Начин на проценување / мерење. Енергетските заштеди од топлинска енергија се одредуваат со пресметка или преку мерења пред и после спроведувањето на мерките со утврдена динамика во текот на целата година. Како мерни уреди кои најточно можат да ја измерат промената се мерачите за потрошена топлинска енергија и мерачите на нафта што би ја регистрирале реалната потрошувачка на секој од објектите. Понатаму може да се користат и дата логери кои имаат во себе вградено сензори преку кои во просториите се мерат температурните разлики, притисок и влажност, осветление итн, со што би се пресметувала потрошената енергија. Со анализа на снимените (претходно наведени) големини веднаш се идентификуваат заштедите на енергија во определениот временски период како и проблемите во работата на системот. Доколку се забележат одредени одстапувања причинети од човечки фактор или грешка во системот потребно е да се најдат причините и соодветно да се отстранат. Во случај добиените резултати да се како претпоставените или подобри, тогаш се донесува заклучок дека целта од примената на мерките за енергетска ефикасност е постигната. Единствено е битно да мерените податоци и евидентираните големини да бидат еднозначни односно пред и по имплементирање на мерките за ЕЕ да се мерат исти големини во исти единечни мерки.
