Ukukhokhwa kwemali ebolekiwe nokuthi sizoyisebenzisa kanjani imali oyibolekile. Izigamu zemali ozoyikhokakumele zikhokhwe emva kwezinsuku ezingu-14 kusukela ngosuku lweKhwotheshini, bese izigamu zemali ozoyikhoka ezilandelayo zikhokhwa njalo ngenyanga emva kwalokho. Mayelana nalokho, kuwumbandela walesi Sivumelwano ukuthi usinikeze imvume yokuthi sidonse izitalimende kwi-akhawunti yasebhange okufakwa kuyona umholo wakho. Ngaphandle kwenyanga kaDisemba, izigamu zemali ozoyikhoka zizodonswa ngosuku othola ngalo umholo, noma ngosuku lokusebenza lokugcina olwandulela lolu suku othola ngalo umholo uma lolu sukulungempelasonto noma ngeholide, futhi uma lolo suku lungekho ngaphambi kosuku olunqunyiwe lokukhokhwa kwesigamu semali ozoyikhoka. Uma kwenzeka sithola ulwazi lokuthi usuku othola ngalo umholo wakho seluguqukile noma uma isiguqukile imininingwane ye-akhawunti yakho yasebhange, sizoyiguqula imininingwane yokudonswa kwezigamu zemali ozoyikhokakwi-akhawunti yasebhange ukuze ihambelane nemininingwane yakho eguqukile. Sinelungelo lokudonsa isigamu semali ozoyikhokae kwi-akhawunti yakho ngaphambi kwesikhathi esijwayelekile ngenyanga kaDisemba uma sikunikeze isaziso salokho kusenesikhathi futhi uma lolo suku lungekho ngaphambi kosuku olunqunyiwe lokukhokhwa kwesigamu semali ozoyikhoka. Uma uthanda ungazikhokha izigamu zemali ozoyikhoka ngaphambi kwesikhathi esinqunyiwe, futhi ngeke uhlawuliswe ngalokho. Imali oyikhokhayo izosetshenziswa ukunciphisa isikweleti sakho ngalolu hlobo: (i) kuzokhokhelwa inzalo okumele ikhokhwe ngesikhathi esinqunyiwe noma engakakhokhwa (ii) kuzokhokhelwa izindleko zesikweleti okumele zikhokhwe ngesikhathi esinqunyiwe noma ezingakakhokhwa futhi (iii) kuzokhokhelwa isikweleti esiyinhloko.
