Contract

URUKIKO RW’UBUCURUZI RWA NYARUGENGE RUBURANISHIRIZA KU CYICARO CYARWO RWACIYE URUBANZA RW’UBUCURUZI KU RWEGO RWA MBERE RUFITE NOMERO RCom 0665/11/TC/Nyge KUWA 30/12/2011 KU BURYO BUKURIKIRA :

HABURANA:

UREGA:BK LTD, iburanirwa na Me Rwabuhihi Godefroid;

UREGWA: NYIRARUKUNDO Neema, mwene Kabaya na Nyiranzigamwa, utuye mu Mudugudu wa Bwiza, Akagali ka Nyamugali, Umurenge wa Gatsata, Akarere ka Gasabo, Umujyi wa Kigali;

IKIREGERWA: - Kwishyura umwenda w’amafaranga 4.929.555Frw;

-inyungu zikomoka ku mwenda = 316.471Frw zibariwe kuri 19.25%;

-Amafaranga y’ikurikiranarubanza: 10% y’umwenda aregwa;

-Igihembo cya Avoka: 500.000Frw; Amafaranga y’igarama : 4.000Frw;

2. IMITERERE Y’URUBANZA :

1.BK Ltd yagiranye amasezerano y’inguzanyo na NYIRARUKUNDO Neema bumvikana uko azishyura n’igihe agomba kurangiriza.

2.BK Ltd ivuga ko ayo masezerano bagiranye atayubahirije akaba ariyo mpamvu yatanze ikirego mu rukiko rw’ubucuruzi rwa Nyarugenge isaba ko rumuhatira kwishyura amafaranga y’umwenda asigayemo, agatanga inyungu zayo n‘indishyi.

3.NYIRARUKUNDO Xxxxx, mu mwanzuro we, avuga ko umwenda yahawe waje guhuzwa n’uw’umugabo we, MUTEBUTSI Benone, akaba nta cyo agomba kubazwa, kuko MUTEBUTSI Benone ariwe wamusimbuye mu nshingano ze yari afitanye na BK Ltd;

4.Muri uru rubanza urukiko rugiye gusuzuma:

-niba NYIRARUKUNDO Neema afite ububasha bwo kwishyuzwa umwenda yafashe hanyuma inshingano yari afite akazisimburwamo na MUTEBUTSI Benone,umugabo we;

2.ISESENGURA RY’IBIBAZO BIGIZE URUBANZA:

1.Ibijyanye no kwishyuzwa xxxxxxx Xxxxxxxxxxxx Neema yasimbuwemo na Mutebutsi Benone;

0.Xx Rwabuhihi Godefroid avuga ko kuwa 31/07/2006 BK Ltd yagiranye amasezerano y’inguzanyo na NYIRARUKUNDO Neema, yishingirwa na MUTEBUTSI Benone, bumvika uko azishyura n’igihe agomba kwishyuriramo, ariko ko atabyubahirije n’ubwo

yagiye yibutswa kenshi, asaba ko yahatirwa kwishyura, agatanga inyungu n’indishyi zinyuranye;

6.NYIRARUKUKO Neema, mu nyandiko yo kuwa 05/12/2011, yahaye umugabo we, MUTEBUTSI Bennone, uburenganzira bwo kumuhagararira muri uru rubanza, maze umunsi w’iburanisha ugeze asanga iburanisha ry’urubanza rigiye gusozwa, asaba urukiko kuzashingira ku myanzuro yarushyikirije;

7.Muri iyo myanzuro avuga ko inguzanyo yahawe umugore we NYIRARUKUNDO Neema yaje guhuzwa n’iyo yari afite, hakorwa amasezerano yandi mashya, akaba asanga ntacyo NYIRARUKUNDO Neema yagombye kubazwa, kuko iyo nguzanyo ariwe uyishyura ubu hakurikijwe ayo masezerano mashya, asaba ko NYIRARUKUNDO Neema yahabwa indishyi kubera gushorwa mu manza nta mpamvu ndetse no guharabikwa;

8Urukiko rusanga kuwa 26/07/2006 BK yarandikiye NYIRARUKUNDO Neema imumenyesha ko yemerewe inguzanyo ya 6.500.000Frw agomba kwishyura mu mezi 84 ahereye kuwa 30/09/2006 ku nyungu ya 9% ku mwaka, NYIRARUKUNDO Neema arabyemera;

9.Urukiko rusanga na none mu nyandiko yo kuwa 30/12/2009 BK yarandikiye MUTEBUTSI Bennone imumenyesha ko inguzanye ye ingana na 2.596.353Frw n’iyumugore we ingana na 4.030.224Frw, zihurijwe hamwe zigahinduka inguzanyo ye ingana na 6.626.577Frw, agomba kuzishyura mu mezi 60 ku nyungu ya 16%, ibi MUTEBUTSI Xxxxxxx abyemera kuwa 26/01/2010;

10.Urukiko rusanga ingingo ya 163 y’igitabo cya gatatu cy’urwunge rw’amategeko mbonezamubano mu byererekeye imirimo nshinganwa cyangwa amasezerano nk‘uko cyashyizweho n’ itegeko ryo kuwa 30/07/1888 iteganya ko“ Ihindurwa ry'imyenda rikorwa mu buro butatu:

1.Iyo ugomba kwishyura ahawe n’uwo agomba kwishyura undi mwenda usimbura uwa mbere, uyu wa mbere ukaba uzimye;

2.Iyo ugomba kwishyura mushya asimbuye uwa mbere uba atakishyujwe;

3.Iyo, biturutse ku nshingano nshya, habonetse undi ugomba kwishyurwa usimbura uwambere, uyu akaba atakishyuje uwari umubereyemo umwenda;

11.Urukiko rusanga ingingo ya 166 y’igitabo cya gatatu cy’urwunge rw’amategeko mbonezamubano mu byererekeye imirimo nshinganwa cyangwa amasezerano kimaze kuvugwa iteganya ko ihindurwa ry'umwenda ritewe n’uko ugomba kwishyura asimbujwe undi mushya rishobora gukorwa ugomba kwishyura wa mbere atabigizemo uruhare, naho iya 168 y’icyo gitabo iteganya ko ugomba kwishyurwa wavarutse n’uwari amubereyemo umwenda kubera ko yerekanye ugomba kwishyura ntaba agifite uburenganzira bwo gukurikirana uwo wari amubereyemo umwenda, mu gihe uwerekanywe ugomba kwishyura atagishoboye kwishyura, keretse iyo inyandiko yabiseguriye ku buryo bweruye, cyangwa uwo ugomba kwishyura werekanwe akaba yari mu gihombo kigaragara cyangwa akaba ataragishoboye kwishyura imyenda ye mu gihe

yerekanwaga.

12.Urukiko rusanga xxxx XX yaremeye ko umwenda wa NYIRARUKUNDO Neema uhuzwa n’uwa MUTEBUTSI Bennone , uyu nawe akabyemera, bagakorana amasezerano mashya umwenda wose ugahinduka uwa MUTEBUTSI Bennone, bigaragara ko habaye ihindurwa ry’umwenda, bityo nta masezerano akiri hagati ya BK na NYIRARUKUNDO Xxxxx xx byerekeranye n’uwo mwenda ku buryo uramutse utishyuwe ariwe waregwa kuko ntaho agihuriye nawo, akaba nta cyo yakwishyuzwa;

13.Ingngo ya 2 n°18/2004 ryo kuwa 20/06/2004 ryerekeye imiburanishirize y’imanza z’imbonezamubano, iz’ubucuruzi, iz’umurimo n‘iz’ubutegetsi nk‘uko ryahinduwe kandi ryujujwe kugeza ubu iteganya ko ikirego nticyemerwa mu rukiko iyo urega adafite ububasha, inyungu n’ubushobozi bwo kurega;

14.Urukiko rusanga n’ubwo iyi ingingo ivuga ububasha, inyungu n‘ubushobozi by’urega, uregwa nawe aramutse atishimiye imikirize y’urubanza ruba rwaciwe aregwa ahinduka urega iyo ajuriye, muri icyo gihe hagasuzumwa ububasha, inyungu n’ubushobozi aba afite byo kurega mu bujurire, ikirego cye kikaba kitakwakirwa urukiko rusanze atabifite, ikaba ariyo mpamvu ububasha, inyungu n’ubushobozi bigomba kurebwa ku xxxxxxxxx xxxx, nk’uko n’abahanga mu mategeko babyemeza“La qualité pour agir appelle trois observations complémentaires:en premier lieu comme le délais, la qualité doit être envisagée aussi bien du côté du demandeur que du deféndeur(ou le cas échéant du tier intervenant)...l’abscence de qualité du défendeur peut entraîner l’irrecevabilité de l’action aussi bien que l’absence de qualité du demandeur“ Xxxx XXXXX et Xxxxxxxx XXXXXXX, Droit International Privé, 5ème éd.p. 225-226, Litec, Paris,2006.

15.Urukiko rusanga rero nk‘uko bimaze kugaragazwa haruguru, ububasha bw’ababuranyi burebwa ku mpande zose, bityo NYIRARUKUNDO Xxxxx xxxxx adafite ububasha bwo kuregwa muri uru rubanza kubera ko ntaho ahuriye n’amasezerano ari hagati ya BK na MUTEBUTSI Bennone;

3. ICYEMEZO CY’URUKIKO:

16.Rwemeje kutakira ikirego cyatanzwe na BK Ltd ;

17.Rwemeje ko nta masezerano akiri hagati ya NYIRARUKUNDO Neema na BK Ltd; 18.Rwemeje ko NYIRARUKUNDO Neema nta bubasha afite bwo kuregwa uru rubanza;

19.Rutegetse BK Ltd gutanga amagarama y’urubanza 4.400Frw ahereye ku ngwte y‘igarama yatanze arega;

XXXX XXXXXXXXX NONE KUWA 30/12/2011.

UMUCAMANZA: UMWANDITSI: NABUZURU RUSHINGANA Xxxxxx XXXXXXXX Xxxxxxx

Sé Sé