuhluleka ukulandela imigomo nemibandela yalesi Sivumelwano, futhi uzokhokhela nezindleko zomthetho, ezokuqoqwa kwesikweleti kanye nekhomishini kuyona yonke imali oyikhokhayo uma loludaba ludluliselwa kwinkampani yangaphandle eqoqa izikweleti noma kummeli. Uzokhokhiswa lezo zindleko ngaleso sikhathi ezizokwenzeka ngaso.• Imali ekhokhwa nyanga zonke Yohlelo Lokuvikela Isikweleti, ikhokhwa uma uwamukela umshwalense esikunikeza wona wokuvikela isikweleti njengoba kuchazwa ngawo kulesi sigaba esilandelayo.
