Contrat de mariage entre Charles, fils du duc de Bourbon, et Agnès, sœur du duc de Bourgogne.
1425 (n. st.), 4 février.
Contrat de mariage entre Xxxxxxx, fils du duc de Bourbon, et Xxxxx, sœur du duc de Bourgogne.
A1. Original sur parchemin, signé par deux notaires, jadis scellé. 600 x 830 mm., dont repli 70 mm. Paris, Archives nationales, P 1370/2, no 1919.
A2. Original sur parchemin, signé par deux notaires, scellé des sceaux en cire verte sur double queue de parchemin des chancellerie de Bourgogne et de Bourbonnais ; attaché à la ratifi- cation du contrat passée le 6 août suivant par les époux (voir cet acte). 580 x 860 mm., dont repli 70 mm. Archives départementales Côte-d’Or, B 299, pièce scellée 318 [original numérisé].
B. Vidimus sur parchemin, collationné et signé, du 4 décembre 1426. 650 x 710 mm., dont repli 80 mm. Paris, Archives nationales, P 1364/2, no 1384.
C. Xxxxxxx dans un cahier de papier de quatre folios, du 20 avril 1459. 285 x 350 mm. Paris, Archives nationales, P 1370/2, no 1919.
D. Copie non signée, sur un cahier de parchemin de quatre folios, le dernier étant vierge, en- dommagé 1, incomplet 2. 290 x 365 mm. Paris, Archives nationales, P 1365/2, no 1452.
E. Copie du XVIIe siècle. Bibliothèque nationale de France, ms. fr. 4628, folios 567-572 [copie numérisée].
a. Xxx Xxxxxxxx, Histoire générale et particulière de Bourgogne..., III, Dijon, A. Xxx, 1748, p. 620, no CCCXII (fautive 3) [ouvrage numérisé].
Analyse : Titres de Bourbon, II, p. 226, no 5224.
Texte établi d’après A1.
Au nom de nostre seigneur, amen. L’an de l’incarnation d’icellui courant mil quatre cens vint et quatre, le diemenche quatrÿesme jour du mois de fevrier, Nous Phelippe, duc de Xxxxxxxxxxx, conte de Flandres, d’Artois et de Bourgoingne, palatin, seigneur de Salins et de Malines, et Agnez de Bourgoingne sa seur, d’une part, et nous, Xxxxx xx Xxxxx, duchesse de Bourbonnois et d’Auvergne, contesse de Clermont, Forez, de Montpencier et dame de Xxxxxxxx, et Xxxxxxx xx Xxxxxxx, son ainsné filz, souffisament auctorizié en ceste partie de monseigneur le xxx xx Xxxxxxxxxxx mon pere, et du consentement de ladite dame Xxxxx xx Xxxxx ma mere, a ce presente, quant a faire passer, consentir et accorder les pactions, accors, traictiez, convenances et autres chouses cy-apres declairees, comme ce peut apparoir par les lettres d’auctorizacion dont la teneur s’en suit :Xxxxx,
1. Une tâche en bas à droite du second folio recto rend la lecture difficile, et une déchirure se répercute sur cinq lignes à chaque folio.
2. Le premier folio est manquant ; le second commence, dans la lettre vidimée de Xxxx Xxx, en parlant
3. Contient plusieurs erreurs, dont la date ("quinziesme jour de fevrier").
xxx xx Xxxxxxxxxxx et d’Auvergne, conte de Clermont, Forez, Montpencier et seigneur de Beauljeu, per et chambrier de France, a tous ceulx qui ces presentes lettres verront, salut. Comme ja pieça certains traictié et convenances de mariage eussent esté fais et accordez entre feu nostre tres chier et tres amé cousin Xxxxx, duc de Xxxxxxxxxxx, conte de Flandres, d’Artois et de Bourgoingne, cui Dieu pardoint, et nous, de nostre tres chiere et tres amee cousine Xxxxx xx Xxxxxxxxxxx, fille d’icellui nostre cousin, et de nostre tres chier et tres amé ainsné filz, Xxxxxxx xx Xxxxxxxxxxx, et sur ce passees et faites lettres d’un costé et d’autre, tant pour le dot que icellui nostre cousin devoit et vouloit baillier a nostredite cousine sa fille, comme pour le douaire que promeismes bailler et assigner a icelle nostre cousine ou cas que nostredit filz iroit de vie a trespasssement par avant elle, lesquelx traittié et convenence n’ont peu estre accomplis pour l’empeschement que depuis lors avons eu en nosre personne, savoir faisons que nous, qui de tout nostre cuer voulons et desirons la perfection et accomplissement dudit mariage qui nous semble tant utile et prouffitable a la paix et transquilité des pays, seignories et subgiez de nostre tres chier et tres amé cousin Xxxxxxxx, duc de Xxxxxxxxxxx, filz et hertier d’icellui feu nostre cousin le duc Xxxxx, et des nostres, en especial de ceulx de Bourgoingne et de Charrolois et de Bourbonnois, Xxxxxxxxxxxx et Chastel Chignon, lesquelx sont voisins, joignans et contiguz, et de long temps ont eu grande amistié et communicacion ensemble en fait de marchandise et autrement, et encores par le moyen dudit mariage au plaisir de Dieu au- ront plus ou temps a venir, considerans que a ce ne pouvons en nostre personne vacquier ne entendre pour l’empeschement que avons a present comme dit est, ayans pleniere et singuliere confidence de nostre trez chiere et tres amee compaigne Xxxxx xx Xxxxx, du- chesse de Bourbonnois et d’Auvergne, et dudit Xxxxxxx xx Xxxxxxxxxxx, nostre aisné filz, ausquelx ceste matiere touche avecques nous plus que a aucuns vivant, a iceulx nostre compaigne et filz avons de nostre certaine science, bon avis et liberale voulenté, donné et donnons par la teneur de ces presentes plain pouvoir, auctorité et mandement especial de traictier, passer, accorder, octroyer et consentir derechief, tant de par nous et en nostre nom, comme de par xxxx et en leurs noms, et en tant que a nous et a eulx pourra toucher, lesdiz traictié et convenances de xxxxxxxx, y muer, corrigier, accroistre ou diminnuer, ou en faire autres tout de nouvel, se bon leur semble pour l’accomplissement et perfection du- dit mariaige, tant au regard desdiz dot, douaire et renonciacions, comme autres clauses, condicions et choses deppendens d’icellui mariaige, et d’en passer et bailler telles lettres qu’il appartiendra, et a ce faire, nous, dez maintenant pour lors, auctorizons nosdiz com- paigne et filz, en promectant par ces presentes par la foy et serement de nostre corps et soubz l’expresse obligacion et ypotheque de tous noz biens meubles et immeubles, presens et a venir quelxconques, tenir et accomplir a tousjours les traictié et convenances qui par nosdiz compaigne et filz seront faiz et accordez, et les reputer de tel effect et vigueur comme se faiz estoient par nous et en nostre personne, sanz jamais faire ne aler a l’en- contre, taisiblement ou en appert, par quelconque voye ou maniere que ce soit, et cessant toute fraude, dol ou malengien, et iceulx traictié et convenances promectons ratiffier et en bailler noz lettres toutes les foiz que en seront sommez et requis. En tesmoing de ce, nous avons a ces presentes escript de nostre main nostre propre nom et y fait mettre nostre seel. Donné ou chastel de Tutebery en Angleterre, le IIIIe jour du mois d’octobre,
l’an de grace mil quatre cens vint et quatre. Ainsi signé : Xxxxx 4.D’autre part, savoir faisons a tous ceulx qui ces presentes lettres verront et ourront que de et sur le traictié et prolocucion du mariaige ad venir, qui se accomplira se Dieu plaist en face de Saincte Eglise, de nous Xxxxxxx dessusdit, et de nous ladite Agnez de Bourgoingne, avons fait et faisons entre nous parties avant dites lesdits traictiés, pactions, accors et convenances qui s’ensuignent : C’est assavoir que nous, ledit Xxxxxxx, promettons en bonne foy et sommes tennuz de prandre et avoir a femme et loyale espouse, en face de Xxxxxx Xxxxxx, en temps deu et convenable, se Dieu et saincte Xxxxxx si accordent et la xxx xx Xxxx, Xxxxx xx Xxxxxxxxxx, et semblablement nous, ladicte Agnez, de la licence et auctorité, congié et voulenté de mondit seigneur le duc de Xxxxxxxxxxx mon frere, a ce present, promectons et sommes tenue de prandre et avoir a xxxx et loyal espoux ledit Xxxxxxx en face de Xxxxxxx Xxxxxx, en temps deu et convenable, se Dieu et saincte Eglise si ac- cordent et xxx xx Xxxx, et pour contemplacion et faveur dudit mariage ad venir, nous, Xxxxxxxx, duc de Xxxxxxxxxx, baillerons a ladite damoiselle Agnez nostre seur, pour son dot, cinquente mil livres tournois, monnoye courant a present, dont les trente mille se- ront ameubliz et les vint mille assignez ou emploïez en terre ou heritaige au prouffit de ladicte Agnez nostre seur, ou de ses hoirs en la ligne de Bourgoigne ;Item et seront paiez lesdiz cinquante mil livre tournois aux termes qui s’ensuignent : c’est assavoir au jour des noces desdits mariez ad venir et par avant l’annuel, vint mille livres tournois qui seront ameubliz, et dix mil livres tournois qui semblement seront ameubliz l’an revolu apres la consommacion dudit mariaige, et pour le surplus, montant vint mill livres tournois, nous Phelippe, duc de Xxxxxxxxxxx, baillerons en gaige deux mille livres tournois de rente a deux termes chacun an, sur noz revenues des duchié et conté de Bourgoigne, et par la main de nostre receveur general de nosditz pays de Bourgoingne, a paier es lieux d’Os- tun ou de Dijon a deux termes, l’an aprés la consommacion dudit mariaige(a), laquelle rente nous ou noz hoirs pourrons rachater et acquictier a tous noz bons poins, ensemble ou par partie, en baillant pour mil livres tournois de rante dix mille livres tournois, et pourveu que nous ou noz hoirs ne racheterons point moins de mille livres tournois de rante a une fois ;Item est traictié et accordé entre nous, parties dessusdites, que, en rece- vant l’argent dudit rachat, xxxxxxxxxxx xx Xxxxxxx, pere de nous ledit Xxxxxxx, ou nous ledit Xxxxxxx, de l’auctorité et puissance de mondit seigneur le duc de Bourbon nostre pere, seront tenuz de assigner icellui argent sur noz terres et seignories ainsi que nous le recevrons, c’est assavoir dix livres pour cent, et l’en emploïer bien et souffisament en terres et heritaige au prouffit de ladicte damoiselle Agnez, seur de nous Phelippe, duc de Xxxxxxxxxx, et de ses hoirs ainsi et par la maniere que xx apres sera declariee ;Item en oultre est traictié et accordé entre nous lesdictes parties, es noms et qualitez que dessus, que, en faveur et a l’euvre dudit mariaige, nous, Xxxxxxxx, duc de Xxxxxxxxxx, accor- dons et avons accordé que se nous alons de vie a trespas xxxx xxxx ou hoirs legitimes de nostre corps, masles ou femelles, ladicte damoiselle Agnez nostre seur, s’elle survit, ou
4. Un acte sur parchemin (370 x 220 mm., dont repli 40 mm. ; jadis scellé sur double queue en cire rouge, avec empreinte du sceau) dont le texte est en tout point semblable à celui vidimé dans le contrat de mariage, se trouve aux Archives départementales de la Côte-d’Or, B 297, no 18. Il n’est cependant pas signé. Ce même acte est copié au XVIIe siècle : Bibliothèque nationale de France, ms. fr. 4628, folios 482-483.
ses hoirs legitimes descendens d’elle, s’aucuns en a, aura ou auront pour leur partaige la conté de Xxxxxxxxxxx, et se elle ou sesdiz hoirs aient mieulx venir a partaige avec noz autres seurs ou leurs heritier selon les costumes des pays, elle ou eulx le pouriont faire en rapportant a icelle succession et partaige ladicte conté de Xxxxxxxxxx, pourveu que semblement toutes noz autres seurs et d’elle ou les hoirs legitimes descendens d’elles, y seront receuz et pourront venir a ladicte sucession, chascune selon ainsneeté et pour tel part et porcion que raison et les us et coustumes des pays le vouldront, et en rappor- tant ce que chascune devra rapporter selon raison, nonobstant quelles ou aucunes d’elles aient esté mariees par xxxx et mere, et nonobstant quelxconques renonciacions, tacites ou expresses, par elle fetes aux traictiez de leurs mariaiges ou autrement ;Item et en cas que ladicte conté de Xxxxxxxxxx adviendra a ladicte damoiselle Agnez nostre seur, pour le moyen que dessus, nous, Xxxxxxxx, duc de Xxxxxxxxxxx, y reservons et retenons a nous ung chastel ou maison tel qu’il nous plaira, et cinq cens livres estevenans de rente ou revenue par an au plus prez, pour en ordonner pour le salut de nostre ame ou autrement comme bon nous semblera, et avec ce y reservons et retenons a nous, pour en faire et ordonner a nostre bon plaisir, toutes les chastellnies, terres et seignouries qui furent au seigneur de Chasteaulbelin(b), et leurs appartenances, tant oudit conté de Bourgoingne que ailleurs, et lesquelles tenoit Xxxx xx Xxxxxx, conte de Xxxxxxxx ;Item, est en oultre traictié et accordé entre nous, parties dessus dictes, que s’il advient que nous, Xxxxxxxx, duc de Xxxxxxxxxx, aïons ou delaissions apres nostre trespas hoirs légitimes masles ou femelles descendans de nostre corps, en ce cas ladicte conté de Bourgoingne demerra a nous et a nosdiz hoirs, mais nous ou nosdiz hoirs seront tenuz et obligiez de paier, bailler et delivrer pour contemplacion dudit mariaige et pour augmentacion du dot de ladicte demoiselle Agnez nostre seur, a elle ou a son seigneur et xxxx, ou aus heritiers legitimes descendens d’elle, la somme de cens mil livres tournois, monnoye courant a present, et se par nous Phelippe, duc de Xxxxxxxxxxx, ne sont païez, baillié et delivré a nostre vivant, noz hoirs legitimes descendens de nostre corps comme dit est seront tenuz et obligiez de paier ycelle somme de cent mille livres tournois a ladicte damoiselle Agnez nostre seur, ou a son seigneur et xxxx, pour elle, ou aux heritiers d’icelle damoiselle nostre seur(c), en la maniere qui s’en suit : c’est assaoir vint mille livres tournois de dans ung ans apres nostre trespas, et l’an ensuigant vint mille livres tournois, et ainsi d’an en an jusques a fin de païement de laditte somme de cent mille livres tournois, et ou cas que deffault de paiement auroit a chacun terme desdites cent mille livres tournois, nosdiz heritier seront tenuz de bailler et paier a laditte damoiselle Agnez nostre seur, ou a ses hoirs, pour chascune mille livres tournois qui resteront a paier, et apres chacun terme passé, cent livres tournois de rente, laquelle rente nosdiz heritiers pourront racheter comme dessus a tous leurs bons poins, en païans aussi, pour chascune cent livres tournois de rente, mille livres tournois, et pareillement la pourront racheter les heritiers d’iceulx noz hoirs, tous lesquelx cent mille livres tournois seront assignés souffisament ou convertiz et emploïez en achat de terres et heritaige qui sera et demorera le propre heritaige de ladicte damoiselle Xxxxx xx Xxxxxxxxxxx, nostre seur, et de ses hoirs en la ligne de Bour- goingne ;Item est encore traictié et accordé entre nous, lesdictes parties dessusdites, es noms et qualité que dessus, que, en recevant par mondit seigneur de Bourbon, pere de
nous, ledit Xxxxxxx, ou par nous, ledit Xxxxxxx, lesdictes cent mille livres tournois en tout ou en partie, nous serons tenuz de assignez bon et souffisament ce que nous en receverons sur noz terres et seignouries en la maniere accoustumé, c’est assavoir dix livres tournois pour cent, et cent livres tournois pour mille, et, se faire ne le voulons, en ce cas lesdiz cent mille livres tournois ou ce que paié en sera, sera mis en garde et depost en aucune seure eglise ou lieu seur, ou en mains d’amis communs dont l’on sera lors d’accord, jusques a ce qu’ilz soient emploïez en achat de terres et heritaige au prouffit de madicte damoiselle de Bourgoingne et de ses hoirs, par l’avis et conseil de deux ou trois amis communs de nous, parties dessusdittes, qui lors seront nommez et advisez, et pareillement sera fait des vint mil livres tournois dont dessus est faite mencion, pour lesquelx mondit seigneur de Bourgoingne baille en gaige deux mille livres tournois de rente par an a rachat, quant le cas adviendra que mondit seigneur de Xxxxxxxxxxx ou ses hoirs racheront ladite rente ainsi que dit est dessus ;Item est traictié et accordé entre nous, lesdites parties es noms que dessus, que lesdites deux sommes d’argent dessus declairees, c’est assavoir vint mille livres tournois d’un costé, et cent mille livres de l’autre, qui doivent estre emploïez en terre au prouffit de madicte damoiselle de Bourgoigne comme dit est dessus et ou cas dessusdit, que les heritaiges qui assignez ou acquis en seront, seront et demoureront le propre heritaige de madicte damoiselle Agnez et de ses hoirs en la ligne de Bourgoigne, et ou cas que icelle ma demoiselle n’auroit aucun hoirs de son corps, traictié et ac- cordé est entre nous, lesdites parties, que toutes ycelles sommes d’argent, ou les terres et heritaige qui assignez ou acquis en seroient, appartiendront, reviendront et demorront plainement et franchement a nous Phelippe, duc de Bourgoingne, ou a noz hoirs en la ligne de Bourgoingne, et pareillement au regard de ladite conté de Xxxxxxxxxxx, se elle advient a nostredicte damoiselle Agnez ou cas dessus declaré, elle appartiendra apres le decés d’icelle ma damoiselle Agnez aux hoirs d’elle descendens de son corps, et ou cas qu’elle n’en auroit aucuns, icelle conté retournera franchement comme dessus a ses autres hoirs en la ligne de Bourgoingne ;Item et sera vestue ladite xxxxxxxxxx Xxxxx, seur de nous Phelippe, duc de Xxxxxxxxxx, a noz frais le jour des noces, ainsi qu’il appartient a fille de tel hostel dont elle est descendue ;Item, et moyennant ces chouses, nous, ladicte damoiselle Agnez de Bourgoigne, sommes contente et agree, et renonçons purement et simplement au prouffit de mondit seigneur de Bourgoingne nostre frere, et de ses hoirs descendens de lui en directe ligne, soient masles ou femelles, a toutes successions de pere et de mere, et a tous droiz qui nous peuvent compecter et appartenir es succession de feu monseigneur mon xxxx et ma dame ma mere, soit en meubles ou heritaige, ou autre- ment en quelque maniere que ce soit ;Item et aussi, se ladite damoiselle de Bourgoingne renonce au prouffit de mondit seigneur de Xxxxxxxxxxx, mon frere, et sesdiz hoirs, soient masles ou femelles, aux successions de mes dames mes seurs et d’une chascune d’icelles, et leurs enfans, et a toutes autres sucessions collateraulx qui nous pouroient escheoir, soit au vivant de mondit seigneur mon frere, ou de sesdiz hoirs descendens de son propre corps, se aucuns en a ;Item est traictié et accordé entre nous, lesdites parties es noms que dessus, que se nous, Xxxxxxxx, duc de Xxxxxxxxxxx, alions de vie a trespassement sanz delaisser hoirs de nostre corps, masles ou femelles, ou les hoirs procreez de nostre corps sanz delaisser des leurs en ligne directe, en ce cas ladicte damoiselle Agnez nostre
seur, ou les hoirs descendens d’elle, viendroient a la succession de nous Phelippe, duc de Xxxxxxxxxx, avec noz autres seurs, ou les enfans d’icelles seurs, pourveu qu’elle soit tenue de rapporter ce qui lui auroit esté baillé en mariaige se noz autre seurs ou leurs enfans le rapportoient semblement ;Item et pareillement ou cas dessusdit, se nous, ledit duc de Xxxxxxxxxxx, alions de vie a trespassement xxx xxxxxxxxxx enfans de nostre corps comme dit est, ladicte damoiselle Agnez, nostre seur, ou ses hoirs descendens d’elle, pourroient venir et estre receuz a toutes sucessions collecteraulx qui escheront apres le decés de nous ledit duc, avec noz autres seurs ou leurs enfans ;Item et que le survivant de nous lesdiz Xxxxxxx xx Xxxxxxx et de xxxxxxx Xxxxx, nostre compaigne ad venir, aura la moitié des meubles et des acquestz, immeubles communs entre nous, et l’autre moitié sera et appartiendra a l’eritier ou heritier du trespasser, selon la coustume de France ;Item est traictié et accordé entre nous lesdites parties, en la qualité que dessus, que se nous, ledit Xxxxxxx, alons de vie a trespassement avant que ladite damoiselle Agnez, icelle damoiselle sera douhee pour joïr sa vie durant des villes, chastel et chastellenies de Sovigny et de La Chauciere en Bourbonnois, et de six mille livres tournois de rante revenans chacun an, dont assiete lui sera fete au plus prés desdiz chastel, ville et chastellenies de Sovigny et de La Chauciere, yceulx chastel et ville non compris en assiete de terre ;Item que des maintenant nous, ledit Xxxxxxx, porterons le nom d’estre conte de Clermont ;Item est encore traictié et accordé entre nous lesdites parties, es noms et qualitez que dessus, que mondit seigneur le xxx xx Xxxxxxxxxxx et nous, Xxxxx xx Xxxxx, duchesse xxxxx Xxxx- xxxxxxx, xxxx et mere dudit Xxxxxxx, seront tenuz de tenir et maintenir audit Xxxxxxx et a laditte xxxxxxxxxx Xxxxx, mariez ad venir, apres le mariaige consommé, leur estat honorablement selon les lieux dont ilz sont yssus, ou au moins baillerons a icellui Xxxxxxx de noz terres et seignories a part souffisente pour ce faire ;Item est tractié et accordé que nous, Xxxxxxxx, duc de Xxxxxxxxxxx, serons tenus de acquicter ladite damoiselle Agnez nostre seur de tous autres debtez et ypotheque en quoy elle peut estre tennue ou lyee a present ;Item promectons nous, lesdits duchesse de Xxxxxxxxxx et Xxxxxxx son filz, de l’auctorité que dessus, ratiffier et faire ratiffier ce present contracte a ladite damoiselle Agnez de Bourgoigne tantost après la consommacion dudit mariaige ;Promectons nous, parties dessusdites, et une chacune de nous, es nons et qualitez que dessus, par les foy et sermens de noz corps et par noz sermens pour ce donnez corporelment aux Sains Xxxx- xxxxxx xx Xxxx, et soubz l’obligacion de tous noz biens meubles et non meubles(d), presens et ad venir quelxconques, les traictiez, accors, promesses et convenances dessus declarés, et une chascune d’icelle, par tant que a un chacun de nous touche et peut appartenir, avoir, tenir, garder, observer, enteriner et accomplir fermes, estables et agreables, sanz corrompre, selon leur forme et teneur, et contre les chouses dessusdites ou la teneur de ces presentes lettres non jamais venir, ne faire ou consentir a venir par nous ou aucuns de nous, ne par autres en jugement ou dehors, taisiblement ou en appert, en renoncans quant a ce par nous, parties dessusdites, et une chascune de nous, de l’auctorité que dessus, par tant que a un chacun de nous touche, a toutes actions, exceptions, decep- cions, barres, deffenses, cauthelles, subterfuges, cavillacions et allegacions qui, tant de fait comme de droit canon, civil ou coustumier, contre la teneur de ces presentes lettres pourroient estre dites, proposees ou obviees en aucune maniere au contraire, et mesme-
ment au droit qui dit que generale renonciacion ne vault se l’especial ne precede ;Voulans, nous, lesdites parties es noms et qualitez que dessus, et une chacune de nous, par tant que a un chacun de nous touche, quant a l’observacion des chouses dessusdictes, estre contraings par la court, force et vigueur des seellez des duchié de Xxxxxxxxxxx et de Bour- bonnois, a la juridicion et contraincte desquelles cours nous et un chascun de nous, par tant que lui touche, avons soubzmis et obligié, soubzmectons et obligeons nous, nosdiz biens, noz hoirs et leurs biens, presens et ad venir quelxconques.En tesmoing desquelles chouses, nous avons fait mectre les seel desdites cours desdis duchiez de Bourgoingne et de Bourbonnois a ces presentes lettres et aux semblables doubles.Fetes et donnees en la presence de Xxxxx Xxxxxxxx, clerc notaire publique et juré du seelle dudit duchié de Xxxxxxxxxxx, et de Xxxxxxx Xxxxxxx, conseiller et secretaire de mondit seigneur le xxx xx Xxxxxxxxxxx et juré du seele dudit xxxxxx xx Xxxxxxxxxxx, de reverends xxxxx en Dieu xxxxxxxxxxx Xxxxxxxx xx Xxxxxxxx, arcevesque et duc xx Xxxxx, Xxxxxxx xx Xxxxxxxx, evesques et duc de Lengres, messeigneurs Xxxxxx, siegneur d’Xxxxxxx et xxxxxxxxxxx xx Xxxxxxxxxxx, Xxxxx, seigneur de Robois et de Garzelle, Xxxxxxxxx xx Xxxxxx, seigneur de Saint-Xxxxxx et de Saincte-Croix, Xxxxxx, seigneur de Suilly et de Tremoille, Gauthier de Rupes, Xxxxxxx xx Xxxxxxxxxxxx, seigneur de Commarien, Xxxxxxx Xxx, seigneur de la Prune, Xxxxxx xx Xxxx, Xxxxxxxx xx Xxxxx, Xxx xx Xxxxxxx, Xxxxx xx Xxxxxx, Xxxx des Xxxxxx, Xxxxxxxxx de la Xxxxxx, Xxxxxxxxx xxx Xxxxxx, chevaliers, Xxxxx xx Xxxxxxxx, Xxxxx Xxxxx, escuïers, maistre Xxxxxx xx Xxxxxxxxxx, Xxxxx Xxxxxxx, Xxxxxx Xxxxx, Xxxxx xx Xxxx et Xxxxxx Xxxxxx, tesmoings a ce appellez et requis, l’an et jour dessusdiz.
(a)a paier es lieux d’Ostun... l’an dessus dit oublié par le rédacteur de l’exemplaire A, qui renvoie à la fin du texte par le biais d’un symbole #, où il ajoute la ligne.
(b)Seigneurie présente dans la titulature de Xxxxxxxx xx Xxx lorsqu’il était comte de Charolais. La topo- nymie rappelle le fort Belin, construit au XIXe siècle dans les hauteurs de Salins-les-Bains (Jura).
(c)nostre seur répété.
(d)non meubles : mots agglutinés (nómeubles).
Édition : Xxxxxxx Xxxxxxxx et Xxxx-Xxxxxx Xxxxxx.
Ce document PDF a été compilé en juillet 2024 dans le cadre du programme de re- cherche public « Actes princiers au royaume de France (xive-xvie siècle) », porté par le Laboratoire de médiévistique occidentale de Paris (UMR 8589 CNRS-Université Paris 1 Panthéon-Sorbonne) sous la direction scientifique d’Xxxxxxx Xxxxxxxx, professeur des universités (Paris 1), et dont les partenaires sont le Laboratoire d’Excellence « Histoire et anthropologie des savoirs, des techniques et des croyances »(LabEx hastec), le Centre Xxxx Xxxxxxxx (EA 3634/ École nationale des chartes), le Centre de recherches historiques (UMR 8558/ CNRS-EHESS) et les Archives nationales de France. La transcription et l’appareil critique du présent acte sont mis à disposition sous Licence Ouverte V 2.0.
Pour plus d’information, consultez le site Actes princiers (xxxxxxxxxxxxxx.xxxx-xxx.xx).